1948 – ൽ പ്രസിദ്ധീകരിച്ച, എസ്സ്.വി. നായർ രചിച്ച ഇൻഡ്യയിലെ വീരാത്മാക്കൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1948 – ഇൻഡ്യയിലെ വീരാത്മാക്കൾ – എസ്സ്.വി. നായർ
ഇന്ത്യൻ സ്വാതന്ത്ര്യസമര പോരാട്ടത്തിൽ നിർണ്ണായക പങ്കുവഹിച്ച മഹാത്മാഗാന്ധി, ജവഹർലാൽ നെഹ്റു, സി. രാജഗോപാലാചാരി, ഖാൻ അബ്ദുൽ ഗാഫർ ഖാൻ, സുഭാഷ് ചന്ദ്രബോസ് തുടങ്ങിയ പ്രമുഖ ദേശീയ നേതാക്കളുടെ ജീവചരിത്രങ്ങളും സ്വാതന്ത്ര്യസമര ചരിത്രത്തിലെ സുപ്രധാന സംഭവങ്ങളും വിശദമാക്കുന്ന ഒരു ഗ്രന്ഥമാണിത്. ആർ. നാരായണപ്പണിക്കരുടെയും എം.ആർ. വേലുപ്പിള്ള ശാസ്ത്രിയുടെയും ലേഖനങ്ങൾ ഇതിൽ ഉൾപ്പെടുന്നു.
വി.കെ. രാമൻ മേനോൻ രചിച്ച പാലിയത്ത് ഗോവിന്ദൻ വലിയച്ചൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1948 – പാലിയത്ത് ഗോവിന്ദൻ വലിയച്ചൻ – വി.കെ. രാമൻ മേനോൻ
വി.കെ. രാമൻമേനോൻ രചിച്ച ഈ ചരിത്രഗ്രന്ഥം, കൊച്ചി രാജ്യത്തിൻ്റെ പ്രധാനമന്ത്രിയായിരുന്ന പാലിയത്തു ഗോവിന്ദൻ വലിയച്ചൻ്റെ (ചേന്നപട്ടണത്ത് അച്ചൻ) ജീവചരിത്രവും അദ്ദേഹത്തിൻ്റെ ഭരണനൈപുണ്യവും കൊച്ചി-ബ്രിട്ടീഷ് ബന്ധ ചരിത്രത്തിലെ നിർണ്ണായക സംഭവങ്ങളും വിശദമായി പ്രതിപാദിക്കുന്നു. റസിഡൻ്റ് മെക്കാളെയുടെയും ശത്രുക്കളുടെയും രേഖകളെ മാത്രം ആധാരമാക്കി പല ചരിത്രകാരന്മാരും ഗോവിന്ദനച്ചനെ തെറ്റായി ചിത്രീകരിച്ച സാഹചര്യത്തിൽ, കൊച്ചി രാജാവിൻ്റെയും അച്ചൻ്റെയും ഔദ്യോഗിക കത്തുകളുടെ വെളിച്ചത്തിൽ സത്യസന്ധമായ ചരിത്രം പുറത്തുകൊണ്ടുവരികയാണ് ഈ പുസ്തകത്തിൻ്റെ പ്രധാന ലക്ഷ്യം. വേലുത്തമ്പി ദളവയുമായി ചേർന്ന് ബ്രിട്ടീഷ് അധിപത്യത്തിനെതിരെ പോരാടിയതും, രാജ്യസ്നേഹവും ധീരതയും മുൻനിർത്തി കൊച്ചി സ്വരൂപത്തിൻ്റെ സുരക്ഷയ്ക്കായി അദ്ദേഹം നടത്തിയ നയതന്ത്രപരമായ ഇടപെടലുകളും ഇതിൽ വ്യക്തമാക്കുന്നുണ്ട്.
