1926-ൽ പ്രസിദ്ധീകരിച്ച, എൻ. കുമാരനാശാൻ എഴുതിയ ചിന്താവിഷ്ടയായ സീത എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
1914-ലാണ് ആശാൻ ചിന്താവിഷ്ടയായ സീത എഴുതാൻ തുടങ്ങുന്നത്. ഇംഗ്ലീഷിൽ ‘ലിറിക്’ ‘ എന്ന് വിളിക്കപ്പെട്ടിരുന്ന ഖണ്ഡകാവ്യശൈലിയിലാണ് കാവ്യം രചിക്കപ്പെട്ടത്. ആശാൻ സീതയെ ഒരു ദൈവിക പ്രതീകമെന്നതിലുപരി, മാനുഷിക വികാരങ്ങളുള്ള ഒരു സ്ത്രീയായി ചിത്രീകരിക്കുന്നു. രാമൻ്റെ തീരുമാനങ്ങളെയും സമൂഹത്തിൻ്റെ ന്യായവിധികളെയും അവൾ ചോദ്യം ചെയ്യുന്നതിലൂടെ, സ്ത്രീയുടെ സ്ഥാനം, നീതി, ധർമ്മം എന്നിവയെക്കുറിച്ചുള്ള ആഴത്തിലുള്ള ചിന്തകൾ കാവ്യം മുന്നോട്ട് വെക്കുന്നു.
വി.കെ കേശവൻ ആണ് ഈ കാവ്യത്തിൻ്റെ ടിപ്പണി തയ്യാറാക്കിയിരിക്കുന്നത്. പദങ്ങളുടെ അർത്ഥവും വിഷയ പശ്ചാത്തലവും അലങ്കാരങ്ങളും ഇതിൽ വിശദമായി നൽകിയിട്ടുണ്ട്
മദ്രാസ് യൂണിവേഴ്സിറ്റി ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.
- പേര്: ചിന്താവിഷ്ടയായ സീത
- രചന: എൻ. കുമാരനാശാൻ
- പ്രസിദ്ധീകരണ വർഷം:1926
- അച്ചടി:വിദ്യാഭിവർദ്ധിനി അച്ചുകൂടം, കൊല്ലം
- താളുകളുടെ എണ്ണം: 136
- സ്കാൻ ലഭ്യമായ ഇടം: കണ്ണി
കമ്മ്യൂണിസ്റ്റ് പാർട്ടി ഓഫ് ഇന്ത്യയുടെ കേരളത്തിലെ സ്ഥാപകനേതാക്കളിൽ ഒരാളും മാർക്സിസ്റ്റ് സൈദ്ധാന്തികനും എഴുത്തുകാരനുമായിരുന്ന കെ. ദാമോദരനെക്കുറിച്ചുള്ള സ്മരണികയാണ് ഇത്. കേരളത്തിലെ പുരോഗമന ചിന്തയുടെയും മാർക്സിസ്റ്റ് ബൗദ്ധികപ്രസ്ഥാനത്തിൻ്റെയും വളർച്ചയിൽ അദ്ദേഹത്തിൻ്റെ സംഭാവനകളെ ഈ പുസ്തകം വിലയിരുത്തുന്നു. കെ. ദാമോദരൻ്റെ ജീവിതം, മാർക്സിസ്റ്റ് തത്ത്വചിന്തയിലേക്കുള്ള അദ്ദേഹത്തിൻ്റെ സംഭാവനകൾ, സാഹിത്യ-സാംസ്കാരിക രംഗത്തെ പ്രവർത്തനം എന്നിവയെ ഗ്രന്ഥത്തിലെ ലേഖനങ്ങൾ വിശകലനം ചെയ്യുന്നു. ഇന്ത്യൻ തത്ത്വചിന്ത, സാമൂഹികചരിത്രം, മാർക്സിസ്റ്റ് സിദ്ധാന്തം എന്നിവയെ ജനപ്രിയമാക്കുന്നതിൽ കെ. ദാമോദരൻ നടത്തിയ പ്രവർത്തനങ്ങൾക്കും അദ്ദേഹത്തിൻ്റെ ബൗദ്ധിക സ്വാധീനത്തിനും ഗ്രന്ഥത്തിൽ പ്രത്യേക പ്രാധാന്യം നൽകിയിട്ടുണ്ട്. അദ്ദേഹത്തിൻ്റെ ചിന്തകൾ കേരളത്തിലെ പുരോഗമന പ്രസ്ഥാനങ്ങളെ എങ്ങനെ സ്വാധീനിച്ചുവെന്നതും ഈ ലേഖനങ്ങൾ ചർച്ച ചെയ്യുന്നു.