ഗ്രന്ഥപ്പുര (Granthappura) blog

1928 – തിരുവിതാംകൂർ ആറ്റ്ലസ് ഭൂമിശാസ്ത്രം – കെ. ശിവരാമപിള്ള

1928 ൽ പ്രസിദ്ധീകരിച്ച കെ. ശിവരാമപിള്ള രചിച്ച തിരുവിതാംകൂർ ആറ്റ്ലസ് ഭൂമിശാസ്ത്രം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

തിരുവിതാംകൂറിലെ ചരിത്രസംബന്ധമായ പ്രധാന സ്ഥലവിവരങ്ങൾ, അന്നത്തെ രാജ്യാതിർത്തികളുടെ വിവരങ്ങൾ, ഭൂപ്രകൃതി, പ്രധാന നദികൾ, പർവ്വതങ്ങൾ, കായലുകൾ സംബന്ധിച്ച വിവരണങ്ങൾ, ഓരോ സ്ഥലത്തെയും കാലാവസ്ഥാ വിവരങ്ങൾ, ജന്തു മൃഗാദികൾ, വിളകൾ, ജനങ്ങൾ ഏർപ്പെട്ടിരുന്ന തൊഴിലുകൾ, കൃഷികൾ, ജനസംഖ്യാ വിവരങ്ങൾ, മതങ്ങൾ, ആരാധനായലങ്ങൾ, പട്ടണങ്ങൾ, യാത്രാ മാർഗ്ഗങ്ങൾ, അണക്കെട്ടുകൾ തുടങ്ങിയവയെ കുറിച്ചുള്ള സചിത്ര ലേഖനങ്ങൾ ആണ് പുസ്തകത്തിൻ്റെ ഉള്ളടക്കം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

പേര്: തിരുവിതാംകൂർ ആറ്റ്ലസ് ഭൂമിശാസ്ത്രം
രചയിതാവ്: K. Sivaramapilla
പ്രസിദ്ധീകരണ വർഷം: 1928
താളുകളുടെ എണ്ണം: 62
അച്ചടി: St. Joseph’s Press, Mannanam
സ്കാൻ ലഭ്യമായ ഇടം: കണ്ണി

1939 – Selected Notifications by the Government

1939ൽ തിരുവിതാംകൂർ സർക്കാർ പുറത്തിറക്കിയ Selected Notifications by the Government എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

1811 മുതൽ 1925 വരെയുള്ള കാലഘട്ടത്തിൽ തിരുവിതാംകൂർ സർക്കാർ പുറപ്പെടുവിച്ച സർക്കാർ ഉത്തരവുകൾ ആണ് പുസ്തകത്തിൻ്റെ ഉള്ളടക്കം. തിരുവിതാംകൂർ രാജ്യത്ത് ഈ കാലയളവിൽ നടന്നിട്ടുള്ള നിയമനിർമ്മാണങ്ങൾ, സിവിൽ, റെവന്യൂ,വനം, ആരോഗ്യം, വിദ്യാഭ്യാസം തുടങ്ങിയ വിവിധ വകുപ്പുകളിലെ ഭരണപരമായ നിയമങ്ങൾ, ഭേദഗതികൾ, അതുമായി ബന്ധപ്പെട്ട ഉത്തരവുകൾ എന്നിവ വളരെ വിശദമായി പ്രതിപാദിക്കപ്പെട്ടിരിക്കുന്നു. Sri Chithrodaya Huzur Central Records Series No II ആയിട്ടാണ് ഈ പുസ്തകം പ്രസിദ്ധീകരിക്കപ്പെട്ടിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: Selected Notifications by the Government
പ്രസിദ്ധീകരണ വർഷം: 1939
താളുകളുടെ എണ്ണം: 176
അച്ചടി: Government Press, Trivandrum
സ്കാൻ ലഭ്യമായ ഇടം: കണ്ണി

1925 സെപ്റ്റമ്പർ, ഒക്ടോബർ, 1926 ജനുവരി, മാർച്ച്, ഏപ്രിൽ – ഗുരുനാഥൻ

1925 സെപ്റ്റമ്പർ, ഒക്ടോബർ, 1926 ജനുവരി, മാർച്ച്, ഏപ്രിൽ മാസങ്ങളിൽ പുറത്തിറങ്ങിയ ഗുരുനാഥൻ മാസികയുടെ പുസ്തകം 5 ലക്കം 2, 3, 6, 8, 9 എന്നീ 5 ലക്കങ്ങളുടെ സ്കാനാണ് ഈ പോസ്റ്റിലൂടെ ഒരുമിച്ച് പങ്കു വയ്ക്കുന്നത്. ഇവയിൽ മുൻ, പിൻ കവർ പേജുകൾ സ്കാൻ ചെയ്ത പകർപ്പിൽ ലഭ്യമല്ല.

