Author: Meena Kootala

1941-ൽ പ്രസിദ്ധീകരിച്ച, വള്ളത്തോൾ നാരായണമേനോൻ എഴുതിയ അഭിഷേകനാടകം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1912-ൽ പത്മനാഭപുരത്തുള്ള മണലിക്കര പോറ്റിയുടെ മഠത്തിൽ നിന്നും ഗണപതി ശാസ്ത്രികൾ ഭാസകൃതിയെന്നു വിചാരിക്കപ്പെടുന്ന അഭിഷേകനാടകം കണ്ടെടുക്കുകയുണ്ടായി. ഭാസനാടകചക്രം എന്നു വിളിക്കുന്ന 13 നാടകങ്ങളിലൊന്നാണിത്. കാളിദാസനും മുൻപ് ജീവിച്ചിരുന്ന ഭാസകവിയുടെ കൃതികളെക്കുറിച്ച് ഏകാഭിപ്രായം ഇല്ല. എങ്കിലും ഈ പതിമൂന്നു നാടകങ്ങളിൽ രാമായണത്തെ അധികരിച്ചുണ്ടായ രണ്ടു നാടകങ്ങളിലൊന്നാണ് അഭിഷേകനാടകം. മറ്റൊന്ന് പ്രതിമാനാടകം ആണ്. രാമരാവണയുദ്ധം കഴിഞ്ഞ് സീതയുമായി അയോധ്യയിൽ തിരിച്ചെത്തിയ രാമൻ്റെ രാജ്യാഭിഷേകം ചിത്രീകരിക്കുന്ന കഥയാണ് അഭിഷേകനാടകത്തിലുള്ളത്.

ആറ് അങ്കങ്ങളാണ് നാടകത്തിലുള്ളത്. പുസ്തകത്തിന് വളരെ വിശദമായ അവതാരികയാണ് എ ബാലകൃഷ്ണപ്പിള്ള തയ്യാറാക്കിയിരിക്കുന്നത്. ഭാസനാടകങ്ങളുടെ പൊതുസ്വഭാവത്തെപ്പറ്റിയും അവയുടെ കർത്തൃത്വ തർക്കങ്ങളെപ്പറ്റിയും രചിച്ച പ്രൗഡമായ അവതാരിക ഈ മേഖലയിലെ പഠിതാക്കൾക്ക് മികച്ച വഴികാട്ടിയാണ്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: അഭിഷേകനാടകം
• പ്രസിദ്ധീകരണ വർഷം: 1941
• താളുകളുടെ എണ്ണം: 90
• സ്കാൻ ലഭ്യമായ ഇടം: കണ്ണി

Through this post, we are releasing the digital scans of Cochin Chamber of Commerce Report Published in 1904 & 1905

This is a historical annual report published in 1904 by the Cochin Chamber of Commerce, covering its activities and commercial data for the period 1902–1903. These reports typically document business conditions, trade statistics, local economic concerns, membership activities, and recommendations from the Chamber for improving commerce in the Cochin region during the early 20th century. The 1905 Report of the Cochin Chamber of Commerce is an annual institutional publication released in 1905 by the Cochin Chamber of Commerce. It provides a snapshot of the Chamber’s activities, financials, membership, and commercial engagements during that year, reflecting the economic concerns and business environment of early 20th-century Cochin under British colonial influence.

In the early 1900s, Cochin (Kochi) was a significant seaport in South India. Chambers of commerce like Cochin’s played important roles in representing business interests, particularly in trade, shipping, and colonial economic policy during the British Raj. Annual reports were an important way to document commercial conditions and the Chamber’s work in advocating for improvements or policy changes.

This document is digitized as part of the Madras University Library digitization project.

Metadata and link to the digitized document

Metadata and link to the digitized document are provided below. A facility to read the document online is provided in the item page.

