Category: Dharmaram College Library

1951 -ൽ പ്രസിദ്ധീകരിച്ച, എൻ. കുമാരനാശാൻ എഴുതിയ രണ്ടു ഖണ്ഡകൃതികൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മഹാകവി കുമാരനാശാൻ്റെ വീണപൂവ്, സിംഹപ്രസവം എന്നീ രണ്ട് ഖണ്ഡ കാവ്യങ്ങളാണ് പുസ്തകത്തിൽ ഉൾക്കൊള്ളിച്ചിട്ടുള്ളത്. കവിതകളിലെ സംസ്കൃത പദങ്ങളുടെ മലയാള അർത്ഥം അടങ്ങുന്ന ഒരു ടിപ്പണം പുസ്തകത്തിൻ്റെ അവസാന ഭാഗത്ത് ചേർത്തിട്ടുണ്ട്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: രണ്ടു ഖണ്ഡകൃതികൾ
• രചന: N. Kumaranasan
• പ്രസിദ്ധീകരണ വർഷം: 1951
• അച്ചടി: Sreeramavilasam Press, Kollam 
• താളുകളുടെ എണ്ണം:  38
• സ്കാൻ ലഭ്യമായ ഇടം: കണ്ണി

1963 -ൽ പ്രസിദ്ധീകരിച്ച, കെ.ആർ. ഗോപാലകൃഷ്ണൻ പരിഭാഷപ്പെടുത്തിയ ആനശാസ്ത്രം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മാതംഗമുനിയുടെ പുത്രനായ പാലകാപ്യമഹർഷിയാൽ രചിക്കപ്പെട്ടതും വളരെ രഹസ്യമായി സൂക്ഷിച്ചിരുന്നതുമായ അമൂല്യഗ്രന്ഥമാണ് ആനശാസ്ത്രം. അനേകവർഷങ്ങൾ ആനകളോടൊപ്പം കാട്ടിൽ കഴിച്ചുകൂട്ടിയ മഹാമുനി ലോകോപകാരത്തിനായി അരുളിചെയ്തതാണതെ ഈ ഗ്രന്ഥം. ഗജസംരക്ഷണത്തെ കുറിച്ച് വിഞ്ജേയങ്ങളായ അഭിപ്രായങ്ങളും, ലക്ഷണങ്ങളും വിശദമായും ലളിതമായും ക്രോഡീകരിച്ച് ഈ ഗ്രന്ഥത്തിൽ കൊടുത്തിരിക്കുന്നു.ആനകളുടെ ഉൽപ്പത്തി, ലക്ഷണം, സ്ത്രീപുരുഷവ്യത്യാസങ്ങൾ, വയസ്സുകൾ, സത്വഭേദങ്ങൾ, മദഭേദങ്ങൾ, മദം പൊട്ടിയ കാട്ടാനകളെ പിടിച്ചുകെട്ടുന്ന രീതികൾ, ക്രമങ്ങൾ, ഋതുക്കൾ, ആചാരഭേദങ്ങൾ, ഗുണങ്ങൾ എന്നിവയെപറ്റി വിശദമായി പ്രതിപാദിക്കുന്ന കൃതിയാണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ആനശാസ്ത്രം
• പ്രസിദ്ധീകരണ വർഷം: 1963
• അച്ചടി: Kamala Press, Trichur 
• താളുകളുടെ എണ്ണം:  92
• സ്കാൻ ലഭ്യമായ ഇടം: കണ്ണി

1942 – ൽ പ്രസിദ്ധീകരിച്ച, ത്രിവേണി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

വള്ളത്തോൾ, ജി. ശങ്കരക്കുറുപ്പ്, കെ.കെ. രാജാ എന്നിവരുടെ കവിതകൾ ഉൾക്കൊള്ളുന്ന കവിതാസമാഹാരമാണ് ഈ കൃതി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ത്രിവേണി
• പ്രസിദ്ധീകരണ വർഷം: 1942
• അച്ചടി: Mangalodayam Press, Trichur
• താളുകളുടെ എണ്ണം: 68   
• സ്കാൻ ലഭ്യമായ ഇടം: കണ്ണി

