Author: Meena Kootala

1930-ൽ പ്രസിദ്ധീകരിച്ച, കെ. സാംബശിവ ശാസ്ത്രി എഡിറ്റ് ചെയ്ത രണ്ടു ഭാഷാചമ്പുക്കൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ഗജേന്ദ്രമോക്ഷം, രാവണവിജയം എന്നീ രണ്ടു ഭാഷാചമ്പുക്കളാണ് ഇതിൽ ഉൾപ്പെടുത്തിയിരിക്കുന്നത്. ഈ ചമ്പുക്കളുടെയും രചയിതാവ് പ്രസിദ്ധനായ പുനം നമ്പൂതിരി ആയിരിക്കാനാണ് സാധ്യതയെന്ന് കെ. സാംബശിവ ശാസ്ത്രി മുഖവുരയിൽ അഭിപ്രായപ്പെടുന്നു. പുനത്തിൻ്റേതെന്ന് ഉറപ്പുള്ള ശ്ലോകങ്ങളിലെ സമാനമായ പദപ്രയോഗങ്ങൾ ഈ കൃതികളിലും കാണപ്പെടുന്നത് ഇതിന് തെളിവായി അദ്ദേഹം ചൂണ്ടിക്കാട്ടുന്നു.സരസമായ സാഹിത്യശൈലിയും പദപ്രയോഗങ്ങളിലെ മനോഹാരിതയും ഈ കൃതികളുടെ പ്രത്യേകതയാണ്.

ശ്രീമൂലം ഗ്രന്ഥാവലി സീരീസിൽ ഇരുപത്തിഅഞ്ചാമത്തെ പുസ്തകമായാണ് രണ്ടു ഭാഷാചമ്പുക്കൾ പ്രസിദ്ധീകരിച്ചിരിക്കുന്നത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: രണ്ടു ഭാഷാചമ്പുക്കൾ
• പ്രസിദ്ധീകരണ വർഷം: 1930
• അച്ചടി:  The Superintendent, Government Press, Thiruvananthapuram
• താളുകളുടെ എണ്ണം: 46
• സ്കാൻ ലഭ്യമായ ഇടം: കണ്ണി

1914-ൽ പ്രസിദ്ധീകരിച്ച, ബി. കൃഷ്ണപിള്ള എഴുതിയ ജയചന്ദ്രൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ഈ പുസ്തകം ‘ബ്രൈറ്റ് സ്റ്റോറി’ (Bright Story) എന്ന ഗ്രന്ഥത്തിലെ ‘ഫൗണ്ടൻ ഓഫ് പിറീൻ’ (Fountain of Pirene) എന്ന കഥയെ ആസ്പദമാക്കി രചിച്ചിട്ടുള്ളതാണ്. മൂലകഥയിൽ നിന്നും പ്രധാനമായും രണ്ട് ഭാഗങ്ങളാണ് ഈ പുസ്തകത്തിനായി സ്വീകരിച്ചിരിക്കുന്നത്,  പറക്കുന്ന കുതിരയായ പേഗസും പേഗസിനെ മെരുക്കാൻ സഹായിക്കുന്ന സ്വർണ്ണ കടിഞ്ഞാണുമാണ് അവ. മിഥിലാപുരിയിലെ രാജാവായ ചിത്രരഥൻ്റെ പുത്രനായിരുന്നു ജയചന്ദ്രൻ. യുവാവായപ്പോൾ രാജകുമാരൻ രാജധാനി വിട്ടു ദേശസഞ്ചാരത്തിനിറങ്ങുന്നു. ആ അനുഭവങ്ങളാണ് ഈ കഥയിലുള്ളത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ജയചന്ദ്രൻ
• പ്രസിദ്ധീകരണ വർഷം: 1914
• അച്ചടി: Rajarajavarma Press, Thiruvananthapuram
• താളുകളുടെ എണ്ണം: 102
• സ്കാൻ ലഭ്യമായ ഇടം: കണ്ണി

1930-ൽ പ്രസിദ്ധീകരിച്ച മുദ്രാരാക്ഷസം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