1868 – ൽ പ്രസിദ്ധീകരിച്ച, സെറാഫ അമ്മ ൟശൊടെത്രെസ്യ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1868-സെറാഫ അമ്മൟശൊടെത്രെസ്യ
1868-ൽ മാന്നാനം അച്ചുക്കൂടത്തിൽ നിന്ന് പ്രസിദ്ധീകരിച്ച ‘സെറാഫ അമ്മൟശൊടെത്രെസ്യ’ (സെറാഫ അമ്മ ഈശോയുടെ ത്രേസ്യ,ആവിലായിലെ വിശുദ്ധ തെരേസയുടെ ജീവചരിത്രം) എന്ന പുസ്തകം, ഇറ്റാലിയൻ രേഖകളിൽ നിന്ന് പരിഭാഷപ്പെടുത്തി വിശുദ്ധ കുര്യാക്കോസ് ഏലിയാസ് ചാവറയ്ക്ക് സമർപ്പിച്ച ആത്മീയ ഗ്രന്ഥമാണ്. 1515 മാർച്ച് 28-ന് സ്പെയിനിലെ ആവിലായിൽ ദൈവഭയമുള്ള അലോൻസോ സാഞ്ചസ്, ദോന്ന ബിയാത്രിസ് ദമ്പതികളുടെ മകളായി ജനിച്ച തെരേസ, തനിക്കുള്ള വലിയ തറവാട്ടുമഹിമയും സമ്പത്തും വെടിഞ്ഞ് എളിമയോടെ ക്രിസ്തുവിനെ അനുഗമിച്ചതും, ഏഴാം വയസ്സിൽ തന്നെ രക്തസാക്ഷിത്വത്തിലൂടെ സ്വർഗ്ഗം പ്രാപിക്കാൻ ആഗ്രഹിച്ച് ആഴമുള്ള പ്രാർത്ഥനാജീവിതം നയിച്ചതും ഇതിൽ പ്രതിപാദിക്കുന്നു. യൂറോപ്പിൽ സഭ വെല്ലുവിളികൾ നേരിട്ട കാലത്ത് നവീകരണത്തിൻ്റെ പ്രകാശമായി മാറിയ വിശുദ്ധ തെരേസയുടെ ജീവിതമാതൃക, കേരളത്തിലെ കത്തോലിക്കാ സഭയിലെയും മൂന്നാം സഭയിലെയും വിശ്വാസികളിലേക്ക് പകർന്നുനൽകുക എന്നതായിരുന്നു ഈ ആദ്യകാല മലയാള അച്ചടിഗ്രന്ഥത്തിൻ്റെ പ്രധാന ലക്ഷ്യം.
മുതിർന്ന മലയാളപത്രപ്രവർത്തകനും സാഹിത്യ ചരിത്രകാരനുമായ പോൾ മണലിൽ ആണ് ആണ് ഈ പുസ്തകം ഡിജിറ്റൈസേഷനു വേണ്ടി നൽകിയത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
1947 – ൽ പ്രസിദ്ധീകരിച്ച, എസ്.കെ. ബാലകൃഷ്ണൻ രചിച്ച ലോകോപകാരികൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1947 – ലോകോപകാരികൾ – മൂന്നാം ഭാഗം – എസ്.കെ. ബാലകൃഷ്ണൻ
ലോകത്തെ ഇരുട്ടിൽ നിന്ന് വെളിച്ചത്തിലേക്ക് നയിച്ച ശാസ്ത്രജ്ഞരുടെയും കണ്ടുപിടുത്തക്കാരുടെയും ജീവിതം എപ്പോഴും പുതിയ തലമുറയ്ക്ക് ഒരു വലിയ വഴികാട്ടിയാണ്. അത്തരത്തിൽ മനുഷ്യകുലത്തിന് വലിയ സംഭാവനകൾ നൽകിയ വിജ്ഞാനപ്രദരായ ശാസ്ത്രപ്രതിഭകളെക്കുറിച്ച് പ്രതിപാദിക്കുന്ന ഒരു വിശിഷ്ട ജീവചരിത്ര സമാഹാരമാണ് ‘ലോകോപകാരികൾ’ (മൂന്നാം ഭാഗം). എസ്. കെ. ബാലകൃഷ്ണൻ രചിച്ച ഈ പുസ്തകം. 1947-ൽ കോഴിക്കോട്ടെ കെ.ആർ. ബ്രദേഴ്സ് ആണ് പ്രസിദ്ധീകരിച്ചത്. അക്കാലത്ത് സ്കൂൾ പഠനത്തിനായി മദ്രാസ് ടെക്സ്റ്റ് ബുക്ക് കമ്മിറ്റിയുടെ പ്രശസ്തമായ അംഗീകാരം നേടിയ ഒരു മികച്ച ഗ്രന്ഥം കൂടിയാണിത്.
