Author: Sreenath S

1952 – ൽ പ്രസിദ്ധീകരിച്ച, കൊടുങ്ങല്ലൂർ കുഞ്ഞുകുട്ടൻ തമ്പുരാൻ പരിഭാഷ തയ്യാറാക്കിയായ ഭാഷാഭാരതം – ഒന്നാംവാള്യം – ആദിപർവ്വം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കൊടുങ്ങല്ലൂർ കുഞ്ഞുകുട്ടൻ തമ്പുരാൻ എൺപത്തിയേഴ് ദിവസങ്ങൾ കൊണ്ട് മലയാളത്തിലേക്ക് വൃത്താനുവൃത്തം തർജ്ജമ ചെയ്ത മഹത്തായ ഇതിഹാസ പദ്യഗ്രന്ഥമാണ് ഭാഷാഭാരതം. വ്യാസമഹാഭാരതത്തിലെ ഒരു ലക്ഷത്തോളം വരുന്ന ശ്ലോകങ്ങളുടെ തനതായ ഭാവവും അർത്ഥവും  ചോർന്നുപോകാതെ ലളിതമായ മലയാളത്തിൽ അവതരിപ്പിക്കാൻ കഴിഞ്ഞു എന്നതാണ് ഈ കൃതിയുടെ പ്രധാന സവിശേഷത.

സംസ്കൃത പണ്ഡിതന്മാർക്ക് മാത്രം പ്രാപ്യമായിരുന്ന ഇതിഹാസത്തെ സാധാരണക്കാരായ വായനക്കാരിലേക്ക് എത്തിക്കുന്നതിലും മലയാള സാഹിത്യത്തിൻ്റെ പദസമ്പത്ത് വർദ്ധിപ്പിക്കുന്നതിലും ഈ ഗ്രന്ഥം നിർണ്ണായക പങ്കുവഹിച്ചു. ചുരുക്കത്തിൽ, മലയാള സാഹിത്യ ചരിത്രത്തിൽ സമാനതകളില്ലാത്ത വേഗത കൊണ്ടും അപാരമായ കാവ്യ ഭംഗി കൊണ്ടും എന്നും സ്മരിക്കപ്പെടുന്ന കാലാതീതമായ ഒരു അമൂല്യ കൃതിയാണ് ഭാഷാഭാരതം.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഭാഷാഭാരതം – ഒന്നാംവാള്യം – ആദിപർവ്വം
• രചന: കൊടുങ്ങല്ലൂർ കുഞ്ഞുകുട്ടൻ തമ്പുരാൻ
• പ്രസിദ്ധീകരണ വർഷം: 1952
• അച്ചടി: വിജയ പ്രിൻ്റിങ് & പബ്ലിഷിങ് ഹൗസ്, ഇരിങ്ങാലക്കുട
• താളുകളുടെ എണ്ണം: 1074
• സ്കാൻ ലഭ്യമായ ഇടം: കണ്ണി