തിരുവിതാംകൂറിൽ നിന്നു പ്രസിദ്ധീകരിച്ചിരുന്ന വിദ്യാഭ്യാസ മാസികയാണിത്. സി. എൻ. ഗോപാലൻ നായർ ആണ് ഗുരുനാഥൻ മാസികയുടെ പിറകിൽ. 1920-ൽ പ്രസിദ്ധീകരണം ആരംഭിച്ചു എന്ന് കരുതാം. ഇത് എത്രകാലം വരെ പ്രസിദ്ധീകരിച്ചു എന്നും, ഈ മാസികയെപറ്റിയുള്ള മറ്റ് വിവരങ്ങൾ ഒന്നും പൊതു ഇടത്ത് ലഭ്യമല്ല. തിരുവിതാംകൂറിലെ വിദ്യാഭ്യാസ സംബന്ധമായ ലേഖനങ്ങൾ ആണ് മാസികയുടെ ഉള്ളടക്കം.

കൊല്ലം പെരിനാട്, സി.കെ.പി. വിലാസം ഗ്രന്ഥശാലയിലെ പുരാശേഖരം ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ ആനുകാലികം ഡിജിറ്റൈസ് ചെയ്ത് പങ്കു വയ്ക്കുന്നത്. ആ പദ്ധതിയെ പറ്റിയുള്ള പ്രാഥമിക വിവരത്തിനു ഈ പോസ്റ്റ് കാണുക.

അതിനു പുറമെ നമ്മുടെ പഴയകാല ആനുകാലികങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായി കൂടിയാണ് ഈ മാസികകൾ ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

ഡിജിറ്റൈസ് ചെയ്ത ആഴ്ചപ്പതിപ്പിൻ്റെ ഓരോ ലക്കത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

- പേര്: ഗുരുനാഥൻ
- പ്രസിദ്ധീകരണ വർഷം: 1925, 1926
- താളുകളുടെ എണ്ണം: 46, 42, 44, 40, 40
- സ്കാൻ ലഭ്യമായ ഇടം:
- 1925 സെപ്റ്റമ്പർ – 1101 കന്നി (Vol. 5, no. 2) കണ്ണി
- 1925 ഒക്ടോബർ – 1101 തുലാം (Vol. 5, no. 3) കണ്ണി
- 1926 ജനുവരി – 1101 മകരം (Vol. 5, no. 6) കണ്ണി
- 1926 മാർച്ച് – 1101 മീനം (Vol. 5, no. 8) കണ്ണി
- 1926 ഏപ്രിൽ – 1101 മേടം (Vol. 5, no. 9) കണ്ണി

1938 ജനുവരി 10, 17, 24, 31, ഫെബ്രുവരി 7, 14, മാർച്ച് 21 – കൗമുദി (വാരിക) – പുസ്തകം 1 ലക്കം 14, 15, 16, 17, 18, 19, 24

1938 ജനുവരി 10, 17, 24, 31, ഫെബ്രുവരി 7, 14, മാർച്ച് 21 തീയതികളിൽ പുറത്തിറങ്ങിയ കൗമുദി വാരികയുടെ പുസ്തകം 1 ലക്കം 14, 15, 16, 17, 18, 19, 24 എന്നീ 7 ലക്കങ്ങളുടെ സ്കാനാണ് ഈ പോസ്റ്റിലൂടെ ഒരുമിച്ച് പങ്കു വയ്ക്കുന്നത്. ഇവയിൽ മുൻ, പിൻ കവർ പേജുകൾ സ്കാൻ ചെയ്ത പകർപ്പിൽ ലഭ്യമല്ല.

