Uncategorized Archives - ഗ്രന്ഥപ്പുര (Granthappura) blog

1927 – ശിഖിദ്ധ്വജചരിതം

1927-ൽ പ്രസിദ്ധീകരിച്ച, ചെറിയാണ്ടി കുമാരൻ ജ്ഞാനവാസിഷ്ഠത്തിൽ നിന്നും തർജ്ജിമ ചെയ്ത ശിഖിദ്ധ്വജചരിതം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

“ശിഖിദ്ധ്വജചരിതം” എന്ന ഈ ഗദ്യപുസ്തകം സുപ്രസിദ്ധമായ ലഘുയോഗവാസിഷ്ഠത്തിലെ (ജ്ഞാനവാസിഷ്ഠം) നിർവ്വാണപ്രകരണത്തിൽ മുപ്പത്തിയേഴാം സർഗ്ഗം കൊണ്ട് പ്രതിപാദിച്ച ഒരു ഉപാഖ്യാനത്തിൻ്റെ പരിഭാഷയാണ്. മാളവദേശത്തെ രാജാവായ ശിഖിദ്ധ്വജന്റെയും പത്നിയായ ചൂഡാലയുടെയും ആത്മീയ അന്വേഷണത്തിന്റെ കഥയാണിത്. ഭൗതിക സുഖങ്ങൾ ഉപേക്ഷിച്ച് കാട്ടിൽ തപസ്സുചെയ്യുന്നതിലാണ് യഥാർത്ഥ സന്യാസമെന്ന് രാജാവ് തെറ്റിദ്ധരിക്കുന്നു. എന്നാൽ, യഥാർത്ഥ മോക്ഷവും അദ്വൈത ബോധവും കേവലം ഭൗതിക ഉപേക്ഷയിലല്ല, മറിച്ച് മനസ്സിന്റെയും അഹന്തയുടെയും ത്യാഗത്തിലാണെന്ന് (ആത്മജ്ഞാനം) ചൂഡാല ‘കുംഭമുനി’ എന്ന വേഷത്തിൽ വന്ന് രാജാവിനെ ബോധ്യപ്പെടുത്തുന്നു. അജ്ഞത വെടിഞ്ഞ് ജ്ഞാനിയായി മാറുന്ന രാജാവ്, സന്യാസമെന്നത് കാട്ടിൽ പോകലല്ലെന്ന് മനസ്സിലാക്കി തിരികെ രാജ്യത്തെത്തി ജീവൻമുക്തനായി ഭരണം തുടരുന്നതാണ് ഈ കൃതിയുടെ ദാർശനിക സാരം.

Malabar Christian College digitization project. ൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

പേര്: ശിഖിദ്ധ്വജചരിതം
പ്രസിദ്ധീകരണ വർഷം: 1927
താളുകളുടെ എണ്ണം: 135
അച്ചടി: വിദ്യാവിലാസം പ്രസ്സ്, തലശ്ശേരി
സ്കാൻ ലഭ്യമായ ഇടം: കണ്ണി

1939 – Synodus Diamperitana Ejus Vis Ae Valor Canonicus

Through this post, we are releasing the digital scan of Synodus Diamperitana Ejus Vis Ae Valor Canonicus, a latin manuscrip written by Placid Podipara published in the year 1939.

This is a manuscript on The Synod of Diamper, Published in 1939. Synodus Diamperitana: Ejus Vis ac Valor Canonicus is a landmark Latin study that examines the canonical force and legal significance of the Synod of Diamper. Combining historical research with rigorous canonical analysis, it remains an indispensable resource for anyone studying the history, canon law, and ecclesiastical development of the Syro-Malabar Church.

This document is digitized as part of the Dharmaram College Library digitization.

Metadata and link to the digitized document

Metadata and link to the digitized document are provided below.

