1924 – ൽ പ്രസിദ്ധീകരിച്ച, സി.കെ. നമ്പ്യാർ രചിച്ച രാജധർമ്മം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1924 – രാജധർമ്മം – സി.കെ. നമ്പ്യാർ
ഭാഗവതത്തിൽ പരാമർശിച്ചിട്ടുള്ള അംബരീഷ മഹാരാജാവിൻ്റെ കഥയാണ് ഈ കാവ്യത്തിലെ പ്രതിപാദ്യം. അംബരീഷ കഥ ബംഗാളി ഭാഷയിലാണ് വിശദമായി അവതരിപ്പിക്കപ്പെട്ടിട്ടുള്ളത്. ആ കഥ മലയാള സാഹിത്യത്തിൽ പരിചയപ്പെടുത്തണമെന്ന ലക്ഷ്യമാണ് കാവ്യരചനയ്ക്ക് പിന്നിലുള്ളത്. ദ്വിതീയാക്ഷരപ്രാസം പാലിച്ചു പോകുന്ന രാജധർമ്മം ആഖ്യാനശൈലികൊണ്ടും രചനയിലെ ലാളിത്യം കൊണ്ടും ഏറെ ശ്രദ്ധേയമാണ്.
1930 – ൽ പ്രസിദ്ധീകരിച്ച, പന്തളം രാഘവവർമ്മതമ്പുരാൻ രചിച്ച രത്നപ്രഭ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1930 – രത്നപ്രഭ – പന്തളം രാഘവവർമ്മതമ്പുരാൻ
പന്തളം രാഘവവർമ്മതമ്പുരാൻ ആദ്യമായി പുസ്തകരൂപത്തിൽ പ്രസിദ്ധീകരിച്ച കൃതിയാണ് രത്നപ്രഭ. കാവ്യരചനയിലെ വർണ്ണനാ രീതികളെക്കുറിച്ച് വ്യത്യസ്ത അഭിപ്രായം നിലനിന്നിരുന്ന കാലഘട്ടത്തിൽ രചിക്കപ്പെട്ട കാവ്യമാണിത്. അതുകൊണ്ടുതന്നെ പരമ്പരാഗതമായ വർണ്ണനാ ശൈലിയുടെയും നവീന വർണ്ണനാ ശൈലിയുടെയും സവിശേഷതകൾ ഒരേപോലെ സ്വീകരിച്ചുകൊണ്ടാണ് ഈ കാവ്യം രചിച്ചിരിക്കുന്നത്.
1952 – ൽ ഗുരുവായൂർ ദേവസ്വം പ്രസിദ്ധീകരിച്ച, ഹൈന്ദവസംസ്കാരം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1952 – ഹൈന്ദവസംസ്കാരം
മൂന്നാം അഖിലകേരള ഹിന്ദുമത സംസ്കാരസമ്മേളനത്തിൻ്റെ റിപ്പോർട്ട് ആണിത്. ഗുരുവായൂർ ദേവസ്വത്തിൻ്റെ ആഭിമുഖ്യത്തിൽ നടന്ന സംസ്കാരസമ്മേളനത്തിലെ എല്ലാ പ്രസംഗങ്ങളും ഈ ഗ്രന്ഥത്തിൽ സമാഹരിക്കപ്പെട്ടിട്ടുണ്ട്.
1954 – ൽ പ്രസിദ്ധീകരിച്ച, എം.എസ്. മണി രചിച്ച ജനാധിപത്യം തിരു – കൊച്ചിയിൽ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1954 – ജനാധിപത്യം തിരു – കൊച്ചിയിൽ – എം.എസ്. മണി
ഐക്യകേരളം പിറവിയെടുക്കുന്നതിനു മുന്നോടിയായി തിരുവിതാംകൂർ, കൊച്ചി എന്നീ നാട്ടുരാജ്യങ്ങൾ സംയോജിപ്പിച്ച് ഇന്ത്യയിലെ ഒരു സംസ്ഥാനമായി നിലവിൽ വന്ന ഭൂവിഭാഗമാണ് തിരു-കൊച്ചി. അക്കാലത്തെ രാഷ്ട്രീയ സാഹചര്യങ്ങളെക്കുറിച്ചുള്ള വിശദമായ പഠനമാണ് ഈ ഗ്രന്ഥത്തിലുള്ളത്.
