1957 ൽ പ്രസിദ്ധീകരിച്ച The Vicar Of Wakefield എന്ന പാഠപുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1957 – The Vicar Of Wakefield
നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.
1929-ൽ പ്രസിദ്ധീകരിച്ച, എം.ആർ. വേലുപിള്ളശാസ്ത്രി രചിച്ച യവനാചാര്യന്മാർ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
1929 – യവനാചാര്യന്മാർ
മലയാളത്തിൽ “യവനൻ” എന്നത് പുരാതന ഗ്രീക്കുകാരെ സൂചിപ്പിക്കാനായി ഉപയോഗിക്കുന്ന പദമാണ്. ക്രിസ്തുമതത്തിൻ്റെ ആവിർഭാവത്തിന് മുൻപുള്ള മതപരവും പുരാണപരവുമായ കാര്യങ്ങളാണ് ഗ്രന്ഥകർത്താവ് ഈ പുസ്തകത്തിൽ പറയുന്നത്. പ്രാചീന ഗ്രീസിലെ മഹാരഥന്മാരായ ലോകത്തിലെ പ്രമുഖ തത്ത്വചിന്തകരായി വിശേഷിപ്പിക്കുന്ന സോക്രട്ടീസ്, പ്ലേറ്റോ,അരിസ്റ്റോട്ടിൽ എന്നിവരുടെ ജീവിതത്തെ കുറിച്ചും, ഇവർ എഴുതിയ പ്രധാനഗ്രന്ഥങ്ങൾ, കൂടാതെ അരിസ്റ്റോട്ടിലിൻ്റെ ശാസ്ത്രസമുച്ചയത്തെ സംബന്ധിച്ചുള്ള വിവരങ്ങളും വായനക്കാരിൽ എത്തിക്കുന്നു.
1935 ൽ കേരളവർമ്മ വലിയകോയി തമ്പുരാൻ രചിച്ച ഈശ്വരാധീനം എന്ന ഗദ്യനാടകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വയ്ക്കുന്നത്.
1935 – ഈശ്വരാധീനം – കേരളവർമ്മ വലിയകോയി തമ്പുരാൻ
1935 ൽ കേരളവർമ്മ വലിയകോയി തമ്പുരാൻ രചിച്ച ഈശ്വരാധീനം എന്ന ഈ ഗദ്യനാടകത്തിൽ പ്രധാനമായും പഴമയും പരിഷ്ക്കാരവും തമ്മിലുള്ള പോരട്ടത്തെക്കുറിച്ചാണ് പ്രതിപാദിച്ചിരിക്കുന്നത്. അതുകൂടാതെ വിദ്യാഭ്യാസത്തിൻ്റെ പ്രാധാന്യവും ഇതിൽ എടുത്ത് പറഞ്ഞിരിക്കുന്നു.
1939-ൽ പ്രസിദ്ധീകരിച്ച, പി. കുണ്ടുപ്പണിക്കർ എഴുതിയ വനമാല എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
1939 – വനമാല – പി. കുണ്ടുപ്പണിക്കർ
ശ്രീകൃഷ്ണ ഭഗവാൻ്റെ ഐതിഹ്യകഥയാണ് പി. കുണ്ടുപ്പണിക്കർ 64 ശ്ലോകങ്ങളുള്ള വനമാല എന്ന ഖണ്ഡകാവ്യത്തിനു വിഷയമാക്കിയത്. ഓരോ ശ്ലോകവും ഭഗവാൻ ശ്രീകൃഷ്ണനെ സ്തുതിക്കുന്നതാണ്. ഈ കവിത ശ്രീകൃഷ്ണൻ്റെ ജനനത്തെയും മഹിമകളെയും ഭക്തിയോടെ വർണ്ണിക്കുന്നു.
