Author: Sreenath S

1960 – ൽ പ്രസിദ്ധീകരിച്ച, സി.ജെ. തോമ്മസ് രചിച്ച മനുഷ്യൻ്റെ വളർച്ച എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മനുഷ്യൻ്റെ ഉത്ഭവം മുതൽ ആധുനിക കാല ചരിത്രം വരെ സമഗ്രമായി ചർച്ച ചെയ്യപ്പെടുന്ന പുസ്തകമാണ് ഇത്. ജീവൻ്റെ ഉല്പത്തിയും സംസ്കാര രൂപീകരണത്തിന് ഇടയാക്കിയ കാരണങ്ങളും ആദ്യകാല സംസ്കാര മാതൃകകളും ഇവിടെ ചർച്ച ചെയ്യപ്പെടുന്നു. അതോടൊപ്പം നാശം സംഭവിച്ച പല സംസ്കാര മാതൃകകളെക്കുറിച്ചും ഈ പുസ്തകത്തിൽ പരാമർശിക്കുന്നുണ്ട്. അവ ഓരോന്നും മനുഷ്യരാശിയുടെ സംസ്കാരത്തിന് വിലയേറിയ പല സംഭാവനകളും നൽകിയിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: മനുഷ്യൻ്റെ വളർച്ച
• രചന: സി.ജെ. തോമ്മസ്
• പ്രസിദ്ധീകരണ വർഷം: 1960
• അച്ചടി: ഇൻഡ്യ പ്രസ്സ്, കോട്ടയം
• താളുകളുടെ എണ്ണം: 84
• സ്കാൻ ലഭ്യമായ ഇടം: കണ്ണി

1953 – ൽ പ്രസിദ്ധീകരിച്ച, കാടിൻ്റെ വിളി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അമേരിക്കൻ എഴുത്തുകാരനായ ജായ്ക്ക് ലണ്ടൻ്റെ ലോകപ്രശസ്തമായ നോവലാണ് ‘ദി കോൾ ഓഫ് ദ വൈൽഡ്’. ഈ കൃതിയുടെ മലയാളം വിവർത്തനമാണ് ‘കാടിൻ്റെ വിളി’. ഒരു നായയുടെ വീക്ഷണത്തിലൂടെ അതിജീവനത്തിൻ്റെയും പ്രകൃതിയുടെ വന്യതയുടെയും കഥ പറയുന്ന നോവലാണിത്. അതിജീവനം എന്ന തത്വം ഈ നോവലിൽ വ്യക്തമാണ്. നാഗരികതയിൽ നിന്ന് കാടത്തത്തിലേക്കും പൂർവ്വികരുടെ സ്വാഭാവികമായ വന്യതയിലേക്കുമുള്ള ഒരു ജീവിയുടെ പരിവർത്തനത്തെ ഈ കൃതി മനോഹരമായി വരച്ചുകാട്ടുന്നു.

1952 – ൽ പ്രസിദ്ധീകരിച്ച, കെ. ദാമോദരൻ രചിച്ച ചൈനയിലെ വിപ്ലവം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ചൈനീസ് വിപ്ലവ ചരിത്രത്തിലെ മൂന്ന് കാലഘട്ടങ്ങളെ വിശദമായി അപഗ്രഥിക്കുന്ന പുസ്തകമാണിത്. 1840 മുതൽ 1910 വരെയുള്ള കാലഘട്ടത്തിൽ നാടുവാഴി മേധാവിത്വ ചൈന, വിദേശീയ ശക്തികൾക്കെതിരെ തുടർച്ചയായ യുദ്ധങ്ങൾ നടത്തി. അക്കാലത്ത് വിദേശീയ ശക്തികൾക്ക് അടിമപ്പെട്ട് ഒരു അർദ്ധ കൊളോണിയൽ രാജ്യമായി ചൈന പരിണമിച്ചിരുന്നു. തുടർന്നുള്ള കാലഘട്ടത്തിൽ ദേശീയവും വിദേശീയവുമായ അടിമത്തത്തിനെതിരായി ചൈനയിലെ ജനത ഉയർത്തെഴുന്നേൽപ്പ് നടത്തി. 1919 മുതലുള്ള കാലഘട്ടത്തിൽ അധ്വാനിക്കുന്ന മർദ്ദിത ജനവിഭാഗം ബോധപൂർവ്വം ഉണർന്ന് സംഘടിച്ച് സ്വാതന്ത്ര്യം നേടി. ചൈനയിലെ ഈ തുടർ പോരാട്ടങ്ങളുടെ സമഗ്രമായ വിശകലനമാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ചൈനയിലെ വിപ്ലവം 
• രചന: കെ. ദാമോദരൻ
• പ്രസിദ്ധീകരണ വർഷം: 1952
• അച്ചടി: ഇൻഡ്യ പ്രസ്സ്, കോട്ടയം
• താളുകളുടെ എണ്ണം: 232
• സ്കാൻ ലഭ്യമായ ഇടം: കണ്ണി

