വിദ്യാഭ്യാസ രംഗത്തും ആതുരശുശ്രൂഷാ രംഗത്തും മഹനീയമായ സംഭാവനകൾ നൽകിയ CMI സന്ന്യാസസമൂഹത്തിലെ പ്രമുഖനായ ഗബ്രിയേലച്ചൻ്റെ പൗരോഹിത്യ സുവർണ്ണജൂബിലിയോടനുബന്ധിച്ച് 1992 ൽ പ്രസിദ്ധീകരിച്ച ഫാ. ഗബ്രിയേൽ പൗരോഹിത്യ സുവർണ്ണ ജൂബിലി സ്മരണിക യുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ഇരിങ്ങാലക്കുട ക്രൈസ്റ്റ് കോളേജിൻ്റെ പ്രമുഖ ശില്പി, സ്ഥാപക ഡയറക്ടർ, സ്ഥാപക പ്രിൻസിപ്പാൾ, തൃശൂർ അമല കാൻസർ ആശുപത്രിയുടെ (ഇപ്പോൾ അമല മെഡിക്കൽ കോളേജ്) സ്ഥാപകൻ, തുടങ്ങി മറ്റനേകം വിദ്യാഭ്യാസ സാമൂഹ്യ, സേവന സംഘടനകളുടെ സ്ഥാപകൻ എന്നീ നിലകളിലും അദ്ദേഹം സേവനമനുഷ്ടിച്ചു. പ്രമുഖരുടെ ആശംസാ സന്ദേശങ്ങൾ, സുവർണ്ണ ജൂബിലി ആഘോഷ ചടങ്ങുകളുടെ ചിത്രങ്ങൾ, ഡോക്ടർ. ടി. ആർ. ശങ്കുണ്ണി നടത്തിയ ഗബ്രിയേലച്ചനുമായുള്ള ദീർഘമായ അഭിമുഖം എന്നിവയാണ് സ്മരണികയിലെ ഉള്ളടക്കം.
1992 – ഫാ. ഗബ്രിയേൽ പൗരോഹിത്യ സുവർണ്ണ ജൂബിലി സ്മരണിക.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
പേര്: ഫാ – ഗബ്രിയേൽ പൗരോഹിത്യ സുവർണ്ണ ജൂബിലി സ്മരണിക.
CMI സന്ന്യാസസമൂഹത്തിൻ്റെ സ്ഥാപക പിതാക്കളായ മൂന്നു പേരുടെ ജീവചരിത്ര പുസ്തകമായ, 1905ൽ പ്രസിദ്ധീകരിച്ച മലയാളത്തിലെ ക. ദി. മൂ. സഭയുടെ സ്ഥാപക പിതാക്കന്മാർ എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ക. ദി. മൂ. സഭ (കർമ്മലീത്താ ദിസ്ത്താൾസ് മൂന്നാം സഭ) എന്നായിരുന്നു സി. എം. ഐ സന്യാസ സമൂഹത്തിൻ്റെ തുടക്കത്തിലെ പേര്. പിന്നത് ക. നി. മൂ. സഭ (കർമ്മലീത്താ നിഷ്പാദുക മൂന്നാം സഭ) എന്നായി. മലയാളത്തിൽ ആദ്യമായി സ്ഥാപിച്ച ഈ കത്തോലിക്ക സന്ന്യാസസഭയുടെ സുവർണ്ണജൂബിലി സ്മാരകമായി പുറത്തിറക്കിയ ഈ കൃതിയിൽ സഭയുടെ സ്ഥാപക പിതാക്കന്മാരായ പാലക്കൽ തോമ്മാമൽപ്പാനച്ചൻ, പോരൂക്കര തോമ്മാമൽപ്പാനച്ചൻ, ചാവറ കുരിയാക്കോസ് ഏലിയാസച്ചൻ എന്നിവരുടെ ജീവചരിത്രങ്ങൾ ചേർത്തിരിക്കുന്നു. സി.എം. ഐ സന്യാസ സമൂഹത്തിൻ്റെ ആദ്യകാലചരിത്രം രേഖപ്പെടുത്തിയിട്ടുള്ള ഒരു കൃതികൂടിയാണിത്.
