Category: Kottayam Public Library

1964 – ൽ പ്രസിദ്ധീകരിച്ച, സ്വാമി ജ്ഞാനാനന്ദസരസ്വതി വ്യാഖ്യാനം രചിച്ച ഉത്തരഗീത എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സ്വാമി ജ്ഞാനാനന്ദസരസ്വതി വ്യാഖ്യാനം തയ്യാറാക്കിയ കൃതിയാണ് ഉത്തരഗീത. ഭഗവദ്ഗീതയ്ക്കും അനുഗീതയ്ക്കും ശേഷം അർജ്ജുനൻ്റെ സംശയദൂരീകരണത്തിനായി ഭഗവാൻ ശ്രീകൃഷ്ണൻ നൽകുന്ന തത്വോപദേശമാണ് ഇതിൽ അടങ്ങുന്നത്. മൂന്ന് അധ്യായങ്ങളിലായാണ് ഇതിലെ ആശയങ്ങൾ ഉൾപ്പെടുത്തിയിരിക്കുന്നത്. ബാഹ്യമായ അന്വേഷണങ്ങൾ അവസാനിപ്പിച്ച്, ധ്യാനത്തിലൂടെ സ്വന്തം ഉള്ളിലേക്ക് നോക്കി താനും ഈശ്വരനും ഒന്നാണെന്ന് തിരിച്ചറിയുക എന്നതാണ് ഉത്തരഗീതയുടെ സാരാംശം.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഉത്തരഗീത 
• രചന: സ്വാമി ജ്ഞാനാനന്ദസരസ്വതി
• പ്രസിദ്ധീകരണ വർഷം: 1964
• അച്ചടി: ഗീത പ്രസ്സ്, തൃശ്ശിവപേരൂർ
• താളുകളുടെ എണ്ണം: 56
• സ്കാൻ ലഭ്യമായ ഇടം: കണ്ണി

1923 – ൽ പ്രസിദ്ധീകരിച്ച, വരാപ്പുഴപ്പള്ളി – ചരിത്രസംക്ഷേപം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1923 മേയിൽ വരാപ്പുഴയിലെ പുതിയ കത്തോലിക്കാ ദേവാലയത്തിൻ്റെ ആശീർവാദത്തോടനുബന്ധിച്ച് പ്രസിദ്ധീകരിച്ച പുസ്തകമാണിത്. വരാപ്പുഴപ്പള്ളിയുടെ ചരിത്രസംക്ഷേപമാണ് ഇതിൽ വിവരിക്കുന്നത്. 1656 – ൽ ഏഴാം അലക്സാണ്ടർ മാർപ്പാപ്പയുടെ നിർദേശപ്രകാരം കേരളത്തിലെത്തിയ കർമ്മലീത്താ മിഷണറിമാരുടെ പ്രവർത്തനങ്ങളും, ‘ഹോർത്തൂസ് മലബാറിക്കസ്’ രചനയിൽ സഹായിയായതിനെ തുടർന്ന് ഡച്ച് ഗവർണർ വാൻ റീഡിന് 1673 – ൽ ലഭിച്ച അനുമതിയോടെ വരാപ്പുഴയിൽ പള്ളി പണിത ചരിത്രവും ഇതിൽ വിവരിക്കുന്നു. വിശുദ്ധ പത്രോസിൻ്റെ ബസിലിക്കയുടെ മാതൃകയിൽ നിർമ്മിച്ച്, കാലാന്തരത്തിൽ വിപുലീകരിച്ച പഴയ പള്ളി 1920 – ലെ കനത്ത മഴയിൽ ഇടിഞ്ഞുവീണു. തുടർന്ന് 1921 – ൽ തറക്കല്ലിട്ട്, ബ്രദർ ലീയോയുടെ ശില്പകലാ രൂപകൽപ്പനയിൽ ഗോഥിക് ആർച്ചുകളും കോൺക്രീറ്റ് തൂണുകളും ഉൾപ്പെടുത്തി 1923 – ൽ നിർമ്മാണം പൂർത്തിയാക്കിയ പുതിയ പള്ളിയുടെ വിശേഷങ്ങളും ഇവിടെ രേഖപ്പെടുത്തിയിട്ടുണ്ട്. ഒപ്പം, ടിപ്പു സുൽത്താൻ്റെ ആക്രമണകാലത്ത് പള്ളി കേടുപാടുകളില്ലാതെ രക്ഷപ്പെട്ട സംഭവവും, അവിടെ അടക്കം ചെയ്തിട്ടുള്ള പ്രമുഖ മിഷണറിമാരുടെ വിവരങ്ങളും, സഭയ്ക്കെതിരായ വിമർശനങ്ങളെ സമാധാനത്തോടും ദൈവവിശ്വാസത്തോടും നേരിടാനുള്ള ഫാദർ ബോനവന്തൂറിൻ്റെ ഉപദേശങ്ങളും ഈ പുസ്തകത്തിൽ ഉൾക്കൊള്ളുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: വരാപ്പുഴപ്പള്ളി – ചരിത്രസംക്ഷേപം
• പ്രസിദ്ധീകരണ വർഷം: 1923
• അച്ചടി: ഐ.എസ്. എറണാകുളം
• താളുകളുടെ എണ്ണം: 60
• സ്കാൻ ലഭ്യമായ ഇടം: കണ്ണി

