1800കളിൽ ജീവിച്ചിരുന്ന പാലക്കാട് സ്വദേശിയായ അമൃതഘടേശ്വരൻ എന്ന അമൃത ശാസ്ത്രികൾ എഴുതിയ, 1884 ൽ പ്രസിദ്ധീകരിച്ച ആട്ടക്കഥയായ, ലവണാസുരവധം എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ഉത്തരരാമായണകഥയിലെ ഒരപ്രധാന സംഭവമാണ് ലവണാസുരൻ്റെ വധം. സീതാദേവിയും ഹനുമാനും തമ്മിലുള്ള ദർശനം, ആ വികാരനിർഭരമായ രംഗമാണ് ഈ ആട്ടക്കഥയിലെ ഏറ്റവും പ്രധാനമായ ഭാഗം. യമുനാ തീരത്ത് വസിച്ചിരുന്ന മധു എന്ന ഒരു അസുരൻ്റെ പുത്രനാണ് ലവണൻ. ഇവൻ്റെ ശല്യം സഹിയ്ക്കാനാവാതെ മുനിമാർ ശ്രീരാമനോട് പരാതിപ്പെട്ടു. ലവണാസുരനെ വധിക്കാൻ ശ്രീരാമൻ അനുജൻ ശത്രുഘ്നനെ നിയോഗിച്ചു. ജ്യേഷ്ഠൻ്റെ ആജ്ഞാനുസരണം അദ്ദേഹം ലവണാസുരനെ വധിച്ചു. ലവണാസുരന് കത്തിവേഷമാണ് കഥയിൽ നിശ്ചയിച്ചിട്ടുള്ളത്.
1884 – ലവണാസുരവധം കഥ – പാലയ്ക്കാട്ടുശെരി അമൃത ശാസ്ത്രികൾ
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
ഇൻഡിക്ക് ഡിജിറ്റൽ ആർക്കൈവ് ഫൗണ്ടേഷൻ്റെയും കേരളരേഖകളുടെ ഡിജിറ്റൽ ശേഖരം സൂക്ഷിക്കുന്ന ഗ്രന്ഥപ്പുര വെബ് പോർട്ടലിൻ്റെയും ഉൽഘാടനം കഴിഞ്ഞിട്ട് ഇന്ന് ഒരു വർഷം പൂർത്തിയായി.
First Anniversary of Indic Digital Archive Foundation (Image credit: Image by BiZkettE1 on Freepik)
2022 ഒക്ടോബർ 30 ഞായറാഴ്ച ഉച്ചക്ക് 2.30 ന് ബാംഗ്ലൂർ ക്രൈസ്റ്റ് യൂണിവേഴ്സിറ്റി ക്യാമ്പസിലെ ജൂനിയർ കോളേജ് സെമിനാർ ഹാളിൽ വെച്ചായിരുന്നു ഉൽഘാടന ചടങ്ങ്. ഉൽഘാടനത്തെ പറ്റിയുള്ള വിശദാംശങ്ങൾ ആ സമയത്ത് എഴുതിയ ഈ ബ്ലോഗ് പോസ്റ്റിൽ ഉണ്ട്.
കഴിഞ്ഞ ഒരു വർഷം കൊണ്ട് ഏതാണ്ട് 900ൽ പരം രേഖകൾ ഡിജിറ്റൈസ് ചെയ്ത് പൊതുവിടത്തിലേക്ക് കൊണ്ടു വന്നു. ഒരു താരതമ്യത്തിനു മുതിർന്നാൽ, ഏതാണ്ട് 12 വർഷം എടുത്തിട്ടാണ് https://shijualex.in/ ൽ എന്ന ബ്ലോഗിൽ സന്നദ്ധപ്രവർത്തനത്തിലൂടെ 2250ത്തിനടുത്ത് രേഖകൾ ഡിജിറ്റൈസ് ചെയ്തത്. എന്നാൽ ഇപ്പോൾ സൗകര്യങ്ങൾ മെച്ചപ്പെടുകയും കൂടുതൽ ആളുകൾ പദ്ധതിയിലേക്ക് വരികയും ചെയ്തതോടെ ഒരു വർഷം കൊണ്ട് തന്നെ അതിൻ്റെ പകുതിയോളം രേഖകൾ ഡിജിറ്റൈസ് ചെയ്തു കഴിഞ്ഞു. നിലവിലെ വേഗത്തിൽ പോയാൽ പോലും 2 വർഷം ആകുന്നതിനു മുൻപ് തന്നെ സന്നദ്ധപ്രവർത്തനത്തിലൂടെ ചെയ്ത രേഖകളുടെ എണ്ണം കവച്ചു വെക്കും എന്നത് ഏകദേശം ഉറപ്പാണ്.
