1997 – തർജമ – സിദ്ധാന്തവും പ്രയോഗവും മലയാളത്തിൽ

താരതമ്യ പഠനസംഘം (താപസം) 1996 ജൂൺ 8,9 തീയതികളിൽ പാലാ, ഓശാനമൗണ്ടിലെ ക്യാമ്പ് സെൻ്ററിൽ നടത്തിയ തർജ്ജമപഠനസെമിനാറിൻ്റെമിനാറിൻ്റെ വിശിഷ്ടഫലങ്ങൾ ഗ്രന്ഥരൂപത്തിലാക്കിയ തർജമ – സിദ്ധാന്തവും പ്രയോഗവും മലയാളത്തിൽ എന്ന പുസ്തകത്തിൻ്റെ ഡിജിറ്റൽ പതിപ്പ്. ഈ പുസ്തകത്തിൻ്റെ എഡിറ്റർ ജയാസുകുമാരനും ചീഫ് എഡിറ്റർ സ്കറിയ സക്കറിയയും ആണ്.

ഡോ. സ്കറിയാ സക്കറിയയുടെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.

1997-തർജമ - സിദ്ധാന്തവും പ്രയോഗവും മലയാളത്തിൽ — 1997-തർജമ – സിദ്ധാന്തവും പ്രയോഗവും മലയാളത്തിൽ

തർജ്ജമയും തർജ്ജമ പഠനവുമായി ബന്ധപ്പെട്ടു 17ഓളം പ്രമുഖർ അവതരിപ്പിച്ച പ്രബന്ധങ്ങളും വള്ളത്തോൾ സ്മാരക പ്രഭാഷണം, ചങ്ങമ്പുഴ സ്മാരകപ്രഭാഷണം എന്നിവയുടെ ലിഖിതരൂപവും ആണ് പുസ്തകത്തിൻ്റെ പ്രധാന ഉള്ളടക്കം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

(ഉയർന്ന റെസലൂഷൻ ഉള്ള സ്കാൻ ആയതിനാൽ സൈസ് കൂടുതൽ ഉള്ളതു കൊണ്ട് മൊബൈൽ ഡിവൈസുകളിൽ ഈ സ്കാൻ ഡൗൺലൊഡ് ചെയ്താൽ വായിക്കാൻ പറ്റണം എന്നില്ല. അതിനാൽ ഡൗൺലോഡ് ചെയ്യുന്നവർ ദയവായി ലാപ്‌ടോപ്പോ/ഡെസ്ക്‌ടോപ്പോ പോലുള്ള ഡിവൈസുകൾ ഉപയോഗിക്കുക)

പേര്: തർജമ – സിദ്ധാന്തവും പ്രയോഗവും മലയാളത്തിൽ
രചയിതാവ്: ഡോ. സ്കറിയ സക്കറിയ (ചീഫ് എഡിറ്റർ) ജയാസുകുമാരൻ (എഡിറ്റർ)
പ്രസിദ്ധീകരണ വർഷം: 1997
താളുകളുടെ എണ്ണം: 264
പ്രസാധനം: Association for Comparative Studies
അച്ചടി: D.C. Offset Printers, Kottayam
സ്കാനുകൾ ലഭ്യമായ താൾ: കണ്ണി

1999 – ചങ്ങനാശ്ശേരി ’99 – ഡോ. സ്കറിയ സക്കറിയ (ചീഫ് എഡിറ്റർ)

ഡോ. സ്കറിയ സക്കറിയ ചീഫ് എഡിറ്ററായി ചങ്ങനാശ്ശേരി ക്ലബ്, 1999ൽ പ്രസിദ്ധീകരിച്ച ചങ്ങനാശ്ശേരി ’99 എന്ന പുസ്തകത്തിൻ്റെ ഡിജിറ്റൽ സ്കാനാണ് ഈ പോസ്റ്റിലൂടെ പങ്കു വെക്കുന്നത്.

പ്രാദേശികചരിത്രം ഡോക്കുമെൻ്റ് ചെയ്യുന്നതിൻ്റെ ഉത്തമ ഉദാഹരണം ആണ് ഈ പുസ്തകം. ചങ്ങനാശ്ശെരിയെ പറ്റി വരമൊഴിയിലും വാമൊഴിയിലുമായി പരന്നുകിടക്കുന്ന പ്രാദേശികഅറിവുകൾ ഈ പുസ്തകത്തിൽ ക്രോഡീകരിച്ചിരിക്കുന്നു. അതിനു കുറച്ചധികം പേർ സഹകരിച്ചിടുണ്ട്, അതിനൊപ്പം നിരവധി പുരാതനഗ്രന്ഥങ്ങളിൽ ചങ്ങനാശ്ശെരിയെ പറ്റിയുള്ള ലേഖനങ്ങളും പരാമർശങ്ങളും ഒക്കെ പുസ്തകത്തിൽ എടുത്തു ചേർത്തിരിക്കുന്നു.

ഈ പുസ്തകം കണ്ടപ്പോൾ, മിക്കപ്പോഴും ഒരിക്കൽ മാത്രം പ്രസിദ്ധീകരിക്കുന്ന ഇത്തരം പ്രാദേശികചരിത്രപുസ്തകങ്ങൾ ശെഖരിച്ച് ഡിജിറ്റൈസ് ചെയ്ത് സംരക്ഷിക്കാനായി ഒരു പ്രത്യേക പദ്ധതി തന്നെ ആരംഭിക്കേണ്ടതുണ്ട് എന്ന് തോന്നിപ്പോകുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

പേര്: ചങ്ങനാശ്ശേരി ’99
രചയിതാവ്: ഡോ. സ്കറിയ സക്കറിയ (ചീഫ് എഡിറ്റർ)
പ്രസിദ്ധീകരണ വർഷം: 1999
താളുകളുടെ എണ്ണം: 380
പ്രസാധനം: ചങ്ങനാശ്ശേരി ക്ലബ്ബ്
അച്ചടി: D.C. Offset Printers, Kottayam
സ്കാനുകൾ ലഭ്യമായ താൾ: കണ്ണി

1926 – കൊച്ചുത്രേസ്യാവിജയം (മണിപ്രവാളകാവ്യം) – പ്രവിത്താനം പി.എം. ദേവസ്യാ

പ്രവിത്താനം പി.എം. ദേവസ്യാ രചിച്ച കൊച്ചുത്രേസ്യാവിജയം (മണിപ്രവാളകാവ്യം) എന്ന കൃതിയുടെ ഡിജിറ്റൽ സ്കാനാണ് ഈ പോസ്റ്റിലൂടെ പുറത്ത് വിടുന്നത്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ യിൽ നിന്നുള്ള ഡിജിറ്റൽ സ്കാൻ ആണിത്.

1926 - കൊച്ചുത്രേസ്യാവിജയം (മണിപ്രവാളകാവ്യം) - പ്രവിത്താനം പി.എം. ദേവസ്യാ — 1926 – കൊച്ചുത്രേസ്യാവിജയം (മണിപ്രവാളകാവ്യം) – പ്രവിത്താനം പി.എം. ദേവസ്യാ

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

പേര്: കൊച്ചുത്രേസ്യാവിജയം (മണിപ്രവാളകാവ്യം)
രചയിതാവ്: പ്രവിത്താനം പി.എം. ദേവസ്യാ
പ്രസിദ്ധീകരണ വർഷം: 1926
താളുകളുടെ എണ്ണം: 100
അച്ചടി: St. Joseph’s Press, Mannanam
സ്കാനുകൾ ലഭ്യമായ താൾ: കണ്ണി

1867 – മലയാണ്മനിഘണ്ടു – റിച്ചാർഡ് കോളിൻസ്

അച്ചടിച്ച ആദ്യത്തെ മലയാളം – മലയാളം നിഘണ്ടുവായ മലയാണ്മനിഘണ്ടു എന്ന പുസ്തകത്തിൻ്റെ ഡിജിറ്റൽ സ്കാനാണ് ഈ പോസ്റ്റിലൂടെ റിലിസ് ചെയ്യുന്നത്. സി.എം.എസ് മിഷനറി ആയ റവറൻ്റ് റിച്ചാർഡ് കോളിൻസ് ആണ് ഇതിൻ്റെ രചയിതാവ്

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ യിൽ നിന്നുള്ള ഡിജിറ്റൽ സ്കാൻ ആണിത്..

