Author: Meena Kootala

1923-ൽ പ്രസിദ്ധീകരിച്ച, കുമുദാബായി ഒന്നും രണ്ടും ഭാഗങ്ങളുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

രണ്ടു ഭാഗങ്ങളിലായാണ് ഈ മലയാള നോവൽ പ്രസിദ്ധപ്പെടുത്തിയിരിക്കുന്നത്. ‘സ്ത്രീ ബുദ്ധിസാമർത്ഥ്യം പരീക്ഷിച്ച കഥ’ എന്ന് രണ്ട് പുസ്തകത്തിൻ്റെയും തുടക്കത്തിൽ കൊടുത്തിട്ടുണ്ട്. സ്ത്രീ വിദ്യാഭ്യാസത്തെ കേന്ദ്രീകരിച്ചാണ് ഈ നോവൽ എഴുതപ്പെട്ടിട്ടുള്ളത്. പദ്യഗ്രന്ഥങ്ങൾ മാത്രം പരിശീലിച്ച മലയാളികൾക്ക് മുൻപിൽ ഗദ്യം അവതരിപ്പിക്കുമ്പോൾ അവർക്കുണ്ടാകാവുന്ന ബുദ്ധിമുട്ടുകൾ പരിഹരിക്കാനെന്നവണ്ണം സദാചാരപരവും മഹദ് വാക്യങ്ങളാലുമുള്ള ഉത്തമശ്ലോകങ്ങൾ നോവലിൽ ചേർത്തിട്ടുണ്ടെന്ന് ആമുഖത്തിൽ ഗ്രന്ഥകാരൻ എഴുതിയിട്ടുണ്ട്. എന്നാൽ ശ്ലോകങ്ങളുടെ അർത്ഥം കൊടുത്തിട്ടില്ല. ഐതിഹ്യങ്ങൾ, ഷേക്സ്പിയറുടെ ഒരു നാടകം, അറബിക്കഥ ഇവയിൽ നിന്നുമാണ് ഈ നോവലിലെ കഥ രൂപപ്പെടുത്തിയെടുത്തിരിക്കുന്നത് എന്ന് നോവലിൻ്റെ അഭിപ്രായത്തിൽ കേരളവർമ്മ എഴുതുന്നു

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: 1923 – കുമുദാബായി (ഒന്നാം ഭാഗം)
  • രചന: സി. കൃഷ്ണപ്പണിക്കർ
  • പ്രസിദ്ധീകരണ വർഷം: 1923
  • അച്ചടി: Vidyavinodini Press, Thrissur
  • താളുകളുടെ എണ്ണം: 146
  • സ്കാൻ ലഭ്യമായ ഇടം: കണ്ണി
  • പേര്: 1923 – കുമുദാബായി (രണ്ടാം ഭാഗം)
  • രചന: സി. കൃഷ്ണപ്പണിക്കർ
  • പ്രസിദ്ധീകരണ വർഷം: 1923
  • അച്ചടി: Vidyavinodini Press, Thrissur
  • താളുകളുടെ എണ്ണം: 168
  • സ്കാൻ ലഭ്യമായ ഇടം: കണ്ണി

 

1939-ൽ പ്രസിദ്ധീകരിച്ച, പ്രാചീനകേരളലിപികൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്1939 – പ്രാചീനകേരളലിപികൾ

പ്രാചീനലിപികളുടെ പരിചയത്തിനായി വിദ്യാർത്ഥികൾക്കും ഭാഷാ-സാഹിത്യത്തിൽ താല്പര്യമുള്ളവർക്കും വേണ്ടി തയ്യാറാക്കിയതാണ് ഈ പുസ്തകം. വട്ടെഴുത്ത് എന്ന് തെറ്റായി ഉച്ചരിക്കാറുള്ള വെട്ടെഴുത്ത്, കോലെഴുത്ത്, മലയാണ്മ എന്നീ മൂന്നുതരം ലിപികൾ ഇതിൽ ഉൾപ്പെടുത്തിയിരിക്കുന്നു. മലയാണ്മ തെക്കൻ ഭാഗങ്ങളിലാണ് കൂടുതൽ പ്രചരിച്ചിരുന്നത്. മംഗലാചരണങ്ങളുടെ രൂപത്തിൽ പുരാണ ശിലാലിഖിതങ്ങളിൽ കാണുന്ന ആര്യയെഴുത്തിനെപ്പറ്റിയും സൂചനയുണ്ട്. ഇന്ത്യയിലെ മിക്ക ലിപികളുടെയും മാതൃലിപിയായി കണക്കാക്കപ്പെട്ടിരുന്നത് ബ്രഹ്മി ലിപിയായിരുന്നു. ബ്രഹ്മി ലിപിയുമായുള്ള അടുപ്പം കാരണവും ലിപിപരമായ വ്യക്തത കാരണവും വെട്ടെഴുത്ത് കോലെഴുത്തിനെ അപേക്ഷിച്ച് പ്രാചീനമാണെന്ന നിഗമനവും ലിപികളുടെ പരിശോധനയിലൂടെ പ്രവേശിക എഴുതിയ രവിവർമ്മ നടത്തുന്നു.

