ഗ്രന്ഥപ്പുര (Granthappura) blog

1948 – പന്ത്രണ്ട് ചെറിയ പ്രവാചകന്മാരുടെ ഗ്രന്ഥങ്ങൾ – റവ.കെ. മാർക്ക്

1948 – ൽ പ്രസിദ്ധീകരിച്ച, റവ.കെ. മാർക്ക് രചിച്ച പന്ത്രണ്ട് ചെറിയ പ്രവാചകന്മാരുടെ ഗ്രന്ഥങ്ങൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മംഗലാപുരം ബാസൽ മിഷ്യൻ സെമിനാരിയിൽ 1935- 1937 വരെ വൈദികവിദ്യാപരിശീലനത്തിനായി പോയിരുന്ന വിദ്യാർത്ഥികളെ പഠിപ്പിക്കുന്നതിനായിട്ടാണ് ഈ പുസ്തകത്തിന് ആധാരമായ സംഗതികൾ എഴുതിയുണ്ടാക്കിയത്. ഹോശേയാ ,ആമോസ്, യോവൽ, ഓബല്യാവ്, യോനാ ,മിഖാ, നഹ്മം, ഹബക്ക്, സെഫനാവ്, സെഖയ്യാവ്, മലാഖി എന്നീ പ്രവാചകരുടെ പുസ്തകങ്ങളെക്കുറിച്ചുള്ള ലേഖനങ്ങളാണ് ഇതിൽ കാണുന്നത്. ഈ പ്രവാചകരുടെ കാലം,ജീവചരിത്രം,സംഭാവനകൾ, പ്രാധാന്യം തുടങ്ങിയവ ചർച്ച ചെയ്യുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

പേര്: പന്ത്രണ്ട് ചെറിയ പ്രവാചകന്മാരുടെ ഗ്രന്ഥങ്ങൾ
പ്രസിദ്ധീകരണ വർഷം: 1948
അച്ചടി: ബേസൽ മിഷൻ പ്രസ്സ്, മാംഗ്ലൂർ
താളുകളുടെ എണ്ണം: 95
സ്കാൻ ലഭ്യമായ ഇടം: കണ്ണി

1968 – ശബരിമലയുടെ ഇതിഹാസം – പി.കെ. പരമേശ്വരൻ നായർ

1968 – ൽ പ്രസിദ്ധീകരിച്ച, പി.കെ. പരമേശ്വരൻ നായർ രചിച്ച ശബരിമലയുടെ ഇതിഹാസം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അഖിലഭാരത അയ്യപ്പസേവാസംഘത്തിൻ്റെ ആഭിമുഖ്യത്തിലാണ് ഈ പുസ്തകം പ്രസിദ്ധീകരിച്ചിരിക്കുന്നത്. കേരളദേശത്തിൻ്റെ സംസ്ഥാപകനെന്നു സങ്കല്പിക്കപ്പെട്ടു വരുന്ന പരശുരാമൻ ഇന്ത്യയിൽ ഇതര ദേശങ്ങളിൽ നിന്നു ബ്രാഹ്മണരെ കേരളത്തിലേക്ക് ആനയിച്ചശേഷം പുതിയ ഭൂവിഭാഗത്തിൻ്റെ രക്ഷയ്ക്ക് വേണ്ടി നടത്തിയ പതിനെട്ടു ശാസ്താപ്രതിഷ്ഠകളിൽ ഏറ്റവും പ്രാധാന്യം വഹിക്കുന്നതു് ശബരിമലയിലേതാണ് എന്ന വ്യാഖ്യാനം ഇതിൽ കാണാം. വൈദികവും മതപരവുമായ ശാസ്‌തൃസങ്കല്പവും അയ്യപ്പൻ്റെ വീരേതിഹാസങ്ങളും ഹൈന്ദവദശനസാരങ്ങളും ശബരിമല വ്രതത്തിൻ്റെ അനുഷ്ഠാനക്രമങ്ങളും ഫലശ്രുതിയും സമഞ്ജസമായി സമാഹരിച്ചു കൊണ്ടു് പി.കെ. പരമേശ്വരൻനായർ തയ്യാറാക്കിയിട്ടുള്ള പ്രബന്ധമാണ് ഈ പ്രസിദ്ധീകരണത്തിലെ പ്രധാന ഉള്ളടക്കം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ശബരിമലയുടെ ഇതിഹാസം
പ്രസിദ്ധീകരണ വർഷം: 1968
താളുകളുടെ എണ്ണം: 202
സ്കാൻ ലഭ്യമായ ഇടം: കണ്ണി

