1956 ൽ പ്രസിദ്ധീകരിച്ച കമ്മ്യൂണിസ്റ്റ്കാർ പാർലമെൻ്റിൽ എന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1956 – കമ്മ്യൂണിസ്റ്റ്കാർ പാർലമെൻ്റിൽ
ഭാഷാസംസ്ഥാനമെന്ന ജനാധിപത്യപരമായ ആവശ്യത്തിനായി കമ്മ്യൂണിസ്റ്റ്കാർ പാർലമെൻ്റിൽ ചെയ്ത പ്രസംഗങ്ങളുടെ സമാഹാരമാണ് ഈ പുസ്തകം. കമ്മ്യൂണിസ്റ്റ് പാർലമെൻ്റംഗങ്ങളായിരുന്ന തുഷാർ ചാറ്റർജി, ഹരീന്ദ്രനാഥ ചതോപാദ്ധ്യായ, പി.റ്റി.പുന്നൂസ്, പി.സുന്ദരയ്യ, കക്കിലയാ എന്നിവരുടെ പ്രസംഗങ്ങളാണ് ഉൾക്കൊള്ളിച്ചിട്ടുള്ളത്.
1951 ൽ പ്രസിദ്ധീകരിച്ച മാറല്ലേശുപാന എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1951 – മാറല്ലേശുപാന
റോമായിൽ രാജകുലത്തിൽപ്പെട്ട മസുമ്യാനോസ് എന്ന ധനവാന് വളരെക്കാലം കാത്തിരുന്ന്, ഏറെ നേർച്ചകൾ നടത്തി ഉണ്ടായ മകനായിരുന്നു അല്ലേശ്. ലൗകിക കാര്യങ്ങളിൽ തീരെ താല്പര്യമില്ലാത്തവനായി അവൻ വളർന്നു. യൗവനത്തിൽ മാതാപിതാക്കളും ബന്ധുജനങ്ങളും ചേർന്ന് അല്ലേശിനെ വിവാഹം കഴിപ്പിച്ചു. എന്നാൽ വിവാഹദിവസം രാത്രി തന്നെ ബുദ്ധനായിത്തീർന്ന സിദ്ധാർത്ഥനെപ്പോലെ വീടുവിട്ട് ഇറങ്ങി. ശേഷകാലം ഭിക്ഷ തെണ്ടി ഒരു സന്യാസിയായി ജീവിക്കാൻ തീരുമാനിച്ചു. ഒടുവിൽ അല്ലേശിനെ വിശുദ്ധനായി ലോകം തിരിച്ചറിഞ്ഞു. ഇതാണ് മാറല്ലേശുപാനയുടെ ഇതിവൃത്തം.
നാലു പാദങ്ങളിലായി പാന എന്ന രചനാരീതിയിൽ എഴുതിയിട്ടുള്ളതാണ് ഈ കൃതി. അലോഷ്യസ് എന്ന പേരിൻ്റെ തത്ഭവമായ ‘അല്ലേശ്’, വിശുദ്ധൻ എന്നർത്ഥം വരുന്ന ‘മാർ’ അല്ലേശിൻ്റെ ചരിത്രം പറയുന്ന പാന എന്നീ വാക്കുകൾ യോജിപ്പിച്ചാണ് മാറല്ലേശുപാന എന്ന വാക്കുണ്ടായത്. അല്ലേശിൻ്റെ ചരിത്രം പ്രമേയമായി പാനയും ചവിട്ടുനാടകവും ഉണ്ടായിട്ടുണ്ട്.
