Category: Sengupta Public Library

1965 – ൽ പ്രസിദ്ധീകരിച്ച, സി.വി. കുഞ്ഞുരാമൻ രചിച്ച ആശാൻ സ്മരണകൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സി. വി. കുഞ്ഞുരാമൻ രചിച്ച ‘ആശാൻസ്മരണകൾ’ എന്ന അമൂല്യ ഗ്രന്ഥം മഹാകവി കുമാരനാശാൻ്റെ കാവ്യപ്രപഞ്ചത്തെയും വ്യക്തിജീവിതത്തെയും അടുത്തറിയാൻ ആഗ്രഹിക്കുന്ന ഏതൊരു സാഹിത്യസ്നേഹിയും തീർച്ചയായും വായിച്ചിരിക്കേണ്ട ഒന്നാണ്. മഹാകവിയുമായുള്ള ദീർഘകാലത്തെ വ്യക്തിബന്ധം മുൻനിർത്തി ഗ്രന്ഥകാരൻ തയ്യാറാക്കിയ ഓർമ്മക്കുറിപ്പുകളും, ‘ദുരവസ്ഥ’, ‘നളിനി’, ‘കുചേലവൃത്തം’ തുടങ്ങിയ പ്രശസ്ത ആശാൻ കൃതികളുടെ ആഴത്തിലുള്ള സാഹിത്യനിരൂപണങ്ങളുമാണ് ഈ ലേഖനസമാഹാരത്തിൻ്റെ പ്രധാന ആകർഷണം. കേവലം ഒരു സ്മരണാവലി എന്നതിലുപരി, അരനൂറ്റാണ്ട് മുമ്പുള്ള കേരളീയ സാമൂഹികാവസ്ഥകൾ, അന്നത്തെ പത്രപ്രവർത്തനം, നവോത്ഥാന പ്രസ്ഥാനങ്ങൾ, അക്കാലത്ത് സാഹിത്യലോകത്ത് അലയടിച്ച ചൂടുപിടിച്ച വാദപ്രതിവാദങ്ങൾ എന്നിവയെല്ലാം സി. വി. കുഞ്ഞുരാമൻ്റെ മൂർച്ചയേറിയ ഗദ്യശൈലിയിൽ ഇതിൽ തെളിഞ്ഞുനിൽക്കുന്നു. അതോടൊപ്പം തന്നെ, ആശാൻ്റെ പല്ലനയിലെ ദാരുണമായ ബോട്ടപകട മരണത്തെക്കുറിച്ചും ആ അകാല വിയോഗം സൃഷ്ടിച്ച അപരിഹാര്യമായ ശൂന്യതയെക്കുറിച്ചുമുള്ള ഹൃദയസ്പർശിയായ കുറിപ്പുകൾ വായനക്കാരെ ഏറെ ആഴത്തിൽ സ്പർശിക്കുന്നവയാണ്. ചുരുക്കത്തിൽ, ആശാൻ്റെ കാവ്യമേന്മയെയും വ്യക്തിത്വത്തെയും ചരിത്രപശ്ചാത്തലത്തിൽ വച്ച് വിലയിരുത്തുന്ന ഈ കൃതി മലയാള സാഹിത്യത്തിലെ എക്കാലത്തെയും മികച്ച ഒരു സ്മരണാഗ്രന്ഥമാണ്.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ആശാൻ സ്മരണകൾ
• രചന: സി.വി. കുഞ്ഞുരാമൻ
• പ്രസിദ്ധീകരണ വർഷം: 1965
• അച്ചടി: ഇന്ത്യ പ്രസ്സ്, കോട്ടയം
• താളുകളുടെ എണ്ണം: 118
• സ്കാൻ ലഭ്യമായ ഇടം: കണ്ണി

