Category: Madras University

1924-ൽ പ്രസിദ്ധീകരിച്ച, ഇ.വി രാമൻ നമ്പൂതിരി രചിച്ച ‘വൈരാഗ്യവൈദ്യുതി’ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1897-1957 കാലഘട്ടത്തിൽ ജീവിച്ചിരുന്ന പ്രമുഖ കവി, നിരൂപകൻ, പരിഭാഷകൻ, ബഹുഭാഷാ പണ്ഡിതൻ എന്നീ നിലകളിൽ പ്രസിദ്ധനായിരുന്ന വ്യക്തിയാണ് ഇ.വി. രാമൻ നമ്പൂതിരി. ഹൈന്ദവ ദർശനങ്ങളിലും സംസ്കൃത സാഹിത്യത്തിലുമുള്ള തൻ്റെ അഗാധമായ പാണ്ഡിത്യം ഈ പുസ്തകത്തിൽ അദ്ദേഹം പ്രകടമാക്കുന്നു. വിരക്തിയുടെ പ്രാധാന്യത്തെയും അത് ആത്മീയ ഉന്നതിക്ക് എങ്ങനെ സഹായിക്കുന്നു എന്നതിനെയും കുറിച്ച് ഇതിൽ പ്രതിപാദിക്കുന്നു.

ഇ.വി. രാമൻ നമ്പൂതിരിയുടെ ‘ശിവോൽക്കർഷമഞ്ജരി’ എന്ന കൃതിക്കൊപ്പം തന്നെ പരാമർശിക്കപ്പെടുന്ന ഒന്നാണ് ‘വൈരാഗ്യവൈദ്യുതി’.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: വൈരാഗ്യവൈദ്യുതി
• പ്രസിദ്ധീകരണ വർഷം: 1924
• അച്ചടി: ലക്ഷ്മിസഹായാ പ്രസ്സ്, കോട്ടക്കൽ
• താളുകളുടെ എണ്ണം: 42
• സ്കാൻ ലഭ്യമായ ഇടം: കണ്ണി

 

 

 

1927-ൽ പ്രസിദ്ധീകരിച്ച, ഭീഷ്മോപദേശം (കർമ്മ വിപാകം) എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1927 -ൽ കൊളത്തേരി ശങ്കരമേനോൻ എഡിറ്റ് ചെയ്ത് പ്രസിദ്ദീകരിച്ച ശ്രീ മൂലം മലയാളം സീരീസിലെ ഒരു പ്രധാന ഗ്രന്ഥമാണ് ‘ഭീഷ്മോപദേശം ഹംസപ്പാട്ട്’. ‘കർമ്മ വിപാക’മെന്നുകൂടി പേരുള്ള ഭീഷ്മോപദേശം ഹംസപ്പാട്ടിൻ്റെ താളിയോലയിൽ എഴുതിയ രണ്ട് ആദർശഗ്രന്ഥങ്ങൾ കൊല്ലം പരവൂർ എടത്തറയ്ക്കൽ ശ്രീമാൻ രാമനാശാൻ ഗ്രന്ഥപുരയിൽ നിന്ന് അപ്പൂർണ്ണ നിലയിലാണ് അദ്ദേഹത്തിനു ലഭിക്കുന്നത്. അനവധി പരിശ്രമത്തിനൊടുവിലാണ് ഈ പുസ്തകം സമ്പൂർണ്ണ നിലയിൽ ചിട്ടപ്പെടുത്തിയതെന്ന് കൊളത്തേരി ശങ്കരമേനോൻ ഈ പുസ്തകത്തിൽ പ്രതിപാദിക്കുന്നു. ഇവിടെ കർമ്മ വിപാകം എന്നത് മുൻ ജന്മങ്ങളിലോ ഈ ജന്മത്തിലോ ചെയ്ത കർമ്മങ്ങളുടെ ഫലം അനുഭവിക്കുന്നതിനെ സൂചിപ്പിക്കുന്നു.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഭീഷ്മോപദേശം
• പ്രസിദ്ധീകരണ വർഷം: 1927
• അച്ചടി: The Superintendent, Government Press
• താളുകളുടെ എണ്ണം: 110
• സ്കാൻ ലഭ്യമായ ഇടം: കണ്ണി

 

