1954 – ൽ പ്രസിദ്ധീകരിച്ച, ഏ. ശങ്കരപ്പിള്ള എഴുതിയ കേരളത്തിലെവീരപുരുഷന്മാർ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1954 – കേരളത്തിലെ വീരപുരുഷന്മാർ
ഈ പുസ്തകത്തിൽ, കേരളത്തിൻ്റെ ചരിത്രത്തിൽ ദേശസ്നേഹവും ധൈര്യവും പ്രകടിപ്പിച്ച വ്യക്തികളുടെ ജീവിതകഥകൾ അവതരിപ്പിക്കുന്നു. ഇരവിക്കുട്ടിപ്പിള്ള, കോട്ടയം കേരളവർമ്മതമ്പുരാൻ, അയ്യപ്പൻ മാർത്താണ്ഡപ്പിള്ള ദളവ, ശക്തൻ തമ്പുരാൻ, വേലുത്തമ്പി ദളവ, എന്നിവരുടെ പ്രവർത്തനങ്ങളും ധൈര്യവും ഇതിൽ പ്രതിപാദിക്കുന്നു.
1936 ൽ പ്രസിദ്ധീകരിച്ച, ശ്രീവർദ്ധനത്തു് എൻ. കൃഷ്ണപിള്ള രചിച്ച രണ്ടു കൃതികൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1936 – രണ്ടു കൃതികൾ – ഒരു സാഹിത്യപഠനം – ശ്രീവർദ്ധനത്തു് എൻ. കൃഷ്ണപിള്ള
രാമായണം ഇരുപത്തിനാലുവൃത്തം, ഭാഗവതം ഇരുപത്തിനാലുവൃത്തം എന്ന രണ്ടു മണിപ്രവാളകൃതികൾ തമ്മിലുള്ള താരതമ്യ പഠനമാണ് ഈ ഗ്രന്ഥം. മൂലകൃതിയുമായി താരതമ്യം ചെയ്യുമ്പോൾ ഉണ്ടാകുന്ന മേന്മകളും കുറവുകളും എല്ലാം കൃത്യമായി ഇതിൽ അവതരിപ്പിച്ചിരിക്കുന്നു.
1961 – ൽ പ്രസിദ്ധീകരിച്ച, ഒ. നാണു ഉപാദ്ധ്യായൻ എഴുതിയ ഗ്രാമീണഗീത എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1961 – ഗ്രാമീണഗീത – ഒ. നാണു ഉപാദ്ധ്യായൻ
ഗ്രാമീണ ജീവിതവുമായി ബന്ധപ്പെട്ട കവിതകളാണ് ഇതിൽ ഉൾപ്പെടുത്തിയിരിക്കുന്നത്. വളരെ ലളിതമായ ഭാഷയിൽ രചിച്ചിരിക്കുന്ന ഈ കവിതകളിൽ പഴയകാല ഗ്രാമീണ ജീവിതം പൂർണ്ണമായും അടയാളപ്പെടുത്തിയിരിക്കുന്നു.
1930 ൽ പ്രസിദ്ധീകരിച്ച, ചേലന്നാട്ട് അച്യുതമേനോൻ രചിച്ച മിന്നലൊളി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1930 – മിന്നലൊളി – ചേലന്നാട്ട് അച്യുതമേനോൻ
തപാൽ ഉദ്യോഗസ്ഥനും പിന്നീട് മദ്രാസ് സർവകലാശാലയിലെ മലയാള വിഭാഗം മേധാവിയുമായിരുന്ന ചേലന്നാട്ട് അച്യുതമേനോൻ ഗദ്യസാഹിത്യത്തിലും ഫോക് ലോർ പഠനത്തിലും ശ്രദ്ധേയനായ പണ്ഡിതനായിരുന്നു.അദ്ദേഹത്തിൻ്റെ പതിനാലു ഗദ്യകവിതകളുടെ സമാഹാരമാണ് ഈ പുസ്തകം.വിവിധ മാസികകളിൽ പ്രസിദ്ധീകരിച്ച കവിതകളും, പല വേദികളിൽ ചൊല്ലുവാൻ എഴുതിയ കവിതകളും ഉൾപ്പെടുത്തിയിരിക്കുന്നു ഈ പുസ്തകത്തിൽ.
താഴെ, മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
Through this post, we are releasing the digital scans of Govt – Victoria College Magazine Vol 01 Issue 01 Published in the month of January, 1935.
1935 – January – Govt – Victoria College Magazine
The 1935 January edition of Govt – Victoria College Magazine comprises of English, Malayalam and Sanskrit Sections and the contents are literary articles and College Notes written by various writers.
1957 ൽ പ്രസിദ്ധീകരിച്ച, ഹെലൻ തോമസ്രചിച്ച രോഗാണു ഗവേഷകന്മാർ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1957 – രോഗാണു ഗവേഷകന്മാർ – ഹെലൻ തോമസ്
ഈ കൃതി ഒരു ശാസ്ത്രീയ വിജ്ഞാനഗ്രന്ഥമാണ്. രോഗങ്ങളെ കണ്ടെത്താനും പ്രതിരോധിക്കാനും ഗവേഷണം നടത്തിയ പ്രമുഖ ശാസ്ത്രജ്ഞരുടെ ജീവിതവും കണ്ടുപിടിത്തങ്ങളും ഇതിൽ അവതരിപ്പിച്ചിരിക്കുന്നു. രോഗാണുക്കളുടെ സ്വഭാവം, പകർച്ചവ്യാധികളുടെ ഉറവിടം, ലൂയി പാസ്റ്റർ, റോബർട്ട് കോക്ക് തുടങ്ങിയ ശാസ്ത്രജ്ഞരുടെ സംഭാവനകൾ എന്നിവയെ വായനക്കാർക്ക് എളുപ്പമായി മനസ്സിലാക്കാൻ വിധം ഗ്രന്ഥകാരി അവതരിപ്പിക്കുന്നു.