1933 ൽ  പ്രസിദ്ധീകരിച്ച പ്രസിദ്ധീകരിച്ച, കോട്ടായി കുമാരൻ എഴുതിയ വിധിയോട് പൊരുതിയ ചില ധീരാത്മാക്കൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ജീവിതം മുന്നിൽവെച്ച പ്രതിബന്ധങ്ങളെ വിധിയുടെ തീരുമാനമായി സ്വീകരിക്കാതെ, സ്വന്തം ധൈര്യവും പരിശ്രമവും കൊണ്ട് അതിനെ നേരിട്ട പന്ത്രണ്ട് വ്യക്തികളുടെ ജീവിതത്തിലേക്കാണ് ഈ ഗ്രന്ഥം വായനക്കാരെ കൂട്ടിക്കൊണ്ടുപോകുന്നത്. പരാജയങ്ങളിൽ തളരാതെ ലക്ഷ്യത്തിലേക്ക് മുന്നേറിയ അവരുടെ ജീവിതാനുഭവങ്ങൾ മനുഷ്യൻ്റെ ഇച്ഛാശക്തിയുടെയും ആത്മവിശ്വാസത്തിൻ്റെയും പ്രാധാന്യം വ്യക്തമാക്കുന്നു. പഴയകാല മലയാളത്തിലെ പ്രചോദനാത്മക ജീവചരിത്രരചനകളുടെ സ്വഭാവമുള്ള കൃതിയായി ഇതിനെ പരിചയപ്പെടുത്താം. സ്വാഭിമാനം, രാജ്യസ്നേഹം, രാജഭക്തി, വിനയം തുടങ്ങിയ ഗുണങ്ങളെ കുട്ടികൾക്ക് എളുപ്പത്തിൽ പഠിപ്പിക്കുവാൻ പര്യാപ്തമായ രീതിയിൽ ആണ് ഈ കൃതി രചിച്ചിട്ടുള്ളത്. മദിരാശിയിലെയും കൊച്ചിയിലെയും പാഠപുസ്തക കമ്മിറ്റി അംഗീകരിച്ച പുസ്തകം കൂടിയാണിത്.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: വിധിയോട് പൊരുതിയ ചില ധീരാത്മാക്കൾ
• പ്രസിദ്ധീകരണ വർഷം: 1933
• അച്ചടി:  Empire Press, Calicut
• താളുകളുടെ എണ്ണം: 76
• സ്കാൻ ലഭ്യമായ ഇടം: കണ്ണി

1931-ൽ പ്രസിദ്ധീകരിച്ച, കെ.എം നായർ എഴുതിയ മൂളിയിൽ കൃഷ്ണൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പത്തൊൻപതാം നൂറ്റാണ്ടിലെ പ്രമുഖരിൽ ഒരാളായിരുന്നു മൂളിയിൽ കൃഷ്ണൻ. വടക്കേ മലബാറിലെ ചിറക്കൽ താലൂക്കിലുള്ള താവക്കരയിലെ പ്രശസ്തമായ ‘മൂളിയിൽ’ തറവാട്ടിലാണ് മൂളിയിൽ കൃഷ്ണൻ ജനിച്ചത്. പരമ്പരാഗതമായിത്തന്നെ വിഷവൈദ്യത്തിനു പേരുകേട്ട തറവാടായിരുന്നു അത്. പിതാവായ പത്മനാഭനും (പൊക്കൻ ഗുരുക്കൾ) മീനാക്ഷിക്കും ഉണ്ടായ ഒൻപതു മക്കളിൽ അഞ്ചാമത്തെയാളായിരുന്നു കൃഷ്ണൻ. ബാല്യത്തിൽ പിടിപെട്ട കഠിനമായ വസൂരിരോഗം ഇടതുകണ്ണിൻ്റെ കാഴ്ച ശക്തി നഷ്ടപ്പെടുത്തി എങ്കിലും കുട്ടിക്കാലത്തു തന്നെ സംസ്കൃത ശ്ലോകങ്ങളും അമരകോശവുമൊക്കെ അതിവേഗം മനഃപാഠമാക്കാനുള്ള അപാരമായ ധിഷണാശക്തി അദ്ദേഹം പ്രകടിപ്പിച്ചു