1955 – ൽ പ്രസിദ്ധീകരിച്ച, എ. ബാലകൃഷ്ണപിള്ള പരിഭാഷ തയ്യാറാക്കിയായ കാമുകൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

 

1880-കളിലെ പാരീസ് നഗരത്തിൻ്റെ പശ്ചാത്തലത്തിലാണ് ഈ കഥ നടക്കുന്നത്. മുൻ ഫ്രഞ്ച് സൈനികനായ ജോർജ്ജ് ഡുറുവ ദരിദ്രമായ സാഹചര്യങ്ങളിൽ നിന്നാണ് പാരീസിലെത്തുന്നത്. പ്രത്യേക കഴിവുകളോ, മികച്ച വിദ്യാഭ്യാസമോ, ധാർമ്മിക ബോധമോ ഇല്ലാത്ത ഡുറുവ, തൻ്റെ ആകർഷകമായ ബാഹ്യസൗന്ദര്യവും വശ്യതയുമാണ് തൻ്റെ ഏറ്റവും വലിയ ആയുധമെന്ന് തിരിച്ചറിയുന്നു. ഒരു പഴയ സൈനിക സുഹൃത്ത് വഴി ‘ലാ വീ ഫ്രാൻസെസ്’ എന്ന പത്രത്തിൽ ജോലി നേടുന്ന ഡുറുവ, പിന്നീട് പാരീസിലെ സമ്പന്നരും സ്വാധീനമുള്ളവരുമായ സ്ത്രീകളെ തൻ്റെ വശ്യതയിൽ വീഴ്ത്താൻ തുടങ്ങുന്നു. കാമുകിമാർ സ്നേഹത്തോടെ ‘ബെൽ-അമി’ എന്ന് വിളിക്കുന്ന ഡുറുവ, ക്ലോട്ടിൽഡ്, മദ്‌ലെയ്ൻ, വിർജീനി തുടങ്ങിയ പ്രഭുസ്ത്രീകളുടെ സഹായത്തോടെ വാർത്തകൾ എഴുതുകയും, രാഷ്ട്രീയ രഹസ്യങ്ങൾ ചോർത്തുകയും, വലിയ അളവിൽ പണം സമ്പാദിക്കുകയും ചെയ്യുന്നു. യാതൊരു തത്ത്വദീക്ഷയുമില്ലാതെ സ്ത്രീകളെ കരുവാക്കി, സമൂഹത്തിൻ്റെ ഉന്നത ശ്രേണിയിലേക്ക് ഡുറുവ നടത്തുന്ന സ്വാർത്ഥപരമായ വളർച്ചയും, ഒടുവിൽ വലിയൊരു സമ്പന്ന കുടുംബത്തിലേക്ക് വിവാഹം കഴിച്ച് രാഷ്ട്രീയ അധികാരത്തിൻ്റെ ഉന്നതിയിലെത്തുന്നതുമാണ് നോവലിൻ്റെ സാരം. അന്നുവരെ മലയാളത്തിൽ നിലനിന്നിരുന്ന കാല്പനിക കഥാശൈലികളിൽ നിന്ന് മാറി, ജീവിതത്തിൻ്റെ കടുത്ത യാഥാർത്ഥ്യങ്ങൾ കാണിക്കുന്ന പാശ്ചാത്യ റിയലിസത്തിലേക്ക് മലയാള വായനക്കാരെ ഈ നോവൽ നയിച്ചു. പിന്നീട് മാധ്യമ സ്വാതന്ത്ര്യം, രാഷ്ട്രീയ അഴിമതി, ധാർമ്മികതയുടെ നിർവ്വചനങ്ങൾ എന്നിവയെക്കുറിച്ച് മലയാളി ബുദ്ധിജീവികൾക്കിടയിൽ പുതിയ സംവാദങ്ങൾക്ക് ഈ ഗ്രന്ഥം വഴിയൊരുക്കി.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കാമുകൻ
• രചന: എ. ബാലകൃഷ്ണപിള്ള
• പ്രസിദ്ധീകരണ വർഷം: 1955
• അച്ചടി: ഭാഗ്യോദയം പ്രസ്സ്, പുളിക്കീഴ്
• താളുകളുടെ എണ്ണം: 504
• സ്കാൻ ലഭ്യമായ ഇടം: കണ്ണി

