Author: Shiju Alex

കേരളകത്തോലിക്ക സഭയിൽ പെട്ടവരുടെ ഉപയോഗത്തിനായി 1859ൽ അക്കാലത്തെ വാരാപ്പുഴ മെത്രാൻ ആയിരുന്ന Bernardino Baccinelli of St. Teresaയുടെ മേൽനോട്ടത്തിൽ പ്രസിദ്ധീകരിച്ച വെദൊപദെശപുസ്തകം എന്ന പ്രാർത്ഥനാപുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്. കർമ്മലീത്തസന്യാസിമാർ (OCD) ആണ് ഈ പുസ്തകത്തിൻ്റെ ഉള്ളടക്കം രചിച്ചിരിക്കുന്നത് എന്ന സൂചന ടൈറ്റിൽ പേജിൽ കാണാം.

പുസ്തകം അച്ചടിച്ചിരിക്കുന്നത് തിരുവിതാംകൂർ സർക്കാർ പ്രസ്സിൽ ആണ്. 1850ൽ തിരുവിതാംകൂർ സർക്കാർ പ്രസ്സിൽ നാരായണീയം അച്ചടിക്കാൻ ഉപയോഗിച്ച ചതുരവടിവുള്ള അതേ അച്ചാണ് ഈ പുസ്തകത്തിലെ പ്രധാന ഉള്ളടക്കം അച്ചടിക്കാൻ ഉപയോഗിച്ചിരിക്കുന്നത്. എന്നാൽ പുസ്തകത്തിൻ്റെ ടൈറ്റിൽ പേജിലെ ഉള്ളടക്കത്തിനും പ്രാരംഭപേജുകളിലെ ചില ഉള്ളടക്കത്തിനും, ബെഞ്ചമിൻ ബെയിലി തിരുവിതാംകൂർ സർക്കാർ പ്രസ്സിനു കൊടുത്ത ഉരുണ്ടരൂപമുള്ള മലയാളമച്ചുകൾ തന്നെ ഉപയോഗിച്ചിരിക്കുന്നു.

ബെഞ്ചമിൻ ബെയിലി നിർമ്മിച്ചു കൊടുത്ത ഉരുണ്ട അച്ചിനു പകരം, അക്കാലത്തെ താളിയോലകളിലും ചില കൈയെഴുത്തുപ്രതികളിലും കണ്ടിരുന്ന ചതുരവടിവുള്ള അക്ഷരങ്ങളോട് സമാനമായ അച്ച് ഉപയോഗിച്ചിരിക്കുന്നത് ഒരു പക്ഷെ കൈയെഴുത്തിനോട് അടുത്തു നിൽക്കാനോ, ബെഞ്ചമിൻ ബെയിലി മലയാളലിപി ഉരുട്ടിയത് ഇഷ്ടപ്പെടാതിരുന്നവരുടെ എതിർപ്പ് മറികടക്കാനോ വേണ്ടിയാവാം.

ലിപിയുടെ കാര്യത്തിൽ അക്കാലത്തെ ഭൂരിപക്ഷ ഉപയോഗം പോലെ ഈ പുസ്തകത്തിലും ചന്ദ്രക്കലയോ ഏ/ഓ കാരങ്ങളോ അവയുടെ ഉപലിപികളോ ഇല്ല.

1859ൽ മാന്നാനത്ത് പ്രസ്സ് ഉണ്ടായിട്ടും ഈ പുസ്തകം  തിരുവിതാംകൂർ സർക്കാർ പ്രസ്സിൽ അച്ചടിച്ചതിനാൽ ഇത് കേരള ലത്തീൻ  കത്തോലിക്കരുടെ ഉപയോഗത്തിനായി പ്രസിദ്ധീകരിച്ചു എന്നതിനാൽ ആവാം.

