Category: Srikrishna Library

1956 – ൽ പ്രസിദ്ധീകരിച്ച ഇഗോർ ഗോസൻകൊ രചിച്ച സി.എ. ഗോപാലപിള്ള വിവർത്തനം ചെയ്ത  ഭീമൻ്റെ പതനം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1956-ൽ കേരളത്തിലെ വായനക്കാർക്കിടയിലേക്ക് വിവർത്തനം ചെയ്യപ്പെട്ട് എത്തിയ ‘ഭീമൻ്റെ പതനം’ എന്ന നോവൽ കേവലമൊരു കഥയല്ല, അത് മനുഷ്യൻ്റെ സ്വതന്ത്ര ചിന്തകൾക്ക് മേൽ ഭരണകൂടങ്ങൾ നടത്തുന്ന കടന്നുകയറ്റങ്ങളുടെ നേർച്ചിത്രമാണ്. വിഖ്യാത റഷ്യൻ എഴുത്തുകാരൻ ഈഗോർ ഗോസൻകോയുടെ തൂലികയിൽ പിറന്ന ഈ കൃതി, സോവിയറ്റ് റഷ്യയിലെ കമ്മ്യൂണിസ്റ്റ് ഏകാധിപത്യത്തിൻ്റെ കറുത്ത ഏടുകളിലേക്കാണ് നമ്മെ കൂട്ടിക്കൊണ്ടുപോകുന്നത്. മഹാനായ റഷ്യൻ സാഹിത്യകാരൻ മാക്സിം ഗോർക്കിയുടെ ജീവിതവും അദ്ദേഹത്തിൻ്റെ ദുരൂഹമായ മരണവും പശ്ചാത്തലമാക്കിയാണ് നോവലിലെ ‘മിഖായേൽ ഗോരിൻ’ എന്ന വിപ്ലവകാരിയായ എഴുത്തുകാരൻ്റെ കഥ ഇവിടെ ആവിഷ്കരിച്ചിരിക്കുന്നത്. ചുരുക്കത്തിൽ, ഒരു കമ്മ്യൂണിസ്റ്റ് ഏകാധിപത്യ ഭരണകൂടം എങ്ങനെയാണ് ഒരു രാജ്യത്തിൻ്റെ നന്മയെയും, മനുഷ്യൻ്റെ സ്വതന്ത്ര ചിന്തകളെയും, ഒരു മഹാനായ എഴുത്തുകാരനെയും അടിച്ചമർത്തുകയും ഇല്ലാതാക്കുകയും ചെയ്യുന്നത് എന്നാണ് ഈ നോവൽ വിവരിക്കുന്നത്.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഭീമൻ്റെ പതനം
• രചന: ഇഗോർ ഗോസൻകൊ
• പ്രസിദ്ധീകരണ വർഷം: 1956
• താളുകളുടെ എണ്ണം: 258
• സ്കാൻ ലഭ്യമായ ഇടം: കണ്ണി

1936-ൽ പ്രസിദ്ധീകരിച്ച, പി.ജി. പിള്ള എഴുതിയ പുരാണകഥകൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്ഹൈന്ദവ പുരാണങ്ങളിലെയും ഇതിഹാസങ്ങളിലെയും പ്രശസ്തമായ കഥകളും കഥാപാത്രങ്ങളെയും ആസ്പദമാക്കിയുള്ളതാണ് ഈ പുസ്തകം. കുട്ടികൾക്കും മുതിർന്നവർക്കും ഒരുപോലെ വായിക്കാവുന്ന ലളിതമായ ശൈലിയിലാണ് ഇത് തയ്യാറാക്കിയിരിക്കുന്നത്. 33 അധ്യായങ്ങളാണ് പുസ്തകത്തിലുള്ളത്. പുരാണങ്ങളിലെ മിക്ക കഥാപാത്രങ്ങളെക്കുറിച്ചുമുള്ള കഥകൾ പുസ്തകത്തിൽ ഉൾക്കൊള്ളിച്ചിരിക്കുന്നു