കൗമുദി വാരികയെ പറ്റിയുള്ള കൂടുതൽ വിവരങ്ങൾക്ക് ഈ പോസ്റ്റ് കാണുക.

റൂബിൻ ഡിക്രൂസിൻ്റെ ശേഖരത്തിൽ നിന്നാണ് ഈ രേഖ ഡിജിറ്റൈസേഷനു ലഭ്യമായത്.

ഡിജിറ്റൈസ് ചെയ്ത ആഴ്ചപ്പതിപ്പിൻ്റെ 7 ലക്കങ്ങളുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: കൗമുദി – പുസ്തകം 1, ലക്കം 14, 15, 16, 17, 18, 19, 24
പ്രസിദ്ധീകരണ തീയതി: 1938
താളുകളുടെ എണ്ണം: 16
അച്ചടി: Indira Printing Works, Pettah, Thiruvananthapuram
സ്കാൻ ലഭ്യമായ ഇടം:
1938 ജനുവരി 10 (1113 ധനു 26) കണ്ണി
1938 ജനുവരി 17 (1113 മകരം 4) കണ്ണി
1938 ജനുവരി 24 (1113 മകരം 11) കണ്ണി
1938 ജനുവരി 31 (1113 മകരം 18) കണ്ണി
1938 ഫെബ്രുവരി 07 (1113 മകരം 25) കണ്ണി
1938 ഫെബ്രുവരി 14 (1113 കുംഭം 3) കണ്ണി
1938 മാർച്ച് 21 (1113 മീനം 8) കണ്ണി

1939 – പ്രസംഗതരംഗിണി – ഒന്നാം ഭാഗം – പി. കെ. നാരായണപിള്ള

1939 ൽ പ്രസിദ്ധീകരിച്ച, പി. കെ. നാരായണപിള്ള രചിച്ച പ്രസംഗതരംഗിണി – ഒന്നാം ഭാഗം എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കുവയ്ക്കുന്നത്.

പ്രസംഗതരംഗിണിയുടെ ഒന്നാം ഭാഗത്തിൻ്റെ പരിഷ്കരിച്ച രണ്ടാം പതിപ്പാണ് ഈ പുസ്തകം. പല ആനുകാലികങ്ങളിലായി രചയിതാവ് എഴുതിയ സാഹിത്യ ലേഖനങ്ങളുടെ സമാഹാരമാണ് ഈ കൃതി. സർവ്വകലാശാലാ പാഠപുസ്തകമായി തിരഞ്ഞെടുക്കപ്പെട്ട പുസ്തകം കൂടിയാണ്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: പ്രസംഗതരംഗിണി – ഒന്നാം ഭാഗം
രചയിതാവ്: P.K. Narayana Pillai
പ്രസിദ്ധീകരണ വർഷം: 1939
താളുകളുടെ എണ്ണം: 158
അച്ചടി: S.R.V. Press, Trivandrum
സ്കാൻ ലഭ്യമായ ഇടം: കണ്ണി

1976 – കെനോസിസ് ഒരു ക്രൈസ്തവ ഭാഷ്യം – ജെ. പാത്രപാങ്കൽ

1976-ൽ പ്രസിദ്ധീകരിച്ച, ജെ. പാത്രപാങ്കൽ രചിച്ച കെനോസിസ് ഒരു ക്രൈസ്തവ ഭാഷ്യം എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കുവയ്ക്കുന്നത്.