അക്കാലത്തെ ഒരു ജ്യോത്സ്യൻ്റെ അഭിപ്രായപ്രകാരം ഇംഗ്ലീഷ് പഠിപ്പിച്ചിട്ടു കാര്യമില്ല എന്ന് വിലക്കിയിരുന്നെങ്കിലും, കൃഷ്ണൻ വീട്ടുകാർ അറിയാതെ റോമൻ കത്തോലിക്കാ സ്കൂളിൽ പോയി ഇംഗ്ലീഷ് പഠിച്ചു. 1868-ൽ കണ്ണൂരിൽ നിന്ന് ഒന്നാം റാങ്കോടെ മെട്രിക്കുലേഷൻ ജയിച്ചു. അതിനു ശേഷം കുറച്ചുകാലം കോഴിക്കോട് ഗവൺമെൻ്റ് കോളേജിൽ മലയാളം അധ്യാപകനായി ജോലി ചെയ്തിരുന്നു എങ്കിലും വൈകാതെ മദ്രാസ് പ്രസിഡൻസി കോളേജിൽ ചേർന്ന് ബി.എ ബിരുദം നേടി. 1894-ൽ ബി.എൽ നിയമ ബിരുദവും കരസ്ഥമാക്കി. മദ്രാസ് പ്രസിഡൻസി കോളേജിൽ ദീർഘകാലം മലയാളം മുൻഷിയായും 1893-ൽ മദ്രാസ് ഗവൺമെൻ്റിൻ്റെ ഔദ്യോഗിക മലയാളം ട്രാൻസ്ലേറ്ററായും സേവനമനുഷ്ഠിച്ചു. മദ്രാസ് സർവ്വകലാശാലയുടെ ഫെലോ, ഹോണററി ഫെലോ, ബോർഡ് ഓഫ് സ്റ്റഡീസ് അധ്യക്ഷൻ, ടെക്സ്റ്റ് ബുക്ക് കമ്മിറ്റി അധ്യക്ഷൻ തുടങ്ങി നിരവധി ഉന്നത സ്ഥാനങ്ങൾ വഹിച്ചു. 1913-ൽ ഗവൺമെൻ്റ് അദ്ദേഹത്തിന് ഹോണററി പ്രസിഡൻസി മജിസ്ട്രേറ്റ് പദവി നൽകി ആദരിച്ചു