1963 – ൽ പ്രസിദ്ധീകരിച്ച, കുഞ്ചൻ നമ്പ്യാർ രചിച്ച കാർത്തവീര്യാർജ്ജുനവിജയം – ഓട്ടൻ തുള്ളൽ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കുഞ്ചൻ നമ്പ്യാരുടെ പ്രസിദ്ധമായ ഓട്ടൻ തുള്ളൽ കൃതികളിലൊന്നാണ് “കാർത്തവീര്യാർജ്ജുനവിജയം”. പുരാണപ്രസിദ്ധനായ രാജാവായ കാർത്തവീര്യാർജ്ജുനൻ (സഹസ്രബാഹു അർജ്ജുനൻ) എന്ന കഥാപാത്രത്തെ ആസ്പദമാക്കിയുള്ള ഈ കൃതി വീരരസം, പരിഹാസം, സാമൂഹിക നിരീക്ഷണം എന്നിവ ചേർന്നതാണ്. ഓട്ടൻ തുള്ളലിൻ്റെ സ്വഭാവപ്രകാരം ലളിതമായ ഭാഷയും നർമ്മവും സാമൂഹിക വിമർശനവും ഇതിൽ കാണാം. രാജധാനി ജീവിതം, അധികാരത്തിൻ്റെ അഹങ്കാരം, ധർമ്മചിന്തകൾ എന്നിവയും കൃതിയിൽ പ്രതിഫലിക്കുന്നു. പുരാണങ്ങളിൽ പറയുന്ന ഹൈഹയവംശ രാജാവായ കാർത്തവീര്യാർജ്ജുനൻ്റെ ശക്തിയും വിജയങ്ങളും കേന്ദ്രീകരിച്ചാണ് കൃതി പുരോഗമിക്കുന്നത്. സഹസ്രബാഹുവായ രാജാവിൻ്റെ അതുല്യശക്തി, യുദ്ധവിജയങ്ങൾ, രാജധാനിയിലെ ആഡംബരങ്ങൾ, ഭരണരീതികളിലെ അതിശയോക്തി, മനുഷ്യസ്വഭാവത്തിലെ ദുർബലത എന്നിവയെ തുള്ളലിൻ്റെ രസകരമായ അവതരണത്തിലൂടെ അവതരിപ്പിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കാർത്തവീര്യാർജ്ജുനവിജയം – ഓട്ടൻ തുള്ളൽ
• പ്രസിദ്ധീകരണ വർഷം: 1963
• അച്ചടി: Parishanmudranalayam, Ernakulam
• താളുകളുടെ എണ്ണം: 96
• സ്കാൻ ലഭ്യമായ ഇടം: കണ്ണി

1954 – ൽ പ്രസിദ്ധീകരിച്ച, കുഞ്ചൻ നമ്പ്യാർ രചിച്ച സ്യമന്തകം – ഓട്ടൻ തുള്ളൽ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിലെ ഓട്ടൻ തുള്ളൽ സാഹിത്യപരമ്പരയിലെ പ്രസിദ്ധ കൃതികളിൽ ഒന്നാണ്. “സ്യമന്തകം”. മഹാഭാരത–ഭാഗവത പുരാണങ്ങളിൽ പരാമർശിക്കുന്ന സ്യമന്തകമണിയെ ആസ്പദമാക്കിയുള്ള കഥയാണ് ഉള്ളടക്കം. കുഞ്ചൻ നമ്പ്യാർ ഈ പുരാണകഥയെ പരിഹാസവും സാമൂഹികവിമർശനവും ചേർത്ത് തുള്ളൽരൂപത്തിൽ അവതരിപ്പിക്കുന്നു. സൂര്യദേവനിൽ നിന്ന് ലഭിച്ച സ്യമന്തകമണി സത്രാജിത് എന്ന യാദവപ്രഭുവിൻ്റെ കൈവശമാകുന്നു. അതിൻ്റെ നഷ്ടപ്പെടലും, ശ്രീകൃഷ്ണനുമേൽ ഉയരുന്ന ആരോപണങ്ങളും, തുടർന്ന് സത്യാവസ്ഥ പുറത്തുവരുന്നതുമാണ് കഥയുടെ കേന്ദ്രം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: സ്യമന്തകം ഓട്ടൻ തുള്ളൽ
• പ്രസിദ്ധീകരണ വർഷം: 1954
• അച്ചടി: Parishanmudranalayam, Ernakulam
• താളുകളുടെ എണ്ണം:  176
• സ്കാൻ ലഭ്യമായ ഇടം: കണ്ണി

