നിക്കോളാസ് വൈസ് മാൻ രചിച്ച് മയ്യനാട്ട് ഏ ജോൺ പരിഭാഷപ്പെടുത്തി 1948ൽ പ്രസിദ്ധീകരിച്ച ഫബിയോളാ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.
പത്തൊൻപതാം നൂറ്റാണ്ടിൽ ജീവിച്ചിരുന്ന (1802 – 1865) കർദ്ദിനാൾ നിക്കോളാസ് പാട്രിക് വൈസ് മാൻ എന്ന പ്രശസ്ത വൈദികനാണ് മൂലഗ്രന്ഥത്തിൻ്റെ കർത്താവ്. റോമിലെ സപ്പിയൻസ് സർവ്വകലാശാലയിൽ ഹിബ്രു,കൽദേയ സുറിയാനി ഭാഷകൾ പഠിപ്പിച്ചിരുന്ന പ്രൊഫസ്സറും, തത്വശാസ്ത്രവിശാരദനും, സാഹിത്യ രസികനും, വാഗ്മിയും ആയിരുന്നു അദ്ദേഹം. ക്രി:പി: മൂന്നാം നൂറ്റാണ്ടിൻ്റെ ഉത്തരാർദ്ധത്തിൽ റോമായിൽ നടന്ന ചില സംഭവങ്ങളാണ് കൃതിയുടെ ഉള്ളടക്കം. റോമൻ ചക്രവർത്തിമാരിൽ നിന്നും കത്തോലിക്ക സഭക്ക് ഉണ്ടായിക്കോണ്ടിരുന്ന പീഢനങ്ങളുടെ കാലഘട്ടത്തിൽ എഴുതപ്പെട്ട ഈ ആഖ്യായികയിൽ ആദിമ കൃസ്ത്യാനികളുടെ ആചാരങ്ങൾ, ജീവിത സമ്പ്രദായങ്ങൾ, മനോവികാരങ്ങൾ, വിചാരഗതികൾ എന്നിവ പ്രതിപാദ്യവിഷയമായിട്ടുണ്ട്. മതപീഠനം ഒരു വിഷയമാകുന്ന
പുസ്തകത്തിലെ നായികയാണ് ഫബിയോളാ.
ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
-
- പേര്: ഫബിയോളാ
- പ്രസിദ്ധീകരണ വർഷം: 1948
- താളുകളുടെ എണ്ണം: 402
- അച്ചടി: Little Flower Press, Thevara
- സ്കാൻ ലഭ്യമായ ഇടം: കണ്ണി