1961 – കത്തോലിക്കാ വേദോപദേശം

1961 – ൽ പ്രസിദ്ധീകരിച്ച, കത്തോലിക്കാ വേദോപദേശം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1961 - കത്തോലിക്കാ വേദോപദേശം

1961 – കത്തോലിക്കാ വേദോപദേശം

1961-ൽ പ്രസിദ്ധീകരിച്ച മലയാളം കത്തോലിക്ക വേദോപദേശത്തിന്റെ രണ്ടാം ഭാഗം പ്രധാനമായും വിശുദ്ധ കൂദാശകൾ (Sacraments) എന്ന വിഷയത്തെയാണ് കൈകാര്യം ചെയ്യുന്നത്. പരമ്പരാഗത കത്തോലിക്ക വേദോപദേശ ഘടന അനുസരിച്ച് ഒന്നാം ഭാഗം – വിശ്വാസസത്യങ്ങൾ (Creed)
രണ്ടാം ഭാഗം – കൂദാശകൾ. രണ്ടാം ഭാഗത്തിലെ പ്രധാന ഉള്ളടക്കം കൂദാശകളുടെ അർത്ഥവും ആവശ്യകതയും, കൂദാശകൾ ക്രിസ്തു സ്ഥാപിച്ച കൃപയുടെ ദൃശ്യചിഹ്നങ്ങളാണെന്ന് വിശദീകരിക്കുന്നു. സഭയുടെ ജീവിതത്തിലും വിശ്വാസിയുടെ ആത്മീയ വളർച്ചയിലും കൂദാശകളുടെ സ്ഥാനം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: കത്തോലിക്കാ വേദോപദേശം
അച്ചടി: The Little Flower Industrial Press
താളുകളുടെ എണ്ണം:157
സ്കാൻ ലഭ്യമായ ഇടം: കണ്ണി

1937 -ശ്രീ നാരായണീയം (ലക്ഷ്മിവിലാസം എന്ന ഭാഷാവാഖ്യാനത്തോടുകൂടിയതു്) – പഞ്ചമഭാഗം

1937 – ൽ ശ്രീ ചിത്രോദയ മഞ്ജരി ഭാഷാ സീരീസ് പുസ്തകങ്ങളുടെ ഭാഗമായി പതിനാലാമതായി പ്രസിദ്ധപ്പെടുത്തിയ ശ്രീ നാരായണീയം (ലക്ഷ്മിവിലാസം എന്ന ഭാഷാവാഖ്യാനത്തോടുകൂടിയതു്) – പഞ്ചമഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മേൽപ്പത്തൂർ നാരായണ ഭട്ടതിരിയുടെ നാരായണീയം കേരളത്തിലെ മഹത്തായ സംസ്കൃത കാവ്യങ്ങളിൽ ഒന്നാണ്, അതിൻ്റെ ഭക്തിതത്വവും കാവ്യശൈലിയും അതിനെ ആദരണീയമാക്കുന്നു. നാരായണീയ ശ്ലോകങ്ങളിലെ പരമ്പരാഗത വ്യാഖ്യാനമായ ലക്ഷ്മിവിലാസം ഈ ഗ്രന്ഥത്തിൻ്റെ താത്പര്യവ്യാഖ്യാനപരമ്പരയെ പ്രതിനിധീകരിക്കുന്നു. 1937-ൽ കെ. സാംബശിവ ശാസ്ത്രി തിരുവിതാംകൂർ സംസ്കൃത പരമ്പരയുടെ കീഴിൽ തയ്യാറാക്കിയ നാരായണീയം പതിപ്പ് അപൂർവമായ താളിയോല കയ്യെഴുത്തുപ്രതികളെ അടിസ്ഥാനമാക്കിയ വിമർശനാത്മക എഡിഷൻ ആയിരുന്നു. മാനുസ്ക്രിപ്റ്റ് ശേഖരണത്തിലും സംരക്ഷണത്തിലും നിർണായക പങ്കുവഹിച്ച ശാസ്ത്രിയുടെ ഈ കൃത്യനിർവ്വഹണം തിരുവിതാംകൂർ രാജസഭയുടെ സംസ്കൃത സാഹിത്യ സംരക്ഷണ ദൗത്യത്തെ പ്രതിഫലിപ്പിക്കുന്നു.