• Name:  Cochin Chamber of Commerce – 1902 -1903 Report
• Published Year: 1904
• Printer:  Addison & Co. LTD, Madras
• Scan link: Link

• Name: Cochin Chamber of Commerce – 1904 -1905 Report
• Published Year: 1905
• Printer:  Addison & Co. LTD, Madras
• Scan link: Link

1920-ൽ പ്രസിദ്ധീകരിച്ച, തരവത്ത് അമ്മാളു അമ്മ എഴുതിയ സർവ്വവേദാന്തസിദ്ധാന്ത സാരസംഗ്രഹം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മലയാളത്തിലെ ആദ്യകാല എഴുത്തുകാരിയും വിവർത്തകയും വിദുഷിയുമായിരുന്നു തരവത്ത് അമ്മാളുവമ്മ. ബ്രഹ്മസൂത്രം, ഉപനിഷത്തുകൾ എന്നിവയുടെ ആശയം സംഗ്രഹിച്ച് ശങ്കരാചാര്യർ സംസ്കൃതത്തിൽ രചിച്ച കൃതിയാണ് ‘സർവവേദാന്തസിദ്ധാന്ത സാരസംഗ്രഹം’. മറ്റു വാദങ്ങളെ യുക്തിയുക്തം ഖണ്ഡിച്ച് അദ്വൈതമതസിദ്ധാന്തത്തെ സ്ഥാപിക്കുക എന്നതാണ് രചനയുടെ ലക്ഷ്യം. ലൗകികജീവിതത്തിൽ മുഴുകിയവർക്ക് മോക്ഷപ്രാപ്തിക്കുവേണ്ടി ലളിത സുന്ദരമായ ഭാഷയിൽ ശങ്കരാചാര്യർ രചിച്ചതാണ് ഈ കൃതിയെന്ന് മുഖവുരയിൽ വിവർത്തക വ്യക്തമാക്കുന്നു. ശങ്കരാചാര്യരുടെ ഭാഷയുടെ സൗന്ദര്യം എടുത്തു കാണിക്കാനായി അദ്ദേഹത്തിൻ്റെ ശ്ലോകങ്ങൾ സംസ്കൃതത്തിൽത്തന്നെയാണ് നൽകിയിരിക്കുന്നത്. ഗുരുശിഷ്യസംവാദരൂപത്തിലാണ് പുസ്തകത്തിൻ്റെ ഘടന. സങ്കീർണ്ണമായ ആധ്യാത്മികാശയങ്ങൾ ലളിതമായ ഉദാഹരണങ്ങൾ വഴി ബോധ്യപ്പെടുത്തി ഗുരു ശിഷ്യനെ ചരിതാർത്ഥനാക്കുന്നു. ഗുരുപദേശം ലഭിച്ച്, അറിയേണ്ടതെല്ലാം അറിഞ്ഞ ശിഷ്യൻ സംശയരഹിതനായി ഗുരുവിനെ നമസ്കരിച്ച് യാത്രയാവുകയും ഗുരു ആനന്ദസമുദ്രത്തിൽ ആമഗ്നനായിരിക്കുകയും ചെയ്യുന്നിടത്താണ് പുസ്തകം അവസാനിക്കുന്നത്

വേദാന്തവിശാരദനായ കല്പാത്തി ലക്ഷ്മണശാസ്ത്രികൾ പരിശോധിച്ച് പിഴതീർത്തതാണ് പരിഭാഷയെന്ന് ഗ്രന്ഥകർത്രി സാക്ഷ്യപ്പെടുത്തിയിട്ടുണ്ട്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ, മാസികയുടെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: സർവ്വവേദാന്തസിദ്ധാന്ത സാരസംഗ്രഹം
• പ്രസിദ്ധീകരണ വർഷം: 1920
• അച്ചടി: കേരളകല്പദ്രുമം അച്ചുകൂടം
• താളുകളുടെ എണ്ണം: 136
• സ്കാൻ ലഭ്യമായ ഇടം: കണ്ണി