ഈ നില കൈവരിക്കാൻ സഹായമായത് ഇങ്ങനെ ഒരു നോൺ-പ്രോഫിറ്റ് സംഘടന രൂപീകരിക്കാൻ സഹായിച്ച ഡോണറുമാരും, ഫൗണ്ടെഷനുമായി വിവിധ പദ്ധതികൾക്കായി കരാറുകൾ ഒപ്പു വെച്ച സ്ഥാപനങ്ങളും, വ്യക്തികളും, പലവിധത്തിൽ സഹകരിക്കുന്ന സന്നദ്ധപ്രവർത്തകരും പിന്നെ ഫൗണ്ടേഷൻ്റെ രണ്ട് പൂർണ്ണസമയ ജീവനക്കാരുമാണ്.
ഫൗണ്ടെഷൻ്റെ ഗവേണിങ്ങ് കൗൺസിൽ, ഫൗണ്ടേഷനെ സഹായിക്കുന്ന സന്നദ്ധപ്രവർത്തകർ, പൂർണ്ണസമയ ജീവനക്കാർ എന്നിവരെ പറ്റിയുള്ള വിവരം ഇവിടെ കാണാം.
ഫൗണ്ടേഷനെ സഹായിക്കുന്ന ഡോണറുമാരുടെ വിവരം ഇവിടെ കാണാം.
കഴിഞ്ഞ ഒരു വർഷത്തിനിടെ താഴെ പറയുന്ന പദ്ധതികൾ തുടങ്ങാൻ വിവിധ സ്ഥാപനങ്ങളും വ്യക്തികളുമായി ധാരണയിലെത്തിച്ചേരാൻ ഫൗണ്ടെഷനു സാധിച്ചു.
ബാംഗ്ലൂർ മൗണ്ട് കാർമ്മൽ കോളേജ് ആർക്കൈവ്സിലെ രേഖകൾ ഡിജിറ്റൈസ് ചെയ്യുന്ന പദ്ധതി – ഇവിടെ നിന്നുള്ള രേഖകൾ താമസിയാതെ റിലീസ് ചെയ്ത് തുടങ്ങും.
ഇതിൽ ബാംഗ്ലൂർ ധർമ്മാരാം കോളേജ് ലൈബ്രറി ഡിജിറ്റൈസേഷൻ ഒരു ബൃഹദ് പദ്ധതിയാണ്. നിലവിൽ ഒരു വർഷം കൊണ്ട് ഡിജിറ്റൈസ് ചെയ്ത് കഴിഞ്ഞ 900ത്തിൽ പരം രേഖകളിൽ പകുതിയിൽ കൂടുതൽ ധർമ്മാരാം കോളേജ് ലൈബ്രറിയിലെ പുസ്തകങ്ങൾ ആണ്. ഇനിയും ആയിരക്കണക്കിനു കേരളരേഖകൾ അവിടെ ഡിജിറ്റൈസേഷനിലൂടെയുള്ള അടുത്ത ജീവിതം കാംക്ഷിച്ച് കഴിയുന്നു.