Name: Synodus Diamperitana Ejus Vis Ae Valor Canonicus
Published Year: 1939
Number of pages: 76
Scan link: Link

1947 – മഹിളാമന്ദിര സ്ഥാപക – കെ. ചിന്നമ്മ (ജീവിത ചരിത്രം) – എൻ. ബാലകൃഷ്ണൻ നായർ

1947 – ൽ പ്രസിദ്ധീകരിച്ച, എൻ. ബാലകൃഷ്ണൻ നായർ രചിച്ച മഹിളാമന്ദിര സ്ഥാപക – കെ. ചിന്നമ്മ (ജീവിത ചരിത്രം) എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിലെ ആദ്യകാല വനിതാ പ്രവർത്തകയും സാമൂഹിക പരിഷ്കർത്താവുമായിരുന്ന കെ. ചിന്നമ്മയുടെ പ്രചോദനാത്മകമായ ജീവിതകഥയും സാമൂഹിക സംഭാവനകളും അടയാളപ്പെടുത്തുന്ന ഒരു ജീവചരിത്ര ഗ്രന്ഥമാണിത്. തിരുവിതാംകൂറിലെ സ്കൂൾ ഇൻസ്പെക്ടറായി സേവനമനുഷ്ഠിച്ച അവർ, അക്കാലത്ത് നിലനിന്നിരുന്ന ജാതീയമായ അനാചാരങ്ങളെയും ലിംഗവിവേചനങ്ങളെയും ധീരമായി നേരിടുകയും പാർശ്വവൽക്കരിക്കപ്പെട്ട വിഭാഗങ്ങളിൽ നിന്നുള്ള പെൺകുട്ടികൾക്ക് വിദ്യാഭ്യാസത്തിനുള്ള അവസരങ്ങൾ ഒരുക്കുകയും ചെയ്തു. 1918 – ൽ തിരുവനന്തപുരത്തെ പൂജപ്പുരയിൽ അഗതികളായ സ്ത്രീകൾക്കും പെൺകുട്ടികൾക്കുമായി കേരളത്തിലെ ആദ്യത്തെ അഭയകേന്ദ്രങ്ങളിലൊന്നായ ‘ഹിന്ദു മഹിളാമന്ദിരം’ സ്ഥാപിച്ചുകൊണ്ട് അവർ നടത്തിയ സമാനതകളില്ലാത്ത കാരുണ്യപ്രവർത്തനങ്ങളും, ഈ സ്ഥാപനത്തിൻ്റെ നിലനിൽപ്പിനായി സ്വന്തം ജീവിതവും സമ്പാദ്യവും പൂർണ്ണമായി സമർപ്പിച്ചതുമായ ചരിത്രമാണ് ഈ പുസ്തകത്തിൽ വിശദമായി പ്രതിപാദിക്കുന്നത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: മഹിളാമന്ദിര സ്ഥാപക – കെ. ചിന്നമ്മ (ജീവിത ചരിത്രം)
രചന: എൻ. ബാലകൃഷ്ണൻ നായർ
പ്രസിദ്ധീകരണ വർഷം: 1947
താളുകളുടെ എണ്ണം: 300
സ്കാൻ ലഭ്യമായ ഇടം: കണ്ണി