പത്തൊൻപതാം നൂറ്റാണ്ടിലെയും ഇരുപതാം നൂറ്റാണ്ടിൻ്റെ തുടക്കത്തിലെയും മലബാറിൻ്റെയും മദ്രാസിൻ്റെയും സാമൂഹിക-വിദ്യാഭ്യാസ ചരിത്രത്തിലേക്ക് വെളിച്ചം വീശുന്ന അമൂല്യമായ ഒരു ജീവചരിത്ര ഗ്രന്ഥമാണ് മൂളിയിൽ കൃഷ്ണൻ. ചില അപൂർവ്വ ചിത്രങ്ങളും ഫോട്ടൊകളും പുസ്തകത്തിൽ ഉൾപ്പെടുത്തിയിട്ടുണ്ട്. മൂളിയിൽ കൃഷ്ണൻ മരിക്കുന്നതിന് ഏകദേശം മൂന്ന് മാസം മുമ്പ്, ഗ്രന്ഥകർത്താവായ കേ. എം. നായർ അദ്ദേഹത്തിൽ നിന്ന് നേരിട്ട് വിവരങ്ങൾ ചോദിച്ചറിഞ്ഞാണ് ഈ പുസ്തകം തയ്യാറാക്കിയത്. മൂളിയിൽ കൃഷ്ണൻ്റെ മരണശേഷം മദ്രാസിലെത്തിയ മഹാകവി കുമാരനാശാൻ ഈ ജീവചരിത്രത്തിൻ്റെ കൈയെഴുത്തുപ്രതി വായിക്കുകയും, അതിനൊരു മുഖവുര നൽകാം എന്ന വാഗ്ദാനത്തോടെ പ്രിൻ്റ് ചെയ്യാനായി നാട്ടിലേക്ക് കൊണ്ടുപോകുകയും ചെയ്തു. എന്നാൽ നിർഭാഗ്യവശാൽ, ആ യാത്രയിലാണ് പല്ലനയാറ്റിൽ വെച്ച് വഞ്ചിമുങ്ങി കുമാരനാശാൻ അന്തരിക്കുന്നത്. ആശാനോടൊപ്പം ഈ പുസ്തകത്തിൻ്റെ ആദ്യ കൈയെഴുത്തുപ്രതിയും നഷ്ടപ്പെട്ടു. പന്നീട്, സൂക്ഷിച്ചുവെച്ചിരുന്ന പഴയ കുറിപ്പുകൾ യാദൃച്ഛികമായി കണ്ടെടുത്ത ശേഷമാണ് കേ. എം. നായർ ഈ പുസ്തകം പുനഃസൃഷ്ടിച്ച് 1931-ൽ പ്രസിദ്ധീകരിച്ചത്.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: മൂളിയിൽ കൃഷ്ണൻ
• രചന: K.M. Nair
• പ്രസിദ്ധീകരണ വർഷം: 1931
• അച്ചടി: Norman Printing Bureau, Calicut
• താളുകളുടെ എണ്ണം: 130
• സ്കാൻ ലഭ്യമായ ഇടം: കണ്ണി

1930 ൽ കോട്ടയം നാഷണൽ ബുക്ക് ഡിപ്പോയിൽ നിന്നും പ്രസിദ്ധീകരിച്ച പ്രസിദ്ധീകരിച്ച, ദിവാൻ പേഷ്കാർ പി. ശങ്കുണ്ണി മേനോൻ  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

തിരുവിതാംകൂർ ചരിത്രകാരനും ദിവാൻ പേഷ്കാരുമായിരുന്നു പി. ശങ്കുണ്ണി മേനോൻ. പ്രമുഖ സാഹിത്യകാരനും ചിത്രകാരനുമായിരുന്നു ചിത്രമെഴുത്ത് കെ.എം. വർഗ്ഗീസ്. ശങ്കുണ്ണി മേനോൻ്റെ പ്രശസ്തമായ ചരിത്രഗ്രന്ഥമാണ് ‘ഹിസ്റ്ററി ഓഫ് ട്രാവൻകൂർ’ (History of Travancore). ഇതിൽ തിരുവിതാംകൂറിലെ ഹൈന്ദവ ആചാരങ്ങൾ, ക്ഷേത്രങ്ങൾ, മതപരമായ ചരിത്രങ്ങൾ എന്നിവ വിസ്തരിച്ചു പ്രതിപാദിക്കുന്നുണ്ട്. പിൽക്കാലത്ത് ചിത്രമെഴുത്ത് കെ.എം. വർഗ്ഗീസ് കേരള ചരിത്ര പുനർനിർമ്മിതിയുമായി ബന്ധപ്പെട്ട് എഴുതിയ ചില നിരീക്ഷണങ്ങൾ നായർ സമുദായത്തെയും ഹൈന്ദവ പാരമ്പര്യങ്ങളെയും അവഹേളിക്കുന്നതാണെന്ന തരത്തിൽ വലിയ ആക്ഷേപങ്ങൾക്ക് കാരണമായിരുന്നു. ആ നിരീക്ഷണങ്ങൾക്കും പ്രസ്താവനകൾക്കും എതിരെയുള്ള മറുപടികളാണ് പുസ്തകത്തിൻ്റെ ഉള്ളടക്കം. നായർ യുവജനസമാജത്തിനുവേണ്ടി കോട്ടയം നാഷണൽ ബുക്ക് ഡിപ്പോയിൽ നിന്നും പ്രസിദ്ധീകരിച്ചതാണ് ഈ പുസ്തകം.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ദിവാൻ പേഷ്കാർ പി. ശങ്കുണ്ണി മേനോൻ
• പ്രസിദ്ധീകരണ വർഷം: 1930
• അച്ചടി: Sreeramavilasam Press, Kollam
• താളുകളുടെ എണ്ണം: 110
• സ്കാൻ ലഭ്യമായ ഇടം: കണ്ണി