1954 – ൽ പ്രസിദ്ധീകരിച്ച, പുരുഷനും ജോസഫും പരിഭാഷ തയ്യാറാക്കിയായ ഞാൻ കണ്ട ചൈന എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അൻപതുകളുടെ ആരംഭത്തിൽ ഇന്ത്യയിൽ നിന്നുള്ള ഗുഡ്‌വിൽ മിഷൻ പ്രതിനിധിയായി ചൈന സന്ദർശിച്ച മലയാളി പത്രപ്രവർത്തകൻ്റെ യാത്രാനുഭവങ്ങളും അഭിമുഖങ്ങളുമാണ് ഈ പുസ്തകം. മാവോ സെ-തൂങ്ങുമായി ഒരു പ്രത്യേക കൂടിക്കാഴ്ച നടത്തണമെന്ന ആഗ്രഹത്തോടെയാണ് രചയിതാവ് ചൈനയിലെത്തുന്നത്. എന്നാൽ വിദേശ പ്രതിനിധികളുടെയും പത്രപ്രവർത്തകരുടെയും തിരക്കു കാരണം മാവോയുമായി മാത്രം ഒരു സ്വകാര്യ കൂടിക്കാഴ്ച ലഭിക്കുന്നില്ല.  പിന്നീട്,  ചൈനയിലെ സാധാരണക്കാരായ വിപ്ലവകാരികളെയും കർഷകരെയും തൊഴിലാളികളെയും നേരിട്ടു കാണുകയും അവരുടെ ജീവിതകഥകൾ കേൾക്കുകയും ചെയ്യുന്നതോടെ മാവോയെ കാണാൻ കഴിയാത്തതിൻ്റെ വിഷമം മാറുന്നു. മാവോയുടെ ആശയങ്ങൾ ചൈനീസ് ജനതയുടെ ജീവിതത്തിൽ വരുത്തിയ മാറ്റങ്ങളാണ് അദ്ദേഹം പുസ്തകത്തിൽ വരച്ചുകാട്ടുന്നത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഞാൻ കണ്ട ചൈന
• രചന: പുരുഷനും ജോസഫും
• പ്രസിദ്ധീകരണ വർഷം: 1954
• അച്ചടി: ഇൻഡ്യാ പ്രസ്സ് , കോട്ടയം
• താളുകളുടെ എണ്ണം: 158
• സ്കാൻ ലഭ്യമായ ഇടം: കണ്ണി

1930 – ൽ പ്രസിദ്ധീകരിച്ച, കൊടുങ്ങല്ലൂർ കൊച്ചുണ്ണിത്തമ്പുരാൻ പരിഭാഷ തയ്യാറാക്കിയായ ശ്രീരാമാശ്വമേധം കിളിപ്പാട്ട് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സംസ്കൃതത്തിലെ  പത്മപുരാണത്തിലെ പാതാളഖണ്ഡത്തെ അടിസ്ഥാനമാക്കി കൊടുങ്ങല്ലൂർ കൊച്ചുണ്ണിത്തമ്പുരാൻ മലയാളത്തിലേക്ക് പരിഭാഷപ്പെടുത്തിയ കൃതിയാണ് ശ്രീരാമാശ്വമേധം കിളിപ്പാട്ട്. ശ്രീരാമൻ നടത്തുന്ന അശ്വമേധയാഗത്തിൻ്റെ പശ്ചാത്തലത്തിൽ, യാഗാശ്വത്തെ ലവനും കുശനും തടഞ്ഞുവെക്കുന്നതും തുടർന്നുണ്ടാകുന്ന യുദ്ധവും, സീതാദേവിയുമായുള്ള പുനഃസമാഗമവും ഉൾപ്പെടുന്ന രാമായണ കഥയാണ് ഈ പുസ്തകത്തിൽ പ്രധാനമായും പ്രമേയമാക്കിയിരിക്കുന്നത്. മൂലകൃതിയായ പത്മപുരാണം രചിച്ചത് വ്യാസമഹർഷി ആണെന്ന് കരുതപ്പെടുന്നു. സംസ്കൃത പദങ്ങളുടെ വലിയ സ്വാധീനം കാവ്യത്തിലുടനീളം കാണാം. ക്ലാസിക്കൽ സാഹിത്യ പ്രേമികൾക്കും ഭാഷാ ഗവേഷകർക്കും രാമായണ കഥാഭാഗങ്ങളെ ആഴത്തിൽ മനസ്സിലാക്കാൻ സഹായിക്കുന്ന കൃതിയാണിത്.