1982 ൽ പ്രസിദ്ധീകരിച്ച, സി.ജെ. തോമസ് രചിച്ച ധിക്കാരിയുടെ കാതൽ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1982 – ധിക്കാരിയുടെ കാതൽ – സി.ജെ. തോമസ്
കേരളത്തിലെ സ്വതന്ത്ര ചിന്തകന്മാരിൽ പരമപ്രധാനിയായ
സി.ജെ. തോമസിൻ്റെ കാതലേറിയ ചിന്തകളാണ് ഈ കൃതിയിൽ സമാഹരിച്ചിട്ടുള്ളത്. ക്ഷീണിക്കാത്ത അന്വേഷണതൃഷ്ണയുടെയും
വിസ്ഫോടകമായ വിഗ്രഹ ഭഞ്ജനത്തിൻ്റെയും നാടകീയമായ
ചിന്തയുടെയും നിറഞ്ഞ ദൃഷ്ടാന്തങ്ങളാണ് ഈ സമാഹാരത്തിലെ
ഓരോ ലേഖനവും.
1934 മുതൽ 1937 വരെ പ്രസിദ്ധീകരിച്ച, കൈരളി മാസികയുടെ പുസ്തകം 19, 21 ലെ 23 ലക്കങ്ങളുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1934 – 1937 – കൈരളി മാസിക – പുസ്തകം 19 ൻ്റെ 12 ലക്കങ്ങളും പുസ്തകം 21 ൻ്റെ 11 ലക്കങ്ങളും
മലയാളത്തിലെ ഒരു സുപ്രധാന സാംസ്കാരിക, സാഹിത്യ മാസികയാണ് കൈരളി മാസിക. ഈ മാസിക മലയാളത്തിലെ നവോത്ഥാനകാലത്ത് പ്രസിദ്ധമായ നിരവധി എഴുത്തുകാരുടെയും ചിന്തകരുടെയും രചനകൾക്ക് വേദിയായി പ്രവർത്തിച്ചു. സാഹിത്യരചനകൾ, കവിതകൾ, കഥകൾ, നിരൂപണങ്ങൾ, സാമൂഹ്യ-സാംസ്കാരിക ലേഖനങ്ങൾ, രാഷ്ട്രീയ പ്രതിപാദനങ്ങൾ തുടങ്ങിയവയാണ് മാസികയുടെ ഉള്ളടക്കം. ലയാളത്തിലെ നിരവധി എഴുത്തുകാരുടെ ആദ്യകാല രചനകൾ കൈരളിയിൽ പ്രസിദ്ധമായി. ഭാഷാശൈലിയുടെ നവീകരണത്തിലും സാമൂഹിക ബോധവൽക്കരണത്തിലും മാസികയ്ക്ക് വലിയ പങ്കുണ്ട്. ജി. ശങ്കരക്കുറുപ്പ്, കെ.കെ. രാജാ, കെ.വി. രാഘവൻ നായർ തുടങ്ങിയവർ ഈ മാസികയുടെ പിന്നിൽ പ്രവർത്തിച്ചിരുന്നതായി 1934 കാലങ്ങളിൽ പ്രസിദ്ധീകരിച്ച പതിപ്പുകളിൽ നിന്നും മനസ്സിലാക്കാം. ലക്കങ്ങളുടേ കവർ പേജുകൾ ലഭ്യമല്ലാത്തതിനാൽ എഡിറ്റർ, പ്രസാധകർ, അച്ചടി തുടങ്ങിയ വിവരങ്ങൾ ലഭ്യമല്ല.
അതിനു പുറമെ നമ്മുടെ പഴയകാല ആനുകാലികങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായി കൂടിയാണ് ഈ മാസികകൾ ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
മെറ്റാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
1955 ൽ പ്രസിദ്ധീകരിച്ച, സി. ജെ. തോമസ് രചിച്ച അവൻ വീണ്ടും വരുന്നു എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1955 – അവൻ വീണ്ടും വരുന്നു – സി. ജെ. തോമസ്
നാടകചരിത്രത്തിൽത്തന്നെ ആധുനികതയ്ക്ക് തുടക്കം കുറിച്ച ആദ്യ നാടകങ്ങളിലൊന്നായി കണക്കാക്കപ്പെടുന്നു ഈ നാടകം. രണ്ടാം ലോകമഹായുദ്ധവും അത് സമൂഹത്തിലും കുടുംബജീവിതത്തിലും ഉണ്ടാക്കിയ ആഘാതവും, വിശ്വാസം, മതം, ദാരിദ്ര്യം, യുദ്ധാനന്തരം ജീവിക്കുന്ന മനുഷ്യരുടെ മാനസിക സംഘർഷങ്ങൾ, അവസ്ഥകൾ എന്നിവയെല്ലാം നാടകത്തിലൂടെ തുറന്നു കാട്ടപ്പെടുന്നു. യേശുവിൻ്റെ രണ്ടാം വരവെന്ന ബൈബിൾ പ്രതീകത്തെ മുഖമുദ്രയായി ഉപയോഗിച്ച് എഴുതപ്പെട്ട ഈ കൃതി, രാഷ്ട്രീയവും മതവുമായ അധികാരകേന്ദ്രങ്ങളെയും അവ നയിക്കുന്ന കപടതയും ചോദ്യം ചെയ്യുന്നു.