1925-ൽ പ്രസിദ്ധീകരിച്ച, ഇന്ത്യയിലെ മഹതികൾ – ഒന്നാം ഭാഗം  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഭാരതീയ ചരിത്രത്തിലും പുരാണങ്ങളിലും സാഹിത്യത്തിലും വ്യക്തിമുദ്ര പതിപ്പിച്ച സ്ത്രീരത്നങ്ങളെ പരിചയപ്പെടുത്തുന്ന ഒരു പ്രധാനകൃതിയാണ് ‘ഇന്ത്യയിലെ മഹതികൾ‘. വിവിധ കാലഘട്ടങ്ങളിൽ ജീവിച്ചിരുന്ന സ്ത്രീകളുടെ ജീവിതകഥകളാണ് പ്രതിപാദ്യവിഷയം. ഭാരതീയ സംസ്ക്കാരത്തിൽ സ്ത്രീകൾക്ക് ഉണ്ടായിരുന്ന സ്ഥാനത്തെയും അവരുടെ ധീരതയെയും കുറിച്ച് ഈ പുസ്തകം വ്യക്തമാക്കുന്നു.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഇന്ത്യയിലെ മഹതികൾ – ഒന്നാം ഭാഗം
• പ്രസിദ്ധീകരണ വർഷം: 1925
• അച്ചടി: മംഗളോദയം അച്ചുകൂടം, ത്രിശ്ശിവപേരൂർ, ഭാരതവിലാസം പ്രസ്സ്, തൃശ്ശൂർ
• താളുകളുടെ എണ്ണം: 174
• സ്കാൻ ലഭ്യമായ ഇടം: കണ്ണി

1926-ൽ പ്രസിദ്ധീകരിച്ച, ബങ്കിം ചന്ദ്രചാറ്റർജി എഴുതിയ ദേവിചൗധുറാണി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

 

ബങ്കിം ചന്ദ്രചാറ്റർജി 1884-ൽ പ്രസിദ്ധീകരിച്ച പ്രശസ്തമായ ബംഗാളി നോവലാണ് ‘ദേവിചൗധുറാണി‘. ബ്രിട്ടീഷ് വിരുദ്ധ പോരാട്ടത്തിൻ്റെയും സ്ത്രീശക്തിയുടെയും പശ്ചാത്തലത്തിൽ രചിക്കപ്പെട്ട ഈ കൃതി ഇന്ത്യൻ സ്വാതന്ത്രസമര ചരിത്രത്തിലും സാഹിത്യത്തിലും വലിയ സ്വാധീനം ചെലുത്തിയിട്ടുണ്ട്.

സാധാരണക്കാരിയായ പ്രഫുല്ല എന്ന പെൺകുട്ടി സാഹചര്യങ്ങൾ കൊണ്ട് ഒരു കൊള്ളക്കാരിയായി മാറുന്നതും, പിന്നീട് അടിച്ചമർത്തപ്പെട്ടവരുടെ കാവലാളായ ‘ദേവിചൗധുറാണി’യായി ഉയരുന്നതുമാണ് നോവലിൻ്റെ പ്രമേയം. ടി.പി. ശ്രീനിവാസശാസ്ത്രിയാണ് ഇത് മലയാളത്തിലേക്ക് വിവർത്തനം ചെയ്തത്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ദേവിചൗധുറാണി
• പ്രസിദ്ധീകരണ വർഷം: 1926
• അച്ചടി: കമലാലയ അച്ചുക്കൂടം, തിരുവനന്തപുരം
• താളുകളുടെ എണ്ണം: 252
• സ്കാൻ ലഭ്യമായ ഇടം: കണ്ണി

 

1925-ൽ പ്രസിദ്ധീകരിച്ച, ബങ്കിം ചന്ദ്രചാറ്റർജി എഴുതിയ ഹിരണ്മയി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പ്രസിദ്ധ ബംഗാളി നോവൽ ഗ്രന്ഥകാരനായ ബങ്കിം ചന്ദ്ര ചാറ്റർജി എഴുതിയ ‘ഹിരണ്മയി‘ എന്ന ഖണ്ഡകഥയുടെ ഒരു മലയാളപരിഭാഷയാണ് ഈ പുസ്തകം. ബംഗാളിയിൽ ഈ കഥ വളരെ പ്രചാരത്തിലിരിക്കുന്ന ഒന്നാണ്.