മദ്രാസ് യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ശ്രീ നാരായണീയം (ലക്ഷ്മിവിലാസം എന്ന ഭാഷാവാഖ്യാനത്തോടുകൂടിയതു്) – പഞ്ചമഭാഗം
സമ്പാദകൻ : കെ. സാംമ്പശിവ ശാസ്ത്രി
പ്രസിദ്ധീകരണ വർഷം: 1937
അച്ചടി: The Government Press, Trivandrum
താളുകളുടെ എണ്ണം: 400
സ്കാൻ ലഭ്യമായ ഇടം: കണ്ണി

1964 -പാർട്ടിയുടേയും ലോക കമ്മ്യൂണിസ്റ്റ് പ്രസ്ഥാനത്തിൻ്റേയും ഐക്യത്തിനുവേണ്ടി

1964 – ൽ പ്രസിദ്ധീകരിച്ച പാർട്ടിയുടേയും ലോക കമ്മ്യൂണിസ്റ്റ് പ്രസ്ഥാനത്തിൻ്റേയും ഐക്യത്തിനുവേണ്ടി എന്ന ലഘുലേഖയുടെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

1964 ജൂൺ 7മുതൽ17 തീയതികളിൽ ദൽഹിയിൽ കൂടിയ CPI ദേശീയ കൗൺസിൽ താഴെ പറയുന്ന പ്രമേയം അംഗീകരിച്ചു. വരട്ടു തത്വവാദപരമായ ഭിന്നിപ്പിന്നും വീരസാഹസികതയ്ക്കും അവസരവാദത്തിന്നും എതിരായി- പാർട്ടിയുടേയുംലോക കമ്മ്യൂണിസ്റ്റ് പ്രസ്ഥാനത്തിൻ്റെ ഐക്യത്തിന്നു വേണ്ടി”എന്ന പേരിൽ ഡ്രാഫ്‌ടിങ്ങ് കമ്മീഷൻ തയ്യാറാക്കിയ റിപ്പോർട്ടു ദേശീയ കൗൺസിൽ ചർച്ച ചെയ്തു. പാർട്ടി-ലോക കമ്യൂണിസ്റ്റ് ഐക്യ പ്രമേയം അംഗീകരിച്ച്, ഡ്രാഫ്റ്റ് റിപ്പോർട്ട് ഭേദഗതി ചെയ്ത് എല്ലാ സമ്മേളനങ്ങളിലും കോൺഗ്രസ്സിലും ചർച്ചയ്ക്ക് സമർപ്പിക്കാൻ തീരുമാനിച്ചു. ലോക കമ്മ്യൂണിസ്റ്റ് പ്രസ്ഥാനത്തിലെ ഇന്നത്തെ പ്രത്യയശാസ്ത്രപരമായവിവാദത്തെപ്പററി ദേശീയകൌൺസിൽ അംശീകരിച്ച റിപ്പോർട്ട് ആണ് ഈ ലഘുലേഖയുടെ ഉള്ളടക്കത്തിലുള്ളത്.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: പാർട്ടിയുടേയും ലോക കമ്മ്യൂണിസ്റ്റ് പ്രസ്ഥാനത്തിൻ്റേയും ഐക്യത്തിനുവേണ്ടി
പ്രസിദ്ധീകരണ വർഷം: 1964
താളുകളുടെ എണ്ണം: 109
അച്ചടി: Navayugam Press, Trivandrum
സ്കാൻ ലഭ്യമായ ഇടം: കണ്ണി

1989 – ഇടതുപക്ഷ ബദൽ

1989 ൽ പ്രസിദ്ധീകരിച്ച ഇടതുപക്ഷ ബദൽ എന്ന ലഘുലേഖയുടെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