ഗവേണിങ്ങ് കൗൺസിലിൻ്റെ മേൽ നോട്ടം ഉണ്ടെങ്കിലും ഫൗണ്ടേഷൻ്റെ ജീവനക്കാരായ സതീഷ് തോട്ടാശ്ശേരിയുംറീനാ പോളും ആണ് ദിനം പ്രതിയുള്ള ഡിജിറ്റൈസേഷൻ പണികൾ കൈകാര്യം ചെയ്യുന്നത്. അവർക്ക് രണ്ടു പേർക്കും നന്ദി.
അതിനു പുറമെ ഫേസ് ബുക്കിൽ രേഖകൾ ഡിജിറ്റൈസ് ചെയ്യുന്നതിനെ പറ്റിയുള്ള അറിയിപ്പുകൾ ഇട്ട് സഹായിക്കുന്ന Sulthana Nasrin, Anto George എന്നിവർക്കും നന്ദി.
തുടർന്നുള്ള വർഷങ്ങളിൽ കൂടുതൽ പദ്ധതികൾ തുടങ്ങാൻ എല്ലാവരുടെയും സഹകരണം അഭ്യർത്ഥിക്കുന്നു.
പതിനൊന്നാം പീയൂസ് മാർപാപ്പായുടെ ഗുരുപ്പട്ട സുവർണ്ണജൂബിലിയും കർമ്മലീത്ത സഭയുടെ വജ്രജൂബിലിയും ആഘോഷിച്ച വേളയിൽ തുടങ്ങിയ പ്രസിദ്ധീകരണമായ കുടുംബദീപം ആനുകാലികത്തിൻ്റെ 1930 ൽ ഇറങ്ങിയ പതിനൊന്നു ലക്കങ്ങളുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
സീറോ മലബാർ സഭയുടെ എറണാകുളം അതിരൂപതയുടെ പ്രസിദ്ധീകരണമായ കുടുംബദീപത്തിൽ മതബോധം, സന്മാർഗ്ഗ നിഷ്ട, സദാചാരബോധം എന്നീ താത്വികവിഷയങ്ങളിലുള്ള ലേഖനങ്ങൾക്കു പുറമെ, ഗൃഹഭരണം, ബാലരംഗം, വൃത്താന്തശകലങ്ങൾ മുതലായി വിജ്ഞാനപ്രദായകങ്ങളായ വിവിധ വിഷയങ്ങളാണ് ഉൾക്കൊള്ളിച്ചിട്ടുള്ളത്. ഏപ്രിൽ ലക്കം ലഭ്യമായിട്ടില്ല.
താഴെ 11 പുസ്തകത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
സീറോ മലബാർ സഭയുടെ കോതമംഗലം രൂപതയുടെ പ്രസിദ്ധീകരണമായ ദൈവരാജ്യം മാസികയുടെ 12 ലക്കങ്ങളാണ് ഈ പോസ്റ്റിലൂടെ പങ്കു വെക്കുന്നത്.
സഭാ വാർത്തകൾ, പ്രാർത്ഥന സംബന്ധിച്ച വിഷയങ്ങൾ, ആരാധനാക്രമത്തിലെ നവീകരണ വിഷയങ്ങൾ, രൂപതയിലെ പ്രധാന പരിപാടികൾ നടക്കുന്ന വിവരങ്ങൾ തരുന്ന രൂപതാ ഡയറി മുതലായവയാണ് ഉള്ളടക്കം.