വിശാഖദത്തൻ സംസ്കൃതത്തിലെഴുതിയ നാടകത്തിൻ്റെ മലയാളവിവർത്തനമാണ് ഈ കൃതി. കണ്ണമ്പുഴ എസ്. കൃഷ്ണവാരിയർ ആണ് വിവർത്തകൻ. നാടകകർത്താവിൻ്റെ ജീവിതകാലത്തെക്കുറിച്ച് കൂടുതൽ അറിയില്ലെങ്കിലും നാലാം നൂറ്റാണ്ടിനും എട്ടാം നൂറ്റാണ്ടിനും ഇടയിലാണ് ഈ നാടകം രചിച്ചതെന്ന് കരുതപ്പെടുന്നു. പുരാണങ്ങളെയോ വെറും കല്പിത കഥകളെയോ ആധാരമാക്കിയല്ല ഈ നാടകം രചിച്ചിരിക്കുന്നത്. മൗര്യ ചക്രവർത്തിയായ ചന്ദ്രഗുപ്ത മൗര്യൻ്റെയും അദ്ദേഹത്തിൻ്റെ മന്ത്രിയായ ചാണക്യൻ്റെയും കഥകളെ അടിസ്ഥാനമാക്കിയാണ് ഇതിൻ്റെ ഇതിവൃത്തം തയ്യാറാക്കിയിട്ടുള്ളത്. ചന്ദ്രഗുപ്തൻ, ചാണക്യൻ, രാക്ഷസൻ എന്നിവരാണ് ഈ നാടകത്തിലെ പ്രധാന കഥാപാത്രങ്ങൾ. മറ്റു സംസ്കൃത നാടകങ്ങളിൽ നിന്ന് വ്യത്യസ്തമായി ഇതിൽ ശൃംഗാര രസത്തിന് പ്രാധാന്യമില്ല. അഭിനയ പ്രാധാന്യത്തിലും രാഷ്ട്രീയ തന്ത്രങ്ങളുടെ ആവിഷ്കാരത്തിലും മുദ്രാരാക്ഷസം ശാകുന്തളം, ഉത്തരരാമചരിതം തുടങ്ങിയ നാടകങ്ങളേക്കാൾ മികച്ചുനിൽക്കുന്നുവെന്ന് അവതാരികയിൽ ആർ. നാരായണപ്പണിക്കർ പ്രസ്താവിക്കുന്നു.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്:  മുദ്രാരാക്ഷസം
• പ്രസിദ്ധീകരണ വർഷം: 1930
• അച്ചടി: S.B. Press, Thiruvananthapuram
• താളുകളുടെ എണ്ണം: 174
• സ്കാൻ ലഭ്യമായ ഇടം: കണ്ണി

1939-ൽ പ്രസിദ്ധീകരിച്ച, സാഹിത്യഭൂഷണം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

വെണ്മണി പി. വി. ചാക്കോ, വിദ്വാൻ എം. ഒ. അവരാ എന്നിവർ ചേർന്ന് സമാഹരിച്ച ഗ്രന്ഥമാണ് ‘സാഹിത്യഭൂഷണം’. രസാത്മകമായ കാവ്യകൃതികൾ വായിക്കാനുള്ള സൗകര്യം എല്ലാവർക്കും ലഭിക്കാത്തതിനാൽ അവയുടെ മാധുര്യത്തെ യുവജനങ്ങൾക്കു പരിചയപ്പെടുത്തുകയും അതുവഴി അവരിൽ നല്ല മനോഭാവം വളർത്തുകയുമാണ് പുസ്തകത്തിൻ്റെ ഉദ്ദേശം. പൂർവ്വ-ഉത്തര ഭാഗങ്ങളായി തിരിച്ചിരിക്കുന്ന പുസ്തകത്തിൽ ആദ്യഭാഗത്ത് ചെറുശ്ശേരി, എഴുത്തച്ഛൻ, കുഞ്ചൻ നമ്പ്യാർ, ഉണ്ണായി വാര്യർ, കൊടുങ്ങല്ലൂർ കുഞ്ഞിക്കുട്ടൻ തമ്പുരാൻ, കൊച്ചുണ്ണി തമ്പുരാൻ, കട്ടക്കയം ചെറിയാൻ മാപ്പിള, കുമാരനാശാൻ എന്നിവരുടെ ജീവചരിത്രങ്ങളും അവരുടെ കാവ്യരചനാതന്ത്രങ്ങളും ചുരുക്കി വിവരിക്കുന്നു. എട്ട് ലേഖനങ്ങളാണ് ഈ ഭാഗത്തുള്ളത്.