പുസ്തകത്തിൻ്റെ തുടക്കത്തിൽ വാരാപ്പള്ളി മെത്രാൻ ആയിരുന്ന Bernardino Baccinelli of St. Teresa എഴുതിയ സുദീർഘമായ ആമുഖം കാണാം. ഇതിൽ അദ്ദേഹം കേരളക്രിസ്ത്യാനികൾക്ക് പ്രാർത്ഥനാപുസ്തകങ്ങൾ ഇല്ലാത്തതിനെ പറ്റിയും ആ കുറവ് തീർക്കാനുള്ള ഒരു ശ്രമം ആണ് ഈ പുസ്തകം എന്നും പറയുന്നു. അതിനു ശേഷം വിവിധ അവസരങ്ങളിൽ ഉപയോഗിക്കാനുള്ള പ്രാർത്ഥനകളും മറ്റും കാണാം. പ്രാർത്ഥനകൾക്ക് ശേഷം അവസാനം ഉള്ളടക്കപ്പട്ടിക കൊടുത്തിരിക്കുന്നു. തുടർന്ന് ശുദ്ധിപത്രവും.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: വെദൊപദെശപുസ്തകം
• പ്രസിദ്ധീകരണ വർഷം: 1859
• അച്ചടി: The Government Press, Trivandrum
• താളുകളുടെ എണ്ണം: 362
• സ്കാൻ ലഭ്യമായ ഇടം: കണ്ണി

 

സിറൊ-മലബാർ സഭയിലെ കുർബാനക്രമത്തിലെ പരിഷ്കാരങ്ങളുമായി ബന്ധപ്പെട്ടും സഭയിലെ കൽദായവൽക്കരണവുമായി ബന്ധപ്പെട്ടും 1989ൽ Syro-Malabar Liturgical Action Committee പ്രസിദ്ധീകരിച്ച കൽദായവാദവും കേരളസഭയിലെ പ്രതിസന്ധിയും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: കൽദായവാദവും കേരളസഭയിലെ പ്രതിസന്ധിയും
• പ്രസിദ്ധീകരണ വർഷം: 1989
• പ്രസാധകർ: Syro-Malabar Liturgical Action Committee
• താളുകളുടെ എണ്ണം: 60
• സ്കാൻ ലഭ്യമായ ഇടം: കണ്ണി

തോമാശ്ലീഹാ മലങ്കരയിൽ വന്ന് പള്ളികൾ സ്ഥാപിച്ചതിനെകുറിച്ച് പുരാതനകാലത്ത് എഴുതപ്പെട്ടിട്ടുള്ള പ്രബന്ധങ്ങൾ, പാട്ടുകൾ, കവിതകൾ, വാമൊഴിയായി പ്രചരിക്കുന്ന വിവരങ്ങൾ, പഴഞ്ചൊല്ലുകൾ തുടങ്ങിയ ആസ്പദമാക്കി കല്യാണപ്പാട്ടുകളുടെ രീതിയിൽ ചമച്ചുണ്ടാക്കിയ മാർ തോമാശ്ലീഹായുടെ ചരിത്രസംക്ഷേപം കല്യാണപ്പാട്ട് എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്. മഞ്ഞളി വർഗ്ഗീസ് ആണ് ഈ കൃതി രചിച്ചിരിക്കുന്നത്.

ഇത് പുസ്തകത്തിൻ്റെ രണ്ടാം പതിപ്പാണ്. പുസ്തകത്തിൻ്റെ ആദ്യപതിപ്പ് 1892ൽ വന്നെന്ന് മുഖവരയിൽ നിന്ന് മനസ്സിലാക്കാം. ഈ പുസ്തകത്തിൽ കല്യാണപ്പാട്ടിൻ്റെ അച്ചടി വിന്യാസം, അക്കാലങ്ങളിൽ ചെയ്തിരുന്ന പോലെ ഗദ്യശൈലിയിൽ ആണ്. വരികൾ വേർതിരിക്കാൻ * ചിഹ്നം ഉപയോഗിച്ചിരിക്കുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: മാർ തോമാശ്ലീഹായുടെ ചരിത്രസംക്ഷേപം കല്യാണപ്പാട്ട്
• പ്രസിദ്ധീകരണ വർഷം: 1912 (ME 1087)
• പ്രസാധകർ: മഞ്ഞളി വർഗ്ഗീസ്
• താളുകളുടെ എണ്ണം: 46
• അച്ചടി: Bharathavilasam Press, Trichur
• സ്കാൻ ലഭ്യമായ ഇടം: കണ്ണി

 