“1989-ഇടതുപക്ഷ ബദൽ” എന്ന പുസ്തകം RSP കേരള സംസ്ഥാന കമ്മിറ്റി പ്രസിദ്ധീകരിച്ച ലഘുലേഖയാണ്. 1980-ൽ കൽക്കത്തയിലെ RSP സമ്മേളനത്തിൽ അംഗീകരിച്ച തീസിസിനെ അടിസ്ഥാനമാക്കി, കേരളത്തിലെ LDF ഭരണത്തിനെതിരെ യഥാർത്ഥ ഇടതുപക്ഷ ബദൽ രൂപീകരിക്കാൻ ആഹ്വാനം ചെയ്യുന്നു. ഇന്ദിരാഗാന്ധിയുടെ 1980-ലെ അധികാരത്തിലേക്കുള്ള തിരിച്ചുവരവ്, ഒമ്പത് സംസ്ഥാന നിയമസഭകളുടെ പിരിച്ചുവിടൽ, ഇന്ത്യൻ ബൂർഷ്വാ ജനാധിപത്യത്തിൻ്റെ ആഴമായ പ്രതിസന്ധിയും അസ്ഥിരതയെയും സൂചിപ്പിക്കുന്നു. 1971-നു ശേഷം ഇന്ത്യൻ മുതലാളിത്തം നേരിട്ട പുതിയ സാമ്പത്തിക-രാഷ്ട്രീയ പ്രതിസന്ധികൾ, 1975-ലെ അടിയന്തരാവസ്ഥയിലൂടെയുള്ള സ്വേച്ഛാധിപത്യ ഭരണം എന്നിവയെല്ലാം ചർച്ച ചെയ്യുന്നു. കൂടാതെ ഈ പ്രബന്ധത്തിൽ പാർട്ടിയുടെ അടിയന്തര രാഷ്ട്രീയ പരിപാടിയും കർമ്മപദ്ധതികളും വിശകലനം നടത്തുന്നു. അധ്വാനവർഗങ്ങളെ സംഘടിപ്പിക്കാനും അണിനിരത്താനും ഉപയോഗിക്കുന്ന പരിപാടികൾ, ഇതിൽ സ്വേച്ഛാധിപത്യ-ഏകകക്ഷി ഭരണവിരുദ്ധ സമരം, സംസ്ഥാന സ്വയംഭരണത്തിനുള്ള ഭരണഘടനാ ഭേദഗതി, തൊഴിലില്ലായ്മ വേതനം, ദേശസാൽക്കരണം, വിലനിയന്ത്രണം, വരുമാനനീതി, ഭൂപരിഷ്കാരം, ന്യൂനപക്ഷ സംരക്ഷണം, സാമ്രാജ്യത്വവിരുദ്ധ വിദേശനയം എന്നിവ ഉൾപ്പെടുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഇടതുപക്ഷ ബദൽ
പ്രസിദ്ധീകരണ വർഷം: 1989
താളുകളുടെ എണ്ണം: 41
അച്ചടി: Rekha Printers, Kunnukuzhi, Trivandrum
സ്കാൻ ലഭ്യമായ ഇടം: കണ്ണി

1941 – February – Government Victoria College Palakkad Magazine

Through this post, we are releasing the digital scan of Govt – Victoria College Magazine February issue published in the year 1941

The Victoria College Magazine( Vol. VII, No.2) is a remarkable snapshot of intellectual life during a turbulent period of world history. Produced by students and faculty of Victoria College, Palakkad, the magazine reflects how young minds in pre-independence India engaged with global events, philosophy, science, love and social responsibility

One of its distinctive features is its multilingual character. Alongside English articles, the magazine also carries contributions in Indian languages such as Malayalam and Tamil, reflecting the linguistic diversity of the campus and the inclusive academic culture of the time. Essays like “At the Cross Roads” grapple with the moral and ideological conflicts of World War II,while pieces such as “Study of Nature” and “On Falling in Love at First Sight” reveal a thoughtful blend of science, literature and human emotion. The magazine also documents academic life through articles on engineering laboratories, educational excursions and campus activities offering a rare institutional memory of the era.

These documents are digitized as part of the Madras University Library digitization project.

Metadata and link to the digitized document

Metadata and link to the digitized document are provided below.

Name: Government Victoria College Palakkad Magazine
Published Year: 1941
Number of pages: 64
Scan link: Link

