Month: July 2025

1976 -ൽ പാലാരിവട്ടത്തുനിന്നുള്ള പി. രാജൻ എസ്.കെ. മാധവൻ മാഷിന് അയച്ച കത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1976 – പരിവർത്തനവാദി കത്ത് – പി. രാജൻ

പരിവർത്തനവാദി പ്രവർത്തകനായ ശ്രീ എസ്.കെ. മാധവന് 1976 -ൽ പാലാരിവട്ടത്തുനിന്നുള്ള ശ്രീ പി രാജൻ എഴുതിയ കത്തിൻ്റെ കൈയെഴുത്തുപ്രതിയാണിത്. മിശ്രവിവാഹവും സാമൂഹ്യ പരിവർത്തനവും എന്ന വിഷയത്തിൽ സംസാരിക്കേണ്ട ആവശ്യകത ലേഖകൻ പറയുന്നുണ്ട്. അതിനുശേഷം മതേതരത്വത്തിൽ ജാതിനശീകരണത്തിനുള്ള പങ്കും, എന്നാൽ ആയതു നടപ്പിലാക്കാൻ തല്പര കക്ഷികൾക്കുള്ള വിമുഖതയും ലേഖകൻ ചൂണ്ടിക്കാണിക്കുന്നു. ജനാധിപത്യത്തിലെ അധികാര പങ്കാളിത്തത്തെക്കുറിച്ചും അംഗോള, റൊഡേഷ്യ തുടങ്ങിയ സ്ഥലങ്ങളിലെ സാമ്രാജ്യത്വ വിരുദ്ധ സമരങ്ങളെക്കുറിച്ചും പരാമർശമുണ്ട്. അതുപോലെ മതവും മതവിദ്യാഭ്യാസവും ജനങ്ങൾക്ക് നൽകിയിരുന്ന മൂല്യങ്ങൾ ജനാധിപത്യത്തിനും സോഷ്യലിസത്തിനും തടസമായിരുന്നു എന്ന തൻ്റെ ധാരണയും ലേഖകൻ പങ്കുവെക്കുന്നു. മതങ്ങളുടെ സ്ഥാപിത താല്പര്യങ്ങൾ ഇല്ലാതാക്കി ജനതയെ ഏകീകരിക്കാൻ സർക്കാർ തലത്തിൽ ഏകീകൃത വ്യക്തിനിയമങ്ങൾ കൊണ്ടുവരേണ്ടതിൻ്റെ ആവശ്യകതയും ലേഖകൻ ഊന്നിപ്പറയുന്നുണ്ട്.

കേരളത്തിലെ അച്യുതാനന്ദൻ മന്ത്രിസഭയിലെ ഗതാഗത വകുപ്പ് മന്ത്രിയായിരുന്ന ജോസ് തെറ്റയിൽ ആണ് ഈ ലേഖനം ഡിജിറ്റൈസേഷനു വേണ്ടി നൽകിയത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര് : പരിവർത്തനവാദി കത്ത്
• പ്രസിദ്ധീകരണ വർഷം:1976
• രചയിതാവ് : പി. രാജൻ
• താളുകളുടെ എണ്ണം: 04
• സ്കാൻ ലഭ്യമായ ഇടം: കണ്ണി

1973 -ൽ കെ.പി.സി.സി മെമ്പർ ആയിരുന്ന തളിപ്പറമ്പിൽ നിന്നുള്ള എസ്.കെ. മാധവൻ മാഷ് ശ്രീ എ.കെ. ആൻറണിക്കു അയച്ച കത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1973 – പരിവർത്തനവാദി കത്ത് – എസ്.കെ. മാധവൻ