താഴെ 12 പുസ്തകത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
സി. ബലരാമൻ മൂസ്സതിൻ്റെ പത്രാധിപത്യത്തിൽ 1955ൽ പ്രസിദ്ധീകരിച്ച മലയാളി പ്രതിപക്ഷപത്രം എന്ന ആനുകാലികത്തിൻ്റെ പതിനൊന്നു ലക്കങ്ങളുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ജൂൺ ലക്കത്തോടെ മലയാളി പ്രതിപക്ഷപത്രം എന്ന പേര് മാറ്റുന്നതായി ജൂൺ ലക്കത്തിൽ അറിയിച്ചിരിക്കുന്നു. ആഗസ്റ്റ് മുതൽ സമദർശി എന്ന പേരിൽ സ്വതന്ത്ര രാഷ്ട്രീയ വാരികയായിട്ടായിരിക്കും ആനുകാലികം പ്രസിദ്ധീകരിക്കുക ശ്രീ. കെ. കേളപ്പൻ, ഡോക്ടർ. കെ. ബി. മേനോൻ, എം. നാരായണകുറുപ്പ് തുടങ്ങിയ കേരളത്തിലെ പ്രശസ്തരായ പൊതുപ്രവർത്തകർ രൂപീകരിച്ചതും, മലയാളി പ്രസാധകർ പങ്കുചേർന്നിട്ടുള്ളതുമായ സമദർശി പ്രിൻ്റിംഗ് ആൻ്റ് പബ്ലിഷിങ്ങ് കമ്പനിയുടെ ആഭിമുഖ്യത്തിലായിരിക്കും സമദർശി പ്രസിദ്ധീകരിക്കപ്പെടുക എന്നും അറിയിപ്പിൽ പറയുന്നു.
ശാസ്ത്ര അദ്ധ്യാപകനും കേരളഭാഷാ ഇൻസ്റ്റിറ്റ്യൂട്ടിൻ്റെ പ്രഥമ അസിസ്റ്റൻ്റ് ഡയറക്ടറുമായിരുന്ന പ്രൊഫസർ സി.കെ. മൂസ്സതിൻ്റെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.
1955 – മലയാളി പ്രതിപക്ഷപത്രം പതിനൊന്നു ലക്കങ്ങൾ
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ 11 പുസ്തകത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
രേഖ 1
പേര്: മലയാളി പ്രതിപക്ഷപത്രം – ജനുവരി – 01 – പുസ്തകം 02 ലക്കം 04
കലാഭവൻ എന്ന സാംസ്കാരികസംഘടനയിലൂടെ പ്രശസ്തനായിരുന്ന ആബേലച്ചൻ്റെ രചനയായ സംഗീത സുവിശേഷം എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. 1980ൽ ആണ് ഈ കൃതി പ്രസിദ്ധീകരിച്ചത്.
മുപ്പത്തേഴു രംഗങ്ങളിലും നാല്പത്തൊൻപതു ഗാനങ്ങളിലും കൂടി സുവിശേഷത്തിലെ ക്രിസ്തുവിൻ്റെ ജീവിതകഥ ആവിഷ്കരിച്ചിരിക്കുകയാണ് ഈ കൃതിയിൽ. ആബേലച്ചൻ CMI സന്ന്യാസസമൂഹത്തിലുൾപ്പെട്ട ഒരു പുരോഹിതൻ ആയിരുന്നു.
താഴെ 2 പുസ്തകത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
ഒൻപതാം പീയൂസ് മാർപാപ്പ മെല്ലൂസ് മെത്രാനെ സംബന്ധിച്ച് ഒല്ലൂർ പള്ളിക്കാർക്കെഴുതിയ കത്തുകൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്. 1875 ൽ ആണ് ഈ പുസ്തകം പ്രസിദ്ധീകരിച്ചത്.
