Month: August 2025

1953 ൽ പ്രസിദ്ധീകരിച്ച, എം.ആർ. നായർ എഴുതിയ സഞ്ജയൻ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

1953 – സഞ്ജയൻ – എം.ആർ. നായർ

പ്രശസ്തനായ ഒരു മലയാള സാഹിത്യകാരനാണ് സഞ്ജയൻ. സഞ്ജയൻ എന്നത് തൂലികാനാമമാണ്. യഥാർത്ഥ‍ നാമം മാണിക്കോത്ത് രാമനുണ്ണി നായർ (എം. ആർ. നായർ). തൻ്റെ കൃതികളിൽ സഞ്ജയൻ, പാറപ്പുറത്തു സഞ്ജയൻ, പി.എസ്. എന്നിങ്ങനെ പലപേരിലും അദ്ദേഹം അറിയപ്പെടുന്നുണ്ട്. 1935 സെപ്തംബർ മുതൽ 1936 ഏപ്രിൽ വരെ കാലയളവിൽ അദ്ദേഹം എഴുതിയ വിവിധ വിഷയങ്ങളെ അധികരിച്ചുള്ള ഹാസ്യ ലേഖനങ്ങൾ ആണ് ഈ പുസ്തകത്തിൻ്റെ ഉള്ളടക്കം. ഹാസ്യത്തോടൊപ്പം വിമർശനങ്ങളും സർഗാത്മകമായി അദ്ദേഹം അവതരിപ്പിച്ചിരിക്കുന്നു. ഏകദേശം 65 ഓളം ലേഖനങ്ങൾ ഈ സമാഹാരത്തിൽ ഉൾക്കൊള്ളിച്ചിരിക്കുന്നു.
.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: സഞ്ജയൻ
• പ്രസിദ്ധീകരണ വർഷം: 1953
• രചന: M.R. Nair
• താളുകളുടെ എണ്ണം: 354
• അച്ചടി: Mathrubhumi Press, Calicut   
• സ്കാൻ ലഭ്യമായ ഇടം: കണ്ണി

1999-ൽ ചിന്ത പബ്ലിഷേഴ്സ് പ്രസിദ്ധീകരിച്ച,ഡി പി ഇ പിയും പുതിയ പാഠ്യ പദ്ധതിയും എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

1999 – ഡി പി ഇ പിയും പുതിയ പാഠ്യ പദ്ധതിയും – പി. ഗോവിന്ദപ്പിള്ള- സി. പി. നാരായണൻ

സിദ്ധാന്തത്തിലൂടെയും പ്രയോഗത്തിലൂടെയും മുന്നേറുന്നതാണ് വിദ്യാഭ്യാസശാസ്ത്രം. ആ നിലയ്ക്ക് അധ്യാപകരുടെ പ്രായോഗികാനുഭവത്തിൻ്റെ വെളിച്ചത്തിൽ പാഠപുസ്‌തകങ്ങളും പാഠ്യപദ്ധതിതന്നെയും പരിഷ്കരിക്കേണ്ടി വരും. പഴയ പാഠ്യപദ്ധതി വിദ്യാലയങ്ങളിൽ വൻപരാജയശതമാനവും ഒരു വിഭാഗം കുട്ടികളിൽ വളരെ താഴ്ന്ന നിലവാരവും ഉണ്ടാക്കിയിട്ടുണ്ട്. ഒന്നാം ക്ലാസിൽ ചേരുന്നവരിൽ ഏതാണ്ട് 40 ശതമാനം മാത്രം എസ് എസ് എൽ സി പരീക്ഷ പാസാവുകയും ബാക്കിയുള്ളവരൊന്നും അഭ്യസ്തവിദ്യ അർഹിക്കുന്നജോലിക്ക് യോഗ്യരല്ലാതായതും,തൊഴിലില്ലാത്തവരായി രജിസ്റ്റർ ചെയ്യുന്നതിൽ മഹാഭൂരിപക്ഷവും എസ് എസ് എൽ സി കോഴ്സ‌് പൂർത്തിയാക്കിവരായതും ഈ പശ്ചാത്തലത്തിലാണ്. കേരളീയരിൽ മഹാഭൂരിപക്ഷത്തിൻ്റെ തൊഴിൽയോഗ്യത വർധിക്കണമെങ്കിൽ, തൊഴിൽകിട്ടുന്നവരുടെ ഉൽപ്പാദനക്ഷമത വർധിക്കണമെങ്കിൽ, കേരളത്തിനു പുറത്ത് തൊഴിൽ ലഭിക്കാനുള്ള സാധ്യത കൂടണമെങ്കിൽ ഈ സ്ഥിതിവിശേഷംമാറണം. കുട്ടികളുടെ വിദ്യാഭ്യാസനിലവാരം ഉയരണം, ആത്മവിശ്വാസംവർധിക്കണം, അവരുടെ പൊതുവിജ്ഞാനനിലവാരം വർധിക്കണം, അതാണ് ഡി പി ഇ പി എന്ന പുതിയ പാഠ്യപദ്ധതിയുടെ ലക്ഷ്യം എന്ന് ലേഖകൻ പ്രസ്താവിക്കുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ഡി പി ഇ പിയും പുതിയ പാഠ്യ പദ്ധതിയും
• രചന: പി. ഗോവിന്ദപ്പിള്ള, സി. പി. നാരായണൻ
• പ്രസിദ്ധീകരണ വർഷം: 1999
• താളുകളുടെ എണ്ണം:32
• അച്ചടി: Cine Offset Printers, Muttada
• സ്കാൻ ലഭ്യമായ ഇടം: കണ്ണി

1979-ൽ പ്രസിദ്ധീകരിച്ച, എൻ. ഇ. ബാലറാം എഴുതിയ എന്താണ് ആധുനിക സാഹിത്യം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മലയാള സാഹിത്യ പരിസരത്ത് ആധുനിക സാഹിത്യ പ്രസ്ഥാനങ്ങൾ ആരംഭിക്കുന്നത് 1970-കളിലാണ്.ഈ പുസ്തകത്തിൻ്റെ തുടക്കത്തിൽ എന്താണ് ആധുനികത എന്ന എം മുകുന്ദൻ്റെ പുസ്തകത്തിലുള്ള ചില പരാമർശങ്ങളെ വിമർശനാത്മകമായി സമീപിക്കുന്നു. ആധുനിക സാഹിത്യമെന്നത് തീർച്ചയായും സമകാലീന സാഹിത്യമല്ല. സാഹിത്യ സിദ്ധാന്തങ്ങളുടെ പശ്ചാത്തലത്തിൽ ‘ആധുനികത’ എന്ന ആശയത്തെയും ആധുനിക സിദ്ധാന്തങ്ങളെയും പരിചയപ്പെടുത്തുകയാണ് ഈ പുസ്തകത്തിൽ.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: എന്താണ് ആധുനിക സാഹിത്യം 
• രചന: എൻ. ഇ. ബാലറാം
• പ്രസിദ്ധീകരണ വർഷം: 1979
• താളുകളുടെ എണ്ണം: 56
  
• അച്ചടി:   Deepthi Printers, Thiruvananthapuram
• സ്കാൻ ലഭ്യമായ ഇടം: കണ്ണി