ഗ്രന്ഥപ്പുര (Granthappura) blog

1955 – മെയ് ദിനത്തിൻ്റെ ചരിത്രം

1955 ൽ പ്രസിദ്ധീകരിച്ച അലക്സാണ്ടർ ട്രാച്ചൻബർഗ് രചിച്ച മെയ് ദിനത്തിൻ്റെ ചരിത്രം എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

മുതലാളിത്ത അടിമത്തത്തിൽ നിന്ന് തൊഴിലാളികളെ മോചിപ്പിക്കാൻ അമേരിക്കൻ യൂണിയനിലെ എല്ലാ സ്റ്റോറുകളിലും തൊഴിൽ സമയം എട്ട് മണിക്കൂറായിരിക്കുമെന്ന് ഒരു നിയമം പാസ്സാക്കുവാൻ വേണ്ടി 1866 ൽ നാഷണൽ ലേബർ യൂണിയൻ്റെ സമാപന കൺവെൻഷനിൽ വെച്ച് ഒരു പ്രമേയം പാസ്സാക്കി. ഇതിനു വേണ്ടി ഒരു നാഷണൽ ലേബർ യൂണിയൻ രൂപീകരിക്കുകയും അതിൻ്റെ നേതാവായി വില്ല്യം സിൽവീസിനെ തിരഞ്ഞെടുക്കുകയും ചെയ്തു.
ആ പ്രസ്ഥാനത്തെ കുറിച്ചും അതിലുപരി തൊഴിലാളി വർഗ്ഗത്തിൻ്റെ സമരമനോഭാവത്തിൻ്റെ സൂചനയായി നടന്ന പണിമുടക്കങ്ങളെ കുറിച്ചും ഈ പുസ്തകത്തിൽ വിവരിക്കുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: മെയ് ദിനത്തിൻ്റെ ചരിത്രം
രചയിതാവ്: Alexander Trachten Berg
പ്രസിദ്ധീകരണ വർഷം:1955
അച്ചടി: Narmadha Press, Ernakulam
താളുകളുടെ എണ്ണം:44
സ്കാൻ ലഭ്യമായ ഇടം: കണ്ണി

1935 – രണ്ടു താരങ്ങൾ – ഉള്ളൂർ – വള്ളത്തോൾ

1935 ൽ പ്രസിദ്ധീകരിച്ച ഉള്ളൂർ എസ്. പരമേശ്വരയ്യർ, വള്ളത്തോൾ നാരായണമേനോൻ എന്നിവർ ചേർന്ന് രചിച്ച രണ്ടു താരങ്ങൾ എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ഉള്ളൂരിൻ്റെ അക്കരപ്പച്ച, വള്ളത്തോളിൻ്റെ പ്രകൃതിയുടെ മനോരാജ്യം, നാൽക്കാലിയും ഇരുകാലിയും എന്നീ കവിതകളാണ് പുസ്തകത്തിൻ്റെ പ്രധാന ഉള്ളടക്കം. കവിതകളുടെ ചുവടെ കവിതകളിലെ ചില മലയാള പദങ്ങളുടെ അർത്ഥവും കൊടുത്തിട്ടുണ്ട്. രണ്ട് മഹാകവികളുടെയും ജീവചരിത്രത്തിൻ്റെ സംക്ഷിപ്ത വിവരണമായി അവരുടെ ജനനം, ബാല്യം, വിദ്യാഭ്യാസം, ഔദ്യോഗിക ജീവിതം, സാഹിത്യ സംഭാവനകൾ തുടങ്ങിയ വിവരങ്ങളും കൊടുത്തിരിക്കുന്നു. ആലപ്പുഴ വാടക്കൽ ഉള്ളൂർ വള്ളത്തോൾ വായനശാലയാണ് ഈ പുസ്തകം പ്രസിദ്ധീകരിക്കിരിക്കുന്നത്.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

