Category: P Govinda Pillai Reference Library

1999 ൽ  പ്രസിദ്ധീകരിച്ച മാനവീയം എന്ന ലഘുലേഖയുടെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

1999-ൽ പുതിയ സഹസ്രാബ്ദത്തെ വരവേൽക്കുന്നതിനായി കേരള സർക്കാർ ആവിഷ്കരിച്ച വിപുലമായ സാംസ്കാരിക പദ്ധതിയാണ് ‘മാനവീയം’. സാധാരണക്കാരിലേക്ക് കലയെയും സാംസ്കാരിക മൂല്യങ്ങളെയും എത്തിക്കുന്നതിനൊപ്പം, സമത്വത്തിലും പുരോഗതിയിലും അധിഷ്ഠിതമായ ഒരു സാമൂഹിക മാറ്റമാണ് ഈ പദ്ധതി വിഭാവനം ചെയ്തത്. 1999 നവംബർ 1 മുതൽ 2001 ജനുവരി 26 വരെ നീണ്ടുനിന്ന ഈ മിഷൻ, കേവലം ആഘോഷങ്ങൾക്കപ്പുറം സമൂഹത്തിൻ്റെ ഇച്ഛാശക്തിയെയും സർഗ്ഗാത്മകതയെയും ഏകോപിപ്പിക്കാനുള്ള ഒരു വേദിയായിരുന്നു. തദ്ദേശ സ്വയംഭരണ സ്ഥാപനങ്ങൾ, കലാ-സാംസ്കാരിക സംഘടനകൾ, വിദ്യാലയങ്ങൾ എന്നിവയുടെ സജീവ പങ്കാളിത്തത്തോടെ അവഗണിക്കപ്പെട്ടു കിടക്കുന്ന നാടൻ കലകളെ വീണ്ടെടുക്കാനും, യുവതലമുറയ്ക്ക് കലാ-കായിക മേഖലകളിൽ ചിട്ടയായ പരിശീലനം നൽകാനും, പ്രാദേശിക ചരിത്രവും സ്മാരകങ്ങളും രേഖപ്പെടുത്തി സംരക്ഷിക്കാനും ഈ ദൗത്യം ഊന്നൽ നൽകി.  ലഹരിയും സ്ത്രീപീഡനവും ഉൾപ്പെടെയുള്ള സാമൂഹിക തിന്മകൾക്കെതിരെ പോരാടാനും, സ്ത്രീ-പുരുഷ സമത്വം ഉറപ്പാക്കാനും, അധികാര വികേന്ദ്രീകരണത്തിലൂടെ വികസന പ്രവർത്തനങ്ങളിൽ ജനപങ്കാളിത്തം വർദ്ധിപ്പിക്കാനും സമൂഹത്തെ നവീകരിക്കുവാനും ഇത് ലക്ഷ്യമിടുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: മാനവീയം
• പ്രസിദ്ധീകരണ വർഷം: 1999
• താളുകളുടെ എണ്ണം: 31
  
• അച്ചടി: Government Press, Mannathala
• സ്കാൻ ലഭ്യമായ ഇടം: കണ്ണി

1971-ൽ പ്രസിദ്ധീകരിച്ച, കുമാരനാശാൻ എഴുതിയ മതപരിവർത്തന രസവാദം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1923-ൽ കൊല്ലത്തു വെച്ചു നടന്ന എസ്. എൻ. ഡി. പി യോഗത്തിൽ അധ്യക്ഷം വഹിച്ച കുമാരനാശാൻ കേരളത്തിലെ ബുദ്ധമതപ്രസ്ഥാനത്തിന് എതിരായി സംസാരിച്ചു. അതിനെ ഖണ്ഡിച്ചു കൊണ്ട് മിതവാദി പത്രം ഇംഗ്ലീഷിലും മലയാളത്തിലും മുഖപ്രസംഗങ്ങൾ എഴുതുകയുണ്ടായി. മുഖപ്രസംഗത്തിനു മറുപടി എഴുതി 1923 ജൂൺ 15-ന് പത്രത്തിന് അയച്ചെങ്കിലും അത് പ്രസിദ്ധീകരിക്കാതെ തിരിച്ചയക്കപ്പെടുകയാണുണ്ടായത്. ആ കത്ത്/ലേഖനം ആണ് മതപരിവർത്തന രസവാദം എന്ന പേരിൽ പുസ്തകമായി ഇറങ്ങുന്നത്.

