1930-ൽ പ്രസിദ്ധീകരിച്ച, കണ്ണശ്ശഭാരതം – ഒന്നാം ഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
രാമപ്പണിക്കർ, മാധവപ്പണിക്കർ, ശങ്കരപ്പണിക്കർ എന്നിങ്ങനെ അറിയപ്പെടുന്ന കണ്ണശ്ശകവികളിൽ പ്രധാനിയായ രാമപ്പണിക്കർ എഴുതിയ കൃതിയാണ് കണ്ണശ്ശഭാരതം ഒന്നാം ഭാഗം. മഹാഭാരതം അംബോപാഖ്യാനം വരെയുള്ള കഥ മാത്രമാണിതിൽ ഉള്ളത്. പുസ്തകം എഡിറ്റ് ചെയ്ത കെ. സാംബശിവ ശാസ്ത്രി വിശദമായ അവതാരികയും നൽകിയിരിക്കുന്നു. കണ്ണശ്ശന്മാരുടെ കാലഘട്ടം, കുടുംബപശ്ചാത്തലം, നിരണം/തിരുവല്ല പ്രദേശവുമായുള്ള ബന്ധം, ഭാഷാശൈലി, ലീല തിലകവുമായുള്ള ബന്ധം തുടങ്ങിയ വിഷയങ്ങൾ അവതാരികയിൽ ചർച്ച ചെയ്യുന്നു.
തമിഴ് കലർന്ന മലയാള ഭാഷാ ശൈലിയിലാണ് ഇത് രചിക്കപ്പെട്ടിരിക്കുന്നത്. കണ്ണശ്ശഭാരതത്തിനു പുറമേ കണ്ണശ്ശ രാമായണം, ശിവരാത്രിമാഹാത്മ്യം എന്നീ കൃതികളും രാമപ്പണിക്കർ എഴുതിയെന്നു വിശ്വസിക്കുന്നു. പ്രാചീന ഗദ്യകൃതിയായ ബ്രഹ്മാണ്ഡപുരാണവും രാമപ്പണിക്കരുടെ തന്നെ രചനയെന്ന് സാംബശിവ ശാസ്ത്രികൾ കരുതുന്നതായി അവതാരികയിലുണ്ട്
മദ്രാസ് യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
- പേര്: കണ്ണശ്ശഭാരതം ഒന്നാം ഭാഗം
- എഡി: കെ. സാംബശിവ ശാസ്ത്രി
- പ്രസിദ്ധീകരണ വർഷം: 1930
- അച്ചടി: The Superintendent, Government Press, Trivandrum
- താളുകളുടെ എണ്ണം: 202
- സ്കാൻ ലഭ്യമായ ഇടം: കണ്ണി