പ്രൊപ്പഗാന്ത കർമ്മലീത്താ ഭരണത്തിൽ അതൃപ്തി തോന്നിയ ചില മാർതോമ്മാ ക്രിസ്ത്യാനികൾ സ്വന്തം റീത്തിലും ജാതിയിലും പെട്ട ഒരു മെത്രാനെ ലഭിക്കുവാൻ റോമിലേക്കും കൽദായ പാത്രിയാർക്കീസിനും കത്തുകളെഴുതി. ബാബേലിലെ പാർത്രിയാർക്കീസ് 1861 ൽ മാർ തോമ്മാ റോക്കോസ് മെത്രാനെ അയക്കുകയും, അദ്ദേഹം അനധികൃതമായി മാർതോമ്മാ ക്രിസ്ത്യാനികളുടെ പള്ളികൾ ഭരിക്കാൻ ശ്രമിച്ചു. പിന്നീട് പാത്രിയർക്കീസായ മാർ യോഹന്നാൻ ഏലിയ മേലൂസ് 1874-ൽ തൃശ്ശൂരിലെത്തി ചേരുകയും, കേരളത്തിലെ മെത്രാൻ താനാണെന്ന് സ്ഥാപിക്കാൻ ശ്രമിക്കുകയും ചെയ്തു. ഇതിനെതിരായി ഒല്ലൂർ മുതലായ പള്ളികളിലെ ക്രിസ്ത്യാനികൾ പീയൂസ് ഒൻപതാമൻ മാർപാപ്പക്ക് എഴുതിയ കത്തുകളും, അതിനു മറുപടിയായി മാർപാപ്പ എഴുതിയ കത്തുകളും മറ്റു അനുബന്ധകത്തുകളുമാണ് പുസ്തകത്തിൻ്റെ ഉള്ളടക്കം. ഈ രേഖയിൽ പരാമർശിക്കുന്ന സംഭവങ്ങളുടെ അനന്തരഫലമായാണ് തൃശൂർ ആസ്ഥാനമായ കൽദായ സുറിയാനി സഭ ഉടലെടുത്തത്.
1875 – 9 ആം പീയൂസ് മാർപാപ്പ മെല്ലൂസ് മെത്രാനെ സംബന്ധിച്ച് ഒല്ലൂർ പള്ളിക്കാർക്കെഴുതിയ കത്തുകൾ
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
പേര്: ഒൻപതാം പീയൂസ് മാർപാപ്പ മെല്ലൂസ് മെത്രാനെ സംബന്ധിച്ച് ഒല്ലൂർ പള്ളിക്കാർക്കെഴുതിയ കത്തുകൾ
കെ. വാസുദേവൻ മൂസ്സത് രചിച്ച 1950 ൽ പ്രസിദ്ധീകരിച്ച സാഹിത്യപുളകം ഒന്നാം ഭാഗം, 1957 ൽ പ്രസിദ്ധീകരിച്ച സാഹിത്യപുളകം രണ്ടാം ഭാഗം എന്നീ പുസ്തകങ്ങളുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
ഒന്നാം ഭാഗത്തിൽ ജൈനമതം, ദേവതമാർ, വിശ്വോല്പത്തി, സാംഖ്യദർശനം, പാശ്ചാത്യ ദർശനം, പാശ്ചാത്യരുടെ ജ്യോതിശാസ്ത്രം, മതവും വിശ്വാസവും എന്നീ വിഷയങ്ങളിലുള്ള ലേഖനങ്ങളും, രണ്ടാം ഭാഗത്തിൽ ആര്യന്മാരുടെ ചരിത്രം, പ്രാചീന ഭാരതത്തിലെ വിവാഹവിധി, സംസ്കൃതഭാഷ, കൊച്ചി രാജകുടുംബവും മാദ്ധ്വമതവും, മണപ്പുറം, സായണാചാര്യർ, ഡോക്ടർ തരുവൈ ഗണപതി ശാസ്ത്രികൾ, ചന്ദ്രഗുപ്തൻ, വാമനൻ എന്നീ വിഷയങ്ങളിലുള്ള ലേഖനങ്ങളുമാണ് ഉള്ളടക്കം.
ഈ പുസ്തകങ്ങൾ കൊച്ചി, മദ്രാസ് സംസ്ഥാനങ്ങളിൽ പാഠപുസ്തകം ആയിരുന്നുവെന്ന സൂചന പുസ്തകങ്ങളിൽ കാണാം.
താഴെ 2 പുസ്തകത്തിൻ്റെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
1957ൽ പ്രസിദ്ധീകരിച്ച തേവര വില്ലാ റെക്കോർഡ് എന്ന കയ്യെഴുത്തുപ്രതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
കഥ കവിത, യാത്രാവിവരണം തുടങ്ങിയ സാഹിത്യസൃഷ്ടികളാണ് ഉള്ളടക്കം.
1957- വില്ലാ റെക്കോർഡ് – തേവര
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ, പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
