1961 – ൽ പ്രസിദ്ധീകരിച്ച, ആർ.സി. ഉണ്ണിത്താൻ രചിച്ച കലയും കലാസൃഷ്ടിയും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1961 – കലയും കലാസൃഷ്ടിയും – ആർ.സി. ഉണ്ണിത്താൻ
കലാസാഹിത്യരംഗത്തെ ലോകപ്രസിദ്ധരായ ഏതാനും പ്രതിഭകളുടെ സൃഷ്ടികളെ കുറിച്ചുള്ള പഠനങ്ങളാണ് ഈ പുസ്തകത്തിൽ ഉള്ളത്. ഒരു അനുവാചകൻ എന്ന നിലയിൽ ലേഖകൻ്റെ ഉള്ളിൽ രൂപംകൊണ്ട വികാരങ്ങളുടെ ആവിഷ്കാരമാണ് ഈ സമാഹാരം എന്ന് പറയാം. പലപ്പോഴായി ആനുകാലികങ്ങളിൽ പ്രസിദ്ധീകരിച്ച ലേഖനങ്ങളാണ് ഇവ.
1958 – ൽ പ്രസിദ്ധീകരിച്ച, കെ.റ്റി. ചാക്കുണ്ണി രചിച്ച തത്വചിന്തകൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1958 – തത്വചിന്തകൾ – കെ.റ്റി. ചാക്കുണ്ണി
നമ്മുടെ മാസിക, ആത്മബോധിനി എന്നീ മാസികകളിൽ വിവിധ വിഷയങ്ങളെ അധികരിച്ചെഴുതിയ 75 ലേഖനങ്ങളാണ് പുസ്തകത്തിൻ്റെ ഉള്ളടക്കം. വിജ്ഞാനപ്രദങ്ങളായ ചിന്താശകലങ്ങൾ വായനക്കാർക്ക് പരിചിതമായ ഉദാഹരണങ്ങളും, ജീവിതാനുഭവങ്ങളും, ദൃഷ്ടാന്തങ്ങളും ചേരും പടി ചേർത്ത് വിശദീകരിക്കുകയാണ് ഗ്രന്ഥകർത്താവ് ഈ പുസ്തകത്തിൽ
1956 – ൽ പ്രസിദ്ധീകരിച്ച, ജി. സുകുമാരൻ നായർ രചിച്ച നാളത്തെ ഇന്ത്യൻ തത്വശാസ്ത്രം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1956 – നാളത്തെ ഇന്ത്യൻ തത്വശാസ്ത്രം – ജി. സുകുമാരൻ നായർ
ജി. സുകുമാരൻ നായർ രചിച്ച ലേഖന സമാഹാരമാണ് ഈ ഗ്രന്ഥം. കേരളഭൂഷണം വാരാന്ത്യ പതിപ്പിലും മലയാളരാജ്യം, കൗമുദി ആഴ്ചപ്പതിപ്പുകളിലും ‘നാളെ’ മാസികയിലും പ്രസിദ്ധീകരിക്കപ്പെട്ട ലേഖനങ്ങൾ ആണ് ഇതിൽ ഉള്ളത്. നാളത്തെ ഇന്ത്യൻ തത്ത്വശാസ്ത്രത്തിന് ഉപയുക്തമായ ചിന്തകളാണ് ഈ ലേഖനങ്ങളിൽ ഉൾക്കൊള്ളുന്നത്. തത്വവിചാരത്തിന് ജീവിതത്തിൽ ഉള്ള സ്ഥാനവും ഇന്ത്യൻ തത്വജ്ഞാനത്തിൻ്റെ പ്രസക്തിയും ഇതിൽ ചർച്ച ചെയ്യപ്പെടുന്നു.