1867 – മലയാണ്മനിഘണ്ടു – റിച്ചാർഡ് കോളിൻസ്

അച്ചടിച്ച ആദ്യത്തെ മലയാളം – മലയാളം നിഘണ്ടു ആണിത്. ഇതിനു മുൻപ് വന്ന അച്ചടിച്ച 2 നിഘണ്ടുക്കൾ ബെഞ്ചമിൻ ബെയിലിയുടെ മലയാളംഇംഗ്ലീഷ് നിഘണ്ടുവും, ഇംഗ്ലീഷ് മലയാളം നിഘണ്ടും ആണ്. ഈ ആദ്യത്തെ മലയാളം – മലയാളം നിഘണ്ടു രചിക്കുന്ന സമയത്ത് റവ. റിച്ചാർഡ് കോളിൻസ് കോട്ടയം സി.എം.എസ് കോളേജ് പ്രിൻസിപ്പൾ ആയിരുന്നു (Principal of the C.M.S. Syrian College എന്നാണ് ടൈറ്റിൽ പേജിൽ കാണുന്നത്). പുസ്തകത്തിൻ്റെ ടൈറ്റിൽ പേജിൽ Compiled under the direction of Richard Collins എന്നു കാണുന്നതിനാൽ റവ. റിച്ചാർഡ് കോളിൻസിനെ ഈ നിഘണ്ടു നിർമ്മാണത്തിന് ചിലർ സഹായിച്ചിരുന്നു എന്ന് അനുമാനിക്കാം. ആമുഖത്തിൽ നിന്ന് ഇത് രാമൻ വാരിയർ, സുബ്രഹ്മണ്യൻ പോറ്റി എന്നിവർ ആയിരുന്നെന്ന് മനസ്സിലാക്കാം.

പുസ്തകത്തിൻ്റെ ആമുഖത്തിൽ സംവൃതോകാരത്തെ പറ്റി റിച്ചാർഡ് കോളിൻസ് ചർച്ച ചെയ്യുന്നുണ്ട്. നിഘണ്ടുവിൽ ഉകാരം ആണ് സംവൃതോകാരത്തിനായി ഉപയോഗിക്കുന്നത്, ബെഞ്ചമിൻ ബെയിലി നിഘണ്ടുക്കളിൽ നിന്ന് വ്യത്യസ്തമായി അക്കാലത്തെ മറ്റു സി.എം.എസ് പുസ്തകങ്ങൾ പോലെ ഏ/ഓ കാരങ്ങളും അവയുടെ ഉപലിപികളും ഉപയോഗിച്ചിരിക്കുന്നു.

കോളിൻസിൻ്റെ ഈ നിഘണ്ടുവിനു ശേഷം അടുത്ത മലയാളം – മലയാളം നിഘണ്ടുവിനായി ശബ്ദതാരാവലി വരെ കാക്കേണ്ടി വന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

പേര്: മലയാണ്മനിഘണ്ടു/A Dictionary of The Malayalim Language
രചയിതാവ്: റവറൻ്റ് റിച്ചാർഡ് കോളിൻസ്
പ്രസിദ്ധീകരണ വർഷം: 1867
താളുകളുടെ എണ്ണം: 668
അച്ചടി: C.M.S Press, Kottayam
സ്കാനുകൾ ലഭ്യമായ താൾ: കണ്ണി

1868 Grammatica Malabarico Latina – മലയാഴ്മ ലത്തീൻ ഗ്രമത്തി

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതി ആരംഭിച്ചതിനു ശേഷമുള്ള ഡിജിറ്റൽ സ്കാനുകളുടെ റിലീസ് ആരംഭിക്കുകയാണ്.

മലയാളികൾക്ക് ലത്തീൻ ഭാഷ പഠിക്കാനായി തയ്യാറാക്കിയ Grammatica Malabarico-Latina ഗ്രമാറ്റിക്ക മലബാറിക്കോ-ലാറ്റിന (മലയാഴ്മ-ലത്തീൻ ഗ്രമത്തി) എന്ന പുസ്തകത്തിൻ്റെ ഡിജിറ്റൽ സ്കാനാണ് ധർമ്മാരാം കോളേജ് ലൈബ്രറിയിൽ നിന്ന് ആദ്യമായി റിലിസ് ചെയ്യുന്നത്.

കർമ്മലീത്ത മിഷനറിമാരാൽ ഉണ്ടാക്കപ്പെട്ടിരിക്കുന്ന ഈ പുസ്തകം മലയാളത്തിലൂടെ ലത്തീൻ പഠിപ്പിക്കുക എന്ന ഉദ്ദേശത്തിലാണ് തയ്യാറാക്കിയിരിക്കുന്നത്. കൊച്ചി വെസ്റ്റേൺ സ്റ്റാർ പ്രസ്സിൽ ആണ് അച്ചടി. അക്കാലത്തെ കൈയെഴുത്തിൻ്റെയും അച്ചടിയുടെയുടെയും പൊതുസ്വഭാവം പോലെ ഈ പുസ്തകത്തിൽ ഏ/ഓ കാരങ്ങളും അവയുടെ ഉപലിപികളും ഉപയോഗിച്ചിട്ടില്ല. അതേ പോലെ സംവൃതോകാര ചിഹ്നമായ ചന്ദ്രക്കലയും ഇല്ല.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

പേര്: Grammatica Malabarico Latina/ മലയാഴ്മ ലത്തീൻ ഗ്രമത്തി
പ്രസിദ്ധീകരണ വർഷം: 1868
താളുകളുടെ എണ്ണം: 290
അച്ചടി: Western Star, Kochi
സ്കാനുകൾ ലഭ്യമായ താൾ: കണ്ണി

ഡോ. സ്കറിയാ സക്കറിയുടെ രചനകൾ ഡിജിറ്റൈസ് ചെയ്യുന്ന പദ്ധതി ആരംഭിക്കുന്നു

ഗവേഷകൻ, ഭാഷാ ശാസ്ത്രജ്ഞൻ, മലയാളം അദ്ധ്യാപകൻ, എഡിറ്റർ, ഗ്രന്ഥകർത്താവ്, എന്നിങ്ങനെ വ്യത്യസ്തനിലകളിൽ പ്രസിദ്ധനായിരുന്നു ഡോ സ്കറിയ സക്കറിയ. ട്യൂബിങ്ങൺ സർവ്വകലാശാലയിൽ ഗുണ്ടർട്ടിന്റെ ഗ്രന്ഥശേഖരം കണ്ടെത്തുന്നതിൽ അദ്ദേഹം പ്രധാനപങ്ക് വഹിച്ചിരുന്നു. ഗുണ്ടർട്ട് ശേഖരത്തിലെ പ്രമുഖമായ പലകൃതികളും അദ്ദേഹവും മറ്റു ഗവേഷകരും ചേർന്ന് പഠനങ്ങളോടെ പ്രസിദ്ധീകരിക്കുകയും ചെയ്തു. ഇങ്ങനെ വ്യത്യസ്തനിലകളിൽ വിധത്തിൽ മൗലികസംഭാവനകൾ നൽകിയ അദ്ദേഹം 2022 ഒക്ടോബർ 18ന് അന്തരിച്ചു. അദ്ദേഹത്തെ പറ്റിയുള്ള കൂടുതൽ വിവരങ്ങൾക്ക് ഇവിടെ നോക്കുക.

കേരളരേഖകളുടെ ഡിജിറ്റൈസേഷൻ പ്രവർത്തനത്തിൽ അദ്ദേഹത്തിനു പ്രത്യേകതാല്പര്യമുണ്ടായിരുന്നു. ചില പുസ്തകങ്ങൾ അദ്ദേഹം ഡിജിറ്റൈസേഷനായി ലഭ്യമാക്കിയിട്ടും ഉണ്ട്. കേരള അക്കാദമിക്ക് സർക്കിളിൽ നിന്ന് ഡിജിറ്റൈസേഷൻ പ്രവർത്തനത്തെ ശ്ലാഘിച്ച് ആദ്യമായി എഴുതിയത് അദ്ദേഹമാണ്. മാത്രമല്ല, ഇതിൻ്റെ പ്രാധാന്യത്തെ പറ്റി അദ്ദേഹം പലയിടങ്ങളിൽ പ്രസംഗിക്കുകയും ചെയ്തു.

2022 ഒക്ടോബർ 30ന് ബാംഗ്ലൂർ ക്രൈസ്റ്റ് യൂണിവെഴ്സിറ്റിയിൽ വെച്ച് നടന്ന ഇൻഡിക് ഡിജിറ്റൽ ആർക്കൈവ് ഫൗണ്ടെഷൻ്റെ ഉദ്ഘാടന പരിപാടിയിൽ വെച്ച് ഡോ. സ്കറിയാ സക്കറിയുടെ രചനകൾ ഡിജിറ്റൈസ് ചെയ്യുന്ന ഒരു പദ്ധതിയെ പറ്റി അറിയിപ്പ് ഉണ്ടായി. ഡോ. സ്കറിയ സക്കറിയയുടെ ഗ്രന്ഥശേഖരത്തിലെ ഏഴായിരത്തിലധികം പുസ്തകങ്ങൾ പൊതുജനങ്ങൾക്ക് ഉപകാരപ്രദമാകുംവിധം ഒരു ആർക്കൈവ് ആക്കുവാനുള്ള പദ്ധതി അദ്ദേഹത്തിന്റെ സഹപ്രവർത്തകരും വിദ്യാർത്ഥികളും കുടുംബാഗങ്ങളും കൂടി ആസൂത്രണം ചെയ്തുവരുന്നുണ്ട്. അതിനു പുറമെ ഇൻഡിക് ഡിജിറ്റൽ ആർക്കൈവ് ഫൗണ്ടേഷൻ വഴിയായി ഡോ. സ്കറിയ സക്കറിയയുടെ രചനകൾ ഡിജിറ്റൈസ് ചെയ്യാനുള്ള പദ്ധതി ഡോ. സ്കറിയ സക്കറിയയുടെ മകനും നാഷണൽ ലോ സ്കൂൾ ഓഫ് ഇന്ത്യാ യൂണിവേഴ്സിറ്റിയിലെ അസ്സോസിയേറ്റ് പ്രൊഫെസ്സറും കൂടിയായ ഡോക്ടർ അരുൾ സ്കറിയ വെളിപ്പെടുത്തി. അതിൻ്റെ ഭാഗമായി ഡോ. സ്കറിയ സക്കറിയയുടെ തീസിസ്, അരുൾ ഡിജിറ്റൈസേഷനായി ഫൗണ്ടേഷൻ പ്രതിനിധിക്ക് കൈമാറി. അതിനെ പറ്റിയുള്ള വീഡിയോ ഇവിടെ കാണാം.