പേര്: രണ്ടു താരങ്ങൾ
രചയിതാവ് : Ulloor – Vallathol
പ്രസിദ്ധീകരണ വർഷം: 1935
താളുകളുടെ എണ്ണം: 60
സ്കാൻ ലഭ്യമായ ഇടം: കണ്ണി

1941 – ഉപന്യാസമാല – കെ. എം. പണിക്കർ

1941 ൽ പ്രസിദ്ധീകരിച്ച കെ. എം. പണിക്കർ രചിച്ച ഉപന്യാസമാല എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ഇന്ത്യാ ചരിത്രം, വിദ്യാഭ്യാസ നവീകരണം, ഭാഷാ പരിഷ്കരണം, ഇരയിമ്മൻ തമ്പിയുടെ കഥകളികൾ, കുചേലവൃത്തം വഞ്ചിപ്പാട്ട്, രാമരാജബഹദൂർ, കുമാരനാശാൻ്റെ കവിതയിലെ ജീവിത വിമർശം, ഭക്തിസാഹിത്യവും ടാഗോറും, ഹിന്ദി ഭാഷാസാഹിത്യം, വിദ്യാപതി, നാട്ടുഭാഷകളും രാഷ്ട്രീയ ബോധവും, മലയാള വിദ്യാഭ്യാസം, ഇംഗ്ലണ്ടിലെ വിദ്യാഭ്യാസം, ആക്സ്ഫോർഡ്, ഒരു നൂതനയുഗമോ എന്നീ വിഷയങ്ങളിലുള്ള ലേഖനങ്ങളുടെ സമാഹാരമാണ് ഈ പുസ്തകം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഉപന്യാസമാല
രചയിതാവ് : K.M. Panikkar
പ്രസിദ്ധീകരണ വർഷം: 1941
താളുകളുടെ എണ്ണം: 186
അച്ചടി: B.V. Printing Works, Trivandrum
സ്കാൻ ലഭ്യമായ ഇടം: കണ്ണി

1959 – മാനവ സമുദായവും ഭാഷാ സാഹിത്യങ്ങളും – കെ. ആർ. നാരായണൻ പറവൂർ

1959 ൽ പ്രസിദ്ധീകരിച്ച കെ. ആർ. നാരായണൻ പറവൂർ രചിച്ച മാനവ സമുദായവും ഭാഷാ സാഹിത്യങ്ങളും എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ആദിമകാലങ്ങളിലെ മനുഷ്യൻ്റെ ആശയവിനിമയം, ഭാഷയുടെ വളർച്ച, ലിപിയുടെ ആവിർഭാവം, സാഹിത്യകലയുടെ ആവിർഭാവം, ഭാരതീയ സാഹിത്യത്തിലെ പ്രതിപാദ്യവിഷയം, എന്നിവയുമായി ബന്ധപ്പെട്ട ഉപന്യാസങ്ങളാണ് പുസ്തകത്തിൻ്റെ ഉള്ളടക്കം. ഭാരതത്തിൽ മേല്പറഞ്ഞ കാര്യങ്ങളുടെ ആവിർഭാവം, മാനവസംസ്കാരത്തിൻ്റെ പുരോഗതി, ഭാരത സംസ്കാരം മറ്റു ഭൂവിഭാങ്ങളെ എങ്ങിനെ സ്വാധീനിച്ചു ഗഹനമായ കാര്യങ്ങൾ വിശദീകരിക്കുന്ന ലേഖനങ്ങൾ പുസ്തകത്തിൽ കാണാം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: മാനവ സമുദായവും ഭാഷാ സാഹിത്യങ്ങളും
രചയിതാവ് : K.R. Narayananan Paravur
പ്രസിദ്ധീകരണ വർഷം: 1959
താളുകളുടെ എണ്ണം: 142
അച്ചടി: Co Operative Press, Parur
സ്കാൻ ലഭ്യമായ ഇടം: കണ്ണി

Printers’ View – 1971 നവംബർ, ഡിസംബർ; 1972 ജനുവരി, മാർച്ച് ലക്കങ്ങൾ

1970 കളില്‍ തിരുവനന്തപുരത്തുനിന്നു പ്രസിദ്ധീകരിച്ചിരുന്ന Printers View എന്ന പ്രിൻ്റിംഗ് ടെക്നോളജി മാഗസിൻ്റെ 1971ലും 1972ലും ഇറങ്ങിയ നാലു ലക്കങ്ങളുടെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കുവെക്കുന്നത്.

