Author: Shiju Alex

മലബാർ കുടിയേറ്റത്തെപറ്റി മോൺസിഞ്ഞോർ തോമസ് പഴേപറമ്പിൽ രചിച്ച സ്വപ്നഭൂമിയിൽ (മലബാർ കുടിയേറ്റചരിത്രം) എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

മലബാറിലേക്ക് കുടിയേറുകയും കുടിയേറിയവരോടൊപ്പം കാൽ നൂറ്റാണ്ടോളം പ്രവർത്തിക്കാൻ കഴിഞ്ഞതിൻ്റെയും പരിചയത്തിൽ നിന്നും ആണ് താൻ ഈ പുസ്തകം രചിച്ചതെന്ന് വൈദികനായ തോമസ് പഴേപറമ്പിൽ പുസ്തകത്തിൻ്റെ മുഖവരയിൽ പറയുന്നു. തനിക്കു ലഭ്യമായ വിവരങ്ങളിലും സംഭവങ്ങളിലും ഒട്ടും മായം ചേർക്കാതെ ആണ് താൻ ഈ കൃതി തയ്യാറാക്കിയിരിക്കുന്നത് എന്ന് ഗ്രന്ഥകർത്താവ് പറയുന്നു. ഇപ്പോൾ അനുഭവിച്ചുകൊണ്ടിരിക്കുന്ന ജീവിതസൗകര്യങ്ങളും സുഭിക്ഷതയും എത്രയെത്ര യാതനകളുടെ ഫലമാണെന്നു പുതിയ തലമുറ അറിഞ്ഞിരിക്കേണ്ടത് ആവശ്യമാണെന്നും അദ്ദേഹം മുഖവുരയിൽ പറയുന്നു.

മലബാറിലെ ഓരോ കുടിയേറ്റ കേന്ദ്രങ്ങളുടെയും ലഘു ചരിത്രം, ആദ്യമായി  കുടിയേറിയ വർഷം, ആദ്യമായി  കുടിയേറിയ കുടുംബം, അവരുടെ പേരുകൾ, മറ്റ് വിവരങ്ങൾ, അവർക്ക് ആദ്യ കാലങ്ങളിൽ സംഭവിച്ച കാര്യങ്ങൾ എന്നീ കൃത്യതയുള്ള വിവരങ്ങൾ ഈ പുസ്തകത്തിന്റെ  പ്രേത്യേകതയാണ്. മലബാർ കുടിയേറ്റ ചരിത്ര ഗവേഷണത്തിൽ വരും കാലങ്ങളിൽ ഒരു വലിയ മുതൽകുട്ടാവും  ഈ ഗ്രന്ഥം എന്നതിൽ സംശയമില്ല.

മലബാർ കുടിയേറ്റത്തെ പറ്റി എസ്.കെ. പൊറ്റക്കാട് എഴുതിയ വിഷകന്യക പോലുള്ള കഥാരൂപത്തിലുള്ള പുസ്തകങ്ങൾ മുൻപ് ഇറങ്ങിയിട്ടുണ്ടെങ്കിലും, ആദ്യമായാണ് ചരിത്രസംഭവങ്ങളുടെ സമാഹാരമായി ഒരു പുസ്തകം ഇറങ്ങുന്നതെന്ന് പുസ്തകത്തിൻ്റെ അവതാരികയിൽ മാർ സെബാസ്റ്റ്യൻ വള്ളോപ്പിള്ളി പറയുന്നു. തമിഴ് നാട്ടിലെ ഗൂഡലൂരിലേക്കും കർണ്ണാടകയിലെ ഷിമോഗയിലേക്കും ഒക്കെ കുടിയേറിയവർക്ക് അതത് സർക്കാരുകളിൽ നിന്നുണ്ടായ തിക്താനുഭവങ്ങൾ അവതാരികയിൽ മാർ സെബാസ്റ്റ്യൻ വള്ളോപ്പിള്ളി സാന്ദർഭികമായി പറയുന്നുണ്ട്.