1933 ജൂലൈയിലാണ് ഇത് ആദ്യമായി പ്രസിദ്ധീകരിക്കുന്നത്. ഹിന്ദുമതത്തിൻ്റെയും ബുദ്ധമതത്തിൻ്റെയും ദർശനധാരകൾ വളരെയധികം വ്യത്യസ്തമാണെന്നും ഹിന്ദുമതത്തിലെ ഏതെങ്കിലും പ്രവണതകളെ എതിർക്കുന്നു എന്നതിനർത്ഥം ബുദ്ധമതം ശ്രേഷ്ഠമാണ് എന്നല്ല എന്നും കുമാരനാശാൻ എഴുതുന്നു. രണ്ടു മതങ്ങളും മുന്നോട്ടു വെക്കുന്ന ആശയങ്ങളെയും ഇതിൽ വിശകലനം ചെയ്യുന്നു

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: മതപരിവർത്തന രസവാദം
• പ്രസിദ്ധീകരണ വർഷം: 1971
• താളുകളുടെ എണ്ണം: 33
  
• അച്ചടി: United Printers, Sreekanteswaram, Thiruvananthapuram
• സ്കാൻ ലഭ്യമായ ഇടം: കണ്ണി

1998 ൽ പ്രസിദ്ധീകരിച്ച  നാട്ടറിവിൻ്റെ നിനവ് എന്ന  കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മനുഷ്യൻ്റെ സാമൂഹ്യജീവിതത്തിൻ്റെ ഓർമ്മക്കുറിപ്പുകളാണ് നാടൻകലകൾ.തൃശൂർ ജില്ലാ പഞ്ചായത്തിൻ്റെ ‘നാടൻകലാകളരി’ പദ്ധതി, നാടൻകലകൾ, നാട്ടറിവുകൾ, സാങ്കേതികവിദ്യകൾ എന്നിവ കണ്ടെത്തി സംരക്ഷിക്കാനും പരിപോഷിപ്പിക്കാനുമുള്ളതാണ്. ഇലക്ട്രോണിക് മാധ്യമങ്ങളുടെയും പാശ്ചാത്യസംസ്കാരത്തിൻ്റെയും ആധിപത്യത്തിനെതിരെ ഗ്രാമീണ-ആദിവാസി സംസ്കാരം പുനരുജ്ജീവിപ്പിക്കുന്ന പദ്ധതി, പട്ടികജാതി/പട്ടികവർഗ്ഗക്കാരുടെ നിത്യജീവിതകലകളും നൈപുണ്യങ്ങളും രേഖപ്പെടുത്തുന്നു. ആധുനിക ജീവിതത്തിൻ്റെ സംഘർഷങ്ങളിൽ നിന്ന് രക്ഷനേടാനും ശിഥിലമായ കുടുംബബന്ധങ്ങൾ തിരികെ കൊണ്ടുവരാനും സാമൂഹ്യഭദ്രത നിലനിർത്താനും കൂട്ടായ്മയുടെ സംസ്കാരം സഹായകമാണ്. വേരറ്റുപോയിട്ടില്ലാത്ത നാടൻകലകൾ ഈ സാമൂഹ്യധർമ്മത്തെ അനാവരണം ചെയ്യുന്നു.