1992 – ഭൗമ ഉച്ചകോടി ആർക്കുവേണ്ടി

1992-ൽ കേരള ശാസ്ത്രസാഹിത്യ പരിഷത്ത് പ്രസിദ്ധീകരിച്ച ഭൗമ ഉച്ചകോടി ആർക്കുവേണ്ടി എന്ന ലഘുലേഖയുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1992 ജൂൺ 1 മുതൽ 12 വരെ ബ്രസീലിലെ റിയോഡിജനീറോയിൽ വെച്ചു നടക്കുന്ന ഭൗമ ഉച്ചകോടിയുടെ മുന്നോടിയായി പരിഷത്ത് പുറത്തിറക്കിയ ലഘുലേഖയാണിത്. ‘പരിസ്ഥിതിയും സ്ഥിരമായ വികസനവും’ എന്നതാണ് ഉച്ചകോടിയുടെ മുദ്രാവാക്യം. വികസന നിലവാരം, കാലാവസ്ഥ, സംസ്കാരം, സാമൂഹിക സ്ഥിതിഗതികൾ എന്നിവ സംബന്ധിച്ച് സമ്പന്ന-ദരിദ്ര രാജ്യങ്ങൾക്കിടയിൽ നിലനിൽക്കുന്ന അസമത്വങ്ങൾ കണക്കിലെടുത്തുകൊണ്ട് പാരിസ്ഥിതിക പ്രശ്നങ്ങളെ സമീപിക്കുന്നതിലുള്ള അമേരിക്കയുടെ വിമുഖനിലപാടുകളെ ഇതിൽ വിമർശിക്കുന്നു. മാത്രമല്ല പരിസ്ഥിതി പ്രശ്നങ്ങളെ ആഗോളമെന്നും ദേശീയമെന്നും തരംതിരിക്കാനുള്ള ശ്രമങ്ങൾ അവർ നടത്തിവരികയും ആഗോളതാപനത്തിൻ്റെ ബാധ്യത വികസ്വരരാജ്യങ്ങളുടെ മേൽ അടിച്ചേൽപ്പിക്കുകയും ചെയ്യുന്നു. പരിസ്ഥിതി സംരക്ഷണത്തിനും ആഗോള താപനം നേരിടുന്നതിനും ആവശ്യമായ മാർഗനിർദ്ദേശങ്ങൾ ഈ ലഘുലേഖ മുന്നോട്ടുവയ്ക്കുന്നു

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഭൗമ ഉച്ചകോടി ആർക്കുവേണ്ടി
പ്രസിദ്ധീകരണ വർഷം: 1992
താളുകളുടെ എണ്ണം: 61
അച്ചടി: Sankar Printers, Kozhikode
സ്കാൻ ലഭ്യമായ ഇടം: കണ്ണി

1975 – ഉറുദു – മലയാളം ഭാഷാ സഹായി

1975-ൽ പ്രസിദ്ധീകരിച്ച, എം.എ. മുഹമ്മദ് സാഹിബ് എഴുതിയ ഉറുദു – മലയാളം ഭാഷാ സഹായി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ഇന്ത്യയിലെയും പാക്കിസ്ഥാനിലെയും കോടിക്കണക്കിനു് മുസ്ലിംകൾ സംസാരിക്കുന്ന ഭാഷയാണ് ഉറുദു. മുസ്ലീം സംസ്കാരത്തെയും സാഹിത്യത്തെയും ഉൾക്കൊള്ളുന്ന ഭാഷ ആണെങ്കിൽ കൂടി കേരളത്തിൽ മിക്കവർക്കും ഈ ഭാഷ അറിയില്ല. കേരളത്തിലെ മുസ്ലിംകൾക്ക് ഉറുദു ഭാഷ എഴുതുവാനും വായിക്കുവാനും വേണ്ടി വ്യാകരണസഹിതം തയ്യാറാക്കിയതാണ് ഈ പുസ്തകം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഉറുദു – മലയാളം ഭാഷാ സഹായി
പ്രസിദ്ധീകരണ വർഷം: 1975
താളുകളുടെ എണ്ണം: 55
അച്ചടി: Amir-Ul-Islam Power Press, Thiroorangadi
സ്കാൻ ലഭ്യമായ ഇടം: കണ്ണി

1950 – ഉയരുന്ന യവനിക – സി.ജെ. തോമ്മസ്

1950 – ൽ പ്രസിദ്ധീകരിച്ച, സി.ജെ. തോമ്മസ് രചിച്ച ഉയരുന്ന യവനിക എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

നാടകകൃത്തും സാഹിത്യ നിരൂപകനും ആയിരുന്ന സി.ജെ. തോമസ് എഴുതിയ ഗ്രന്ഥമാണ് ഉയരുന്ന യവനിക. മലയാള നാടക പ്രസ്ഥാനത്തെക്കുറിച്ചുള്ള വിശദമായ പഠനമാണ് ഈ ഗ്രന്ഥം. ജനകീയ കലയായ നാടകത്തിൻ്റെ പ്രചാരവും മലയാള നാടകവേദിയുടെ വളർച്ചയും നേരിടുന്ന പ്രതിസന്ധികളും ഉൾപ്പെടെ സമഗ്രമായ ഒരു പഠനമാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഉയരുന്ന യവനിക
പ്രസിദ്ധീകരണ വർഷം: 1950
അച്ചടി: വിശ്വഭാരതി പ്രസ്സ്, കോട്ടയം
താളുകളുടെ എണ്ണം: 167
സ്കാൻ ലഭ്യമായ ഇടം: കണ്ണി