 

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: സ്വപ്നഭൂമിയിൽ (മലബാർ കുടിയേറ്റചരിത്രം)
• രചന: തോമസ് പഴേപറമ്പിൽ
• പ്രസിദ്ധീകരണ വർഷം: 1978
• താളുകളുടെ എണ്ണം: 290
• സ്കാൻ ലഭ്യമായ ഇടം: കണ്ണി

വത്തിക്കാൻ ആർക്കൈവ്സിലുള്ള മലയാളം കൈയെഴുത്തു രേഖകളെ പറ്റി പഠിച്ച് ഫാദർ ആൻ്റണി വള്ളവന്ത്ര CMI 1984ൽ പ്രസിദ്ധീകരിച്ച വത്തിക്കാൻ ലൈബ്രറിയിലെ മലയാളം കൈയെഴുത്തുകൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്. ഈ സുപ്രധാന രേഖ ഡിജിറ്റൈസ് ചെയ്ത് പുറത്തുവിടുന്നതോടു കൂടി  ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിലൂടെ ഡിജിറ്റൈസ് ചെയ്ത രേഖകളുടെ എണ്ണം നൂറെണ്ണമായി.

ഗവേഷണപ്രബന്ധരചയ്ക്ക് വേണ്ടി രേഖകൾ തെരഞ്ഞു നടന്നപ്പോഴാണ് യൂറോപ്പിലെ വിവിധഗ്രന്ഥാലയങ്ങളിൽ ഉള്ള മലബാർ രേഖകളുടെ ശാസ്ത്രീയ സൂചികകൾ ഇല്ലാത്തതിൻ്റെ പ്രശ്നം തനിക്കു ബോദ്ധ്യമായതെന്ന് ഗ്രന്ഥകാരനായ  ആൻ്റണി വള്ളവന്ത്ര ആമുഖത്തിൽ പറയുന്നു. ഈ സൂചിക തയ്യാറാക്കാനായി അദ്ദേഹത്തിനു രണ്ടുവർഷത്തെ ഗവേഷണപഠനങ്ങൾ വേണ്ടി വന്നു.

മലബാർ പഠനങ്ങളിൽ വ്യാപൃതരായിരിക്കുന്ന പിൻമുറക്കാർക്ക് അടിസ്ഥാനരേഖകൾ അനായാസം ലഭ്യമാക്കുന്നതിന് വേണ്ടിയാണ് ഈ കൃതി പ്രസിദ്ധീകരിക്കുന്നതെന്നും, പൂർണ്ണത കൈവരിക്കുവോളം ഒരു ശാസ്ത്രീയ പഠനത്തിൻ്റെ ഫലം മറച്ചു വെക്കുന്നത് ഗവേഷണരംഗത്ത് വലിയപാപം  ആണെന്ന് താൻ വിശ്വസിക്കുന്നതായി ഫാദർ ആൻ്റണി വള്ളവന്ത്ര പറയുന്നു.

പുസ്തകം മലയാളത്തിലും ഇംഗ്ലീഷിലും ആയുള്ള ദ്വിഭാഷാ പുസ്തകമാണ്. ഇടത് വശത്ത് മലയാളം ഉള്ളടക്കവും വലത് വശത്ത് ഇംഗ്ലീഷ് ഉള്ളടക്കവും കാണാം.  മുൻപ് പലരായി തയ്യാറാക്കിയ ചില പ്രത്യേക സൂചികകളുടെ വിവരങ്ങളും ഈ പുസ്തകത്തിൽ കാണാം. ചില പ്രത്യേക കൈയെഴുത്ത് രേഖകളുടെ മൈക്രോഫിലിമിൽ നിന്നെടുത്ത പകർപ്പുകളുടെ ചിത്രങ്ങളും പുസ്തകത്തിൻ്റെ അവസാനഭാഗത്ത് കാണാം.