നാടൻകലാകളരിയുടെ ഒന്നാം ഘട്ടത്തിനുശേഷം നടത്തിയ സർവ്വേയിൽ വളരെ രസകരവും വിജ്ഞാനപ്രദവുമായ നാട്ടറിവുകൾ ശേഖരിച്ചിട്ടുണ്ട്. അവയിൽ ചിലത് ഈ മോണോഗ്രാഫിൽ ചേർത്തിരിക്കുന്നു. തൃശൂർ ജില്ലയുടെ പലഭാഗത്തും നിലനിൽക്കുന്ന അപൂർവ്വങ്ങളായ നാടൻകലാരൂപങ്ങൾ, നാട്ടറിവുകൾ, നാടൻപാചകം, നാടൻപാട്ടുകൾ, കഥകൾ എന്നിവ വെളിച്ചത്തു കൊണ്ടുവരുവാൻ കുറഞ്ഞ കാലയളവിനുള്ളിൽ ഈ മോണോഗ്രാഫിനു സാധിച്ചു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : നാട്ടറിവിൻ്റെ നിനവ്
• എഡിറ്റർ : സി.ആർ. രാജഗോപാലൻ
• പ്രസിദ്ധീകരണ വർഷം: 1998
• താളുകളുടെ എണ്ണം: 104
  
• അച്ചടി: Kairali, Thrissur
• സ്കാൻ ലഭ്യമായ ഇടം: കണ്ണി

2005-ൽ പ്രസിദ്ധീകരിച്ച, ഫാദർ അലോഷ്യസ് ഡി. ഫെർണാൻ്റസ് എഴുതിയ കറുത്ത കുർബ്ബാന എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ഫാദർ അലോഷ്യസ് ഡി. ഫെർണാൻ്റസ് എഴുതിയ ജീവിതകഥയാണ് കറുത്ത കുർബ്ബാന. പരമ്പരാഗത ക്രൈസ്തവ കുടുംബസാഹചര്യത്തിൽ ജനിച്ചുവളർന്ന ഗ്രന്ഥകാരൻ, ദൈവശാസ്ത്രത്തിൻ്റെ അടിത്തറയിൽ വേരൂന്നി നിന്നുകൊണ്ട് യേശുവിൻ്റെ യഥാർത്ഥപാത കണ്ടെത്താൻ ശ്രമിക്കുകയും സധൈര്യം സഭയെയും സമൂഹത്തെയും തന്നെത്തന്നെയും അഭിമുഖീകരിക്കുകയും ചെയ്യുന്നു. മതചിഹ്നങ്ങൾ മനുഷ്യജീവിതത്തിലെ സംഘർഷങ്ങളെയും രാഷ്ട്രീയ–സാമൂഹിക അധികാരബന്ധങ്ങളെയും എങ്ങനെ പ്രതിഫലിപ്പിക്കുന്നു എന്നതാണ് ഈ കൃതിയുടെ മുഖ്യ ചർച്ച. ‘കുർബാന’ എന്ന മതചിഹ്നത്തെ സാമൂഹിക–സാംസ്കാരിക അർത്ഥതലങ്ങളിലേക്ക് വ്യാപിപ്പിച്ചുകൊണ്ട്, അധികാരം, പീഡനം, ത്യാഗം, മനുഷ്യവേദന തുടങ്ങിയ വിഷയങ്ങൾ ഗ്രന്ഥകാരൻ വിശകലനം ചെയ്യുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: കറുത്ത കുർബ്ബാന
• രചന: Aloysius D. Fernandez
• പ്രസിദ്ധീകരണ വർഷം: 2005
• താളുകളുടെ എണ്ണം: 253
  
• അച്ചടി:  Nambothil Offset Printers, Mavelikkara
• സ്കാൻ ലഭ്യമായ ഇടം: കണ്ണി

1999-ൽ പ്രസിദ്ധീകരിച്ച, ഇൻഡ്യൻ ടെലികോം നയവും പ്രത്യാഘാതങ്ങളും സെമിനാർ റിപ്പോർട്ടിൻ്റെ ഡിജിറ്റൽ സ്കാൻ ആണ്` ഈ പോസ്റ്റിലൂടെ പങ്കു വെക്കുന്നത്

