Author: Sreenath S

1946 – ൽ പ്രസിദ്ധീകരിച്ച, ശാസ്ത്രജ്ഞലോകം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പ്രസിദ്ധരായ പത്ത് ശാസ്ത്രജ്ഞന്മാരുടെ ലഘു ജീവചരിത്രം അവതരിപ്പിക്കുന്ന പുസ്തകമാണിത്. ശാസ്ത്രലോകത്തിന് അവർ നൽകിയ സംഭാവനകളും അവരുടെ പ്രധാനപ്പെട്ട കണ്ടെത്തലുകളും ഇതിൽ വിശദമായി ചർച്ച ചെയ്യുന്നുണ്ട്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ശാസ്ത്രജ്ഞലോകം
• പ്രസിദ്ധീകരണ വർഷം: 1946
• അച്ചടി: വി.പി. പ്രസ്സ്, കൊല്ലം
• താളുകളുടെ എണ്ണം: 142
• സ്കാൻ ലഭ്യമായ ഇടം: കണ്ണി

1967 – ൽ പ്രസിദ്ധീകരിച്ച, എം.കെ. ഗാന്ധി രചിച്ച അനാസക്തിയോഗം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഭഗവത്ഗീതയ്ക്ക് മഹാത്മാഗാന്ധി തയ്യാറാക്കിയ ആത്മീയ വ്യാഖ്യാനമാണ് അനാസക്തി യോഗം. ഗീതയിലെ ആശയങ്ങൾ എങ്ങനെ സാധാരണ ജീവിതത്തിൽ പ്രായോഗികമാക്കാം എന്ന് ഈ ഗ്രന്ഥം പരിശോധിക്കുന്നു. ലളിതവും അതേസമയം ഗൗരവമേറിയതുമായ ഒരു രചനയാണ് ഇത്. ഫലം ആഗ്രഹിക്കാതെ പ്രവർത്തിക്കണമെന്ന് ഗീതാവ്യാഖ്യാനത്തിൻ്റെ പശ്ചാത്തലത്തിൽ ഗാന്ധിജി പ്രസ്താവിക്കുന്നു. കർത്തവ്യത്തെ ദൈവസേവനമായി കരുതണം. ഈ ആശയം ഗീതയിലെ കർമ്മയോഗത്തെ അടിസ്ഥാനമാക്കിയാണ് ഗാന്ധിജി വിവരിക്കുന്നത്. അതോടൊപ്പം തന്നെ സത്യത്തിൻ്റെയും അഹിംസയുടെയും പ്രാധാന്യവും ഭഗവത്ഗീതയുടെ വീക്ഷണ കോണിലൂടെ വിവരിച്ചിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: അനാസക്തിയോഗം 
• പ്രസിദ്ധീകരണ വർഷം: 1967
• അച്ചടി: മാതൃഭൂമി പ്രസ്സ്, കോഴിക്കോട്
• താളുകളുടെ എണ്ണം: 312
• സ്കാൻ ലഭ്യമായ ഇടം: കണ്ണി

1968 – ൽ പ്രസിദ്ധീകരിച്ച, സദ്റുദ്ദീൻ ഇസ്ലാഹി രചിച്ച ഇസ്ലാം ഒറ്റനോട്ടത്തിൽ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മതപണ്ഡിതനും സാഹിത്യകാരനുമായ  സദ്റുദ്ദീൻ ഇസ്ലാഹി ഉറുദു ഭാഷയിൽ രചിച്ച ‘ ഇസ്ലാം ഏക് നസർമേ’ എന്ന പുസ്തകത്തിൻ്റെ വിവർത്തനമാണ് ഇത്. ഇസ്ലാം മതത്തെ കുറിച്ചുള്ള സമഗ്രമായ പഠനമാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്. ഇസ്ലാമിക ജീവിതവ്യവസ്ഥയും വിശ്വാസങ്ങളും രാഷ്ട്രീയവും വളരെ വിശദമായിത്തന്നെ ഈ പുസ്തകത്തിൽ അവതരിപ്പിച്ചിരിക്കുന്നു. സാമാന്യ ജനങ്ങൾക്ക് ഇസ്ലാം മതത്തെ കുറിച്ചുള്ള ഒരു ധാരണ രൂപപ്പെടുത്താൻ ഈ പുസ്തകം സഹായകമാണ്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഇസ്ലാം ഒറ്റനോട്ടത്തിൽ
• പ്രസിദ്ധീകരണ വർഷം: 1968
• അച്ചടി: പ്രബോധനം പ്രസ്സ്, മാരികുന്ന്, കോഴിക്കോട്
• താളുകളുടെ എണ്ണം: 418
• സ്കാൻ ലഭ്യമായ ഇടം: കണ്ണി