ഉത്തര ഭാഗത്ത് മേൽപ്പറഞ്ഞ കവികൾക്ക് പുറമേ ഉള്ളൂർ, വള്ളത്തോൾ, കുറ്റിപ്പുറത്തു കേശവൻ നായർ, കെ.വി സൈമൺ, ജി. ശങ്കരക്കുറുപ്പ്. കെ.എം മാത്തൻ തരകൻ എന്നിവരുടെ രചനകളേയും ഉൾപ്പെടുത്തിയിരിക്കുന്നു. വായനക്കാരുടെ സൗകര്യത്തിനായി എല്ലാ കാവ്യഭാഗങ്ങൾക്കും ആമുഖക്കുറിപ്പും നൽകിയിട്ടുണ്ട്. സാഹിത്യപഞ്ചാനനൻ പി.കെ നാരായണപ്പിള്ള ആണ് പുസ്തകത്തിന് അവതാരിക എഴുതിയിരിക്കുന്നത്. എ.ആർ രാജരാജവർമ്മയുടെ ഭാഷാഭൂഷണത്തിൻ്റെ തുടർച്ചയായി 1928-ൽ പ്രസിദ്ധീകരിച്ച കുട്ടിക്കൃഷ്ണമാരാരുടെ പ്രസിദ്ധകൃതിയായ ‘സാഹിത്യഭൂഷണ’വുമായി പേരിൻ്റെ കാര്യത്തിൽ ഈ കൃതിക്ക് സാമ്യമുണ്ട്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്:  സാഹിത്യഭൂഷണം
• പ്രസിദ്ധീകരണ വർഷം: 1939
• അച്ചടി: S.G Press, Parur
• താളുകളുടെ എണ്ണം: 200
• സ്കാൻ ലഭ്യമായ ഇടം: കണ്ണി

Through this post, we are releasing the digital scans of Cochin State Administration Report and Budget Estimates Review by The Madras Government published in the years 1897 to 1905

The Administration Reports for the Princely State of Cochin from 1897 to 1905 document a transformative era of modernization under the “enlightened and progressive” leadership of Maharaja Rama Varma XV and key Diwans like P. Rajagopalachari. A primary focus of this period was the overhaul of the state’s infrastructure and fiscal systems, most notably the construction of the Shoranur-Cochin Railway and the Cochin State Forest Tramway. To fund these ambitious projects, the state liquidated significant Government of India promissory notes and securities, transitioning from a cash-surplus treasury to a debt-carrying but asset-rich economy. Simultaneously, the administration initiated a scientific land revenue survey and settlement to replace antiquated tax systems, ensuring a more equitable and transparent collection process that provided the financial bedrock for the state’s growth.

Beyond physical infrastructure, these years saw a steady expansion of social services and administrative professionalism. The reports highlight significant investments in public health, such as vaccination programs and the establishment of the Victoria Memorial Hospital at Trichur, alongside the growth of “Sirkar” schools and the construction of landmark public buildings like the Ernakulam Town Hall and the Victoria Public Library. Governance was further modernized through new legal frameworks, including the Prisons Regulation and Cattle Trespass Regulation, and the appointment of experienced officers to lead the Police and Abkari departments. Reviewed annually by the British Resident of the Madras Presidency, these documents portray Cochin as a rapidly developing “Model State” where traditional monarchical rule was being successfully integrated with modern bureaucratic efficiency and public welfare initiatives.

Metadata and link to the digitized document

Metadata and link to the digitized document are provided below. A facility to read the document online is provided in the item page.