ഡോ: സ്കറിയ സക്കറിയയുടെ തീസിസ് ഡിജിറ്റൈസേഷനായി ഫൗണ്ടേഷൻ പ്രതിനിധിക്ക് കൈമാറുന്നു.

ഡോ. സ്കറിയ സക്കറിയ രചിച്ച എല്ലാ പുസ്തകങ്ങളും, വിവിധ മാസികകളും മറ്റുമായി എഴുതിയ ലേഖനങ്ങളുമടക്കം, എല്ലാതരം രചനകളും ഡിജിറ്റൈസ് ചെയ്ത് പൊതുവിടത്തിലേക്ക് കൊണ്ടുവരാനുള്ള പദ്ധതി ആയിരിക്കും ഡോ. സ്കറിയാ സക്കറിയുടെ രചനകൾ ഡിജിറ്റൈസ് ചെയ്യുന്ന പദ്ധതി.

(ഇൻഡിക് ഡിജിറ്റൽ ആർക്കൈവ് ഫൗണ്ടെഷൻ പ്രവർത്തനം ആരംഭിച്ചതിനു ശേഷം അനൗൺസ് ചെയ്യപ്പെടുന്ന രണ്ടാമത്തെ പ്രധാന പദ്ധതി ആണ് ഡോ. സ്കറിയാ സക്കറിയുടെ രചനകളുടെ ഡിജിറ്റൈസെഷൻ. ഇതിനു മുൻപ് ഉൽഘാടനപരിപാടിയിൽ വെച്ച് തന്നെ ബാംഗ്ലൂർ ധർമ്മാരാം കോളേജ് ലൈബ്രറിയിലെ കേരള രെഖകൾ ഡിജിറ്റൈസ് ചെയ്യുന്ന പദ്ധതി അനൗൺസ് ചെയ്തിരുന്നു. അതിനെ പറ്റിയുള്ള വിവരം ഇവിടെ കാണാം.)

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതി

കേരളരേഖകളുടെ ഡിജിറ്റൈസേഷൻ പദ്ധതി ഒരു രജിസ്റ്റേഡ് നോൺ-പ്രോഫിറ്റ് സംഘടനയായി മാറിയതിൻ്റെ ഏറ്റവും പ്രധാനഗുണം ഇനി നിയമപരമായി തന്നെ സ്ഥാപനങ്ങളുമായും വ്യക്തികളുമായും ഒക്കെ കരാറിൽ ഏർപ്പെട്ട് ഔദ്യോഗിക പദ്ധതികൾ ആരംഭിക്കാം എന്നതാണ്. അങ്ങനെയുള്ള സവിശേഷ പദ്ധതികളിലൂടെ ഡിജിറ്റൈസേഷൻ പ്രവർത്തനം സ്കേൽ അപ്പ് ചെയ്യുക എന്നത് കൂടാണ് ഇൻഡിക്ക് ഡിജിറ്റൽ ആർക്കൈവ് ഫൗണ്ടെഷൻ രൂപീകരിച്ചതിൻ്റെ പ്രധാന ഉദ്ദേശങ്ങളിൽ ഒന്ന്. ഫൗണ്ടേഷൻ്റെ കീഴിൽ കേരളരേഖകളുടെ ഡിജിറ്റൈസേഷനിൽ സവിശേഷ ശ്രദ്ധയുള്ള ഗ്രന്ഥപ്പുരയുടെ ഭാഗമായുള്ള ആദ്യത്തെ സുപ്രധാനപദ്ധതി 2022 ഒക്ടോബർ 30ന് ബാംഗ്ലൂർ ക്രൈസ്റ്റ് യൂണിവെഴ്സിറ്റിയിൽ വെച്ച് നടന്ന ഇൻഡിക് ഡിജിറ്റൽ ആർക്കൈവ് ഫൗണ്ടെഷൻ്റെ ഉദ്ഘാടന പരിപാടിയിൽ വെച്ച് അനൗൺസ് ചെയ്തു.

ഇൻഡിക്ക് ഡിജിറ്റൽ ആർക്കൈവ് ഫൗണ്ടേഷൻ - ഗ്രന്ഥപ്പുര — ഇൻഡിക്ക് ഡിജിറ്റൽ ആർക്കൈവ് ഫൗണ്ടേഷൻ – ഗ്രന്ഥപ്പുര

ബാംഗ്ലൂരിൽ, വൈദികവിദ്യാർത്ഥികളുടെ പരിശീലന സ്ഥാപനമായ ധർമ്മാരാം കോളേജിലെ കേരളരേഖകൾ ഡിജിറ്റൈസ് ചെയ്യുന്ന പദ്ധതി ആണ് ഉദ്ഘാടന പരിപാടിയിൽ വെച്ച് അനൗൺസ് ചെയ്തത്. ധർമ്മാരാം കോളേജ് ഗ്രന്ഥപ്പുര ഡിജിറ്റൈസെഷൻ പദ്ധതിയുമായി ആദ്യകാലം മുതലെ സഹകരിക്കുന്ന ഒരു സ്ഥാപനമാണ്. 2013ൽ, അച്ചടിച്ച ആദ്യത്തെ സമ്പൂർണ്ണമലയാളപുസ്തകമായ സംക്ഷെപവെദാർത്ഥം അവിടെ നിന്നാണ് ഡിജിറ്റൈസ് ചെയ്ത് പുറത്ത് വന്നത്. അന്ന് അത് റിലീസ് ചെയ്തപ്പോൾ എഴുതിയ പോസ്റ്റ് ഇവിടെ കാണാം. https://shijualex.in/sampkshepavedartham-1772/

സീറോ-മലബാർ കത്തോലിക്ക സഭയിലെ പ്രധാനപ്പെട്ട സന്ന്യാസ സമൂഹമായ CMI (Carmelites of Mary Immaculate) സഭയുടെ മേജർ സെമിനാരി ആണ് ധർമ്മാരാം കോളേജ് ചങ്ങനാശ്ശേരിക്ക് അടുത്തുള്ള ചെത്തിപ്പുഴയിൽ ഉണ്ടായിരുന്ന ഈ സെമിനാരി 1957ലാണ് ബാംഗ്ലൂരിലേക്ക് പറിച്ചു നടപ്പെട്ടത്. കേരളത്തിനകത്തും പുറത്തും വിദ്യാഭ്യാസ മേഖലയിൽ CMI സഭയിലെ അച്ചന്മാർ നൽകുന്ന സേവനം പ്രശസ്തമാണല്ലോ. ആ അച്ചന്മാരെ പരിശീലിപ്പിക്കുന്ന പ്രധാന സെമിനാരികളിൽ ഒന്നാണ് ബാംഗ്ലൂരിലുള്ള ധർമ്മാരാം കോളേജ്. അവിടെ പഠിക്കുന്നവർക്ക് ഉപയോഗിക്കാനുള്ളതാണ് നിരവധി പൗരാണിക രേഖകൾ ഉൾക്കൊള്ളുന്ന ബാംഗ്ലൂർ ധർമ്മാരാം കോളേജ് ലൈബ്രറി (Cardinal Tisserant Library).

ധർമ്മാരം കോളേജ് ലൈബ്രറിയിലെ പതിനായിരക്കണക്കിന് പുസ്തകങ്ങളിൽ നിന്ന് കേരളവുമായി ബന്ധപ്പെട്ട തിരഞ്ഞെടുത്ത അച്ചടി പുസ്തകങ്ങളും കൈയെഴുത്ത് രേഖകളും ആണ് ഡിജിറ്റൈസ് ചെയ്യാൻ തീരുമാനിച്ചിരിക്കുന്നത്. രേഖകളുടെ വിശദാംശങ്ങളും അതിൻ്റെ പ്രത്യേകതകളും ഒക്കെ രേഖകൾ ഡിജിറ്റൈസ് ചെയ്ത് പുറത്ത് വരുമ്പോൾ മാത്രമേ വ്യക്തമാവുകയുള്ളൂ.

