1938 – ൽ പ്രസിദ്ധീകരിച്ച, പുഷ്പാഞ്ജലി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
പുഷ്പാഞ്ജലി എന്നത് 1930-കളിൽ ചിറയിൻകീഴ് യങ് മെൻസ് അസോസിയേഷൻ പ്രസിദ്ധീകരിച്ച, അപൂർവ്വമായ ഒരു മലയാള പ്രബന്ധസമാഹാരമാണ്. മഹാകവി ഉള്ളൂർ എസ്. പരമേശ്വരയ്യർ, വി. കണ്ണൻതമ്പി, എൻ. കുഞ്ഞുരാമൻപിള്ള, പി. അനന്തൻപിള്ള, ഡോ. എൽ.എ. രവിവർമ്മ, കോന്നിയൂർ കെ. മീനാക്ഷി അമ്മ, ഈരണിയേൽ പി.എൻ. കുഞ്ഞൻപിള്ള, കെ.പി. കരുണാകരമേനോൻ, ബി. ആനന്ദവല്ലിയമ്മ എന്നീ പ്രമുഖരായ ഒൻപത് സാഹിത്യകാരന്മാരുടെ വിജ്ഞാനപ്രദവും വിമർശനപരവുമായ ലേഖനങ്ങളാണ് ഈ ഗ്രന്ഥത്തിൽ അടങ്ങിയിരിക്കുന്നത്. അക്കാലത്തെ സാഹിത്യ ചിന്തകൾ, പ്രസാധന ശൈലി, നാണയ വ്യവസ്ഥ, അച്ചടി സംസ്കാരം എന്നിവ വ്യക്തമാക്കുന്ന ഈ കൃതി പഴയകാല തിരുവിതാംകൂറിൻ്റെ സാംസ്കാരിക പാരമ്പര്യം വിളിച്ചോതുന്ന വിലപ്പെട്ടൊരു ചരിത്രരേഖ കൂടിയാണ്.
തിരുവനന്തപുരം ജില്ലയിലെ മലയിൻകീഴ് ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
- പേര്: പുഷ്പാഞ്ജലി
- പ്രസിദ്ധീകരണ വർഷം: 1938
- അച്ചടി: വി.വി. പ്രസ്സ് ബ്രാഞ്ച്, തിരുവനന്തപുരം
- താളുകളുടെ എണ്ണം: 166
- സ്കാൻ ലഭ്യമായ ഇടം: കണ്ണി