1970 – ൽ കേരളത്തിലെ കോൺഗ്രസ് പാർട്ടിയുടെ ആഭ്യന്തര രാഷ്ട്രീയ പ്രതിസന്ധിയുടെ ചരിത്ര രേഖകൂടിയാണ് ഈ കത്ത്. കോൺഗ്രസ് പാർട്ടിയിൽ നിന്നും പുറത്താക്കപ്പെട്ട എം.എ. ജോണിനെ തിരിച്ചെടുക്കണമെന്ന് ആവശ്യപ്പെട്ടുക്കൊണ്ടും, ആൻ്റണിയുടെ നിലപാടുകളെ ചോദ്യം ചെയ്‌തും, സ്ഥാനമാനങ്ങളിൽ താല്പര്യമില്ലാതെ, കോൺഗ്രെസ്സിലൂടെയേ ഈ നാടീൻ്റെ മോചനം സാധ്യമാകൂ എന്നുറച്ചു വിശ്വസിച്ചിരുന്ന, ശ്രീ എം.എ. ജോണിൻ്റെ പുറത്താക്കലിനെതിരെ ലേഖകൻ ശബ്ദമുയർത്തുന്നു. വ്യക്തിപരമായ പരിഗണനകൾക്കും സ്ഥാനങ്ങൾക്കും ഉപരിയായി ശ്രീ, എം.എ. ജോണിനോട് നീതി പുലർത്തണമെന്ന് ശക്തമായ ഭാഷയിൽ ലേഖകൻ ഈ കത്തിലൂടെ എ.കെ. ആൻ്റണിയോട് ആവശ്യപ്പെടുന്നു.

കേരളത്തിലെ അച്യുതാനന്ദൻ മന്ത്രിസഭയിലെ ഗതാഗത വകുപ്പ് മന്ത്രിയായിരുന്ന ജോസ് തെറ്റയിൽ ആണ് ഈ ലേഖനം ഡിജിറ്റൈസേഷനു വേണ്ടി നൽകിയത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര് : പരിവർത്തനവാദി കത്ത്
• പ്രസിദ്ധീകരണ വർഷം:1973
• രചയിതാവ് : എസ്.കെ. മാധവൻ
• താളുകളുടെ എണ്ണം: 12
  
• അച്ചടി: ഭാവനപ്രസ്‌, കൊച്ചിൻ
• സ്കാൻ ലഭ്യമായ ഇടം: കണ്ണി

കോൺഗ്രസ് പരിവർത്തനവാദികൾ എന്ന പ്രസ്ഥാനത്തിൻ്റെ സ്ഥാപകനേതാവായ എം. എ ജോൺ എഴുതിയ കേരളത്തിൽ രാഷ്ട്രീയഭദ്രത എങ്ങിനെയുണ്ടാക്കാം എന്ന ലേഖനത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

കേരളത്തിൽ രാഷ്ട്രീയഭദ്രത എങ്ങിനെയുണ്ടാക്കാം – എം.എ. ജോൺ

മുൻകാല തെരഞ്ഞെടുപ്പുകളിൽ കേരളത്തിൽ ഒരു സുസ്ഥിരമായ ഭരണം നിലവിൽ വരുത്തുവാൻ കഴിയാത്ത സാഹചര്യത്തെ ലേഖകൻ ഇവിടെ വിലയിരുത്തുന്നു. ജനായത്ത കക്ഷികൾ തെരഞ്ഞെടുപ്പ് മാത്രം മുന്നിൽ കണ്ടു നടത്തുന്ന പ്രവർത്തനങ്ങളാണ് ഈ അവസ്ഥക്കു കാരണമെന്ന് ലേഖകൻ അഭിപ്രായപ്പെടുന്നുണ്ട്. ഇതിനാൽ സംസ്ഥാനം വീണ്ടും വീണ്ടും രാഷ്‌ട്രപതി ഭരണത്തിൻ കീഴിൽ ആകുന്നു. ഈ അവസ്ഥയിൽ ഒരു കൂട്ടുകക്ഷി ഭരണം, ജനാധിപത്യ കക്ഷികൾ ഒരുഭാഗത്തായി വരികയും ജനാധിപത്യ വിരുദ്ധർ പ്രതിപക്ഷം ആകുകയും ചെയ്യുന്ന അവസ്ഥയിൽ, തികച്ചും അപ്രായോഗികവും ആയിത്തീരുന്നു.കേരളത്തിലെ ഏറ്റവും വലിയ രാഷ്ട്രീയകക്ഷികൾ ഒറ്റയ്ക്ക് മത്സരിക്കുന്നതിലൂടെ ഉറച്ച ഭരണവും രാഷ്ട്രീയ ഭദ്രതയും നേടാൻ ആകുമെന്നും പുസ്തകം പറയുന്നു .