ധർമ്മാരാം കൊളേജ് ലൈബ്രറിയിലെ തിരഞ്ഞെടുത്ത രേഖകൾ ഡിജിറ്റൈസ് ചെയ്യാനുള്ള പദ്ധതി ബാംഗ്ലൂർ ധർമ്മാരാം കോളേജ് ലൈബ്രറേറിയൻ ഫാദർ ജോബി കൊച്ചുമുട്ടം 2022 ഒക്ടോബർ 30ന് ഔദ്യോഗികമായി പ്രഖ്യാപിച്ചു. അതിൻ്റെ ഭാഗമായി, ഡിജിറ്റൈസെഷൻ പദ്ധതിയുടെ സമ്മതപത്രം ഫൗണ്ടെഷൻ പ്രതിനിധിക്ക് ഔദ്യോഗികമായി കൈമാറി.

ഫാദർ ജോബി കൊച്ചുമുട്ടം സമ്മതപത്രം ഫൗണ്ടേഷൻ പ്രതിനിധിയായ ഷിജു അലക്സിനു കൈമാറുന്നു — ഫാദർ ജോബി കൊച്ചുമുട്ടം, സമ്മതപത്രം ഫൗണ്ടേഷൻ പ്രതിനിധിക്ക് കൈമാറുന്നു

തുടർന്ന്, ധർമ്മാരാം കോളേജിലെ ഫാദർ ഫ്രാൻസിസ് തോണിപ്പാറ ലൈബ്രറിയിലെ പുസ്തക ശേഖരത്തെ പറ്റി സംസാരിക്കുകയും, ധർമ്മാരാം പദ്ധതി ആരംഭിക്കുന്നതിൻ്റെ പ്രതീകമായി ഉദയംപേരൂർ സുനഹദൊസിൻ്റെ കാനൊനകളുടെ പ്രധാനപ്പെട്ട ഒരു കൈയെഴുത്ത് പ്രതി ഡിജിറ്റൈസേഷനായി ഫൗണ്ടേഷൻ പ്രതിനിധിക്ക് ഔദ്യോഗികമായി കൈമാറുകയും ചെയ്തു.

ഫാദർ ഫ്രാൻസിസ് തോണിപ്പാറ ഉദയംപേരൂർ സുനഹദൊസിൻ്റെ കാനൊനകളുടെ കൈയെഴുത്ത് പ്രതി ഫൗണ്ടേഷൻ പ്രതിനിധിയായ ഷിജു അലക്സിനു ഡിജിറ്റൈസേഷനായി കൈമാറുന്നു — ഫാദർ ഫ്രാൻസിസ് തോണിപ്പാറ ഉദയംപേരൂർ സുനഹദൊസിൻ്റെ കാനൊനകളുടെ കൈയെഴുത്ത് പ്രതി ഫൗണ്ടേഷൻ പ്രതിനിധിക്ക് ഡിജിറ്റൈസേഷനായി കൈമാറുന്നു

ഫാദർ ജോബി കൊച്ചുമുട്ടത്തിൻ്റെ അനൗൻസ്മെൻ്റും ഫാദർ ഫ്രാൻസിസ് തോണിപ്പാറയുടെ പ്രസ്താവനയും ഈ വീഡിയോയിൽ കാണാം. https://www.youtube.com/watch?v=idUPRUsOA54&t=4032s

ഇനിയുള്ള കുറച്ചു മാസങ്ങൾ ധർമ്മാരാം കൊളേജിൽ നിന്നുള്ള ധാരാളം കേരളരേഖകൾ നമുക്ക് പ്രതീക്ഷിച്ച് തുടങ്ങാം. ഡിസംബർ ആദ്യവാരം തൊട്ട് ധർമ്മാരാം കൊളേജ് ലൈബ്രറി സ്കാനുകളുടെ റിലിസ് തുടങ്ങാൻ കഴിയും എന്നാണ് ഇപ്പൊഴത്തെ പ്രതീക്ഷ.

ഗ്രന്ഥപ്പുര വെബ്ബ് സൈറ്റ് gpura.org – ഉദ്‌ഘാടന സ്കാനുകൾ

ആമുഖം

2022 ഒക്ടോബർ 30 ന് ബാംഗ്ലൂരിൽ ക്രൈസ്റ്റ് യൂണിവേഴ്സിറ്റിയുടെ സെൻട്രൽ ക്യാമ്പസിൽ വെച്ച് നടന്ന ചടങ്ങിൽ വെച്ച് ഡോ. പി.കെ. രാജശേഖരൻ പുതിയ വെബ്ബ് സൈറ്റായ ഗ്രന്ഥപ്പുര (granthappura) https://gpura.org/ ഔദ്യോഗികമായി ഉദ്‌ഘാടനം ചെയ്തു. ഉദ്‌ഘാടനത്തോട് അനുബന്ധിച്ച് പുതുതായി 101 പഴയ രെഖകളുടെ ഡിജിറ്റൽ സ്കാനുകളുടെ റിലീസും നടന്നു. (പരിപാടിയോട് അനുബന്ധിച്ച് റിലീസ് 101 രേഖകളുടെയും വിവരങ്ങൾ പട്ടികയായി താഴെ കൊടുത്തിട്ടുണ്ട്)

ഉദ്‌ഘാടന ദിവസം റിലീസ് ചെയ്ത 101 സ്കാനുകളിൽ ശ്രദ്ധേയമായ ചിലതിൻ്റെ പ്രത്യേകത താഴെ കുറിക്കട്ടെ.

പ്രത്യേക ശ്രദ്ധയ്ക്ക്

ഇതുവരെ ഉണ്ടായിരുന്ന വേഡ് പ്രസ്സ് ബ്ലോഗിൽ നിന്ന് വ്യത്യസ്തമായി https://gpura.org ഒരു ഡിജിറ്റൽ ലൈബ്രറി സൈറ്റ് ആയാണ് അണിയിച്ചൊരുക്കി കൊണ്ടിരിക്കുന്നത്. പക്ഷെ ഇത്ര ബൃഹത്തായ ഒരു പദ്ധതിയ്ക്ക് സൈറ്റ് ഒരുക്കുമ്പോൾ ആവശ്യമുള്ള സൗകര്യങ്ങളൊക്കെയും ലഭ്യമാക്കാൻ സമയപരിമിതി മൂലം ഞങ്ങൾക്ക് പറ്റിയിട്ടില്ല. എന്നാൽ ഞങ്ങൾ അതിൻ്റെ പണിപ്പുരയിൽ ആണ്.

നിലവിൽ രണ്ട് തരത്തിലുള്ള ശേഖരം ആണ് ഗ്രന്ഥപ്പുര സൈറ്റിൽ ഉള്ളത്:

ഉദ്‌ഘാടനത്തോട് അനുബന്ധിച്ച് റിലീസ് ചെയ്ത 101 സ്കാനുകൾ അടങ്ങുന്ന Main collection https://gpura.org/collections/main ഈ സ്കാനുകൾ എല്ലാം നിങ്ങൾക്ക് ഒരു പ്രശ്നവും ഇല്ലാതെ ലഭ്യമാണ്. (ഈ 101 സ്കാനുകളെ പറ്റിയുള്ള പ്രത്യേക പോസ്റ്റ് ആണിത്)
2021 ഡിസംബർ 16 വരെ വേഡ് പ്രസ്സ് ബ്ലോഗിൽ ( https://shijualex.in)/ കൂടെ ഡിജിറ്റൈസ് ചെയ്ത് റിലീസ് ചെയ്ത Original collection https://gpura.org/collections/original 2250 നടുത്ത് രേഖകൾ വരും. എന്നാൽ ഇതിലെ 1200 സ്കാനുകൾക്ക് അടുത്ത് മാത്രമേ ഞങ്ങൾക്ക് https://gpura.org ലേക്ക് മാറ്റാൻ കഴിഞ്ഞിട്ടുള്ളൂ. ബാക്കിയുള്ള സ്കാനുകൾ മാറ്റാനുള്ള പണി നടക്കുക ആണ്.