 

 

 

 

1952 – ൽ പ്രസിദ്ധീകരിച്ച, കൊടുങ്ങല്ലൂർ കുഞ്ഞുകുട്ടൻ തമ്പുരാൻ പരിഭാഷ തയ്യാറാക്കിയായ ഭാഷാഭാരതം – ഒന്നാംവാള്യം – ആദിപർവ്വം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കൊടുങ്ങല്ലൂർ കുഞ്ഞുകുട്ടൻ തമ്പുരാൻ എൺപത്തിയേഴ് ദിവസങ്ങൾ കൊണ്ട് മലയാളത്തിലേക്ക് വൃത്താനുവൃത്തം തർജ്ജമ ചെയ്ത മഹത്തായ ഇതിഹാസ പദ്യഗ്രന്ഥമാണ് ഭാഷാഭാരതം. വ്യാസമഹാഭാരതത്തിലെ ഒരു ലക്ഷത്തോളം വരുന്ന ശ്ലോകങ്ങളുടെ തനതായ ഭാവവും അർത്ഥവും  ചോർന്നുപോകാതെ ലളിതമായ മലയാളത്തിൽ അവതരിപ്പിക്കാൻ കഴിഞ്ഞു എന്നതാണ് ഈ കൃതിയുടെ പ്രധാന സവിശേഷത.

സംസ്കൃത പണ്ഡിതന്മാർക്ക് മാത്രം പ്രാപ്യമായിരുന്ന ഇതിഹാസത്തെ സാധാരണക്കാരായ വായനക്കാരിലേക്ക് എത്തിക്കുന്നതിലും മലയാള സാഹിത്യത്തിൻ്റെ പദസമ്പത്ത് വർദ്ധിപ്പിക്കുന്നതിലും ഈ ഗ്രന്ഥം നിർണ്ണായക പങ്കുവഹിച്ചു. ചുരുക്കത്തിൽ, മലയാള സാഹിത്യ ചരിത്രത്തിൽ സമാനതകളില്ലാത്ത വേഗത കൊണ്ടും അപാരമായ കാവ്യ ഭംഗി കൊണ്ടും എന്നും സ്മരിക്കപ്പെടുന്ന കാലാതീതമായ ഒരു അമൂല്യ കൃതിയാണ് ഭാഷാഭാരതം.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഭാഷാഭാരതം – ഒന്നാംവാള്യം – ആദിപർവ്വം
• രചന: കൊടുങ്ങല്ലൂർ കുഞ്ഞുകുട്ടൻ തമ്പുരാൻ
• പ്രസിദ്ധീകരണ വർഷം: 1952
• അച്ചടി: വിജയ പ്രിൻ്റിങ് & പബ്ലിഷിങ് ഹൗസ്, ഇരിങ്ങാലക്കുട
• താളുകളുടെ എണ്ണം: 1074
• സ്കാൻ ലഭ്യമായ ഇടം: കണ്ണി

1955 – ൽ പ്രസിദ്ധീകരിച്ച, മലയാളരാജ്യം പരിഭാഷ തയ്യാറാക്കിയായ ബൻജമിൻ ഫ്രാൻക്ലിൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