1905 – മലയാളത്തിലെ ക. ദി. മൂ സഭയുടെ സ്ഥാപക പിതാക്കന്മാർ
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
പേര്: മലയാളത്തിലെ ക. ദി. മൂ സഭയുടെ സ്ഥാപക പിതാക്കന്മാർ
1952 ൽ പ്രസിദ്ധീകരിച്ച ജോസഫ് തേക്കനാടി വിവർത്തനം ചെയ്ത ഗുരുപ്പട്ടാഭിഷേകം എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ക്രൈസ്തവ പുരോഹിതരെ അഭിഷേകം ചെയ്യുന്ന കർമ്മങ്ങളിൽ പങ്കെടുക്കുന്നവർ അറിഞ്ഞിരിക്കേണ്ട തിരുക്കർമ്മങ്ങളുടെ വിശദ വിവരങ്ങളാണ് പുസ്തകത്തിലെ ഉള്ളടക്കം. ലത്തീൻ റീത്തിലും സുറിയാനി റീത്തിലും ആരാധനാഭാഷ വ്യത്യസ്തമാണെങ്കിലും പുസ്തകത്തിൻ്റെ രചനാസമയത്ത് സുറിയാനിക്കാരും ലത്തീൻ റീത്തിലെ ഗുരുപ്പട്ടാഭിഷേക ക്രമം തന്നെ ഉപയോഗിച്ചുകൊണ്ടിരുന്നതായി അവതാരികയിൽ പറയുന്നുണ്ട്.
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
സി.വി. താരപ്പൻ എഴുതിയ ക്രിസ്തീയ സഭാ ചരിത്രം എന്ന പുസ്തകത്തിൻ്റെ 1976 ൽ പ്രസിദ്ധീകരിച്ച രണ്ടാം പതിപ്പിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1926 ൽ ആണ് ഈ പുസ്തകം ആദ്യമായി പ്രസിദ്ധീകരിച്ചത്. പുസ്തകത്തിൻ്റെ കോപ്പികളെല്ലാം വേഗം വിറ്റുതീർന്നു. സാമ്പത്തിക പ്രതിസന്ധി കാരണം രണ്ടാം പതിപ്പ് ഇറങ്ങിയത് രചയിതാവിൻ്റെ മരണശേഷം 18 വർഷം കഴിഞ്ഞ് 1976 ലാണ്. താരപ്പൻ്റെ സുഹൃത്ത് കൂടിയായ കെ.ഒ. ചേറു ആണ് രണ്ടാം പതിപ്പ് പ്രസിദ്ധീകരിച്ചത്.
തൃശൂർ ജില്ലയിലെ പെങ്ങാമുക്ക് എന്ന സ്ഥലത്ത് ഒരു യാക്കോബായ കുടുംബത്തിൽ ജനിച്ച സി. വി. താരപ്പന് ദാരിദ്ര്യം മൂലം ഔപചാരിക വിദ്യാഭ്യാസം നേടാൻ സാധിച്ചില്ല. മലയാളത്തിൽ ഇറങ്ങിയ ക്രൈസ്തവസഭാചരിത്രങ്ങളിൽ ആദ്യത്തെ ഒന്നായ ക്രിസ്തീയ സഭാ ചരിത്രം1926ൽ എഴുതി. “കാഹളനാദം കേൾക്കാറായ് കുഞ്ഞാട്ടിൻ കാന്തേ” എന്ന പ്രശസ്ത ഗാനമുൾപ്പടെ മുന്നൂറോളം ഭക്തഗാനങ്ങളെഴുതിയ കവിയും, വെളിപാടിൻ്റെ വ്യാഖ്യാനം, തുടങ്ങി പതിനേഴോളം പുസ്തകങ്ങളുടെ രചയിതാവുമായ സി.വി. താരപ്പൻ സുവിശേഷകൻ, ഗാനരചയിതാവ്, പ്രഭാഷകൻ, അപ്പോളജിസ്റ്റ്, എഴുത്തുകാരൻ എന്നീ നിലകളിൽ പ്രശസ്തനായിരുന്നു. പട്ടത്വ സഭകൾക്കെതിരെയും, അതിൻ്റെ ഉപദേശങ്ങൾക്കെതിരെയും പ്രസംഗിച്ച്, ഇതര സഭകളുടെ വിരോധത്തിനു പാത്രമായ ഇദ്ദേഹം അവിവാഹിതനായി ജീവിതാവസാനം വരെ ലളിത ജീവിതം നയിച്ചു.
