Month: April 2026

1956 – ൽ പ്രസിദ്ധീകരിച്ച, വള്ളത്തോൾ നാരായണമേനോൻ വിവർത്തനം തയ്യാറാക്കിയ ഋഗ്വേദസംഹിത – വാള്യം 2 എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മതപരമായും സംസ്കാരപരമായും സാഹിത്യപരമായും ഭാരതത്തിലെ ഏറ്റവും പ്രധാനപ്പെട്ട ഗ്രന്ഥമാണ് ഋഗ്വേദം. വളർന്നുവരുന്ന ഒരു സമുദായത്തിൻ്റെ ജീവിതം ഇതിൽ പ്രതിഫലിച്ചു കാണാം. ആദ്ധ്യാത്മിക ജ്ഞാനത്തിൻ്റെ നിധിയായും ഋഗ്വേദത്തെ പരിഗണിക്കുന്നു. നാലു വേദങ്ങളിൽ ഏറ്റവും പ്രധാനം എന്ന് കരുതപ്പെടുന്നതും ഋഗ്വേദം തന്നെയാണ്. ഋഗ്വേദ സൂക്തങ്ങൾ ഭൂരിഭാഗവും സ്തുതികളാണ്. ദേവന്മാരെ സ്തുതിച്ച് പ്രീതിപ്പെടുത്തി അവരോട് ചെയ്യുന്ന പ്രാർത്ഥനകളാണ്. അങ്ങനെയല്ലാത്ത ചില സൂക്തങ്ങളും ഈ കൃതിയിൽ ഉൾപ്പെടുന്നു. രചിക്കപ്പെട്ട കാലം ഏതെന്ന് ഇപ്പോഴും വ്യക്തമല്ലാത്ത ഈ കൃതിയുടെ സാരാംശം പുതിയ തലമുറയ്ക്ക് കൂടി പ്രയോജനപ്പെടുന്ന രീതിയിലുള്ള വിവർത്തനമാണ് വള്ളത്തോൾ നാരായണമേനോൻ നടത്തിയിട്ടുള്ളത്. രണ്ടും മൂന്നും നാലും അഞ്ചും മണ്ഡലങ്ങളാണ് രണ്ടാം വാള്യത്തിൽ ഉൾപ്പെടുത്തിയിരിക്കുന്നത് .

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഋഗ്വേദസംഹിത – വാള്യം 2
• പ്രസിദ്ധീകരണ വർഷം: 1956
• അച്ചടി: വള്ളത്തോൾ പ്രിൻ്റിംഗ് & പബ്ലിഷിംഗ് ഹൗസ്, തൃശ്ശിവപേരൂർ
• താളുകളുടെ എണ്ണം: 484
• സ്കാൻ ലഭ്യമായ ഇടം: കണ്ണി

1965 – ൽ പ്രസിദ്ധീകരിച്ച, അമേരിക്കൻ ജനതയുടെ സമ്പദ്‌വ്യവസ്ഥ – പുരോഗതി, പ്രശ്‌നങ്ങൾ, ഭാഗധേയങ്ങൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അമേരിക്കൻ സമ്പദ്‌വ്യവസ്ഥയെ ലളിതമായി വിശദീകരിക്കുന്ന പുസ്തകമാണിത്. അമേരിക്കൻ സമ്പദ്‌വ്യവസ്ഥയുടെ സ്വഭാവം, അതിൻ്റെ വളർച്ച, ഉയർന്ന ഉൽപാദനക്ഷമതയും ജീവിതനിലവാരവും എങ്ങനെ കൈവരിച്ചു എന്നതും ഇതിൽ വിശദീകരിക്കുന്നു. കൂടാതെ, കമ്മ്യൂണിസ്റ്റ് പ്രവചനങ്ങൾക്കു വിരുദ്ധമായി ഈ വ്യവസ്ഥ എങ്ങനെ നിലനിന്നു എന്നതും പരിശോധിക്കുന്നു. ഈ പഠനം അമേരിക്കൻ സമ്പദ്‌വ്യവസ്ഥയുടെ പ്രധാന പ്രശ്നങ്ങളും ഭാവി സാധ്യതകളും വിശകലനം ചെയ്യുന്നു. വിദേശ രാജ്യങ്ങളിൽ നിന്നുള്ള വിദ്യാർത്ഥികൾക്കും നേതാക്കൾക്കും എളുപ്പത്തിൽ മനസ്സിലാക്കാൻ കഴിയുന്ന രീതിയിൽ തയ്യാറാക്കിയതാണ് ഈ പുസ്തകം. നാഷണൽ പ്ലാനിംഗ് അസോസിയേഷൻ്റെ പരിചയവും നിഷ്പക്ഷതയും ഈ പഠനത്തിന് വിശ്വാസ്യത നൽകുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: അമേരിക്കൻ ജനതയുടെ സമ്പദ്‌വ്യവസ്ഥ – പുരോഗതി, പ്രശ്‌നങ്ങൾ, ഭാഗധേയങ്ങൾ
• പ്രസിദ്ധീകരണ വർഷം: 1965
• അച്ചടി: ശ്രീരാമവിലാസം പ്രസ്സ്, കൊല്ലം
• താളുകളുടെ എണ്ണം: 328
• സ്കാൻ ലഭ്യമായ ഇടം: കണ്ണി