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: പുരാണകഥകൾ
• രചന: പി.ജി. പിള്ള
• പ്രസിദ്ധീകരണ വർഷം: 1936
• അച്ചടി:V.V. Press, Kollam
• താളുകളുടെ എണ്ണം: 102
• സ്കാൻ ലഭ്യമായ ഇടം: കണ്ണി

 

ബ്രഹ്മാണ്ഡപുരാണം കിളിപ്പാട്ട് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പതിനെട്ടു പുരാണങ്ങളിലൊന്നായ ബ്രഹ്മാണ്ഡപുരാണത്തിൻ്റെ മലയാളത്തിലുള്ള പരിഭാഷയാണ് ബ്രഹ്മാണ്ഡപുരാണം കിളിപ്പാട്ട്. കിളിയെക്കൊണ്ടു കഥ പറയിക്കുന്ന രീതിയിലുള്ള കാവ്യമായതുകൊണ്ടും ആധ്യാത്മിക ഗ്രന്ഥങ്ങളുടെ പരിഭാഷയിൽ തല്പരനായിരുന്നതുകൊണ്ടും എഴുത്തച്ഛൻ ആണ് ഇതു രചിച്ചതെന്ന് ഒരു വിഭാഗം ആളുകൾ വിശ്വസിച്ചിരുന്നു. പുസ്തകത്തിൻ്റെ രചനാവർഷമോ എഴുതിയതാരെന്നോ ഉള്ള സൂചനകൾ ഒന്നും തന്നെ ഇതിലില്ല. പ്രയോഗവൈകല്യങ്ങളൊക്കെയുള്ള ഈ കൃതിയും അജ്ഞാതകർത്തൃകമായി കണക്കാക്കുന്നതാവും ഉചിതം

ബ്രഹ്മാണ്ഡപുരാണത്തിൻ്റെ രചന കിളിപ്പാട്ടുരീതിയിലാണെങ്കിലും എഴുത്തച്ഛൻ്റെ കൃതികളിൽ കാണുന്നതുപോലെ ആരംഭത്തിൽ കിളിയെ വിളിച്ച് കഥ പറയാനാവശ്യപ്പെടുന്നില്ല. നൈമിശാരണ്യത്തിൽ വെച്ച് ശൗനകൻ തുടങ്ങിയ മുനിമാർ സൂതമഹർഷിയോടു വീണ്ടും മംഗളം വരുത്തുന്ന സത്കഥകൾ പറയാൻ ആവശ്യപ്പെട്ടതിനെ തുടർന്നാണ് ഹിരണ്യനാഭനു ജൈമിനി മഹർഷി പറഞ്ഞു കൊടുത്ത ഭാരഖണ്ഡത്തിൻ്റെ ഉത്പത്തിചരിത്രവും മറ്റും സൂതൻ വിശദീകരിക്കുന്നത്. ബ്രഹ്മാണ്ഡപുരാണം ആകെ 85 സഹസ്രം(എൺപത്തയ്യായിരം) ഗ്രന്ഥങ്ങളുണ്ടെന്നും അതിൽ നിർമ്മലമായ മധ്യഭാഗത്തിൻ്റെ 99 അദ്ധ്യായങ്ങളായി ഇവിടെ പറഞ്ഞിരിക്കുന്നുവെന്നും ഇതു കേൾക്കുന്നവർക്ക് ജീവിതത്തിൽ മംഗളം ഉണ്ടാവുമെന്നുമാണ് അവസാനം ഉള്ള ഫലശ്രുതി. പഴയരീതിയിൽ വരിമുറിക്കാതെ, നക്ഷത്രചിഹ്നമിട്ട് ഗദ്യരീതിയിലാണ് അച്ചടിച്ചിരിക്കുന്നത്. മുൻഷി താമരക്കുളം ശങ്കരൻ വൈദ്യൻ പുസ്തകം സംശോധനം നടത്തിയതായി കവർപേജിൽ കൊടുത്തിട്ടുണ്ട്.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: ബ്രഹ്മാണ്ഡപുരാണം കിളിപ്പാട്ട്
  • താളുകളുടെ എണ്ണം: 142
  • സ്കാൻ ലഭ്യമായ ഇടം: കണ്ണി