ഒരു തരം പാട്ടാണ് പാന. പൂന്താനത്തിൻ്റെ ജ്ഞാനപ്പാന, അർണോസിൻ്റെ പുത്തൻപാന (കൂതാശപ്പാന) എന്നിവ ഈ കാവ്യശാഖയിലെ പ്രസിദ്ധകൃതികളാണ്. പുത്തൻ പാന ക്രൈസ്തവവീടുകളിൽ പാരായണത്തിനുപയോഗിച്ചിരുന്ന കൃതിയാണ്. അതുപോലെ പാരായണത്തിന് ഉപയോഗിച്ചിരുന്ന മറ്റൊരു പാനയാണ് മാറല്ലേശുപാന. കേരളത്തിൽ പ്രചാരമുണ്ടായിരുന്ന മാറല്ലേശുപാനയുടെയും മാറല്ലേശുചരിതം ചവിട്ടുനാടകത്തിൻ്റെയും ഇതിവൃത്തങ്ങൾ തമ്മിൽ വ്യത്യാസമുണ്ട്.
ജെയിംസ് പാറമേലിന്റെ ഗ്രന്ഥശേഖരത്തിൽ നിന്നുമാണ് ഈ പുസ്തകം ലഭ്യമായത്. പ്രൊഫസർ ബാബു ചെറിയാൻ ആണ് ഈ പുസ്തകത്തെക്കുറിച്ചുള്ള വിശദമായ കുറിപ്പു നൽകിയത്
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
1992 ൽ പ്രസിദ്ധീകരിച്ച പുതിയ കാലഘട്ടവും പുതിയ കാഴ്ചപ്പാടും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1992 – പുതിയ കാലഘട്ടവും പുതിയ കാഴ്ചപ്പാടും
1992 ഏപ്രിൽ 26, 27 തിയതികളിൽ പെരുമ്പാവൂരിൽ വെച്ച് ചേർന്ന പുരോഗമന കലാസാഹിത്യ സംഘത്തിൻ്റെ നാലാം സംസ്ഥാന സമ്മേളനം അംഗീകരിച്ച നയരേഖയുടെ പകർപ്പാണ് ഈ പുസ്തകം. സംഘത്തിൻ്റെ കാഴ്ചപ്പാടും പ്രവർത്തന പരിപാടിളുമാണ് പുസ്തകത്തിലെ ഉള്ളടക്കം. സംഘടനാ സംവിധാനം, ഭാവി പരിപാടികൾ, രാഷ്ട്രീയ സാഹിത്യ സാംസ്കാരികമേഖലകളിലെ ചലനങ്ങളുടെ അവലോകനങ്ങൾ എന്നിവയും രേഖ ചർച്ച ചെയ്യുന്നു. വൈലോപ്പിള്ളി ശ്രീധരമേനോൻ്റെ നേതൃത്വത്തിൽ 1981 ൽ ആണ് പുരോഗമന കലാസാഹിത്യ സംഘം രൂപം കൊണ്ടത്. വ്യാപകമായ ചർച്ചകൾക്ക് ശേഷം 1985 ൽ കാലഘട്ടത്തിൻ്റെ വെല്ലുവിളികളും എഴുത്തുകാരും എന്നൊരു രേഖ സംഘം അംഗീകരിച്ചിരുന്നു.
1956 ൽ പ്രസിദ്ധീകരിച്ച സി. ഉണ്ണിരാജ രചിച്ച സൂയസ് പ്രശ്നം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1956 – സൂയസ് പ്രശ്നം – സി. ഉണ്ണിരാജ
സൂയസ് കനാലിൻ്റെ ചരിത്രം പശ്ചിമേഷ്യയിലെ സാമ്രാജ്യാധിപത്യത്തിൻ്റെയും കൊള്ളയടിക്കലിൻ്റെയും ചരിത്രമാണ്. ഈജിപ്തിൻ്റെ രാഷ്ട്രീയ ചരിതം, കനാൽ നിർമ്മാണത്തിൻ്റെ ചരിത്ര പശ്ചാത്തലം, കൊളോണിയൽ ശക്തികളുടെ ഇടപെടലുകൾ, ഈജിപ്ത് ഗവണ്മെൻ്റ് സൂയസ് കനാൽ ദേശസാൽക്കരിച്ചതിനെ തുടർന്നുണ്ടായ അന്താരാഷ്ട്ര സംഘർഷങ്ങൾ, ലോക ശക്തികളുടെ നിലപാടുകൾ, യു എൻ ഇടപെടലുകൾ എന്നീ വിഷയങ്ങളാണ് പുസ്തകത്തിൻ്റെ ഉള്ളടക്കം.