മൂലഗ്രന്ഥകാരൻ്റെ ആശയങ്ങൾക്ക് വൈരൂപ്യം വരുത്താതെ ലളിതമായ മലയാളത്തിൽ ഏവർക്കും എളുപ്പത്തിൽ ഗ്രഹിക്കത്തക്ക രീതിയിൽ എഴുതപ്പെട്ടതാണ് ഈ പുസ്തകം.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഹിരണ്മയി
• പ്രസിദ്ധീകരണ വർഷം:1925
• അച്ചടി:The Yogakshemam Co., LTD, Mangalodaym Press, Trichur
• താളുകളുടെ എണ്ണം: 70
• സ്കാൻ ലഭ്യമായ ഇടം: കണ്ണി

 

 

 

1926-ൽ പ്രസിദ്ധീകരിച്ച, നടുവത്ത് മഹൻ നമ്പൂതിരി എഴുതിയ കാവ്യശകലങ്ങൾ  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

നടുവത്ത് മഹൻ നമ്പൂതിരി (1868-1944) മലയാളത്തിലെ ആധുനിക കവിതയുടെ തുടക്കകാലത്ത് പച്ചമലയാള പ്രസ്ഥാനത്തോടൊപ്പം നിന്ന പ്രമുഖനായ ഒരു കവിയും, കൊടുങ്ങല്ലൂർ കളരിയിലെ അംഗവുമായിരുന്നു. നടുവത്ത് അച്ഛ്ൻ നമ്പൂതിരിയും മഹൻ നമ്പൂതിരിയും ചേർന്ന് “നടുവം കവികൾ” എന്നറിയപ്പെടുന്നു. വിവിധ കാവ്യശകലങ്ങളും ഭക്തിപരമായ കൃതികളും അദ്ദേഹം രചിച്ചിട്ടുണ്ട്. മഹൻ നമ്പൂതിരിയുടെ പത്ത് ക്രിതികളാണ് പ്രസിദ്ദീകരിച്ചിട്ടുള്ളത്. സാരോപദേശശതകം, ഘോശയാത്ര, അംബാസ്തവം, ഗുരുവായൂരപ്പനും പിഷാരിക്കലമ്മയും, സ്തവമഞ്ജരി, കാവ്യശകലങ്ങൾ, സന്താനഗോപാലം, മഹാത്മാഗാന്ധിയുടെ ആശ്രമപ്രവേശം, ഭക്തിലഹരി, മഹാത്മാഗാന്ധി.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കാവ്യശകലങ്ങൾ
• രചന: നടുവത്ത് മഹൻ നമ്പൂതിരി 
• പ്രസിദ്ധീകരണ വർഷം: 1926
• അച്ചടി: യോഗക്ഷേമം കമ്പനി ക്ലിപ്തം വക മംഗളോദയം പ്രസ്സ്, തൃശ്ശിവപ്പേരൂർ
• താളുകളുടെ എണ്ണം: 118
• സ്കാൻ ലഭ്യമായ ഇടം: കണ്ണി

1926-ൽ പ്രസിദ്ധീകരിച്ച, കുമാരസംഭവം ഒന്നും രണ്ടും ഭാഗങ്ങളുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മഹാകവി കാളിദാസൻ രചിച്ച പ്രശസ്തമായ സംസ്കൃത മഹാകാവ്യമാണ് കുമാരസംഭവം. ശിവനും പാർവതിയും തമ്മിലുള്ള വിവാഹവും, അവരുടെ പുത്രനായ കുമാരൻ (കാർത്തികേയൻ) ജനിക്കുന്നതുമാണ് ഈ കാവ്യത്തിൻ്റെ മുഖ്യവിഷയം. എട്ട് സർഗ്ഗങ്ങളിലായാണ് കാളിദാസൻ ഈ കൃതി രചിച്ചിരിക്കുന്നത്.