ഈ പുസ്തകത്തിൽ വിവരിച്ചിരിക്കുന്ന രേഖകൾ ഒക്കെ  ഡിജിറ്റൈസ് ചെയ്ത് പൊതുവിടത്തിലേക്ക് കൊണ്ടു വരിക എന്നതാണ് എൻ്റെ സ്വപ്നം.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: വത്തിക്കാൻ ലൈബ്രറിയിലെ മലയാളം കൈയെഴുത്തുകൾ
• രചന: ഫാദർ ആൻ്റണി വള്ളവന്ത്ര CMI
• പ്രസിദ്ധീകരണ വർഷം: 1984
• താളുകളുടെ എണ്ണം: 104
• അച്ചടി: St. Joseph’s Press, Mannanam
• സ്കാൻ ലഭ്യമായ ഇടം: കണ്ണി

 

 

 

2004ൽ ചാവറയച്ചൻ്റെ 200-ാം ജന്മശതാബ്ദി വർഷത്തിൽ ദീപിക പബ്ലിക്കേഷൻസ് പുറത്തിറക്കിയ ചാവറയച്ചൻ എന്ന പ്രത്യേക സുവനീറിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

ചാവറയച്ചനുമായി ബന്ധപ്പെട്ടും CMI സന്ന്യാസ സഭയുമായി ബന്ധപ്പെട്ടും പ്രമുഖവ്യക്തികൾ എഴുതിയ നിരവധി ശ്രദ്ധേയ ലേഖനങ്ങൾ ഈ സുവനീറിൽ ഉണ്ട്. അതോടൊപ്പം നിരവധി ചിത്രങ്ങളും ഈ പ്രത്യേേക പതിപ്പിൻ്റെ ഭാഗമാണ്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: ചാവറയച്ചൻ
• പ്രസിദ്ധീകരണ വർഷം: 2004
• താളുകളുടെ എണ്ണം: 196
• പ്രസാധനം: Rashtra Deepika Ltd., Kottayam
• അച്ചടി: Rajhans Enterprises, Bangalore
• സ്കാൻ ലഭ്യമായ ഇടം: കണ്ണി

ചങ്ങനാശ്ശേരി സെൻ്റ് ബർക്ക്മാൻസ് കോളേജ് 1940ൽ പുറത്തിറക്കിയ 1939-1940 വർഷത്തെ കോളേജ് മാസികയായ 1940 – The Excelsior – St. Berchmans College Annual എന്ന പുസ്തകത്തിൻ്റെ സ്കാൻ ആണ് ഈ പുസ്തകത്തിലൂടെ പങ്കുവെക്കുന്നത്. അക്കാലത്ത് സെൻ്റ് ബർക്ക്മാൻസ് കോളേജിൽ ഉണ്ടായിരുന്ന അദ്ധ്യാപകരും വിദ്യാർത്ഥികളും എഴുതിയ നിരവധി ലേഖനങ്ങൾ ഇതിൽ കാണാം. അതിൽ ആരെങ്കിലും ഇപ്പോൾ ജീവിച്ചിരിപ്പുണ്ടോ എന്നത് സംശയമാണ്. ഇംഗ്ലീഷിലും മലയാളത്തിലുമുള്ള ലേഖനങ്ങൾ ഈ കോളേജ് മാസികയിൽ കാണാം. The Excelsior എന്നാണ് SB കോളേജ് മാസികയുടെ ഔദ്യോഗിക പേർ എന്നു കാണുന്നു.

ഇപ്പോൾ പൊതുവെ (ഇംഗ്ലീഷിലും മലയാളത്തിലുമെല്ലാം) വർഷത്തിൽ ഒരിക്കൽ മാത്രം പ്രസിദ്ധീകരിക്കുന്ന കോളേജ് മാഗസിനെ, മാഗസിൻ/മാസിക എന്നു വിളിക്കുന്നത് വിചിത്രമായി തോന്നുന്നു. എന്നാൽ SB കോളേജിൻ്റെ ഈ കോളേജ് മാഗസിനിൽ അത് വ്യക്തമായി Annual എന്നു തന്നെ രേഖപ്പെടുത്തിയിട്ടുണ്ട്. )

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: 1940 – The Excelsior – St. Berchmans College Annual
• പ്രസിദ്ധീകരണ വർഷം: 1940
• താളുകളുടെ എണ്ണം: 196
• സ്കാനുകൾ ലഭ്യമായ താൾ: കണ്ണി