Category: P Govinda Pillai Reference Library

1968-ൽ പ്രസിദ്ധീകരിച്ച, 1951-ലെ നയ പ്രഖ്യാപനം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1951 ഒക്ടോബറിൽ കൂടിയ ഇന്ത്യൻ കമ്യൂണിസ്റ്റ് പാർട്ടി അഖിലേന്ത്യാ സമ്മേളനത്തിൽ വെച്ച് ചർച്ച ചെയ്ത് അംഗീകരിച്ച നയപ്രഖ്യാപനമാണിത്. പാർട്ടിയുടെ ലക്ഷ്യം, കഴിഞ്ഞകാല നയങ്ങൾ, ചൈനയുടെയും ഇന്ത്യയുടെയും കാര്യത്തിലുള്ള കാഴ്ചപ്പാടും നിലപാടും, ഇന്ത്യൻ സാഹചര്യത്തിൽ പരിഗണിക്കേണ്ട അടിയന്തിരസ്ഥിതികളും, പാർട്ടി കടമകളും, തൊഴിലാളി വർഗത്തിൻ്റെ ഐക്യത്തിൽ പാർട്ടിയുടെ പങ്ക്, സമൂഹത്തെ യുദ്ധത്തിലേക്ക് വലിച്ചിഴക്കാതെ സമാധാനത്തിനു വേണ്ടി ചെയ്യേണ്ട കാര്യങ്ങൾ ഇങ്ങനെ നിരവധി വിഷയങ്ങൾ 26 പേജുകളുള്ള ഈ ലഘുലേഖ ചർച്ച ചെയ്യുന്നു

സ്വാതന്ത്ര്യാനന്തരം നിലവിൽ വന്ന ഗവൺമെൻ്റിന് ജനങ്ങളുടെ പ്രശ്നങ്ങൾ പരിഹരിക്കാൻ കഴിയുന്നില്ലെന്നും, ഫ്യൂഡൽ ഭൂവുടമകൾക്കും വിദേശ സാമ്രാജ്യത്വത്തിനും വേണ്ടി നിലകൊള്ളുന്ന ഈ ഭരണകൂടത്തിന് പകരം ഒരു ജനകീയ ജനാധിപത്യ ഗവൺമെൻ്റ് സ്ഥാപിക്കുകയുമാണ് കമ്യൂണിസ്റ്റ് പാർട്ടിയുടെ ലക്ഷ്യം എന്നും ഇതിൽ പറയുന്നു. ഇന്ത്യൻ വിപ്ലവത്തിൻ്റെ വഴി റഷ്യൻ മാർഗ്ഗമോ ചൈനീസ് മാർഗ്ഗമോ മാത്രമല്ല, മറിച്ച് ഇന്ത്യൻ സാഹചര്യങ്ങൾക്ക് അനുസൃതമായ ഒന്നായിരിക്കണം. നഗരങ്ങളിലെ തൊഴിലാളി വർഗ്ഗത്തിൻ്റെയും ഗ്രാമങ്ങളിലെ കർഷകരുടെയും ഐക്യത്തിലൂടെ മാത്രമേ വിപ്ലവം സാധ്യമാവുകയുള്ളൂ. നാടുവാഴിത്തം അവസാനിപ്പിച്ച് കൃഷിക്കാർക്ക് പ്രതിഫലം കൂടാതെ ഭൂമി നൽകുക എന്നത് കമ്മ്യൂണിസ്റ്റ് പാർട്ടിയുടെ പ്രധാന ലക്ഷ്യമാണ്. വ്യക്തിപരമായ ഭീകരപ്രവർത്തനങ്ങളെ (Individual Terrorism) മാർക്സിസം അംഗീകരിക്കുന്നില്ലെന്നും അത് ജനങ്ങളെ വിപ്ലവത്തിൽ നിന്ന് അകറ്റുമെന്നും ഈ രേഖ മുന്നറിയിപ്പ് നൽകുന്നു. പാർലമെൻ്ററി തിരഞ്ഞെടുപ്പുകളിൽ മത്സരിക്കണമെന്നും ജനങ്ങൾ എവിടെയുണ്ടോ അവിടെ പാർട്ടി ഉണ്ടായിരിക്കണമെന്നും ഈ നയം വ്യക്തമാക്കുന്നു. കമ്മ്യൂണിസ്റ്റ് പാർട്ടി തിരഞ്ഞെടുപ്പിലൂടെ അധികാരത്തിൽ വരുന്നതിനും വർഷങ്ങൾക്കു മുൻപുള്ള പാർട്ടി നിലപാടും സമീപനങ്ങളും ചർച്ചാവിധേയമാക്കുന്ന രേഖ എന്ന ചരിത്രപരമായ പ്രാധാന്യവും ഈ ലഘുലേഖക്കുണ്ട്

