1957 – ൽ പ്രസിദ്ധീകരിച്ച, രാഹുൽ സാംകൃത്യായൻ എഴുതി, സി.കെ. ചന്ദ്രശേഖരൻ പരിഭാഷപ്പെടുത്തിയ ഇരുപത്തിരണ്ടാം നൂറ്റാണ്ട് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ഗ്രന്ഥകർത്താവ് 1924ൽ ഹസാരിബാഗ് ജയിലിൽ വെച്ച് എഴുതിയ ഇരുപത്തിരണ്ടാം നൂറ്റാണ്ടിൽ സംഭവിക്കാനിടയുള്ള കാര്യങ്ങളെ പറ്റി ഭാവനയിൽ എഴുതിയ യാത്രാവിവരണമാണ് ഈ കൃതി.
22-ാം നൂറ്റാണ്ടിലെ മനുഷ്യസമൂഹത്തെക്കുറിച്ചുള്ള രാഹുൽ സാംകൃത്യായന്റെ യൂടോപ്യൻ (Utopian) കാഴ്ചപ്പാടാണ് ഈ കൃതി അവതരിപ്പിക്കുന്നത്. ശാസ്ത്രപുരോഗതി, സാമൂഹിക സമത്വം, സാമ്പത്തിക നീതി, മനുഷ്യസൗഹാർദ്ദം എന്നിവയെ അടിസ്ഥാനമാക്കിയുള്ള ഒരു പുതിയ ലോകക്രമമാണ് അദ്ദേഹം ഈ പുസ്തകത്തിൽ വിഭാവനം ചെയ്യുന്നത്.
തിരുവനന്തപുരം ജില്ലയിലെ മലയിൻകീഴ് ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
- പേര്: ഇരുപത്തിരണ്ടാം നൂറ്റാണ്ട്
- രചന: Rahul Samkrithyayan
- പ്രസിദ്ധീകരണ വർഷം: 1957
- അച്ചടി: Goodluck Press, Trichur
- താളുകളുടെ എണ്ണം: 136
- സ്കാൻ ലഭ്യമായ ഇടം: കണ്ണി