1953 – ൽ പ്രസിദ്ധീകരിച്ച, കെ. കേശവൻ നായർ രചിച്ച  ആദർശപുരുഷന്മാർ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കെ. കേശവൻ നായർ രചിച്ച ആദർശപുരുഷന്മാർ എന്ന ഈ ഗ്രന്ഥം, ഭാരതീയ ചരിത്രത്തിലും ദർശനത്തിലും തിളങ്ങിനിൽക്കുന്ന മഹത്തുക്കളായ വ്യക്തിത്വങ്ങളുടെ ജീവിതവും അവരിലൂടെ രൂപപ്പെട്ട തത്ത്വചിന്തകളും വളരെ ലളിതമായി പ്രതിപാദിക്കുന്ന ഒന്നാണ്. അദ്വൈതസിദ്ധാന്തത്തിൻ്റെ സ്ഥാപകനും ഭാരതത്തിലുടനീളം മഠങ്ങൾ സ്ഥാപിച്ച് മതപ്രചാരണം നടത്തുകയും ചെയ്ത ശ്രീ ശങ്കരാചാര്യരുടെ ജനനം മുതൽ  സമാധി വരെയുള്ള പ്രധാന സംഭവങ്ങൾ പുസ്തകം വിവരിക്കുന്നു. അതോടൊപ്പം വിശിഷ്ടാദ്വൈതത്തിൻ്റെ പ്രയോക്താവായ ശ്രീ രാമാനുജാചാര്യരുടെ ബാല്യകാലവും ഗുരുവായ യാദവപ്രകാശനുമായുള്ള അഭിപ്രായവ്യത്യാസങ്ങളും അതിനെത്തുടർന്നുള്ള വധശ്രമങ്ങളിൽ നിന്നുള്ള രക്ഷപ്പെടലും ഗ്രന്ഥത്തിൽ രേഖപ്പെടുത്തിയിട്ടുണ്ട്. കൂടാതെ ഇന്ത്യൻ സ്വാതന്ത്ര്യസമര ചരിത്രത്തിൽ അവിസ്മരണീയമായ പങ്കുവഹിച്ച ഖാൻ അബ്ദുൾ ഗാഫർ ഖാനും അദ്ദേഹത്തിൻ്റെ സഹോദരനുമുൾപ്പെടുന്ന ഖാൻ സഹോദരന്മാരുടെ ദേശസേവനങ്ങളെയും ജീവിതത്തെയും കുറിച്ച് ഈ കൃതി സമഗ്രമായി ചർച്ച ചെയ്യുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ആദർശപുരുഷന്മാർ
• രചന: കെ. കേശവൻ നായർ
• പ്രസിദ്ധീകരണ വർഷം: 1953
• അച്ചടി: പ്രകാശകൗമുദി പ്രിൻ്റിംഗ് വർക്ക്സ്, കോഴിക്കോട്
• താളുകളുടെ എണ്ണം: 118
• സ്കാൻ ലഭ്യമായ ഇടം: കണ്ണി

1961 – ൽ പ്രസിദ്ധീകരിച്ച, ഇരയിമ്മൻ തമ്പി രചിച്ച  കീചകവധം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇരയിമ്മൻ തമ്പി രചിച്ച ആട്ടക്കഥയാണ് കീചകവധം. ഈ കൃതിയ്ക്ക് വ്യാഖ്യാനം തയ്യാറാക്കിയത് ജി. രാമകൃഷ്ണപിള്ളയാണ്. അജ്ഞാതവാസക്കാലത്ത് വിരാടരാജാവിൻ്റെ കൊട്ടാരത്തിൽ വേഷംമാറി കഴിയുന്ന പാണ്ഡവരുടെയും ദ്രൗപതിയുടെയും ജീവിതത്തിലെ നിർണ്ണായക സംഭവങ്ങളാണ് ഇതിൻ്റെ ഇതിവൃത്തം. ഭാഷാശുദ്ധിക്കും സംഗീതാത്മകമായ പദങ്ങൾക്കും ശൃംഗാര-രൗദ്ര രസങ്ങളുടെ ആവിഷ്കാരത്തിനും ഏറെ പ്രശസ്തമാണ് ഈ കൃതി.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കീചകവധം
• രചന: ഇരയിമ്മൻ തമ്പി
• പ്രസിദ്ധീകരണ വർഷം: 1961
• അച്ചടി: ഇൻഡ്യ പ്രസ്സ്, കോട്ടയം
• താളുകളുടെ എണ്ണം: 88
• സ്കാൻ ലഭ്യമായ ഇടം: കണ്ണി