അനന്തനിക്ഷേപം എന്ന പേരിൽ ക്രിസ്തീയധ്യാനവിഷയങ്ങൾ ആസ്പദമാക്കി ഇറങ്ങിയ 7 പുസ്തകങ്ങളുടെ സീരീസിൻ്റെ സ്കാനുകളാണ് ഈ പോസ്റ്റിലൂടെ പങ്കുവെക്കുന്നത്. ബ്രൂണൊ വെർക്രൂയിസ് (Bruno Vercruysse) എന്ന ജെസ്യൂട്ട് വൈദികൻ്റെ New practical meditations for every day in the year on the life of our Lord Jesus Christ എന്ന ഇംഗ്ലീഷ് കൃതിയുടെ മലയാളപരിഭാഷ ആണ് അനന്തനിക്ഷേപം. ബ്രദർ ലിയോപ്പോൾഡ് (Brother Leopold TOCD) ആണ് ഈ പ്രശസ്തധ്യാനപുസ്തകം മലയാളത്തിലേക്ക് പരിഭാഷ ചെയ്തിരിക്കുന്നത്.

വളരെ പ്രശസ്തമായ ഈ ധ്യാനകൃതി തമിഴിലേക്ക് ആദ്യം പരിഭാഷ ചെയ്തു കണ്ടതിൽ നിന്ന് പ്രചോദിതനായി ആണ് താൻ ഈ പരിഭാഷ നിർവഹിച്ചത് എന്നും, ഒരുമിച്ച് ഒറ്റപുസ്തകമായി പ്രസിദ്ധീകരിക്കാൻ ശ്രമിച്ചാൽ നിരവധി പ്രതിബന്ധങ്ങൾ നേരിടുന്നു എന്നത് കൊണ്ടാണ് പുസ്തകം ഏഴ് ഭാഗങ്ങളായി പ്രസിദ്ധീകരിക്കുന്നത് എന്നും പരിഭാഷകനായ ബ്രദർ ലിയോപ്പോൾഡ് മുഖവരയിൽ പറയുന്നു.

ഇപ്പോൾ റിലീസ് ചെയ്യുന്ന് ഈ ഏഴ് ഭാഗങ്ങൾ 1937 തൊട്ട് 1950 വരെയുള്ള വിവിധ വർഷങ്ങളിൽ പ്രസിദ്ധീകരിച്ചതാണ്. ഇതിൽ ആദ്യത്തെ നാലുഭാഗങ്ങൾ രണ്ടാം പതിപ്പും അവസാന മൂന്നു ഭാഗങ്ങൾ മൂന്നാം പതിപ്പും ആണ്. ഇത് സൂചിപ്പിക്കുന്നത് ഈ പുസ്തകത്തിനു നിരവധി പതിപ്പുകൾ ഉണ്ടായി എന്നതാവണം.

ആശ്രമവാസികളായ സന്ന്യസ്തരെ ഉദ്ദേശിച്ചാണ് ഈ ഗ്രന്ഥം എഴുതിയിരിക്കുന്നത് എങ്കിലും അയ്മെനികൾക്കും ഇത് ഉപകാരപ്രദമാണെന്ന് പരിഭാഷകൻ പറയുന്നു. കേവലം കലണ്ടർ മാത്രം അനുസരിച്ച് ധ്യാനവിഷയങ്ങൾ നിർണ്ണയിച്ചാൽ നേരിടുന്ന പ്രശ്നങ്ങളെ ഒഴിവാക്കാനും എന്നാൽ ആ രീതിയുടെ ഗുണങ്ങൾ നഷ്ടപ്പെടാതിരിക്കാനും പ്രത്യേക തരത്തിലാണ് വിഷയക്രമീകരണം ഈ ഏഴു ഭാഗങ്ങളിൽ രേഖപ്പെടുത്തിയിരിക്കുന്നത്. അതിൻ്റെ വിശദാംശങ്ങൾ ഒന്നാം ഭാഗത്തിൻ്റെ മുഖവരയിൽ രേഖപ്പെടുത്തിയിരിക്കുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ 7 ഭാഗങ്ങളുടെയും ഡിജിറ്റൈസ് ചെയ്ത കോപ്പിയിലേക്കുള്ള കണ്ണി കൊടുത്തിരിക്കുന്നു.  (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