 

അമേരിക്കൻ രാഷ്ട്രതന്ത്രജ്ഞനും ശാസ്ത്രജ്ഞനുമായിരുന്ന ബഞ്ചമിൻ ഫ്രാങ്ക്ളിൻ്റെ വിഖ്യാതമായ ആത്മകഥയുടെ ( The Autobiography of Benjamin Franklin ) മലയാള വിവർത്തനമാണ് ഈ പുസ്തകം. മലയാളരാജ്യം പത്രത്തിൻ്റെ പത്രാധിപ സമിതിയാണ് ഇത് മലയാളത്തിലേക്ക് പരിഭാഷപ്പെടുത്തിയത്. ഫ്രാങ്ക്ളിൻ്റെ ജീവിതാനുഭവങ്ങൾ, വ്യക്തിത്വ വികസന തത്ത്വങ്ങൾ, സാമൂഹിക-ശാസ്ത്രീയ സംഭാവനകൾ എന്നിവ മലയാളി വായനക്കാർക്ക് ലളിതമായി പരിചയപ്പെടുത്താൻ ഈ ഗ്രന്ഥം ലക്ഷ്യമിടുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ബൻജമിൻ ഫ്രാൻക്ലിൻ
• രചന: മലയാളരാജ്യം
• പ്രസിദ്ധീകരണ വർഷം: 1955
• അച്ചടി: എസ്.ആർ.വി. പ്രസ്സ്, കൊല്ലം
• താളുകളുടെ എണ്ണം: 256
• സ്കാൻ ലഭ്യമായ ഇടം: കണ്ണി

 

 

 

1954 – ൽ പ്രസിദ്ധീകരിച്ച, പുരുഷനും ജോസഫും പരിഭാഷ തയ്യാറാക്കിയായ ഞാൻ കണ്ട ചൈന എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അൻപതുകളുടെ ആരംഭത്തിൽ ഇന്ത്യയിൽ നിന്നുള്ള ഗുഡ്‌വിൽ മിഷൻ പ്രതിനിധിയായി ചൈന സന്ദർശിച്ച മലയാളി പത്രപ്രവർത്തകൻ്റെ യാത്രാനുഭവങ്ങളും അഭിമുഖങ്ങളുമാണ് ഈ പുസ്തകം. മാവോ സെ-തൂങ്ങുമായി ഒരു പ്രത്യേക കൂടിക്കാഴ്ച നടത്തണമെന്ന ആഗ്രഹത്തോടെയാണ് രചയിതാവ് ചൈനയിലെത്തുന്നത്. എന്നാൽ വിദേശ പ്രതിനിധികളുടെയും പത്രപ്രവർത്തകരുടെയും തിരക്കു കാരണം മാവോയുമായി മാത്രം ഒരു സ്വകാര്യ കൂടിക്കാഴ്ച ലഭിക്കുന്നില്ല.  പിന്നീട്,  ചൈനയിലെ സാധാരണക്കാരായ വിപ്ലവകാരികളെയും കർഷകരെയും തൊഴിലാളികളെയും നേരിട്ടു കാണുകയും അവരുടെ ജീവിതകഥകൾ കേൾക്കുകയും ചെയ്യുന്നതോടെ മാവോയെ കാണാൻ കഴിയാത്തതിൻ്റെ വിഷമം മാറുന്നു. മാവോയുടെ ആശയങ്ങൾ ചൈനീസ് ജനതയുടെ ജീവിതത്തിൽ വരുത്തിയ മാറ്റങ്ങളാണ് അദ്ദേഹം പുസ്തകത്തിൽ വരച്ചുകാട്ടുന്നത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഞാൻ കണ്ട ചൈന
• രചന: പുരുഷനും ജോസഫും
• പ്രസിദ്ധീകരണ വർഷം: 1954
• അച്ചടി: ഇൻഡ്യാ പ്രസ്സ് , കോട്ടയം
• താളുകളുടെ എണ്ണം: 158
• സ്കാൻ ലഭ്യമായ ഇടം: കണ്ണി

