Author: Deepthi KP

1923- ൽ പ്രസിദ്ധീകരിച്ച “മാലതീമാല”എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മഹാകവി രവീന്ദ്രനാഥ ടാഗോറിൻ്റെ സഹോദരിയും അന്നത്തെ പ്രശസ്ത പണ്ഡിതയുമായിരുന്ന ശ്രീമതി സ്വർണ്ണകുമാരി ദേവി ഇംഗ്ലീഷിൽ രചിച്ച “The Fatal Garland” എന്ന നോവലിൻ്റെ മലയാള വിവർത്തനമാണ് ഈ ഗ്രന്ഥം. ‘മാലതീമാല‘ എന്ന പേരിൽ വി. ഉണ്ണികൃഷ്ണൻ നായരാണ് ഈ പുസ്തകം വിവർത്തനം ചെയ്തിരിക്കുന്നത്.

ചരിത്രസംബന്ധിയായ ചില സംഭവങ്ങളെ അടിസ്ഥാനമാക്കി അതിമനോഹരമായി ബന്ധിപ്പിച്ച ഈ കഥ മലയാളി വായനക്കാർക്ക് തീർച്ചയായും പ്രിയങ്കരമാകുമെന്ന ബോധ്യത്തോടെയാണ് വിവർത്തകൻ ഈ ദൗത്യം ഏറ്റെടുത്തത്. മൂലഗ്രന്ഥകർത്ത്രിയുടെ പൂർണ്ണ സമ്മതത്തോടെയാണ് പരിഭാഷ ആരംഭിച്ചതും പൂർത്തിയാക്കിയതും.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: മാലതീമാല
• പ്രസിദ്ധീകരണ വർഷം: 1923
• അച്ചടി:  കമലാലയ പ്രസ്സ്, തിരുവനന്തപുരം
• താളുകളുടെ എണ്ണം: 188
• സ്കാൻ ലഭ്യമായ ഇടം: കണ്ണി

1961 – ൽ പ്രസിദ്ധീകരിച്ച, ഏ. ബാലകൃഷ്ണപിള്ള രചിച്ച കേസരിയുടെ മുഖപ്രസംഗങ്ങൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പത്രപ്രവർത്തകനായ എ. ബാലകൃഷ്ണപിള്ളയ്ക്ക് ‘കേസരി’ എന്ന പേര് ലഭിച്ചത് അദ്ദേഹം പത്രാധിപരായിരുന്ന ‘കേസരി’ എന്ന പ്രശസ്തമായ പത്രത്തിന്റെ പേരിൽ നിന്നാണ്.  അദ്ദേഹത്തിൻ്റെ ‘കേസരിയുടെ മുഖപ്രസംഗങ്ങൾ’ എന്ന ഈ പുസ്തകത്തിൽ അദ്ദേഹത്തിന്റെ പോരാട്ടവീര്യത്തെയാണ് അടയാളപ്പെടുത്തുന്നത്. അന്നത്തെ ഭരണകൂടത്തിന്റെ അഴിമതിക്കെതിരെയും ദിവാൻ ഭരണത്തിന്റെ ഏകാധിപത്യത്തിനെതിരെയും ജനങ്ങൾക്ക് വേണ്ടി ശബ്ദമുയർത്തിയ ധീരമായ എഴുത്തുകളാണിവ. ‘കേസരിയുടെ മുഖപ്രസംഗങ്ങൾ’ അദ്ദേഹം ജീവിച്ചിരുന്ന 1930-കളിലെ സമകാലിക തിരുവിതാംകൂർ രാഷ്ട്രീയത്തെയും ആഗോള ചലനങ്ങളെയും തത്സമയം വിശകലനം ചെയ്ത ചരിത്രരേഖയാണ്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്:  കേസരിയുടെ മുഖപ്രസംഗങ്ങൾ
• രചന: ഏ. ബാലകൃഷ്ണപിള്ള
• പ്രസിദ്ധീകരണ വർഷം: 1961
• താളുകളുടെ എണ്ണം: 216
• അച്ചടി: India Press, Kottayam
• സ്കാൻ ലഭ്യമായ ഇടം: കണ്ണി