1953 – ൽ പ്രസിദ്ധീകരിച്ച, രാജാ ഹതീസിംഗ് രചിച്ച മഹത്തായ സമാധാനം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1951-ൽ ചൈന സന്ദർശിച്ച ഇന്ത്യൻ പ്രതിനിധി സംഘത്തിലുണ്ടായിരുന്ന രാജാ ഹതീസിംഗ് എഴുതിയ പുസ്തകമാണ് മഹത്തായ സമാധാനം. ചൈനയിലെ കമ്മ്യൂണിസ്റ്റ് ഭരണത്തെയും അതിൻ്റെ മാറ്റങ്ങളെയും കുറിച്ച് ഒരു ഏഷ്യക്കാരൻ്റെ നിഷ്പക്ഷവും വിമർശനാത്മകവുമായ വിലയിരുത്തലാണ് ഈ പുസ്തകം. 1949-ൽ മാവോ സേതുങിൻ്റെ നേതൃത്വത്തിൽ ചൈനയിൽ കമ്മ്യൂണിസ്റ്റ് ഭരണം സ്ഥാപിതമായതിന് തൊട്ടുപിന്നാലെയാണ് ഈ സന്ദർശനം നടക്കുന്നത്. അന്നത്തെ ഇന്ത്യൻ പ്രധാനമന്ത്രി ജവഹർലാൽ നെഹ്‌റുവിൻ്റെ സഹോദരീഭർത്താവായിരുന്നു രാജാ ഹതീസിംഗ്. ചൈനയെക്കുറിച്ചുള്ള പാശ്ചാത്യ വീക്ഷണങ്ങളിൽ നിന്നും വ്യത്യസ്തമായിരുന്നു അദ്ദേഹത്തിൻ്റെ കാഴ്ചപ്പാടുകൾ. അക്കാലത്തെ ഇന്ത്യ-ചൈന സൗഹൃദത്തെ അന്ധമായി അനുകൂലിക്കുന്നവരിൽ നിന്നു വ്യത്യസ്തമായി അടിച്ചമർത്തലുകളും സ്വാതന്ത്ര്യനിഷേധവും നിറഞ്ഞ ഒരു യാഥാർത്ഥ്യത്തെയാണ് അദ്ദേഹം തുറന്നുകാട്ടിയത്. ചൈനീസ് ജനതയുടെ ജീവിതത്തിൽ അച്ചടക്കവും പുരോഗതിയും കൊണ്ടുവരാൻ ഭരണകൂടത്തിന് കഴിഞ്ഞിട്ടുണ്ടെങ്കിലും വ്യക്തിസ്വാതന്ത്ര്യം ഇല്ലാതാകുന്നതിനെക്കുറിച്ചും നിർബന്ധിത തൊഴിലിനെക്കുറിച്ചും പുസ്തകം സംസാരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: മഹത്തായ സമാധാനം
• രചന: രാജാ ഹതീസിംഗ്
• പ്രസിദ്ധീകരണ വർഷം: 1953
• താളുകളുടെ എണ്ണം: 288
• സ്കാൻ ലഭ്യമായ ഇടം: കണ്ണി

