January 2025 - Page 6 of 8 - ഗ്രന്ഥപ്പുര (Granthappura) blog

1944 – സുറിയാനി ഭാഷാപ്രവേശിക – ഈറാനീമോസച്ചൻ

1944 ൽ പ്രസിദ്ധീകരിച്ച ഈറാനീമോസച്ചൻ രചിച്ച സുറിയാനി ഭാഷാപ്രവേശിക എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

മാർ തോമാ നസ്രാണികളുടെ ഔദ്യോഗിക ആരാധനാ ഭാഷയാണ് സുറിയാനി. ഈശോയും ശ്ലീഹന്മാരും സംസാരിച്ചിരുന്ന ഭാഷ സുറിയാനി ആയിരുന്നതിനാലും തോമാശ്ലീഹാ കേരളക്കരയിലെത്തിയപ്പോൾ ക്രിസ്ത്യൻ അറമായ അഥവാ സുറിയാനി സംസാരിച്ചിരുന്ന യഹൂദർ ഇവിടെയുണ്ടായിരുന്നതിനാലുമാണ് സുറിയാനി ഔദ്യോഗിക ആരാധനാ ഭാഷയായത്. സുറിയാനി ഭാഷയെ അധികരിച്ച് നവീനസമ്പ്രദായത്തിൽ രചിച്ചിട്ടുള്ള ഗ്രന്ഥമാണ് സുറിയാനി ഭാഷാപ്രവേശിക. സുറിയാനി ഭാഷയെ പറ്റിയുള്ള പ്രധാന വ്യാകരണങ്ങൾ എല്ലാം തന്നെ ഇതിൻ്റെ രചനയിൽ ഉപയോഗിച്ചിട്ടുള്ളതായി കാണുന്നു. സുറിയാനി ഭാഷയെ പറ്റിയുള്ള സാമാന്യമായ ഒരു ചരിത്രജ്ഞാനം മുഖവുരയിൽ നിന്നും ലഭിക്കാവുന്നതാണ്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

പേര്: സുറിയാനി ഭാഷാപ്രവേശിക
രചയിതാവ് : Eeranimosachan
പ്രസിദ്ധീകരണ വർഷം: 1944
താളുകളുടെ എണ്ണം: 210
അച്ചടി: St. Joseph’s Press, Mannanam
സ്കാൻ ലഭ്യമായ ഇടം: കണ്ണി

1964 – കരിന്തിരി – ജോസഫ് മുണ്ടശ്ശേരി

1964 ൽ പ്രസിദ്ധീകരിച്ച ജോസഫ് മുണ്ടശ്ശേരി രചിച്ച കരിന്തിരി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

സാഹിത്യ പുരോഗതി, ഭാവമാണ് ജീവൻ, പ്രത്യക്ഷപത്രങ്ങൾ, വെണ്മണിയുടെ ശൈലി, റഷ്യൻ നോവൽ സാഹിത്യം, രവീന്ദ്രനാഥ ടാഗോർ, മലയാളത്തിൻ്റെ വേരു് എന്നീ ശീർഷകങ്ങളിൽ എഴുതിയിട്ടുള്ള സാഹിത്യ ലേഖനങ്ങളാണ് പുസ്തകത്തിൻ്റെ ഉള്ളടക്കം.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: കരിന്തിരി
രചയിതാവ് : Joseph Mundassery
പ്രസിദ്ധീകരണ വർഷം: 1964
താളുകളുടെ എണ്ണം: 106
പ്രസാധകർ: Mangalodayam Pvt Ltd, Thrichur
അച്ചടി: Mangalodayam Press, Trichur
സ്കാൻ ലഭ്യമായ ഇടം: കണ്ണി

1997 – സാംസ്കാരിക മേഖലയിൽ പുത്തൻ ഉണർവ്

1997- ൽ കേരള സർക്കാർ പബ്ലിക് റിലേഷൻസ് വകുപ്പ് പ്രസിദ്ധീകരിച്ച സാംസ്കാരിക മേഖലയിൽ പുത്തൻ ഉണർവ് എന്ന ലഘുപുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