1926 – ൽ പ്രസിദ്ധീകരിച്ച, അമ്പാടിയിൽ ഇക്കാവ് അമ്മ രചിച്ച ശ്രീഹർഷവർദ്ധനൻ  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കെ.എം. പണിക്കർ ഇംഗ്ലീഷിൽ രചിക്കുകയും ശ്രീമതി അമ്പാടിയിൽ ഇക്കാവ് അമ്മ മലയാളത്തിലേക്ക് പരിഭാഷപ്പെടുത്തുകയും ചെയ്ത ‘ശ്രീഹർഷവർദ്ധനൻ’ (കന്യാകുബ്ജത്തിലെ ശ്രീഹർഷൻ) എന്ന ചരിത്രഗ്രന്ഥം, ഏഴാം നൂറ്റാണ്ടിൽ ഉത്തരഭാരതം ഭരിച്ചിരുന്ന ഹർഷവർദ്ധന ചക്രവർത്തിയുടെ ഭരണമികവും ജീവിതപശ്ചാത്തലവും സമഗ്രമായി വിവരിക്കുന്ന ഒരു ജീവചരിത്രകൃതിയാണ്. ഗുപ്തസാമ്രാജ്യത്തിൻ്റെ പതനത്തിനും ഹൂണന്മാരുടെ ക്രൂരമായ അധിനിവേശത്തിനും ശേഷം രാജ്യത്തുണ്ടായ രാഷ്ട്രീയ അസ്ഥിരതകളെ പരിഹരിച്ച് ഹർഷൻ എങ്ങനെ ഒരു വിശാല സാമ്രാജ്യം കെട്ടിപ്പടുത്തു എന്ന് ഈ പുസ്തകം വ്യക്തമാക്കുന്നു. കാര്യക്ഷമമായ ഭരണസംവിധാനം, വിദേശ രാജ്യങ്ങളുമായുള്ള നയതന്ത്രബന്ധങ്ങൾ (ചൈനീസ് സഞ്ചാരിയായ യുവാൻ ചാങ്ങിൻ്റെ സന്ദർശനം ഉൾപ്പെടെ), മതസൗഹാർദ്ദം, പ്രജാക്ഷേമം എന്നിവയ്ക്ക് ഹർഷൻ നൽകിയ മുൻഗണന ഇതിൽ എടുത്തുപറയുന്നുണ്ട്. കൂടാതെ, നാഗാനന്ദം തുടങ്ങിയ സംസ്കൃത നാടകങ്ങൾ രചിച്ച പണ്ഡിതൻ എന്ന നിലയിലും, ബാണഭട്ടൻ തുടങ്ങിയ മഹാകവികളെ പ്രോത്സാഹിപ്പിച്ച സാഹിത്യപോഷകൻ എന്ന നിലയിലും ഭാരത ചരിത്രത്തിൽ ഹർഷവർദ്ധനനുള്ള ഉന്നതസ്ഥാനം ഈ കൃതി വെളിവാക്കുന്നു.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ശ്രീഹർഷവർദ്ധനൻ
• രചന: അമ്പാടിയിൽ ഇക്കാവ് അമ്മ
• പ്രസിദ്ധീകരണ വർഷം: 1926
• അച്ചടി: രാമാനുജ പ്രിൻ്റിംഗ് ഹൗസ് ലിമിറ്റഡ്, തൃശ്ശൂർ
• താളുകളുടെ എണ്ണം: 116
• സ്കാൻ ലഭ്യമായ ഇടം: കണ്ണി