ഈ പുസ്തകത്തിൽ ലോകത്തെ മാറ്റിമറിച്ച ആറ് മഹത് വ്യക്തികളുടെ ജീവചരിത്രങ്ങൾ വിശദമായി ഉൾപ്പെടുത്തിയിരിക്കുന്നു. ആധുനിക അച്ചടിയന്ത്രത്തിൻ്റെ കണ്ടുപിടുത്തത്തിലൂടെ അറിവും പുസ്തകങ്ങളും സാർവത്രികമാക്കിയ ജോൺ ഗട്ടൻബർഗ്ഗ്, വാതകദീപം വികസിപ്പിച്ച് ഇരുളടഞ്ഞ തെരുവുകളെയും വീടുകളെയും വെളിച്ചത്തിലാക്കിയ വില്യം മർഡോക്ക്, മൈക്രോബയോളജി രംഗത്തെ ഗവേഷണങ്ങളിലൂടെ രോഗാണുക്കളെ കണ്ടെത്തി മനുഷ്യജീവൻ രക്ഷിക്കാൻ പോരാടിയ ലൂയി പാസ്റ്റർ എന്നിവരുടെ ജീവചരിത്രങ്ങൾ വായനക്കാർക്ക് വലിയ അറിവും പ്രചോദനവും പകരന്നു.
കൂടാതെ, ടെലിഫോൺ കണ്ടുപിടിച്ച് ദൂരശ്രവണത്തിൻ്റെയും ആശയവിനിമയത്തിൻ്റെയും രംഗത്ത് വലിയ വിപ്ലവം സൃഷ്ടിച്ച അലക്സാണ്ടർ ഗ്രഹാംബെൽ, റേഡിയം കണ്ടുപിടിക്കുകയും രണ്ടുതവണ നോബൽ സമ്മാനം നേടി ചരിത്രം കുറിക്കുകയും ചെയ്ത മഹതിയായ മദാം ക്യൂറി, ഭാരതീയ രസതന്ത്രത്തിൻ്റെ പിതാവും വ്യവസായ രംഗത്ത് വലിയ മാറ്റങ്ങൾ കൊണ്ടുവരുകയും ചെയ്ത സർ. സി.പി. റോയി (പ്രഫുല്ല ചന്ദ്ര റോയി) എന്നിവരുടെ ജീവിതയാത്രയും ഈ കൃതിയിൽ പ്രതിപാദിക്കുന്നുണ്ട്.
വളരെ ലളിതമായ ഭാഷാശൈലിയും വായിച്ചു മനസ്സിലാക്കാൻ എളുപ്പമുള്ള അവതരണവുമാണ് ഈ പുസ്തകത്തിൻ്റെ പ്രധാന ആകർഷണം. പ്രതികൂല സാഹചര്യങ്ങളോട് പൊരുതി വിജയം വരിച്ച ഈ മഹത്വ്യക്തികളുടെ ജീവിതം വായനക്കാരിൽ നിശ്ചയദാർഢ്യവും അധ്വാനശീലവും ആത്മവിശ്വാസവും വളർത്താൻ വളരെയധികം സഹായിക്കും.