1999 ഏപ്രിൽ 20-ന് തിരുവനന്തപുരം എ.കെ.ജി ഹാളിൽ വെച്ചാണ് സെമിനാർ നടന്നത്. ടെലികോം നയങ്ങളെക്കുറിച്ചും വിവരവിനിമയ സാങ്കേതിക രംഗത്തെ വളർച്ചയും പുത്തൻ പ്രവണതകളെയും കുറിച്ച് ഇ.കെ നായനാർ, വി.എസ് അച്ചുതാനന്ദൻ, എം.എ ബേബി തുടങ്ങി ഒട്ടേറെപ്പേർ എഴുതുന്നു. നാഷണൽ ഫെഡെറേഷൻ ഓഫ് പോസ്റ്റ് ആൻഡ് ടെലിഗ്രാഫ് എംപ്ലോയീസും എ.കെ.ജി പഠനഗവേഷണകേദ്രവും സംയുക്തമായാണ് ഈ പുസ്തകം ഇറക്കിയിരിക്കുന്നത്

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ഇൻഡ്യൻ ടെലികോം നയവും പ്രത്യാഘാതങ്ങളും
• പ്രസിദ്ധീകരണ വർഷം: 1999
• താളുകളുടെ എണ്ണം: 85
  
• അച്ചടി: Genial Printers & Graphics, Tvpm-1
• സ്കാൻ ലഭ്യമായ ഇടം: കണ്ണി

2006 – ൽ പ്രസിദ്ധീകരിച്ച, അലോഷ്യസ്ഡി.ഫെർണാൻ്റസ് എഴുതിയ മരണത്തിലൂടെ ജീവൻ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ക്രൈസ്തവ ആത്മീയത, മരണം, ജീവൻ, ദർശനം, പുനരുത്ഥാനവിശ്വാസത്തിന്റെ അർത്ഥവത്കരണം എന്നിവ ചർച്ച ചെയ്യുന്ന ഒരു ധാർമ്മിക ധ്യാനഗ്രന്ഥമാണ് ഈ കൃതി. ചരിത്രത്തിൽ കാണുന്ന ക്രിസ്തുവും, നമ്മുടെ മുൻപിലുള്ള ക്രിസ്തീയ സഭയും എന്ന വിഷയവുമായി ബന്ധപ്പെട്ട പ്രശ്നങ്ങളുടേ വേരുകൾ തേടുകയാണ് ഗ്രന്ഥകർത്താവ് ഈ കൃതിയിലൂടെ. ദരിദ്രരും അടിച്ചമർത്തപ്പെട്ടവരുമായി താദാത്മ്യപ്പെട്ടുകൊണ്ടാണ് യേശു നവലോക സൃഷ്ടിയായ ദൈവരാജ്യത്തിനായി പ്രവർത്തിച്ചത്. ഇന്നത്തെ അവസ്ഥയെ സമൂലം പരിവർത്തിപ്പിക്കുന്ന ഇടതുപക്ഷത്താണ് യേശു നിലയുറപ്പിച്ചത്. യേശുവിൻ്റെ സഭ അവിടെ തന്നെയാണ് വേരൂന്നേണ്ടത് എന്ന ചിന്തയാണ് പുസ്തകത്തിൻ്റെ കാതൽ.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: മരണത്തിലൂടെ ജീവൻ
• രചന: Aloysius D. Fernandez
• പ്രസിദ്ധീകരണ വർഷം: 2006
• താളുകളുടെ എണ്ണം: 85
  
• അച്ചടി: Jyoti Printers, Noida
• സ്കാൻ ലഭ്യമായ ഇടം: കണ്ണി

1982 ൽ പ്രസിദ്ധീകരിച്ച, സി.ജെ. തോമസ് രചിച്ച ധിക്കാരിയുടെ കാതൽ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിലെ സ്വതന്ത്ര ചിന്തകന്മാരിൽ പരമപ്രധാനിയായ
സി.ജെ. തോമസിൻ്റെ കാതലേറിയ ചിന്തകളാണ് ഈ കൃതിയിൽ സമാഹരിച്ചിട്ടുള്ളത്. ക്ഷീണിക്കാത്ത അന്വേഷണതൃഷ്ണയുടെയും
വിസ്ഫോടകമായ വിഗ്രഹ ഭഞ്ജനത്തിൻ്റെയും നാടകീയമായ
ചിന്തയുടെയും നിറഞ്ഞ ദൃഷ്ടാന്തങ്ങളാണ് ഈ സമാഹാരത്തിലെ
ഓരോ ലേഖനവും.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ധിക്കാരിയുടെ കാതൽ
• രചന: സി.ജെ. തോമസ്
• പ്രസിദ്ധീകരണ വർഷം: 1982
• താളുകളുടെ എണ്ണം: 136
  