1937-ൽ പ്രസിദ്ധീകരിച്ച, മഹാദേവദേശായ് എഴുതിയ വേണാടിൻ്റെ വീരചരിതം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. മലയാളത്തിലേയ്ക്ക് വിവർത്തനം ചൈയ്തിരിക്കുന്നത് സി. നാരായണപിള്ള,കെ. പി. ശങ്കരമേനോൻ എന്നിവരാണ് .
1937 – വേണാടിൻ്റെ വീരചരിതം – മഹാദേവദേശായ്
“വേണാടിൻ്റെ വീരചരിതം” എന്ന പുസ്തകം 1937-ൽ മഹാദേവ് ദേശായി രചിച്ച വേണാട് രാഷ്ട്രീയ ചരിത്രത്തെ കേന്ദ്രീകരിച്ച് ഗാന്ധിയൻ പ്രസ്ഥാനങ്ങളുമായി ബന്ധപ്പെട്ട ഒരു രേഖയാണ്. ഇന്ത്യൻ സ്വാതന്ത്ര്യ സമരത്തിൽ സജീവ പങ്കാളിയും സാഹിത്യകാരനുമായ മഹാദേവ് ദേശായി മഹാത്മാ ഗാന്ധിയുടെ സന്തത സഹചാരിയും വ്യക്തിഗത സെക്രട്ടറിയുമായിരുന്നു. ഗാന്ധിജിയുടെ കേരള സന്ദർശനം, പ്രസംഗങ്ങൾ എന്നിവ അദ്ദേഹം രേഖപ്പെടുത്തിയിരുന്നു. ഈ പുസ്തകം ക്ഷേത്രപ്രവേശന വിളംബരം, ഗാന്ധിജിയുടെ കേരള സന്ദർശനം, അദ്ദേഹത്തിന്റെ പ്രസംഗങ്ങൾ എന്നിവയും ചേർത്ത് കേരളത്തിൽ ഉണ്ടായ രാഷ്ട്രീയ ഉണർവിനെ വിവരിക്കുന്നു .
ഒന്നാംഭാഗത്ത് തിരുവിതാംകൂറിലെ അയിത്താചാര നിർമാർജ്ജന ശ്രമങ്ങൾ എഴു അധ്യായങ്ങളിൽ കൂടി വിവരിക്കുന്നു; രണ്ടാംഭാഗം ഗാന്ധിജിയുടെ 1932 മുതൽ 35 വരെയുള്ള പ്രസംഗങ്ങൾ, ഹരിജൻ സഞ്ചാരം, തിരുവിതാംകൂർ തീർത്ഥാടനത്തിലെ 27 പ്രസംഗങ്ങൾ എന്നിവയും ഉൾക്കൊള്ളിച്ചിരിക്കുന്നു.ഗാന്ധിജി തിരുവിതാംകൂർ വിളംബരത്തെ തന്റെ പ്രാർത്ഥനയുടെ മറുപടിയായി കാണുന്നു. 1937-ലെ ജനുവരി തീർത്ഥാടനം പ്രാർത്ഥനകളാൽ നിറഞ്ഞതായിരുന്നു. മതസ്വാതന്ത്ര്യത്തിനായുള്ള അക്രമരഹിത സമരത്തിൻ്റെ സംക്ഷിപ്ത ചരിത്രം പറയുന്നു ഈ പുസ്തകം.
മലബാർ പ്രദേശത്തുള്ള ചില ആരാധനാസ്ഥലങ്ങളുടേയും മറ്റും ഐതിഹ്യകഥകളാണ് ഈ പുസ്തകത്തിലുള്ളത്. കൊട്ടാരത്തിൽ ശങ്കുണ്ണിയുടെ കൃതികളിൽ നിന്ന് പ്രചോദനം ഉൾക്കൊണ്ടിട്ടാണ് ഗ്രന്ഥകാരൻ ഐതിഹ്യരചന തുടങ്ങിയത് എന്ന് വിശദമാക്കുന്നുണ്ട്.