1927 – ൽ പ്രസിദ്ധീകരിച്ച ശ്രീ ഹോരാശാസ്ത്രം – ഒന്നാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1924 – ശ്രീ ഹോരാശാസ്ത്രം – ഒന്നാം ഭാഗം
ജ്യോതിശാസ്ത്രത്തിലെ പ്രധാനപ്പെട്ട ഒരു സ്കന്ധമാണ് ‘ഹോര’. ജനനസമയത്തെ ഗ്രഹസ്ഥിതി പ്രമാണമാക്കി മനുഷ്യജീവിതത്തിലെ ഫലങ്ങളെ നിരൂപിക്കുകയാണ് ഇതിൻ്റെ പ്രതിപാദ്യവിഷയം. ഭാരതീയ ജ്യോതിഷത്തിലെ ഫലഭാഗ ജ്യോതിഷത്തെക്കുറിച്ചുള്ള (Predictive Astrology) ഏറ്റവും സമഗ്രവും പ്രാമാണികവുമായ പ്രമാണ ഗ്രന്ഥമാണ് ക്രിസ്തുവർഷം ആറാം നൂറ്റാണ്ടിൽ വരാഹമിഹിരൻ സംസ്കൃതത്തിൽ രചിച്ച ബൃഹത് ജാതകം (ഹോരാശാസ്ത്രം). ഒരു വ്യക്തിയുടെ ജനന സമയത്തെ ഗ്രഹനില ആസ്പദമാക്കി അയാളുടെ സ്വഭാവം, ആയുർദായം, വിവിധ യോഗങ്ങൾ, തൊഴിൽ, ദശാഫലങ്ങൾ എന്നിവ പ്രവചിക്കുന്നതിനുള്ള ജാതകശാസ്ത്ര നിയമങ്ങളാണ് ഈ ഗ്രന്ഥത്തിൻ്റെ പ്രധാന ഉള്ളടക്കം. കഠിനമായ സംസ്കൃത ശ്ലോകങ്ങളിലുള്ള ഈ കൃതിയെ സാധാരണക്കാർക്കും ജ്യോതിഷ പഠിതാക്കൾക്കും സുഗമമായി മനസ്സിലാക്കാവുന്ന രീതിയിൽ പത്തൊൻപതാം നൂറ്റാണ്ടിലെ പ്രമുഖ പണ്ഡിതനായ വിദ്വാൻ കൈക്കുളങ്ങര രാമവാര്യർ മലയാളത്തിലേക്ക് മാറ്റിയെഴുതി. ‘ഹൃദ്യപഥാ’ (ഹൃദ്യപദം) എന്ന പേരിൽ അദ്ദേഹം തയ്യാറാക്കിയ ഈ ലളിതവും ആധികാരികവുമായ ഭാഷാവ്യാഖ്യാനം, കേരളത്തിലെ ജ്യോതിഷ പ്രവചന രംഗത്തും പഠന ശാഖയിലും ഇന്നും ഏറ്റവും മികച്ച റഫറൻസ് ഗ്രന്ഥമായി നിലകൊള്ളുന്നു.
1940 ഒക്ടോബർ മുതൽ 1941 ജൂലൈ വരെ പ്രസിദ്ധീകരിച്ച, രാജർഷി മാസികയുടെ പുസ്തകം 07ലെ 10 ലക്കങ്ങളുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1940-1941 – ഒക്ടോബർ-ജൂലൈ – രാജർഷി മാസിക – പുസ്തകം 07 – ലക്കം 03-12
1895 മുതൽ 1914 വരെ കൊച്ചി രാജ്യം ഭരിച്ചിരുന്ന വലിയ തമ്പുരാൻ രാമവർമ്മ പതിനഞ്ചാമൻ പരിഷ്കരണവാദ തീക്ഷ്ണതയ്ക്ക് പേരുകേട്ടതിനാൽ രാജർഷി എന്ന് അറിയപ്പെട്ടിരുന്നു. അദ്ദേഹത്തിൻ്റെ സ്മരണയ്ക്കായി നടത്തിവന്നിരുന്ന മാസികയാണ് രാജർഷി.
സാഹിത്യ നിരൂപണങ്ങൾ, സാമൂഹീക പ്രസക്തിയുള്ള ലേഖനങ്ങൾ, ചെറുകഥകൾ, കവിതകൾ, സാഹിത്യകലാരംഗങ്ങളെ പ്രോത്സാഹിപ്പിക്കുന്ന ലേഖനങ്ങൾ എന്നിവയാണ് ഈ മാസികയിൽ ഉൾപ്പെടുത്തിയിരിക്കുന്നത്.
സർദാർ കെ എം പണിക്കർ പോലുള്ള പ്രസിദ്ധരായവരുടെ ലേഖനങ്ങൾ, രാജാവിനെ പ്രശംസിച്ചുള്ള മംഗളഗാനങ്ങൾ പോലുളളവ ഈ മാസികയിൽ കാണാവുന്നതാണ്.