മലയാള മനോരമ പത്രത്തിൽ ഖണ്ഡശ: പ്രസിദ്ധപ്പെടുത്തിയിരുന്ന കനകം മൂലം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ധനത്തെപ്പറ്റിയുള്ള അത്യാഗ്രഹം മൂലമുണ്ടായ നാശങ്ങളെ വിവരിക്കുന്ന ഒരു നവീനകഥയാണിത്’. പണത്തോടുള്ള അമിതമായ ആർത്തി മനുഷ്യജീവിതത്തിലും കുടുംബങ്ങളിലും വരുത്തിവെക്കുന്ന തകർച്ചകളെയും ധാർമ്മിക അധപ്പതനത്തെയുമാണ് നോവൽ ചർച്ച ചെയ്യുന്നത്. ഈ നോവലിലെ പ്രധാന കഥാപാത്രങ്ങളുടെ പേരുകൾ കമലാഭായി, രഞ്ജിത് സിംഗ് എന്നിവയാണ്. ഈ നോവൽ പുസ്തകരൂപത്തിൽ പുറത്തിറങ്ങുന്നതിന് മുൻപ് മലയാള മനോരമ പത്രത്തിൽ ഖണ്ഡശ: (തുടർക്കഥയായി) ഭാഗം ഭാഗമായി പ്രസിദ്ധീകരിച്ചിരിക്കുന്നതാണ്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്:  കനകം മൂലം
• താളുകളുടെ എണ്ണം: 72
• അച്ചടി:  മലയാള മനോരമ പ്രസ്സ്, കോട്ടയം
• സ്കാൻ ലഭ്യമായ ഇടം: കണ്ണി

1955 – ൽ പ്രസിദ്ധീകരിച്ച, വള്ളത്തോൾ നാരായണമേനോൻ രചിച്ച ബധിരവിലാപം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

തനിക്കുണ്ടായ പെട്ടെന്നുള്ള ബധിരതയിൽ മനംനൊന്ത് അദ്ദേഹം രചിച്ച ആത്മകഥാപരമായ വിലാപകാവ്യമാണിത്. പ്രതിഭയുടെ ഉച്ചസ്ഥായിയിൽ നിൽക്കുമ്പോൾ സംഭവിച്ച ഈ ദൗർഭാഗ്യം അദ്ദേഹത്തെ കടുത്ത മാനസികവിഷമത്തിലാക്കി. ബാഹ്യലോകത്തിൻ്റെ ശബ്ദങ്ങൾ തനിക്ക് നഷ്ടപ്പെട്ടെങ്കിലും , പ്രകൃതിയുടെ ദൃശ്യഭംഗിയിലൂടെയും, ആന്തരിക ശബ്ദത്തിലൂടെയും കവി ആശ്വാസം കണ്ടെത്താൻ ശ്രമിക്കുന്നത് ഇതിൽ കാണാം. തൻ്റെ വൈകല്യത്തെ ദൈവഹിതമായി കണ്ട് അതിനു മുന്നിൽ കീഴടങ്ങുന്ന ഒരു ഭക്തൻ്റെ മനസ്സ് കാവ്യത്തിൻ്റെ ഒടുവിൽ പ്രകടമാകുന്നുണ്ട്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ബധിരവിലാപം
• രചന: വള്ളത്തോൾ നാരായണമേനോൻ
• പ്രസിദ്ധീകരണ വർഷം: 1955
• താളുകളുടെ എണ്ണം: 24
• അച്ചടി: Mangalodayam Press, Trichur
• സ്കാൻ ലഭ്യമായ ഇടം: കണ്ണി

1952 -ൽ പ്രസിദ്ധീകരിച്ച, കെ. കെ. രാജാ രചിച്ച ഉതിർമണികൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. 

മഹാകവി കെ. കെ. രാജാ 1952-ൽ പ്രസിദ്ധീകരിച്ച വളരെ ശ്രദ്ധേയമായ ഒരു ഗ്രന്ഥമാണ് ‘ഉതിർമണികൾ’. മലയാളത്തിലെ ക്ലാസിക് സാഹിത്യം, കവികൾ, കാവ്യശൈലി, ദൃശ്യകലകൾ എന്നിവയെക്കുറിച്ചുള്ള പത്ത് പ്രധാന പഠനലേഖനങ്ങളാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്. വള്ളത്തോൾ കവിത, ആട്ടക്കഥ, ഫലിതം, വി. സി. യും ‘ഒരു വിലാപ’വും, രീതി, മണിപ്രവാളവും ചന്ദ്രോത്സവവും, പൂരം, ഉണ്ണായിയും നളചരിതവും, കുഞ്ഞിക്കുട്ടൻതമ്പുരാൻ, നാരദനും വീണയും എന്നിങ്ങനെയുള്ള പത്ത് ലേഖനങ്ങളാണ് ഇതിൽ ഉൾപ്പെടുത്തിയിരിക്കുന്നത്. മലയാളത്തിലെ ക്ലാസിക്ക് സാഹിത്യത്തെയും പ്രമുഖ കവികളെയും അടുത്തറിയാൻ സഹായിക്കുന്ന വളരെ മൂല്യവത്തായ ലേഖനങ്ങളാണ് ഇതിൻ്റെ ഉള്ളടക്കം.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്:  ഉതിർമണികൾ
• രചയിതാവ്: കെ.കെ. രാജാ
• താളുകളുടെ എണ്ണം: 140
• അച്ചടി: മംഗളോദയം പ്രസ്സ്, തൃശ്ശിവപേരൂർ
• സ്കാൻ ലഭ്യമായ ഇടം: കണ്ണി