1941 – ഹർഷവർദ്ധനൻ – ഏ. ബാലകൃഷ്ണപിള്ള

1941 – ൽ പ്രസിദ്ധീകരിച്ച, ഏ. ബാലകൃഷ്ണപിള്ള രചിച്ച ഹർഷവർദ്ധനൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഉത്തരഭാരതം മുഴുവൻ അടക്കി ഭരിച്ച ഹർഷവർദ്ധനൻ ചക്രവർത്തിയുടെ ജീവചരിത്രത്തെ അടിസ്ഥാനമാക്കി രചിച്ചിട്ടുള്ളതാണ് ഈ പുസ്തകം. സംസ്കൃത കവി ബാണഭട്ടൻ്റെ ഹർഷ ചരിത്രത്തിലെ നായകനും ,“രത്നാവലി, “പ്രിയദർശിക”, “നാഗാനന്ദം”എന്നീ പ്രസിദ്ധ നാടകങ്ങളുടെ നിർമ്മാതാവെന്ന നിലയ്ക്കും അദ്ദേഹത്തിന് ലഭിച്ചിട്ടുള്ള സാഹിത്യയശസ്സും എത്രമാത്രമാണെന്ന് കാണിക്കുന്ന ഒരു പുസ്തകം കൂടിയാണിത്. ഭാരതത്തിലെ പരിതസ്ഥിതികളെ മാത്രമല്ല പേർഷ്യ, അറേബിയ, ചൈന, ടിബറ്റ്, ആസ്സാം, ബർമ്മാ ഇൻഡോ-ചൈന എന്നീ അയൽരാജ്യങ്ങളിലെ സമകാലീന ചരിത്രങ്ങളേയും, യഥാവിധം വരച്ചു കാട്ടി ഹർഷവർദ്ധനനെ ഏഷ്യയിലെ പ്രധാന വ്യക്തികളുടെ നിരയിൽ ഒപ്പം നിർത്തി താരതമ്യം ചെയ്യുന്നതെങ്ങനെ എന്നും ഇതിൽ വളരെ സരസവും ലളിതവും ആയി പറഞ്ഞു വയ്ക്കുന്നു. ഹർഷവർദ്ധനൻ്റെ ജീവിതത്തിലെ, ഇപ്രകാരം ആക്ഷേപരഹിതമായി തെളിഞ്ഞുകിട്ടിയ വസ്തുതകളെയാണ് ഈ ഗ്രന്ഥകാരൻ വളരെ രസകരമായും വിശദമായും ഇവിടെ വിവരിച്ചിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഹർഷവർദ്ധനൻ
രചന : ഏ. ബാലകൃഷ്ണപിള്ള
പ്രസിദ്ധീകരണ വർഷം: 1941
അച്ചടി: കമലാലയാ പ്രിൻ്റിംഗ് വർക്സ്, തിരുവനന്തപുരം
താളുകളുടെ എണ്ണം: 214
സ്കാൻ ലഭ്യമായ ഇടം: കണ്ണി

1999 – ഏപ്രിൽ 16 – മലയാളം ന്യൂസ്

1999 ൽ സൗദി റിസർച്ച് ആൻഡ് പബ്ലിഷിങ്ങ് കമ്പനി പ്രസിദ്ധീകരിച്ച മലയാളം ന്യൂസ് എന്ന ദിനപത്രത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1999 - April - 16 - മലയാളം ന്യൂസ് — 1999 – April – 16 – മലയാളം ന്യൂസ്

സൗദി അറേബ്യയിലെ ജെദ്ദ കേന്ദ്രമായി പ്രവർത്തിക്കുന്ന സൗദി റിസർച്ച് ആൻഡ് പബ്ലിഷിങ്ങ് കമ്പനിയുടെ പ്രസിദ്ധീകരണമായിരുന്നു ഈ ദിനപത്രം. ഇന്ത്യക്കു പുറത്തു നിന്നും പ്രസിദ്ധീകരിച്ച ആദ്യത്തെ മലയാള ദിനപത്രത്തിൻ്റെ ആദ്യത്തെ പ്രതി നിലയിൽ ഈ പ്രസിദ്ധീകരണം വളരെ പ്രാധാന്യമർഹിക്കുന്നു. ഇംഗ്ലീഷ്, അറബി, ഉർദു തുടങ്ങിയ ഭാഷകൾക്ക് പുറമെയാണ് ആദ്യമായി മലയാളപത്രം ഇവർ ഇറക്കിയത്. സൗദി അറേബ്യയിലെ പ്രഥമ ഇംഗ്ലീഷ് പത്രം എന്ന നിലയിൽ ചരിത്രത്തിൽ സ്ഥാനം നേടിയ അറബ് ന്യൂസ് ആയിരുന്നു ഇവരുടേ പ്രഥമ സംരംഭം. മലയാള പത്രപ്രവർത്തകനും ഗൾഫ് മാധ്യമരംഗത്തെ പ്രമുഖ വ്യക്തിത്വവുമായ ഫാറൂഖ് ലുഖ്മാൻ ആയിരുന്നു സ്ഥാപക പത്രാധിപർ.