തിരുവനന്തപുരം ജില്ലയിലെ മലയിൻകീഴ് ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ മാസിക ഡിജിറ്റൈസേഷനായി ലഭ്യമായത്
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
പേര്: രാജർഷി മാസിക
പ്രസിദ്ധീകരണ വർഷം: 1940,1941
സ്കാൻ ലഭ്യമായ ഇടം: കണ്ണി
1955 – ൽ പ്രസിദ്ധീകരിച്ച, ജെ. ഹില്ലാരിയോൻ രചിച്ച കേരളത്തിലെ കർമ്മെലാരാമം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1955 – കേരളത്തിലെ കർമ്മെലാരാമം – ജെ. ഹില്ലാരിയോൻ
കേരള കർമ്മലീത്താ സുറിയാനി സഭയുടെ കാനോനിക സ്ഥാപനത്തിൻ്റെ ശതാബ്ദിപൂർത്തി സ്മാരകമായി ജൂബിലി ആഘോഷക്കമ്മിറ്റി പ്രസിദ്ധീകരിച്ചതാണ് കേരളത്തിലെ കർമ്മെലാരാമം അഥവാ കേരള സുറിയാനി കർമ്മെലീത്താ സഭയുടെ സേവനചരിത്ര സംഗ്രഹം എന്ന ഈ പുസ്തകം. കേരളത്തിൽ കർമ്മെലീത്താ പാരമ്പര്യം രൂപപ്പെട്ടതിന്റെ പശ്ചാത്തലവും അതിൻ്റെ വളർച്ചയും വിവിധ കേന്ദ്രങ്ങളിലേക്കുള്ള വ്യാപനവും ഗ്രന്ഥം പ്രതിപാദിക്കുന്നു. വൈദികരും സന്യാസികളും നടത്തിയ ആത്മീയ ശുശ്രൂഷ, വിദ്യാഭ്യാസ പ്രവർത്തനം, മിഷൻ പ്രവർത്തനം, സ്ഥാപനങ്ങളുടെ രൂപീകരണം തുടങ്ങിയവയും ഇതിൽ ഉൾപ്പെടുന്നു. കേരളത്തിലെ ക്രൈസ്തവ സമൂഹത്തിൻ്റെ ചരിത്രപരമായ വികാസത്തിൽ കർമ്മെലീത്താ സമൂഹം വഹിച്ച പങ്കാണ് ഗ്രന്ഥത്തിൻ്റെ പ്രധാന പ്രമേയം. ആമുഖം, മാന്നാനാം കുന്ന്, തിരുസ്സഭയിലെ മലർവാടികൾ,സഭയുടെ ഭരണക്രമം, സഭാംഗത്വം, സഭാംഗത്വം, കേരളത്തിലെ മരിയാരാമം എന്നീ അധ്യായങ്ങൾക്ക് പുറമെ സഭയുടേ വിനീതസേവനങ്ങളായ ധ്യാനപ്രസംഗപ്രസ്ഥാനം, ഇടവക ഭരണം, ആരാധനക്രമപരിഷ്കരണം, സന്യാസിനീ സമൂഹ സ്ഥാപനം, മതപ്രചരണപ്രസ്ഥാനം, മിഷ്യൻ പ്രവർത്തനം, വൈദികസെമ്മിനാരികൾ,വിദ്യാഭ്യാസരംഗം, സാമൂഹ്യപ്രവർത്തനങ്ങൾ, സാഹിത്യ സേവനങ്ങൾ എന്നീ വിഷയങ്ങളും ഉൾക്കൊള്ളിച്ചിരിക്കുന്നു.