അയ്യപ്പസ്വാമിക്ക് ഏറ്റവും ഇഷ്ടപ്പെട്ട വഴിപാടായി സ്വാമിഭക്തന്മാർ ഗണിച്ചുവരുന്ന ചടങ്ങാണ് അയ്യപ്പൻവിളക്ക്. ഈ ചടങ്ങ് വീടുകളിലും ക്ഷേത്രങ്ങളിലും മറ സൗകര്യമുള്ള സ്ഥലങ്ങളിലും വെച്ച് നടത്തിവരുന്നു. ഇതിൻ്റെ സമ്പ്രദായങ്ങൾ പലയിടത്തും വ്യത്യസ്തമാണ്. കേരളത്തിൻ്റെ ഓരോ ഭാഗത്തിലും ഓരോ വിധത്തിലും ഇത് നടത്തിവരുന്നു. അയ്യപ്പൻവിളക്കിൽ ഏറ്റവും പ്രധാനം അയ്യപ്പൻ പാട്ടാണ്. ആ ചടങ്ങിൽ ആലപിക്കുന്ന ഗാനങ്ങളും ചടങ്ങിന് ആവശ്യമായ വസ്തുക്കളും ഈ ഗ്രന്ഥത്തിൽ വിവരിച്ചിരിക്കുന്നു.
1957 – ൽ പ്രസിദ്ധീകരിച്ച, കെ.റ്റി. ചാക്കുണ്ണി എഴുതിയ രണ്ടായിരത്തൊന്നു പഴഞ്ചൊല്ലുകൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
പലപ്പോഴായി ശേഖരിക്കപ്പെട്ട രണ്ടായിരത്തൊന്നു പഴഞ്ചൊല്ലുകളുടെ സമാഹാരമാണ് ഈ ഗ്രന്ഥം. ഗ്രന്ഥകാരൻ ശേഖരിച്ച പഴഞ്ചൊല്ലുകൾ പൂർണ്ണമായും ഇതിൽ ഉൾപ്പെടുത്തിയിട്ടില്ല. അപ്രധാനവും സഭ്യേതരം ആയവയും ഇതിൽ നിന്നും ഒഴിവാക്കിയിട്ടുണ്ട്.
1936 – ൽ പ്രസിദ്ധീകരിച്ച, എം.ഒ. ജോസഫ് നെടുംകുന്നം എഴുതിയ വീരരാഘവപ്പട്ടയം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1936 – വീരരാഘവപ്പട്ടയം – എം.ഒ. ജോസഫ് നെടുംകുന്നം
കേരള ചരിത്രത്തിലെ അതിപ്രധാനമായ ഒരു രേഖയാണ് വീരരാഘവപ്പട്ടയം. കോട്ടയം പഴയ സെമിനാരിയിൽ സൂക്ഷിച്ചിരിക്കുന്ന ചെമ്പ് പട്ടയത്തെക്കുറിച്ചുള്ള ഈ നിരൂപണ പഠനത്തിൽ പല പണ്ഡിതന്മാരുടേയും കണ്ടെത്തലുകളെ സൂക്ഷ്മമായി അപഗ്രഥിക്കുന്നു.
1966 – ൽ പ്രസിദ്ധീകരിച്ച, ജോർജ്ജ് പോർട്ടർ എഴുതിയ ഇന്നത്തെ ലോകത്തിൽ രസതന്ത്രം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1966 – ഇന്നത്തെ ലോകത്തിൽ രസതന്ത്രം – ജോർജ്ജ് പോർട്ടർ
ദൈനംദിന ജീവിതത്തിൽ രസതന്ത്രത്തിൻ്റെ പ്രാധാന്യം എത്രത്തോളമുണ്ടെന്ന് വ്യക്തമാക്കുന്ന ഗ്രന്ഥമാണിത്. മൂലകങ്ങളുടെ പ്രാധാന്യവും അവയെക്കുറിച്ചുള്ള വിശദമായ പഠനവും ഈ പുസ്തകത്തിൽ ഉൾപ്പെടുത്തിയിരിക്കുന്നു. രസതന്ത്ര പഠനത്തിലെ പുതിയ രീതികളും ഇവിടെ പരിചയപ്പെടുത്തുന്നു.