അന്നത്തെ രാഷ്ട്രപതി ശ്രീ. കെ.ആർ. നാരായണൻ്റെ ആശംസാ സന്ദേശം, അന്നത്തെ വാജ്പേയി സർക്കാർ ലോകസഭയിൽ അവതരിപ്പിച്ച വിശ്വാസ പ്രമേയ ചർച്ച, പാക്കിസ്ഥാൻ്റെ ഷാഹീൻ മിസ്സൈൽ പരീക്ഷണം, ബേനസീർ ഭൂട്ടോവിൻ്റെ അഞ്ചുവർഷത്തെ തടവ്, കേന്ദ്രത്തിൽ കോൺഗ്രസ്സ് ഗവണ്മെൻ്റ് വന്നാൽ സി.പി.എം പുറത്തുനിന്നു പിന്തുണക്കുമെന്ന മുഖ്യമന്ത്ര നായനാരുടെ പ്രസ്താവന, മെഡിക്കൽ സമരം – വിഷുദിനത്തിൽ രോഗികൾക്ക് ദുരിതമായി, ഷണ്മുഖദാസിന് മന്ത്രിസ്ഥാനം ഒഴിയേണ്ടിവരും, പ്രസാധകരുടെ കുറിപ്പ് എന്നീ വാർത്തകളായിരുന്നു പ്രസ്തുത പത്രത്തിൻ്റെ മുൻപേജിൽ. കൂടാതെ ഗൾഫ് വാർത്തകൾ, എഡിറ്റോറിയൽ, പ്രാദേശിക വാർത്തകൾ, ലോക വാർത്തകൾ, കായികവാർത്തകൾ എന്നിവയും ഉൾപ്പെടുന്നു. നിർഭാഗ്യവശാൽ ഈ പത്രം ഒരുമാസത്തോളമേ പ്രസിദ്ധീകരിച്ചുള്ളൂ എന്നാണ് അറിയാൻ കഴിയുന്നത്.

ശ്രീ. ബൈജു ജെ.ആർ. ബെംഗളൂരു ആണ് ഈ പത്രം ഡിജിറ്റൈസേഷനായി നൽകിയത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: മലയാളം ന്യൂസ്
പ്രസിദ്ധീകരണ വർഷം: 1999
അച്ചടി: Al Madeena Printing and Publishing Company, Jeddah
താളുകളുടെ എണ്ണം: 08
സ്കാൻ ലഭ്യമായ ഇടം: കണ്ണി

ഇന്ത്യയിലെ പൗരസ്ത്യ ക്രൈസ്തവരുടെ കഥ

ഇന്ത്യയിലെ പ്രത്യേകിച്ച് കേരളത്തിലെ പൗരസ്ത്യ ക്രൈസ്തവ പാരമ്പര്യത്തിൻ്റെ ചരിത്രവും വളർച്ചയും വിവരിക്കുന്ന ഒരു പ്രധാന കൃതിയായ ഇന്ത്യയിലെ പൗരസ്ത്യ ക്രൈസ്തവരുടെ കഥ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇന്ത്യയിലെ പൗരസ്ത്യ ക്രൈസ്തവരുടെ കഥ എന്ന പുസ്തകം ഇന്ത്യയിലെ പ്രത്യേകിച്ച് കേരളത്തിലെ പൗരസ്ത്യ ക്രൈസ്തവ പാരമ്പര്യത്തിൻ്റെ ചരിത്രവും വളർച്ചയും വിവരിക്കുന്ന ഒരു പ്രധാന കൃതിയാണ്.ഈ കൃതി ആദ്യം ഫ്രഞ്ച് ഭാഷയിൽ എഴുതപ്പെട്ടതും പിന്നീട് ഇംഗ്ളീഷിലേക്ക് വിവർത്തനം ചെയ്യപ്പെട്ടതുമാണ്.തുടർന്ന് മലയാള പരിഭാഷ പ്രസിദ്ധീകരിക്കപ്പെട്ടു.അതിനാൽ ഇതു ഒരു പ്രാദേശിക ചരിത്രഗ്രന്ഥം മാത്രമല്ല, ലോക ക്രൈസ്തവ പണ്ഡിതലോകത്തിൽ ശ്രദ്ധനേടിയ പഠനകൃതിയുടെ മലയാളാവിഷ്ക്കാരവും ആണ്.എന്നാൽ ഈ പുസ്തകം എഴുതപ്പെട്ട വർഷം ലഭ്യമല്ല.