1965 – ൽ പ്രസിദ്ധീകരിച്ച, സി.വി. കുഞ്ഞുരാമൻ രചിച്ച ആശാൻ സ്മരണകൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1965 – ആശാൻ സ്മരണകൾ – സി.വി. കുഞ്ഞുരാമൻ
സി. വി. കുഞ്ഞുരാമൻ രചിച്ച ‘ആശാൻസ്മരണകൾ’ എന്ന അമൂല്യ ഗ്രന്ഥം മഹാകവി കുമാരനാശാൻ്റെ കാവ്യപ്രപഞ്ചത്തെയും വ്യക്തിജീവിതത്തെയും അടുത്തറിയാൻ ആഗ്രഹിക്കുന്ന ഏതൊരു സാഹിത്യസ്നേഹിയും തീർച്ചയായും വായിച്ചിരിക്കേണ്ട ഒന്നാണ്. മഹാകവിയുമായുള്ള ദീർഘകാലത്തെ വ്യക്തിബന്ധം മുൻനിർത്തി ഗ്രന്ഥകാരൻ തയ്യാറാക്കിയ ഓർമ്മക്കുറിപ്പുകളും, ‘ദുരവസ്ഥ’, ‘നളിനി’, ‘കുചേലവൃത്തം’ തുടങ്ങിയ പ്രശസ്ത ആശാൻ കൃതികളുടെ ആഴത്തിലുള്ള സാഹിത്യനിരൂപണങ്ങളുമാണ് ഈ ലേഖനസമാഹാരത്തിൻ്റെ പ്രധാന ആകർഷണം. കേവലം ഒരു സ്മരണാവലി എന്നതിലുപരി, അരനൂറ്റാണ്ട് മുമ്പുള്ള കേരളീയ സാമൂഹികാവസ്ഥകൾ, അന്നത്തെ പത്രപ്രവർത്തനം, നവോത്ഥാന പ്രസ്ഥാനങ്ങൾ, അക്കാലത്ത് സാഹിത്യലോകത്ത് അലയടിച്ച ചൂടുപിടിച്ച വാദപ്രതിവാദങ്ങൾ എന്നിവയെല്ലാം സി. വി. കുഞ്ഞുരാമൻ്റെ മൂർച്ചയേറിയ ഗദ്യശൈലിയിൽ ഇതിൽ തെളിഞ്ഞുനിൽക്കുന്നു. അതോടൊപ്പം തന്നെ, ആശാൻ്റെ പല്ലനയിലെ ദാരുണമായ ബോട്ടപകട മരണത്തെക്കുറിച്ചും ആ അകാല വിയോഗം സൃഷ്ടിച്ച അപരിഹാര്യമായ ശൂന്യതയെക്കുറിച്ചുമുള്ള ഹൃദയസ്പർശിയായ കുറിപ്പുകൾ വായനക്കാരെ ഏറെ ആഴത്തിൽ സ്പർശിക്കുന്നവയാണ്. ചുരുക്കത്തിൽ, ആശാൻ്റെ കാവ്യമേന്മയെയും വ്യക്തിത്വത്തെയും ചരിത്രപശ്ചാത്തലത്തിൽ വച്ച് വിലയിരുത്തുന്ന ഈ കൃതി മലയാള സാഹിത്യത്തിലെ എക്കാലത്തെയും മികച്ച ഒരു സ്മരണാഗ്രന്ഥമാണ്.
1929-1930 വർഷങ്ങളിൽ പ്രസിദ്ധീകരിച്ച പ്രബുദ്ധകേരളം മാസികയുടെ പുസ്തകം 15ലെ 12 ലക്കങ്ങളുടെ സ്കാനാണ് ഈ പോസ്റ്റിലൂടെ ഒരുമിച്ച് പങ്കു വയ്ക്കുന്നത്.
1929-1930 – ഒക്ടോബർ-സെപ്റ്റംബർ – പ്രബുദ്ധകേരളം മാസിക – പുസ്തകം 15 – ലക്കം 01-12
പ്രബുദ്ധകേരളം കേരളത്തിലെ ശ്രീരാമകൃഷ്ണ പ്രസ്ഥാനത്തിൻ്റെ (Ramakrishna Order) മുഖപത്രമായി പ്രസിദ്ധീകരിക്കുന്ന ഒരു മലയാള ആധ്യാത്മിക മാസികയാണ്. 1915 ഒക്ടോബർ 17ന് കൊല്ലത്ത് വെച്ച് നിർമ്മലാനന്ദ സ്വാമികളാണ് ഇത് ആരംഭിച്ചത്. കൊല്ലത്ത് തുടക്കം കുറിച്ച മാസികയുടെ ഓഫീസ് പിന്നീട് തിരുവനന്തപുരം, ആലപ്പുഴ, ഒറ്റപ്പാലം, കാലടി എന്നീ സ്ഥലങ്ങളിൽ പ്രവർത്തിച്ച ശേഷം 1964 മുതൽ തൃശൂരിലേക്ക് (ശ്രീരാമകൃഷ്ണ അശ്രമം) മാറ്റി സ്ഥാപിച്ചു. 1916 ൽ ശ്രീനാരായണ ഗുരു പ്രബുദ്ധ കേരളത്തിലൂടെയാണ് താൻ യാതൊരു ജാതിയുടെയോ മതത്തിന്റെയോ മറ്റു വിഭാഗത്തിൻ്റെയോ പ്രതിനിധിയല്ലെന്നുള്ള വിളംബരം പ്രഖ്യാപിച്ചത്.