1930 – ൽ പ്രസിദ്ധീകരിച്ച, പഴയന്നൂർ രാമപിഷാരോടി രചിച്ച അശോകൻ  എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഭാരതീയ ചരിത്രത്തിലെ ഏറ്റവും തിളക്കമാർന്ന അധ്യായങ്ങളിലൊന്നാണ് അശോകചക്രവർത്തിയുടെ ഭരണകാലം. പഴയന്നൂർ രാമപിഷാരോടി രചിച്ച ‘അശോകൻ’ എന്ന ഗ്രന്ഥം മൗര്യസാമ്രാജ്യത്തിൻ്റെ പ്രതാപത്തിലേക്കും അശോകൻ്റെ ജീവിതപരിണാമങ്ങളിലേക്കും വെളിച്ചം വീശുന്ന അമൂല്യമായ ഒരു ചരിത്രകൃതിയാണ്.

മഗധ രാജ്യത്തിൻ്റെ പശ്ചാത്തലത്തിൽ തുടങ്ങി, ബിന്ദുസാരൻ്റെ പുത്രനായ അശോകൻ എപ്രകാരമാണ് മൗര്യസാമ്രാജ്യത്തിൻ്റെ അധിപനായതെന്ന് പുസ്തകം വിവരിക്കുന്നു. ക്രൂരനായ ഒരു ഭരണാധികാരിയിൽ നിന്ന് അശോകൻ എന്ന അഹിംസാവാദിയായ മഹാനുഭാവനിലേക്കുള്ള മാറ്റവും, അതിൽ കലിംഗയുദ്ധവും ബുദ്ധധർമ്മവും ചെലുത്തിയ സ്വാധീനവും കൃതിയിൽ വ്യക്തമായി അടയാളപ്പെടുത്തിയിട്ടുണ്ട്. തൻ്റെ സഹോദരങ്ങളെ അശോകൻ കൊലപ്പെടുത്തി എന്ന ബൗദ്ധപ്രചാരകരുടെ വാദങ്ങളെ അഞ്ചാം ശിലാശാസനത്തിലെ തെളിവുകൾ നിരത്തി ഗ്രന്ഥകാരൻ തിരുത്തുന്നുണ്ട്. വെറുമൊരു ഭരണാധികാരി എന്നതിലുപരി പ്രജകളുടെയും ജീവജാലങ്ങളുടെയും ക്ഷേമത്തിനായി പ്രവർത്തിച്ച മഹാത്മാവായിരുന്നു അദ്ദേഹം. കുടിവെള്ളത്തിനായി കിണറുകളും തടാകങ്ങളും നിർമ്മിക്കുക, വഴിയമ്പലങ്ങൾ സ്ഥാപിക്കുക, മരുന്നുകളും വൃക്ഷങ്ങളും നട്ടുപിടിപ്പിക്കുക തുടങ്ങി അദ്ദേഹം നടപ്പിലാക്കിയ ജനക്ഷേമപ്രവർത്തനങ്ങൾ ഇന്നും മാതൃകാപരമാണ്. കൂടാതെ, മക്കളായ മഹേന്ദ്രനെയും സംഘമിത്രയെയും സിംഹളത്തിലേക്ക് (ശ്രീലങ്ക) അയച്ച് നടത്തിയ ബുദ്ധമതപ്രചാരണവും ചരിത്രപരമായ തെളിവുകളോടെ പുസ്തകത്തിൽ വിശദീകരിക്കുന്നു.

