1953-ൽ ഗുരുവായൂർ ദേവസ്വം പ്രസിദ്ധീകരിച്ച, ആദ്ധ്യാത്മികജീവിതം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1953 – ആദ്ധ്യാത്മികജീവിതം
ഗുരുവായൂർ ദേവസ്വത്തിൻ്റെ ആഭിമുഖ്യത്തിൽ 1952 മേയ് മാസത്തിൽ നടത്തിയ നാലാം അഖിലകേരള ഹിന്ദുമതസംസ്കാര സമ്മേളനത്തിൻ്റെ പ്രഥമ യോഗത്തിൻ്റെ പ്രസംഗങ്ങളാണ് ഈ കൃതിയിൽ സമാഹരിച്ചിട്ടുള്ളത്.
1945-ൽ പ്രസിദ്ധീകരിച്ച, വള്ളത്തോൾ നാരായണമേനോൻ എഴുതിയ സാഹിത്യമഞ്ജരി ഏഴാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1945 – സാഹിത്യമഞ്ജരി ഏഴാം ഭാഗം – വള്ളത്തോൾ
സാഹിത്യമഞ്ജരി വള്ളത്തോൾ എഴുതിയ നിരവധി കവിതകളുടെ സമാഹാരമാണ്. ഇത് പല ഭാഗങ്ങളായി പ്രസിദ്ധീകരിച്ചിട്ടുണ്ട് (Part 1, Part 2 … Part 7 മുതലായവ). മലയാള സാഹിത്യത്തിലെ പ്രധാന കവിതാസമാഹാരങ്ങളിൽ ഒന്നായി ഇതിനെ കണക്കാക്കുന്നു.
താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാനിൽ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം
1936-ൽ പ്രസിദ്ധീകരിച്ച, എം.എൻ. മണവാളർ എഴുതിയ അങ്കഗണിതം ഏഴാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1936 – അങ്കഗണിതം ഏഴാം ഭാഗം – എം.എൻ. മണവാളർ
ലോവർ സെക്കൻ്ററി വിദ്യാർത്ഥികൾക്കായുള്ള പാഠപുസ്തകമായിട്ട് പ്രസിദ്ധീകരിച്ചിട്ടുള്ളതാണ് ഈ പുസ്തകം.
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാനിൽ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം
1951-ൽ പ്രസിദ്ധീകരിച്ച, പി. ആനന്ദവല്ലി എഴുതിയ ബാലരാമായണം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
രാമായണകഥ, കുട്ടികൾക്കും വിദ്യാർത്ഥികൾക്കും എളുപ്പത്തിൽ മനസ്സിലാക്കാൻ കഴിയുന്ന രീതിയിൽ അവതരിപ്പിച്ചിരിക്കുകയാണ് ഈ പുസ്തകത്തിൽ. പുരാണകഥയിലെ പ്രധാന സംഭവങ്ങളെക്കുറിച്ചും കഥാപാത്രങ്ങളെക്കുറിച്ചും ലളിതമായ ഭാഷയിൽ പതിനാല് അധ്യായങ്ങളിലൂടെ വിവരിക്കുന്നു. രാമൻ്റെ ജനനം, സീതാസ്വയംവരം, വനവാസം, സീതാപഹരണം, ഹനുമാൻ്റെ ലങ്കായാത്ര, രാവണവധം, രാമപട്ടാഭിഷേകം തുടങ്ങി രാമായണത്തിലെ പ്രധാന സംഭവങ്ങൾ സംക്ഷിപ്തമായും ലളിതമായും അവതരിപ്പിച്ചിരിക്കുന്നു
1954 – ൽ പ്രസിദ്ധീകരിച്ച, സി. നാരായണൻ രചിച്ച സാമ്പത്തികാസൂത്രണം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1954 – സാമ്പത്തികാസൂത്രണം – സി. നാരായണൻ
സാമ്പത്തിക ആസൂത്രണത്തിൻ്റെ പ്രാധാന്യം വിശദമാക്കുന്ന ഗ്രന്ഥമാണിത്. സാമ്പത്തിക ആസൂത്രണം കൊണ്ടുള്ള ഗുണങ്ങളും സാമാന്യ തത്വങ്ങളും ഇതിൽ വ്യക്തമാക്കുന്നു. ഇന്ത്യയിലെ സാമ്പത്തിക ആസൂത്രണത്തിൻ്റെ പ്രസക്തി വിശദമാക്കുന്നതോടൊപ്പം ഇന്ത്യൻ സാമ്പത്തിക ആസൂത്രണത്തിൻ്റെ ചരിത്രവും ഈ പുസ്തകത്തിൽ അവതരിപ്പിക്കുന്നു. വിവിധ രാജ്യങ്ങളിൽ നടപ്പിലാക്കിയിട്ടുള്ള സാമ്പത്തിക ആസൂത്രണ ശ്രമങ്ങളുടെ വിശദാംശങ്ങളും ഈ പുസ്തകത്തിൽ കുറിച്ചിരിക്കുന്നു.
