Author: Deepthi R

1953 ൽ പ്രസിദ്ധീകരിച്ച, എം.ആർ. നായർ എഴുതിയ സഞ്ജയൻ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

1953 – സഞ്ജയൻ – എം.ആർ. നായർ

പ്രശസ്തനായ ഒരു മലയാള സാഹിത്യകാരനാണ് സഞ്ജയൻ. സഞ്ജയൻ എന്നത് തൂലികാനാമമാണ്. യഥാർത്ഥ‍ നാമം മാണിക്കോത്ത് രാമനുണ്ണി നായർ (എം. ആർ. നായർ). തൻ്റെ കൃതികളിൽ സഞ്ജയൻ, പാറപ്പുറത്തു സഞ്ജയൻ, പി.എസ്. എന്നിങ്ങനെ പലപേരിലും അദ്ദേഹം അറിയപ്പെടുന്നുണ്ട്. 1935 സെപ്തംബർ മുതൽ 1936 ഏപ്രിൽ വരെ കാലയളവിൽ അദ്ദേഹം എഴുതിയ വിവിധ വിഷയങ്ങളെ അധികരിച്ചുള്ള ഹാസ്യ ലേഖനങ്ങൾ ആണ് ഈ പുസ്തകത്തിൻ്റെ ഉള്ളടക്കം. ഹാസ്യത്തോടൊപ്പം വിമർശനങ്ങളും സർഗാത്മകമായി അദ്ദേഹം അവതരിപ്പിച്ചിരിക്കുന്നു. ഏകദേശം 65 ഓളം ലേഖനങ്ങൾ ഈ സമാഹാരത്തിൽ ഉൾക്കൊള്ളിച്ചിരിക്കുന്നു.
.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: സഞ്ജയൻ
• പ്രസിദ്ധീകരണ വർഷം: 1953
• രചന: M.R. Nair
• താളുകളുടെ എണ്ണം: 354
• അച്ചടി: Mathrubhumi Press, Calicut   
• സ്കാൻ ലഭ്യമായ ഇടം: കണ്ണി

1999-ൽ ചിന്ത പബ്ലിഷേഴ്സ് പ്രസിദ്ധീകരിച്ച,ഡി പി ഇ പിയും പുതിയ പാഠ്യ പദ്ധതിയും എന്ന പുസ്തകത്തിൻ്റെ സ്കാനാണ് ഈ പോസ്റ്റിലൂടെ പങ്കു വയ്ക്കുന്നത്.

1999 – ഡി പി ഇ പിയും പുതിയ പാഠ്യ പദ്ധതിയും – പി. ഗോവിന്ദപ്പിള്ള- സി. പി. നാരായണൻ

സിദ്ധാന്തത്തിലൂടെയും പ്രയോഗത്തിലൂടെയും മുന്നേറുന്നതാണ് വിദ്യാഭ്യാസശാസ്ത്രം. ആ നിലയ്ക്ക് അധ്യാപകരുടെ പ്രായോഗികാനുഭവത്തിൻ്റെ വെളിച്ചത്തിൽ പാഠപുസ്‌തകങ്ങളും പാഠ്യപദ്ധതിതന്നെയും പരിഷ്കരിക്കേണ്ടി വരും. പഴയ പാഠ്യപദ്ധതി വിദ്യാലയങ്ങളിൽ വൻപരാജയശതമാനവും ഒരു വിഭാഗം കുട്ടികളിൽ വളരെ താഴ്ന്ന നിലവാരവും ഉണ്ടാക്കിയിട്ടുണ്ട്. ഒന്നാം ക്ലാസിൽ ചേരുന്നവരിൽ ഏതാണ്ട് 40 ശതമാനം മാത്രം എസ് എസ് എൽ സി പരീക്ഷ പാസാവുകയും ബാക്കിയുള്ളവരൊന്നും അഭ്യസ്തവിദ്യ അർഹിക്കുന്നജോലിക്ക് യോഗ്യരല്ലാതായതും,തൊഴിലില്ലാത്തവരായി രജിസ്റ്റർ ചെയ്യുന്നതിൽ മഹാഭൂരിപക്ഷവും എസ് എസ് എൽ സി കോഴ്സ‌് പൂർത്തിയാക്കിവരായതും ഈ പശ്ചാത്തലത്തിലാണ്. കേരളീയരിൽ മഹാഭൂരിപക്ഷത്തിൻ്റെ തൊഴിൽയോഗ്യത വർധിക്കണമെങ്കിൽ, തൊഴിൽകിട്ടുന്നവരുടെ ഉൽപ്പാദനക്ഷമത വർധിക്കണമെങ്കിൽ, കേരളത്തിനു പുറത്ത് തൊഴിൽ ലഭിക്കാനുള്ള സാധ്യത കൂടണമെങ്കിൽ ഈ സ്ഥിതിവിശേഷംമാറണം. കുട്ടികളുടെ വിദ്യാഭ്യാസനിലവാരം ഉയരണം, ആത്മവിശ്വാസംവർധിക്കണം, അവരുടെ പൊതുവിജ്ഞാനനിലവാരം വർധിക്കണം, അതാണ് ഡി പി ഇ പി എന്ന പുതിയ പാഠ്യപദ്ധതിയുടെ ലക്ഷ്യം എന്ന് ലേഖകൻ പ്രസ്താവിക്കുന്നു.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ഡി പി ഇ പിയും പുതിയ പാഠ്യ പദ്ധതിയും
• രചന: പി. ഗോവിന്ദപ്പിള്ള, സി. പി. നാരായണൻ
• പ്രസിദ്ധീകരണ വർഷം: 1999
• താളുകളുടെ എണ്ണം:32
• അച്ചടി: Cine Offset Printers, Muttada
• സ്കാൻ ലഭ്യമായ ഇടം: കണ്ണി