1949 – ൽ പ്രസിദ്ധീകരിച്ച, ചങ്ങമ്പുഴ കൃഷ്ണപിള്ള രചിച്ച ശ്മശാനത്തിലെ തുളസി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1945 ൽ പ്രസിദ്ധീകരിച്ച, സഭാപ്രവേശം – പറയൻ തുള്ളൽ എന്ന പുസ്തകത്തിൻ്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കു വെക്കുന്നത്.

കുഞ്ചൻ നമ്പ്യാർ രൂപം നൽകിയ തുള്ളൽ പ്രസ്ഥാനത്തിലെ ഏറ്റവും ഗൗരവമേറിയതും മന്ദഗതിയിലുള്ളതുമായ വിഭാഗമാണ് പറയൻ തുള്ളൽ. പുരാണകഥകളെ പശ്ചാത്തലമാക്കി സാമൂഹിക വിമർശനം നടത്താൻ ഏറ്റവും അനുയോജ്യമായ ഈ കലാരൂപം മല്ലതാളത്തിലാണ് ചിട്ടപ്പെടുത്തിയിരിക്കുന്നത്. ഇതിന് ഉത്തമ ഉദാഹരണമാണ് പാണ്ഡവർക്കായി മയൻ നിർമ്മിച്ച അത്ഭുത സഭയുടെ കഥ പറയുന്ന സഭാപ്രവേശം. അർജ്ജുനൻ രക്ഷിച്ച മയൻ എന്ന അസുരശില്പി പാണ്ഡവർക്കായി നിർമ്മിച്ച സഭയുടെ മാന്ത്രിക ഭംഗിയും, അത് കാണാൻ എത്തുന്ന ദുര്യോധനൻ്റെ മാനസികാവസ്ഥയുമാണ് ഇതിലെ പ്രധാന പ്രമേയം. ലളിതമായ മലയാളമാണ് സാധാരണക്കാർക്ക് പഥ്യം എന്ന നിലപാടുള്ള നമ്പ്യാർ, സഭയിലെ അത്ഭുതങ്ങളെ അതീവ രസകരമായി ഇതിൽ വർണ്ണിക്കുന്നു. ജലം നിലമായും നിലം ജലമായും തോന്നിക്കുന്ന സഭയുടെ മായയെക്കുറിച്ച് കേട്ടറിഞ്ഞ ദുര്യോധനൻ അസൂയയോടെ അവിടേക്ക് പുറപ്പെടുന്നു. യാത്രയുടെ വിവരണത്തിനിടയിൽ അന്നത്തെ പടയാളികളുടെ മടിയെയും ആഡംബരപ്രിയത്തെയും നമ്പ്യാർ തൻ്റെ തനതായ ഹാസ്യശൈലിയിൽ പരിഹസിക്കുന്നുണ്ട്. പാണ്ഡവരുടെ പ്രതാപത്തെ പുച്ഛിക്കുമ്പോഴും ഉള്ളാലെ അസൂയ പൂണ്ട് ദുര്യോധനനും സംഘവും ഇന്ദ്രപ്രസ്ഥത്തിൽ എത്തുന്നതോടെയാണ് ഈ ഭാഗം സമാപിക്കുന്നത്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. സ്കാനിൽ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.