• Name: Cochin State Administration Report and Budget Estimates Review by The Madras Government
• Published Year: 1987 – 1905
• Printer:  Superintendent, Government Press, Madras
• Scan link: Link

1931-ൽ പ്രസിദ്ധീകരിച്ച, ശേഷുശാസ്ത്രി എഴുതിയ ശ്രീ പുരുഷസൂക്താദി മന്ത്രരത്നാർത്ഥപ്രകാശികാ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

സന്ധ്യാവന്ദനം, സമിദാധാനം, ഔപാസനം ഇങ്ങനെ ബ്രാഹ്മണർ പ്രയോഗിക്കുന്ന നിത്യകർമ്മങ്ങളെക്കുറിച്ചും അവയെ സംബന്ധിച്ച മന്ത്രങ്ങളെക്കുറിച്ചും പ്രതിപാദിക്കുന്ന പുസ്തകമാണ് ഇത്. കർമ്മങ്ങൾ അനുഷ്ഠിക്കേണ്ടുന്ന ക്രമവും മന്ത്രങ്ങളുടെ അർത്ഥവും സംസ്കൃതത്തിലും അതിൻ്റെ അർത്ഥം മലയാളത്തിലുമായി പുസ്തകത്തിൽ കൊടുത്തിരിക്കുന്നു. മന്ത്രം, ഉപനിഷത്ത് എന്നിവയിൽ ഉപനിഷത്തിനാണ് പ്രാധാന്യമെന്നും അതിൽത്തന്നെ ഉപനിഷത്തിൽ പുരുഷസൂക്തത്തിനാണ് പ്രാധാന്യമെന്നും കൂർമ്മപുരാണത്തിൽ പറഞ്ഞിരിക്കുന്നു. ദിവസേന മൂന്നു പ്രാവശ്യം പുരുഷസൂക്തം ജപം ചെയ്യുന്ന ബ്രാഹ്മണന് എല്ലാ ദൈവങ്ങളെയും പൂജിച്ചതായ ഫലം ലഭിക്കുന്നു എന്നുമുണ്ട്

ശേഷുശാസ്ത്രികളെക്കുറിച്ചുള്ള കൂടുതൽ വിവരങ്ങൾ ഒന്നും തന്നെ പൊതുവിടത്തിൽ ലഭ്യമല്ല. പാലക്കാട് ശേഖരിപുരമാണ് അദ്ദേഹത്തിൻ്റെ സ്ഥലം എന്ന് സൂചിപ്പിക്കുന്ന ടി.ആർ രാമചന്ദ്രയ്യരുടെ ഒരു കുറിപ്പ് പുസ്തകത്തിൻ്റെ തുടക്കത്തിൽ കൊടുത്തിട്ടുണ്ട്

മദ്രാസ് യൂണിവേഴ്സിറ്റി മലയാളവിഭാഗത്തിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

• പേര്: ശ്രീ പുരുഷസൂക്താദി മന്ത്രരത്നാർത്ഥപ്രകാശികാ
• രചയിതാവ്: എസ്.വി. ശേഷുശാസ്ത്രികൾ
• പ്രസിദ്ധീകരണ വർഷം: 1931
• താളുകളുടെ എണ്ണം: 172
• അച്ചടി: The Scholar Press, Palakkad
• സ്കാനുകൾ ലഭ്യമായ താൾ: കണ്ണി

1948-ൽ പ്രസിദ്ധീകരിച്ച, രാമവർമ്മ പരീക്ഷിത്ത് തമ്പുരാൻ എഴുതിയ ദളങ്ങൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

കൊച്ചി രാജവംശത്തിൻ്റെ അവസാനത്തെ ഭരണാധികാരിയായിരുന്നു രാമവർമ്മ പരീക്ഷിത്ത് തമ്പുരാൻ. 1876-ൽ കൊച്ചി രാജകുടുംബത്തിലെ മങ്ക എന്ന പേരിലറിയപ്പെട്ടിരുന്ന അംബത്തമ്പുരാട്ടിയുടെയും ഓട്ടൂർ മനയ്ക്കൽ രാമൻ നമ്പൂതിരിപ്പാടിൻ്റെയും മകനായാണ് രാമവർമ്മ ജനിക്കുന്നത്. പ്രസവസമയത്ത് വളരെയധികം ക്ലേശങ്ങൾ അനുഭവിക്കേണ്ടി വന്നതു മൂലമാണ് കുഞ്ഞിന് പരീക്ഷിത്ത് എന്ന് പേരിട്ടത്. യഥാർത്ഥ നാമധേയം രാമവർമ്മ എന്നാണ്. 1948-ൽ കൊച്ചിയും തിരുവിതാംകൂർ സംസ്ഥാനവും ലയിച്ച് തിരു – കൊച്ചി സംസ്ഥാനം നിലവിൽ വരുന്നതു വരെ അദ്ദേഹം രാജാവായി ഭരിച്ചു.