1996 ൽ കേരളത്തിൽ അധികാരമേറ്റ ഇടതുപക്ഷ ജനാധിപത്യ മുന്നണി സർക്കാറിനു് സാംസ്കാരികരംഗത്ത് കൈവരിക്കാൻ കഴിഞ്ഞ നേട്ടങ്ങളും, പ്രവർത്തന പുരോഗതിയുമാണ് ഈ ലഘുപുസ്തകത്തിൽ ഉൾക്കൊള്ളിച്ചിട്ടുള്ളത്.

പി ഗോവിന്ദപ്പിള്ള ലൈബ്രറിയിൽ നിന്നാണ് ഈ പുസ്തകം ഡിജിറ്റൈസേഷനു വേണ്ടി ലഭ്യമായത്.

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: സാംസ്കാരിക മേഖലയിൽ പുത്തൻ ഉണർവ്
പ്രസിദ്ധീകരണ വർഷം:1996
പ്രസാധകർ: Public Relations Department, Government of Kerala
അച്ചടി: Government Press, Mannanthala
താളുകളുടെ എണ്ണം: 52
സ്കാൻ ലഭ്യമായ ഇടം: കണ്ണി

ഗദ്യരത്നമാല

കെ സി മാമ്മൻ മാപ്പിളയുടെ പ്രസാധകത്വത്തിൽ വി വി പുസ്തകശാല ഇറക്കിയ കൃതിയാണ് ഗദ്യരത്നമാല.

ഈ പുസ്തകം അച്ചടിച്ച വർഷം ഇതിൽ രേഖപ്പെടുത്തിയിട്ടില്ല, എങ്കിലും 1950 -ന് മുൻപാണ് ഇറങ്ങിയതെന്നു കരുതപ്പെടുന്നു. നിത്യശക്തികൾ- എം രാജരാജവർമ്മരാജ, പരമാണുപ്രാണികൾ- കെ സുകുമാരൻ, കുചേലവൃത്തം വഞ്ചിപ്പാട്ട്- കെ ആർ കൃഷ്ണപ്പിള്ള, നമ്മുടെ കൃഷിപരിഷ്കരണം- എൻ കുഞ്ഞൻപിള്ള, ചീനരാജ്യവും അവിടത്തെ ജനങ്ങളും- സി അന്തപ്പായി, പരഗുണകാരിത്വവും പരഗുണകാംക്ഷിത്വവും, തേയില- സി എസ്. സുബ്രഹ്മണ്യൻ പോറ്റി, ജീവികളുടെ ആഹാര സമ്പാദ്യം, നാടകാഭിനയം- മൂർക്കോത്തു കുമാരൻ, ആരോഗ്യരക്ഷ (ലേഖകൻ്റെ പേരില്ല) എന്നീ ലേഖനങ്ങളാണ് പുസ്തകത്തിൽ ഉള്ളത്

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഗദ്യരത്നമാല
താളുകളുടെ എണ്ണം: 122
സ്കാൻ ലഭ്യമായ ഇടം: കണ്ണി

1957 – ഇതു പൊളിറ്റിക്സാണ് – പി. ജെ. ആൻ്റണി

1957- ൽ പ്രസിദ്ധീകരിച്ച പി. ജെ. ആൻ്റണി രചിച്ച ഇതു പൊളിറ്റിക്സാണ് എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