1957 – ൽ പ്രസിദ്ധീകരിച്ച, ല്യൂ വൂ – ചി രചിച്ച് പി.എം. കുമാരൻ നായർ പരിഭാഷപ്പെടുത്തിയ കൺഫ്യൂഷിയൻ ദർശനം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1957 – കൺഫ്യൂഷിയൻ ദർശനം
ചൈനീസ് ദാർശനികനായ കൺഫ്യൂഷ്യസിന്റെ (Confucius) ചിന്തകളെ മലയാളത്തിലേക്ക് പരിചയപ്പെടുത്തിയ പ്രധാന കൃതികളിൽ ഒന്നാണ്. പി. എം. കുമാരൻ നായർ പരിഭാഷപ്പെടുത്തിയ ഈ പുസ്തകം. കൺഫ്യൂഷിയസ് ദർശനത്തിലെ മുഖ്യ ആശയങ്ങൾ ലളിതവും സാഹിത്യഗുണമുള്ള ഭാഷയിലും ഈ കൃതിയിൽ അവതരിപ്പിച്ചിരിക്കുന്നു. കിഴക്കൻ ലോകത്തിന്റെ ധാർശനിക ചിന്തയിൽ ഏറ്റവും ശക്തമായ സ്വാധീനം ചെലുത്തിയ ദർശനങ്ങളിൽ ഒന്നാണ് കൺഫ്യൂഷിയൻ ദർശനം. ചൈനീസ് ദാർശനികനായ കൺഫ്യൂഷ്യസ് മനുഷ്യജീവിതത്തെയും സമൂഹത്തെയും നൈതികതയുടെ അടിസ്ഥാനത്തിൽ വിലയിരുത്തിയ ചിന്തകനാണ്. കൺഫ്യൂഷ്യസ് മനുഷ്യനെ ഒറ്റപ്പെട്ട വ്യക്തിയായി കാണുന്നില്ല. കുടുംബം, സമൂഹം, രാഷ്ട്രം — ഇവയുടെ ഭാഗമായാണ് മനുഷ്യന്റെ നിലനിൽപ്പ്. അതുകൊണ്ട് തന്നെ വ്യക്തിയുടെ ധാർമ്മികത സമൂഹത്തിന്റെ സമാധാനത്തിന് അനിവാര്യമാണെന്ന് അദ്ദേഹം വിശ്വസിച്ചു. കൺഫ്യൂഷിയൻ ദർശനത്തിൽ മാനവിക മൂല്യങ്ങൾക്ക് വലിയ പ്രാധാന്യമുണ്ട്. മാതാപിതാക്കൾക്ക് ആദരം, മുതിർന്നവരോടുള്ള ബഹുമാനം, സുഹൃത്തുകളോടുള്ള സത്യനിഷ്ഠ — ഇവ എല്ലാം നല്ല സമൂഹത്തിന്റെ അടിസ്ഥാനം ആണെന്ന് ദർശനം പഠിപ്പിക്കുന്നു. വ്യക്തി ശരിയായ വഴി പിന്തുടർന്നാൽ സമൂഹം സ്വയം ശരിയായ ദിശയിൽ നീങ്ങുമെന്നതാണ് കൺഫ്യൂഷ്യസിന്റെ വിശ്വാസം. പി. എം. കുമാരൻ നായർ ഈ കൃതിയിൽ കൺഫ്യൂഷ്യൻ ആശയങ്ങളെ സരളവും സുന്ദരവുമായ മലയാളത്തിലേക്ക് മാറ്റിയിരിക്കുന്നു. പാശ്ചാത്യ ദർശനങ്ങൾ കൂടുതലായി പഠിക്കപ്പെട്ട കാലത്ത്, കിഴക്കൻ ദർശനങ്ങളെ മലയാളിക്ക് പരിചയപ്പെടുത്തിയതിലൂടെ ഈ കൃതി പ്രത്യേക പ്രാധാന്യം നേടുന്നു.
1955 – ൽ പ്രസിദ്ധീകരിച്ച, വി.പി. രാമമേനോൻ രചിച്ച ശാസ്ത്രവും മതവും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1955 – ശാസ്ത്രവും മതവും – വി.പി. രാമമേനോൻ
ശാസ്ത്രത്തിൻ്റെയും മതത്തിൻ്റെയും പ്രാധാന്യം ചർച്ച ചെയ്യുന്ന പുസ്തകമാണിത്. മനുഷ്യരാശിയുടെ ഉത്ഭവത്തെയും വികാസത്തെയും കുറിക്കുന്ന സിദ്ധാന്തങ്ങൾ മതവും ശാസ്ത്രവും പങ്കുവയ്ക്കുന്നുണ്ട്. ഇവയുടെ നിജസ്ഥിതിയെ കുറിച്ചുള്ള വിശദമായ പഠനമാണിത്. ശാസ്ത്രവും മതവും തമ്മിലുള്ള തുല്യമായ ചേർച്ചയിലൂടെയാണ് മനുഷ്യജീവിതം നിലനിൽക്കുന്നത് എന്ന് ലേഖകൻ കരുതുന്നു. ഇന്ത്യ ഗവൺമെൻ്റിൻ്റെ ഫോക് ലോർ ലിറ്ററേച്ചർ കമ്മിറ്റിയുടെ അംഗീകാരം ലഭിച്ച കൃതിയാണ് ഇത്.