ക്രിസ്തീയതയുടെ അടിസ്ഥാനമായ ശൂന്യവത്കരണം എന്ന പ്രതിഭാസത്തിൻ്റെ ബൈബിളിൽ അധിഷ്ഠിതവും ദൈവശാസ്ത്രപരവുമായ അപഗ്രഥനവും അവതരണവുമാണ് പുസ്തകത്തിൻ്റെ ഉള്ളടക്കം. ദൈവത്തിൻ്റെ മുൻപിൽ മനുഷ്യനുണ്ടായിരിക്കേണ്ട മനോഭാവങ്ങളുടെയും വൈയക്തിക ബന്ധനങ്ങളിൽ നാം പുലർത്തേണ്ട സമീപനങ്ങളുടെയും പുറകിൽ പ്രവർത്തിക്കേണ്ട അതിപ്രധാനമായ മനസ്ഥിതി വിശേഷമാണ് കെനോസിസ് എന്ന പദത്തിലൂടെ നിർദ്ദേശികപ്പെടുന്നത്. യേശുക്രിസ്തുവിൻ്റെ ജീവിതത്തിലും പ്രബോധനത്തിലും അപ്പസ്തോല പ്രമുഖനായ സെൻ്റ് പോളിൻ്റെ ജീവിതത്തിലും വ്യക്തമായി കാണുന്ന ഈ പ്രതിഭാസത്തിൻ്റെ സമ്യക്കായ ഒരു ചിത്രീകരണം ഇതിൽ നിന്നും ലഭിക്കും.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: കെനോസിസ് ഒരു ക്രൈസ്തവ ഭാഷ്യം
രചയിതാവ്: J. Pathrapankal
പ്രസിദ്ധീകരണ വർഷം: 1976
താളുകളുടെ എണ്ണം: 74
സ്കാൻ ലഭ്യമായ ഇടം: കണ്ണി

1955 ഡിസംബർ 5, 12 – മലയാളരാജ്യം ആഴ്ചപ്പതിപ്പ് – പുസ്തകം 28 ലക്കം 146, 153

1955 ഡിസംബർ 5, 12 തീയതികളിൽ പുറത്തിറങ്ങിയ മലയാളരാജ്യം ആഴ്ചപ്പതിപ്പിൻ്റെ പുസ്തകം 28 ലക്കം 146, 153 എന്നീ 2 ലക്കങ്ങളുടെ സ്കാനാണ് ഈ പോസ്റ്റിലൂടെ ഒരുമിച്ച് പങ്കു വയ്ക്കുന്നത്.

മലയാളരാജ്യം പ്രസിദ്ധീകരണങ്ങളെ സംബന്ധിച്ച പൊതു വിവരത്തിനു ഈ പോസ്റ്റ് കാണുക. ബൈൻഡ് ചെയ്ത രൂപത്തിൽ ലഭ്യമായ ഈ ലക്കങ്ങളിൽ, പേജുകളുടെ അരിക് കൂട്ടി മുറിച്ചിരിക്കുന്നതിനാൽ ചില പേജുകളിൽ (കവർ പേജടക്കം) ഉള്ളടക്കം ചെറുതായി മുറിഞ്ഞു, അല്ലെങ്കിൽ ബ്ലാങ്ക് സ്പെയിസ് വളരെ കുറവാണ് എന്ന പ്രശ്നം സ്കാനുകളിൽ ശ്രദ്ധിക്കുമല്ലോ.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

- പേര്: മലയാളരാജ്യം ആഴ്ചപ്പതിപ്പ്
- പ്രസിദ്ധീകരണ വർഷം: 1955
- പ്രസിദ്ധീകരണ തീയതി: 1955 ഡിസംബർ 5, 12
- താളുകളുടെ എണ്ണം: 40
- അച്ചടി: Sree Rama Vilas Press, Quilon
- സ്കാൻ ലഭ്യമായ ഇടം:
- December 05, 1955 – 1131 വൃശ്ചികം 19 (Vol. 28, no. 146) കണ്ണി
- December 12, 1955 – 1131 വൃശ്ചികം 26 (Vol. 28, no. 153) കണ്ണി