1967-ൽ പ്രസിദ്ധീകരിച്ച, ആറ്റൂർ കൃഷ്ണ പിഷാരടി രചിച്ച കേരളശാകുന്തളം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മഹാകവി കാളിദാസൻ രചിച്ച പ്രശസ്ത നാടകമായ ശാകുന്തളം ആറ്റൂർ പരിഭാഷപ്പെടുത്തിയതാണ് ഈ പുസ്തകം. 1967-ൽ ഇറങ്ങിയ ഒൻപതാം പതിപ്പാണ് ഇത്. ഒന്നാം പതിപ്പിനിറങ്ങിയ ആമുഖം 1936-ൽ എഴുതിയതിനാൽ പുസ്തകവും ആ വർഷം തന്നെയാണ് ഇറങ്ങിയതെന്ന് അനുമാനിക്കാം. പഴയ താളിയോലഗ്രന്ഥങ്ങൾ പരിശോധിക്കുന്നതിനിടയ്ക്ക് അഭിജ്ഞാനശാകുന്തളം സംസ്കൃതനാടകത്തിൻ്റെ അപൂർവമായ ഒരു പ്രതിയും കാളിദാസ നാടകങ്ങൾക്ക് കേരളീയ പണ്ഡിതരാരോ തയ്യാറാക്കിയ വ്യഖ്യാനവും ലഭിച്ചെന്നും അതിലെ ശ്ലോകങ്ങൾ മുൻ വിവർത്തനങ്ങളിൽ ഉള്ളതിലധികം സന്ദർഭ ശുദ്ധിയുള്ളവയായും ഔചിത്യമുള്ളവയായും തോന്നിയതു കൊണ്ടാണ് ഇത്തരമൊരു വിവർത്തനത്തിനു മുതിരുന്നതെന്നും ആറ്റൂർ കൃഷ്ണപ്പിഷാരടി മുഖവുരയിൽ വ്യക്തമാക്കുന്നു.

ദീർഘകാലം പാഠപുസ്തകമായി ഉപയോഗിച്ചുവന്ന കൃതികൂടിയാണ് കേരളശാകുന്തളം

മദ്രാസ് യൂണിവേഴ്സിറ്റി മലയാളവിഭാഗത്തിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: കേരളശാകുന്തളം
  • പ്രസിദ്ധീകരണ വർഷം: 1967
  • അച്ചടി:  The Geetha Press, Thrissur
  • താളുകളുടെ എണ്ണം: 157
  • സ്കാൻ ലഭ്യമായ ഇടം: കണ്ണി

1931-32 വർഷങ്ങളിൽ പ്രസിദ്ധീകരിച്ച, കൈരളി മാസികയുടെ ലഭ്യമായ പന്ത്രണ്ടു ലക്കങ്ങളുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മലയാളത്തിലെ ഒരു സുപ്രധാന സാംസ്കാരിക, സാഹിത്യ മാസികയാണ് കൈരളി മാസിക. ഈ മാസിക മലയാളത്തിലെ നവോത്ഥാനകാലത്ത് പ്രസിദ്ധമായ നിരവധി എഴുത്തുകാരുടെയും ചിന്തകരുടെയും രചനകൾക്ക് വേദിയായി പ്രവർത്തിച്ചു. കവിതകൾ, കഥകൾ, നിരൂപണങ്ങൾ, സാമൂഹ്യ-സാംസ്കാരിക ലേഖനങ്ങൾ തുടങ്ങിയവ മാസികയുടെ ഉള്ളടക്കത്തിൽ കാണുന്നു. മാസികയുടെ രക്ഷാധികാരിണി വി.കെ. പാറുക്കുട്ടി അമ്മ എന്ന് ഒന്നാം ലക്കത്തിൽ കാണുന്നുണ്ട്. മിക്ക ലക്കങ്ങളുടെയും കവർ പേജുകൾ നഷ്ടപ്പെട്ട നിലയിലാണ്. അതിനാൽ പ്രസാധകർ, അച്ചടി തുടങ്ങിയ വിവരങ്ങളും ലഭ്യമല്ല

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

അതിനു പുറമെ നമ്മുടെ പഴയകാല ആനുകാലികങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായി കൂടിയാണ് ഈ മാസികകൾ ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

മെറ്റാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ, മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

• പേര് : കൈരളി മാസിക 
• പ്രസിദ്ധീകരണ വർഷം: 1931 – 32
• ലക്കങ്ങളുടെ എണ്ണം: 12
• സ്കാൻ ലഭ്യമായ ഇടം: കണ്ണി

Through this post we are releasing the scan of Trivandrum Public Library Catalogue Vol 01 published in the year 1939