1956 – ൽ പ്രസിദ്ധീകരിച്ച, കോയിപ്പിള്ളി പരമേശ്വരക്കുറുപ്പ് രചിച്ച ഭാഷാസാഹിത്യത്തിലെ പഴയ തലമുറ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1956 – ഭാഷാസാഹിത്യത്തിലെ പഴയ തലമുറ – കോയിപ്പിള്ളി പരമേശ്വരക്കുറുപ്പ്
മലയാള സാഹിത്യ ചരിത്രത്തിലെ പ്രമുഖരായ ആദ്യകാല സാഹിത്യകാരന്മാരെ പരിചയപ്പെടുത്തുന്ന കൃതിയാണ് ഇത്. ഏഴ് സാഹിത്യകാരന്മാർ മലയാള ഭാഷയ്ക്ക് നൽകിയ മഹത്തരമായ സംഭാവനകൾ ഇവിടെ അടയാളപ്പെടുത്തുന്നു. ലേഖകൻ്റെ അനുഭവങ്ങളിലൂടെ കടന്നുപോകുന്ന രചനാ ശൈലിയാണ് ഇവിടെ സ്വീകരിച്ചിരിക്കുന്നത്.
1954 – ൽ പ്രസിദ്ധീകരിച്ച, ആറ്റൂർ കൃഷ്ണപിഷാരടി രചിച്ച സംഗീതചന്ദ്രിക എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1954 – സംഗീതചന്ദ്രിക – ആറ്റൂർ കൃഷ്ണപിഷാരടി
സംഗീതശാസ്ത്രത്തെ കുറിച്ചുള്ള വിശദമായ പഠനമാണ് ഈ ഗ്രന്ഥത്തിൽ ഉൾക്കൊള്ളുന്നത്. സ്വാതിതിരുനാൾ ശതാബ്ദസ്മാരകമായി രചിക്കപ്പെട്ടതാണ് ഈ ഗ്രന്ഥം. ഭരതമഹർഷി, മാതംഗ മഹർഷി തുടങ്ങിയ പ്രാചീന ആചാര്യന്മാരുടെ സംഗീത ശാസ്ത്ര ഗ്രന്ഥങ്ങളും സംഗീത രത്നാകരം രാഗവിബോധം മുതലായ മധ്യകാല സംഗീത ശാസ്ത്ര ഗ്രന്ഥങ്ങളും രാമാമാത്യൻ, രഘുനാഥൻ, വെങ്കടമഖി, ഗോവിന്ദദീക്ഷിതർ മുതലായവരുടെ നവീന ശാസ്ത്ര ഗ്രന്ഥങ്ങളും സംഗീതത്തെ കുറിച്ചുള്ള മറ്റു പ്രധാന ഗ്രന്ഥങ്ങളും അപഗ്രഥിച്ചാണ് ഈ പുസ്തകം രചിച്ചിരിക്കുന്നത്. സംസ്കൃത ഭാഷയിൽ രചിക്കപ്പെട്ടിട്ടുള്ള സംഗീത ശാസ്ത്ര ഗ്രന്ഥങ്ങൾ സാധാരണക്കാർക്ക് മനസ്സിലാക്കാൻ സാധിച്ചിരുന്നില്ല.ആ പരിമിതിയെ മറികടക്കുവാൻ വേണ്ടി രചിക്കപ്പെട്ട ഗ്രന്ഥം കൂടിയാണ് ഇത്. ശബ്ദത്തിലും നാദത്തിലും ആരംഭിച്ച് സങ്കീർണമായ തലങ്ങളിലേക്ക് കടന്നു ചെല്ലുന്ന ഗ്രന്ഥം സംഗീത ശാസ്ത്രത്തിൻ്റെ സകല മേഖലയും പൂർണ്ണമായും ഉൾക്കൊള്ളുന്നു.