1961 – ൽ പ്രസിദ്ധീകരിച്ച, എം.പി. ശിവദാസമേനോൻ രചിച്ച  ചില ചില്ലറ നാണ്യങ്ങൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

എം.പി. ശിവദാസമേനോൻ്റെ വിവിധ വിഷയങ്ങളിലുള്ള ഉപന്യാസങ്ങൾ, വ്യക്തിപരമായ അനുഭവങ്ങൾ, ലഘുലേഖനങ്ങൾ എന്നിവയുടെ സമാഹാരമാണ് ഈ പുസ്തകം. ഗൗരവമേറിയ വിഷയങ്ങളെ ലളിതമായും, ആത്മകഥാപരമായ സുഖാസ്വാദ്യതയോടെയും അവതരിപ്പിക്കാൻ ഗ്രന്ഥകാരന് സാധിച്ചിട്ടുണ്ട്. ലളിതമായ തത്ത്വചിന്ത, നർമ്മബോധം, നിരീക്ഷണപാടവം എന്നിവയാണ് ഈ കൃതിയുടെ പ്രധാന ആകർഷണം.

1950 – ൽ പ്രസിദ്ധീകരിച്ച, ചമ്പത്തിൽ ചാത്തുക്കുട്ടി മന്നാടിയാർ രചിച്ച  ഹാലാസ്യമാഹാത്മ്യം കിളിപ്പാട്ട് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സ്കന്ദപുരാണത്തിലെ അഗസ്ത്യസംഹിതയെ ആസ്പദമാക്കി ചമ്പത്തിൽ ചാത്തുക്കുട്ടി മന്നാടിയാർ രചിച്ച ഹാലാസ്യമാഹാത്മ്യം, ഹാലാസ്യം എന്നറിയപ്പെടുന്ന മധുരാപുരിയിലെ മീനാക്ഷി ദേവിയുടെയും പരമശിവൻ്റെയും ദിവ്യമാഹാത്മ്യവും, തൻ്റെ ഭക്തർക്കായി ഭഗവാൻ അവിടെ പ്രവർത്തിച്ച അറുപത്തിനാലു ദിവ്യലീലകളും പ്രതിപാദിക്കുന്ന ഒരു പ്രസിദ്ധ ഭക്തിഗ്രന്ഥമാണ്. പരമേശ്വരൻ്റെ കഴുത്തിലെ ‘ഹാലം’ എന്ന സർപ്പം അതിർത്തി നിശ്ചയിച്ചതിനാൽ ‘ഹാലാസ്യം’ എന്ന് പേരുവന്ന മധുരയുടെ ഉൽപ്പത്തി, മീനാക്ഷി-പരമേശ്വര ദിവ്യവിവാഹം തുടങ്ങി പല  സംഭവങ്ങൾ ഇതിൽ വിവരിക്കുന്നു. കാശി, ചിദംബരം തുടങ്ങിയ പ്രമുഖ ശിവക്ഷേത്രങ്ങൾക്കൊപ്പം പുണ്യപാവനമായി കരുതുന്ന മധുരയിലെ ഭഗവാൻ്റെ ലീലകൾ വായിക്കുന്നത് പാപമുക്തിക്കും മോക്ഷപ്രാപ്തിക്കും വഴിതെളിക്കുമെന്നാണ് വിശ്വാസം.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഹാലാസ്യമാഹാത്മ്യം കിളിപ്പാട്ട്
• രചന: ചമ്പത്തിൽ ചാത്തുക്കുട്ടി മന്നാടിയാർ
• പ്രസിദ്ധീകരണ വർഷം: 1950
• അച്ചടി: വിദ്യാവിനോദിനി അച്ചുകൂടം, തൃശ്ശിവ പേരൂർ
• താളുകളുടെ എണ്ണം: 408
• സ്കാൻ ലഭ്യമായ ഇടം: കണ്ണി