കേരള ഗവൺമെൻറ് പ്രസ്സുകളിലെ പ്രിന്‍റിംഗ് ടെക്നോളജി ഡിപ്ലോമ യോഗ്യതയുള്ള ഉദ്യോഗസ്ഥരുടെ സംഘടനയായ Kerala Government Presses Printing Diploma Holders Association ആണ് Printers View എന്ന പ്രിൻ്റിംഗ് ടെക്നോളജി മാഗസിക പ്രസിദ്ധീകരിച്ചിരുന്നത്. ഇംഗ്ലീഷിലും മലയാളത്തിലുമുള്ള ലേഖനങ്ങൾ ഈ മാസികയിലുണ്ടായിരുന്നു. അച്ചടി, ലിപിവിന്യാസം, ലിപി പരിഷ്കരണം തുടങ്ങി അച്ചടിയുമായി നേരിട്ടു ബന്ധമുള്ള വിവിധ വിഷയങ്ങൾ ആണ് ഈ മാസികയിൽ കൈകാര്യം ചെയ്തിരിക്കുന്നത്.

1971 നവംബർ, 1971 ഡിസംബർ, 1972 ജനുവരി, 1972 മാർച്ച് എന്നീ മാസങ്ങളിലിറങ്ങിയ നാലു ലക്കങ്ങൾ ആണ് ഇപ്പോൾ റിലീസ് ചെയ്ത് പങ്കു വെക്കുന്നത്. ഇതിൽ 1971 നവംബർ ലക്കം ഈ മാസികയുടെ ആദ്യത്തെ ലക്കമാണ്. 1972ലെ തുടർന്നുള്ള മാസങ്ങളിലും ഈ മാസിക പ്രസിദ്ധീകരിച്ചിട്ടുണ്ടെങ്കിലും അതിൻ്റെ നിലയിലുള്ള ലക്കങ്ങൾ ഒന്നും ലഭ്യമായിട്ടില്ല. അച്ചടിയുമായി ബന്ധപ്പെട്ട ജോലികളിൽ ഏർപ്പെട്ടിരുന്നവരുടെയോ മറ്റോ പക്കൽ ഈ മാസികയുടെ മറ്റു ലക്കങ്ങൾ ഉണ്ടെങ്കിൽ അത് ഡിജിറ്റൈസേഷനായി കൈമാറണമെന്ന് അഭ്യർത്ഥിക്കുന്നു. ഇങ്ങനെ ഒരു പ്രത്യേക പരിശ്രമത്തിലൂടെയല്ലാതെ കുറച്ചു നാളുകൾ മാത്രം പ്രസിദ്ധീകരിച്ച് നിന്നു പോയ ആനുകാലികങ്ങൾ സംരക്ഷിക്കാൻ പറ്റില്ല. അതിനാൽ മറ്റു ലക്കങ്ങൾ കൈവശം ഉള്ളവർ സഹകരിക്കുമല്ലോ.

ഇപ്പോൾ ഡിജിറ്റൈസ് ചെയ്ത് റിലീസ് ചെയ്യുന്ന നാലു ലക്കങ്ങളും തിരുവനന്തപുരത്തെ രവീന്ദ്ര പ്രസ്സിൽ ആണ് അച്ചടിച്ചിരിക്കുന്നത്.

