ഗ്രന്ഥപ്പുര (Granthappura) blog

സുറിയാനി കത്തോലിക്കരുടെ എറണാകുളം വികാരിയത്തിൻ്റെ (മിസ്സം) വികാരി അപ്പോസ്തലീക്കയായിരുന്ന കണ്ടത്തിൽ ആഗുസ്തീനോസ് മെത്രാൻ തുടങ്ങി വെച്ച എറണാകുളം മിസ്സം എന്ന മാസികയുടെ 1922ൽ ഇറങ്ങിയ ഏഴ് ലക്കങ്ങളുടെ സ്കാൻ ആണ് ഈ പോസ്റ്റിലൂടെ പങ്കുവെക്കുന്നത്.

വികാരിയത്തിൽ ആചരിക്കേണ്ട പ്രത്യേക നടപടികൾ സംബന്ധിച്ചും, ഇടയലേഖനങ്ങൾ, ഉപദേശങ്ങൾ, കല്പനകൾ തുടങ്ങിയ അറിയിപ്പുകൾ സഭയുടെ കീഴ്ത്തട്ടിലേക്ക് എത്തിക്കുന്നതിനും അവയെല്ലാം റെക്കോർഡാക്കി സൂക്ഷിക്കുന്നതിനും വേണ്ടി തുടങ്ങിയ മാസികയാണ് എറണാകുളം മിസ്സം. സഭയുടെ പ്രാദേശിക വാർത്തകൾ, സുവിശേഷ വിവരണങ്ങൾ തുടങ്ങിയവയാണ് ഓരോ ലക്കത്തിൻ്റെയും ഉള്ളടക്കം. ലക്കങ്ങളുടെ തനിമ നിലനിർത്താൻ ഓരോ ലക്കവും വ്യത്യസ്തമായിത്തന്നെ ഡിജിറ്റൈസ് ചെയ്ത് റിലീസ് ചെയ്യുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണികളും

താഴെ 7 രേഖകളുടെയും മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

രേഖ 1

• പേര്: എറണാകുളം മിസ്സം – പുസ്തകം – 1 ലക്കം 4-ജനുവരി
• പ്രസിദ്ധീകരണ വർഷം: 1922
• താളുകളുടെ എണ്ണം: 42
• അച്ചടി: The Mar Louis Memorial Press, Ernakulam
• സ്കാൻ ലഭ്യമായ ഇടം: കണ്ണി

രേഖ 2

• പേര്: എറണാകുളം മിസ്സം – പുസ്തകം -1 ലക്കം 5- 6-ഫെബ്രുവരി – മാർച്ച് 
• പ്രസിദ്ധീകരണ വർഷം: 1922
• താളുകളുടെ എണ്ണം: 30
• അച്ചടി: The Mar Louis Memorial Press, Ernakulam
• സ്കാൻ ലഭ്യമായ ഇടം: കണ്ണി

രേഖ 3

• • പേര്: എറണാകുളം മിസ്സം – പുസ്തകം – 1 ലക്കം 7- ഏപ്രിൽ
  • പ്രസിദ്ധീകരണ വർഷം: 1922
  • താളുകളുടെ എണ്ണം:26
  • അച്ചടി: The Mar Louis Memorial Press, Ernakulam
  • സ്കാൻ ലഭ്യമായ ഇടം: കണ്ണി

രേഖ 4

• പേര്: എറണാകുളം മിസ്സം – പുസ്തകം – 1 ലക്കം8- മെയ്
• പ്രസിദ്ധീകരണ വർഷം: 1922
• താളുകളുടെ എണ്ണം: 16
• അച്ചടി: The Mar Louis Memorial Press, Ernakulam
• സ്കാൻ ലഭ്യമായ ഇടം: കണ്ണി

രേഖ 5

• പേര്:  എറണാകുളം മിസ്സം – പുസ്തകം 1 ലക്കം 9, 10 – ജൂൺ – ജൂലൈ –
• പ്രസിദ്ധീകരണ വർഷം: 1922
• താളുകളുടെ എണ്ണം: 24
• അച്ചടി: The Mar Louis Memorial Press, Ernakulam
• സ്കാൻ ലഭ്യമായ ഇടം : കണ്ണി