Through this post we are releasing the scan of 1991 edition of Mount Carmel College Bangalore Annual. The annual provides the details of the activities of the college happened during the academic year 1990-91
1991 – Mount Carmel College Bangalore Annual
The annual contains Editorial, Annual Report of the College for the year 1990-91 and various articles written by the students in English, Hindi, Tamil, Kannada, Sanskrit and French . Lot of photos from the Arts and Sports events, Achievers in academic and extracurricular activities during the academic year are also part of this annual.
Metadata and link to the digitized document are provided below. A facility to read the document online is provided in the item page. Click on the first image that you see on the item page to download the document.
1975 ൽ പ്രസിദ്ധീകരിച്ച പി. ആർ. നമ്പ്യാർ രചിച്ച കമ്മ്യൂണിസ്റ്റ് പാർട്ടിയുടെ നയവും പരിപാടികളും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1975 – കമ്മ്യൂണിസ്റ്റ് പാർട്ടിയുടെ നയവും പരിപാടികളും – പി. ആർ. നമ്പ്യാർ
ഇന്ത്യൻ കമ്മ്യൂണിസ്റ്റ് പാർട്ടി അംഗീകരിച്ചിട്ടുള്ള നയപരിപാടികൾ പാർട്ടി അംഗങ്ങളും അനുഭാവികളും മനസ്സിലാക്കേണ്ടതുണ്ട്. പ്രത്യയശാസ്ത്രപരമായും രാഷ്ട്രീയപരമായും ശരിയായ ബോധം ഉൾക്കൊണ്ടു മാത്രമേ ഒരു കമ്മ്യൂണിസ്റ്റ് കാരന് രാഷ്ട്രത്തോടും വർഗ്ഗത്തോടും തനിക്കുള്ള കടമ നിറവേറ്റാനാകൂ എന്ന വസ്തുതയുടെ അടിസ്ഥാനത്തിൽ ഭോപ്പാലിൽ ചേർന്ന മൂന്നാം അഖിലേന്ത്യാ പാർട്ടി വിദ്യാഭ്യാസ സമ്മേളനത്തിൻ്റെ തീരുമാനപ്രകാരം തയ്യാറാക്കിയതാണ് ഈ പുസ്തകം. പാർട്ടി വിദ്യഭ്യാസ ഗ്രന്ഥാവലിയിലെ ഒന്നാമത്തെ പുസ്തകമാണിത്.
1987 ൽ പ്രസിദ്ധീകരിച്ച പൊൻകുന്നം ദാമോദരൻ രചിച്ച ചീമേനി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1987 – ചീമേനി – പൊൻകുന്നം ദാമോദരൻ
1987 മാർച്ച് മാസം 23നു ചീമേനി കമ്മ്യൂണിസ്റ്റ് (മാർക്സിസ്റ്റ്) പാർട്ടി ഓഫീസിനു നേരെ കോൺഗ്രസ്സ് (ഐ) നടത്തിയ ആക്രമണവും മനുഷ്യക്കുരുതിയും വിഷയമാക്കി വിപ്ലവ കവിയായ പൊൻകുന്നം ദാമോദരൻ രചിച്ച ലഘു കവിതയാണ് ഈ പുസ്തകം.