തിരുവനന്തപുരം ഗവൺമെൻറ് സെന്‍ട്രല്‍ പ്രസ്സിലെ ഫൗണ്ടറി വിഭാഗത്തിലെ ജീവനക്കാരനായിരുന്ന ജി. രാമസ്വാമിയുടെ സ്വകാര്യ ശേഖരത്തിൽ നിന്നാണ് ഈ ലക്കങ്ങൾ ഡിജിറ്റൈസേഷനായി ലഭിച്ചത്.

ഡിജിറ്റൈസ് ചെയ്ത ആനുകാലികത്തിൻ്റെ ഓരോ ലക്കത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

രേഖ 1

പേര്: Printers View (1971 November)
പ്രസിദ്ധീകരണ വർഷം: 1971
താളുകളുടെ എണ്ണം: 32
അച്ചടി: Ravindra Press, Trivandum
സ്കാൻ ലഭ്യമായ ഇടം: കണ്ണി

രേഖ 2

പേര്: Printers View (1971 December)
പ്രസിദ്ധീകരണ വർഷം: 1971
താളുകളുടെ എണ്ണം: 22
അച്ചടി: Ravindra Press, Trivandum
സ്കാൻ ലഭ്യമായ ഇടം: കണ്ണി

രേഖ 3

പേര്: Printers View (1972 January)
പ്രസിദ്ധീകരണ വർഷം: 1972
താളുകളുടെ എണ്ണം: 20
അച്ചടി: Ravindra Press, Trivandum
സ്കാൻ ലഭ്യമായ ഇടം: കണ്ണി

രേഖ 4

പേര്: Printers View (1972 March)
പ്രസിദ്ധീകരണ വർഷം: 1972
താളുകളുടെ എണ്ണം: 20
അച്ചടി: Ravindra Press, Trivandum
സ്കാൻ ലഭ്യമായ ഇടം: കണ്ണി

1936 – എം എൻ നായർ മാസിക – 1936 – സെപ്റ്റംബർ-ഒക്ടോബർ – 1122 കന്നി

1936 – സെപ്റ്റംബർ – ഒക്ടോബറിൽ (1122 കന്നി) ൽ പ്രസിദ്ധീകരിച്ച എം എൻ നായർ മാസികയുടെ സ്കാനാണ് ഈ പോസ്റ്റിലൂടെ പങ്കു വെക്കുന്നത്.

നായർ സമുദായത്തിൻ്റെ താല്പര്യങ്ങൾ സംരക്ഷിക്കുന്നതിനായി ഇറങ്ങിയിട്ടുള്ള അനവധി പ്രസിദ്ധീകരണങ്ങളിൽ ഒന്നാണ് എം എൻ നായർ മാസികയും. 1935 -ൽ ആണ് മാസിക തുടങ്ങിയത്. കൈനിക്കര കുമാരപിള്ള ആയിരുന്നു ആദ്യ എഡിറ്റർ.

കോട്ടയം ജില്ലയിൽ കുമരകത്ത് ജനിച്ച എം എൻ നായരുടെ മുഴുവൻ പേര് എം നീലകണ്ഠൻ നായർ എന്നാണ്. ബി എ ബിരുദം നേടിയ ശേഷം തിരുവിതാംകൂർ വിദ്യാഭ്യാസവകുപ്പിൽ അധ്യാപകനായി ജോലി നോക്കി. പിന്നീട് നായർ സമുദായ ഉന്നമനത്തിനായി ജോലി രാജിവെച്ചു പ്രവർത്തനങ്ങളിൽ മുഴുകി. നല്ലൊരു വാഗ്മി കൂടി ആയിരുന്നു എം എൻ നായർ. കുമരകത്തെ കർഷകസംഘം രൂപീകരിച്ച സംഘത്തിൽ പ്രധാനിയായിരുന്നു.