കേരളത്തിലെ അച്യുതാനന്ദൻ മന്ത്രിസഭയിലെ ഗതാഗത വകുപ്പ് മന്ത്രിയായിരുന്ന ജോസ് തെറ്റയിൽ ആണ് ഈ ലേഖനം ഡിജിറ്റൈസേഷനു വേണ്ടി നൽകിയത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• • പേര് : കേരളത്തിൽ രാഷ്ട്രീയഭദ്രത എങ്ങിനെയുണ്ടാക്കാം
  • രചയിതാവ് : എം.എ. ജോൺ
  • അച്ചടി: സത്യപ്രകാശിനി പ്രസ്സ്, എറണാകുളം
  • താളുകളുടെ എണ്ണം: 30
    
  • സ്കാൻ ലഭ്യമായ ഇടം: കണ്ണി

കോൺഗ്രസ് പരിവർത്തനവാദികൾ എന്ന പ്രസ്ഥാനത്തിൻ്റെ സ്ഥാപകനേതാവായ എം. എ ജോൺ എഴുതിയ പരിവർത്തനത്തിൻ്റെ സമരം എന്ന ലേഖനത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പരിവർത്തനമെന്നത് ജനജീവിതത്തെ സമ്പന്നമാക്കുന്ന, വ്യക്തമായ ലക്ഷ്യത്തിലേക്ക്, ആസൂത്രിതമായ ശ്രമങ്ങളിലൂടെ മുന്നേറുക എന്നതാണ്. ഇവിടെ തെറ്റായി ആസൂത്രണം ചെയ്ത പദ്ധതികൾ അവയുടെ ഭൗതികലക്ഷ്യം നിറവേറ്റുന്നതിൽ പരാജയപ്പെടുകയുണ്ടായി എന്ന് ലേഖകൻ എഴുതുന്നു. ഈ ദുരവസ്ഥയുടെ മുഖ്യകാരണക്കാർ രാഷ്ട്രീയനേതാക്കളാണ്. സുശക്തവും ഭാവനാസമ്പന്നവുമായ രാഷ്ട്രീയനേതൃത്വം എന്നും സാമൂഹികജീവിതത്തെ സ്വാധീനിച്ചിട്ടുണ്ട്. വ്യക്തിപരമെന്നു കണക്കാക്കപ്പെടുന്ന കലാസൃഷ്ടികൾ വരെ സുശക്തമായ സാമൂഹ്യവ്യവസ്ഥയുടെ മണ്ണിലാണ് തഴച്ചു വളരുക. ഭാരതത്തിൻ്റെ സാമൂഹ്യഘടനയെ ഉറപ്പിച്ചു നിർത്തുന്ന ജാതി എന്ന നെടുംതൂണിനെക്കുറിച്ച് അദ്ദേഹം തുടർന്നെഴുതുന്നു

കേരളത്തിലെ അച്യുതാനന്ദൻ മന്ത്രിസഭയിലെ ഗതാഗത വകുപ്പ് മന്ത്രിയായിരുന്ന ജോസ് തെറ്റയിൽ ആണ് ഈ ലേഖനം ഡിജിറ്റൈസേഷനു വേണ്ടി നൽകിയത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര് : പരിവർത്തനത്തിൻ്റെ സമരം
• രചയിതാവ് : എം.എ. ജോൺ
• താളുകളുടെ എണ്ണം: 14
  
• സ്കാൻ ലഭ്യമായ ഇടം: കണ്ണി

അടിയന്തിരാവസ്ഥക്കാലത്ത് പരിവർത്തനവാദി പ്രസിദ്ധീകരിച്ച ലഘുലേഖയുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