എൻ. കുഞ്ഞുരാമൻ പിള്ള എഴുതിയ ഭാഷാവികാസം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മലയാള ഭാഷയുടെയും സാഹിത്യത്തിൻ്റെയും വികാസപരിണാമങ്ങളെക്കുറിച്ചുള്ള ഒരു ലഘുവിവരണമാണ് ഈ പുസ്തകത്തിലുള്ളത്. ഒരു ജനതയുടെ വളർച്ചയ്ക്ക് അനുസരിച്ചാണ് അവരുടെ ഭാഷയും സാഹിത്യവും വളരുന്നത് എന്നും ജനങ്ങൾ പുരോഗതി പ്രാപിക്കുമ്പോൾ ഭാഷ അഭിവൃദ്ധിപ്പെടുകയും അവർക്ക് ക്ഷീണം സംഭവിക്കുമ്പോൾ ഭാഷ അധോഗതിയിലാവുകയും ചെയ്യുന്നു എന്നും ഗ്രന്ഥകാരൻ അഭിപ്രായപ്പെടുന്നു. ഇതര ജനസമുദായങ്ങളുമായും ഭാഷകളുമായും ഇടപഴകുന്നത് ഭാഷയിൽ മാറ്റങ്ങൾ വരുത്തുന്നു. മലയാള ഭാഷയിൽ തമിഴ്, സംസ്കൃതം, അറബിക്, ഡച്ച്, പോർച്ചുഗീസ്, ഇംഗ്ലീഷ് തുടങ്ങിയ ഭാഷകളുടെ സ്വാധീനം ഈ പുസ്തകം എടുത്തുപറയുന്നു. ഇംഗ്ലീഷ് ഭാഷയുമായുള്ള സമ്പർക്കം മലയാളത്തിൽ വിപ്ലവകരമായ മാറ്റങ്ങൾ വരുത്തി. പാശ്ചാത്യ മാതൃകയിലുള്ള ചെറുകഥകൾ, പ്രഹസനങ്ങൾ തുടങ്ങിയ സാഹിത്യ രൂപങ്ങൾ മലയാളത്തിൽ പ്രചാരത്തിലായി. പഴയകാലത്തെ കൊടുന്തമിഴിൽ നിന്നും സംസ്കൃതത്തിൻ്റെയും ഇംഗ്ലീഷിൻ്റെയും സ്വാധീനത്തിലൂടെ മലയാള ഭാഷ എപ്രകാരം ആധുനിക കാലഘട്ടത്തിലേക്ക് വളർന്നു എന്നതിൻ്റെ ഒരു ലഘുചിത്രമാണ് ഈ ഗ്രന്ഥത്തിലുള്ളത്

പുസ്തകത്തിൻ്റെ രചനാവർഷം ഇതിൽ രേഖപ്പെടുത്തിയിട്ടില്ല

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഭാഷാവികാസം
• രചന: എൻ. കുഞ്ഞുരാമൻ പിള്ള
• താളുകളുടെ എണ്ണം: 32
• സ്കാൻ ലഭ്യമായ ഇടം: കണ്ണി

1942-ൽ പ്രസിദ്ധീകരിച്ച, Speeches of Sir C.P. Ramaswami Aiyar എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

