1930 – ൽ പ്രസിദ്ധീകരിച്ച, കൊടുങ്ങല്ലൂർ കൊച്ചുണ്ണിത്തമ്പുരാൻ പരിഭാഷ തയ്യാറാക്കിയായ ശ്രീരാമാശ്വമേധം കിളിപ്പാട്ട് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
സംസ്കൃതത്തിലെ പത്മപുരാണത്തിലെ പാതാളഖണ്ഡത്തെ അടിസ്ഥാനമാക്കി കൊടുങ്ങല്ലൂർ കൊച്ചുണ്ണിത്തമ്പുരാൻ മലയാളത്തിലേക്ക് പരിഭാഷപ്പെടുത്തിയ കൃതിയാണ് ശ്രീരാമാശ്വമേധം കിളിപ്പാട്ട്. ശ്രീരാമൻ നടത്തുന്ന അശ്വമേധയാഗത്തിൻ്റെ പശ്ചാത്തലത്തിൽ, യാഗാശ്വത്തെ ലവനും കുശനും തടഞ്ഞുവെക്കുന്നതും തുടർന്നുണ്ടാകുന്ന യുദ്ധവും, സീതാദേവിയുമായുള്ള പുനഃസമാഗമവും ഉൾപ്പെടുന്ന രാമായണ കഥയാണ് ഈ പുസ്തകത്തിൽ പ്രധാനമായും പ്രമേയമാക്കിയിരിക്കുന്നത്. മൂലകൃതിയായ പത്മപുരാണം രചിച്ചത് വ്യാസമഹർഷി ആണെന്ന് കരുതപ്പെടുന്നു. സംസ്കൃത പദങ്ങളുടെ വലിയ സ്വാധീനം കാവ്യത്തിലുടനീളം കാണാം. ക്ലാസിക്കൽ സാഹിത്യ പ്രേമികൾക്കും ഭാഷാ ഗവേഷകർക്കും രാമായണ കഥാഭാഗങ്ങളെ ആഴത്തിൽ മനസ്സിലാക്കാൻ സഹായിക്കുന്ന കൃതിയാണിത്.
കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
- പേര്: ശ്രീരാമാശ്വമേധം കിളിപ്പാട്ട്
- രചന: കൊടുങ്ങല്ലൂർ കൊച്ചുണ്ണിത്തമ്പുരാൻ
- പ്രസിദ്ധീകരണ വർഷം: 1930
- അച്ചടി: മംഗളോദയം പ്രസ്സ്, തൃശ്ശിവപേരൂർ
- താളുകളുടെ എണ്ണം: 544
- സ്കാൻ ലഭ്യമായ ഇടം: കണ്ണി