Month: May 2025

1983 -ൽ പ്രസിദ്ധീകരിച്ച, ജ്യോർജി ദിമിത്രോവ് എഴുതിയ തിരഞ്ഞെടുത്ത കൃതികൾ – വോള്യം1 എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.ഈ കൃതി പരിഭാഷപ്പെടുത്തിയത് സഖാവ് ബിനോയ് വിശ്വമാണ്.

1983- തിരഞ്ഞെടുത്ത കൃതികൾ -1 – ജ്യോർജി ദിമിത്രോവ്

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

ബൾഗേരിയായിലെ ട്രേഡ് ‌യൂണിയൻ-കമ്മ്യൂണിസ്ററ് പ്രസ്ഥാനത്തിൻ്റെ പ്രണേതാക്കളിൽ പ്രമുഖനായിരുന്നു ജ്യോർജി ദിമിത്രോവ്.നാലു പതിറ്റാണ്ടിലേറെ നീണ്ടുനിന്ന ക്ലേശ പൂർണവും,ത്യാഗോജ്‌ജ്വലവും ആയ സമരത്തിലൂടെ ബൾഗേരിയായിലെ തൊഴിലാളികളേയും കൃഷിക്കാരേയും വിജയകരമായ വിപ്ലവത്തിലേക്ക് അദ്ദേഹം നയിച്ചു.സോഷ്യലിസ്റ്റ് ബൾഗേരിറിയയുടെ ഒന്നാമത്തെ പ്രസിഡൻറും പ്രധാനമന്ത്രിയുമെന്ന നിലയിൽ സ്വന്തം മാതൃഭൂമിയിൽ പുതിയ സോഷ്യലിസ്ററ് സമൂദായം പടുത്തുയർത്തിയ ധീരനായ വിപ്ലവകാരിയാണ്.

ദിമിത്രോവിൻ്റെ ലഘു ജീവചരിത്രം,ബൾഗേരിയൻ കമ്മ്യൂണസ്ററ് പാർട്ടിയുടെ ജനറൽ സെകട്ടറിയും,സോഷ്യലിസ്ററ് ബൾഗേ
രിയയുടെ പ്രസിഡൻറുമായ സഖാവ് ഷിവ് ക്കൊവ് എഴുതിയ ഒരു അനുസ്മ‌രണം, അദ്ദേഹത്തിൻ്റെ ജീവിതത്തിലെ ഒരു വഴിതിരിയൽ ഘട്ടമെന്നു പറയാവുന്ന റൈഷ് സ്ററാഗ് തീവയ്പു കേസ് വിചാരണ സംബന്ധിച്ച രേഖകൾ എന്നിവ ഒന്നാം വോള്യത്തിൽ ഉൾപ്പെടുത്തിയിരിക്കുന്നു. ഒരു കമ്മ്യൂണിസ്ററ് വിപ്ലവകാരിയുടെ ആത്മവിശ്വസവും ശുഭപ്രതീക്‌ഷയും ഭാവി സംഭവ വികാസങ്ങളെ ശാസ് (തീയമായി ദീർഘദർശനം ചെയ്യാനുളള കഴിവും ഈ വോള്യത്തിൽ കൊടുത്തിട്ടുളള കൃതികളിലുടനീളം കാണാൻ സാധിക്കുന്നു.ഇത് പ്രസിദ്ധീകരിച്ചിരിക്കുന്നത് പ്രഭാത് ബുക്ക് ഹൗസ് ആണ്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: തിരഞ്ഞെടുത്ത കൃതികൾ- വോള്യം1
• രചയിതാവ് :ജ്യോർജി ദിമിത്രോവ്  
• പ്രസിദ്ധീകരണ വർഷം: 1983
• താളുകളുടെ എണ്ണം: 226
• അച്ചടി: Sandhya Printers, Kunnukuzhi, Trivandrum
• സ്കാൻ ലഭ്യമായ ഇടം: കണ്ണി

1935-ൽ പ്രസിദ്ധീകരിച്ച, തൈക്കാട്ടു ചന്ദ്രശേഖരൻ നായർ രചിച്ച വിനീതവിഭവം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

തൈക്കാട്ടു ചന്ദ്രശേഖരൻ നായർ എഴുതിയ ഇരുപതു കവിതകളാണ് ഈ പുസ്തകത്തിലുള്ളത്. എഴുത്തുകാരനെ കുറിച്ചുള്ള മറ്റു വിവരങ്ങൾ പൊതു ഇടത്തിൽ ലഭ്യമല്ല

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: വിനീതവിഭവം
• രചയിതാവ് : തൈക്കാട്ടു ചന്ദ്രശേഖരൻ നായർ
• പ്രസിദ്ധീകരണ വർഷം: 1935
• താളുകളുടെ എണ്ണം: 80
• അച്ചടി: Anantha Rama Varma Press, Fort, Thiruvananthapuram
• സ്കാൻ ലഭ്യമായ ഇടം: കണ്ണി

1964-ൽ പ്രസിദ്ധീകരിച്ച, ഓം പ്രകാശ് മന്ത്രി എഴുതിയ മാവോവിൻ്റെ ചൈനയിൽ അഞ്ചു വർഷം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