ഇപ്പോൾ ഓരോ ഭാഷക്കും പ്രത്യേകം പ്രചാരത്തിലിരിക്കുന്ന ലിപികൾ ഇന്നത്തെ രൂപത്തിലായിട്ടു ഇരുന്നൂറോളം വർഷം കഴിഞ്ഞിരിക്കുന്നു. പല്ലവന്മാരുടെയും ചോളന്മാരുടെയും ചേരന്മാരുടെയും വിജയനഗരത്തിൻ്റെയും പ്രതാപകാലങ്ങളിൽ ആണ് വ്യത്യസ്തമായ ലിപികൾ പ്രചരിച്ചതെന്ന് ടി. കെ കൃഷ്ണമേനോൻ ആമുഖത്തിൽ വ്യക്തമാക്കുന്നുണ്ട്. തിരുവിതാംകൂർ, കൊച്ചി, മലബാർ പ്രദേശങ്ങളിൽ ഉപയോഗിച്ചിരുന്ന വട്ടെഴുത്ത്, കോലെഴുത്ത്, മലയാണ്മ ലിപികളുടെ വിശദമായ വിവരണം പുസ്തകത്തിൽ ചേർത്തിരിക്കുന്നു. ഓരോ ശബ്ദത്തിൻ്റെയും ലിപി വ്യത്യാസങ്ങൾ വ്യക്തമാക്കുന്നതോടൊപ്പം താമ്രപത്രങ്ങൾ തുടങ്ങിയ പ്രാചീന ലിഖിതങ്ങളിലെ ലിപിവിന്യാസരീതികൾ അക്ഷരമായെടുത്ത് വിശദമായി നൽകിയിട്ടുമുണ്ട്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: പ്രാചീനകേരളലിപികൾ
  • പ്രസിദ്ധീകരണ വർഷം: 1939
  • താളുകളുടെ എണ്ണം: 68
  • സ്കാൻ ലഭ്യമായ ഇടം: കണ്ണി

 

1958-ൽ പ്രസിദ്ധീകരിച്ച, ഒടുവിൽ കുഞ്ഞികൃഷ്ണമേനോൻ്റെ കൃതികൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്1958 – ഒടുവിൽ കുഞ്ഞികൃഷ്ണമേനോൻ്റെ കൃതികൾ

ആദ്യകാല മലയാള ഗദ്യസാഹിത്യത്തിലെ പ്രധാനികളിൽ ഒരാളായിരുന്ന ഒടുവിൽ കുഞ്ഞിക്കൃഷ്ണ മേനോൻ കവിയും ചെറുകഥാകൃത്തും പത്രപ്രവർത്തകനുമായിരുന്നു. വെണ്മണി പ്രസ്ഥാനം തുടങ്ങിവെച്ച ശൈലീപരവും ഭാഷാപരവുമായ വഴിയിലൂടെ ആണ് അദ്ദേഹത്തിൻ്റെ ആദ്യകാല സാഹിത്യശ്രമങ്ങൾ സഞ്ചരിച്ചത്. രണ്ടു ഭാഗങ്ങളായി തിരിച്ചിരിക്കുന്ന ഈ പുസ്തകത്തിൽ കുഞ്ഞിക്കൃഷ്ണമേനോൻ എഴുതിയ രാജസ്തുതികൾ, സ്തോത്രകൃതികൾ, ഖണ്ഡകൃതികൾ, വഞ്ചിപ്പാട്ട് എന്നിവ ഉൾപ്പെടുത്തിയിരിക്കുന്നു. അപ്രകാശിത ഒറ്റശ്ലോകങ്ങളും ചില കവിതകളും ഉൾപ്പെടുത്തി മൂന്നാം പതിപ്പായാണ് ഈ പുസ്തകം ഇറങ്ങിയിരിക്കുന്നത്. ഗദ്യകൃതികൾ ഇതിൽ ഉൾപ്പെടുത്തിയിട്ടില്ല.