കുണ്ടൂർ നാരായണ മേനോൻ വിവർത്തനം ചെയ്ത ഈ രണ്ടു ഭാഗങ്ങളിൽ ആദ്യത്തെ എട്ട് സർഗ്ഗങ്ങൾ ഒന്നാം ഭാഗമായും കാളിദാസൻ്റെതെന്നു തന്നെ കരുതി അച്ചടിച്ചിട്ടുള്ള ഒൻപത് മുതൽ പതിനേഴു വരെയുള്ള സർഗ്ഗങ്ങൾ രണ്ടാം ഭാഗമായുമാണ് പ്രസിദ്ധീകരിച്ചിരിക്കുന്നത്. ആദ്യത്തെ എട്ടു സർഗ്ഗങ്ങളെ പട്ടുനൂലായും ബാക്കി കൂട്ടിച്ചേർത്തവയെ വാഴനാരിനോടുമാണ് അവതാരിക എഴുതിയ ഉള്ളൂർ ഉപമിക്കുന്നത്. ശൃംഗാരവും ഭക്തിയും സമന്വയിപ്പിച്ച കാവ്യമായതിനാൽ കുമാരസംഭവത്തിന് സംസ്കൃത സാഹിത്യത്തിൽ ഏറെ പ്രാധാന്യമുണ്ട്. കാളിദാസന്റെ ശൈലിസൗന്ദര്യവും ഉപമകളുടെ സമൃദ്ധിയും ഈ കൃതിയെ സാഹിത്യരംഗത്ത് അമൂല്യമായ സൃഷ്ടിയായി ഉയർത്തുന്നു.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കുമാരസംഭവം – ഒന്നാം ഭാഗം
• പ്രസിദ്ധീകരണ വർഷം:1926
• അച്ചടി: വിദ്യാ വിനോദിനി പ്രസ്, തൃശ്ശൂർ
• താളുകളുടെ എണ്ണം: 156
• സ്കാൻ ലഭ്യമായ ഇടം: കണ്ണി

• പേര്: കുമാരസംഭവം – രണ്ടാം ഭാഗം
• പ്രസിദ്ധീകരണ വർഷം:1926
• അച്ചടി: വിദ്യാ വിനോദിനി പ്രസ്, തൃശ്ശൂർ
• താളുകളുടെ എണ്ണം: 112
• സ്കാൻ ലഭ്യമായ ഇടം: കണ്ണി

1925-ൽ പ്രസിദ്ധീകരിച്ച, ആർ. നാരായണപ്പണിക്കർ എഴുതിയ പ്രേമോൽക്കർഷം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ആർ. നാരായണപ്പണിക്കർ രചിച്ച ‘പ്രേമോൽക്കർഷം’ മലയാള സാഹിത്യത്തിലെ ശ്രദ്ധേയമായ ഒരു ഗദ്യകാവ്യമാണ്. അതീവ സുന്ദരവും കാവ്യാത്മകവുമായ ഭാഷയാണ് ഇതിൽ ഉപയോഗിച്ചിരിക്കുന്നത്. സംസ്കൃത പദങ്ങളുടെ സ്വാധീനമുണ്ടെങ്കിലും വായനക്കാർക്ക് ഹൃദ്യമായ രീതിയിലാണ് അവതരണം.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: പ്രേമോൽക്കർഷം
• രചന:  ആർ. നാരായണപ്പണിക്കർ
• പ്രസിദ്ധീകരണ വർഷം: 1925
• അച്ചടി: കമലാലയ പ്രസ്സ്, തിരുവനന്തപുരം
• താളുകളുടെ എണ്ണം: 60
• സ്കാൻ ലഭ്യമായ ഇടം: കണ്ണി

 

 