ഭൃംഗസന്ദേശം – അപ്പാടൻ വീട്ടിൽ രാമനെഴുത്തച്ഛൻ – സി. കെ. മൂസ്സത്

അപ്പാടൻ വീട്ടിൽ രാമനെഴുത്തച്ഛനാൽ രചിക്കപ്പെട്ട ഭൃംഗസന്ദേശം എന്ന മണിപ്രവാളകൃതിക്ക് സി. കെ. മൂസ്സത് എഴിതിയ വ്യാഖ്യാനത്തോടെ പുന:പ്രസിദ്ധീകരിച്ച പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1894 ഏപ്രിൽ മാസത്തിൽ കവനോദയമായി കടത്തനാട്ട് ഉദയവർമ്മ തമ്പുരാൻ പ്രസിദ്ധീകരിച്ച മണിപ്രവാളകാവ്യമാണ് ഈ കൃതി. ഗോകർണ്ണം തൊട്ട് തിരുവനന്തപുരം വരെ പരാമർശിക്കപ്പെടുന്ന ചരിത്രപ്രധാനവും ശ്രദ്ധേയവുമായ കൃറ്റിയാണിത്. കേരളവർമ്മ വലിയകോയി തമ്പുരാൻ്റെ മയൂരസന്ദേശമാണ് മലയാളത്തിൽ പ്രസിദ്ധീകൃതമാകുന്ന ആദ്യത്തെ സന്ദേശകാവ്യമെന്നാണ് പൊതുവെ അറിയപ്പെടുന്നതെങ്കിലും അതിനും മുൻപ് പ്രസിദ്ധീകരിച്ചതാണ് ഭൃംഗസന്ദേശം എന്ന് ചരിത്ര രേഖകൾ ഉദ്ധരിച്ചുകൊണ്ട് കാവ്യത്തിൻ്റെ ആഖ്യാതാവായ സി. കെ. മൂസ്സത് സമർത്ഥിക്കുന്നു.

2023 ഫെബ്രുവരി 28നു ഇതേ കൃതിയുടെ 1988 ൽ ഇറങ്ങിയ മറ്റൊരു പതിപ്പിൻ്റെ സ്കാൻ ഗ്രന്ഥപ്പുരയിൽ പ്രസിദ്ധീകരിച്ചിരുന്നു.

ശാസ്ത്ര അദ്ധ്യാപകനും കേരളഭാഷാ ഇൻസ്റ്റിറ്റ്യൂട്ടിൻ്റെ പ്രഥമ അസിസ്റ്റൻ്റ് ഡയറക്ടറുമായിരുന്ന പ്രൊഫസർ സി.കെ. മൂസ്സതിൻ്റെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഭൃംഗസന്ദേശം
രചന: അപ്പാടൻ വീട്ടിൽ രാമനെഴുത്തച്ഛൻ – സി.കെ. മൂസ്സത്
താളുകളുടെ എണ്ണം: 72
പ്രസാധകർ: Moosad Publications, Kozhikode
സ്കാൻ ലഭ്യമായ ഇടം: കണ്ണി

1943 – Records in Oriental Languages – Cochin State – Book 01

1943 ൽ പ്രസിദ്ധീകരിച്ച, Records in Oriental Languages – Cochin State – Book 01 എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