മലയാളചലച്ചിത്ര – നാടക രംഗത്തെ ഒരു അതുല്യ നടൻ ആയിരുന്നു പി.ജെ. ആന്റണി. 1973ൽ രാഷ്ട്രപതിയുടെ സ്വർണ്ണമെഡലിന്‌ അർഹമായ നിർമ്മാല്യം എന്ന ചിത്രത്തിലെ വെളിച്ചപ്പാടിനെ അവതരിപ്പിച്ച് ഭരത് അവാർഡുനേടിയ പി. ജെ. ആന്റണി അഭിനയ രംഗത്ത് തന്റേതായ സവിശേഷ വ്യക്തിത്വം പുലർത്തിയിരുന്ന ഒരു മഹാ പ്രതിഭയായിരുന്നു. അദ്ദേഹത്തിൻ്റെ നാലു രംഗങ്ങളുള്ള ഒരു ഏകാംഗ നാടകമാണ് ഈ കൃതി.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ഇതു പൊളിറ്റിക്സാണ്
രചയിതാവ്: P.J. Antony
പ്രസിദ്ധീകരണ വർഷം:1957
അച്ചടി: Narmada Press, Ernakulam
താളുകളുടെ എണ്ണം: 30
സ്കാൻ ലഭ്യമായ ഇടം: കണ്ണി

1957- നാല് കോടി തൊഴിലില്ലാത്തവരോട് എന്ത് പറയുന്നു

1957- ൽ പ്രസിദ്ധീകരിച്ച എൻ ഇ ബാലറാം രചിച്ച നാല് കോടി തൊഴിലില്ലാത്തവരോട് എന്ത് പറയുന്നു എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

നമ്മുടെ രാജ്യം നേരിടുന്ന മഹാവ്യാധി ആണ് തൊഴിലില്ലായ്മ. രണ്ട് നൂറ്റാണ്ട് കാലത്തോളം നിലനിന്ന വിദേശഭരണം അവസാനിച്ച് പത്തു വർഷം കഴിഞ്ഞിട്ടും ഈ പ്രശ്നത്തിന് പരിഹാരം കാണാൻ ഇവിടത്തെ ഭരണകർത്താക്കൾക്ക് കഴിഞ്ഞില്ല. വാഗ്ദാനങ്ങൾ ഏറെ നൽകി അധികാരത്തിൽ കയറിയ കോൺഗ്രസ് പാർട്ടിയെ രൂക്ഷമായി വിമർശിക്കുന്നു ലേഖകൻ. അഭ്യസ്തവിദ്യരായ തൊഴിലന്വേഷകരെ, അവരുടെ വിദ്യാഭ്യാസയോഗ്യതകൾ ഉൾപ്പടെയുള്ള കണക്കുകൾ നിരത്തി വെച്ച് ആണ്, നാല് കോടി ജനങ്ങൾ എന്ത് ചെയ്യണമെന്നും അവരോട് ഭരണകർത്താക്കൾക്ക് മറുപടി ഉണ്ടോ എന്നും ലേഖകൻ ചോദിക്കുന്നത്

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: നാല് കോടി തൊഴിലില്ലാത്തവരോട് എന്ത് പറയുന്നു
രചയിതാവ്: എൻ ഇ ബാലറാം
പ്രസിദ്ധീകരണ വർഷം:1957
അച്ചടി:വിജ്ഞാനപോഷിണി പ്രസ്സ്, കൊല്ലം
താളുകളുടെ എണ്ണം:18
സ്കാൻ ലഭ്യമായ ഇടം: കണ്ണി

1956-കമ്മ്യുണിസം എന്ത്, എന്തിന്, എങ്ങനെ

1956 ൽ പ്രസിദ്ധീകരിച്ച കെ.ദാമോദരൻ രചിച്ച കമ്മ്യുണിസം എന്ത്, എന്തിന്, എങ്ങനെ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