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: ഒടുവിൽ കുഞ്ഞികൃഷ്ണമേനോൻ്റെ കൃതികൾ
  • പ്രസിദ്ധീകരണ വർഷം: 1958
  • അച്ചടി: Norman Printing Bureau, Kozhikode
  • താളുകളുടെ എണ്ണം: 364
  • സ്കാൻ ലഭ്യമായ ഇടം: കണ്ണി

 

1953-ൽ പ്രസിദ്ധീകരിച്ച, എ.എസ്. പഞ്ചാപകേശയ്യർ എഴുതി കെ. ഗോപാലപിള്ള വിവർത്തനം ചെയ്ത രക്തബലി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്1953 – രക്തബലി

എ.എസ്.പി അയ്യർ എന്ന പേരിൽ അറിയപ്പെട്ടിരുന്ന എ.എസ്. പഞ്ചാപകേശയ്യർ നോവലിസ്റ്റും നാടകകൃത്തും മദ്രാസ് ഹൈക്കോടതിയിലെ ജഡ്ജിയും ആയിരുന്നു. (1899–1963). അദ്ദേഹം ഇംഗ്ലീഷിൽ എഴുതിയ ‘A Mothers Sacrifice’ എന്ന നാടകത്തിൻ്റെ മലയാള പരിഭാഷയാണ് രക്തബലി. തൻ്റെ ആറു വയസ്സുള്ള മകനെ രാജഭക്തിയാൽ ബലിയർപ്പിച്ച രജപുത്രവനിതയായ പുന്നയുടെ ത്യാഗത്തിൻ്റെ കഥയാണ് ഈ നാടകത്തിലെ കഥാതന്തു. ഭക്തിയുടെ ഉപോത്പന്നമായി നിശ്ചയമായും ത്യാഗവുമുണ്ടാവുമെന്ന് ഈ നാടകം വായനക്കാരോട് പറയുന്നു

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: രക്തബലി
  • പ്രസിദ്ധീകരണ വർഷം: 1953
  • അച്ചടി: ശ്രീരാമവിലാസം പ്രസ്സ്, കൊല്ലം
  • താളുകളുടെ എണ്ണം: 112
  • സ്കാൻ ലഭ്യമായ ഇടം: കണ്ണി

 

Through this post, we are releasing the digital scan of A Descriptive Catalogue of The Sanskrit Manuscripts In The Curator’s Office Library Trivandrum Vol. IV edited by K. Mahadeva Sastri and published in the year 19391939 – A Descriptive Catalogue of Sanskrit Manuscripts in The Curator’s Office Library Trivandrum Vol. IV

The catalogue is part of a comprehensive multi-volume series, published primarily during the late 1930s, with Volume IV  released in 1939. This volume focuses on two major branches of classical Indian knowledge, nyaya and jyotisha. This book provides detailed descriptions of hundreds of manuscripts, including their titles, authors, commentaries, physical condition script and special features. It also includes indexes, abbreviations and cross-references to other catalogues making it a useful tool for historians and researchers

These documents are digitized as part of the Madras University Library digitization project.

Metadata and link to the digitized document

Metadata and link to the digitized document are provided below. A facility to read the document online is provided in the item page.

• Name:  A Descriptive Catalogue of Sanskrit Manuscripts in The Curator’s Office Library Trivandrum Vol. IV
• Published Year: 1939
• Editor:  K. Mahadeva Sastri
• Printer: V.V. Press Branch, Trivandrum
• Scan link: Link

Through this post, we are releasing the digital scan of St. Thomas College Trichur Magazine published in the year 19411941 – St. Thomas College Trichur Magazine

This issue -like other old college magazines- serves as a valuable historical document, offering insight into the academic, literary, and cultural milieu of Kerala (and particularly Thrissur) in the early 1940s. It likely contains student writings, articles, reports, and other period-specific content in both Malayalam and English.

This document digitized as part of the Madras University Library digitization project.