പഴയസ്കാനുകളുടെ മൈഗ്രേഷൻ നടക്കുന്നേ ഉള്ളൂ എന്ന കാരണം കൊണ്ട് https://gpura.org/collections/original നിലെ ഏതെങ്കിലും പുസ്തകത്തിൻ്റെ സ്കാൻ നിങ്ങൾക്ക് ലഭ്യമല്ലെങ്കിൽ അത് https://shijualex.in/ എന്ന സൈറ്റിൽ നിന്ന് സേർച്ച് ചെയ്ത് എടുക്കുക. സ്കാനുകൾ എല്ലാം https://gpura.org ലേക്ക് മാറ്റുന്ന വരെ അതേ ഉള്ളൂ പരിഹാരം. നൂറുകണക്കിനു സ്കാനുകൾ ഞങ്ങൾക്ക് കൈകാര്യം ചെയ്യേണ്ടതുണ്ട് എന്നതിനാൽ ഇക്കാര്യത്തിൽ കുറച്ച് കാലതാമസം വരും. ചിലപ്പോൾ മാസങ്ങൾ തന്നെ എടുത്തേക്കാം, (പൊതുവെ 2021 വരെ ഡിജിറ്റൈസ് ചെയ്ത സംഗതികൾക്ക് തക്കതായ പരിഹാരം ഞങ്ങൾ ഉണ്ടാക്കുന്നത് വരെയെങ്കിലും https://shijualex.in/ എന്ന വേഡ് പ്രസ്സ് ബ്ലോഗ് ഉപയോഗിക്കുന്നതാവും നല്ലത്)

https://gpura.org ൽ ഓരോ സ്കാനിനും ആവശ്യമായ ശേഖരം, വിഷയങ്ങൾ, മറ്റ് മെറ്റാഡാറ്റ ഇവയൊക്കെ നിർമ്മിക്കേണ്ടതുണ്ട്. ഇതിനു എല്ലാം കുറച്ച് സമയം എടുക്കും. അതുവരെ സാദരം ക്ഷമിക്കുമല്ലോ.)

ഉദ്‌ഘാടന സ്കാനുകളുടെ അവലോകനം

ഉദ്‌ഘാടനം ആയത് കൊണ്ടും റിലീസ് ചെയ്യാനായി നൂറുകണക്കിനു രേഖകൾ കാത്തിരിപ്പുണ്ട് എന്നതിനാലും ആണ് ഇത്രയധികം രേഖകൾ ഒരുമിച്ച് റിലീസ് ചെയ്തത്. മുൻപോട്ട് പോകുമ്പോൾ ഒറ്റയടിക്ക് റിലീസ് ചെയ്യുന്ന രേഖകളുടെ എണ്ണം പരിമിതപ്പെടുത്തുകയും, റിലീസ് ചെയ്യുന്നതിനു അനുസരിച്ച് ആവശ്യമായ ഒരു വിവരണ പോസ്റ്റ് ഇടുകയും ചെയ്യാം. ഉൽഘാടന സ്കാനുകളെ പറ്റി ചില പൊതുവായ കാര്യങ്ങൾ:

101 സ്കാനുകളിൽ 96 എണ്ണവും മലയാള രേഖകളാണ്. അതിനു പുറമെ 3 ഇംഗ്ലീഷ് പുസ്തകങ്ങളും 2 തമിഴ് പുസ്തകങ്ങളും ഈ റിലീസിൽ ഉൾപ്പെടുന്നു.
ഈ ഉൽഘാടനസ്കാനുകളിൽ ഭൂരിപക്ഷവും മണ്ണാർക്കാട് KJTM സഹൃദയ ലൈബ്രറിയിലെ ശേഖരത്തിൽ നിന്നുള്ളവ ആണ്.
റിലീസ് ചെയ്യുന്ന ഏറ്റവും കൂടുതൽ പേജുകൾ ഉള്ള പുസ്തകം 240 പേജുകൾ ഉള്ള കൗമുദി പ്രസിദ്ധീകരിച്ച കേരള സ്റ്റേറ്റ് സ്പെഷ്യൽ ആണ്.
ഉദ്‌ഘാടനറിലീസിലെ ഏറ്റവും പഴയ രേഖ 1934ൽ പ്രസിദ്ധീകരിച്ച മലയാള ബാസൽ മിഷൻ സഭയുടെ ചരിത്ര സംക്ഷേപം എന്ന കൃതി ആണ്. പുസ്തകം ആർ എഴുതി എന്നത് വ്യക്തമല്ല. ആമുഖ പ്രസ്താവനയിൽ EWT എന്നു മാത്രം കാണുന്നു. ഈ പുസ്തകത്തിൽ ബാസൽ മിഷൻ സഭയുടെ നൂറു വർഷത്തെ ചരിത്രം രേഖപ്പെടുത്തിയിരിക്കുന്നു. കേരളീയരും വിദേശികളുമായ മിഷനറിമാർ തിരുവിതാംകൂർ, കൊച്ചി,മലബാർ പ്രവിശ്യകളിൽ നടത്തിയ സാമൂഹ്യ പ്രവർത്തനങ്ങളെ കുറിച്ചു പ്രതിപാദിക്കപ്പെട്ടിരിക്കുന്നു. കോഴിക്കോട് സ്വദേശിയായ മോഹൻ കുര്യൻ ആണ് ഈ പുസ്തകത്തിൻ്റെ ഏറ്റവും പഴയ പതിപ്പ് ഡിജിറ്റൈസേഷനായി ലഭ്യമാക്കിയത്.
ഉദ്‌ഘാടനറിലീസിലെ ഏറ്റവും പുതിയ രേഖ വിഷ്ണുമംഗലം കുമാർ ബാംഗ്ലൂർ കേരളസമാജത്തെ പറ്റി രചിച്ച കേരളം സമാജം ഇന്നലെ ഇന്ന് നാളെ എന്ന പുസ്തകമാണ്.

ബാംഗ്ലൂരിൽ നിന്നുള്ള പ്രത്യേക രേഖകൾ

തൽക്കാലികമാണെങ്കിൽ പോലും നിലവിൽ ബാംഗ്ലൂർ ആണ് കേരളരേഖകളുടെ ഡിജിറ്റൈസേഷൻ പദ്ധതിയുടെ കേന്ദ്രം. ഇത് ഒരു അപൂർവ്വ അവസരമായതിനാൽ തന്നെ ബാംഗ്ലൂരിലെ കേരള രേഖകൾ ഡിജിറ്റൈസ് ചെയ്യുന്നതിൽ ഇപ്പോൾ സവിശേഷ ശ്രദ്ധയുണ്ട്. അങ്ങനെയുള്ള കുറച്ച് ബാംഗ്ലൂർ രേഖകളും ഉദ്‌ഘാടനറിലീസിൻ്റെ ഭാഗമാണ്.

ബാംഗ്ലൂർ മലയാളി: ബാംഗ്ലൂർ മലയാളികളുടെ മുത്തശ്ശി സംഘടനയായ ബാംഗ്ലൂർ കേരളസമാജം 1970ലും 1975ലും പ്രസിദ്ധീകരിച്ച ബാംഗ്ലൂർ മലയാളി എന്ന പുസ്തകം. ഈ പുസ്തകങ്ങൾ ലഭ്യമായത് ബാംഗ്ലൂർ മലയാളിയായ വിഷ്ണുമംഗലം കുമാറിൻ്റെ ശേഖരത്തിൽ നിന്നാണ്.
കേരളം സമാജം ഇന്നലെ ഇന്ന് നാളെ: ബാംഗ്ലൂർ കേരള സമാജത്തിൻ്റെ ചരിത്രം രേഖപ്പെടുത്തിയ പുസ്തകം. ബാംഗ്ലൂർ മലയാളിയായ വിഷ്ണുമംഗലം കുമാറിൻ്റെ ശേഖരത്തിൽ നിന്നാണ്. അദ്ദേഹം തന്നെയാണ് ഈ പുസ്തകം രചിച്ചിരിക്കുന്നത്.

പാഠപുസ്തകങ്ങൾ

പാഠപുസ്തകങ്ങൾ കൂടുതലെണ്ണം ഡിജിറ്റൈസേഷനായി ലഭ്യമായിട്ടുണ്ട്.അതിലെ കുറച്ചെണ്ണം ഈ ഉൽഘാടന സ്കാനുകളിൽ ഉണ്ട്. ഈ പാഠപുസ്തകങ്ങൾ ശ്രീ ഡൊമിനിക് നെടുമ്പറമ്പിലും ടോണി ആൻ്റണി മാഷും കൂടെ ലഭ്യമാക്കിയതാണ്.