ഇപ്പോൾ ഡിജിറ്റൈസ് ചെയ്ത് പ്രസിദ്ധീകരിക്കുന്ന ഈ പുസ്തകത്തിൽ ലോകത്തെല്ലായിടത്തുമുള്ള ക്രൈസ്തവസഭകളുടെ പൊതുവായ ചരിത്രം കൈകാര്യം ചെയ്യുന്നു അവസാന രണ്ട് അദ്ധ്യായങ്ങളിൽ ഇന്ത്യയിലെ ക്രൈസ്തവസഭാ ചരിത്രവും കൈകാര്യം ചെയ്യുന്നു.
എന്നാൽ ഞങ്ങൾക്ക് ഡിജിറ്റൈസേഷനായി ലഭ്യമായ പുസ്തകത്തിലെ 221 മത്തെ പേജ് തൊട്ട് 229 മത്തെ പേജ് വരെ ചില പ്രശ്നങ്ങൾ ഉണ്ട്. അതിൽ ചില പേജുകൾ ആവർത്തിക്കുകയും ചില പേജുകൾ നഷ്ടപ്പെടുകയും ചെയ്തിരിക്കുന്നു. അച്ചടി സമയത്തോ ബൈൻഡിങ്ങ് സമയത്തോ വന്ന പ്രശ്നമാണെന്ന് തോന്നുന്നു. ഈ പുസ്തകത്തിൻ്റെ മറ്റൊരു കോപ്പി ലഭ്യമാവുകയാണെങ്കിൽ ഈ പതിപ്പ് വീണ്ടും ഡിജിറ്റൈസ് ചെയ്യാം എന്ന് കരുതുന്നു.
തൃശൂർ ജില്ലയിൽ പഴഞ്ഞിയിലുള്ള കെ.സി. കൊച്ചുക്രു (അദ്ദേഹമാണ് ഈ ഗ്രന്ഥങ്ങൾ സൂക്ഷിച്ച് വെച്ചത്), കെ.സി. കൊച്ചുക്രുവിൻ്റെ മകൻ ബിന്നി കൊച്ചുക്രു, കുന്നംകുളത്തുള്ള ഡോ: സാജൻ സി. ജേക്കബ്, ഇപ്പോൾ ആസ്ട്രേലിയയിൽ സെറ്റിൽ ചെയ്തിരിക്കുന്ന കോട്ടയം സ്വദേശി വിപിൻ കുരിയൻ എന്നിവർ ആണ് ഈ പുസ്തകം ഡിജിറ്റൈസ് ചെയ്യാനായി ഞങ്ങൾക്ക് കൈമാറിയത്. അവർക്ക് നന്ദി.
1976 – ക്രിസ്തീയ സഭാ ചരിത്രം – സി. വി. താരപ്പൻ
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
1800കളിൽ ജീവിച്ചിരുന്ന പാലക്കാട് സ്വദേശിയായ അമൃതഘടേശ്വരൻ എന്ന അമൃത ശാസ്ത്രികൾ എഴുതിയ, 1884 ൽ പ്രസിദ്ധീകരിച്ച ആട്ടക്കഥയായ, ലവണാസുരവധം എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ഉത്തരരാമായണകഥയിലെ ഒരപ്രധാന സംഭവമാണ് ലവണാസുരൻ്റെ വധം. സീതാദേവിയും ഹനുമാനും തമ്മിലുള്ള ദർശനം, ആ വികാരനിർഭരമായ രംഗമാണ് ഈ ആട്ടക്കഥയിലെ ഏറ്റവും പ്രധാനമായ ഭാഗം. യമുനാ തീരത്ത് വസിച്ചിരുന്ന മധു എന്ന ഒരു അസുരൻ്റെ പുത്രനാണ് ലവണൻ. ഇവൻ്റെ ശല്യം സഹിയ്ക്കാനാവാതെ മുനിമാർ ശ്രീരാമനോട് പരാതിപ്പെട്ടു. ലവണാസുരനെ വധിക്കാൻ ശ്രീരാമൻ അനുജൻ ശത്രുഘ്നനെ നിയോഗിച്ചു. ജ്യേഷ്ഠൻ്റെ ആജ്ഞാനുസരണം അദ്ദേഹം ലവണാസുരനെ വധിച്ചു. ലവണാസുരന് കത്തിവേഷമാണ് കഥയിൽ നിശ്ചയിച്ചിട്ടുള്ളത്.