കവിതകൾ, ലേഖനങ്ങൾ അവയിൽത്തന്നെ രാജഭക്തി തെളിയിക്കുന്ന ധാരാളം എഴുത്തുകൾ മാസികയിൽ പ്രസിദ്ധീകരിച്ചിരുന്നു. നായർ സമ്മേളനങ്ങളെക്കുറിച്ചുള്ള വിശദമായ വാർത്തകളും മാസികയിൽ കാണാം. ഈ മാസിക എത്രകാലം പ്രസിദ്ധീകരിച്ചു എന്നതും മാസികയെ കുറിച്ചുള്ള കൂടുതൽ വിവരങ്ങളും പൊതു ഇടത്തിൽ ലഭ്യമല്ല. മാസികയുടെ പല ലക്കങ്ങളും കാലപ്പഴക്കം കൊണ്ട് കേടുവന്ന നിലയിലാണ്.

കൊല്ലം പെരിനാട്, സി.കെ.പി. വിലാസം ഗ്രന്ഥശാലയിലെ പുരാശേഖരം ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ ആനുകാലികം ഡിജിറ്റൈസ് ചെയ്ത് പങ്കു വയ്ക്കുന്നത്. ആ പദ്ധതിയെ പറ്റിയുള്ള പ്രാഥമിക വിവരത്തിനു ഈ പോസ്റ്റ് കാണുക.

അതിനു പുറമെ നമ്മുടെ പഴയകാല ആനുകാലികങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായി കൂടിയാണ് ഈ മാസികകൾ ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

ഡിജിറ്റൈസ് ചെയ്ത ആഴ്ചപ്പതിപ്പിൻ്റെ ഓരോ ലക്കത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: 1936 – എം എൻ നായർ മാസിക – സെപ്റ്റംബർ – ഒക്ടോബർ (1122 കന്നി)
പ്രസിദ്ധീകരണ വർഷം: 1936
താളുകളുടെ എണ്ണം: 56
അച്ചടി: M N Nair Memorial Printing Works, Kottayam
സ്കാൻ ലഭ്യമായ ഇടം: കണ്ണി

1949 – സാഹിത്യനികഷം – ഒന്നും രണ്ടും ഭാഗങ്ങൾ – എം. ആർ. നായർ

1949 ൽ പ്രസിദ്ധീകരിച്ച എം. ആർ. നായർ രചിച്ച സാഹിത്യനികഷം ഒന്നും രണ്ടും പുസ്തകങ്ങളുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

സാഹിത്യ ദാസൻ എന്ന പേരിൽ എം.ആർ. നായർ എഴുതിയ സാഹിത്യ നിരൂപണങ്ങളുടെ സമാഹാരങ്ങളാണ് ഈ കൃതികൾ. കവിതാ നിരൂപണങ്ങളാണ് രണ്ട് പുസ്തകങ്ങളുടെയും ഉള്ളടക്കം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

രേഖ 1.

പേര്: സാഹിത്യനികഷം ഒന്നാം പുസ്തകം
രചയിതാവ്: M. R. Nair
പ്രസിദ്ധീകരണ വർഷം: 1949
താളുകളുടെ എണ്ണം: 200
അച്ചടി: Mathrubhumi Press Calicut
സ്കാൻ ലഭ്യമായ ഇടം: കണ്ണി

രേഖ 2.

പേര്: സാഹിത്യനികഷം രണ്ടാം പുസ്തകം
രചയിതാവ്: M. R. Nair
പ്രസിദ്ധീകരണ വർഷം: 1949
താളുകളുടെ എണ്ണം: 212
അച്ചടി: Mathrubhumi Press Calicut
സ്കാൻ ലഭ്യമായ ഇടം: കണ്ണി