പുസ്തകത്തിൽ പ്രധാനമായി പ്രതിപാദിക്കുന്നത് ഇന്ത്യയിലെ ആദിമ ക്രൈസ്തവസഭയുടെ ഉത്ഭവം, തോമാശ്ലീഹ ഇന്ത്യയിൽ സുവിശേഷം പ്രസംഗിച്ചെന്ന പാരമ്പര്യം, സുറിയാനി പരമ്പര്യവും ആരാധനാക്രമങ്ങളും, പൗരസ്ത്യസഭകളുടെ ചരിത്രബന്ധങ്ങൾ, കേരളത്തിലെ നസ്റാണി സമൂഹത്തിൻ്റെ വളർച്ച, പാശ്ചാത്യ പൗരസ്ത്യ സഭാ ബന്ധങ്ങൾ ഇതൊക്കെയാണ്.ഈ പുസ്തകത്തിനു ചരിത്രപരവും സഭാപരവും അക്കാദമികവുമായ വലിയ പ്രാധാന്യമുണ്ട്.സീറോ മലബാർ സഭയുടെ പരമ്പര്യവും വേരുകളും പഠിക്കുന്നവർക്ക് വിലപ്പെട്ട റഫറൻസ് ഗ്രന്ഥമായി ഇത് കണക്കാക്കപ്പെടുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. സ്കാനിൽ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.

പേര്: ഇന്ത്യയിലെ പൗരസ്ത്യ ക്രൈസ്തവരുടെ കഥ
താളുകളുടെ എണ്ണം: 352
അച്ചടി: Mar Mathews Press, Muvattupuzha
സ്കാനുകൾ ലഭ്യമായ താൾ: കണ്ണി

1938 – കന്യകാമറിയം ഒരു ജീവചരിത്രം

1938 -ൽ പ്രസിദ്ധീകരിച്ച, കന്യകാമറിയം ഒരു ജീവചരിത്രം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1938 - കന്യകാമറിയം ഒരു ജീവചരിത്രം

1938 – കന്യകാമറിയം ഒരു ജീവചരിത്രം

ക്രിസ്തുദേവൻ്റെ മാതാവെന്നുള്ള ഏകകാരണത്താൽ തന്നെ ദേവമാതാവ് എന്ന അസുലഭ ദിവ്വ്യപദംപ്രാപിച്ച അനേകകോടിജനങ്ങളുടെ ഭക്തിക്കു വിഷയമായിത്തീർന്ന കന്യകാമറിയത്തിൻ്റെ പരിപൂർണ്ണവും ആത്മാഭിരാമവുമായ ഒരു സജീവ ചരിത്രമാണ് ഈ പുസ്തകത്തിലൂടെ പ്രതിപാദിക്കപ്പെട്ടിരിക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

പേര്: കന്യകാമറിയം ഒരു ജീവചരിത്രം
പ്രസിദ്ധീകരണ വർഷം: 1938
രചയിതാവ്: മയ്യനാട്ട് ഏ ജോൺ
അച്ചടി:S.R.V. Press, Quilon
താളുകളുടെ എണ്ണം: 231
സ്കാനുകൾ ലഭ്യമായ താൾ: കണ്ണി

1932 – Ernakulam Maharaja’s College Magazine Vol- XIV– Issues –03, 04

Through this post we are releasing the scan of Ernakulam Maharaja’s College Magazine Vol- XIV-– Issues 03 and 04 published in the year 1932.

Ernakulam Maharaja’s College traces its roots back to a school founded in the mid-19th century which over time evolved in structure and status toward a college. The college as such was formally established by around 1875. Over the years, it has grown both in academic profile and infrastructure; most recently, it marked a 150th anniversary of its inception. It is a government college, currently functioning with autonomous status. It is one of the oldest and most prestigious colleges in the state of Kerala, with a long tradition of academic excellence, cultural contributions, and alumni influence.
The contents of the magazine includes Scholarly essays on history, culture, literature, College activity summaries, Academic committee reports and faculty contributions, Student writings (literary works, opinions, poems) and Administrative info.