1959 – ൽ പ്രസിദ്ധീകരിച്ച, കെ.സി. കേശവപിള്ള രചിച്ച  ഭാഷാനാരായണീയം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പ്രസിദ്ധ കവിയും സംഗീതജ്ഞനുമായ കെ.സി. കേശവപിള്ള രചിച്ച കാവ്യമാണിത്. മേല്പുത്തൂർ നാരായണ ഭട്ടതിരി സംസ്കൃതത്തിൽ രചിച്ച നാരായണീയം എന്ന മഹാകാവ്യത്തിൻ്റെ വിവർത്തനം കൂടിയാണിത്. ഭക്തിരസനിർഭരമായ സ്തുതികളും, ഭാഗവത കഥകളുടെ സംഗ്രഹവും, കൃഷ്ണലീലകളും സാധാരണക്കാരായ മലയാളികൾക്ക് വൃത്താനുസൃതമായി പാരായണം ചെയ്യാനും ആസ്വദിക്കാനും തക്കവണ്ണം ലളിതമായി അവതരിപ്പിക്കുകയാണ് ഈ കൃതിയിലൂടെ ചെയ്യുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഭാഷാനാരായണീയം
• രചന: കെ.സി. കേശവപിള്ള
• പ്രസിദ്ധീകരണ വർഷം: 1959
• അച്ചടി:  ഇൻഡ്യ പ്രസ്സ്, കോട്ടയം
• താളുകളുടെ എണ്ണം: 348
• സ്കാൻ ലഭ്യമായ ഇടം: കണ്ണി

1955 – ൽ പ്രസിദ്ധീകരിച്ച, ഉളളൂർ എസ്. പരമേശ്വരയ്യർ രചിച്ച  ഉമാകേരളം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മഹാകവി ഉള്ളൂർ എസ്. പരമേശ്വരയ്യരുടെ പ്രശസ്തമായ ഭാഷാ മഹാകാവ്യമാണ് ഉമാകേരളം. മലയാള സാഹിത്യത്തിലെ എണ്ണപ്പെട്ട മഹാകാവ്യങ്ങളിൽ ഒന്നായി ഇത് കണക്കാക്കപ്പെടുന്നു. തിരുവിതാംകൂറിൻ്റെ ചരിത്രസംഭവങ്ങളെ ആസ്പദമാക്കിയാണ് ഉള്ളൂർ ഈ കാവ്യം രചിച്ചിരിക്കുന്നത്. വേണാട്ടിലെ ഉമയമ്മ റാണിയുടെ ഭരണകാലവും അന്നത്തെ രാഷ്ട്രീയ സംഘർഷങ്ങളും എട്ടുവീട്ടിൽ പിള്ളമാരുടെ ഗൂഢതന്ത്രങ്ങളും മാർത്താണ്ഡവർമ്മയുടെ ഉദയവുമൊക്കെയാണ് ഇതിൻ്റെ പ്രധാന പശ്ചാത്തലം. സംസ്കൃത സദൃശമായ ശൈലിയും അലങ്കാര സമ്പുഷ്ടമായ ഭാഷയുമാണ് ഇതിൽ ഉപയോഗിച്ചിരിക്കുന്നത്. ഭാരതീയ ധർമ്മനീതികളും ദേശഭക്തിയും കാവ്യത്തിലുടനീളം കാണാം. പത്തൊൻപതു സർഗ്ഗങ്ങളും രണ്ടായിരത്തിലേറെ ശ്ലോകങ്ങളും അടങ്ങിയതാണ് ഈ വലിയ മഹാകാവ്യം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഉമാകേരളം
• രചന: ഉളളൂർ എസ്. പരമേശ്വരയ്യർ
• പ്രസിദ്ധീകരണ വർഷം: 1955
• അച്ചടി: ശ്രീധര പ്രിൻ്റിംഗ് ഹൗസ്, തിരുവനന്തപുരം
• താളുകളുടെ എണ്ണം: 316
• സ്കാൻ ലഭ്യമായ ഇടം: കണ്ണി