1884 – ലവണാസുരവധം കഥ – പാലയ്ക്കാട്ടുശെരി അമൃത ശാസ്ത്രികൾ
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
ഇൻഡിക്ക് ഡിജിറ്റൽ ആർക്കൈവ് ഫൗണ്ടേഷൻ്റെയും കേരളരേഖകളുടെ ഡിജിറ്റൽ ശേഖരം സൂക്ഷിക്കുന്ന ഗ്രന്ഥപ്പുര വെബ് പോർട്ടലിൻ്റെയും ഉൽഘാടനം കഴിഞ്ഞിട്ട് ഇന്ന് ഒരു വർഷം പൂർത്തിയായി.
First Anniversary of Indic Digital Archive Foundation (Image credit: Image by BiZkettE1 on Freepik)
2022 ഒക്ടോബർ 30 ഞായറാഴ്ച ഉച്ചക്ക് 2.30 ന് ബാംഗ്ലൂർ ക്രൈസ്റ്റ് യൂണിവേഴ്സിറ്റി ക്യാമ്പസിലെ ജൂനിയർ കോളേജ് സെമിനാർ ഹാളിൽ വെച്ചായിരുന്നു ഉൽഘാടന ചടങ്ങ്. ഉൽഘാടനത്തെ പറ്റിയുള്ള വിശദാംശങ്ങൾ ആ സമയത്ത് എഴുതിയ ഈ ബ്ലോഗ് പോസ്റ്റിൽ ഉണ്ട്.
കഴിഞ്ഞ ഒരു വർഷം കൊണ്ട് ഏതാണ്ട് 900ൽ പരം രേഖകൾ ഡിജിറ്റൈസ് ചെയ്ത് പൊതുവിടത്തിലേക്ക് കൊണ്ടു വന്നു. ഒരു താരതമ്യത്തിനു മുതിർന്നാൽ, ഏതാണ്ട് 12 വർഷം എടുത്തിട്ടാണ് https://shijualex.in/ ൽ എന്ന ബ്ലോഗിൽ സന്നദ്ധപ്രവർത്തനത്തിലൂടെ 2250ത്തിനടുത്ത് രേഖകൾ ഡിജിറ്റൈസ് ചെയ്തത്. എന്നാൽ ഇപ്പോൾ സൗകര്യങ്ങൾ മെച്ചപ്പെടുകയും കൂടുതൽ ആളുകൾ പദ്ധതിയിലേക്ക് വരികയും ചെയ്തതോടെ ഒരു വർഷം കൊണ്ട് തന്നെ അതിൻ്റെ പകുതിയോളം രേഖകൾ ഡിജിറ്റൈസ് ചെയ്തു കഴിഞ്ഞു. നിലവിലെ വേഗത്തിൽ പോയാൽ പോലും 2 വർഷം ആകുന്നതിനു മുൻപ് തന്നെ സന്നദ്ധപ്രവർത്തനത്തിലൂടെ ചെയ്ത രേഖകളുടെ എണ്ണം കവച്ചു വെക്കും എന്നത് ഏകദേശം ഉറപ്പാണ്.
ഈ നില കൈവരിക്കാൻ സഹായമായത് ഇങ്ങനെ ഒരു നോൺ-പ്രോഫിറ്റ് സംഘടന രൂപീകരിക്കാൻ സഹായിച്ച ഡോണറുമാരും, ഫൗണ്ടെഷനുമായി വിവിധ പദ്ധതികൾക്കായി കരാറുകൾ ഒപ്പു വെച്ച സ്ഥാപനങ്ങളും, വ്യക്തികളും, പലവിധത്തിൽ സഹകരിക്കുന്ന സന്നദ്ധപ്രവർത്തകരും പിന്നെ ഫൗണ്ടേഷൻ്റെ രണ്ട് പൂർണ്ണസമയ ജീവനക്കാരുമാണ്.