• അച്ചടി: അക്ഷര പ്രിൻ്റേഴ്സ്, കോഴിക്കോട്
• സ്കാൻ ലഭ്യമായ ഇടം: കണ്ണി

1974-ൽ പ്രസിദ്ധീകരിച്ച ഇൻഡ്യയുടെ ഭരണഘടന എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1974 – ഇൻഡ്യയുടെ ഭരണഘടന

ലോകത്തിലെ ഏറ്റവും ദീർഘവും, ജനാധിപത്യ മൂല്യങ്ങൾ അടിസ്ഥാനമാക്കിയിട്ടുള്ളതുമായ ലിഖിത ഭരണഘടനയാണ് ഇന്ത്യയ്ക്ക് ഉള്ളത്. ഇതിൻ്റെ ശിൽപി ബി.ആർ. അംബേദ്കറാണ്. ഭരണഘടനയുടെ ആമുഖം “നമ്മൾ, ഇന്ത്യയിലെ ജനങ്ങൾ…” എന്ന അടയാളവാക്യത്തിൽ ആരംഭിക്കുന്നു. ഭരണഘടനയുടെ ആത്മാവ് എന്നറിയപ്പെടുന്ന ആമുഖം ഇന്ത്യയെ പരമാധികാരമുള്ള, സോഷ്യലിസ്റ്റ്, മതേതര, ജനാധിപത്യ റിപ്പബ്ലിക് ആയി പ്രഖ്യാപിക്കുന്നു. ഇന്ത്യയുടെ ഔദ്യോഗികഭാഷാ നിയമനിർമ്മാണ കമ്മീഷൻ്റെ അംഗീകാരത്തോടെ സർക്കാർ പുറത്തുവിട്ട ആദ്യ പതിപ്പുകളിലൊന്നാണിത്. മലയാള ഭാഷയിലേക്ക് വിവർത്തനം ചൈയ്തിരിക്കുന്ന ഈ പതിപ്പ്, കേന്ദ്ര സർക്കാരിൻ്റെ ഔദ്യോഗിക അംഗീകാരത്തോടെ കേരള നിയമനിർമ്മാണ കമ്മീഷനും ഭാഷാ നിർവ്വഹണ വകുപ്പും ചേർന്ന് തയ്യാറാക്കിയിരിക്കുന്നു. ഭരണഘടനയിൽ  നടന്ന  ഭേദഗതികൾക്ക് എല്ലാം പ്രത്യേക പ്രാധാന്യമാണുള്ളത്. വിവിധ ഭരണഘടനാ ഭേദഗതികൾ, ഭരണഘടനാ വ്യവസ്ഥകൾ, പട്ടികകൾ, ഭൂപരിഷ്കരണം എന്നിവയെല്ലം ഉൾപ്പെടുത്തിയിരിക്കുന്ന ഈ പതിപ്പിൽ മൗലികാവകാശങ്ങൾ, മൗലിക കർത്തവ്യങ്ങൾ, മാർഗ്ഗനിർദേശക തത്വങ്ങൾ, കേന്ദ്ര-സംസ്ഥാന ഘടന, രാഷ്ട്രത്തിൻ്റെ ഭാഗങ്ങൾ, അധികാര വിഭജനം, പ്രസിഡൻ്റ്, പ്രധാനമന്ത്രി, പാർലമെൻ്റ് എന്നിവയെല്ലാം വിശദീകരിച്ചിരിക്കുന്നു. ഇന്ത്യൻ ഭരണഘടന ഇന്ത്യയുടെ സാമൂഹ്യ, രാഷ്ട്രീയ, മതേതര, ജനാധിപത്യ മൂല്യങ്ങളുടെ അടിത്തറയാണ്.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ഇൻഡ്യയുടെ ഭരണഘടന
• പ്രസിദ്ധീകരണവർഷം: 1974
• താളുകളുടെ എണ്ണം: 512
  