1954 – ൽ പ്രസിദ്ധീകരിച്ച, കെ. രാഘവൻ തിരുമുല്പാട് രചിച്ച ശ്രീ ഭഗവദ്ഗീത – ഭാഷാവിവർത്തനം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1954 – ശ്രീ ഭഗവദ്ഗീത – ഭാഷാവിവർത്തനം – കെ. രാഘവൻ തിരുമുല്പാട്
സർവ്വ ഉപനിഷത്തുകളുടെയും സാരസംഗ്രഹം എന്നറിയപ്പെടുന്ന ഭഗവദ് ഗീതയുടെ ഭാഷാ വിവർത്തനമാണ് ഇത്. പദാനുപദ തർജ്ജമയാണ് ഈ കൃതിയിൽ സ്വീകരിച്ചിരിക്കുന്നത്. മൂലകൃതിയുടെ അർത്ഥം അല്പം പോലും ചോർന്നു പോകാതിരിക്കാനും ഭാഷ സങ്കീർണമാകാതിരിക്കാനും കവി ശ്രമിച്ചിട്ടുണ്ട്.
1953 – ൽ പ്രസിദ്ധീകരിച്ച, ഫൾട്ടൻ ജെ. ഷീൻ രചിച്ച സ്വാതന്ത്ര്യത്തിലേയ്ക്ക് എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1953 – സ്വാതന്ത്ര്യത്തിലേയ്ക്ക് – ഫൾട്ടൻ ജെ. ഷീൻ
സ്വാതന്ത്ര്യത്തിൻ്റെ വിവിധ വശങ്ങളെ കുറിച്ച് പ്രതിപാദിക്കുന്ന ഗ്രന്ഥമാണ് ഇത്. സ്വാതന്ത്ര്യത്തിൻ്റെ അടിസ്ഥാനവും സ്വാതന്ത്ര്യത്തിലേക്കുള്ള മാർഗ്ഗങ്ങളും ഏതൊക്കെയാണെന്ന് ശാസ്ത്രീയമായി ഇതിൽ പ്രതിപാദിക്കുന്നു. സാമൂഹിക സാഹചര്യങ്ങൾ അവതരിപ്പിച്ചുകൊണ്ട് സ്വാതന്ത്ര്യത്തെ കുറിക്കുന്ന സങ്കീർണമായ ആശയങ്ങൾ ലളിതമായ രീതിയിൽ സാധാരണക്കാർക്ക് മനസ്സിലാകുന്ന ശൈലിയിൽ അവതരിപ്പിച്ചിരിക്കുകയാണ് ഈ കൃതിയിൽ. സാധാരണ ജനങ്ങളിൽ ചിന്താശീലം ഉളവാക്കുന്നതിനും സ്വാതന്ത്ര്യബോധത്തെ കുറിക്കുന്ന യാഥാർത്ഥ്യങ്ങൾ ബോധ്യപ്പെടുത്താനും പര്യാപ്തമായ പുസ്തകമാണിത്.
1954 – ൽ പ്രസിദ്ധീകരിച്ച, എൻ. ഗോപാലപിള്ള രചിച്ച ചിന്താദീപം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
1954 – ചിന്താദീപം – എൻ. ഗോപാലപിള്ള
എൻ. ഗോപാലപിള്ള രചിച്ച ലേഖന സമാഹാരമാണ് ചിന്താദീപം. വ്യത്യസ്ത വിഷയങ്ങൾ ഉൾപ്പെടുന്ന പന്ത്രണ്ട് ലേഖനങ്ങളാണ് ഈ പുസ്തകത്തിൽ ഉള്ളത്. കേരള കലകളുടെ ഉല്പത്തി വികാസങ്ങളെ കുറിച്ചും കേരള സംസ്കാരത്തെക്കുറിച്ചും സാഹിത്യത്തെക്കുറിച്ചും സാഹിത്യകാരന്മാരെ കുറിച്ചും ഈ ലേഖനങ്ങൾ ചർച്ച ചെയ്യുന്നു. അതോടൊപ്പം തന്നെ ജ്യോതിശാസ്ത്ര ചിന്തകളും മനുഷ്യരാശിയുടെ ഭാവിയും ഈ പുസ്തകത്തിൽ പഠനവിധേയമാക്കുന്നു.