പ്രായോഗിക കണക്കു പുസ്തകം: 1937ൽ ടി ലക്ഷ്മിക്കുട്ടി വാരസ്യാർ രചിച്ച നാലാം ക്ലാസ്സിലേക്കുള്ള പാഠ പുസ്തകത്തിന്റെ സ്കാൻ. കൊച്ചി സർക്കാരിന് വേണ്ടി തൃശൂർ ഡെക്കാൻ പ്രിന്റിങ് പ്രെസ്സിൽ അച്ചടിച്ചത്
ഇന്ത്യാ ചരിത്ര വീക്ഷണം രണ്ടാം വാള്യം: 1952ലെ അഞ്ചാം ക്ലാസ്സിലേക്കുള്ള പാഠ പുസ്തകത്തിന്റെ സ്കാൻ.
ബാലവാചകം: 1938 ൽ വിദ്വാൻ ആർ. മീനാക്ഷി സുന്ദരം രചിച്ച തമിഴ് പാഠപുസ്തകത്തിന്റെ സ്കാൻ. മദ്രാസ് കാക്സ്റ്റൻ പ്രെസ്സിൽ അച്ചടിച്ചത്
ലോവർ സെക്കന്ററി ജോഗ്രഫി (ഭൂമിശാസ്ത്രം): 1939ൽ പ്രസിദ്ധീകരിച്ച രണ്ടാം ഫോറത്തിലേക്കുള്ള ഭൂമിശാസ്ത്രം പാഠപുസ്തകം രണ്ടാം ഭാഗത്തിന്റെ സ്കാൻ. രചയിതാവ് കെ .കരുണാകരൻ നായർ.അച്ചടി: വിജയമണി പ്രിന്റിങ് വർക്സ് , തൃശൂർ

ആനുകാലികങ്ങൾ

മണ്ണാർക്കാട് KJTM സഹൃദയ ലൈബ്രറിയിൽ നിന്നുള്ള ആനുകാലികങ്ങളുടെ റിലീസ് തുടരുകയാണ്. ഈ റിലീസിൽ ഉൾപ്പെടിരിക്കുന്ന ചില പ്രമുഖമാസികകൾ:

പ്രകാശം മാസിക: കൊച്ചി നാട്ടുരാജ്യത്തിൽ നിന്നും ഡോ. കമാൽ പാഷ തയ്യിൽ മുഖ്യ പത്രാധിപരായി പ്രസിദ്ധീകരിച്ചിരുന്ന പ്രകാശം എന്ന ആനുകാലികത്തിൻ്റെ 26 ലക്കങ്ങൾ. ഇസ്ലാം പശ്ചാത്തലം ഉള്ള മാസികയിൽ മതപരമായ വിഷയങ്ങൾക്ക് പുറമെ സാഹിത്യം, സാമൂഹ്യം, രാഷ്ട്രീയം തുടങ്ങിയ വിഷയങ്ങളിലുള്ള പംക്തികളും കാണാം. കൊച്ചിയിലെ ജാനകി പ്രിന്റിങ് പ്രസ്സ് ആണ് അച്ചടി
സർവീസ് മാസിക: നായർ സർവീസ് സൊസൈറ്റിയുടെ സമുദായ മാസിക. മാസികയുടെ 1945ലെ ആറു ലക്കങ്ങൾ, 1946 ലെ അഞ്ചു ലക്കങ്ങൾ,1947ലെ ഒരു ലക്കം എന്നിവയുടെ അടക്കം മൊത്തം 12 ലക്കങ്ങൾ.. പ്രസാധകൻ മന്നത്ത് പദ്മനാഭ പിള്ള. അച്ചടി എൻ. എസ്. എസ്. പ്രസ്സ്, ചങ്ങനാശ്ശേരി
ചക്രവാളം വാരിക: കോട്ടയത്ത് നിന്നും പ്രസിദ്ധീകരിച്ചിരുന്ന ചക്രവാളം വാരികയുടെ 1946 ഓഗസ്റ്റ് മുതൽ ഒക്‌ടോബർ വരെയുള്ള 16 ലക്കങ്ങളുടെ സ്കാൻ. പത്രാധിപർ കെ പി കരുണാകര പിഷാരടി. പ്രിന്റിങ് ചക്രവാളം പ്രസ്സ്, കോട്ടയം
കലാനിധി മാസിക: ആർ. നാരായണ പണിക്കരുടെ പത്രാധിപത്യത്തിൽ തിരുവനന്തപുരത്തു നിന്ന് പ്രസിദ്ധീകരിച്ചിരുന്ന മാസികയുടെ 1948 ലെ രണ്ടു ലക്കങ്ങൾ, 1949 ലെ ആറു ലക്കങ്ങൾ, 1949 ലെ ഒരു ലക്കം എന്നിവയുടെ സ്കാൻ. പ്രസാധകൻ ടി സുബ്ബയ്യ റെഡ്ഢിയാർ. അച്ചടി റെഡ്ഢിയാർ പ്രസ്സ്, തിരുവനന്തപുരം
നവജീവൻ വാരിക: 1938 ഏപ്രിൽ, മെയ്, ജൂൺ, ജൂലൈ മാസങ്ങളിലെ വാരികയുടെ സ്കാൻ.തിരുവനന്തപുരത്തു നിന്നും സി. വി. കുഞ്ഞുരാമന്റെ പത്രാധിപത്യത്തിൽ ഇറങ്ങിയിരുന്ന വാരികയിൽ ആനുകാലിക സംഭവ വികാസങ്ങളെ കുറിച്ചുള്ള ലേഖനങ്ങൾ, കഥകൾ, കവിതകൾ എന്നിവ ഉൾപ്പെടുത്തിയിരിക്കുന്നു.

സുവനീറുകൾ/വാർഷികപ്പതിപ്പുകൾ

മണ്ണാർക്കാട് KJTM സഹൃദയ ലൈബ്രറിയിൽ നിന്നുള്ള സുവനീറുകളുടെ/വാർഷികപതിപ്പുകളുടെ റിലീസ് തുടരുകയാണ്. ഈ റിലീസിൽ ഉൾപ്പെടിരിക്കുന്ന ചില പ്രമുഖമാസികകൾ:

കൗമുദി കേരള സ്റ്റേറ്റ് സ്പെഷ്യൽ: കേരളത്തിൻ്റെ രൂപീകരണത്തോട് അനുബന്ധിച്ച് 1956ൽ കൗമുദി പ്രസിദ്ധീകരിച്ച സുവനീർ ആണ് ഇത്. ഒരു ചരിത്രസുവനീർ ആയത് കൊണ്ട് അതിൻ്റെ പ്രത്യേകതകളും ഈ സുവനീറിനു ഉണ്ട്.
ജയകേരളം ഓണം വിശേഷാൽ പതിപ്പ്: മദിരാശിയിലെ മറുനാടൻ മലയാളികളുടെ പ്രസിദ്ധീകരണമായിരുന്നു ജയകേരളം. 1947ൽ ഇന്ത്യയിൽ ആദ്യമായി മറുനാടൻ മലയാളികൾ തുടങ്ങിയ പ്രസിദ്ധീകരണമെന്ന് അവകാശപ്പെടുന്ന ജയകേരളം വാരികയുടെ 1948 ഓണം വിശേഷാൽ പ്രതിയുടെ സ്കാൻ. മലയാളത്തിലെ പ്രമുഖ സാഹിത്യകാരന്മാരുടെ കഥകളും കവിതകളും ലേഖനങ്ങളും ഉൾപ്പെടുത്തിയിരിക്കുന്നു.
പാഞ്ചജന്യം: മിടുക്കൻ തമ്പുരാൻ എന്ന അറിയപ്പെട്ടിരുന്ന ഉത്രാടം തിരുനാൾ കേരള വർമ്മ കൊച്ചി മഹാരാജാവിന്റെ എഴുപത്തെട്ടാം ജന്മദിനത്തോടനുടനുബന്ധിച്ചു പ്രസിദ്ധീകരിച്ച സ്മരണികയുടെ സ്കാൻ. പ്രസാധനം: പാഞ്ചജന്യം തൃശൂർ അച്ചടി: ബി. വി. ബുക്ക് ഡിപ്പോ ആൻഡ് പ്രിന്റിങ് പ്രസ്സ്, തിരുവനന്തപുരം
സമസ്തകേരള സാഹിത്യപരിഷത്ത് റിപ്പോർട്ട്: 1935ൽ സമസ്തകേരള സാഹിത്യപരിഷത്ത് തലശ്ശേരിയിൽ ചേർന്ന ഒമ്പതാം സമ്മേളനത്തിൻ്റെ റിപ്പോർട്ടും പ്രത്യേകതകൾ ഉള്ളതാണെന്ന് ഒറ്റ നോട്ടത്തിൽ മനസ്സിലാക്കാം. അക്കാലത്തെ പ്രശസ്ത സാഹിത്യകാരന്മാരുടെ സൃഷ്ടികളും ഇതിൽ കാണാം.
വിശാല കേരളം: 1937ൽ തുറവൂർ ശ്രീ ലക്ഷ്മി നൃസിംഹവിലാസം വായനശാലയുടെ ദശാബ്ദ ജൂബിലി സ്മരണികയുടെ സ്കാൻ. പ്രസാധനം ശ്രീ പി കെ നീലകണ്‌ഠ പണിക്കർ. അച്ചടി: എസ്. ജി. പ്രസ്സ്, പറവൂർ.
സചിവോത്തമവിലാസം വായന ശാലയുടെ വാർഷിക സ്മരണിക: 1943 ൽ മൂന്നു വര്ഷം പൂർത്തിയാക്കിയ തൊടുപുഴ സചിവോത്തമവിലാസം ഗ്രന്ഥാലയത്തിന്റെ വിശേഷാൽപ്രതിയിൽ ആശംസകളും പ്രമുഖ എഴുത്തുകാരുടെ സാഹിത്യ സൃഷ്ടികളും ഉൾപ്പെടുത്തിയിരിക്കുന്നു.
ഉപഹാരമഞ്ജരി: സാഹിത്യരത്നം ശ്രീ ആറ്റൂർ കൃഷ്ണപിഷാരടിയുടെ ഷഷ്ടി പൂർത്തിയോടനുബന്ധിച്ച് 1939 ൽ തൃശൂരിൽ നിന്നും പ്രസിദ്ധീകരിച്ച സ്മരണികയുടെ സ്കാൻ . പ്രകാശനം ആർ സി ഭട്ടാരക സഹോദരന്മാർ തൃശ്ശിവപേരൂർ. അച്ചടി മംഗളോദയം പ്രസ്സ്, തൃശൂർ

ടൈറ്റസ് വർഗീസിൻ്റെ രചനകൾ

വിദേശമലയാളിയായ ജോർജ്ജ് തോമസിൻ്റെ (ഡെൻമാർക്ക്) ശേഖരത്തിൽ നിന്നുള്ളതാണ് അദ്ദേഹത്തിൻ്റെ ബന്ധുകൂടിയായ റ്റൈറ്റസ് വർഗ്ഗീസിൻ്റെ രചനകൾ. ഡിജിറ്റൈസേഷനായി ഡെൻമാർക്കിൽ നിന്ന് ബാംഗ്ലൂരിലെത്തിയ രേഖകൾ ആണിത്. അതിലെ പ്രധാനപ്പെട്ട രണ്ടു പുസ്തകങ്ങൾ.