ചരിത്രാന്വേഷികൾക്കും വായനക്കാർക്കും ഒരുപോലെ ഉപകരിക്കുന്ന ലാളിത്യവും തെളിച്ചവുമുള്ള ഭാഷയിലാണ് ഈ പുസ്തകം രചിക്കപ്പെട്ടിട്ടുള്ളത്. അശോകൻ്റെ ശിലാശാസനങ്ങളെയും സ്തൂപങ്ങളെയും അടിസ്ഥാനമാക്കി എഴുതിയ ഈ ഗ്രന്ഥം മൗര്യകാലഘട്ടത്തെക്കുറിച്ചുള്ള ഒരു മികച്ച ചരിത്രരേഖയാണ്.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: അശോകൻ
• രചന: പഴയന്നൂർ രാമപിഷാരോടി
• പ്രസിദ്ധീകരണ വർഷം: 1930
• അച്ചടി: ലക്ഷ്മി പ്രസ്സ്, ലിമിറ്റഡ്, പാലക്കാട്
• താളുകളുടെ എണ്ണം: 56
• സ്കാൻ ലഭ്യമായ ഇടം: കണ്ണി

1913 – ൽ പ്രസിദ്ധീകരിച്ച, ജീവൻ, വെളിച്ചം, വെടിപ്പ് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1913-ൽ അച്ചടിച്ച ‘ജീവൻ, വെളിച്ചം, വെടിപ്പ്’ എന്ന ബോധവൽക്കരണ ഗ്രന്ഥം വ്യക്തിശുചിത്വത്തിൻ്റെയും പൊതുജനാരോഗ്യത്തിൻ്റെയും അത്യന്താപേക്ഷിത പ്രാധാന്യം ജനങ്ങളെ ബോധ്യപ്പെടുത്തുന്ന ഒരു വഴികാട്ടിയാണ്. അന്ധവിശ്വാസങ്ങളും വിധിചിന്തയും കാരണം പകർച്ചവ്യാധികളെ ഭയന്നു ജീവിച്ചിരുന്ന ഒരു സമൂഹത്തിന് ശാസ്ത്രീയമായ ആരോഗ്യപരിപാലന മാർഗ്ഗങ്ങൾ പരിചയപ്പെടുത്തുകയാണ് ഈ പുസ്തകത്തിൻ്റെ ലക്ഷ്യം. രോഗപ്രതിരോധത്തിന് അത്യാവശ്യമായ ശുദ്ധജലം, ശുദ്ധവായു, പോഷകാഹാരം, ശരീരവ്യായാമം, വസ്ത്രശുചിത്വം എന്നിവയെക്കുറിച്ചും, വീടുകളിലും നഗരങ്ങളിലും പാലിക്കേണ്ട ശുചിത്വക്രമങ്ങളെക്കുറിച്ചും ഇതിൽ വിശദമായി പ്രതിപാദിക്കുന്നു. അക്കാലത്ത് ജനങ്ങളെ മുടിച്ച ഭീകരരോഗങ്ങളായ മലമ്പനി, കോളറ, വസൂരി, പ്ലേഗ് എന്നിവ പടരുന്ന വഴികളും, കൊതുകുകളെയും എലികളെയും നശിപ്പിക്കുന്നതിലൂടെയും വാക്സിനേഷനിലൂടെയും അവയെ എങ്ങനെ തടയാം എന്നും ലളിതമായ ഉദാഹരണങ്ങളിലൂടെ ഈ പുസ്തകം വ്യക്തമാക്കുന്നു.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: ജീവൻ, വെളിച്ചം, വെടിപ്പ്
  • പ്രസിദ്ധീകരണ വർഷം: 1913
  • താളുകളുടെ എണ്ണം: 122
  • അച്ചടി: The Superintendent, Government Press, Madras
  • സ്കാൻ ലഭ്യമായ ഇടം: കണ്ണി

1933-ൽ പ്രസിദ്ധീകരിച്ച, കെ.ആർ. ഭാസ്കരൻ എഴുതിയ രാജകേസരി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