ഇന്ത്യൻ ഹിസ്റ്റോറിക്കൽ റെക്കോർഡ്സ് കമ്മീഷൻ്റെ നിർദ്ദേശപ്രകാരം തയ്യാറാക്കപ്പെട്ട പൌരസ്ത്യഭാഷകളിലുള്ള രേഖകൾ എന്ന പരമ്പരയിലെ പെരുമ്പടപ്പ് സ്വരൂപം ഗ്രന്ഥവരിയിലെ കൊച്ചി രാജ്യം പുസ്തകം 1 എന്ന കൊച്ചി രാജാക്കന്മാരുടെ കാലാനുക്രമ ചരിത്രമാണ് പുസ്തകത്തിൻ്റെ ഉള്ളടക്കം. പെരുമ്പടപ്പ് സ്വരൂപം എന്ന പേരിൽ അറിയപ്പെട്ടിരുന്ന ഈ രാജവംശം രുമക്കത്തായം അനുസരിച്ചാണ് രാജഭരണം നടത്തിയിരുന്നത്. പുരുഷാംഗങ്ങൾ വയസ്സുമൂപ്പനുസരിച്ച് സിംഹാസനാരോഹണം ചെയ്തിരുന്നു. തമ്പുരാട്ടിമാർക്ക് രാജഭരണത്തിൽ യാതൊരു പങ്കും ഇല്ലായിരുന്നു. 1663 നു ശേഷം ജനിച്ചിട്ടുള്ള ഈ രാജവംശത്തിലെ പുരുഷാംഗങ്ങൾക്ക് രാമൻ, കേരളൻ, രവി എന്നീ പേരുകൾ മാത്രമാണ് നൽകപ്പെട്ടു കാണുന്നത്. അതിനാൽ ഒരേ പേരുള്ള രണ്ടോ അതിലധികമോ രാജാക്കന്മാരെ തമ്മിൽ തിരിച്ചറിയാൻ പ്രയാസമാണ്. കൊച്ചി രാജാക്കന്മാരുടെ പൂർണ്ണമായ ഒരു കാലാനുക്രമ ചരിത്രം ആദ്യമായി പ്രസിദ്ധപ്പെടുത്തിയത് പെരുമാക്കന്മാരുടെ രാജ്യം എന്ന തൻ്റെ കൃതിയിൽ ഡോക്ടർ എഫ്. ഡേ എന്ന ആളാണ്. സെൻ്റ്രൽ റിക്കാർഡ് ആപ്പീസിൽ സൂക്ഷിച്ചിട്ടുള്ളതും, അന്നു ദിവാനായിരുന്ന തോട്ടക്കാട്ട് ശങ്കുണ്ണിമേനോൻ ഡോക്ടർ റേക്ക് നോക്കാൻ കൊടുത്തതുമായ ഒരു ഓലയിൽ എഴുതിയിട്ടുള്ള കലിദിനവാക്യങ്ങളിൽ കണക്കാക്കിയെടുത്തിട്ടുള്ള കുറെ തിയ്യതികളെ ആധാരമാക്കിയാണ് അത് രചിക്കപ്പെട്ടിട്ടുള്ളത്. പോർച്ചുഗീസുകാരുടെയും ഡച്ചുകാരുടെയും കാലങ്ങളിൽ നാടുവാണിരുന്ന രാജാക്കന്മാരുടെയും ആധുനിക കാലത്തെ രാജാക്കന്മാരുടെയും ഒരു ചരിത്ര സംക്ഷേപവും, മൂന്നു വംശവിവരപ്പട്ടികകളും വിശദമായി പ്രതിപാദിക്കപ്പെട്ടിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: Records in Oriental Languages – Cochin State – Book 01
പ്രസിദ്ധീകരണ വർഷം: 1943
താളുകളുടെ എണ്ണം: 86
അച്ചടി: Government Press, Cochin
സ്കാൻ ലഭ്യമായ ഇടം: കണ്ണി

1933 – ഏപ്രിൽ – പുഞ്ചിരി

1933 ഏപ്രിലിൽ പുറത്തിറങ്ങിയ പുഞ്ചിരി മാസികയുടെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

ഈ മാസികയുടെ കവർ പേജുകൾ ലഭ്യമല്ലാത്തതിനാൽ, പ്രസാധകൻ, പ്രിൻ്റർ തുടങ്ങിയവരുടെ വിവരം ലഭ്യമല്ല. കൂടാതെ, പുഞ്ചിരി മാസികയെ സംബന്ധിച്ച പൊതു വിവരങ്ങൾ ഒന്നും ലഭ്യമല്ല. ഉള്ളടക്കം പരിശോധിക്കുമ്പോൾ, ഹാസ്യം, ആക്ഷേപഹാസ്യം എന്നിവയ്ക്കു വേണ്ടി മധ്യ തിരുവിതാംകൂർ ഭാഗത്ത് നിന്നും പ്രസിദ്ധീകരിച്ച മാസികയാണെന്ന് കാണുന്നു. എല്ലാ ലേഖനങ്ങളും തൂലികാ നാമത്തിലാണ് ഉൾപ്പെടുത്തിയിരിക്കുന്നത്. അവസാന താളുകളിൽ കോട്ടയം, തിരുവല്ല, ചങ്ങനാശ്ശേരി തുടങ്ങിയ സ്ഥലങ്ങളിൽ നിന്നുള്ള പരദൂഷണങ്ങൾ ‘എൻ്റെ വടക്കൻ സർക്കീട്ട്’ എന്ന തലക്കെട്ടിൽ അവതരിപ്പിച്ചിരിക്കുന്നത് ശ്രദ്ധേയമാണ്.

ഡിജിറ്റൈസ് ചെയ്ത മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

- പേര്: പുഞ്ചിരി
- പ്രസിദ്ധീകരണ തീയതി: 1933 ഏപ്രിൽ
- താളുകളുടെ എണ്ണം: 24
- അച്ചടി: n.a.
- സ്കാൻ ലഭ്യമായ ഇടം: കണ്ണി