ഒന്നാം ഭാഗം

• പേര്: അനന്തനിക്ഷേപം – ഒന്നാം ഭാഗം
• രചന/പരിഭാഷ: ബ്രൂണൊ വെർക്രൂയിസ്/ലിയോപ്പോൾഡ്
• പതിപ്പ്: രണ്ടാം പതിപ്പ്
• പ്രസിദ്ധീകരണ വർഷം: 1941
• താളുകളുടെ എണ്ണം:162
• അച്ചടി: The Little Flower Press, Manjummel
• സ്കാൻ ലഭ്യമായ ഇടം: കണ്ണി

രണ്ടാം ഭാഗം

• പേര്: അനന്തനിക്ഷേപം – രണ്ടാം ഭാഗം
• രചന/പരിഭാഷ: ബ്രൂണൊ വെർക്രൂയിസ്/ലിയോപ്പോൾഡ്
• പതിപ്പ്: രണ്ടാം പതിപ്പ്
• പ്രസിദ്ധീകരണ വർഷം: 1941
• താളുകളുടെ എണ്ണം: 194
• അച്ചടി: The Little Flower Press, Manjummel
• സ്കാൻ ലഭ്യമായ ഇടം: കണ്ണി

മൂന്നാം ഭാഗം

• പേര്: അനന്തനിക്ഷേപം – മൂന്നാം ഭാഗം
• രചന/പരിഭാഷ: ബ്രൂണൊ വെർക്രൂയിസ്/ലിയോപ്പോൾഡ്
• പതിപ്പ്: രണ്ടാം പതിപ്പ്
• പ്രസിദ്ധീകരണ വർഷം: 1937
• താളുകളുടെ എണ്ണം: 280
• അച്ചടി: The Little Flower Press, Manjummel
• സ്കാൻ ലഭ്യമായ ഇടം: കണ്ണി

നാലാം ഭാഗം

• പേര്: അനന്തനിക്ഷേപം – നാലാം ഭാഗം
• രചന/പരിഭാഷ: ബ്രൂണൊ വെർക്രൂയിസ്/ലിയോപ്പോൾഡ്
• പതിപ്പ്: രണ്ടാം പതിപ്പ്
• പ്രസിദ്ധീകരണ വർഷം: 1942
• താളുകളുടെ എണ്ണം: 140
• അച്ചടി: The Little Flower Press, Manjummel
• സ്കാൻ ലഭ്യമായ ഇടം: കണ്ണി

അഞ്ചാം ഭാഗം

• പേര്: അനന്തനിക്ഷേപം – അഞ്ചാം ഭാഗം
• രചന/പരിഭാഷ: ബ്രൂണൊ വെർക്രൂയിസ്/ലിയോപ്പോൾഡ്
• പതിപ്പ്: മൂന്നാം പതിപ്പ്
• പ്രസിദ്ധീകരണ വർഷം: 1948
• താളുകളുടെ എണ്ണം: 276
• അച്ചടി: The Little Flower Press, Manjummel
• സ്കാൻ ലഭ്യമായ ഇടം: കണ്ണി

ആറാം ഭാഗം

• പേര്: അനന്തനിക്ഷേപം – ആറാം ഭാഗം
• രചന/പരിഭാഷ: ബ്രൂണൊ വെർക്രൂയിസ്/ലിയോപ്പോൾഡ്
• പതിപ്പ്: മൂന്നാം പതിപ്പ്
• പ്രസിദ്ധീകരണ വർഷം: 1950
• താളുകളുടെ എണ്ണം: 280
• അച്ചടി: The Little Flower Press, Manjummel
• സ്കാൻ ലഭ്യമായ ഇടം: കണ്ണി

ഏഴാം ഭാഗം

• പേര്: അനന്തനിക്ഷേപം – ഏഴാം ഭാഗം
• രചന/പരിഭാഷ: ബ്രൂണൊ വെർക്രൂയിസ്/ലിയോപ്പോൾഡ്
• പതിപ്പ്: മൂന്നാം പതിപ്പ്
• പ്രസിദ്ധീകരണ വർഷം: 1948
• താളുകളുടെ എണ്ണം: 304
• അച്ചടി: The Little Flower Press, Manjummel
• സ്കാൻ ലഭ്യമായ ഇടം: കണ്ണി