തിരുവിതാംകൂർ ദിവാനായിരുന്ന സർ സി. പി. രാമസ്വാമി അയ്യരുടെ പ്രസംഗങ്ങൾ സമാഹരിച്ചതാണ് ഈ പുസ്തകത്തിലുള്ളത്. 1936-ൽ ദിവാനായി ചുമതലയേറ്റതിനുശേഷം വിവിധ വേദികളിൽ നടത്തിയ പ്രസംഗങ്ങളുടെ ആദ്യ വോള്യമാണിത്. 1936-ൽ തിരുവിതാംകൂർ ദിവാനായി ചുമതലയേറ്റപ്പോൾ സെക്രട്ടേറിയറ്റിൽ നടത്തിയ പ്രസംഗം ഇതിൽ ഉൾപ്പെടുത്തിയിട്ടുണ്ട്. തിരുവിതാംകൂർ ചരിത്രത്തിലെ നാഴികക്കല്ലായ ക്ഷേത്രപ്രവേശന വിളംബരത്തെ സംബന്ധിച്ച അദ്ദേഹത്തിൻ്റെ കാഴ്ചപ്പാടുകളും വിശദീകരണങ്ങളും ഈ പ്രസംഗങ്ങളിൽ കാണാം. തിരുവിതാംകൂറിലെ വ്യവസായം, വിദ്യാഭ്യാസം, കൃഷി തുടങ്ങിയ മേഖലകളിലെ പരിഷ്കരണങ്ങളെക്കുറിച്ചുള്ള അദ്ദേഹത്തിൻ്റെ പദ്ധതികൾ പ്രസംഗങ്ങളിൽ വ്യക്തമാക്കുന്നു. തിരുവിതാംകൂറിനെക്കുറിച്ച് അദ്ദേഹം ബോംബൈ റേഡിയോയിൽ നിന്നു നടത്തിയ ബ്രോഡ് കാസ്റ്റ് ടോക്ക് (Broadcast Talk) ഈ പുസ്തകത്തിലെ ആദ്യ ഭാഗമാണ്. ദിവാനായി നിയമിതനായ ശേഷം തിരുവനന്തപുരം വിക്ടോറിയ ജൂബിലി ടൗൺ ഹാൾ (VJT Hall) ഉൾപ്പെടെയുള്ള വിവിധയിടങ്ങളിൽ ജനങ്ങൾ നൽകിയ സ്വീകരണങ്ങൾക്ക് അദ്ദേഹം നൽകിയ മറുപടി പ്രസംഗങ്ങളും ഇതിലുണ്ട്.

ബ്രിട്ടീഷ് ഇന്ത്യയിലെ പ്രഗത്ഭനായ അഭിഭാഷകനും ഭരണതന്ത്രജ്ഞനുമായിരുന്ന സി. പി. രാമസ്വാമി അയ്യരുടെ ഭരണപരിഷ്കാരങ്ങളെയും അന്നത്തെ തിരുവിതാംകൂറിലെ രാഷ്ട്രീയ-സാമൂഹിക സാഹചര്യങ്ങളെയും കുറിച്ച് പഠിക്കാൻ ഈ ഗ്രന്ഥം സഹായിക്കുന്നു. ഇംഗ്ലീഷിലാണ് പ്രസംഗങ്ങൾ തയ്യാറാക്കിയിരിക്കുന്നത്.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: Speeches of Sir C.P. Ramaswami Aiyar
  • പ്രസിദ്ധീകരണ വർഷം: 1942
  • അച്ചടി: Govt. Press, Trivandrum
  • താളുകളുടെ എണ്ണം: 230
  • സ്കാൻ ലഭ്യമായ ഇടം: കണ്ണി

1941-ൽ പ്രസിദ്ധീകരിച്ച, സർദാർ കെ.എം. പണിക്കർ എഴുതിയ ഹൈദർ നായിക്കൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പണ്ഡിതൻ, പത്രപ്രവർത്തകൻ, ചരിത്രകാരൻ, നയതന്ത്രജ്ഞൻ എന്നീ നിലകളിൽ പ്രശസ്തനായ കെ എം പണിക്കർ എഴുതിയ ചമ്പൂപ്രബന്ധമാണ് ഹൈദർ നായിക്കൻ. സാധാരണ ചമ്പുക്കളിൽ നിന്നു വിഭിന്നമായി ഒരു ചരിത്രസംഭവമാണ് അദ്ദേഹം തൻ്റെ കാവ്യത്തിനു വിഷയമാക്കിയിരിക്കുന്നത്. അദ്ദേഹത്തിൻ്റെ ചരിത്രപരമായ ഉൾക്കാഴ്ചയും സാഹിത്യ വൈദഗ്ധ്യവും ഈ കൃതിയിൽ പ്രകടമാണ്.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: ഹൈദർ നായിക്കൻ
  • രചന: കെ.എം. പണിക്കർ
  • പ്രസിദ്ധീകരണ വർഷം: 1941
  • അച്ചടി: B.V. Book Depot & Printing Works
  • താളുകളുടെ എണ്ണം: 84
  • സ്കാൻ ലഭ്യമായ ഇടം: കണ്ണി

1947 ൽ പ്രസിദ്ധീകരിച്ച, ശ്രീചിത്തിരതിരുനാൾ പാഠാവലി – മൂന്നാംപാഠം എന്ന പുസ്തകത്തിൻ്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കു വെക്കുന്നത്.