1952 – ൽ പ്രസിദ്ധീകരിച്ച, മാടശ്ശേരി മാധവവാരിയർ രചിച്ച കുഞ്ചൻ്റെ ശേഷം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ആദ്യകാല മലയാള സാഹിത്യ ചരിത്രമാണ് ഈ പുസ്തകത്തിൽ വിവരിച്ചിരിക്കുന്നത്. പതിനൊന്നാം നൂറ്റാണ്ടിലെ കേരള ചരിത്ര രേഖകളും സാഹിത്യ രചനാ ശ്രമങ്ങളും പുസ്തകത്തിൻ്റെ ആദ്യഘട്ടത്തിൽ അവതരിപ്പിക്കാൻ ശ്രമിക്കുന്നു. ശ്രദ്ധിക്കപ്പെട്ടവരുടെയും വിസ്മൃതിയിൽ മറഞ്ഞവരുടെയും ചരിത്രം ഈ പുസ്തകത്തിൽ അടയാളപ്പെടുത്തുന്നു. ഗദ്യം, പദ്യം, വിമർശനം എന്നിങ്ങനെ സാഹിത്യത്തിലെ സകല മേഖലകളെയും സ്പർശിച്ചു കടന്നു പോകുന്നതാണ് ഈ വിശദമായ പഠനം.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കുഞ്ചൻ്റെ ശേഷം
• രചന: മാടശ്ശേരി മാധവവാരിയർ
• പ്രസിദ്ധീകരണ വർഷം: 1952
• അച്ചടി: ഇൻഡ്യ പ്രസ്സ്, കോട്ടയം
• താളുകളുടെ എണ്ണം: 570
• സ്കാൻ ലഭ്യമായ ഇടം: കണ്ണി

1949 – ൽ പ്രസിദ്ധീകരിച്ച, എം.എ. വെങ്കിടീശ്വരൻ രചിച്ച കൃഷിയും ജീവിസംരക്ഷണവും എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിൻ്റെ കാർഷിക പാരമ്പര്യത്തെ കുറിച്ചുള്ള സമഗ്രമായ പഠനമാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്. മണ്ണ്, കാലാവസ്ഥ, ഇടക്കാല വേലകൾ, വളങ്ങൾ ഉൾപ്പെടെ കാർഷികവൃത്തിയുമായി ബന്ധപ്പെട്ട സകല മേഖലകളിലേക്കും ഈ പുസ്തകം ശ്രദ്ധ ചെലുത്തിയിരിക്കുന്നു. പുസ്തകത്തിൻ്റെ രണ്ടാം ഖണ്ഡത്തിൽ കൃഷിശാസ്ത്രത്തോട് അനുബന്ധിച്ച് മനസ്സിലാക്കേണ്ട ജീവി സംരക്ഷണം എന്ന വിഷയത്തെക്കുറിച്ച് പരാമർശിച്ചിരിക്കുന്നു. കാർഷിക മേഖലയുമായി ബന്ധപ്പെട്ട് ജീവിക്കുന്ന എല്ലാവർക്കും ഈ പുസ്തകം ഒരു മുതൽക്കൂട്ടാണ്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കൃഷിയും ജീവിസംരക്ഷണവും
• രചന: എം.എ. വെങ്കിടീശ്വരൻ
• പ്രസിദ്ധീകരണ വർഷം: 1949
• താളുകളുടെ എണ്ണം: 250
• സ്കാൻ ലഭ്യമായ ഇടം: കണ്ണി

1955 – ൽ പ്രസിദ്ധീകരിച്ച, കോയിപ്പിള്ളി പരമേശ്വരക്കുറുപ്പ് രചിച്ച വിവാഹരംഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ദാമ്പത്യ ജീവിതത്തെക്കുറിച്ചും വിവാഹത്തിൻ്റെ പ്രാധാന്യത്തെക്കുറിച്ചും വിശദമാക്കുന്ന ഗ്രന്ഥമാണിത്. വ്യത്യസ്തമായ വിവാഹ സമ്പ്രദായങ്ങളെ കുറിച്ചും വിവാഹത്തിന് അനുയോജ്യമായ പ്രായത്തെക്കുറിച്ചും ഇതിൽ പ്രതിപാദിക്കുന്നുണ്ട്. ദാമ്പത്യ ജീവിതത്തിൽ പ്രാവർത്തികമാക്കേണ്ട ഐക്യത്തെക്കുറിച്ച് വ്യക്തമാക്കുന്ന ഈ പുസ്തകത്തിൽ സന്താന ലാഭ സമയത്തെക്കുറിച്ചും മക്കളെ പരിപാലിക്കേണ്ടത് എങ്ങനെയാണെന്നും വിവരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: വിവാഹരംഗം
• രചന: കോയിപ്പിള്ളി പരമേശ്വരക്കുറുപ്പ്
• പ്രസിദ്ധീകരണ വർഷം: 1955
• അച്ചടി: പ്രകാശകൌമുദി പ്രിൻ്റിങ്ങ് വർക്സ്, കോഴിക്കോട്
• താളുകളുടെ എണ്ണം: 198
• സ്കാൻ ലഭ്യമായ ഇടം: കണ്ണി