1961 – ൽ പ്രസിദ്ധീകരിച്ച, പി.ജെ. തോമസ് രചിച്ച മലയാള സാഹിത്യവും ക്രിസ്ത്യാനികളും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1961 – മലയാള സാഹിത്യവും ക്രിസ്ത്യാനികളും – പി.ജെ. തോമസ്
മലയാളത്തിൻ്റെ അച്ചടി ചരിത്രവും ക്രൈസ്തവ സാഹിത്യത്തിൻ്റെ സ്വാധീനവും ആദ്യമായി ശാസ്ത്രീയമായി ഡോക്യുമെൻ്റ് ചെയ്ത പി.ജെ. തോമസിൻ്റെ മലയാള സാഹിത്യവും ക്രിസ്ത്യാനികളും എന്ന പുസ്തകത്തിൻ്റെ രണ്ടാം പതിപ്പിൻ്റെ സ്കാൻ ആണ് ഈ പോസ്റ്റിലൂടെ പരിചയപ്പെടുന്നത്. പി.ജെ. തോമസ് 1917-1919 കാലഘട്ടത്തിൽ തിരുവനന്തപുരം മഹാരാജാസ് കോളേജിൽ പഠിക്കുമ്പോൾ, അക്കാലത്തെ സാഹിത്യചരിത്ര ഗ്രന്ഥങ്ങളിൽ ക്രൈസ്തവരുടെ (മലയാളികളുടെയും വിദേശികളുടെയും) ഗദ്യസാഹിത്യ സംഭാവനകൾ തമസ്കരിക്കപ്പെട്ടത് അദ്ദേഹം ശ്രദ്ധിച്ചു. സ്വതന്ത്ര ഇന്ത്യയുടെ ആദ്യ സാമ്പത്തിക ഉപദേഷ്ടാവ് എന്ന നിലയിൽ വിവിധ രാജ്യങ്ങൾ സന്ദർശിച്ചപ്പോൾ അവിടുത്തെ ലൈബ്രറികളിൽ നിന്ന് അദ്ദേഹം അപൂർവ്വമായ മലയാളം രേഖകൾ കണ്ടെടുത്തു.
ഈ ഗവേഷണങ്ങളുടെ ഫലമായി 1935-ൽ ‘കേരളത്തിലെ ക്രിസ്തീയ സാഹിത്യം’ എന്ന ഗ്രന്ഥം അദ്ദേഹം പ്രസിദ്ധീകരിച്ചു. പിന്നീട് 1961-ൽ ‘മലയാള സാഹിത്യവും ക്രിസ്ത്യാനികളും’ എന്ന പേരിൽ ഇതിൻ്റെ പരിഷ്കരിച്ച പതിപ്പ് പുറത്തിറങ്ങി. ഉള്ളൂരിൻ്റെ സാഹിത്യചരിത്രത്തിന് ശേഷം ഏറ്റവും കൂടുതൽ റെഫറൻസുകൾക്കായി ഉപയോഗിക്കപ്പെടുന്ന ഒരു ക്ലാസിക് കൃതിയാണിത്. 1989-ൽ ഡി.സി ബുക്സ് ഇതിൻ്റെ മൂന്നാം പതിപ്പ് പുറത്തിറക്കി. മൂന്നാം പതിപ്പിൽ ഡോ. സ്കറിയ സക്കറിയ എഴുതിയ ‘ചർച്ചയും പൂരണവും’ എന്ന അനുബന്ധത്തിൽ പി.ജെ. തോമസ് വിട്ടുപോയ പല കാര്യങ്ങളും പൂരിപ്പിക്കുന്നു.
മലയാള സാഹിത്യ ചരിത്രത്തിലെ ക്രൈസ്തവ സാന്നിദ്ധ്യത്തെ ശാസ്ത്രീയമായി വിശകലനം ചെയ്യുന്ന ഏറ്റവും ആധികാരികമായ ഗവേഷണ ഗ്രന്ഥങ്ങളിൽ ഒന്നാണിത്. മലയാള ഗദ്യശൈലിയുടെ രൂപീകരണത്തിൽ ബൈബിൾ വിവർത്തനങ്ങൾക്കുള്ള പങ്കും, അച്ചടി-വ്യാകരണ-നിഘണ്ടു നിർമ്മാണ രംഗങ്ങളിൽ മിഷണറിമാർ വരുത്തിയ വിപ്ലവകരമായ പരിവർത്തനങ്ങളും ചരിത്രപരമായ തെളിവുകളോടെ ഈ കൃതിയിൽ ആവിഷ്കരിച്ചിരിക്കുന്നു.