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : 1951-ലെ നയ പ്രഖ്യാപനം
• പ്രസിദ്ധീകരണ വർഷം: 1968
• അച്ചടി: P.P. Press, Palayam, Thiruvananthapuram
• താളുകളുടെ എണ്ണം: 30
  
• സ്കാൻ ലഭ്യമായ ഇടം: കണ്ണി

 

1967 – ൽ ഇന്ത്യൻ കമ്മ്യൂണിസ്റ്റ് പാർട്ടിയുടെ സംസ്ഥാന കമ്മിറ്റി  പ്രസിദ്ധീകരിച്ച നാലാം പൊതുതിരഞ്ഞെടുപ്പ്
ഒരവലോകനം എന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

 

1967-ലെ നാലാം പൊതുതിരഞ്ഞെടുപ്പ് ഇന്ത്യൻ രാഷ്ട്രീയത്തിൽ നിലനിന്നിരുന്ന കോൺഗ്രസ് മേധാവിത്വത്തിൻ്റെ തകർച്ചയ്ക്കും സഖ്യകക്ഷി രാഷ്ട്രീയത്തിൻ്റെ ഉദയത്തിനും സാക്ഷ്യം വഹിച്ച നിർണ്ണായകമായ ഒരു ചരിത്രഘട്ടമായിരുന്നു. കമ്മ്യൂണിസ്റ്റ് പാർട്ടിയിലെ ഭിന്നിപ്പും വലതുപക്ഷ ശക്തികളുടെ കടന്നുകയറ്റവും ഉയർത്തിയ വെല്ലുവിളികളെ അതിജീവിച്ച്, തങ്ങളുടെ രാഷ്ട്രീയ നിലപാടുകൾ ശരിയാണെന്ന് തെളിയിക്കാൻ ഈ കാലയളവിൽ ഇടതുപക്ഷ പ്രസ്ഥാനങ്ങൾക്ക് സാധിച്ചു. ചുരുക്കത്തിൽ, ഏകകക്ഷി ഭരണത്തിൽ നിന്ന് ബഹുകക്ഷി ജനാധിപത്യത്തിലേക്കുള്ള അധികാരമാറ്റത്തെയും പുതിയ രാഷ്ട്രീയ ധ്രുവീകരണങ്ങളെയും കുറിച്ചുള്ള ഗൗരവകരമായ നിരീക്ഷണങ്ങളാണ് ഈ പഠനം മുന്നോട്ടുവെക്കുന്നത്.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : നാലാം പൊതുതിരഞ്ഞെടുപ്പ്
  ഒരവലോകനം
• പ്രസിദ്ധീകരണ വർഷം: 1967
• അച്ചടി: ജനയുഗം പ്രസ്സ് കൊല്ലം
• താളുകളുടെ എണ്ണം: 112
  
• സ്കാൻ ലഭ്യമായ ഇടം: കണ്ണി

 

 

 

 

 

 

1990-ൽ ചിന്ത പബ്ലിഷേഴ്സ്  പുറത്തിറക്കിയ മോസ്കൊ പ്രഖ്യാപനവും മോസ്കൊ പ്രസ്താവനയും എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

സോഷ്യലിസ്റ്റ് രാഷ്ട്രങ്ങളിലെ കമ്യൂണിസ്‌റ്റ് വർക്കേഴ്സ് പാർട്ടി പ്രതിനിധികളുടെ ഒരു സമ്മേളനം 1957 നവംബർ14 മുതൽ 16വരെ മോസ്കോവിൽ ചേർന്നു. ആ സമ്മേളനം ഐകകണ്‌ണ്ഠേന അംഗീകരിച്ച പ്രഖ്യാപനമാണ് ഈ പുസ്തകത്തിലുള്ളത്. എല്ലാ രാജ്യങ്ങളിലെയും തൊഴിലാളിവർഗത്തെയും ജനതകളെയും അണിനിരത്തിക്കൊണ്ട്, കമ്യൂണിസ്റ്റ് തൊഴിലാളിപാർട്ടികൾ, തങ്ങളുടെ മുമ്പോട്ടുള്ള ഗതിയിൽ നേരിടുന്ന പ്രതിബന്ധങ്ങൾ തരണം ചെയ്യുമെന്നും, സമാധാനത്തിനും, ജനാധിപത്യത്തിനും, സോഷ്യലിസത്തിനുംവേണ്ടിയുള്ള തങ്ങളുടെ മഹത്തായ സമരത്തിൽ ഇനിയും നേടാനിരിക്കുന്ന ഗംഭീരവിജയങ്ങളുടെ ഗതിവേഗം വർധിപ്പിക്കുമെന്നുമുള്ള തങ്ങളുടെ ഉറച്ച വിശ്വാസം, ഈ സമ്മേളനത്തിൽ സംബന്ധിച്ച പ്രതിനിധികൾ ഏകകണ്ഠമായി പ്രകടിപ്പിച്ചിട്ടുണ്ട്. മാർക്സിസം-ലെനിനിസത്തിൻ്റെയും തൊഴിലാളിവർഗ സാർവദേശീയതയുടെയും അടിസ്ഥാനത്തിൽ കമ്യൂണിസ്ററ് പാർട്ടികൾ ഇനിയും ശക്‌തിപ്പെടുകയും ഐക്യപ്പെടുകയും ചെയ്യേണ്ടത് എല്ലാ തൊഴിലാളിവർഗ- ജനാധിപത്യ പുരോഗമനശക്തികളുടെയും ഏകീകരണത്തിൻ്റെ അവശ്യോപാധിയാണെന്നും, മുഴുവൻ മനുഷ്യരാശിക്കും സന്തുഷ്ടമായൊരു ഭാവി ഉണ്ടാക്കുന്നതിനും, സോഷ്യലിസത്തിൻ്റെ ലക്ഷ്യങ്ങളുടെ വിജയത്തിനു വേണ്ടി ലോകകമ്യൂണിസ്ററ്-തൊഴിലാളിവർഗ പ്രസ്ഥാനം നടത്തുന്ന മഹത്തായ സമരത്തിലെ പുതിയ വിജയങ്ങളുടെ ഉറപ്പായും, ഈ സമ്മേളനത്തെ കാണുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര് : മോസ്കൊ പ്രഖ്യാപനവും മോസ്കൊ പ്രസ്താവനയും
• അച്ചടി:P. Krishnapilla Memorial Printing and Publishing Company,Thiruvannathapuram
• താളുകളുടെ എണ്ണം: 100
  
• സ്കാൻ ലഭ്യമായ ഇടം: കണ്ണി

1977-ൽ പ്രസിദ്ധീകരിച്ച, കെ. ദാമോദരൻ സ്മാരക ഗ്രന്ഥം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്കമ്മ്യൂണിസ്റ്റ് പാർട്ടി ഓഫ് ഇന്ത്യയുടെ കേരളത്തിലെ സ്ഥാപകനേതാക്കളിൽ ഒരാളും മാർക്സിസ്റ്റ് സൈദ്ധാന്തികനും എഴുത്തുകാരനുമായിരുന്ന കെ. ദാമോദരനെക്കുറിച്ചുള്ള സ്മരണികയാണ് ഇത്. കേരളത്തിലെ പുരോഗമന ചിന്തയുടെയും മാർക്സിസ്റ്റ് ബൗദ്ധികപ്രസ്ഥാനത്തിൻ്റെയും വളർച്ചയിൽ അദ്ദേഹത്തിൻ്റെ സംഭാവനകളെ ഈ പുസ്തകം വിലയിരുത്തുന്നു. കെ. ദാമോദരൻ്റെ ജീവിതം, മാർക്സിസ്റ്റ് തത്ത്വചിന്തയിലേക്കുള്ള അദ്ദേഹത്തിൻ്റെ സംഭാവനകൾ, സാഹിത്യ-സാംസ്കാരിക രംഗത്തെ പ്രവർത്തനം എന്നിവയെ ഗ്രന്ഥത്തിലെ ലേഖനങ്ങൾ വിശകലനം ചെയ്യുന്നു. ഇന്ത്യൻ തത്ത്വചിന്ത, സാമൂഹികചരിത്രം, മാർക്സിസ്റ്റ് സിദ്ധാന്തം എന്നിവയെ ജനപ്രിയമാക്കുന്നതിൽ കെ. ദാമോദരൻ നടത്തിയ പ്രവർത്തനങ്ങൾക്കും അദ്ദേഹത്തിൻ്റെ ബൗദ്ധിക സ്വാധീനത്തിനും ഗ്രന്ഥത്തിൽ പ്രത്യേക പ്രാധാന്യം നൽകിയിട്ടുണ്ട്. അദ്ദേഹത്തിൻ്റെ ചിന്തകൾ കേരളത്തിലെ പുരോഗമന പ്രസ്ഥാനങ്ങളെ എങ്ങനെ സ്വാധീനിച്ചുവെന്നതും ഈ ലേഖനങ്ങൾ ചർച്ച ചെയ്യുന്നു.