1946 – ൽ പ്രസിദ്ധീകരിച്ച, റവ.കെ. മാർക്ക് രചിച്ച ഫാത്തിഹാനിരൂപണം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അൽ-ഫാത്തിഹ ഖുർആനിലെ ആദ്യ സൂറത്ത് ആണ്. ഇതിനെ ഉമ്മുൽ കിതാബ് (ഗ്രന്ഥത്തിൻ്റെ മാതാവ്) എന്നും വിളിക്കുന്നു. ഇസ്‌ലാമിൽ എല്ലാ നമസ്കാരങ്ങളിലും നിർബന്ധമായി വായിക്കുന്ന ഏറ്റവും പ്രധാനപ്പെട്ട അധ്യായമാണ് ഇത്. പ്രസ്തുത പ്രാർത്ഥനയുടെ വിശദമായ വ്യാഖ്യാനമാണ് ഈ പുസ്തകം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഫാത്തിഹാനിരൂപണം
• പ്രസിദ്ധീകരണ വർഷം: 1946
• അച്ചടി: ബേസൽ മിഷൻ പ്രസ്സ്, മാംഗ്ലൂർ
• താളുകളുടെ എണ്ണം: 54
• സ്കാൻ ലഭ്യമായ ഇടം: കണ്ണി

1964 – ൽ പ്രസിദ്ധീകരിച്ച, ടി. മുഹമ്മദ് രചിച്ച ഇസ്‌ലാമിലെ നവോത്ഥാന പ്രസ്ഥാനങ്ങൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ചരിത്രത്തിൻ്റെ ഓരോ ഘട്ടത്തിലും രൂപം കൊണ്ട ഇസ്ലാമിക നവോത്ഥാന പ്രസ്ഥാനങ്ങളെ കുറിച്ചാണ് ഈ പുസ്തകത്തിൽ പറഞ്ഞിരിക്കുന്നത്. നവോത്ഥാന ചിന്തകൾക്ക് കാരണമായ സംഭവ വികാസങ്ങളെക്കുറിച്ചും അതിലേക്ക് നയിച്ച പ്രവാചകന്മാരെ കുറിച്ചും ഇതിൽ പ്രതിപാദിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഇസ്‌ലാമിലെ നവോത്ഥാന പ്രസ്ഥാനങ്ങൾ
• പ്രസിദ്ധീകരണ വർഷം: 1964
• അച്ചടി: പ്രബോധനം പ്രസ്സ്, മാരികുന്ന്, കോഴിക്കോട്
• താളുകളുടെ എണ്ണം: 104
• സ്കാൻ ലഭ്യമായ ഇടം: കണ്ണി

1963 – ൽ പ്രസിദ്ധീകരിച്ച, എസ്.കെ. ഡേ രചിച്ച സാമൂഹ്യവികസനം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സാമൂഹ്യ വികസന പ്രസ്ഥാനത്തിൻ്റെ ഉത്ഭവവും വളർച്ചയും അടയാളപ്പെടുത്തുന്ന പുസ്തകമാണിത്. മാറിവന്ന അധികാര വ്യവസ്ഥകളെക്കുറിച്ചും അതിൻ്റെ ഭാഗമായി ഉണ്ടായ സാമൂഹിക മാറ്റങ്ങളും ഇതിൽ വിവരിക്കുന്നു. ആസൂത്രണത്തിൻ്റെ പ്രാധാന്യവും ജനങ്ങൾ തന്നെ അതിൽ ഭാഗമാകുന്നത് എങ്ങനെയെന്നും പുസ്തകത്തിൽ വിശദമാക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: സാമൂഹ്യവികസനം
• പ്രസിദ്ധീകരണ വർഷം: 1963
• അച്ചടി: ഇൻഡ്യ പ്രസ്സ്, കോട്ടയം
• താളുകളുടെ എണ്ണം: 336
• സ്കാൻ ലഭ്യമായ ഇടം: കണ്ണി