The State Central Library in Thiruvananthapuram, popularly known as the Trivandrum Public Library, is one of India’s oldest and most historic public libraries. It was established in 1829 during the reign of Maharaja Swathi Thirunal of Travancore and initially served a select circle of scholars and royal durbar attendees. It was formally opened to the broader public in 1898

The 1939 Trivandrum Public Library Catalogue, Vol. 01 is a historical library catalogue originally published by the Trivandrum Public Library. This catalogue represents a comprehensive listing of books and other materials in the library’s collection as of 1939. In that era, before computerized catalogues, such printed books were the main way libraries organized and shared information about their collections for scholars, students, and readers. Volume I typically focuses on specific categories of literature (such as English literature and other subjects) according to traditional classification systems used at the time

These documents are digitized as part of the Madras University Library digitization project.

Metadata and link to the digitized document

Metadata and link to the digitized document are provided below. A facility to read the document online is provided in the item page.

• Name: Trivandrum Public Library Catalogue Vol 01
• Number of pages: 386
• Published Year: 1939
• Scan link: Link

1965-ൽ പ്രസിദ്ധീകരിച്ച, വള്ളത്തോൾ രചിച്ച സാഹിത്യമഞ്ജരി (എട്ടാം ഭാഗം) എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പതിനൊന്നു ഭാഗങ്ങളായാണ് സാഹിത്യമഞ്ജരി പ്രസിദ്ധപ്പെടുത്തിയത്. 1917 മുതൽ 1958 വരെ കാലഘട്ടങ്ങളിൽ രചിച്ച കവിതകളാണ് ഇതിലുൾപ്പെടുത്തിയിരിക്കുന്നത്. പന്ത്രണ്ടു കവിതകളുടെ സമാഹാരമാണ് എട്ടാം ഭാഗത്തുള്ളത്. കവിതകൾ എഴുതിയ കാലവും വരികളുടെ അർത്ഥവും ഉൾക്കൊള്ളുന്ന വിശദീകരണം എല്ലാ പേജിലും കൊടുത്തിരിക്കുന്നു.

മദ്രാസ് യൂണിവേഴ്സിറ്റി മലയാളവിഭാഗത്തിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: സാഹിത്യമഞ്ജരി (എട്ടാം ഭാഗം)
  • പ്രസിദ്ധീകരണ വർഷം: 1965
  • അച്ചടി:  വള്ളത്തോൾ പ്രിൻ്റിംഗ് & പബ്ലിഷിങ്ങ് ഹൗസ്, ചെറുതുരുത്തി
  • താളുകളുടെ എണ്ണം: 93
  • സ്കാൻ ലഭ്യമായ ഇടം: കണ്ണി

1958-ൽ പ്രസിദ്ധീകരിച്ച, ഉള്ളാട്ടിൽ ഗോവിന്ദൻകുട്ടി നായർ എഴുതിയ ഭാഷയും ഗവേഷണവും എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

ഭാഷാസംബന്ധിയായ പഠനങ്ങളുടെയും സാഹിത്യ നിരൂപണങ്ങളുടെയും ഒരു സമാഹാരമാണ് ഈ പുസ്തകം. മലയാള ഭാഷാ-സാഹിത്യത്തിന്റെ വിവിധ വശങ്ങൾ വിമർശനാത്മകമായി പരിശോധിക്കുകയും, ആധുനിക ഭാഷാസാഹിത്യ പഠനത്തിൽ എന്താണ് ഭാഷയുടെ സ്ഥാനം എന്നതിൽ വിശകലനം നടത്തുകയും ചെയ്യുന്നു.

മദ്രാസ് യൂണിവേഴ്സിറ്റി മലയാളവിഭാഗത്തിൽ നിന്നാണ് ഈ പുസ്തകം ഡിജിറ്റൈസേഷനായി ലഭ്യമായത്

മദ്രാസ്  യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര്: ഭാഷയും ഗവേഷണവും
  • പ്രസിദ്ധീകരണ വർഷം: 1958
  • അച്ചടി: K.R. Brothers Achukootam, Kozhikode
  • താളുകളുടെ എണ്ണം: 173
  • സ്കാൻ ലഭ്യമായ ഇടം: കണ്ണി