Author: Shiju Alex

യുയോമയ സഭയുടെ സ്ഥാപകനായ വിദ്വാൻ കുട്ടിയച്ചൻ്റെ കത്തുകളും മറ്റും ഉൾപ്പെടുന്ന  നിത്യാക്ഷരങ്ങൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് പോസ്റ്റിലൂടെ പങ്കുവെക്കുന്നത്. ഈ പുസ്തകം നിത്യാക്ഷരങ്ങൾ പൂർവഭാഗം നിത്യാക്ഷരങ്ങൾ പൂർവോത്തരഭാഗങ്ങൾ എന്നീ രണ്ടു പതിപ്പുകൾ ഉൾപ്പെടുന്നതാണ്. ഇതിൽ നിത്യാക്ഷരങ്ങൾ പൂർവഭാഗം 1900ത്തിലും നിത്യാക്ഷരങ്ങൾ പൂർവോത്തരഭാഗങ്ങൾ 1901ലും ആണ് അച്ചടിച്ചിരിക്കുന്നത്. എന്നാൽ രണ്ട് പുസ്തകങ്ങളുടെയും സംഗതിവിവരം 1901ലേതിൽ മാത്രമാണ് കാണുന്നത്. അതിനാൽ രണ്ട് വ്യത്യസ്ത പുസ്തകങ്ങൾ അച്ചടിച്ചിരിക്കാം എങ്കിലും രണ്ടും കൂടെ ചേർത്ത് ഒറ്റപതിപ്പായി ആവും ഇറക്കിയിരിക്കുക എന്ന് ഊഹിക്കുന്നു.

യുയോമയ സഭാംഗമായ മാത്യു ബോധകർ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

യുയോമയ സഭയുമായി ബന്ധപ്പെട്ട പലപുസ്തകങ്ങളും ഇതിനു മുൻപും ഡിജിറ്റൈസ് ചെയ്തിട്ടുണ്ട്. ഒരു ഉദാഹരണം ഇവിടെ.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

• പേര്: നിത്യാക്ഷരങ്ങൾ – പൂർവഭാഗം – പൂർവോത്തരഭാഗങ്ങൾ
• രചയിതാവ്: വിദ്വാൻകുട്ടിയച്ചൻ
• പ്രസിദ്ധീകരണ വർഷം: 1900/1901
• താളുകളുടെ എണ്ണം: 752
• അച്ചടി: Malayala Manorama Press, Kottayam
• സ്കാനുകൾ ലഭ്യമായ താൾ: കണ്ണി

1980കളിൽ ട്യൂബിങ്ങനിലെ ഗുണ്ടർട്ട് ശേഖരം കണ്ടെത്തിയതിനു ശേഷം ആ ശേഖരത്തിലെ നിരവധി പ്രമുഖകൃതികൾ 1990കളിൽ ഡോ. സ്കറിയ സക്കറിയയുടെ നേതൃത്വത്തിൽ പ്രസിദ്ധീകരിച്ചു. ഈ പ്രസിദ്ധീകരണത്തിലൂടെയാണ് പലപ്രമുഖ പ്രാചീനകൃതികളും ആദ്യമായി അച്ചടിക്കപ്പെട്ടത്. 1990കളിൽ ഡോ. സ്കറിയ സക്കറിയയുടെ നേതൃത്വത്തിൽ നടന്ന പ്രസിദ്ധീകരണത്തിലൂടെ പുറത്ത് വന്ന ഗുണ്ടർട്ട് ശേഖരത്തിലെ 9 പുസ്തകങ്ങളുടെ ഡിജിറ്റൽ കോപ്പിയാണ് ഈ പോസ്റ്റിലൂടെ റിലീസ് ചെയ്യുന്നത്. ഈ പുസ്തകങ്ങൾ എല്ലാം മുൻപ് ഗുണ്ടർട്ട് ലെഗസി പദ്ധതിയിലൂടെ ഡിജിറ്റൈസ് ചെയ്ത് പുറത്ത് വന്നതാണ്. (പുസ്തകങ്ങൾ ഡൗൺലോഡ് ചെയ്യാതെ ഓൺലൈനായി വായിക്കാനുള്ള സൗകര്യം ഇപ്പോൾ ലഭ്യമാക്കിയിട്ടുണ്ട്)

ഡോ. സ്കറിയാ സക്കറിയയുടെ രചനകൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് പങ്കു വെക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ ഓരോ പുസ്തകവും ആക്സെസ് ചെയ്യാനുള്ള കണ്ണി കൊടുത്തിരിക്കുന്നു.

1. 1991 – ഗുണ്ടർട്ടിൻ്റെ മലയാള ഭാഷാവ്യാകരണം – https://gpura.org/item/1991-malayala-bhasha-vyakaranam-gundert-scaria-zacharia
2. 1991 – ഗുണ്ടർട്ടിൻ്റെ മലയാളം – ഇംഗ്ലീഷ് നിഘണ്ടു – https://gpura.org/item/1991-malayalam-english-nighandu-gundert-scaria-zacharia
3. 1992 – ഗുണ്ടർട്ട് ബൈബിൾ – https://gpura.org/item/1992-bible-gundert-scaria-zacharia
4. 1992 – കേരളോല്പത്തിയും മറ്റും (എട്ടു കൃതികൾ) – https://gpura.org/item/1992-keralolpathiyum-mattum-gundert-scaria-zacharia
5. 1992 – വജ്രസൂചി (പതിനെട്ടു കൃതികൾ) – https://gpura.org/item/1992-vajrasoochi-gundert-scaria-zacharia
6. 1994 – പഴശ്ശിരേഖകൾ – https://gpura.org/item/1994-pazhassi-rekhakal-gundert-scaria-zacharia
7. 1994 – തച്ചോളിപ്പാട്ടുകൾ – https://gpura.org/item/1994-thacholi-pattukal-gundert-scaria-zacharia
8. 1996 – തലശ്ശേരി രേഖകൾ – https://gpura.org/item/1996-thalassery-rekhakal-gundert-scaria-zacharia
9. 2000 – പയ്യന്നൂർപ്പാട്ട് – https://gpura.org/item/2000-payyannur-pattu-gundert-scaria-zacharia