1930 – ൽ പ്രസിദ്ധീകരിച്ച, കൊടുങ്ങല്ലൂർ കൊച്ചുണ്ണിത്തമ്പുരാൻ പരിഭാഷ തയ്യാറാക്കിയായ ശ്രീരാമാശ്വമേധം കിളിപ്പാട്ട് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സംസ്കൃതത്തിലെ  പത്മപുരാണത്തിലെ പാതാളഖണ്ഡത്തെ അടിസ്ഥാനമാക്കി കൊടുങ്ങല്ലൂർ കൊച്ചുണ്ണിത്തമ്പുരാൻ മലയാളത്തിലേക്ക് പരിഭാഷപ്പെടുത്തിയ കൃതിയാണ് ശ്രീരാമാശ്വമേധം കിളിപ്പാട്ട്. ശ്രീരാമൻ നടത്തുന്ന അശ്വമേധയാഗത്തിൻ്റെ പശ്ചാത്തലത്തിൽ, യാഗാശ്വത്തെ ലവനും കുശനും തടഞ്ഞുവെക്കുന്നതും തുടർന്നുണ്ടാകുന്ന യുദ്ധവും, സീതാദേവിയുമായുള്ള പുനഃസമാഗമവും ഉൾപ്പെടുന്ന രാമായണ കഥയാണ് ഈ പുസ്തകത്തിൽ പ്രധാനമായും പ്രമേയമാക്കിയിരിക്കുന്നത്. മൂലകൃതിയായ പത്മപുരാണം രചിച്ചത് വ്യാസമഹർഷി ആണെന്ന് കരുതപ്പെടുന്നു. സംസ്കൃത പദങ്ങളുടെ വലിയ സ്വാധീനം കാവ്യത്തിലുടനീളം കാണാം. ക്ലാസിക്കൽ സാഹിത്യ പ്രേമികൾക്കും ഭാഷാ ഗവേഷകർക്കും രാമായണ കഥാഭാഗങ്ങളെ ആഴത്തിൽ മനസ്സിലാക്കാൻ സഹായിക്കുന്ന കൃതിയാണിത്.

1953 – ൽ പ്രസിദ്ധീകരിച്ച, കെ. കേശവൻ നായർ രചിച്ച  ആദർശപുരുഷന്മാർ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കെ. കേശവൻ നായർ രചിച്ച ആദർശപുരുഷന്മാർ എന്ന ഈ ഗ്രന്ഥം, ഭാരതീയ ചരിത്രത്തിലും ദർശനത്തിലും തിളങ്ങിനിൽക്കുന്ന മഹത്തുക്കളായ വ്യക്തിത്വങ്ങളുടെ ജീവിതവും അവരിലൂടെ രൂപപ്പെട്ട തത്ത്വചിന്തകളും വളരെ ലളിതമായി പ്രതിപാദിക്കുന്ന ഒന്നാണ്. അദ്വൈതസിദ്ധാന്തത്തിൻ്റെ സ്ഥാപകനും ഭാരതത്തിലുടനീളം മഠങ്ങൾ സ്ഥാപിച്ച് മതപ്രചാരണം നടത്തുകയും ചെയ്ത ശ്രീ ശങ്കരാചാര്യരുടെ ജനനം മുതൽ  സമാധി വരെയുള്ള പ്രധാന സംഭവങ്ങൾ പുസ്തകം വിവരിക്കുന്നു. അതോടൊപ്പം വിശിഷ്ടാദ്വൈതത്തിൻ്റെ പ്രയോക്താവായ ശ്രീ രാമാനുജാചാര്യരുടെ ബാല്യകാലവും ഗുരുവായ യാദവപ്രകാശനുമായുള്ള അഭിപ്രായവ്യത്യാസങ്ങളും അതിനെത്തുടർന്നുള്ള വധശ്രമങ്ങളിൽ നിന്നുള്ള രക്ഷപ്പെടലും ഗ്രന്ഥത്തിൽ രേഖപ്പെടുത്തിയിട്ടുണ്ട്. കൂടാതെ ഇന്ത്യൻ സ്വാതന്ത്ര്യസമര ചരിത്രത്തിൽ അവിസ്മരണീയമായ പങ്കുവഹിച്ച ഖാൻ അബ്ദുൾ ഗാഫർ ഖാനും അദ്ദേഹത്തിൻ്റെ സഹോദരനുമുൾപ്പെടുന്ന ഖാൻ സഹോദരന്മാരുടെ ദേശസേവനങ്ങളെയും ജീവിതത്തെയും കുറിച്ച് ഈ കൃതി സമഗ്രമായി ചർച്ച ചെയ്യുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ആദർശപുരുഷന്മാർ
• രചന: കെ. കേശവൻ നായർ
• പ്രസിദ്ധീകരണ വർഷം: 1953
• അച്ചടി: പ്രകാശകൗമുദി പ്രിൻ്റിംഗ് വർക്ക്സ്, കോഴിക്കോട്
• താളുകളുടെ എണ്ണം: 118
• സ്കാൻ ലഭ്യമായ ഇടം: കണ്ണി