Metadata and link to the digitized document

Metadata and link to the digitized document are provided below. A facility to read the document online is provided in the item page.

• Name: St. Thomas College Trichur Magazine
• Published Year: 1941
• No. of Pages: 114
• Scan link: Link

1945-ൽ പ്രസിദ്ധീകരിച്ച, ഉള്ളൂർ എസ്. പരമേശ്വരയ്യർ എഴുതിയ ശരണോപഹാരം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ശബരിമല ശാസ്താവിനെപ്പറ്റിയുള്ള സ്തോത്രങ്ങളാണ് ഈ പുസ്തകത്തിലുള്ളത്. നാലു വരികൾ വീതം എന്ന മട്ടിലെഴുതിയ കാവ്യം ‘നരനായിങ്ങനെ’ എന്ന ഈണത്തിലാണ് ചൊല്ലേണ്ടത്. ഓരോ ചരണത്തിൻ്റെയും അവസാനത്തിൽ ശരണമയ്യപ്പാ എന്ന് തുടങ്ങുന്ന ആദ്യ വരികൾ ചൊല്ലേണ്ടതാണെന്നും അല്ലെങ്കിൽ ശരണമയ്യപ്പാ എന്ന് ഉച്ചരിക്കുകയും വേണ്ടതാണെന്ന് പുസ്തകത്തിൻ്റെ ഒടുക്കം കൊടുത്തിരിക്കുന്ന ടിപ്പണിയിൽ എഴുതിയിരിക്കുന്നു. ബ്രിട്ടീഷ് ഗവണ്മെൻ്റ് നൽകിയ ബഹുമതിയായ റാവു സാഹിബ് എന്നത് ചേർത്താണ് പുസ്തകത്തിൽ ഗ്രന്ഥകാരൻ്റെ പേര് നൽകിയിരിക്കുന്നത്

മദ്രാസ് യൂണിവേഴ്സിറ്റി ലൈബ്രറി മലയാളവിഭാഗത്തിൽ നിന്നാണ് ഈ പുസ്തകം ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ശരണോപഹാരം
• പ്രസിദ്ധീകരണ വർഷം: 1945
• അച്ചടി: Sreedhara Printing House, Thiruvananthapuram
• താളുകളുടെ എണ്ണം: 46
• സ്കാൻ ലഭ്യമായ ഇടം: കണ്ണി

1949-ൽ പ്രസിദ്ധീകരിച്ച, ഇൻഡ്യാ ചരിത്രം Part 1 Form 4 എന്ന പാഠപുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.1949 – ഇൻഡ്യാ ചരിത്രം Part 1 Form 4

ഹൈസ്കൂൾ വിദ്യാർത്ഥികൾക്കു വേണ്ടി ഈ പുസ്തകം തയ്യാറാക്കിയത് കെ.എം. ജോസഫ് ആണ്

നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

മദ്രാസ് യൂണിവേഴ്സിറ്റി ലൈബ്രറി മലയാളവിഭാഗത്തിൽ നിന്നാണ് ഈ പുസ്തകം ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ഇൻഡ്യാ ചരിത്രം Part 1 Form 4 
• രചന:  കെ.എം. ജോസഫ്
• പ്രസിദ്ധീകരണ വർഷം: 1949
• താളുകളുടെ എണ്ണം: 174
• സ്കാൻ ലഭ്യമായ ഇടം: കണ്ണി

 

1969-ൽ പ്രസിദ്ധീകരിച്ച, പന്തളത്തു കേരളവർമ്മ തമ്പുരാൻ എഴുതിയ വേണീസംഹാരം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്1969 – വേണീസംഹാരം

ഭാരതയുദ്ധമാണ് നാടകത്തിൻ്റെ പശ്ചാത്തലം. സംസ്കൃതത്തിലെ വീരരസപ്രധാനങ്ങളായ നാടകങ്ങളിൽ പ്രഥമസ്ഥാനത്താണ് വേണീസംഹാരം. വേണി എന്നാൽ അഴിച്ചിട്ട തലമുടി. അതിൻ്റെ സംഹാരം കൂട്ടിപ്പിടിച്ചു കെട്ടുക. ദ്യൂതസഭയിൽ വെച്ച് ദുശ്ശാസനൻ അഴിച്ചിട്ട പാഞ്ചാലിയുടെ തലമുടി ഭീമൻ കൗരവരെ സംഹരിക്കുന്നതുവരെ അഴിഞ്ഞു കിടക്കുമെന്നുള്ള പ്രതിജ്ഞ ഏതുവിധം നിറവേറി എന്നതാണ് ഈ നാടകത്തിൽ പ്രതിപാദിച്ചിരിക്കുന്നത്. ഭീമനാണ് നാടകത്തിലെ നായകൻ.