1970 – ൽ പ്രസിദ്ധീകരിച്ച, എൻ.കെ. സുകുമാരൻ രചിച്ച ഭൂപരിഷ്ക്കരണ വ്യവസ്ഥകൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ജന്മിത്വ വ്യവസ്ഥയുടെ ദൂഷ്യവശങ്ങൾ തടഞ്ഞുകൊണ്ട് നിലവിൽ വന്ന ഭൂപരിഷ്കരണ നിയമങ്ങളുടെ വിശദാംശങ്ങളാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്. കുടിയാന്മാരെ ഒഴിപ്പിച്ച് ഭൂമി നേരിട്ട് കൈവശപ്പെടുത്താനുള്ള ജന്മിമാരുടെ പദ്ധതി പരാജയപ്പെടുത്തുകയായിരുന്നു ഇതിൻ്റെ പ്രധാന ലക്ഷ്യം. കുടിയാൻ്റെ നിർവചനവും പാട്ടം വ്യവസ്ഥയുടെ പൂർണ്ണമായ വിശദീകരണവും ഇതിൽ ഉൾപ്പെടുത്തിയിരിക്കുന്നു. കുടികിടപ്പുകാരൻ്റെ അവകാശങ്ങൾക്ക് പ്രാധാന്യം നൽകിക്കൊണ്ടുള്ള എല്ലാ നിയമങ്ങളുടെയും വിശദമായ അവലോകനം ഈ പുസ്തകത്തിൽ ഉൾപ്പെടുത്തിയിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഭൂപരിഷ്ക്കരണ വ്യവസ്ഥകൾ
• പ്രസിദ്ധീകരണ വർഷം: 1970
• അച്ചടി: മിനർവാ പ്രസ്സ്, തിരുവനന്തപുരം
• താളുകളുടെ എണ്ണം: 400
• സ്കാൻ ലഭ്യമായ ഇടം: കണ്ണി

1968 – ൽ പ്രസിദ്ധീകരിച്ച, എൻ.ജെ. പള്ളിക്കത്തൈ രചിച്ച എക്യുമെനിസം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

വിവിധ ക്രൈസ്തവ സഭകൾ തമ്മിലുള്ള ഭിന്നതകൾ കുറച്ച് ഐക്യം സ്ഥാപിക്കാനുള്ള ലക്ഷ്യവുമായി രൂപമെടുത്ത ആശയമാണ് എക്യുമെനിസം. ആത്മീയവും സാമൂഹികവുമായ തലങ്ങളെ സ്വാധീനിക്കുന്ന ചിന്താധാരയാണ് ഇത്. വിശ്വാസത്തിലും ആചാരങ്ങളിലും ഉള്ള വ്യത്യാസങ്ങളെ മാനിച്ചുകൊണ്ട് പരസ്പര സഹകരണവും ഏകതയും വളർത്തുകയാണ് ഇതിൻ്റെ ലക്ഷ്യം. മനുഷ്യസ്നേഹവും സമാധാനവും പ്രോത്സാഹിപ്പിക്കുന്ന ഈ ആശയം, ക്രൈസ്തവ ലോകത്തെ ഒരുമയിലേക്ക് നയിക്കുന്ന പ്രധാനപ്പെട്ട ശ്രമമായി കണക്കാക്കപ്പെടുന്നു. എക്യുമെനിസത്തിൻ്റെ ചരിത്രം ഈ പുസ്തകത്തിൽ വിവരിക്കുന്നു. ഈ ലക്ഷ്യത്തിന് വേണ്ടി വിവിധ നൂറ്റാണ്ടുകളിൽ നടന്ന പരിശ്രമങ്ങളും ഓരോ സഭകളുടെ സംഭാവനകളും ഈ ഗ്രന്ഥത്തിൽ ഉൾപ്പെടുത്തിയിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: എക്യുമെനിസം
• പ്രസിദ്ധീകരണ വർഷം: 1968
• അച്ചടി: ജെ.എം. പ്രസ്സ്, ആലുവ
• താളുകളുടെ എണ്ണം: 440
• സ്കാൻ ലഭ്യമായ ഇടം: കണ്ണി