1947-ൽ തിരുവിതാംകൂർ സ്റ്റേറ്റ് എഡ്യൂക്കേഷൻ ഡിപ്പാർട്ട്‌മെന്റ് പുറത്തിറക്കിയ ‘ശ്രീചിത്തിരതിരുനാൾ പാഠാവലി – മൂന്നാംപാഠം‘, കുട്ടികളിൽ അറിവിനോടൊപ്പം രാജഭക്തിയും ധാർമ്മിക മൂല്യങ്ങളും വളർത്താൻ ലക്ഷ്യമിട്ടു തയ്യാറാക്കിയ മികച്ചൊരു ചരിത്രരേഖയാണ്. ക്ഷേത്രപ്രവേശന വിളംബരം പോലുള്ള വിപ്ലവകരമായ സാമൂഹിക പരിഷ്കരണങ്ങളെയും ശ്രീചിത്തിരതിരുനാൾ മഹാരാജാവിന്റെ ഭരണനേട്ടങ്ങളെയും പാഠഭാഗങ്ങളിൽ അഭിമാനപൂർവ്വം അവതരിപ്പിക്കുന്ന ഈ പുസ്തകം, മാതൃപിതൃഭക്തി, വ്യക്തിശുചിത്വം, നിരീക്ഷണപാടവം എന്നിവയെ ആസ്പദമാക്കിയുള്ള ഗുണപാഠകഥകളും പ്രകൃതിവർണ്ണനകളും ലളിതമായ മലയാളത്തിൽ കോർത്തിണക്കിയിരിക്കുന്നു. പൗരാണിക സ്മരണകളും ആധുനിക സാമൂഹിക ബോധവും ഒരുപോലെ സമന്വയിപ്പിച്ചുകൊണ്ട്, അച്ചടക്കവും വിനയവുമുള്ള ഒരു ഉത്തമ തലമുറയെ വാർത്തെടുക്കാൻ ലക്ഷ്യമിട്ട ഈ കൃതി കേവലം ഒരു ഭാഷാ പാഠപുസ്തകം എന്നതിലുപരി കേരളത്തിന്റെ വിദ്യാഭ്യാസ ചരിത്രത്തിലെ നിർണ്ണായകമായ ഒരു അടയാളം കൂടിയാണ്.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ശ്രീചിത്തിരതിരുനാൾ പാഠാവലി – മൂന്നാംപാഠം 
• പ്രസിദ്ധീകരണ വർഷം: 1947
• അച്ചടി: Government Press, Trivandrum
• താളുകളുടെ എണ്ണം: 136  
• സ്കാൻ ലഭ്യമായ ഇടം: കണ്ണി

