ഗ്രന്ഥപ്പുര (Granthappura) blog

1902 – ൽ പ്രസിദ്ധീകരിച്ച,   രാസക്രീഡ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1902 – രാസക്രീഡ

തിരുവാതിരപ്പാട്ടുകൾ ആണ് ഈ പുസ്തകത്തിൻ്റെ ഉള്ളടക്കത്തിലുള്ളത്. വിവിധ രാഗത്തിലും താളത്തിലും എഴുതിയിട്ടുള്ള ഈ പാട്ടുകളുടെ രചയിതാവിനെ കുറിച്ചോ, മറ്റു വിവരങ്ങൾ ഒന്നും തന്നെയോ ലഭ്യമല്ല . ഇത് അച്ചടിച്ചിട്ടുള്ളത് സുബോധിനി പ്രസ്സ്, ചാലയിൽ ആണ്.

അച്ചുത്ശങ്കർ നായരുടെ ശേഖരത്തിൽ നിന്നാണ് ഈ പുസ്തകം ഡിജിറ്റൈസേഷനു ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: രാസക്രീഡ
• പ്രസിദ്ധീകരണ വർഷം: 1902
• അച്ചടി: സുബോധിനി പ്രസ്സ്, ചാല ,തിരുവനന്തപുരം
• താളുകളുടെ എണ്ണം: 20
  
• സ്കാൻ ലഭ്യമായ ഇടം: കണ്ണി

1913-ൽ പ്രസിദ്ധീകരിച്ച, കെ. സി. കേശവപിള്ള രചിച്ച അഭിനയഗാനമാലിക ഒന്നാംഭാഗം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1913 – അഭിനയഗാനമാലിക ഒന്നാംഭാഗം- കെ. സി. കേശവപിള്ള

കോട്ടയ്ക്കകം പെൺ പള്ളിക്കൂടത്തിലെ സമ്മാനദാനാവസരങ്ങളിൽ ചെറിയ കുട്ടികൾക്ക് ഉപയോഗപ്പെടുത്തുനാതിനായി, ഭാരവാഹികകളുടെ ആവശ്യപ്രകാരം അപ്പഴപ്പോൾ എഴുതിക്കൊടുത്തിട്ടുള്ള ഏതാനും അഭിനയഗാനങ്ങളാണ് ഈ ചെറിയ പുസ്തകത്തിലെ ഉള്ളടക്കം. പുസ്തകപാരായണം കൊണ്ടു മാത്രം കുട്ടികൾക്ക് അറിവുണ്ടാകയില്ല. കമ്മേന്ദ്രിയങ്ങളേയും ജ്ഞാനേന്ദ്രിയങ്ങ
ളേയും വ്യാപരിപ്പിച്ചു ക്രമപ്പെടുത്തുന്നതിൽ നിന്നാണ് അവർക്ക് അറിവു സിദ്ധിക്കുന്നത്. അതുകൊണ്ടാണ് നവീന വിദ്യാഭ്യാസ  സമ്പ്രദായത്തിൽ ‘കിണ്ടർഗാർട്ടൻ ‘, ‘ഡ്രിൽ’,”ഡ്രായിങ് ‘, ‘മനുവെൽട്രയിനിംഗ് ‘ മുതലായവ ഏപ്പെടുത്തപ്പെട്ടിരിക്കുന്നത്.നവീനരീതിയിലുള്ള വിദ്യാഭ്യാസത്തിനു ഗാനത്തോടുകൂടിയ അഭിനയം പ്രയോജനമുള്ളതാണ് എന്ന് കണ്ടിട്ടാണ് മലയാളത്തിൽ ഇത്തരത്തിൽ ഒരു ഗ്രന്ഥം വളരെ ലളിതമായി പ്രസിദ്ധീകരിച്ചിരിക്കുന്നത്.മൂന്നും നാലും ക്ലാസുകളിൽ പഠിക്കുന്ന വിദ്യാത്ഥിനികൾക്കു് ഉപയോഗപ്രദമാകുന്ന രീതിയിലാണ് ഇത് എഴുതപ്പെട്ടിട്ടുള്ളത്. ഈപുസ്തകത്തിൻ്റെ പ്രസാധകൻ മിസ്റ്റർ മണക്കാട്ട് പി. നാരായണപിള്ളയാണ്.

അച്ചുത്ശങ്കർ നായരുടെ ശേഖരത്തിൽ നിന്നാണ് ഈ പുസ്തകം ഡിജിറ്റൈസേഷനു ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: അഭിനയഗാനമാലിക ഒന്നാംഭാഗം
• രചയിതാവ്: കെ. സി. കേശവപിള്ള
• പ്രസിദ്ധീകരണ വർഷം: 1913
• താളുകളുടെ എണ്ണം: 42
  
• സ്കാൻ ലഭ്യമായ ഇടം: കണ്ണി

1918-ൽ പ്രസിദ്ധീകരിച്ച, പി. ഗോവിന്ദപ്പിള്ള എഴുതിയ മലയാളഭാഷാചരിത്രം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

രണ്ടു വോള്യങ്ങളായി പ്രസിദ്ധീകരിച്ച പുസ്തകത്തിൻ്റെ രണ്ടാം വോള്യം ആണ് ഈ പുസ്തകം. മലയാള ഭാഷയുടെ ഉദ്ഭവം, വളർച്ച, വ്യാകരണം, ഭാഷാശൈലികൾ എന്നിവയിലൂടെ മലയാളഭാഷയുടെ ചരിത്രപരമായ വളർച്ചയെ ആഴത്തിൽ പരിശോധിക്കുന്നു. കൂടാതെ, പ്രാചീന സാഹിത്യകാരന്മാരെയും അവരുടെ കൃതികളെയും സൂക്ഷ്മവിശകലന വിധേയമാക്കുന്നു

ഈ ഗ്രന്ഥം മലയാള ഭാഷയുടെ ചരിത്രത്തെ അറിയാൻ ആഗ്രഹിക്കുന്നവർക്കും ഭാഷാശാസ്ത്രജ്ഞർക്കും എഴുത്തുകാർക്കും ഗവേഷകർക്കും വിദ്യാർത്ഥികൾക്കും അമൂല്യമായ റഫറൻസ് ആണ്. ഇതിൻ്റെ ഒന്നാം ഭാഗം ഡിജിറ്റൈസേഷനു ലഭിക്കുന്നതിനായി ഞങ്ങൾ ശ്രമിക്കുന്നുണ്ട്

അച്ചുത്ശങ്കർ നായരുടെ ശേഖരത്തിൽ നിന്നാണ് ഈ പുസ്തകം ഡിജിറ്റൈസേഷനു ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

• പേര്: മലയാളഭാഷാചരിത്രം – വോള്യം 2
• രചയിതാവ്: P. Govinda Pillay
• പ്രസിദ്ധീകരണ വർഷം: 1918
• താളുകളുടെ എണ്ണം: 184
• അച്ചടി: V. V Press, Kollam
• സ്കാൻ ലഭ്യമായ ഇടം: കണ്ണി