1965-ൽ അന്തരിച്ച അദ്ദേഹത്തിൻ്റെ കൃതികൾ 2026-ൽ പൊതുസഞ്ചയത്തിൽ എത്തുന്നതോടെ, ഈ ചരിത്രരേഖകൾ ഡിജിറ്റൈസ് ചെയ്ത് സംരക്ഷിക്കാനുള്ള അവസരം ഒരുങ്ങുകയാണ്.
1956-ൽ പ്രസിദ്ധീകരിച്ച, കെ.സി. ജോസഫ് എഴുതിയ കാർഷിക വിപ്ലവം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
സ്വാതന്ത്ര്യാനന്തര ഇന്ത്യയിലെ കർഷകരുടെ സാമൂഹ്യ-സാമ്പത്തിക അവസ്ഥയെ വിമർശനാത്മകമായി പരിശോധിക്കുകയാണ് ഈ പുസ്തകത്തിൽ. കൃഷിയുമായി ബന്ധപ്പെട്ട ഉൽപ്പാദനക്ഷമതയുടെ കുറവ്, ഭൂവിതരണത്തിലെ അസമത്വം, കർഷകരുടെ സാമ്പത്തിക ബുദ്ധിമുട്ടുകൾ തുടങ്ങിയ പ്രശ്നങ്ങൾ പുസ്തകത്തിൽ വിശദീകരിക്കുന്നു. രാജ്യത്തിന്റെ ഭൂരിഭാഗം ജനങ്ങളും കൃഷിയെ ആശ്രയിച്ചിരുന്നിട്ടും, കർഷകർക്ക് ലഭിക്കുന്ന വരുമാനവും സാങ്കേതിക സൗകര്യങ്ങളും വളരെ പരിമിതമാണ്. കൂടാതെ കൃഷിരംഗത്തെ ശക്തിപ്പെടുത്താൻ ഭൂസമരം, ശാസ്ത്രീയ കൃഷിരീതികൾ, സർക്കാർ പദ്ധതികൾ എന്നിവയുടെ ആവശ്യകതകളെക്കുറിച്ചും ഇതിൽ വിശദീകരിക്കുന്നു. ഇന്ത്യയിലെ വികസന പദ്ധതികൾക്കും കൃഷിവികസനത്തിനും തമ്മിലുള്ള ബന്ധം വിലയിരുത്തുന്നതിനോടൊപ്പം, കർഷകരുടെ ജീവിത നിലവാരം മെച്ചപ്പെടുത്താൻ ആവശ്യമായ നയപരമായ മാറ്റങ്ങളെ കുറിച്ചും പുസ്തകം ചർച്ച ചെയ്യുന്നു.
മദ്രാസ് യൂണിവേഴ്സിറ്റി മലയാളവിഭാഗത്തിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്
1944 – ൽ പ്രസിദ്ധീകരിച്ച, കണ്ണശ്ശഭാഗവതം-ഒന്നാംഭാഗം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1944 – കണ്ണശ്ശഭാഗവതം- ഒന്നാംഭാഗം
മലയാള സാഹിത്യത്തിലെ നിരണം കവികളിൽ പ്രമുഖനായ രാമപ്പണിക്കർ രചിച്ച കൃതിയാണ് കണ്ണശ്ശഭാഗവതം. തമിഴ് കലർന്ന മണിപ്രവാള ശൈലിയിൽ നിന്ന് മാറി മലയാള ഭാഷാപരമായ പ്രത്യേകതകൾ ഉൾക്കൊള്ളുന്ന ‘പാട്ട്’ പ്രസ്ഥാനത്തിലെ ഒരു പ്രധാന കൃതിയാണിത്. കണ്ണശ്ശപ്പണിക്കർ ഭാഗവതം ദശമസ്കന്ധത്തെ ആസ്പദമാക്കിയാണ് ഇത് രചിച്ചിരിക്കുന്നത്. ഭാഗവതത്തിലെ ഏറ്റവും പ്രധാനപ്പെട്ട ഭാഗമായ ശ്രീകൃഷ്ണ ചരിതത്തിനാണ് ഇതിൽ മുൻഗണന നൽകിയിരിക്കുന്നത്. പഴയ മലയാളത്തിൻ്റെ രൂപഭാവങ്ങൾ നിലനിർത്തിക്കൊണ്ടുള്ള ദ്രാവിഡ ഭാഷാശൈലിയും, വിവിധതരം പാട്ട് വൃത്തങ്ങളുമാണ് ഇതിൽ ഉപയോഗിച്ചിരിക്കുന്നത്. ഭൂമീദേവിയുടെ സങ്കടവും, ഭഗവാൻ വിഷ്ണു കൃഷ്ണനായി അവതരിക്കാൻ നിശ്ചയിക്കുന്നതും, വസുദേവരുടെയും ദേവകിയുടെയും പുത്രനായി മഥുരയിലെ കാരാഗൃഹത്തിൽ ഭഗവാൻ ജനിക്കുന്നതും,ശിശുവായ കൃഷ്ണനെ വസുദേവർ അമ്പാടിയിൽ നന്ദഗോപരുടെ ഭവനത്തിൽ എത്തിക്കുന്നതും മായാദേവിയെ തിരികെ കൊണ്ടുവരുന്നതും, പൂതനാമോക്ഷം, ശകടാസുര വധം, തൃണാവർത്ത വധം തുടങ്ങിയ പ്രാരംഭ കൃഷ്ണലീലകൾ എല്ലാംതന്നെ ഈ കൃതിയിൽ ഉൾപ്പെടുത്തിയിരിക്കുന്നു. “ഭാരതമാദിപുരാണങ്ങൾ കേൾപ്പൊരു പാരമിയന്നൊരു പാവനസമ്മതം”എന്നിങ്ങനെയുള്ള വരികൾ ഈ കൃതിയുടെ ഗാംഭീര്യം വിളിച്ചോതുന്നു. കണ്ണശ്ശഭാഗവതം ലളിതവും എന്നാൽ അർത്ഥവർത്തായ പദപ്രയോഗങ്ങളാൽ ശ്രദ്ധേയവുമാണ്. തുഞ്ചത്തെഴുത്തച്ഛൻ്റെ കാലത്തിന് മുൻപേ മലയാളത്തിന് തനതായ ഒരു കാവ്യസംസ്കാരം നൽകുന്നതിൽ ഈ കൃതി വലിയ പങ്കുവഹിച്ചു എന്ന് നിസംശയം പറയാം.
1943-ൽ പ്രസിദ്ധീകരിച്ച, സി.പി. രാമസ്വാമി അയ്യർ എഴുതി സി.വി. കുഞ്ഞുരാമൻ വിവർത്തനം ചെയ്ത ലോകമതങ്ങൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
തിരുവിതാംകൂർ ദിവാനായിരുന്ന സർ സി പി എന്നറിയപ്പെടുന്ന സചിവോത്തമ സി.പി. രാമസ്വാമി അയ്യർ ഇംഗ്ലീഷിൽ എഴുതിയ പുസ്തകത്തിൻ്റെ വിവർത്തനമാണിത്. ലോകത്തിലെ പ്രധാന മതങ്ങളായ ഹിന്ദുമതം, ബുദ്ധമതം, ജൈനമതം, ക്രിസ്തുമതം, ഇസ്ലാം തുടങ്ങിയ മതങ്ങളുടെ ഉദ്ഭവം, അടിസ്ഥാന സിദ്ധാന്തങ്ങൾ, ആചാരങ്ങൾ, തത്വചിന്തകൾ എന്നിവ സംക്ഷിപ്തമായി അവതരിപ്പിക്കുന്നു. ഓരോ മതത്തിൻ്റെ ചരിത്രപരമായ വളർച്ചയും മനുഷ്യസമൂഹത്തിൽ അവ നൽകിയ നൈതിക-സാംസ്കാരിക സ്വാധീനങ്ങളും ഇതിൽ വിശദീകരിച്ചിരിക്കുന്നു.
വ്യത്യസ്ത മതങ്ങളിൽ പ്രചരിക്കുന്ന പുനർജന്മത്തെ കുറിച്ചുള്ള സങ്കല്പമാണ് ഈ പുസ്തകത്തിൽ വിവരിക്കുന്നത്. പുനർജന്മത്തിൻ്റെയും ഉയിർത്തെഴുന്നേൽപ്പിൻ്റെയും ആശയങ്ങൾ വ്യത്യസ്ത സിദ്ധാന്തങ്ങളുടെയും പ്രഗത്ഭരുടെ അഭിപ്രായങ്ങളുടെയും അടിസ്ഥാനത്തിൽ ചർച്ചയ്ക്ക് വിധേയമാക്കുന്നു.