• പേര്: സഭാപ്രവേശം – പറയൻ തുള്ളൽ
• പ്രസിദ്ധീകരണ വർഷം: 1945
• അച്ചടി: ധർമ്മകാഹളം പ്രസ്സ്, എറണാകുളം,വിശ്വനാഥ് പ്രസ്സ്, എറണാകുളം
• താളുകളുടെ എണ്ണം: 124
• സ്കാൻ ലഭ്യമായ ഇടം: കണ്ണി

ഉദയമ്പേരൂർ സൂനഹദോസിൻ്റെ കാനോനകൾ എന്ന കയ്യെഴുത്തുപ്രതിയുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1599-ൽ പോർച്ചുഗീസ് ആർച്ച്‌ബിഷപ്പ് ആയിരുന്ന Aleixo de Menezes നയിച്ച സഭാസമ്മേളനമാണ് ഉദയമ്പേരൂർ സുനഹദോസ്. ഇത് കേരളത്തിലെ സുറിയാനി ക്രൈസ്തവ സഭയുടെ ചരിത്രത്തിൽ വലിയ മാറ്റങ്ങൾ വരുത്തിയ ഒരു പ്രധാന സംഭവമായിരുന്നു. സമ്മേളനം നടന്നത് ഉദയംപേരൂരിലെ സെന്റ് മേരീസ് പള്ളിയിലായിരുന്നു. സുറിയാനി ക്രൈസ്തവരുടെ ആചാരങ്ങളിലും ഗ്രന്ഥങ്ങളിലും ലത്തീൻ സഭയുടെ സ്വാധീനം ശക്തമാക്കി. നിരവധി പഴയ സുറിയാനി ഗ്രന്ഥങ്ങൾ നിരോധിക്കപ്പെടുകയും ചിലത് നശിപ്പിക്കപ്പെടുകയും ചെയ്തു.
സുനഹദോസ് പുറപ്പെടുവിച്ച “കാനോനകൾ” കേരളത്തിലെ സുറിയാനി ക്രൈസ്തവരുടെ വിശ്വാസം, ആരാധന, സാമൂഹികജീവിതം എന്നിവ നിയന്ത്രിക്കാൻ രൂപപ്പെടുത്തിയ നിയമങ്ങളായിരുന്നു.ഈ സമ്മേളനത്തിൻ്റെ യോഗവിവരങ്ങൾ, തീരുമാനങ്ങൾ തുടങ്ങിയ വിശദാംശങ്ങൾ കയ്യെഴുത്തിൽ രേഖപ്പെടുത്തിയിരിക്കുകയാണ് ഈ പുസ്തകത്തിൽ. റോമൻ കത്തോലിക്ക സഭയുടെ അധികാരം അംഗീകരിക്കൽ, നെസ്റ്റോറിയൻ സ്വാധീനം നിരോധിക്കൽ, സുറിയാനി ഗ്രന്ഥങ്ങളുടെ പരിശോധന, ആരാധനക്രമത്തിലെ മാറ്റങ്ങൾ, ഹിന്ദു ആചാരങ്ങളുമായി ബന്ധമുള്ള ചില പ്രാദേശിക പതിവുകൾ നിരോധിക്കൽ തുടങ്ങിയ പ്രധാന വിഷയങ്ങൾ ചർച്ച ചെയ്യുകയും തീരുമാനങ്ങൾ രേഖപ്പെടുത്തുകയും ചെയ്തിരിക്കുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. സ്കാനിൽ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.

• പേര്: ഉദയമ്പേരൂർ സുനഹദോസിൻ്റെ കാനോനകൾ – കയ്യെഴുത്തുപ്രതി
• താളുകളുടെ എണ്ണം: 376
• സ്കാനുകൾ ലഭ്യമായ താൾ: കണ്ണി

St.Josephs College, Devagiri  യിൽ നിന്നും 2011 – ൽ  പ്രസിദ്ധീകരിച്ച, പ്രണാമം  എന്ന സൂവനീറിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