1953-ൽ പ്രസിദ്ധീകരിച്ച, ശുപ്പമ്മാൻ രചിച്ച കേദാരമാഹാത്മ്യം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ഈ കവിത, ശിവപ്രീതിക്കായി അനുഷ്ഠിക്കുന്ന ‘അഷ്ടമി’ വ്രതമായ ‘കേദാര’വ്രതത്തിൻ്റെ പ്രധാന്യത്തെയും ഫലസിദ്ധിയെയും കുറിച്ചുള്ളതാണ്. ശൈവ ആരാധനാ സമ്പ്രദായവുമായി ബന്ധപ്പെട്ട വിഷയത്തിൽ ഇതൊരു പ്രധാന സംഭാവനയാണ്. ഇരുപത്തിയൊന്ന് ദിവസം അതീവ നിഷ്ഠയോടെ ഈ വ്രതം അനുഷ്ഠിച്ചതിന് ശേഷമാണ് പാർവ്വതിക്ക് പോലും ശിവൻ്റെ ‘അർദ്ധശരീരം’ (അർദ്ധനാരീശ്വര രൂപം) എന്ന സവിശേഷമായ സമ്മാനം നേടാനായത്.​ ഈ വ്രതത്തിന്റെ രഹസ്യങ്ങളും വിശദാംശങ്ങളും ഗൗതമ മഹർഷിയാണ് ആദ്യമായി പാർവ്വതിക്ക് ഉപദേശിച്ചു കൊടുത്തത്. നന്ദികേശ്വരൻ ഇത് ദേവനർത്തകനായ ചിത്രാംഗദനെ പഠിപ്പിച്ചു. അദ്ദേഹം അത് ഉജ്ജയിനിയിലെ രാജാവിനോട് വിശദീകരിക്കുകയും ചെയ്തു. തുടർന്ന്, ഉജ്ജയിനിയിലെ ഒരു വൈശ്യന്റെ രണ്ട് പുത്രിമാർ ഈ വ്രതം അനുഷ്ഠിച്ചതിന്റെ കഥയാണ് കവിത വിവരിക്കുന്നത്.

കേരളത്തിന്റെ മഹാനായ ഭക്തകവി എഴുത്തച്ഛൻ ജനപ്രിയമാക്കിയ കിളിപ്പാട്ട് ശൈലിയിലാണ് ഈ കൃതി രചിക്കപ്പെട്ടിരിക്കുന്നത്. എഴുത്തച്ഛന്റെ പാരമ്പര്യങ്ങളെ അങ്ങേയറ്റം ഭക്തിയോടെ പിന്തുടർന്ന ചിറ്റൂർ കവിതാ ശാഖയിൽപ്പെട്ടയാളാണ് ഇതിന്റെ കർത്താവായ ശുപ്പമ്മാൻ.ഈ കൃതിയുടെ കൈയെഴുത്തുപ്രതി കണ്ടെടുത്തത് മദ്രാസ് യൂണിവേഴ്സിറ്റി മലയാളം ഡിപ്പാർട്ട്‌മെന്റിലെ ജൂനിയർ ലക്ചററായിരുന്ന (റിട്ട.) ശ്രീമാൻ പി. കൃഷ്ണൻ നായർ (ശിരോമണി) ആണ്. മലയാളത്തിലെ കിളിപ്പാട്ട് സാഹിത്യത്തിന് ലഭിച്ച വിലയേറിയ ഒരു കൂട്ടിച്ചേർക്കലാണ് ‘കേദാരമാഹാത്മ്യം’.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കേദാരമാഹാത്മ്യം
• രചന: ശുപ്പമ്മാൻ
• പ്രസിദ്ധീകരണ വർഷം: 1953
• താളുകളുടെ എണ്ണം: 64
• അച്ചടി: Janatha Press, Madras
• സ്കാൻ ലഭ്യമായ ഇടം: കണ്ണി

​

​