ഫൗണ്ടെഷൻ്റെ ഗവേണിങ്ങ് കൗൺസിൽ, ഫൗണ്ടേഷനെ സഹായിക്കുന്ന സന്നദ്ധപ്രവർത്തകർ, പൂർണ്ണസമയ ജീവനക്കാർ എന്നിവരെ പറ്റിയുള്ള വിവരം ഇവിടെ കാണാം.
ഫൗണ്ടേഷനെ സഹായിക്കുന്ന ഡോണറുമാരുടെ വിവരം ഇവിടെ കാണാം.
കഴിഞ്ഞ ഒരു വർഷത്തിനിടെ താഴെ പറയുന്ന പദ്ധതികൾ തുടങ്ങാൻ വിവിധ സ്ഥാപനങ്ങളും വ്യക്തികളുമായി ധാരണയിലെത്തിച്ചേരാൻ ഫൗണ്ടെഷനു സാധിച്ചു.
ബാംഗ്ലൂർ മൗണ്ട് കാർമ്മൽ കോളേജ് ആർക്കൈവ്സിലെ രേഖകൾ ഡിജിറ്റൈസ് ചെയ്യുന്ന പദ്ധതി – ഇവിടെ നിന്നുള്ള രേഖകൾ താമസിയാതെ റിലീസ് ചെയ്ത് തുടങ്ങും.
ഇതിൽ ബാംഗ്ലൂർ ധർമ്മാരാം കോളേജ് ലൈബ്രറി ഡിജിറ്റൈസേഷൻ ഒരു ബൃഹദ് പദ്ധതിയാണ്. നിലവിൽ ഒരു വർഷം കൊണ്ട് ഡിജിറ്റൈസ് ചെയ്ത് കഴിഞ്ഞ 900ത്തിൽ പരം രേഖകളിൽ പകുതിയിൽ കൂടുതൽ ധർമ്മാരാം കോളേജ് ലൈബ്രറിയിലെ പുസ്തകങ്ങൾ ആണ്. ഇനിയും ആയിരക്കണക്കിനു കേരളരേഖകൾ അവിടെ ഡിജിറ്റൈസേഷനിലൂടെയുള്ള അടുത്ത ജീവിതം കാംക്ഷിച്ച് കഴിയുന്നു.
ഗവേണിങ്ങ് കൗൺസിലിൻ്റെ മേൽ നോട്ടം ഉണ്ടെങ്കിലും ഫൗണ്ടേഷൻ്റെ ജീവനക്കാരായ സതീഷ് തോട്ടാശ്ശേരിയുംറീനാ പോളും ആണ് ദിനം പ്രതിയുള്ള ഡിജിറ്റൈസേഷൻ പണികൾ കൈകാര്യം ചെയ്യുന്നത്. അവർക്ക് രണ്ടു പേർക്കും നന്ദി.
അതിനു പുറമെ ഫേസ് ബുക്കിൽ രേഖകൾ ഡിജിറ്റൈസ് ചെയ്യുന്നതിനെ പറ്റിയുള്ള അറിയിപ്പുകൾ ഇട്ട് സഹായിക്കുന്ന Sulthana Nasrin, Anto George എന്നിവർക്കും നന്ദി.
തുടർന്നുള്ള വർഷങ്ങളിൽ കൂടുതൽ പദ്ധതികൾ തുടങ്ങാൻ എല്ലാവരുടെയും സഹകരണം അഭ്യർത്ഥിക്കുന്നു.