CMI സഭയിലെ പുരോഹിതനും,വിദ്യാഭ്യാസ രംഗത്ത് ശ്രദ്ധേയ സംഭാവനകൾ നൽകിയ വ്യക്തിയും അതിലുപരി St.Josephs College  എന്ന സ്ഥാപനത്തിന്റെ ആദ്യകാല പ്രിൻസിപ്പലും ആയിരുന്ന (1956–1963)Fr. Theodosius എന്ന മഹാനായ വ്യക്തിയെ അനുസ്മരിക്കാൻ, അദ്ദേഹത്തിൻ്റെ സേവനങ്ങളെ ആദരിക്കാൻ പ്രസിദ്ധീകരിച്ച ഒരു സ്മരണാഞ്ജലി ആണ് ഈ മാഗസിൻ.തൻ്റെ ദർശനം കൊണ്ടും സമർപ്പണവും കൊണ്ടും ഒരു സമുന്നത സംസ്ക്കാരത്തിനും പൈതൃകത്തിനും നിദാനമായിത്തീർന്ന് അമരത്വമായി ജീവിതത്തെ മാറ്റുകയായിരുന്നു Fr.Theodosius.

അദ്ദേഹത്തെക്കുറിച്ചുള്ള ഓർമ്മക്കുറിപ്പുകൾ, വിദ്യാഭ്യാസ സംഭാവനകൾ, സഭയിലും കോളേജിലും നടത്തിയ സേവനങ്ങൾ,ഫോട്ടോകൾ, സഭാനേതാക്കന്മാരുടെ സന്ദേശങ്ങൾ എന്നിവയാണ് ഈ മാഗസിൻ്റെ ഉള്ളടക്കം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

• പേര്:  പ്രണാമം
• പ്രസിദ്ധീകരണ വർഷം: 2011
• അച്ചടി: Geethanjali prints, Calicut
• പ്രസാധകർ :Radhakrishnan Nair
• സ്കാനുകൾ ലഭ്യമായ താൾ: കണ്ണി

1972 ൽ  പുറത്തിറക്കിയ Kalabhavan Souvenir സ്മരണികയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിലെ പ്രമുഖ കലാസംഘടനയായ കലാഭവൻ 1969-ൽ കൊച്ചിയിൽ സ്ഥാപിതമായി. കലാപ്രതിഭകൾക്ക് പരിശീലനവും വേദിയും നൽകുക എന്ന ലക്ഷ്യത്തോടെ Abel Edathuruthy (ഫാ. ആബേൽ) ആണ് കലാഭവൻ സ്ഥാപിച്ചത്. കലാഭവൻ്റെ സ്റ്റേജ് പ്രോഗ്രാമുകൾക്കും സംഗീതപരിപാടികൾക്കും 1960–70 കാലഘട്ടത്തിൽ കേരളത്തിൽ വലിയ സ്വീകാര്യത ലഭിച്ചു. സംഗീതം, നാടകം, നൃത്തം എന്നിവയിൽ നിരവധി കലാകാരന്മാരെ വളർത്തി. പിന്നീട് “കലാഭവൻ” എന്ന പേര് തന്നെ നിരവധി കലാകാരന്മാരുടെ പേരിനൊപ്പം ചേർന്ന് പ്രശസ്തമായി.

എഡിറ്റോറിയൽ, സെക്രട്ടറിയുടെ റിപ്പോർട്ട്, ബോർഡ് അംഗങ്ങളുടേ വിവരങ്ങൾ, കല, സാഹിത്യം, സംഗീതം എന്നിവ സംബന്ധിച്ച പ്രമുഖരുടേ ലേഖനങ്ങൾ, കലാഭവൻ നടത്തിയ പരിപാടികളുടെ ചിത്രങ്ങൾ, പരസ്യങ്ങൾ എന്നിവയാണ് സ്മരണികയുടെ ഉള്ളടക്കം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

• പേര്: Kalabhavan Souvenir
• പ്രസിദ്ധീകരണ വർഷം: 1972
• താളുകളുടെ എണ്ണം:  81
• അച്ചടി: Mar Louis Press, Ernakulam
• സ്കാൻ ലഭ്യമായ ഇടം: കണ്ണി