രചയിതാവ് പീക്കിങ്ങിൽ വിദേശ ഭാഷാ ഇൻസ്റ്റിറ്റ്യൂട്ടിൽ ഹിന്ദി ട്രാൻസ്ലേറ്ററായി കുടുംബസമേതം താമസിച്ച സമയത്ത് അദ്ദേഹത്തിൻ്റെ വ്യക്തി പരമായ അനുഭവസമ്പത്തിൻ്റെ അടിസ്ഥാനത്തിൽ രചിക്കപ്പെട്ട കൃതിയാണിത്. ചൈനയുടെ ആശയപരവും, രാഷ്ട്രീയവുമായ നയങ്ങളിൽ വന്ന മാറ്റങ്ങൾ, സോവിയറ്റ് യൂണിയനോടും ഇന്ത്യയോടും തെറ്റായ സമീപനങ്ങൾ കൈ കൊള്ളാനുണ്ടായ സാഹചര്യങ്ങൾ, സോഷ്യലിസ്റ്റ് പരിപാടികൾ നടപ്പിൽ വരുത്തുന്നതിൽ ചൈനക്ക് തെറ്റു പറ്റിയിട്ടുണ്ടോ തുടങ്ങിയ കാര്യങ്ങൾ ആണ് പുസ്തകത്തിൻ്റെ ഉള്ളടക്കം

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: മാവോവിൻ്റെ ചൈനയിൽ അഞ്ചു വർഷം
• രചയിതാവ് : Om Prakash Manthri
• പ്രസിദ്ധീകരണ വർഷം: 1964
• താളുകളുടെ എണ്ണം: 118
• അച്ചടി: Shahul’s Press and Publications, Trivandrum
• സ്കാൻ ലഭ്യമായ ഇടം: കണ്ണി

1936-ൽ കെ. പത്മനാഭക്കുറുപ്പ് പ്രസിദ്ധീകരിച്ച, കുഞ്ചൻ നമ്പ്യാർ എഴുതിയ ഭഗവത് ദൂത് എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1936- ഭഗവത് ദൂത്- കുഞ്ചൻ നമ്പ്യാർ

കുഞ്ചൻ നമ്പ്യാർ പതിനെട്ടാം നൂറ്റാണ്ടിലെ മലയാളത്തിലെ പ്രമുഖ ഭാഷാ കവിയാണ്. നർമ്മത്തിൽ പൊതിഞ്ഞ സാമൂഹീക വിമർശനമാണ് അദ്ദേഹത്തിൻ്റെ രചനയുടെ മുഖമുദ്ര .കുഞ്ചൻ നമ്പ്യാരുടെ ആദ്യകാല കൃതികളിൽ ഒന്നാണ് ഭഗവത് ദൂത്. പതിന്നാലു ഭിന്ന വ്യത്തങ്ങളിൽ എഴുതിയിരിക്കുന്ന ഈ കൃതി മഹാഭാരത കഥയെ ഇതിവ്യത്തമായി സ്വീകരിച്ചിട്ടുള്ള ഒരു തുള്ളൽകൃതിയാണ്. പണ്ഡിതരെയും പാമരരേയും ഒരു പോലെ രസിപ്പിക്കുക, സാഹിത്യത്തിലൂടെ നിശിതമായ പരിഹാസമുപയോഗിച്ചു സമുദായിക പരിഷ്കാരം നിർവഹിക്കുക എന്ന ഉദ്ദേശ്യമാണ് കവി എന്ന നിലയിൽ അദ്ദേഹത്തിനുണ്ടായിരുന്നത്. നമ്പ്യാരുടെ തുള്ളൽ കാവ്യങ്ങളിൽ കാണുന്ന ഭാഷാ ശൈലി ജന്മസിദ്ധമായ അദ്ദേഹത്തിൻ്റെ കഴിവാണ്. മലയാള സാഹിത്യത്തിലെ അനശ്വരപ്രസ്ഥാനത്തിൻ്റെ മാർഗ്ഗദർശിയായ നമ്പ്യാർ പൂർവഗാമികളായ കവിവര്യന്മാരുടെ ചുവടുകളെ അനുസരിക്കാതെ സ്വന്തം മാർഗത്തിലൂടെ ഉന്നതസ്ഥാനം നേടിയ വ്യക്തിയാണ്. നമ്പ്യാരുടെ ഏറെ പ്രസിദ്ധമായ ഫലിതബോധത്തിനു പുറമേ അദ്ദേഹത്തിൻ്റെ വിപുലമായ അനുഭവസമ്പത്തും എല്ലാ വിജ്ഞാനശാഖകളിലുമുള്ള അവഗാഹവും ഈ കൃതികളിൽ പ്രകടമാകുന്നു. ഭഗവാൻ ശ്രീകൃഷ്ണൻ പാണ്ഡവരുടെ ദൂതനായി കുരുക്ഷേത്ര യുദ്ധത്തിന് മുൻപായി കൗരവരുടെ രാജ്യസദസ്സിൽ ദൂതിനു പോകുന്ന ഭാഗം ലളിതവും ഹാസ്യരസം ചേർത്തും അവതരിപ്പിച്ചിരിക്കുന്നു. ദൂതിനെ പ്രധാനമാക്കി വിസ്തരിച്ചിരിക്കുകയാൽ സനൽകുമാരോപദേശം, ബലഭദ്രവാക്യം, വിദുരോപദേശം എന്നിങ്ങനെ പല ഭാഗങ്ങളും വെട്ടി ചുരുക്കിയുട്ടുണ്ട്. കെ. പത്മനാഭക്കുറുപ്പാണ് ഇതിൻ്റെ പ്രസാധകൻ . വിദ്യാർത്ഥികൾക്കുവേണ്ടി ഏഴുവൃത്തങ്ങൾ മാത്രമേ ഈ പ്രസാധനത്തിൽ ഉൾപ്പെടുത്തിയിട്ടുള്ളു.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ഭഗവത് ദൂത്
• രചയിതാവ് : കുഞ്ചൻ നമ്പ്യാർ
• പ്രസിദ്ധീകരണ വർഷം: 1936
• താളുകളുടെ എണ്ണം: 84
• അച്ചടി: ശ്രിരാമവിലാസം പ്രസ്സ് ,കൊല്ലം
• സ്കാൻ ലഭ്യമായ ഇടം: കണ്ണി