Month: June 2025

1953-ൽ പ്രസിദ്ധീകരിച്ച, സോവിയറ്റ് യൂണിയനിലെ കമ്മ്യൂണിസ്റ്റ് പാർട്ടി – അമ്പതുകൊല്ലത്തെ ചരിത്രം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1883-ൽ റഷ്യയിൽ മാർക്സിസ്റ്റ് പ്രസ്ഥാനം രൂപപ്പെട്ടതു മുതൽ അമ്പതു വർഷത്തെ ചരിത്രമാണ് ഈ ചെറുപുസ്തകത്തിൽ രേഖപ്പെടുത്തുന്നത്.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: സോവിയറ്റ് യൂണിയനിലെ കമ്മ്യൂണിസ്റ്റ് പാർട്ടി – അമ്പതുകൊല്ലത്തെ ചരിത്രം
• പ്രസിദ്ധീകരണ വർഷം: 1953
• അച്ചടി: Vijnjana Poshini Press, Kollam
• താളുകളുടെ എണ്ണം: 44
  
• സ്കാൻ ലഭ്യമായ ഇടം: കണ്ണി

1951-ൽ പി.കെ. നാരായണപിള്ള എഡിറ്റ് ചെയ്തു പ്രസിദ്ധീകരിച്ച മലയാള ഗ്രന്ഥസൂചി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

തിരുവിതാംകൂർ സർവ്വകലാശാലയിലെ മനുസ്ക്രിപ്റ്റ്സ് ലൈബ്രറിയിലെ മലയാളം, തമിഴ്, തെലുങ്ക്, കന്നടം ഭാഷകളിലെ മുപ്പതിനായിരത്തോളം പുസ്തകങ്ങളുടെ ശേഖരത്തിൽ നാലായിരത്തി അഞ്ഞൂറോളം വരുന്ന മലയാള ഗ്രന്ഥങ്ങളൂടെ സൂചികയാണ് ഈ പുസ്തകം. ഇതിഹാസം, പുരാണം, തന്ത്രം, മന്ത്രം, ശ്രൗതം, ഗൃഹ്യം, സ്മൃതി, നീതി, വേദാന്തം, ജ്യോതിഷം, വൈദ്യം, ശില്പം, കണക്കുശാസ്ത്രം തുടങ്ങിയ വിഷയങ്ങളെ ആസ്പദിച്ച് രചിക്കപ്പെട്ട പുസ്തകങ്ങളുടെ വിവരങ്ങളാണ് ഈ ഗ്രന്ഥത്തിൽ ഉൾക്കൊള്ളിച്ചിട്ടുള്ളത്. ക്രമനമ്പർ, ഗ്രന്ഥത്തിൻ്റെ പേരു്, വിഷയം, ഗ്രന്ഥസംഖ്യ, പ്രകൃതി (താളിയോലയിലാണോ കടലാസ്സിലാണോ പുസ്തകം എന്ന്) , വിശേഷം ( ഗ്രന്ഥത്തിൻ്റെ പൂർണ്ണത, അപൂർണ്ണത, ജീർണ്ണത, ലേഖനകാലം), ലൈബ്രറി നമ്പർ എന്നീ വിശദ വിവരങ്ങൾ രേഖപ്പെടുത്തിയിരിക്കുന്നു. പ്രാചീന സാഹിത്യത്തിലും, ശാസ്ത്രങ്ങളിലും തത്പരരായവർക്ക് ഈ ഗ്രന്ഥസൂചി വളരെ ഉപയോഗപ്രദമായിരിക്കും.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ, മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.

• പേര്: മലയാള ഗ്രന്ഥസൂചി
• പ്രസിദ്ധീകരണ വർഷം: 1951
• താളുകളുടെ എണ്ണം: 176
  
• അച്ചടി: The Alliance Printing Works, Trivandrum
• സ്കാൻ ലഭ്യമായ ഇടം: കണ്ണി

1950-ൽ പ്രസിദ്ധീകരിച്ച, ദത്താത്രേയ ബാലകൃഷ്ണകാലെൽക്കാർ എഴുതി എസ്.വി. കൃഷ്ണവാരിയർ പരിഭാഷപ്പെടുത്തിയ ബാപുസ്മരണകൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

രചയിതാവിൻ്റെ ബാപു കി ത്ധാംകിയാം (Stray Glimpses of Bapu) എന്ന പുസ്തകത്തിൻ്റെ മലയാള പരിഭാഷയാണ് ഈ കൃതി. മഹാത്മാഗാന്ധിയെ കുറിച്ചുള്ള ഓർമ്മക്കുറിപ്പുകളാണ് ഉള്ളടക്കം.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ, മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.

• പേര്: ബാപുസ്മരണകൾ
• രചന: Dattatreya Balkrishna Kalelkar/S.V. Krishna Warrier
• പ്രസിദ്ധീകരണ വർഷം: 1950
• താളുകളുടെ എണ്ണം: 240
  
• അച്ചടി: The Mangalodayam Press, Trichur
• സ്കാൻ ലഭ്യമായ ഇടം: കണ്ണി

1959-ൽ പ്രസിദ്ധീകരിച്ച മായക്കാരി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ഫ്രഞ്ച് സാഹിത്യകാരിയായ അമാൻഡൈൻ ലൂസിലി അറോറി ഡൂഡിവൻ്റ് നിഡൂപിൻ്റെ തൂലികാ നാമമാണ് ജോർജ്ജ് സാൻഡ്. അവരുടെ La Petite Fadette എന്ന പുസ്തകത്തിൻ്റെ പരിഭാഷയാണ് ഇത്. യൂറോപ്യൻ റൊമാന്റിക് കാലഘട്ടത്തിലെ ഏറ്റവും ശ്രദ്ധേയയായ എഴുത്തുകാരിൽ ഒരാളായിരുന്നു സാൻഡ്

1840-കളിൽ പാരീസിൽ നിന്നും ഗ്രാമപ്രദേശമായ ചാറ്ററോക്സിൽ മടങ്ങിയെത്തിയപ്പോഴാണ് കൂട്ടുകാരായ La Mare au Diable, Francois le Champi എന്നിവർക്കൊപ്പം സാൻഡ് ഈ നോവലെഴുതുന്നത്. സാൻഡിൻ്റെ ഏറ്റവും ജനപ്രിയമായ രചനയായിരുന്നു ഈ നോവൽ. ടി. എൻ കൃഷ്ണപിള്ള ആണ് ഈ പുസ്തകം മലയാളത്തിലേക്ക് പരിഭാഷപ്പെടുത്തിയിരിക്കുന്നത്

1915-ൽ നോവലിനെ അധികരിച്ച് Fanchon the Cricket എന്ന നിശബ്ദ ചലച്ചിത്രമുണ്ടായി

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ, മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: മായക്കാരി
• പ്രസിദ്ധീകരണ വർഷം: 1959
• താളുകളുടെ എണ്ണം: 262
  
• സ്കാൻ ലഭ്യമായ ഇടം: കണ്ണി

Through this post, we are releasing the digital scans of Travancore Education Department Administration Report published in the year 1933

1933 -Travancore Education Department Administration Report

This document offers a valuable glimpse into the colonial-era educational policies and administrative structure in the princely state of Travancore. It reflects the economic austerity measures taken during the period, as well as gender-sensitive educational policies that aimed to encourage female education.

These documents are digitized as part of the Madras University Library digitization project.

Metadata and link to the digitized document

Metadata and link to the digitized document are provided below. A facility to read the document online is provided in the item page.

• Name:Travancore Education Department Administration Report
• Published Year: 1933
• Publisher: Education Department, Travancore Government
• Scan link: Link