1971-ൽ പ്രസിദ്ധീകരിച്ച, അശ്വഘോഷൻ എഴുതിയ ശ്രീ ബുദ്ധചരിതം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. മലയാളത്തിലേക്ക് വിവർത്തനം ചെയ്തിരിക്കുന്നത് സി.പി. കേശവൻ വൈദ്യനാണ്‌ .

1971 – ശ്രീ ബുദ്ധചരിതം – അശ്വഘോഷൻ

ഭാരതീയസാഹിത്യത്തിലെ ശ്രദ്ധേയമായ ഒരു കലാസൃഷ്ടിയാണു് അശ്വഘോഷൻ്റെ ‘ബുദ്ധചരിതം’ എന്ന മഹാകാവ്യം.നേപ്പാളിലാണ് ബുദ്ധ ചരിതത്തിൻ്റെ ഉത്ഭവം.അതിൻ്റെ മൂലകൃതി ഇന്നു ലഭ്യമല്ല. ഈ കൃതി മൂല കൃതിയുടെ ഭാവം നഷ്ടപ്പെടാതെ, സംഗീത ഭംഗിയും, ഭാവ സമ്പുഷ്ടതയും നിലനിർത്തി മൂലകൃതിയിലെ അതെ വൃത്തം തന്നെ പരിഭാഷയിലും ഉപയോഗിച്ച്‌ കവിയുടെ ആശയത്തെ ഉപേഷിക്കാതെ, സ്വന്തം ആശയങ്ങളെ കൂട്ടി ചേർക്കുകയും ചൈയ്യാതെ മലയാളത്തിൽ പുനസൃഷ്ട്ടിച്ചിരിക്കുന്നു. ബുദ്ധൻ്റെ ജീവ ചരിത്രം, ജനനം മുതൽ ധ്യാനത്തിലൂടെ ബോധോദയം നേടുന്നതുവരെയുള്ള കാര്യങ്ങൾ,ധർമ്മ പ്രചാരം എന്നിവയെല്ലാം വളരെ മനോഹരങ്ങളായ ശ്ലോകങ്ങളിൽ കൂടി അവതരിപ്പിച്ചിരിക്കുന്നു ഈ കൃതിയിൽ.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: ശ്രീ ബുദ്ധചരിതം
• രചന: അശ്വഘോഷൻ
• വിവർത്തകൻ:സി.പി. കേശവൻ വൈദ്യൻ
• പ്രസിദ്ധീകരണ വർഷം: 1971
• താളുകളുടെ എണ്ണം:244
• അച്ചടി: M.S. Printers, Quilon
• സ്കാൻ ലഭ്യമായ ഇടം: കണ്ണി