മനുഷ്യൻ മനുഷ്യനെ ചൂഷണം ചെയ്യുകയും അടിച്ചമർത്തുകയും ചെയ്യുന്ന പ്രവണത ഇല്ലാതാക്കി എല്ലാവർക്കും മികച്ച ജീവിതസാഹചര്യം ഒരുക്കുന്ന സാമൂഹിക അവസ്ഥയെ ആണ് കമ്മ്യുണിസം എന്ന് പറയുന്നത്. കമ്മ്യൂണിസത്തിൻ്റെ അനുബന്ധമായി വരുന്ന സോഷ്യലിസം,മാർക്സിസം എന്നിവയെക്കുറിച്ചും ജനാധിപത്യസമൂഹത്തിൽ അവ നടപ്പിലാക്കേണ്ടുന്ന ആവശ്യകതയെക്കുറിച്ചും ഇതിൽ വിവരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: കമ്മ്യുണിസം എന്ത്, എന്തിന്, എങ്ങനെ
രചയിതാവ്: കെ.ദാമോദരൻ
പ്രസിദ്ധീകരണ വർഷം:1956
അച്ചടി:പ്രഭാത് ബുക്ക് ഹൗസ്, കൊല്ലം
താളുകളുടെ എണ്ണം:22
സ്കാൻ ലഭ്യമായ ഇടം: കണ്ണി

1986 – ദേശീയ ഗീതങ്ങൾ – ടി. ആർ. കൃഷ്ണസ്വാമി അയ്യർ

1986- ൽ പ്രസിദ്ധീകരിച്ച ടി. ആർ. കൃഷ്ണസ്വാമി അയ്യർ രചിച്ച ദേശീയ ഗീതങ്ങൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

പാലക്കാടിലെ പ്രമുഖ സ്വാതന്ത്ര്യ സമര സേനാനിയും ശബരി ആശ്രമ സ്ഥാപകനുമായ ടി. ആർ. കൃഷ്ണയ്യർ രചിച്ചതാണ് ഈ ദേശഭക്തി ഗാനസമാഹാരം. മലയാളത്തിൽ പ്രസിദ്ധപ്പെടുത്തിയിട്ടൂള്ള ദേശഭക്തി ഗാനങ്ങളുടെ ആദ്യത്തെ സമാഹാരമാണ് ഈ കൃതി. 1923 ൽ രണ്ടാം കേരള രാഷ്ട്രീയ സമ്മേളനം പാലക്കാട് നടന്നപ്പോൾ ഗാന്ധിജിയെ കുറിച്ചും, ലാലാ ലജ്പത് റായിയെ കുറിച്ചും, സരോജനി ദേവിയെ കുറിച്ചുമുള്ള പാട്ടുകൾ ടി. ആർ. കൃഷ്ണയ്യർ പാടുകയുണ്ടായി. വൈക്കം സത്യാഗ്രഹത്തിലും ഗുരുവായൂർ സത്യാഗ്രഹത്തിലും സജീവമായി പങ്കെടുത്ത് ജയിൽ വാസം അനുഭവിച്ചവരാണ് കൃഷ്ണസ്വാമി ദമ്പതികൾ. ശബരി ആശ്രമം ഭരണസമിതി പ്രസിഡൻ്റായിരുന്ന സി. കെ. മൂസ്സതാണ് ഈ കൃതി പ്രസിദ്ധീകരിച്ചിരിക്കുന്നത്.

അതിനു പുറമെ നമ്മുടെ പഴയകാല ആനുകാലികങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായി കൂടിയാണ് ഈ മാസികകൾ ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ദേശീയ ഗീതങ്ങൾ
രചയിതാവ്: T.R. Krishnaswamy Iyer
പ്രസിദ്ധീകരണ വർഷം: 1986
താളുകളുടെ എണ്ണം: 42
പ്രസാധകർ: C.K. Moosad
അച്ചടി: Thilaka Mudralaya Press, Olavakod
സ്കാൻ ലഭ്യമായ ഇടം: കണ്ണി

1993 – കൗൺസിലിങ്ങും വ്യക്തിത്വ വികസനവും

1993 – ൽ വർഗ്ഗീസ് പുതുശ്ശേരി എഴുതി പ്രസിദ്ധീകരിച്ച കൗൺസിലിങ്ങും വ്യക്തിത്വ വികസനവും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