ഇംഗ്ലീഷിലും മലയാളത്തിലുമായി രണ്ടു വിഭാഗങ്ങളിലായാണ് രചനകളെ ഇതിൽ ഉൾപ്പെടുത്തിയിരിക്കുന്നത്. രാഷ്ട്രീയ-സാമൂഹിക-സാഹിത്യ രംഗത്തെ പ്രഗൽഭരായ പലരും ഈ പുസ്തകത്തിൽ അദ്ദേഹത്തെ അനുസ്മരിക്കുന്നു. കുടുംബാംഗങ്ങളുടെയും കെ.ദാമോദരൻ പങ്കെടുത്ത ചില പൊതുപരിപാടികളുടെയും ചിത്രങ്ങൾ ഇതിൽ അവസാനം കൊടുത്തിട്ടുണ്ട്

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: കെ. ദാമോദരൻ സ്മാരക ഗ്രന്ഥം
• പ്രസിദ്ധീകരണ വർഷം: 1977
• താളുകളുടെ എണ്ണം: 263
• അച്ചടി: Deepti Printers, Thiruvananthapuram
• സ്കാൻ ലഭ്യമായ ഇടം: കണ്ണി

1963-ൽ പ്രസിദ്ധീകരിച്ച, സ്വാമി വിവേകാനന്ദൻ രചിച്ച, രാജയോഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1896-ലാണ് രാജയോഗം പ്രസിദ്ധീകരിക്കുന്നത്. പാശ്ചാത്യ ലോകത്ത് ഹിന്ദു ദർശനവും യോഗശാസ്ത്രവും പരിചയപ്പെടുത്തുന്നതിനായി വിവേകാനന്ദൻ ഇംഗ്ലീഷിൽ രചിച്ച ഈ കൃതി, ഭാരതീയ ആത്മീയചിന്തയുടെ പ്രധാന സാരാംശം ഉൾക്കൊള്ളുന്നു.

ഈ ഗ്രന്ഥത്തിൽ പതഞ്ജലി മഹർഷിയുടെ യോഗസൂത്രങ്ങൾ അടിസ്ഥാനമാക്കി രാജയോഗത്തിന്റെ സിദ്ധാന്തങ്ങളും പ്രായോഗിക മാർഗങ്ങളും വിശദീകരിച്ചിരിക്കുന്നു. മനസ്സിനെ നിയന്ത്രിച്ച് ആത്മസാക്ഷാത്കാരം നേടുക എന്നതാണ് രാജയോഗത്തിൻ്റെ പ്രധാന ലക്ഷ്യം എന്ന് വിവേകാനന്ദൻ വ്യക്തമാക്കുന്നു. യോഗത്തിൻ്റെ നാലു ഘട്ടങ്ങളായ ധാരണ, ധ്യാനം, സമാധി തുടങ്ങിയ വിഷയങ്ങൾ ലളിതമായ ഭാഷയിൽ അവതരിപ്പിക്കുന്നു. ശാസ്ത്രീയ സമീപനവും ആത്മീയ വിവരണവും ചേർന്ന അവതരണശൈലിയാണ് ഈ കൃതിയുടെ പ്രത്യേകത. പാശ്ചാത്യ രാജ്യങ്ങളിൽ വേദാന്തവും യോഗവും പ്രചരിപ്പിക്കുന്നതിൽ രാജയോഗം നിർണായക പങ്ക് വഹിച്ചു. ഇന്നും ആത്മീയാന്വേഷണത്തിൽ താൽപര്യമുള്ളവർക്ക് ഈ ഗ്രന്ഥം ഒരു പ്രമാണഗ്രന്ഥമായി പരിഗണിക്കപ്പെടുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: രാജയോഗം
• രചന: Swami Vivekanandan
• പ്രസിദ്ധീകരണ വർഷം: 1963
• താളുകളുടെ എണ്ണം:323
• അച്ചടി: Mathrubhumi Press, Kozhikode-1
• സ്കാൻ ലഭ്യമായ ഇടം: കണ്ണി