1952 – ൽ പ്രസിദ്ധീകരിച്ച, യൂസഫ് മെഹർ ആലി രചിച്ച പാക്കിസ്ഥാൻ പര്യടനം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇന്ത്യൻ സ്വാതന്ത്ര്യസമര നേതാവും സാമൂഹ്യപ്രവർത്തകനുമായ യൂസഫ് മെഹർ ആലി പാകിസ്ഥാനിലേക്കു നടത്തിയ യാത്രയുടെ അനുഭവങ്ങളും നിരീക്ഷണങ്ങളും ഉൾക്കൊള്ളുന്ന യാത്രാവിവരണ ഗ്രന്ഥമാണ് ‘പാകിസ്ഥാൻ പര്യടനം’. ഇന്ത്യയുടെ വിഭജനത്തിന്  ശേഷമുള്ള പാകിസ്ഥാൻ്റെ സാമൂഹിക, രാഷ്ട്രീയ, സാമ്പത്തിക, സാംസ്കാരിക സാഹചര്യങ്ങളെ നേരിട്ട് മനസ്സിലാക്കാനുള്ള ശ്രമമാണ് ഈ കൃതിയുടെ കേന്ദ്രവിഷയം.

യാത്രയ്ക്കിടയിൽ വിവിധ പ്രദേശങ്ങളും ജനവിഭാഗങ്ങളും സന്ദർശിച്ച എഴുത്തുകാരൻ, സാധാരണ ജനങ്ങളുടെ ജീവിതം, ഭരണസംവിധാനം, ഇന്ത്യ–പാകിസ്ഥാൻ ബന്ധങ്ങൾ, വിഭജനത്തിൻ്റെ പ്രത്യാഘാതങ്ങൾ എന്നിവയെ വിമർശനാത്മകമായി വിലയിരുത്തുന്നു. ഒരു യാത്രാവിവരണം മാത്രമല്ല, വിഭജനാനന്തര ദക്ഷിണേഷ്യയുടെ യാഥാർഥ്യങ്ങളെ മനസ്സിലാക്കാൻ സഹായിക്കുന്ന ചരിത്രപരവും സാമൂഹികവുമായ രേഖ കൂടിയാണ് ഈ പുസ്തകം. മനുഷ്യബന്ധങ്ങളുടെയും സഹവർത്തിത്വത്തിൻ്റെയും പ്രാധാന്യം ഊന്നിപ്പറയുന്ന ഈ കൃതി, ഇന്ത്യയും പാകിസ്ഥാനും തമ്മിലുള്ള ബന്ധങ്ങളെക്കുറിച്ചുള്ള ആഴത്തിലുള്ള ചിന്തകൾ വായനക്കാരനിൽ ഉണർത്തുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: പാക്കിസ്ഥാൻ പര്യടനം
• രചന: യൂസഫ് മെഹർ ആലി
• പ്രസിദ്ധീകരണ വർഷം: 1952
• അച്ചടി: സരസ്വതി പ്രിൻ്റിംഗ് & പബ്ലിഷിംഗ് ഹൗസ്, തൃശൂർ
• താളുകളുടെ എണ്ണം: 222
• സ്കാൻ ലഭ്യമായ ഇടം: കണ്ണി