1948 – സാഹിത്യസരണി – ഡി. പത്മനാഭനുണ്ണി

1948 ൽ പ്രസിദ്ധീകരിച്ച ഡി. പത്മനാഭനുണ്ണി രചിച്ച സാഹിത്യസരണി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ഇൻ്റർമീഡിയറ്റ് ക്ലാസ്സിലെ പാഠപുസ്തകമായി തിരുവിതാംകൂർ സർവ്വകലാശാല അംഗീകരിച്ച പുസ്തകമാണിത്. തൃശൂരിൽ വെച്ച് ചേർന്ന സാഹിത്യപരിഷത്ത് യോഗത്തിൽ രചയിതാവ് വായിച്ച സാഹിത്യ വിമർശനപർമായ ഉപന്യാസങ്ങളാണ് ഉള്ളടക്കം. വിമർശം, സാഹിത്ത്യവും സത്യവും, സാഹിത്യവും സമുദായവും, സാഹിത്യവും ഇതരകലകളും, സാഹിത്യവും അനുകരണവും, സാഹിത്യവും സ്ത്രീകളും, സാഹിത്യവും ചില നിർവ്വചനങ്ങളും, ഭാഷാസാഹിത്യവും എഴുത്തച്ഛനും എന്നീ അധ്യായങ്ങളാണ് പുസ്തകത്തിൽ ഉള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: സാഹിത്യസരണി
രചയിതാവ്: D. Padmanabhanunni
പ്രസിദ്ധീകരണ വർഷം: 1948
താളുകളുടെ എണ്ണം: 130
അച്ചടി: St Joseph’s Press, Mannanam
സ്കാൻ ലഭ്യമായ ഇടം: കണ്ണി

1930 – വിജ്ഞാനരഞ്ജനി- പി.കെ. നാരായണപിള്ള

1930 ൽ പ്രസിദ്ധീകരിച്ച പി.കെ. നാരായണപിള്ള രചിച്ച വിജ്ഞാനരഞ്ജനി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

സാഹിത്യപഞ്ചാനനൻ പി.കെ. നാരായണപിള്ള രചിച്ച പന്ത്രണ്ടു ലേഖനങ്ങളുടെ സമാഹാരം ആണ് ഈ പുസ്തകം. വിവിധ വിഷയങ്ങളിലുള്ള ലേഖനങ്ങൾ ഈ പുസ്തകത്തിൽ കാണാം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: വിജ്ഞാനരഞ്ജനി
രചയിതാവ്: P.K. Narayana Pilla
പ്രസിദ്ധീകരണ വർഷം: 1930
താളുകളുടെ എണ്ണം: 106
അച്ചടി: Sri Ramavilasam Press, Quilon
സ്കാൻ ലഭ്യമായ ഇടം: കണ്ണി

1940 – മതോപദേശസംഗ്രഹ ചിത്രമാലിക

1940 – ൽ പ്രസിദ്ധീകരിച്ച, കത്തോലിക്കാ സഭയുടെ സനാതന തത്വങ്ങൾ ഉൾക്കൊണ്ട മതോപദേശസംഗ്രഹ ചിത്രമാലിക എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.

കുട്ടികളെ നല്ലവണ്ണം വളർത്തുക, അവരിൽ സന്മാർഗ്ഗബോധം വളർത്തുക എന്നീ ഉദ്ദേശങ്ങളോടെ കത്തോലിക്കാ സഭയുടെ സനാതന തത്വങ്ങൾ അവരുടെ മനസ്സിൽ പതിയുവാനായി തയ്യാറാക്കിയതാണ് ഈ പുസ്തകം. വേദപഠന ക്ലാസ്സുകളിലേക്ക് പാഠപുസ്തകമാക്കാവുന്നതാണ് ഈ കൃതി. ചിത്രങ്ങളുടെ സഹായത്തോടെ കുട്ടികളുടെ ഭാവനാ ശക്തിയെ വളർത്തുവാനായി അലങ്കാര ഭാഷയിൽ രചിക്കപ്പെട്ടതിനാൽ കുട്ടികളിലെ മതപഠനത്തിലുള്ള താല്പര്യം വർദ്ധിക്കുവാൻ ഈ പുസ്തകം സഹായകമാകും.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: മതോപദേശസംഗ്രഹ ചിത്രമാലിക
പ്രസിദ്ധീകരണ വർഷം: 1940
താളുകളുടെ എണ്ണം: 56
അച്ചടി: St. Joseph’s Press, Elthuruth
സ്കാൻ ലഭ്യമായ ഇടം: കണ്ണി