സംസ്കൃത പണ്ഡിതനായിരുന്ന രാമവർമ്മ പ്രഹ്ലാദചരിതം ഉൾപ്പടെ നിരവധി സംസ്കൃത കാവ്യങ്ങൾ രചിച്ചിട്ടുണ്ട്. രാമവർമ്മ പല കാലങ്ങളിലായി പ്രസിദ്ധീകരിച്ച കവിതകൾ, ലേഖനങ്ങൾ, 1944-ൽ എറണാകുളം പരിഷൽ സമ്മേളനത്തിൽ നടത്തിയ പ്രസംഗം എന്നിവയും ഒരു മണ്ഡനം, ഒരു വിമർശനം എന്നീ ലേഖനങ്ങൾക്ക് കാരണമായ പി. എസ് അനന്തനാരായണശാസ്ത്രി, എൻ. എൻ പെരുമാങ്ങോട് എന്നിവരുടെ ലേഖനങ്ങൾ അനുബന്ധമായും കൊടുത്തിരിക്കുന്നു

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: ദളങ്ങൾ
  • രചന: Pareekshith Thampuran
  • പ്രസിദ്ധീകരണ വർഷം: 1948
  • അച്ചടി: The Deccan Printing House, Ernakulam
  • താളുകളുടെ എണ്ണം: 114
  • സ്കാൻ ലഭ്യമായ ഇടം: കണ്ണി

1948-ൽ പ്രസിദ്ധീകരിച്ച, Madanaketucarita എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പതിനെട്ടാം നൂറ്റാണ്ടിൽ കേരളത്തിൽ ജീവിച്ചിരുന്ന പ്രശസ്ത കവിയായ രാമപാണിവാദൻ രചിച്ച സംസ്കൃത പ്രഹസനമാണ് ‘മദനകേതുചരിതം’. രണ്ട് രംഗങ്ങളിലായി അവതരിപ്പിച്ചിരിക്കുന്ന ഈ കൃതി ഹാസ്യത്തിനും പരിഹാസത്തിനും പ്രാധാന്യം നൽകുന്നു. കുഞ്ചൻ നമ്പ്യാരും രാമപാണിവാദനും ഒരാൾ തന്നെയാണെന്ന് അഭിപ്രായമുണ്ട്. നാടകകൃത്ത് ഇതിനെ സ്വന്തം വിനോദത്തിനായി രചിച്ച ഒന്നായി വിശേഷിപ്പിക്കുന്നു. സിംഹളരാജാവായ മദനകേതുവാണ് ഈ നാടകത്തിലെ നായകൻ. എങ്കിലും കഥ പ്രധാനമായും വിഷ്ണുമിത്രൻ എന്ന ഒരു ഭിക്ഷുവിൻ്റെയും ശിവദാസൻ എന്ന കാപാലികൻ്റെയും ചുറ്റുമാണ് വികസിക്കുന്നത്. സംസ്കൃത പ്രഹസനമായ ഭഗവദ് ജുകവുമായി കുറെയേറെ സാമ്യങ്ങൾ ഈ കൃതിക്കുണ്ട്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: Madanaketucarita
• രചയിതാവ്: Ramapanivada
• പ്രസിദ്ധീകരണ വർഷം: 1948
• താളുകളുടെ എണ്ണം: 86
• സ്കാൻ ലഭ്യമായ ഇടം: കണ്ണി