1961 – ൽ പ്രസിദ്ധീകരിച്ച, ഫാദർ വിക്ടർ രചിച്ച സാമൂഹ്യശാസ്ത്രം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ക്രിസ്ത്യൻ സോഷ്യോളജി എന്ന ഇംഗ്ലീഷ് പുസ്തകത്തിൻ്റെ വിവർത്തനമാണ് ഈ ഗ്രന്ഥം. ക്രിസ്ത്യൻ വീക്ഷണ കോണിലൂടെയും ബൈബിൾ തത്ത്വങ്ങളിലൂടെയും സമൂഹത്തെയും സാമൂഹിക പെരുമാറ്റങ്ങളെയും നിരീക്ഷിക്കുകയാണ് ഇവിടെ. സാമൂഹ്യശാസ്ത്രത്തിൻ്റെ പ്രാധാന്യവും പഠന പശ്ചാത്തലവും ഇതിൽ വിവരിക്കുന്നു. അതോടൊപ്പം കത്തോലിക്കാ സാമൂഹ്യശാസ്ത്രത്തിൻ്റെ നിർവചനവും വിശദീകരണവും ഉൾപ്പെടുത്തിയിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: സാമൂഹ്യശാസ്ത്രം
• പ്രസിദ്ധീകരണ വർഷം: 1961
• താളുകളുടെ എണ്ണം: 112
• സ്കാൻ ലഭ്യമായ ഇടം: കണ്ണി

1969 – ൽ പ്രസിദ്ധീകരിച്ച, ശങ്കരാചാര്യർ രചിച്ച അപരോക്ഷാനുഭൂതി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ശങ്കരാചാര്യർ രചിച്ച അദ്വൈത വേദാന്ത ഗ്രന്ഥമാണ് അപരോക്ഷാനുഭൂതി. ‘അപരോക്ഷ’ എന്നാൽ പ്രത്യക്ഷമായത് അല്ലെങ്കിൽ പരോക്ഷമല്ലാത്തത് എന്നും, ‘അനുഭൂതി’ എന്നാൽ അനുഭവം എന്നും അർത്ഥമാക്കുന്നു. ആത്മാവ് അഥവാ ബ്രഹ്മം എന്നത് മറ്റൊരാൾ പറഞ്ഞു മനസ്സിലാക്കേണ്ടതല്ല, മറിച്ച് സ്വയം നേരിട്ട് അനുഭവിക്കേണ്ടതാണെന്ന് ഈ ഗ്രന്ഥം വ്യക്തമാക്കുന്നു. ആത്മാവ് ബ്രഹ്മം തന്നെയാണ് എന്ന നേരിട്ടുള്ള ബോധമാണ് അപരോക്ഷാനുഭൂതി. ജീവാത്മാവും പരമാത്മാവും ഒന്നാണെന്നും ലോകം മിഥ്യയാണെന്നുമുള്ള അദ്വൈത തത്വവും ഇതിൽ വിവരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: അപരോക്ഷാനുഭൂതി
• പ്രസിദ്ധീകരണ വർഷം: 1969
• അച്ചടി: ശിവ പ്രസ്സ്, കോട്ടനാട്
• താളുകളുടെ എണ്ണം: 112
• സ്കാൻ ലഭ്യമായ ഇടം: കണ്ണി

1956 – ൽ പ്രസിദ്ധീകരിച്ച, വള്ളത്തോൾ നാരായണമേനോൻ വിവർത്തനം തയ്യാറാക്കിയ ഋഗ്വേദസംഹിത – വാള്യം 2 എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മതപരമായും സംസ്കാരപരമായും സാഹിത്യപരമായും ഭാരതത്തിലെ ഏറ്റവും പ്രധാനപ്പെട്ട ഗ്രന്ഥമാണ് ഋഗ്വേദം. വളർന്നുവരുന്ന ഒരു സമുദായത്തിൻ്റെ ജീവിതം ഇതിൽ പ്രതിഫലിച്ചു കാണാം. ആദ്ധ്യാത്മിക ജ്ഞാനത്തിൻ്റെ നിധിയായും ഋഗ്വേദത്തെ പരിഗണിക്കുന്നു. നാലു വേദങ്ങളിൽ ഏറ്റവും പ്രധാനം എന്ന് കരുതപ്പെടുന്നതും ഋഗ്വേദം തന്നെയാണ്. ഋഗ്വേദ സൂക്തങ്ങൾ ഭൂരിഭാഗവും സ്തുതികളാണ്. ദേവന്മാരെ സ്തുതിച്ച് പ്രീതിപ്പെടുത്തി അവരോട് ചെയ്യുന്ന പ്രാർത്ഥനകളാണ്. അങ്ങനെയല്ലാത്ത ചില സൂക്തങ്ങളും ഈ കൃതിയിൽ ഉൾപ്പെടുന്നു. രചിക്കപ്പെട്ട കാലം ഏതെന്ന് ഇപ്പോഴും വ്യക്തമല്ലാത്ത ഈ കൃതിയുടെ സാരാംശം പുതിയ തലമുറയ്ക്ക് കൂടി പ്രയോജനപ്പെടുന്ന രീതിയിലുള്ള വിവർത്തനമാണ് വള്ളത്തോൾ നാരായണമേനോൻ നടത്തിയിട്ടുള്ളത്. രണ്ടും മൂന്നും നാലും അഞ്ചും മണ്ഡലങ്ങളാണ് രണ്ടാം വാള്യത്തിൽ ഉൾപ്പെടുത്തിയിരിക്കുന്നത് .