1985-ൽ പ്രസിദ്ധീകരിച്ച, പി ഗോവിന്ദപ്പിള്ള എഴുതിയ  സി. മത്തായി സ്മാരക പ്രഭാഷണം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1985 – സി. മത്തായി സ്മാരക പ്രഭാഷണം- പി ഗോവിന്ദപ്പിള്ള

കേരത്തിലെ പൊതുവിദ്യാഭ്യാസ രംഗം 1901 മുതൽ 1981 വരെ എങ്ങനെ വളർന്നു എന്നതിൻ്റെ ഗൗരവമായ വിശകലനമാണ്‌ ഈ പുസ്തകം നടത്തിയിട്ടുള്ളത്. വിവിധ സെൻസസ്‌ വർഷങ്ങളിലായി കേരളത്തിലെ വിദ്യാഭ്യാസ പുരോഗതിയുടെ കണക്കുകൾ. പ്രാഥമീകവിദ്യാഭ്യാസ സ്ഥാപനങ്ങൾ, ഉന്നത വിദ്യാഭ്യാസ സ്ഥാപനങ്ങൾ എന്നിവയുടെ എണ്ണത്തിൽ ഉണ്ടായ വളർച്ച, വിദ്യാർത്ഥികളുടെ എണ്ണത്തിൽ ഉണ്ടായ വളർച്ച എന്നിവയൊക്കെയാണ് ഈ പുസ്തകത്തിൻ്റെ ഉള്ളടക്കം. 1981 ലെ സെൻസസ് പ്രകാരം 70 .42 % മാണ് കേരളത്തിൻ്റെ വിദ്യാഭ്യാസ പ്രാപ്‍തി, ഇത് ദേശീയതലത്തിൽ കേരളത്തെ ഇത് മുൻപന്തിയിൽ എത്തിച്ചിരിക്കുന്നു. ചരിത്രപരമായി കേരളത്തിൻ്റെ വിദ്യാഭ്യാസ വികസനത്തിൻ്റെ നിലവാരവും പുരോഗതിയും തിരിച്ചറിയാൻ ഈ ഗ്രന്ഥം സഹായിക്കും. അതോടൊപ്പം സ്കൂൾ വിദ്യാഭ്യാസരംഗത്ത് വന്ന മാറ്റങ്ങളെക്കുറിച്ചും പുസ്തകം ചർച്ച ചെയ്യുന്നു. 1973-80-ൽ ഈ ഇനത്തിൽപ്പെട്ട 55 കീഴ് പ്രാഥമികവിദ്യാലയങ്ങളും 26 മേൽ പ്രാഥമിക വിദ്യാലയങ്ങളും 57 ഹൈസ്കൂളുകളും മാത്രമെ ഉണ്ടായിരുന്നുള്ളു. സ്വകാര്യ വിദ്യാലയങ്ങളുടെ അതിപ്രസരണവും,അവരുടെ ഭീമമായ ഫീസും, സമൂഹത്തിലെ ഉന്നത വിഭാഗങ്ങൾക്കുവേണ്ടിയുള്ളതാണ്  എന്നുള്ള ചിന്ത തന്നെ സമൂഹത്തിൽ ഉടലെടുക്കുന്നത്തിനു കാരണമാകുന്നു. സാധാരണ സ്കൂളുകൾ മെച്ചപ്പെടുത്താൻ നടപടികളെടുക്കാതിരിക്കുക മൂലം സമൂഹത്തിലെ ഉച്ചനിചത്വങ്ങൾ അതുപോലെതന്നെ നിലകൊള്ളുമെന്നും ലേഖനം ചർച്ചചെയ്യുന്നു. ഇതിനെതിരെ അധ്യാപകരും വിദ്യാർത്ഥികളും ഉണർന്നു പ്രവർത്തിച്ചാൽ മാത്രമേ ഈ പ്രവണതകൾ തടയാനാകുകയും,നമ്മുടെ വിദ്യാഭ്യാസമേഖല പ്രഖ്യാപിത നയങ്ങളുമായി പൊരുത്തപ്പെടുകയുള്ളൂ എന്നും ചൂണ്ടിക്കാട്ടുന്നു .

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: സി. മത്തായി സ്മാരക പ്രഭാഷണം
• രചന: പി ഗോവിന്ദപ്പിള്ള
• പ്രസിദ്ധീകരണ വർഷം: 1985
• താളുകളുടെ എണ്ണം: 28
  
• സ്കാൻ ലഭ്യമായ ഇടം: കണ്ണി