വിശുദ്ധ ശവരിയാർ പുണ്യാളനെ (വിശുദ്ധ ഫ്രാൻസിസ് സേവ്യർ) പറ്റി ഫാദർ ഷെർഹാമ്മർ രചിച്ച കൃതി സി കെ മറ്റം പരിഭാഷ ചെയ്ത് വിശുദ്ധ ശവരിയാർ എന്ന പേരിൽ 1923 ൽ പ്രസിദ്ധീകരിച്ച പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.
ഫ്രാൻസിസ് പുണ്യവാൻ്റെ (വിശുദ്ധ ഫ്രാൻസിസ് സേവ്യർ/ ശവരിയാർ (എന്നു മലയാളീകരിച്ചു വിളിക്കുന്നു)) തിരു ശരീര പ്രദർശനം കൊണ്ട് ഭാരതത്തിലും ലോകമൊട്ടുക്കും പ്രശസ്തനാണു്. പുണ്യവാൻ്റെ പ്രവർത്തികളെയും പ്രസംഗങ്ങളെയും എഴുത്തുകളെയും പരാമർശിച്ചുകൊണ്ട് അനേകം പുസ്തകങ്ങൾ രചിക്കപ്പെട്ടിട്ടുണ്ടെങ്കിലും, വേദപ്രചാരണത്തിൽ ഇദ്ദേഹത്തിനു ലഭിച്ച അനിതരസാധാരണ വിജയരഹസ്യം മുന്നിർത്തി അധികം ആരും എഴുതിയിട്ടില്ല എന്ന വാസ്തവം മനസ്സിലാക്കി ആ ന്യൂനത പരിഹരിക്കുവാനായി എഴുതിയതാണ് ഈ കൃതിയെന്ന് ആമുഖത്തിൽ പറയുന്നു.
ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
താഴെ, പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
- പേര്: വിശുദ്ധ ശവരിയാർ
- രചന: ഫാദർ ഷെർഹാമ്മർ/C.K. Mattam
- പ്രസിദ്ധീകരണ വർഷം: 1923
- താളുകളുടെ എണ്ണം: 72
- അച്ചടി C M S Press, Kottayam
- സ്കാൻ ലഭ്യമായ ഇടം: കണ്ണി