1937 – ൽ പ്രസിദ്ധീകരിച്ച, കാളിദാസൻ രചിച്ച ശൃംഗാരതിലകം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മഹാകവി കാളിദാസൻ്റെ രചനയെന്നു വിശ്വസിക്കപ്പെടുന്ന ശൃംഗാരതിലകം എന്ന കാവ്യഗ്രന്ഥം, ഭാരതീയ സാഹിത്യത്തിലെ ശൃംഗാരരസത്തിൻ്റെ ഉത്തമമായ ആവിഷ്കാരമാണ്. മുപ്പത്തിയൊന്ന് ശ്ലോകങ്ങളിലൂടെ പ്രണയത്തിൻ്റെ വിവിധ ഭാവങ്ങളെയും നായികയുടെ ശാരീരിക സൗന്ദര്യത്തെയും അതിമനോഹരമായ രീതിയിൽ കവി ഇതിൽ അവതരിപ്പിക്കുന്നു. ഓരോ ശ്ലോകവും പ്രണയിനികൾക്കിടയിലെ വികാരം, വിരഹം, അനുരാഗം എന്നിവയെ പ്രകൃതിയിലെ ബിംബങ്ങളുമായി കോർത്തിണക്കുന്നു. നായികയുടെ കണ്ണുകളെ കരിങ്കൂവളത്തോടും മുഖത്തെ താമരയോടും ഉപമിക്കുന്ന കവി, സൗന്ദര്യവർണ്ണനയിൽ അതിശയോക്തിപരമായ ശൈലിയാണ് സ്വീകരിച്ചിരിക്കുന്നത്. പ്രണയലബ്ധിക്കായി കാമുകൻ നടത്തുന്ന അപേക്ഷകളും, പ്രിയതമൻ്റെ വിയോഗത്തിൽ നായിക അനുഭവിക്കുന്ന വിരഹതാപവും ഈ കൃതിയിലെ പ്രധാന പ്രമേയങ്ങളാണ്. പി. കുഞ്ഞുണ്ണി മേനോൻ തയ്യാറാക്കിയ മലയാളം വ്യാഖ്യാനമാണ് ഈ പുസ്തകത്തിൻ്റെ മറ്റൊരു പ്രത്യേകത. സംസ്കൃത ശ്ലോകങ്ങളുടെ ഗഹനമായ അർത്ഥം സാധാരണ വായനക്കാരിലേക്ക് എത്തിക്കുന്നതിനായി അദ്ദേഹം ലളിതമായ ഭാഷയിലാണ് വിവരണം നൽകിയിരിക്കുന്നത്. പ്രണയം കേവലം ശാരീരികമായ ഒന്നല്ലെന്നും, അത് പ്രകൃതിയുടെ ഭാഗമാണെന്നും കവി ഓരോ വരിയിലൂടെയും സമർത്ഥിക്കുന്നു.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ശൃംഗാരതിലകം
• രചന:  കാളിദാസൻ
• പ്രസിദ്ധീകരണ വർഷം: 1937
• അച്ചടി: ഏ.ആർ.പി. പ്രസ്സ്, കുന്നംകുളം
• താളുകളുടെ എണ്ണം: 28
• സ്കാൻ ലഭ്യമായ ഇടം: കണ്ണി

1934 – ൽ പ്രസിദ്ധീകരിച്ച, പി.എൻ. കൃഷ്ണപിള്ള രചിച്ച ബാലകഥാമഞ്ജരി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പി. എൻ. കൃഷ്ണപിള്ള 1934-ൽ രചിച്ച ബാലകഥാമഞ്ജരി എന്ന കൃതി ലളിതമായ ആഖ്യാനത്തിലൂടെ കുട്ടികളിൽ ഉന്നതമായ മൂല്യബോധം വളർത്താൻ ലക്ഷ്യമിടുന്ന കഥകളുടെ സമാഹാരമാണ്. സഹിഷ്ണുതയുടെയും വ്യത്യസ്ത കാഴ്ചപ്പാടുകളുടെയും പ്രാധാന്യം വ്യക്തമാക്കുന്ന ‘പ്രഭുക്കന്മാരും പരിചയും’, അഹങ്കാരം വിനാശത്തിലേക്ക നയിക്കുമെന്നും ആഹാരത്തിൻ്റെ മൂല്യം വലുതാണെന്നും പഠിപ്പിക്കുന്ന ‘ഒരു കപ്പൽ ഗോതമ്പ്’, ബുദ്ധിപരമായ നിരീക്ഷണത്തിലൂടെ കള്ളത്തരം കണ്ടെത്താമെന്നു കാട്ടിത്തരുന്ന ‘കള്ളനെ എങ്ങനെ കണ്ടുപിടിച്ചു’, പ്രലോഭനങ്ങളെ അതിജീവിക്കുന്ന സത്യസന്ധതയാണ് യഥാർത്ഥ വിശ്വസ്തതയെന്നു പ്രഖ്യാപിക്കുന്ന ‘വിശ്വസ്തനായ സേവകനെ കണ്ടുപിടിച്ചു’ തുടങ്ങിയ കഥകൾ ഈ പുസ്തകത്തിൻ്റെ ധാർമ്മികമായ ആഴം വെളിപ്പെടുത്തുന്നു. ചുരുക്കത്തിൽ, ബുദ്ധിശക്തി, സത്യസന്ധത, വിനയം, പരസ്പര ബഹുമാനം എന്നീ ഗുണങ്ങൾ ലളിതമായ ഗുണപാഠകഥകളിലൂടെ കുട്ടികളുടെ മനസ്സിൽ പതിപ്പിക്കാൻ ഈ പുസ്തകം ശ്രമിക്കുന്നു.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ബാലകഥാമഞ്ജരി
• രചന: പി.എൻ. കൃഷ്ണപിള്ള
• പ്രസിദ്ധീകരണ വർഷം: 1934
• അച്ചടി: ശ്രീരാമവിലാസം പ്രസ്സ്, കൊല്ലം
• താളുകളുടെ എണ്ണം: 64
• സ്കാൻ ലഭ്യമായ ഇടം: കണ്ണി