പതിനൊന്നാം പീയൂസ് മാർപാപ്പായുടെ ഗുരുപ്പട്ട സുവർണ്ണജൂബിലിയും കർമ്മലീത്ത സഭയുടെ വജ്രജൂബിലിയും ആഘോഷിച്ച വേളയിൽ തുടങ്ങിയ പ്രസിദ്ധീകരണമായ കുടുംബദീപം ആനുകാലികത്തിൻ്റെ 1930 ൽ ഇറങ്ങിയ പതിനൊന്നു ലക്കങ്ങളുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
സീറോ മലബാർ സഭയുടെ എറണാകുളം അതിരൂപതയുടെ പ്രസിദ്ധീകരണമായ കുടുംബദീപത്തിൽ മതബോധം, സന്മാർഗ്ഗ നിഷ്ട, സദാചാരബോധം എന്നീ താത്വികവിഷയങ്ങളിലുള്ള ലേഖനങ്ങൾക്കു പുറമെ, ഗൃഹഭരണം, ബാലരംഗം, വൃത്താന്തശകലങ്ങൾ മുതലായി വിജ്ഞാനപ്രദായകങ്ങളായ വിവിധ വിഷയങ്ങളാണ് ഉൾക്കൊള്ളിച്ചിട്ടുള്ളത്. ഏപ്രിൽ ലക്കം ലഭ്യമായിട്ടില്ല.
താഴെ 11 പുസ്തകത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
സീറോ മലബാർ സഭയുടെ കോതമംഗലം രൂപതയുടെ പ്രസിദ്ധീകരണമായ ദൈവരാജ്യം മാസികയുടെ 12 ലക്കങ്ങളാണ് ഈ പോസ്റ്റിലൂടെ പങ്കു വെക്കുന്നത്.
സഭാ വാർത്തകൾ, പ്രാർത്ഥന സംബന്ധിച്ച വിഷയങ്ങൾ, ആരാധനാക്രമത്തിലെ നവീകരണ വിഷയങ്ങൾ, രൂപതയിലെ പ്രധാന പരിപാടികൾ നടക്കുന്ന വിവരങ്ങൾ തരുന്ന രൂപതാ ഡയറി മുതലായവയാണ് ഉള്ളടക്കം.
താഴെ 12 പുസ്തകത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
സി. ബലരാമൻ മൂസ്സതിൻ്റെ പത്രാധിപത്യത്തിൽ 1955ൽ പ്രസിദ്ധീകരിച്ച മലയാളി പ്രതിപക്ഷപത്രം എന്ന ആനുകാലികത്തിൻ്റെ പതിനൊന്നു ലക്കങ്ങളുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ജൂൺ ലക്കത്തോടെ മലയാളി പ്രതിപക്ഷപത്രം എന്ന പേര് മാറ്റുന്നതായി ജൂൺ ലക്കത്തിൽ അറിയിച്ചിരിക്കുന്നു. ആഗസ്റ്റ് മുതൽ സമദർശി എന്ന പേരിൽ സ്വതന്ത്ര രാഷ്ട്രീയ വാരികയായിട്ടായിരിക്കും ആനുകാലികം പ്രസിദ്ധീകരിക്കുക ശ്രീ. കെ. കേളപ്പൻ, ഡോക്ടർ. കെ. ബി. മേനോൻ, എം. നാരായണകുറുപ്പ് തുടങ്ങിയ കേരളത്തിലെ പ്രശസ്തരായ പൊതുപ്രവർത്തകർ രൂപീകരിച്ചതും, മലയാളി പ്രസാധകർ പങ്കുചേർന്നിട്ടുള്ളതുമായ സമദർശി പ്രിൻ്റിംഗ് ആൻ്റ് പബ്ലിഷിങ്ങ് കമ്പനിയുടെ ആഭിമുഖ്യത്തിലായിരിക്കും സമദർശി പ്രസിദ്ധീകരിക്കപ്പെടുക എന്നും അറിയിപ്പിൽ പറയുന്നു.
ശാസ്ത്ര അദ്ധ്യാപകനും കേരളഭാഷാ ഇൻസ്റ്റിറ്റ്യൂട്ടിൻ്റെ പ്രഥമ അസിസ്റ്റൻ്റ് ഡയറക്ടറുമായിരുന്ന പ്രൊഫസർ സി.കെ. മൂസ്സതിൻ്റെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.
1955 – മലയാളി പ്രതിപക്ഷപത്രം പതിനൊന്നു ലക്കങ്ങൾ
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ 11 പുസ്തകത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
രേഖ 1
പേര്: മലയാളി പ്രതിപക്ഷപത്രം – ജനുവരി – 01 – പുസ്തകം 02 ലക്കം 04