വ്യക്തിത്വ വികസനത്തിൻ്റെ പല മേഖലകളിലൂടെ സഞ്ചരിക്കുന്നതിനു വായനക്കർക്കു` പ്രചോദനം പകരാൻ ഈ ഗ്രന്ഥത്തിൻ്റെ ഈടുറ്റ ലേഖനങ്ങൾ സഹായിക്കുമെന്ന് തീർച്ചയാണു`. ഈ ലേഖന സമാഹാരത്തിലൂടെ ഊളിയിട്ടിറങ്ങുമ്പോൾ കിട്ടുന്ന ഉൾക്കാഴ്ച്ചകൾ അമൂല്യങ്ങൾ ആണു. വ്യക്തിത്വ രൂപീകരണത്തിലെ സ്വധീനങ്ങൾ മുതൽ വിദ്യാർതഥികളിലെ മാനസിക ആരോഗ്യ പ്രശ്നങ്ങൾ വരെ ഇതിൽ വിവരിക്കുന്നു.കൂടാതെ ദാമ്പത്യപ്രശ്നങ്ങളും കൗൺസിലിങ്ങും എന്ന വിഷയത്തേക്കുറിചും ഇതിൽ പ്രതിപാദിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: കൗൺസിലിങ്ങും വ്യക്തിത്വ വികസനവും
രചയിതാവ് : വർഗ്ഗീസ് പുതുശ്ശേരി
പ്രസിദ്ധീകരണ വർഷം: 1993
താളുകളുടെ എണ്ണം: 126
അച്ചടി: L.F.I Press, Thevara, Kochi
സ്കാൻ ലഭ്യമായ ഇടം: കണ്ണി

1933 – രസികൻ മാസിക പുസ്തകം 04 ലക്കം 08

1933 മാർച്ച് മാസത്തിൽ പുറത്തിറങ്ങിയ രസികൻ മാസികയുടെ (പുസ്തകം 4 ലക്കം 8) സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1933 - രസികൻ മാസിക പുസ്തകം 04 ലക്കം 08

ഒരു കാലത്തെ മികച്ച ആക്ഷേപഹാസ്യ മാസികയായിരുന്നു രസികൻ. ഇപ്പോൾ പ്രസിദ്ധീകരണം നിലച്ച ഈ മാസിക അന്നത്തെ സർക്കാരിനെയും ഉദ്യോഗസ്ഥ ദുഷ്പ്രഭുക്കന്മാരെയും മറ്റും കടുത്ത ഭാഷയിൽ വിമർശിക്കുന്ന ലേഖനങ്ങൾ എഴുതിയിരുന്നു. ഹാസ്യരസ പ്രധാനമായ കഥകളും, കവിതകളും, ലേഖനങ്ങളും കൊണ്ട് സമ്പന്നമായിരുന്നു ഈ പ്രസിദ്ധീകരണം. മാസികയുടെ കവർ പേജുകൾ നഷ്ടപ്പെട്ടിട്ടുള്ളതിനാൽ പ്രസിദ്ധീകരിക്കപ്പെട്ട വർഷം, അച്ചടി, പ്രസാധകർ തുടങ്ങിയ വിവരങ്ങൾ ലഭ്യമല്ല. മാസികയിലെ ചില ലേഖനങ്ങളിൽ നിന്നും പരസ്യങ്ങളിൽ നിന്നും പ്രസിദ്ധീകരണ വർഷം ഊഹിച്ചെടുത്താണ് ഈ സ്കാൻ റിലീസ് ചെയ്തിട്ടുള്ളത്.

കൊല്ലം പെരിനാട്, സി.കെ.പി. വിലാസം ഗ്രന്ഥശാലയിലെ പുരാശേഖരം ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ ആനുകാലികം ഡിജിറ്റൈസ് ചെയ്ത് പങ്കു വയ്ക്കുന്നത്. ആ പദ്ധതിയെ പറ്റിയുള്ള പ്രാഥമിക വിവരത്തിനു ഈ പോസ്റ്റ് കാണുക.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: രസികൻ മാസിക പുസ്തകം 04 ലക്കം 08
പ്രസിദ്ധീകരണ വർഷം: 1933
താളുകളുടെ എണ്ണം: 24
സ്കാൻ ലഭ്യമായ ഇടം: കണ്ണി