കത്തോലിക്കാ സഭയിലും വിശിഷ്യാ സീറോ മലബാർ സഭയിലും സ്വയംഭരണാവകാശമുണ്ടെന്നിരിക്കിലും സഭയെ അടക്കി ഭരിക്കുവാനുള്ള ലത്തീൻ സഭയുടെ നടപടികളെ വിമർശിച്ചുകൊണ്ടുള്ള സാധു ഇട്ടിയവിരാ എഴുതിയ നസറാണി ആണ് കൽദായ അല്ല (സീറോ മലബാർ സഭയെ പറ്റി) എന്ന ലഘുലേഖയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.
പ്രശസ്ത ഗ്രന്ഥകാരനും സാമൂഹ്യ പ്രവർത്തകനുമായിരുന്ന സാധു ഇട്ടിയവിരാ ഇംഗ്ലീഷിലും മലയാളത്തിലുമായി 150 ലേറെ പുസ്തകങ്ങൾ രചിച്ചിട്ടുണ്ട്. വിവിധ പ്രസിദ്ധീകരണങ്ങളിലായി ആറായിരത്തിലധികം ലേഖനങ്ങൾ എഴുതിയുണ്ട്. വിദേശ രാജ്യങ്ങളിലടക്കം അൻപതിനയിരത്തിലധികം പ്രസംഗങ്ങൾ നടത്തിയിട്ടുള്ള അദ്ദേഹം 2023 മാർച്ച് മാസത്തിൽ നൂറ്റി ഒന്നാം വയസ്സിലാണ് അന്തരിച്ചത്.
ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.
മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും
താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)
- പേര്: നസറാണി ആണ് കൽദായ അല്ല (സീറോ മലബാർ സഭയെ പറ്റി)
- രചന: സാധു ഇട്ടിയവിരാ
- പ്രസിദ്ധീകരണ വർഷം: 1997
- താളുകളുടെ എണ്ണം: 40
- പ്രസാധനം: Liturgical Action Committee, Muvattupuzha
- അച്ചടി: Rajhans Enterprises, Bangalore
- സ്കാൻ ലഭ്യമായ ഇടം: കണ്ണി