1958-ൽ പ്രസിദ്ധീകരിച്ച, സത്യവേദപുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ക്രിസ്തുമത വിശ്വാസികളുടെ വിശുദ്ധഗ്രന്ഥമായ ബൈബിളിനെയാണ്  സത്യവേദപുസ്തകം സൂചിപ്പിക്കുന്നത്. സത്യവേദപുസ്തകം പ്രധാനമായും രണ്ട് ഭാഗങ്ങളായി വിഭജിക്കപ്പെട്ടിരിക്കുന്നു, പഴയ നിയമവും പുതിയ നിയമവും. പഴയതും പുതിയതുമായ നിയമങ്ങൾ അടങ്ങിയ പുസ്തകമാണ് ഇപ്പോൾ ഡിജിറ്റൈസ് ചെയ്തു പ്രസിദ്ധീകരിക്കുന്നത്

സത്യവേദപുസ്തകം മനുഷ്യരെ സത്യത്തിലേക്കും നീതിയിലേക്കും സ്നേഹത്തിലേക്കും നയിക്കുന്ന ആത്മീയ മാർഗ്ഗദർശകമായി കണക്കാക്കപ്പെടുന്നു. ലോകത്തിലെ ഏറ്റവും കൂടുതൽ ഭാഷകളിലേക്ക് വിവർത്തനം ചെയ്യപ്പെട്ട ഗ്രന്ഥങ്ങളിൽ ഒന്നാണ് ഇത്. പഴയ നിയമം ലോകസൃഷ്ടിയും ഇസ്രായേൽജനതയുടെ ചരിത്രവും പ്രവാചകന്മാരുടെ സന്ദേശങ്ങളും വിവരിക്കുന്നു. പുതിയ നിയമം യേശുക്രിസ്തുവിന്റെ ജനനം, ഉപദേശങ്ങൾ, അത്ഭുതങ്ങൾ, കുരിശു മരണം, ഉയിർത്തെഴുന്നേൽപ്പ് എന്നിവയും ആദ്യകാല സഭയുടെ ചരിത്രവും ഉൾക്കൊള്ളുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : സത്യവേദപുസ്തകം
• പ്രസിദ്ധീകരണ വർഷം: 1958
• താളുകളുടെ എണ്ണം: 1185
  
• സ്കാൻ ലഭ്യമായ ഇടം: കണ്ണി

Through this post we are releasing the scan of District Handbook of Kerala – Palakkad published in the year 1997

This handbook was published by the Director, Department of Public Relations Government of Kerala and  that provides overview information about the district. It typically would include essential facts about Palakkad’s geography, administration, socio-economic profile, and notable features as part of Kerala’s district handbook series

This document was made available for digitization from the P Govinda Pillai Library, Thiruvananthapuram.

Metadata and link to the digitized document are provided below.

Metadata and link to the digitized document

• Title: District Handbook of Kerala – Palakkad
• Editor: M. Josephath
• Published Year: 1997
• Number of pages: 45
• Scan link: Link