രചയിതാവിൻ്റെ ഹൈസ്കൂൾ വിദ്യാഭ്യാസകാലത്ത് എഴുതിയിട്ടുള്ള ചരിത്രകഥാപുസ്തകമാണിത്. മലയാള ദേശാഭിമാനി, കഥാമാലിക എന്നീ ആനുകാലികങ്ങളിൽ ഈ പുസ്തകത്തിൻ്റെ ഏതാനും ഭാഗങ്ങൾ പ്രസിദ്ധീകരിച്ചിട്ടുണ്ട്.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: രാജകേസരി
  • രചന: K.R. Bhaskaran
  • പ്രസിദ്ധീകരണ വർഷം: 1933
  • താളുകളുടെ എണ്ണം: 32
  • അച്ചടി: Guruvilasam Press, Trichur
  • സ്കാൻ ലഭ്യമായ ഇടം: കണ്ണി

1931-ൽ പ്രസിദ്ധീകരിച്ച, ചേലന്നാട്ട് അച്യുതമേനോൻ എഴുതിയ മണിമാല – രണ്ടാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പ്രശസ്ത സാഹിത്യകാരനും അധ്യാപകനുമായിരുന്ന ചേലനാട്ട് അച്യുതമേനോൻ രചിച്ച മനോഹരമായ ചെറുകഥാ സമാഹാരമാണ് ‘മണിമാല (രണ്ടാം ഭാഗം)’. ഈ പുസ്തകത്തിൽ ആകെ അഞ്ച് കഥകളാണ് ഉള്ളത്. മനുഷ്യബന്ധങ്ങളിലെ കൊതിയും ഭ്രമങ്ങളും പ്രമേയമാക്കുന്ന ‘ഇന്ദ്രജാലം’, വിധി മനുഷ്യജീവിതത്തിൽ വരുത്തുന്ന മാറ്റങ്ങളെക്കുറിച്ച് സംസാരിക്കുന്ന ‘വിധിയും കൊതിയും’, തെറ്റുകളും അതിനുള്ള കുറ്റബോധവും വരച്ചുകാട്ടുന്ന ‘പ്രായശ്ചിത്തം’, പെൻഷനായ ശേഷം തറവാട്ടിലെത്തുന്ന കുഞ്ഞുണ്ണിമേനോൻ്റെ അനുഭവങ്ങളിലൂടെ വികസിക്കുന്ന ‘കാട്ടുരാജാവ്’, കൂടാതെ കുടുംബത്തിലെ സ്വത്തുതർക്കങ്ങളും തറവാട്ടു കാര്യങ്ങളും പ്രമേയമാക്കിയ ‘മേനോൻ്റെ അവസാനക്കയ്യ്’ എന്നിവയാണ് ഈ സമാഹാരത്തിലെ കഥകൾ. പഴയകാല കേരളീയ സാമൂഹിക അന്തരീക്ഷവും തറവാട്ടു അനുഭവങ്ങളും ലളിതമായ ഭാഷയിൽ വായനക്കാരിലേക്ക് എത്തിക്കുന്ന ഈ പുസ്തകം, ചെറുകഥാ സാഹിത്യത്തെ ഇഷ്ടപ്പെടുന്ന ഏവർക്കും വായിച്ചു ആസ്വദിക്കാൻ പറ്റിയ നല്ലൊരു രചനയാണിത്.

കോഴിക്കോട് ജില്ലയിലെ പറയഞ്ചേരി സെൻഗുപ്ത പബ്ലിക് ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: മണിമാല
  • രചന: ചേലന്നാട്ട് അച്യുതമേനോൻ
  • പ്രസിദ്ധീകരണ വർഷം: 1931
  • താളുകളുടെ എണ്ണം: 76
  • അച്ചടി: വിദ്യാവിലാസം അച്ചുകൂടം, കോഴിക്കോട്
  • സ്കാൻ ലഭ്യമായ ഇടം: കണ്ണി