1928-ൽ പ്രസിദ്ധീകരിച്ച, രാമവർമ്മ അപ്പൻതമ്പുരാൻ എഴുതിയ പ്രസ്ഥാനപഞ്ചകം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പേരു സൂചിപ്പിക്കുന്നതു പോലെ തന്നെ അഞ്ചു പ്രസ്ഥാനങ്ങളിൽ നിന്നുള്ള കൃതികളാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്. പ്രഹസനപ്രമേയം (Problem play), പ്രകടപ്രസംഗം, (Elocution), ആദ്ധ്യാനകം, (Meditative), ഭക്തിഭാവനം(Devotional), കഥനാത്മകം(Narrative) എന്നിങ്ങനെ അഞ്ചു രീതിയിലുള്ള ഗദ്യപദ്യപ്രബന്ധങ്ങൾ ഇതിലുണ്ടു്. രാഷ്ട്രീയ-സാമൂഹിക വിഷയങ്ങളെ ഹാസ്യരസപ്രധാനമായി അവതരിപ്പിക്കുന്ന നാട്യപ്രബന്ധങ്ങളെയാണ് പ്രഹസനപ്രമേയം എന്ന് പറയുന്നത്. സ്വന്തം വാചാടോപം കൊണ്ട് എതിർപക്ഷത്തെ ശക്തമായും ആവേശത്തോടെയും ഖണ്ഡിച്ചുകൊണ്ട് വാദപ്രതിവാദം നടത്തുന്നതിനെയാണ് പ്രകടപ്രസംഗം എന്ന് പറയുന്നത്. പാർലമെൻ്റ് മെംബർമാർ, മതപ്രചാരവേല ചെയ്യുന്നവർ ചെയ്യുന്ന പ്രസംഗങ്ങൾ ഒക്കെയും ഈ വിഭാഗത്തിൽ പെടുന്നു. ആദ്ധ്യാനകം എന്നത്, ഈശ്വരധ്യാനത്തിലുള്ള ഒരാൾ ലോകതത്വങ്ങളെയും ആധ്യാത്മികവിഷയങ്ങളെയും കുറിച്ച് എഴുതുന്ന സാഹിത്യമാണ്. ഇത്തരത്തിലുള്ള കവിതകളെ ആധ്യാനകപദ്യങ്ങൾ (Meditative Poems) എന്ന് പറയുന്നു. കരുണയും ഭക്തിയും ഇഴചേർന്നു രചിക്കപ്പെടുന്ന സാഹിത്യവിഭാഗങ്ങളെയാണ് ഭക്തിഭാവനം എന്ന പ്രസ്ഥാനത്തിൽ പെടുത്തുന്നത്. ഇതിൻ്റെ സംസ്കരിച്ച രൂപമാണ് ഇംഗ്ലീഷ് സാഹിത്യത്തിലെ മിസ്റ്റിക് പോയട്രി. ഒരു പ്രത്യേക വിഷയത്തിൻ്റെ പ്രാധാന്യം വെളിപ്പെടുത്തുന്നതിനായി ‘അർത്ഥവാദരൂപ’ങ്ങളായ കഥകൾ സൃഷ്ടിച്ചു കഥാകഥനം നടത്തുന്ന പദ്യപ്രബന്ധങ്ങളെയാണ് കഥനാത്മകം എന്ന് പറയുന്നത്

അഞ്ചു വിഭാഗങ്ങളിലായി അഞ്ചു പ്രസ്ഥാനങ്ങളിൽ പെടുന്ന ഒന്നിലധികം കൃതികൾ കൊടുത്തിട്ടുണ്ട്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: പ്രസ്ഥാനപഞ്ചകം
• രചന:  രാമവർമ്മ അപ്പൻതമ്പുരാൻ
• പ്രസിദ്ധീകരണ വർഷം:1928
• അച്ചടി: മംഗളോദയം പ്രസ്സ്, തൃശ്ശിവപേരൂർ
• താളുകളുടെ എണ്ണം: 168
• സ്കാൻ ലഭ്യമായ ഇടം: കണ്ണി

1928-ൽ പ്രസിദ്ധീകരിച്ച,  ഒ.എം. ചെറിയാൻ പരിഭാഷപ്പെടുത്തിയ കാലൻ്റെ കൊലയറ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പ്രശസ്ത ഗ്രന്ഥകാരൻ, തിരുവിതാംകൂറിൽ അനേകം വിദ്യാലയങ്ങളുടെ സ്ഥാപനത്തിന് മാർഗ്ഗദർശി, റോയൽ ഇന്ത്യൻ ആർമി റിക്രൂട്ടിങ്ങ് ഓഫീസർ എന്നീ നിലകളിൽ പൊതുജീവിതത്തിൽ വ്യക്തിമുദ്ര പതിപ്പിച്ച പ്രതിഭാശാലിയായിരുന്നു റാവു സാഹിബ് ഒ.എം. ചെറിയാൻ. Temple of death എന്ന ഇംഗ്ലീഷ് കുറ്റാന്വേഷണനോവലിൻ്റെ പരിഭാഷയാണ് കാലൻ്റെ കൊലയറ എന്ന ഈ നോവൽ.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്:  കാലൻ്റെ കൊലയറ
• രചന: ഒ.എം. ചെറിയാൻ
• പ്രസിദ്ധീകരണ വർഷം: 1928
• താളുകളുടെ എണ്ണം: 156
• സ്കാൻ ലഭ്യമായ ഇടം: കണ്ണി