1934 – ൽ പ്രസിദ്ധീകരിച്ച, പി. താണുപിള്ള രചിച്ച ചെങ്കുട്ടുവപ്പെരുമാൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സംഘകാലത്തെ ചേര രാജാക്കന്മാരിൽ ഏറ്റവും പ്രശസ്തനും പരാക്രമിയും ആയിരുന്ന ചക്രവർത്തിയാണ് ചെങ്കുട്ടുവപ്പെരുമാൾ എന്നറിയപ്പെട്ടിരുന്ന ചേരൻ ചെങ്കുട്ടുവൻ. അദ്ദേഹത്തിൻ്റെ ഭരണകാലം എ.ഡി. രണ്ടാം നൂറ്റാണ്ടാണെന്ന് ചരിത്രകാരന്മാർ കരുതുന്നു. ചെങ്കുട്ടുവപ്പെരുമാളിൻ്റെ ജീവചരിത്രമാണ് ഈ നോവലിലൂടെ അവതരിപ്പിക്കുന്നത്. അദ്ദേഹം സർവ്വശാസ്ത്ര പണ്ഡിതനായിരുന്നു. ചിലപ്പതികാരം രചിച്ച ഇളങ്കോവടികൾ ചെങ്കുട്ടുവപ്പെരുമാളിൻ്റെ സഹോദരനായിരുന്നു. അദ്ദേഹത്തിൻ്റെ കാലഘട്ടത്തിൽ നടന്ന പല സവിശേഷ സംഭവവികാസങ്ങളും ഈ നോവലിൽ ഉൾപ്പെടുത്തിയിരിക്കുന്നു. കേരളത്തിലെ പ്രസിദ്ധങ്ങളായ കൊടുങ്ങല്ലൂർ, ചെങ്ങന്നൂർ ഭഗവതി ക്ഷേത്രങ്ങളുടെ ഉല്പത്തിയെ കുറിക്കുന്ന വിശദാംശങ്ങളും ഈ നോവലിൻ്റെ ഭാഗമാകുന്നു. അദ്ദേഹത്തിൻ്റെ ഭരണകാലത്ത് കഴിഞ്ഞിരുന്ന ജനങ്ങളുടെ സാമുദായികവും രാഷ്ട്രീയവും രാജകീയവും ദേശീയവുമായ സകല ചരിത്രവും ഈ നോവലിലൂടെ വ്യക്തമാക്കുന്നു. ചേരമാൻ സാമ്രാജ്യത്തിൻ്റെ ശക്തിയും പ്രഭാവവും അടയാളപ്പെടുത്തുന്ന രചന കൂടിയാണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ചെങ്കുട്ടുവപ്പെരുമാൾ
• രചന: പി. താണുപിള്ള
• പ്രസിദ്ധീകരണ വർഷം: 1934
• അച്ചടി: ശ്രീരാമവിലാസം പ്രസ്സ്, തിരുവനന്തപുരം
• താളുകളുടെ എണ്ണം: 192
• സ്കാൻ ലഭ്യമായ ഇടം: കണ്ണി

1952 – ൽ പ്രസിദ്ധീകരിച്ച, റ്റി.കെ. ജോസഫ് രചിച്ച വാനവിലാസം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

റ്റി.കെ. ജോസഫ് രചിച്ച വിശദമായ ഒരു ജ്യോതിശാസ്ത്ര ഗ്രന്ഥമാണ് വാനവിലാസം. ജ്യോതിശാസ്ത്രത്തെക്കുറിച്ച് പൗരസ്ത്യ ലോകത്തും പാശ്ചാത്യലോകത്തും രൂപം കൊണ്ടിട്ടുള്ള അനേകം പഠനങ്ങളെ ആധാരമാക്കിയാണ് ഈ പുസ്തകം രചിച്ചിരിക്കുന്നത്. ഇരുപത്തിയേഴു നക്ഷത്രങ്ങളും പന്ത്രണ്ടു രാശികളും ഇതര രാശികളും ഗ്രഹങ്ങളും ധൂമകേതുക്കളും ഉൾപ്പെടെ വിശാലമായ ആകാശഗംഗയെ കുറിച്ചുള്ള പഠനം കഴിയുന്നത്ര വസ്തുനിഷ്ഠമാക്കാൻ ലേഖകൻ ശ്രമിച്ചിട്ടുണ്ട്. മലയാളലിപി പരിഷ്കരിക്കണമെന്ന ആശയത്തിൻ്റെ ഉപജ്ഞാതാക്കളിൽ ഒരാളായിരുന്നു റ്റി.കെ. ജോസഫ്. പരിഷ്കരിച്ച ലിപി പ്രകാരമുള്ള ‘റ്റ’ അക്ഷരമാണ് പുസ്തകത്തിൽ ലേഖകൻ്റെ പേരിൽ ഉൾപ്പെടുത്തിയിരിക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: വാനവിലാസം
• രചന: റ്റി.കെ. ജോസഫ് 
• പ്രസിദ്ധീകരണ വർഷം: 1952
• അച്ചടി: ശ്രീധര പ്രിൻ്റിംഗ് ഹൗസ്, തിരുവനന്തപുരം
• താളുകളുടെ എണ്ണം:  346
• സ്കാൻ ലഭ്യമായ ഇടം: കണ്ണി