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഋഗ്വേദസംഹിത – വാള്യം 2
• പ്രസിദ്ധീകരണ വർഷം: 1956
• അച്ചടി: വള്ളത്തോൾ പ്രിൻ്റിംഗ് & പബ്ലിഷിംഗ് ഹൗസ്, തൃശ്ശിവപേരൂർ
• താളുകളുടെ എണ്ണം: 484
• സ്കാൻ ലഭ്യമായ ഇടം: കണ്ണി

1965 – ൽ പ്രസിദ്ധീകരിച്ച, അമേരിക്കൻ ജനതയുടെ സമ്പദ്‌വ്യവസ്ഥ – പുരോഗതി, പ്രശ്‌നങ്ങൾ, ഭാഗധേയങ്ങൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അമേരിക്കൻ സമ്പദ്‌വ്യവസ്ഥയെ ലളിതമായി വിശദീകരിക്കുന്ന പുസ്തകമാണിത്. അമേരിക്കൻ സമ്പദ്‌വ്യവസ്ഥയുടെ സ്വഭാവം, അതിൻ്റെ വളർച്ച, ഉയർന്ന ഉൽപാദനക്ഷമതയും ജീവിതനിലവാരവും എങ്ങനെ കൈവരിച്ചു എന്നതും ഇതിൽ വിശദീകരിക്കുന്നു. കൂടാതെ, കമ്മ്യൂണിസ്റ്റ് പ്രവചനങ്ങൾക്കു വിരുദ്ധമായി ഈ വ്യവസ്ഥ എങ്ങനെ നിലനിന്നു എന്നതും പരിശോധിക്കുന്നു. ഈ പഠനം അമേരിക്കൻ സമ്പദ്‌വ്യവസ്ഥയുടെ പ്രധാന പ്രശ്നങ്ങളും ഭാവി സാധ്യതകളും വിശകലനം ചെയ്യുന്നു. വിദേശ രാജ്യങ്ങളിൽ നിന്നുള്ള വിദ്യാർത്ഥികൾക്കും നേതാക്കൾക്കും എളുപ്പത്തിൽ മനസ്സിലാക്കാൻ കഴിയുന്ന രീതിയിൽ തയ്യാറാക്കിയതാണ് ഈ പുസ്തകം. നാഷണൽ പ്ലാനിംഗ് അസോസിയേഷൻ്റെ പരിചയവും നിഷ്പക്ഷതയും ഈ പഠനത്തിന് വിശ്വാസ്യത നൽകുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: അമേരിക്കൻ ജനതയുടെ സമ്പദ്‌വ്യവസ്ഥ – പുരോഗതി, പ്രശ്‌നങ്ങൾ, ഭാഗധേയങ്ങൾ
• പ്രസിദ്ധീകരണ വർഷം: 1965
• അച്ചടി: ശ്രീരാമവിലാസം പ്രസ്സ്, കൊല്ലം
• താളുകളുടെ എണ്ണം: 328
• സ്കാൻ ലഭ്യമായ ഇടം: കണ്ണി

1946 – ൽ പ്രസിദ്ധീകരിച്ച, റവ.കെ. മാർക്ക് രചിച്ച ഫാത്തിഹാനിരൂപണം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അൽ-ഫാത്തിഹ ഖുർആനിലെ ആദ്യ സൂറത്ത് ആണ്. ഇതിനെ ഉമ്മുൽ കിതാബ് (ഗ്രന്ഥത്തിൻ്റെ മാതാവ്) എന്നും വിളിക്കുന്നു. ഇസ്‌ലാമിൽ എല്ലാ നമസ്കാരങ്ങളിലും നിർബന്ധമായി വായിക്കുന്ന ഏറ്റവും പ്രധാനപ്പെട്ട അധ്യായമാണ് ഇത്. പ്രസ്തുത പ്രാർത്ഥനയുടെ വിശദമായ വ്യാഖ്യാനമാണ് ഈ പുസ്തകം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഫാത്തിഹാനിരൂപണം
• പ്രസിദ്ധീകരണ വർഷം: 1946
• അച്ചടി: ബേസൽ മിഷൻ പ്രസ്സ്, മാംഗ്ലൂർ
• താളുകളുടെ എണ്ണം: 54
• സ്കാൻ ലഭ്യമായ ഇടം: കണ്ണി