 

1936 – ൽ പ്രസിദ്ധീകരിച്ച, കുസുമാഞ്ജലി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മലയാള സാഹിത്യത്തിലെ ധൈഷണിക പ്രതിഭയായിരുന്ന അപ്പൻ തമ്പുരാൻ്റെ ഷഷ്ടിപൂർത്തി സ്മാരകമായി 1936-ൽ പുറത്തിറങ്ങിയ കുസുമാഞ്ജലി കേവലം ഒരു സ്മരണികയല്ല, മറിച്ച് മലയാള ഗദ്യസാഹിത്യത്തിൻ്റെ പരിണാമം അടയാളപ്പെടുത്തിയ ചരിത്രരേഖയാണ്. ജോസഫ് മുണ്ടശ്ശേരി, സർദാർ കെ.എം. പണിക്കർ, പൂത്തേഴത്ത് രാമൻമേനോൻ തുടങ്ങിയ പ്രഗത്ഭരായ സാഹിത്യകാരന്മാർ അണിനിരക്കുന്ന ഈ സമാഹാരം നോവൽ, ചെറുകഥ, ഉപന്യാസം, ചരിത്രം, കല എന്നീ വൈവിധ്യമാർന്ന ശാഖകളിലെ ആഴമേറിയ നിരീക്ഷണങ്ങളാൽ സമ്പന്നമാണ്. സി.വി. രാമൻപിള്ളയുടെയും ചന്തുമേനോൻ്റെയും രചനാശൈലികളെ അപ്പൻ തമ്പുരാൻ്റെ സവിശേഷമായ ഗദ്യവൈഭവവുമായി താരതമ്യം ചെയ്യുന്നതിനൊപ്പം, സൈന്ധവ സംസ്കാരത്തിൻ്റെ വേരുകളെക്കുറിച്ചും ഭാരതീയ കലകളുടെ ആന്തരിക സൗന്ദര്യത്തെക്കുറിച്ചും ഈ ഗ്രന്ഥം ഗൗരവകരമായ ചർച്ചകൾ നടത്തുന്നു. മലയാള മാസികാ ചരിത്രത്തിൽ രസികരഞ്ജിനി വരുത്തിയ വിപ്ലവകരമായ മാറ്റങ്ങളും, ഗദ്യത്തിന് പ്രൗഢി നൽകിയ അപ്പൻ തമ്പുരാൻ്റെ ശൈലീവിശേഷങ്ങളും വിശദമാക്കുന്ന ഈ പുസ്തകം, മലയാള ഭാഷയുടെ ആധുനികതയിലേക്കുള്ള ചുവടുവെപ്പുകളെ അടുത്തറിയാൻ ആഗ്രഹിക്കുന്ന ഏതൊരു വായനക്കാരനും ഒരു അമൂല്യ ശേഖരമായിരിക്കും.

തിരുവനന്തപുരം ജില്ലയിലെ മലയിൻകീഴ്  ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കുസുമാഞ്ജലി
• പ്രസിദ്ധീകരണ വർഷം: 1936
• താളുകളുടെ എണ്ണം: 210
• സ്കാൻ ലഭ്യമായ ഇടം: കണ്ണി