കുറിപ്പുകൾ, ഇന്ദിരയുടെ അടിയന്തിരം, എഴുതാപ്പുറം, കത്തുകൾ എന്നിവ ലഘുലേഖയിൽ പ്രസിദ്ധീകരിച്ചിരിക്കുന്നു. ആഭ്യന്തര സുരക്ഷിതത്വത്തിൻ്റെ പേരിൽ അടിയന്തിരാവസ്ഥ പ്രഖ്യാപിച്ച ഇന്ദിരയുടെ നടപടിയെ നിശിതമായി വിമർശിക്കുന്നു. പ്രധാനമന്ത്രിപദം അപകടത്തിലാകുന്നുവെന്ന അടിയന്തിരാവസ്ഥയിലാണ് ഇന്ദിര എല്ലാവിധ മനുഷ്യാവകാശങ്ങളെയും നിഷേധിച്ചുകൊണ്ട് ഈ നിയമം രാജ്യത്ത് നടപ്പിലാക്കിയത്. എസ്. കെ മാധവൻ എഴുതിയ കത്തുകളിൽ സർവകലാശാലാതലത്തിൽ മലയാളം അധ്യയന മാധ്യമമാക്കുന്നതിനെതിരെ മാതൃഭൂമി എഴുതിയ മുഖപ്രസംഗത്തെക്കുറിച്ചെഴുതുന്നു. ലഘുലേഖയുടെ പ്രസിദ്ധീകരണവർഷം ഇതിൽ കാണുന്നില്ല

കേരളത്തിലെ അച്യുതാനന്ദൻ മന്ത്രിസഭയിലെ ഗതാഗത വകുപ്പ് മന്ത്രിയായിരുന്ന ജോസ് തെറ്റയിൽ ആണ് ഈ ലഘുലേഖ ഡിജിറ്റൈസേഷനു വേണ്ടി നൽകിയത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര് : പരിവർത്തനവാദി ലഘുലേഖ
• താളുകളുടെ എണ്ണം: 18
  
• പ്രസാധകർ : Parivarthanavadikal
• സ്കാൻ ലഭ്യമായ ഇടം: കണ്ണി

പരിവർത്തനവാദി വിദ്യാർത്ഥി സംഘം പ്രസിദ്ധീകരിച്ച ലഘുലേഖയുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പ്രസിദ്ധീകരണവർഷം ഇതിൽ അച്ചടിച്ചിട്ടില്ല. അടിയന്തിരാവസ്ഥക്കാലത്ത് അതിനെതിരെ നിലകൊണ്ട കേരളത്തിലെ പരിവർത്തനവാദികളുടെ വിദ്യാർത്ഥി സംഘമാണ് ഇത് പ്രസിദ്ധീകരിച്ചിരിക്കുന്നത്. അടിസ്ഥാനപരമായ ജനാധിപത്യാവകാശങ്ങളും മനുഷ്യാവകാശങ്ങളും നിഷേധിച്ചു കൊണ്ടു ഇന്ദിര നടപ്പിലാക്കിയ നിയമവാഴ്ചയെ നിശിതമായി വിമർശിക്കുന്നു

“ഭാരതം ഇന്നൊരു ജയിലറ
പൊട്ടിച്ചെറിയും ചങ്ങലകൾ
ഇന്ദിര നശിക്കും ജനത ജയിക്കും
ചന്ദ്രശേഖർ സിന്ദാബാദ്
എം. എ. ജോൺ നമ്മെ നയിക്കും” എന്ന മുദ്രാവാക്യവും ഇതിൻ്റെ അവസാനം കൊടുത്തിട്ടുണ്ട്

കേരളത്തിലെ അച്യുതാനന്ദൻ മന്ത്രിസഭയിലെ ഗതാഗത വകുപ്പ് മന്ത്രിയായിരുന്ന ജോസ് തെറ്റയിൽ ആണ് ഈ ലഘുലേഖ ഡിജിറ്റൈസേഷനു വേണ്ടി നൽകിയത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര് : പരിവർത്തനവാദി വിദ്യാർത്ഥി സംഘം
• താളുകളുടെ എണ്ണം: 4
  
• പ്രസാധകർ : Parivarthanavadi Vidyarthi Samgham
• സ്കാൻ ലഭ്യമായ ഇടം: കണ്ണി