1961 – ൽ പ്രസിദ്ധീകരിച്ച, ഏ. പരമേശ്വരശാസ്ത്രികൾ രചിച്ച  ഉപദേശമാല എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കുട്ടികളിലും വിദ്യാർത്ഥികളിലും നല്ല പെരുമാറ്റവും സദാചാരബോധവും വളർത്തിയെടുക്കുക എന്നതാണ് ഈ പുസ്തകത്തിൻ്റെ പ്രധാന ലക്ഷ്യം. കുട്ടികൾക്ക് എളുപ്പത്തിൽ മനസ്സിലാകുന്ന പുരാണ കഥകളുമായി ബന്ധപ്പെടുത്തി ഉപദേശങ്ങൾ നൽകുന്നത് വഴി അവരുടെ മനസ്സിൽ സന്മാർഗ്ഗമൂല്യങ്ങൾ ആഴത്തിൽ പതിയാൻ ഈ ബുക്ക് കുട്ടികളെ സഹായിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഉപദേശമാല
• രചന: ഏ. പരമേശ്വരശാസ്ത്രികൾ
• പ്രസിദ്ധീകരണ വർഷം: 1961
• അച്ചടി: ശ്രീധര പ്രിൻ്റിങ്ങ് ഹൗസ്സ്, തിരുവനന്തപുരം
• താളുകളുടെ എണ്ണം: 54
• സ്കാൻ ലഭ്യമായ ഇടം: കണ്ണി

 

1961 – ൽ പ്രസിദ്ധീകരിച്ച, കേ.എ. പോൾ രചിച്ച  ടാഗോറിൻ്റെ കൊച്ചു രത്നങ്ങൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

വിശ്വമഹാകവി രബീന്ദ്രനാഥ ടാഗോറിൻ്റെ പ്രശസ്തമായ വിവിധ കൃതികളിൽ നിന്നും തിരഞ്ഞെടുത്ത 52 ചെറുഭാഗങ്ങളുടെ (കവിതകൾ, കഥകൾ, ചിന്തകൾ) മലയാള പരിഭാഷയാണ് ഈ സമാഹാരം. കുട്ടികൾക്കും മുതിർന്നവർക്കും ഒരുപോലെ ആസ്വദിക്കാൻ സാധിക്കുന്ന രീതിയിലാണ് ഇതിലെ പാഠങ്ങൾ ഒരുക്കിയിരിക്കുന്നത്. ടാഗോർ സാഹിത്യത്തിലെ ക്ലിഷ്ടതയും മിസ്റ്റിസിസവും മാറ്റി നിർത്തി, അദ്ദേഹത്തിൻ്റെ രചനകളെ സാധാരണക്കാരിലേക്കും കുട്ടികളിലേക്കും ലളിതമായി എത്തിക്കുക എന്നതാണ് ഈ പുസ്തകത്തിൻ്റെ പ്രധാന ലക്ഷ്യം. കുട്ടികളുടെ മനഃശാസ്ത്രവും മാതൃസ്നേഹവും പ്രകൃതിഭംഗിയുമെല്ലാം ലളിതമായ ശൈലിയിൽ ഇതിൽ പ്രതിപാദിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ടാഗോറിൻ്റെ കൊച്ചു രത്നങ്ങൾ
• രചന: കേ.എ. പോൾ
• പ്രസിദ്ധീകരണ വർഷം: 1961
• അച്ചടി: സാഹിത്യനിലയം പ്രസ്സ് , കലൂർ, എറണാകുളം
• താളുകളുടെ എണ്ണം: 158
• സ്കാൻ ലഭ്യമായ ഇടം: കണ്ണി