• അച്ചടി:Govertment Press, Kerala
• സ്കാൻ ലഭ്യമായ ഇടം: കണ്ണി

1972-ൽ പ്രസിദ്ധീകരിച്ച, ”ഇന്ദിരാതരംഗം” കെട്ടുകഥയും വസ്തുതകളും എന്ന ലഘുലേഖയുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്1972 – ”ഇന്ദിരാതരംഗം” കെട്ടുകഥയും വസ്തുതകളും

ഇന്ദിരാഗാന്ധിയുടെ ഭരണകാലത്ത് നടന്ന ചില രാഷ്ട്രീയ സംഭവവികാസങ്ങളെ വിമർശനാത്മകമായി സമീപിക്കുകയാണ് ഈ ലഘുലേഖയിൽ. യഥാർത്ഥ സംഭവങ്ങളെക്കുറിച്ചുള്ള കെട്ടുകഥകളും അവയെക്കുറിച്ചുള്ള വസ്തുതാപരമായ വിവരങ്ങളും ഒരുമിപ്പിച്ചാണ് ലഘുലേഖ മുന്നോട്ടു പോകുന്നത്

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ”ഇന്ദിരാതരംഗം” കെട്ടുകഥയും വസ്തുതകളും
• പ്രസിദ്ധീകരണവർഷം: 1972
• താളുകളുടെ എണ്ണം: 30
  
• അച്ചടി: Deshabhimani Press, Convent Road, Kozhikode
• സ്കാൻ ലഭ്യമായ ഇടം: കണ്ണി

2001-ൽ പ്രസിദ്ധീകരിച്ച, ഡി.എം. പൊറ്റേക്കാട് സ്മരണികയുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്2001- ഡി.എം. പൊറ്റേക്കാട് സ്മരണിക

സാഹിത്യകാരനും ചലച്ചിത്രസംവിധായകനുമായിരുന്ന ഡി.എം എന്ന പേരിൽ അറിയപ്പെട്ട ഡി.എം പൊറ്റേക്കാടിൻ്റെ മുപ്പതാം ചരമവാർഷികത്തോടനുബന്ധിച്ച് പുറത്തിറക്കിയ സ്മരണികയാണിത്. കമ്മ്യൂണിസ്റ്റ് പാർട്ടിയിൽ സജീവ പ്രവർത്തകനായിരുന്ന അദ്ദേഹം ദേശാഭിമാനി പത്രാധിപസമിതി അംഗം ആയി പ്രവർത്തിക്കവേ 1966-ൽ ചങ്ങമ്പുഴയുടെ ‘രമണൻ’ എന്ന കവിത ആസ്പദമാക്കി സിനിമാപ്രവർത്തനങ്ങൾക്ക് തുടക്കം കുറിച്ചു. 1967-ൽ റിലീസ് ചെയ്ത രമണൻ്റെ തിരക്കഥ, നിർമ്മാണം, സംവിധാനം 1971-ൽ ചങ്ങമ്പുഴയുടെ തന്നെ ‘കളിത്തോഴി’യുടെ തിരക്കഥ, നിർമ്മാണം എന്നിവ ഡി.എം പൊറ്റേക്കാടിൻ്റെതായിരുന്നു

ഈ സ്മരണികയിൽ പ്രൊഫ. എം.എൻ വിജയൻ, വൈക്കം ചന്ദ്രശേഖരൻ നായർ, പവനൻ, സി.വി ശ്രീരാമൻ, പി. ഗോവിന്ദപ്പിള്ള തുടങ്ങി ഒട്ടധികം പേർ അദ്ദേഹത്തെ കുറിച്ചെഴുതുന്നു

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ഡി.എം. പൊറ്റേക്കാട് സ്മരണിക
• എഡിറ്റർ: പ്രേംലാൽ പൊറ്റേക്കാട്
• പ്രസിദ്ധീകരണവർഷം: 2001
• താളുകളുടെ എണ്ണം: 72
  
• സ്കാൻ ലഭ്യമായ ഇടം: കണ്ണി