കോൺഗ്രസ് പരിവർത്തനവാദികൾ എന്ന പ്രസ്ഥാനത്തിൻ്റെ സ്ഥാപകനേതാവായ എം.എ. ജോണിന് എതിരായി ഉന്നയിക്കപ്പെട്ട ആരോപണങ്ങളെക്കുറിച്ച് അന്വേഷിക്കാൻ നിയോഗിച്ച കമ്മീഷൻ്റെ റിപ്പോർട്ടിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1976 – എം.എ. ജോണിന് എതിരായി ഉന്നയിക്കപ്പെട്ട ആരോപണങ്ങളെക്കുറിച്ച് അന്വേഷിക്കാൻ
നിയോഗിച്ച കമ്മീഷൻ്റെ റിപ്പോർട്ട്
കോൺഗ്രസ്സ് പരിവർത്തനവാദികളുടെ മുൻപ്രസിഡൻറ് എം.എ.ജോണിന് എതിരായി ഉന്നയിക്കപ്പെട്ട ആരോപണങ്ങളെക്കുറിച്ചു അന്വേഷിക്കാൻ 1976 ഫെബ്രുവരി 29 ന് മൂന്നംഗകമ്മീഷനെ നിർവാഹകസമിതി നിയോഗിച്ചു.ജനുവരി 31, ഫെബ്രുവരി 1 എന്നീ തീയതികളിൽ നടന്ന നിർവാഹക സമിതി യോഗത്തിൽ ടി. ഡി. ജോർജ്ജ് അക്കമിട്ടുഉന്നയിച്ച ആരോപണങ്ങൾ അന്വേഷിക്കുന്നതിനു വി. രാമചന്ദ്രൻ കൺവീനറും കെ. പി. സുദർശനൻ, കെ. എസ്. ഭാസ്ക്കരൻ എന്നിവർ അംഗങ്ങളുമായി അന്വേഷണകമ്മീഷൻ നിയമിക്കപ്പെട്ടു.പ്രവർത്തകാംഗങ്ങൾ പാലിക്കേണ്ടതായ നിഷ്ഠയും അംഗങ്ങൾക്കുള്ളഅവകാശങ്ങളും മനസ്സിൽ വച്ചുകൊണ്ടാണ് കമ്മീഷൻ അന്വേഷണ നടപടികൾ ആരംഭിച്ചത്. ആരോപങ്ങളുമായി ബന്ധപ്പെട്ട രേഖാമൂലമായ തെളിവുകൾ എല്ലാം തന്നെ ശേഖരിക്കുകയും, പാർട്ടിപ്രവർത്തകരെ നേരിൽകണ്ട ആരോപണ കാര്യങ്ങളെ കുറിച്ചു സംസാരിക്കുകയും, എം.എ.ജോണിനു കമ്മീഷൻ കത്തുകൾ അയക്കുകയും ചെയ്തു. എന്നാൽ നോട്ടീസുകൾ ജോൺ നിരസിക്കുകയും തെളിവുകളെ എതിർ വിസ്താരം വഴി പരിശോധിക്കാനുള്ള അവസരം സ്വയം നിഷേധിക്കുകയും രേഖാമൂലം ലഭിച്ച തെളിവുകളുടെ അടിസ്ഥാനത്തിൽ നിഗമങ്ങളിൽ എത്താൻ കമ്മിഷൻ നിർബന്ധിതരാവുകയും ചെയ്തു. അതിനനുസരിച്ചു അന്വേഷണ കമ്മീഷൻ റിപ്പോർട് തയ്യാറാക്കുകയും ചെയ്തു. പരിവർത്തനവാദികൾ സ്വീകരിച്ചിട്ടുള്ള ഏററവും ഉദാരവും വിശാലവുമായ ജനാധിപത്യ തത്വങ്ങളാണ് കമ്മീഷൻ ഈ റിപ്പോർട്ട് തയ്യാറാക്കുന്നതിൽ അവലംബിച്ചിട്ടുള്ളത്.
കേരളത്തിലെ അച്യുതാനന്ദൻ മന്ത്രിസഭയിലെ ഗതാഗത വകുപ്പ് മന്ത്രിയായിരുന്ന ജോസ് തെറ്റയിൽ ആണ് ഈ ലേഖനം ഡിജിറ്റൈസേഷനു വേണ്ടി നൽകിയത്.
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
-
- പേര് : എം.എ. ജോണിന് എതിരായി ഉന്നയിക്കപ്പെട്ട
ആരോപണങ്ങളെക്കുറിച്ച് അന്വേഷിക്കാൻ
നിയോഗിച്ച കമ്മീഷൻ്റെ റിപ്പോർട്ട് - പ്രസിദ്ധീകരണ വർഷം:1976
- അച്ചടി: ഗോപാലകൃഷ്ണാ പ്രിൻ്റിംഗ് വർക്സ്, എറണാകുളം
- താളുകളുടെ എണ്ണം: 16
- സ്കാൻ ലഭ്യമായ ഇടം: കണ്ണി
- പേര് : എം.എ. ജോണിന് എതിരായി ഉന്നയിക്കപ്പെട്ട
ജാതിയെയും മതത്തെയും നശിപ്പിക്കാൻ ഉള്ള പ്രായോഗികമായ മാർഗം മിശ്രവിവാഹമാണെന്ന് ലേഖകൻ എഴുതുന്നു. പല ജാതിയിലും മതത്തിലും ഉള്ള ജനങ്ങൾ കൂടിക്കലർന്നാൽ മാത്രമേ യഥാർത്ഥ മനുഷ്യജാതി സൃഷ്ടിക്കപ്പെടുകയുള്ളൂ. ശ്രീനാരായണഗുരുവിൻ്റെ ശിഷ്യരിൽ പ്രമുഖനായ കെ. അയ്യപ്പൻ്റെ നേതൃത്വത്തിൽ 1917-ൽ ചെറായിൽ സ്ഥാപിച്ച സഹോദരസംഘം കേരളത്തിൽ മിശ്രഭോജനം, അയിത്തോച്ചാടനം, വിധവാവിവാഹം തുടങ്ങിയ സാമൂഹികപരിഷ്കരണ പ്രവർത്തനങ്ങൾക്ക് തുടക്കം കുറിച്ചു.