1927-ൽ പ്രസിദ്ധീകരിച്ച, മാധവനാർ രചിച്ച ഒരു ഹിമാലയയാത്ര എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്
സഞ്ചാരസാഹിത്യം വളരെ അപൂർവമായിരുന്ന കാലത്താണ് മാധവനാർ തൻ്റെ ഹിമാലയൻ യാത്രാവിവരണം മാതൃഭൂമിയിലൂടെ ലേഖനപരമ്പരയായി പ്രസിദ്ധീകരിക്കുന്നത്. ഏറെക്കാലം വടക്കേ ഇന്ത്യയിൽ ജോലി ചെയ്തിരുന്ന ഗ്രന്ഥകാരൻ, ജോലിയിൽ നിന്നു പിരിഞ്ഞ് 1923-ലാണ് ബനാറസിലേക്ക് യാത്രയാവുന്നത്. അവിടെ നിന്ന് ഹരിദ്വാറിലേക്കും കാൽനടയായി ഋഷികേശിലേക്കും യാത്രയാവുന്നു. ഹിന്ദുക്കളുടെ ലക്ഷണമായ ‘കുടുമ’ ഇല്ലാത്തതിനാൽ പലയിടത്തും അദ്ദേഹത്തെ ആളുകൾ സംശയാസ്പദമായി വീക്ഷിക്കുന്നതായും എഴുതിയിട്ടുണ്ട്.
ഋഷികേശിൽ നിന്നു ഗുരുകുലം, കേദാർനാഥ്, ബദരീനാഥ് എന്നിവിടങ്ങളിലേക്കുള്ള ദുർഘടമായ യാത്രാവഴികളും ലഭ്യമായ സൗകര്യങ്ങളും ഹിമാലയത്തിൻ്റെ അനന്തഭൗമമായ സൗന്ദര്യവും ഗ്രന്ഥകാരൻ പുസ്തകത്തിൽ വിശദീകരിക്കുന്നു.
1925-ൽ പ്രസിദ്ധീകരിച്ച, സാഹിതി- വിശേഷാൽ പ്രതി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1925 – സാഹിതി- വിശേഷാൽ പ്രതി
ഉള്ളൂർ, വള്ളത്തോൾ, ശങ്കുണ്ണി മുതലായ മഹാകവികളുടെ കവിതകളും അപ്പൻതമ്പുരാൻ, വടക്കുംകൂർ രാജരാജവർമ്മ, ജനാർദ്ദനമേനോൻ, കെ. വി. എം. തുടങ്ങിയവരുടെ ഗദ്യ ലേഖനങ്ങളും ഉൾക്കൊള്ളിച്ചുകൊണ്ട് സാഹിതി മാസിക പുറത്തിറക്കിയ വിശേഷാൽ പ്രതിയാണ് ഈ പുസ്തകം. ഗദ്യത്തിനും പദ്യത്തിനും ഒരു പോലെ പ്രാമുഖ്യം നല്കിയിട്ടുള്ള ഈ കൃതി പ്രാചീന കാലം മുതൽ ആധുനീക കാലം വരെ മലയാളായ സാഹിത്യത്തിൻ്റെ വിവിധ ഘട്ടങ്ങൾ പഠന വിധേയമാക്കിയിരിക്കുന്നു. മലയാളത്തിൻ്റെ ഭാഷാവികാസവും സാഹിത്യസമ്പത്തും മനസിലാക്കാൻ സഹായിക്കുന്നു ഈ പുസ്തകം.
1973ൽ പി. കുഞ്ഞികൃഷ്ണമേനോൻ എഡിറ്റ് ചെയ്തു പ്രസിദ്ധീകരിച്ച സൗഭദ്രിക കഥ – കൃഷ്ണഗാഥ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1973 – സൗഭദ്രിക കഥ -കൃഷ്ണഗാഥ
ചെറുശ്ശേരി നമ്പൂതിരിയുടെ കൃഷ്ണഗാഥയിലെ ഒരു പ്രധാന പ്രബന്ധകഥയാണ് സൗഭദ്രിക കഥ. അർജുനനും സുഭദ്രയും തമ്മിലുള്ള സ്നേഹവും വിവാഹവും ഇതിൽ പ്രതിപാദിക്കുന്നു.