1948 ൽ പ്രസിദ്ധീകരിച്ച Dharmodayam Company Trichur – Silver Jubilee Souvenirഎന്ന സ്മരണികയുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1948 – Dharmodayam Company Trichur – Silver Jubilee Souvenir
തൃശൂർ ആസ്ഥാനമായി 1919ൽ ആരംഭിച്ച ധർമ്മോദയം കമ്പനിയുടെ ഇരുപത്തി അഞ്ചാം വാർഷികത്തോടനുബന്ധിച്ച് പ്രസിദ്ധീകരിച്ചതാണ് ഈ സ്മരണിക. കമ്പനിയുടെ സ്ഥാപക നേതാക്കൾ, ഡയറക്ടർ ബോർഡ് അംഗങ്ങൾ, സിൽവർ ജൂബിലി ആഘോഷക്കമ്മറ്റി, സോവനീർ കമ്മറ്റി എന്നീ വിവരങ്ങൾ, കമ്പനിയുടെ സാമ്പത്തിക വിവരങ്ങൾ എന്നിവ ഉൾക്കൊള്ളിച്ചിരിക്കുന്നു. കൂടാതെ കൊച്ചി രാജാവിൻ്റെയും, സഭാ നേതാക്കളുടെയും, ബിഷപ്പുമാരുടെയും, പൌരപ്രമുഖരുടെയും ചിത്രങ്ങളും ജൂബിലി ആശംസകളും കാണാം. അന്നത്തെ വ്യാപാരം, വ്യവസായം, സാമ്പത്തികസാമൂഹിക ചുറ്റുപാടുകൾ എന്നിവയെ കുറിച്ചുള്ള ലേഖനങ്ങൾ, കമ്പനിയുടെ പ്രധാനപ്പെട്ട അവസരങ്ങളിൽ എടുത്ത പ്രമുഖർക്കൊപ്പമുള്ള ഉദ്യോഗസ്ഥരുടെയും മറ്റും ഫോട്ടോകൾ, ട്രസ്റ്റികൾ, തൃശൂരിലെ സാംസ്കാരിക സ്ഥാപനങ്ങൾ, ദേവാലയങ്ങൾ തുടങ്ങിയവയുടെ ചിത്രങ്ങൾ എന്നിവയും, കമ്പനിയുടെ പുരോഗതിയെ പറ്റി പ്രതിപാദിക്കുന്ന റിപ്പോർട്ട്, ജൂബിലി ആഘോഷവേളയിൽ പ്രമുഖർ നടത്തിയ പ്രസംഗങ്ങളുടെ ഉള്ളടക്കം എന്നിവയും വിശദമായി പ്രതിപാദിച്ചിട്ടുണ്ട്.
1954 ൽ പ്രസിദ്ധീകരിച്ച എം.പി. പോൾ രചിച്ച ഗദ്യഗതി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1954 – ഗദ്യഗതി – എം.പി. പോൾ
വ്യത്യസ്ത വിഷയങ്ങളെ അടിസ്ഥാനമാക്കിയുള്ള പത്ത് സാഹിത്യ ലേഖനങ്ങളാണ് പുസ്തകത്തിൻ്റെ ഉള്ളടക്കം.
കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)
1964 ൽ പ്രസിദ്ധീകരിച്ച സി.എസ്സ്. ചിറയ്ക്കൽ രചിച്ച അല്പം ചരിത്രവും ഏറെക്കഥകളും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
1964 – അല്പം ചരിത്രവും ഏറെക്കഥകളും – സി.എസ്സ്. ചിറയ്ക്കൽ – സി.എസ്സ്. ചിറയ്ക്കൽ
ലോകപുരോഗതിക്ക് അടിസ്ഥാനമായ വിവിധ വിഷയങ്ങളിലുള്ള അറിവുകളുടെ ചരിത്രാംശങ്ങളും കഥകളും തിരഞ്ഞേടുത്ത് എഴുതിയിട്ടുള്ളതാണ് ഈ ഗ്രന്ഥം. കുരുന്നു കൈകളിൽ അറിവിൻ്റെ കൈത്തിരി കൊളുത്തുക, അറിവിൻ്റെ മേഖലകൾ വർദ്ധിപ്പിക്കുക എന്ന ഉദ്ദേശത്തോടെ എഴുതിയിട്ടുള്ളതാണ് ഈ ബാലസാഹിത്യ കൃതി.
കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)
പേര്: അല്പം ചരിത്രവും ഏറെക്കഥകളും
രചയിതാവ് : C.S. Chirackal
പ്രസിദ്ധീകരണ വർഷം: 1964
താളുകളുടെ എണ്ണം: 146
പ്രസാധകർ: Vidyarthimithram Press and Book Depot, Kottayam