1999-ൽ പ്രസിദ്ധീകരിച്ച, ഭരണകൂടവും സംസ്കാരവും എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1999-ൽ തിരുവനന്തപുരം കനകക്കുന്നിൽ വെച്ചു നടന്ന സാംസ്കാരികോത്സവം-99 ൻ്റെ ഭാഗമായി അവതരിപ്പിക്കപ്പെട്ട സെമിനാർ പ്രബന്ധമാണ് ഇത്. പി. ഗോവിന്ദപ്പിള്ള ആണ് പ്രബന്ധം അവതരിപ്പിച്ചത്. സ്റ്റേറ്റ് (ഭരണകൂടം), ഗവണ്മെൻ്റ് എന്നിവ തമ്മിലുള്ള വ്യത്യാസം ഇതിൽ വ്യക്തമാക്കുന്നു. സംസ്കാരം എന്നത് വെറും കലയോ സാഹിത്യമോ മാത്രമല്ല, മറിച്ച് മനുഷ്യൻ്റെ ധാർമ്മിക വിശ്വാസങ്ങളും മൂല്യബോധവും ആചാരങ്ങളും ബന്ധപ്പെട്ട ഒന്നാകുന്നു. സംസ്കാരം വിനോദത്തിൻ്റെ പരിധിയിൽ ഒതുങ്ങുന്ന ഒന്നല്ല, അത് ഭരണകൂടം, അധികാരം, ജനാധിപത്യം എന്നിവയുമായി ബന്ധപ്പെട്ടു നിൽക്കുന്ന പ്രക്രിയയാണ്. മലയാളത്തിലും ഇംഗ്ലീഷിലും രണ്ട് ഭാഗങ്ങൾ ആയി പുസ്തകത്തെ തിരിച്ചിരിക്കുന്നു. കല, സാഹിത്യം, സിനിമ, ജനകീയ കലകൾ എന്നിവയെ ഭരണനയങ്ങളും സാമൂഹികഘടനകളും എങ്ങനെ സ്വാധീനിക്കുന്നു എന്ന ചിന്ത കൂടി ഈ പ്രബന്ധത്തിലൂടെ കടന്നു പോവുമ്പോൾ കാണാൻ കഴിയും

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് :ഭരണകൂടവും സംസ്കാരവും
• പ്രസിദ്ധീകരണ വർഷം: 1999
• താളുകളുടെ എണ്ണം: 31
  
• സ്കാൻ ലഭ്യമായ ഇടം: കണ്ണി

1974 -ൽ ഇന്ത്യൻ കമ്മ്യൂണിസ്റ്റ് പാർട്ടി ദേശീയ കൗൺസിൽ പ്രസിദ്ധീകരിച്ച, കമ്മ്യൂണിസ്റ്റ് പാർട്ടിയുടെ വിദ്യാഭ്യാസനയ പ്രസ്താവന എന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1974 ജൂലൈ 31 മുതൽ ആഗസ്റ്റ് 4 വരെ ന്യൂ ഡൽഹിയിൽ ചേർന്ന CPI ദേശീയ കൗൺസിൽ അംഗീകരിച്ച പ്രമേയമാണിത്. വിദ്യാഭ്യാസനയ പ്രസ്താവനയുടെ ലക്ഷ്യം ജനാധിപത്യപരവും സാമൂഹികനീതിയോടുകൂടിയതുമായ വിദ്യാഭ്യാസ വ്യവസ്ഥ സ്ഥാപിക്കുക എന്നതായിരുന്നു. വിദ്യാഭ്യാസത്തെ ഒരു സാമൂഹിക വിമോചന പ്രക്രിയയായി കാണുന്ന ദർശനമാണ് ഈ പ്രമേയം മുന്നോട്ടുവച്ചത്. ഇന്ന് വിദ്യാഭ്യാസം കൂടുതൽ വാണിജ്യവൽക്കരിക്കപ്പെടുന്ന സാഹചര്യത്തിൽ, ഈ പ്രസ്താവന ഉയർത്തിയ ആശയങ്ങൾ ഇന്നും പ്രസക്തിയോടെ നിലനിൽക്കുന്നു. പൊതുവിദ്യാഭ്യാസത്തിന്റെ സംരക്ഷണത്തിനും സാമൂഹ്യനീതിയുള്ള ഒരു സമൂഹത്തിനും ഈ നയപ്രസ്താവന ഒരു വഴികാട്ടിയായി തുടരുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : കമ്മ്യൂണിസ്റ്റ് പാർട്ടിയുടെ വിദ്യാഭ്യാസനയ പ്രസ്താവന
• പ്രസിദ്ധീകരണ വർഷം: 1974
• താളുകളുടെ എണ്ണം: 43
  
• അച്ചടി: Janayugam Press, Quilon
• സ്കാൻ ലഭ്യമായ ഇടം: കണ്ണി