1950-ൽ പ്രസിദ്ധീകരിച്ച, കെ. ഗോദവർമ്മ എഴുതിയ കൈരളീദർപ്പണം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ഭാഷാശാസ്ത്രജ്ഞനും സംസ്കൃതപണ്ഡിതനും അദ്ധ്യാപകനുമായ ഡോ.കെ ഗോദവർമ്മ രചിച്ച ആറ് ഗൗരവമേറിയ പ്രബന്ധങ്ങളാണ് ഈ പുസ്തകത്തിൽ ഉൾപ്പെടുത്തിയിരിക്കുന്നത്. കേരളത്തിലെ സ്ഥലനാമങ്ങൾ, ലീലാതിലകം ഒരു നിരീക്ഷണം, കഥകളിയിലെ പ്രാകൃതഭാഗങ്ങൾ, പൊരുളിൻ്റെ വിളയാട്ടം, ഒരു താമ്രശാസനം, സി.വി യുടെ പ്രതിഭാവിലാസം എന്നിവയാണ് പ്രബന്ധങ്ങൾ

കേരളത്തിലെ സ്ഥലനാമങ്ങൾക്കൊപ്പം വിദേശനാടുകളിലെയും ഇന്ത്യയിലെയും ദേശനാമങ്ങൾക്കു പിന്നിലെ കൗതുകകരമായ കാര്യങ്ങളാണ് ആദ്യ ലേഖനത്തിൽ അദ്ദേഹം അന്വേഷിക്കുന്നത്. അവയിലെ ഭാഷാപരമായ കാര്യങ്ങൾ ഇഴപിരിച്ചെടുക്കുകയും ചെയ്യുന്നു. മണിപ്രവാളമെന്ന പ്രസ്ഥാനത്തെക്കുറിച്ച് സംസ്കൃതത്തിലെഴുതിയ ആദ്യത്തെ ലക്ഷണശാസ്ത്രഗ്രന്ഥമായ ലീലാതിലകത്തിൻ്റെ വിശദമായ അവലോകനമാണ് രണ്ടാമത്തേത്. സംസ്കൃതസാഹിത്യത്തിൽ സ്ത്രീകളുടെയും കീഴാളകഥാപാത്രങ്ങളുടെയും സംഭാഷണമായി ചേർക്കുന്ന പ്രാകൃതം കഥകളി സാഹിത്യത്തിൽ എവിടെയെല്ലാമുണ്ടെന്ന് അന്വേഷിക്കുകയാണ് കഥകളിയിലെ പ്രാകൃതഭാഗങ്ങൾ എന്ന ലേഖനത്തിൽ. ഇതിലൂടെ പ്രാകൃതത്തിനും സാഹിത്യത്തിൽ ഒരു സ്ഥാനമുണ്ടെന്ന് ഉറപ്പിക്കുകയാണ് ഗ്രന്ഥകാരൻ. പൊരുളിൻ്റെ വിളയാട്ടം വാക്കുകളുടെ അർത്ഥോത്പത്തിയെക്കുറിച്ചുള്ള ചർച്ചയാണ്. മറ്റു ഭാഷകളിലെ സമാനപദങ്ങളെപ്പറ്റിയും അദ്ദേഹമവിടെ ആലോചിക്കുന്നുണ്ട്. കേരളത്തിൻ്റെ പുരാതന ചരിത്രത്തിലെ വിലപിടിച്ച രേഖയായ ”ശ്രീവീരരാഘവപ്പട്ടയ”ത്തെക്കുറിച്ചുള്ള ലേഖനമാണ് ഒരു താമ്രശാസനം. സി.വി രാമൻ പിള്ളയുടെ ശ്രേഷ്ഠതക്കു കാരണം അദ്ദേഹത്തിൻ്റെ അസാമാന്യമായ പ്രതിഭാവിശേഷമായിരുന്നു എന്നു വ്യക്തമാക്കുന്ന ലേഖനമാണ് സി.വി യുടെ പ്രതിഭാവിലാസം

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കൈരളീദർപ്പണം
• രചയിതാവ്: കെ. ഗോദവർമ്മ
• പ്രസിദ്ധീകരണ വർഷം: 1950
• താളുകളുടെ എണ്ണം: 148
• സ്കാൻ ലഭ്യമായ ഇടം: കണ്ണി