പ്രബുദ്ധകേരളം മാസിക പുസ്തകം 15ലെ ഒന്ന് മുതൽ എട്ട് വരയുള്ള ലക്കങ്ങൽ തുടങ്ങുന്നത് ശ്രീരാമകൃഷ്ണോപദേശം എന്നത് കൊണ്ടും ഒൻപത് മുതൽ പന്ത്രണ്ട് വരെ ശിവസ്തുതി കൊണ്ടുമാണ്. ആത്മീയമായ ധാരാളം ലേഖനങ്ങൾ കൊണ്ട് സമ്പന്നമാണ് ഈ മാസിക.
തിരുവനന്തപുരം ജില്ലയിലെ മലയിൻകീഴ് ശ്രീകൃഷ്ണ വിലാസം ലൈബ്രറിയിൽ നിന്നാണ് ഈ മാസിക ഡിജിറ്റൈസേഷനായി ലഭ്യമായത്
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
1927 – ൽ പ്രസിദ്ധീകരിച്ച ഈ.വി. കൃഷ്ണപിള്ള രചിച്ച കേളീസൗധം – മൂന്നാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1927 – കേളീസൗധം – മൂന്നാം ഭാഗം – ഈ.വി. കൃഷ്ണപിള്ള
മലയാള സാഹിത്യത്തിലെ പ്രമുഖ സാഹിത്യകാരനായിരുന്ന ഇ.വി. കൃഷ്ണപിള്ള രചിച്ച അൻപതോളമുള്ള കഥകൾ ഉൾക്കൊള്ളുന്ന സുപ്രധാനമായ ഒരു ആദ്യകാല ചെറുകഥാ സമാഹാരമാണ് ‘കേളീസൗധം’. നാലു ഭാഗങ്ങളായി ക്രോഡീകരിച്ച് പ്രസിദ്ധീകരിച്ച ഈ കൃതി, മലയാള ചെറുകഥയുടെ വളർച്ചാഘട്ടത്തെ അടയാളപ്പെടുത്തുന്ന ഒന്നാണ്. തൻ്റെ പതിനാലാമത്തെ വയസ്സു മുതൽ ഇ.വി. കൃഷ്ണപിള്ള വിവിധ പത്രങ്ങളിലും മാസികകളിലും എഴുതിയിരുന്ന കഥകളാണ് ഈ സമാഹാരത്തിന് അടിത്തറ പാകിയത്. അദ്ദേഹത്തിൻ്റെ ഭാര്യയുടെ പ്രസാധിപത്യത്തിൽ കുന്നംകുളത്തുനിന്നും പുറപ്പെട്ടിരുന്ന ‘കഥാകൗമുദി’ എന്ന മാസികയിൽ അച്ചടിച്ചുവന്ന കഥകളാണ് ഇതിൽ ഭൂരിഭാഗവും. അദ്ദേഹം രചിച്ച ചില ആദ്യകാല കഥകൾ കണ്ടെത്താൻ കഴിയാത്തതിനാലും, മറ്റു ചിലത് അദ്ദേഹത്തിൻ്റെ ശൈലിയോട് യോജിക്കാത്തതിനാലും ലഭ്യമായ മികച്ച കഥകൾ മാത്രമാണ് ഇതിൽ ഉൾപ്പെടുത്തിയിട്ടുള്ളത്.
സമുദായം, ചരിത്രം, കുറ്റാന്വേഷണം, ഉപഹാസം തുടങ്ങി വൈവിധ്യമാർന്ന വിഷയങ്ങളാണ് ഈ കഥകൾക്ക് പ്രമേയമായി സ്വീകരിച്ചിട്ടുള്ളത്.