Document 1

Name:Ernakulam Maharaja’s College Magazine – March – Vol. XIV – Issue – 03
Number of pages: 98
Editor: T.K. Sankara Menon
Published Year: 1932
Scan link: Link

Document 2

Name: Ernakulam Maharaja’s College Magazine – July – Vol. XIV– Issue – 004
Number of pages: 86
Editor: T.K. Sankara Menon
Published Year: 1932
Scan link: Link

1954 – തിരുഹൃദയാനുകരണം

1954 – ൽ പ്രസിദ്ധീകരിച്ച, ആർനോൾഡ് . എസ്. ജെ രചിച്ച തിരുഹൃദയാനുകരണം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഈശോസഭക്കാരനായ അർണ്ണോൾഡ് എന്ന വൈദീകൻ ലത്തീൻഭാഷയിൽ രചിച്ച പുസ്തകത്തിൻ്റെ മലയാള തർജ്ജമയാണ് ഈ ഗ്രന്ഥം. പുത്തൻ പള്ളി സെമിനാരി വിദ്യാർത്ഥികളുടെ പരിശ്രമഫലമാണ് ഈ മലയാള തർജ്ജമ.ഈ മഹാഗ്രന്ഥം നാലു വകുപ്പുകൾ ആയിട്ടാണ് വിഭജിക്കപ്പെട്ടിരിക്കുന്നത്.

ഒന്നാം ഭാഗത്തിൽ, ഹൃദയവിശുദ്ധി വരുത്തുവാൻ ഉപയുക്തങ്ങളായ ഉപദേശങ്ങൾ, രണ്ടാം ഭാഗത്ത് ഈശോയുടെ കർമ്മോയുക്തമായ ജീവിതത്തിൽ അവിടുത്തെ തിരുഹൃദയത്തെ അനുകരിക്കുവാൻ ഉപയുക്തങ്ങളായ ഉപദേശങ്ങൾ. മൂന്നാം ഭാഗത്ത് നമ്മുടെ ദിവ്യരക്ഷകൻ്റെ പീഡാനുഭവ ജീവിതത്തിൽ തൻ്റെ തിരുഹൃദയത്തെ അനുകരിക്കുവാൻ തക്ക ഉപദേശങ്ങൾ.നാലാം പുസ്തകത്തിൽ പരമാനന്ദം അനുഭവിക്കുന്ന ഈശോയുടെ തിരുഹൃദയത്തോട് നമ്മെ യോജിപ്പിക്കുന്നതിന് പറ്റിയ ഉപദേശങ്ങൾ. ഇങ്ങനെ നാലു ഭാഗങ്ങൾ ആയി സംഗ്രഹിച്ചിരിക്കുന്ന ഒരു മഹാഗ്രന്ഥമാണ് ഈ പുസ്തകം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്:തിരുഹൃദയാനുകരണം
രചന:ആർനോൾഡ് . എസ്. ജെ
പ്രസിദ്ധീകരണ വർഷം: 1954
അച്ചടി: ജെ.എം. പ്രസ്സ്, ആലുവ
താളുകളുടെ എണ്ണം:825
സ്കാൻ ലഭ്യമായ ഇടം: കണ്ണി

1967 – യുവജനശിക്ഷണം

1967 – ൽ പ്രസിദ്ധീകരിച്ച, ജെ. തച്ചിൽ എഴുതിയ യുവജനശിക്ഷണം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ആധുനിക മനശ്ശാസ്ത്രത്തിൻ്റെ നിഗമനങ്ങളുടെ വെളിച്ചത്തിൽ യുവത്വത്തിൻ്റെ പ്രശ്നങ്ങളെപ്പറ്റി ചർച്ച ചെയ്യുവാനുള്ള തുടക്കമാണ് യുവജനശിക്ഷണം എന്ന ഈ പുസ്തകത്തിനു ആധാരം.യുവതലമുറയുടെ പ്രാധാന്യം, യുവത്വത്തിൻ്റെ പ്രത്യേകതകൾ, മനശ്ശാസ്ത്രവിഞ്ജാനം,മാനസ്സിക വളർച്ച, നൈസർഗ്ഗിക വാസനകൾ ഇവയെക്കുറിച്ചെല്ലാം ഈ പുസ്തകത്തിൽ പ്രതിപാദിച്ചിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

പേര്: യുവജനശിക്ഷണം
പ്രസിദ്ധീകരണ വർഷം: 1967
അച്ചടി:J.M. Press, Alwaye
സ്കാനുകൾ ലഭ്യമായ താൾ: കണ്ണി