മാർ തോമസു അത്താനാസ്യോസു മെത്രാപൊലീത്ത: മാർത്തോമ്മാ സഭയുടെ ചരിത്രത്തിലെ ഏറ്റവും വൈഷമ്യകരമായ കാലഘട്ടത്തിൽ സഭക്ക് സുധീര നേതൃത്വം നൽകിയ മെത്രാപ്പോലീത്തയുടെ ജീവചരിത്രം.1970 ൽ പ്രസിദ്ധീകരിച്ചത്. രചന ടൈറ്റസ് വർഗ്ഗീസ്. അച്ചടി ബി. വി. ബുക്ക് ഡിപ്പോ ആൻഡ് പ്രിന്റിങ് വർക്സ്, തിരുവനന്തപുരം
തീത്തൂസ് പ്രഥമൻ മെത്രാപൊലീത്ത 1976 ൽ പ്രസിദ്ധീകരിച്ച ജീവചരിത്രത്തിന്റെ സ്കാൻ. രചന ടൈറ്റസ് വർഗ്ഗീസ്.. അച്ചടി- നളത്ര പ്രിന്റേഴ്‌സ് കോട്ടയം

2022 ഒക്ടോബർ 30 നു റിലീസ് ചെയ്ത 101 കേരള രേഖകളുടെ പട്ടിക:

ക്രമ നമ്പർ	വർഷം	പുസ്തകത്തിൻ്റെ പേര്	സ്കാൻ ലിങ്ക്
1	1934	മലയാള ബാസൽ മിഷൻ സഭയുടെ ചരിത്ര സംക്ഷേപം	https://gpura.org/item/basel-evangelical-mission-centenery-1934
2	1935	റിപ്പോർട്ട് ഓഫ് ദി ഓൾ കേരള ലൈബ്രറി അക്കാദമി	https://gpura.org/item/basel-evangelical-mission-centenery-1934
3	1937	വിശാല കേരളം	https://gpura.org/item/vishalakeralam-1937
4	1937	പ്രകാശം- പുസ്തകം 03 ലക്കം 09	https://gpura.org/item/prakasam-book-03-issue-09-1937
5	1937	പ്രകാശം- പുസ്തകം 03 ലക്കം 10	https://gpura.org/item/prakasam-book-03-issue-10-1937
6	1937	പ്രകാശം- പുസ്തകം 03 ലക്കം 12	https://gpura.org/item/prakasam-book-03-issue-12-1937
7	1937	പ്രകാശം- പുസ്തകം 03 ലക്കം 13	https://gpura.org/item/prakasam-book-03-issue-13-1937
8	1937	പ്രകാശം- പുസ്തകം 03 ലക്കം 20	https://gpura.org/item/prakasam-book-03-issue-20-1937
9	1937	പ്രകാശം- പുസ്തകം 03 ലക്കം 21	https://gpura.org/item/prakasam-book-03-issue-21-1937
10	1937	പ്രകാശം- പുസ്തകം 03 ലക്കം 22	https://gpura.org/item/prakasam-book-03-issue-22-1937
11	1937	പ്രകാശം- പുസ്തകം 03 ലക്കം 23	https://gpura.org/item/prakasam-book-03-issue-23-1937
12	1937	പ്രകാശം- പുസ്തകം 3 ലക്കം 24	https://gpura.org/item/prakasam-book-03-issue-24-1937
13	1937	പ്രകാശം- പുസ്തകം 03 ലക്കം 25	https://gpura.org/item/prakasam-book-03-issue-25-1937
14	1937	പ്രകാശം- പുസ്തകം 03 ലക്കം 26	https://gpura.org/item/prakasam-vol-03-book-26-1937
15	1937	പ്രകാശം- പുസ്തകം 03 ലക്കം 27	https://gpura.org/item/prakasam-book-03-issue-27-1937
16	1937	പ്രകാശം- പുസ്തകം 03 ലക്കം 28	https://gpura.org/item/prakasam-book-03-issue-28-1937
17	1937	പ്രകാശം- പുസ്തകം 03 ലക്കം 29	https://gpura.org/item/prakasam-pusthakam-03-lakkam-29-1937
18	1937	പ്രകാശം- പുസ്തകം 3 ലക്കം 30	https://gpura.org/item/prakasam-book-03-issue-30-1937
19	1937	പ്രകാശം- പുസ്തകം 03 ലക്കം 31	https://gpura.org/item/prakasam-book-03-issue-31-1937
20	1937	പ്രകാശം- പുസ്തകം 03 ലക്കം 32	https://gpura.org/item/prakasam-book-03-issue-32-1937
21	1937	പ്രകാശം- പുസ്തകം 03 ലക്കം 33	https://gpura.org/item/prakasam-book-03-issue-33-1937
22	1937	പ്രകാശം- പുസ്തകം 03 ലക്കം 34	https://gpura.org/item/prakasam-book-03-issue-34-1937
23	1937	പ്രകാശം- പുസ്തകം 03 ലക്കം 35	https://gpura.org/item/prakasam-book-03-issue-35-1937
24	1937	പ്രകാശം- പുസ്തകം 03 ലക്കം 36	https://gpura.org/item/prakasam-book-03-issue-36-1937
25	1937	പ്രകാശം- പുസ്തകം 03 ലക്കം 37	https://gpura.org/item/prakasam-book-03-issue-37-1937
26	1937	പ്രകാശം- പുസ്തകം 03 ലക്കം 39	https://gpura.org/item/prakasam-book-03-issue-39-1937
27	1937	പ്രകാശം- പുസ്തകം 03 ലക്കം 40	https://gpura.org/item/prakasam-book-03-issue-40-1937
28	1937	പ്രകാശം- പുസ്തകം 04 ലക്കം 01	https://gpura.org/item/prakasam-book-04-issue-01-1937
29	1937	പ്രായോഗിക കണക്കുപുസ്തകം	https://gpura.org/item/practical-mathematic-1937
30	1937	കൗമുദി പുസ്തകം 01 ലക്കം 11	https://gpura.org/item/the-koumudi-book-01-issue-11-1937
31	1938	ബാലവാചകം	https://gpura.org/item/balavachakam-1938
32	1938	ലോങ്ങ്മാൻസ് തമിഴ് പാഠം	https://gpura.org/item/longman-s-thamizh-padam-1938
33	1938	സചിവൻ പുസ്തകം 01 ലക്കം 12	https://gpura.org/item/sachivan-book-01-issue-12-1938
34	1938	സചിവൻ പുസ്തകം 01 ലക്കം 16	https://gpura.org/item/sachivan-book-01-issue-16-1938
35	1938	നവജീവൻ പുസ്തകം 13 ലക്കം 01	https://gpura.org/item/the-navajeevan-book-13-issue-01-1938
36	1938	നവജീവൻ പുസ്തകം 13 ലക്കം 02	https://gpura.org/item/the-navajeevan-book-13-issue-02-1938
37	1938	നവജീവൻ പുസ്തകം 13 ലക്കം 03	https://gpura.org/item/the-navajeevan-book-13-issue-03-1938
38	1938	നവജീവൻ പുസ്തകം 13 ലക്കം 04	https://gpura.org/item/the-navajeevan-book-13-issue-04-1938
39	1938	നവജീവൻ പുസ്തകം 13 ലക്കം 05	https://gpura.org/item/the-navajeevan-book-13-issue-05-1938
40	1938	നവജീവൻ പുസ്തകം 13 ലക്കം 07	https://gpura.org/item/the-navajeevan-book-13-issue-07-1938
41	1938	നവജീവൻ പുസ്തകം 13 ലക്കം 08	https://gpura.org/item/the-navajeevan-book-13-issue-08-1938
42	1938	നവജീവൻ പുസ്തകം 13 ലക്കം 09	https://gpura.org/item/the-navajeevan-book-13-issue-09-1938
43	1938	നവജീവൻ പുസ്തകം 13 ലക്കം 11	https://gpura.org/item/the-navajeevan-book-13-issue-11-1938
44	1938	നവജീവൻ പുസ്തകം 13 ലക്കം 12	https://gpura.org/item/the-navajeevan-book-13-issue-12-1938
45	1938	നവജീവൻ പുസ്തകം 13 ലക്കം 13	https://gpura.org/item/the-navajeevan-book-13-issue-13-1938
46	1938	നവജീവൻ പുസ്തകം 13 ലക്കം 14	https://gpura.org/item/the-navajeevan-book-13-issue-14-1938
47	1939	ഉപഹാര മഞ്ജരി	https://gpura.org/item/upahara-manjari-1939
48	1939	ലോവർ സെക്കണ്ടറി ഭൂമിശാസ്ത്രം	https://gpura.org/item/lower-secondary-geographyu-1939
49	1940	ന്യൂ മെത്തേഡ് ഇംഗ്ലീഷ് റീഡർ ബുക്ക് I	https://gpura.org/item/new-method-english-readers-book-i-1940
50	1943	സചിവോത്തമവിലാസം റീഡിങ് റൂം ആൻഡ് ലൈബ്രറി-ആന്വൽ സപ്പ്ളിമെൻറ്	https://gpura.org/item/sachivothamavilasam-readingroom-library-annual-sup-1943
51	1945	പാഞ്ചജന്യം തിരുനാൾ വിശേഷാൽ പ്രതി	https://gpura.org/item/the-panchajanyam-birthday-special-1945
52	1945	സർവ്വീസ് പുസ്തകം17 ലക്കം 01	https://gpura.org/item/service-book-17-issue-01-1945
53	1945	സർവ്വീസ് പുസ്തകം 20 ലക്കം 02	https://gpura.org/item/service-book-20-issue-02-1945
54	1945	സർവ്വീസ് പുസ്തകം 20 ലക്കം 03	https://gpura.org/item/service-book-20-issue-03-1945
55	1945	സർവ്വീസ് പുസ്തകം 20 ലക്കം 04, 05	https://gpura.org/item/service-book-20-issue-04-05-1945
56	1945	സർവ്വീസ് പുസ്തകം 20 ലക്കം 06	https://gpura.org/item/service-book-20-issue-06-1945
57	1945	സർവ്വീസ് പുസ്തകം 20 ലക്കം 07	https://gpura.org/item/service-book-20-issue-07-1945
58	1946	സർവ്വീസ് പുസ്തകം 20 ലക്കം 10	https://gpura.org/item/service-book-20-issue-10-1946
59	1946	സർവ്വീസ് പുസ്തകം 20 ലക്കം 11	https://gpura.org/item/service-book-20-issue-11-1946
60	1946	സർവ്വീസ് പുസ്തകം 21 ലക്കം 02	https://gpura.org/item/service-book-21-issue-02-1946
61	1946	സർവ്വീസ് പുസ്തകം 21 ലക്കം 03	https://gpura.org/item/service-book-21-issue-03-1946
62	1946	സർവ്വീസ് പുസ്തകം 21 ലക്കം 05	https://gpura.org/item/service-book-21-issue-05-1946
63	1946	ചക്രവാളം പുസ്തകം 03 ലക്കം 01	https://gpura.org/item/chakravalam-book-03-issue-01-1946
64	1946	ചക്രവാളം പുസ്തകം 03 ലക്കം 02	https://gpura.org/item/chakravalam-book-03-issue-02-1946
65	1946	ചക്രവാളം പുസ്തകം 03 ലക്കം 03	https://gpura.org/item/chakravalam-book-03-issue-03-1946
66	1946	ചക്രവാളം പുസ്തകം 03 ലക്കം 04	https://gpura.org/item/chakravalam-book-03-issue-04-1946
67	1946	ചക്രവാളം പുസ്തകം 03 ലക്കം 05	https://gpura.org/item/chakravalam-book-03-issue-05-1946
68	1946	ചക്രവാളം പുസ്തകം 03 ലക്കം 06	https://gpura.org/item/chakravalam-book-03-issue-06-1946
69	1946	ചക്രവാളം പുസ്തകം 03 ലക്കം 07	https://gpura.org/item/chakravalam-book-03-issue-07-1946
70	1946	ചക്രവാളം പുസ്തകം 03 ലക്കം 08	https://gpura.org/item/chakravalam-book-03-issue-08-1946
71	1946	ചക്രവാളം പുസ്തകം 03 ലക്കം 09	https://gpura.org/item/chakravalam-book-03-issue-09-1946
72	1946	ചക്രവാളം പുസ്തകം 03 ലക്കം 10	https://gpura.org/item/chakravalam-book-03-issue-10-1946
73	1946	ചക്രവാളം പുസ്തകം 03 ലക്കം 11	https://gpura.org/item/chakravalam-book-03-issue-11-1946
74	1946	ചക്രവാളം പുസ്തകം 03 ലക്കം 12	https://gpura.org/item/chakravalam-book-03-issue-12-1946
75	1946	ചക്രവാളം പുസ്തകം 03 ലക്കം 13	https://gpura.org/item/chakravalam-book-03-issue-13-1946
76	1946	ചക്രവാളം പുസ്തകം 03 ലക്കം 15	https://gpura.org/item/chakravalam-book-03-issue-15-1946
77	1946	ചക്രവാളം പുസ്തകം 03 ലക്കം 17	https://gpura.org/item/chakravalam-book-03-issue-17-1946
78	1946	ചക്രവാളം പുസ്തകം 3 ലക്കം 18	https://gpura.org/item/chakravalam-book-03-issue-18-1946
79	1947	സർവ്വീസ് പുസ്തകം 22 ലക്കം 09	https://gpura.org/item/service-book-22-issue-09-1947
80	1947	ജയകേരളം	https://gpura.org/item/jayakeralam-1947
81	1948	ഐക്യ കേരള ഗ്രന്ഥാലയം – വാർഷിക ഗ്രന്ഥം	https://gpura.org/item/aikya-kerala-grandhalayam-varshika-grandham-1948
82	1948	നവസാഹിതി	https://gpura.org/item/nava-sahithi-1948
83	1948	പൗരശക്തി	https://gpura.org/item/pourashakthi-1948
84	1949	കലാനിധി പുസ്തകം 02 ലക്കം 06	https://gpura.org/item/kalanidhi-book-02-issue-06-1949
85	1949	കലാനിധി പുസ്തകം 02 ലക്കം 07	https://gpura.org/item/kalanidhi-book-02-issue-07-1949
86	1949	കലാനിധി പുസ്തകം 03 ലക്കം 01	https://gpura.org/item/kalanidhi-book-03-issue-01-1949
87	1949	കലാനിധി പൂജ സ്പെഷ്യൽ	https://gpura.org/item/kalanidhi-1949
88	1949	സഹൃദയ വാർഷിക പതിപ്പ്	https://gpura.org/item/1949-sahrudaya-varshika-pathip
89	1952	ഇന്ത്യ ചരിത്ര വീക്ഷണം	https://gpura.org/item/india-charithra-veekshanam-1952
90	1953	മലയാള രാജ്യം വിശേഷാൽ പ്രതി	https://gpura.org/item/malayala-rajyam-visheshal-prathi-1953
91	1956	കൗമുദി കേരള സ്റ്റേറ്റ് സ്പെഷ്യൽ	https://gpura.org/item/koumudi-kerala-state-special-1956
92	1957	മലയാള രാജ്യം വിശേഷാൽ പ്രതി	https://gpura.org/item/malayala-rajyam-visheshal-prathi-1957
93	1960	മലയാള രാജ്യം	https://gpura.org/item/malayala-rajyam-1960
94	1970	മാർ തോമസ് അത്തനാസ്യോസു മെത്രപൊലീത്ത	https://gpura.org/item/mar-thomas-athanasyosu-methrapoleetha-1970
95	1970	ബാംഗ്ലൂർ മലയാളി	https://gpura.org/item/bangalore-malayali-1970
96	1975	ബാംഗ്ലൂർ മലയാളി	https://gpura.org/item/bangalore-malayali-1975
97	1976	തീത്തൂസ് പ്രഥമൻ മെത്രാപ്പോലീത്ത	https://gpura.org/item/theethoos-pradhaman-methraopleetha-1976
98	1980	വെള്ളിയംപള്ളിൽ കുടുംബ ചരിത്രം	https://gpura.org/item/velliyampallil-kudumba-charithram-1980
99	1983	ഗ്ലിമ്സെസ് ഓഫ് ദി ഹിസ്റ്ററി ഓഫ് ക്രിസ്ത്യൻ ചർച്ചസ് ഇൻ ഇന്ത്യ	https://gpura.org/item/glimpses-of-the-history-of-the-christian-churches–1983
100	1992	മിഷനറി ഹൊറൈസൺസ്	https://gpura.org/item/missionary-horizons-1992
101	2007	കേരള സമാജം ഇന്നലെ ഇന്ന് നാളെ	https://gpura.org/item/kerala-samajam-innale-innu-nale-2007