ഭക്തിപ്രാധാന്യം, പുരാണകഥകളുടെ മലയാളഭാവാനുവാദം, ഗ്രാമ്യജീവിതരീതികളുടെ പ്രതിഫലനം എന്നിവയാണ് കൃതിയുടെ പ്രത്യേകതകൾ. മലയാളത്തിലെ ആദ്യത്തെ മഹാകാവ്യശൈലിയായ കൃഷ്ണഗാഥയിൽ സൗഭദ്രിക കഥയ്ക്ക് സാഹിത്യപരമായ വലിയ പ്രാധാന്യമുണ്ട്.
1926ൽ പ്രസിദ്ധീകരിച്ച, എൻ. നാരായണൻ നായർ രചിച്ച ജീവിതപ്രഭാവം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1926 – ജീവിതപ്രഭാവം – എൻ. നാരായണൻ നായർ
ജീവിതത്തിന്റെ മൂല്യങ്ങൾ, മാനവികചിന്തകൾ, സാമൂഹികവും സാംസ്കാരികവുമായി ബന്ധപ്പെട്ട അനുഭവങ്ങൾ എന്നിവ പ്രതിപാദിക്കുന്ന പ്രബന്ധസമാഹാരമാണ് ഈ കൃതി. ജീവിതത്തെ സമൂഹത്തെയും വ്യക്തിയെയും സ്വാധീനിക്കുന്ന രീതിയിൽ അവതരിപ്പിക്കുകയാണ് പുസ്തകത്തിൽ. സാഹിത്യ-സാമൂഹികമായ പശ്ചാത്തലത്തിൽ, അന്നത്തെ കേരളീയബോധത്തെ ഉണർത്തുന്ന രീതിയിൽ രചിച്ചിട്ടുള്ള ഗ്രന്ഥമാണ് ഇത്.
1949-ൽ പ്രസിദ്ധീകരിച്ച, ജോസഫ് വി. കല്ലിടുക്കിൽ എഴുതിയ കേരള സുറിയാനി റീത്തും മലബാർ കുടിയേറ്റവും എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1949 – കേരള സുറിയാനി റീത്തും മലബാർ കുടിയേറ്റവും – ജോസഫ് വി. കല്ലിടുക്കിൽ
കേരളത്തിലെ സുറിയാനി (Syrian) ക്രൈസ്തവരുടെ ആരാധനാരീതിയും മലബാറിലേക്കുള്ള കുടിയേറ്റചരിത്രവും സംബന്ധിച്ച പഠനമായ ഈ പുസ്തകം കേരളത്തിലെ സുറിയാനി ക്രൈസ്തവരുടെ ചരിത്രം, സഭാ വൈവിധ്യം, കുടിയേറ്റ സാഹചര്യങ്ങൾ എന്നിവ മനസ്സിലാക്കുന്നതിനുള്ള ഒരു പ്രധാന സ്രോതസ്സ് ആയി കണക്കാക്കപ്പെടുന്നു. കേരളത്തിലെ ക്രൈസ്തവ സഭകൾ സ്വീകരിച്ചിരുന്ന പുരാതന സുറിയാനി ലിറ്റർജിക്കൽ (Liturgical) ആചാരങ്ങളും ചടങ്ങുകളും, സെന്റ് തോമസ് ക്രൈസ്തവരുടെ വിവിധ ചരിത്രഘട്ടങ്ങളിലുണ്ടായ കുടിയേറ്റങ്ങൾ, പ്രത്യേകിച്ച് പാശ്ചാത്യവും കിഴക്കൻ സഭകളുമായുള്ള ബന്ധങ്ങൾ, സെന്റ് തോമസ് ക്രൈസ്തവരുടെ വിവിധ ചരിത്രഘട്ടങ്ങളിലുണ്ടായ കുടിയേറ്റങ്ങൾ, പാശ്ചാത്യവും കിഴക്കൻ സഭകളുമായുള്ള ബന്ധങ്ങൾ, യൂറോപ്യൻ മിഷനറിമാരുടെ വരവും അതിനെത്തുടർന്നുണ്ടായ വിഭജനങ്ങളും, സുറിയാനി റീത്തും കേരളീയ സംസ്കാരവും തമ്മിലുള്ള ഇടപെടലുകൾ തുടങ്ങിയ വിഷയങ്ങളാണ് കൃതിയുടെ ഉള്ളടക്കം.