മദ്രാസ് യൂണിവേഴ്സിറ്റി ലൈബ്രറി മലയാളവിഭാഗത്തിൽ നിന്നാണ് ഈ പുസ്തകം ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: വേണീസംഹാരം
• രചന: പന്തളത്തു കേരളവർമ്മ തമ്പുരാൻ
• പ്രസിദ്ധീകരണ വർഷം: 1969
• അച്ചടി: R.M. Press, Thiruvananthapuram
• താളുകളുടെ എണ്ണം: 170
• സ്കാൻ ലഭ്യമായ ഇടം: കണ്ണി

1960-ൽ പ്രസിദ്ധീകരിച്ച, കെ. വാസുദേവറാവു എഴുതി ചെങ്ങന്നൂർ ശങ്കര വാരിയർ വിവർത്തനം ചെയ്ത വൈദ്യ വിജ്ഞാനീയം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മസൂരി, ചിക്കൻപോക്സ്, പൊങ്ങൻപനി, ജർമ്മൻ മീസിൽസ്, വില്ലൻചുമ, പിണ്ടിവീക്കം, കണ്ഠരോഗം, അണുബാധകൾ, മസ്തിഷ്ക്കജ്വരം, ഇളംപിള്ളവാതം, സന്നിപാതജ്വരം, പാരാ ടൈഫായിഡ് ഫീവർ, ക്ഷയം, കുഷ്ഠം എന്നീ പകർച്ചവ്യാധികളെപ്പറ്റി സാധാരണജനങ്ങൾ അവശ്യം അറിഞ്ഞിരിക്കേണ്ട വിവരങ്ങൾ സാധാരണക്കാർക്കു മനസ്സിലാകുന്ന ഭാഷയിൽ പ്രതിപാദിക്കുന്ന ഒരു പുസ്തകമാണ് ‘വൈദ്യവിജ്ഞാനീയം’. പകർച്ചവ്യാധികൾ വരാതിരിക്കാൻ സ്വീകരിക്കേണ്ട പ്രതിരോധനടപടികളെക്കുറിച്ചും, വന്നാൽ സത്വരം കൈക്കൊള്ളേണ്ട നിവാരണമാർഗങ്ങളെക്കുറിച്ചും ഈ പുസ്തകത്തിൽ എഴുതിയിട്ടുണ്ട്. ഗ്രന്ഥകാരൻ മദ്രാസ് മെഡിക്കൽസർവ്വീസിൽ ദീർഘകാലത്തെ പ്രശസ്തസേവനമനുഷ്ഠിച്ചശേഷം ഡയറക്ടർ ഓഫ് മെഡിക്കൽ സർവ്വീസസ് സ്ഥാനത്തുനിന്നും റിട്ടയർ ചെയ്ത ആളാണ്.

വിവിധ ഭാഷകളിൽ നിന്നുള്ള പുസ്തകങ്ങൾ മലയാളി വായനക്കാർക്കു പരിചയപ്പെടുത്തുക എന്ന ഉദ്ദേശത്തോടു കൂടി ദക്ഷിണഭാഷാഗ്രന്ഥമണ്ഡലത്തിൻ്റെ ആഭിമുഖ്യത്തിൽ ആണ് പുസ്തകം പ്രസിദ്ധീകരിച്ചിരിക്കുന്നത്

മദ്രാസ് യൂണിവേഴ്സിറ്റി ലൈബ്രറി മലയാളവിഭാഗത്തിൽ നിന്നാണ് ഈ പുസ്തകം ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: വൈദ്യ വിജ്ഞാനീയം
• രചന: കെ. വാസുദേവറാവു
• പ്രസിദ്ധീകരണ വർഷം: 1960
• അച്ചടി: Sree Rama Vilas Press, Kollam
• താളുകളുടെ എണ്ണം: 156
• സ്കാൻ ലഭ്യമായ ഇടം: കണ്ണി