രേഖ 6

• പേര്:  എറണാകുളം മിസ്സം – പുസ്തകം 1 ലക്കം 11-ആഗസ്റ്റ് 
• പ്രസിദ്ധീകരണ വർഷം: 1922
• താളുകളുടെ എണ്ണം: 20
• അച്ചടി: The Mar Louis Memorial Press, Ernakulam
• സ്കാൻ ലഭ്യമായ ഇടം : കണ്ണി

രേഖ 7

• പേര്:  എറണാകുളം മിസ്സം – പുസ്തകം 1 ലക്കം 12, 13 – സെപ്തമ്പർ – ഒക്ടോബർ –
• പ്രസിദ്ധീകരണ വർഷം: 1922
• താളുകളുടെ എണ്ണം: 30
• അച്ചടി: The Mar Louis Memorial Press, Ernakulam
• സ്കാൻ ലഭ്യമായ ഇടം : കണ്ണി

1977ൽ സീറോ മലബാർ സഭയിൽ  ജഗ്ദൽപൂർ രൂപതാദ്ധ്യക്ഷനായി  പൗളീനോസ് ജീരകത്ത് സി. എം. ഐ. യെയും, രാജ്കോട്ട് രൂപതാദ്ധ്യക്ഷനായി ജോനാസ് തളിയത്ത് സി.എം.എ.യെയും മെത്രാന്മാരായി വാഴിച്ച ചടങ്ങിനോട് അനുബന്ധിച്ച് പ്രസിദ്ധീകരിച്ച മെത്രാഭിഷേകക്രമം എന്ന രേഖയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അഭിഷേക സമയത്ത് മുഖ്യ കാർമ്മികനും സഹകാർമ്മികരും, മെത്രാപ്പൊലീത്തമാരും, മെത്രാന്മാരും അനുഷ്ടിക്കേണ്ട കർമ്മങ്ങൾ, നിയുക്ത മെത്രാന്മാർ അണിയേണ്ട തിരുവസ്ത്രങ്ങൾ, അഭിഷേകസമയത്ത് വേണ്ട സാമഗ്രികൾ, കാർമ്മികരും, സമൂഹവും ചൊല്ലേണ്ട പ്രാർത്ഥനകൾ എന്നിവയെ കുറിച്ച് വിശദമായി ഇതിൽ പ്രതിപാദിക്കപ്പെട്ടിരിക്കുന്നു.

സി. എം. ഐ. സെമിനാരിയായ ബാംഗ്ളൂർ ധർമ്മാരാം കോളേജിൻ്റെയും, സഭയുടെ നേതൃത്വത്തിൽ നടത്തുന്ന ബാംഗ്ളൂർ ക്രൈസ്റ്റ് കോളേജിൻ്റെയും, സെൻ്റ് ജോൺസ് മെഡിക്കൽ കോളേജിൻ്റെയും സ്ഥാപനത്തിൽ ഈ രേഖയിൽ പരാമർശിക്കുന്ന ജോനാസ് തളിയത്ത് CMI മുഖ്യ പങ്കു വഹിച്ചു.

ധർമ്മാരാം കോളേജ് പ്രൊഫസറായും, സെൻ്റ് ജോസഫ് പ്രോവിൻസിൻ്റെ പ്രോവിൻഷ്യലായും മാർ പൗളീനോസ് ജീരകത്ത് സേവനമനുഷ്ടിച്ചിട്ടുണ്ട്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: മെത്രാഭിഷേകക്രമം
• പ്രസിദ്ധീകരണ വർഷം: 1977
• അച്ചടി: Prathibha Training Centre, Thevara
• താളുകളുടെ എണ്ണം: 60
• സ്കാൻ ലഭ്യമായ ഇടം: കണ്ണി

 

1881ൽ ക.നി.മൂ.സ. (ഇപ്പോൾ CMI എന്നറിയപ്പെടുന്നു) സന്യാസിയായ ജെറാർദ് കണ്ണമ്പള്ളി രചിച്ച അലങ്കാരശാസ്ത്ര വ്യാഖ്യാനം എന്ന ഗ്രന്ഥത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ലൗകികവും അലൗകികവുമായ വിഷയങ്ങളെ പ്രതിപാദിക്കുന്ന പ്രഭാഷണങ്ങളിൽ പ്രസക്തിയുള്ള അലങ്കാരങ്ങളെ കുറിച്ചാണ് പുസ്തകത്തിൽ ഫാദർ ജെറാർദ് ചർച്ച ചെയ്യുന്നത്. സംകല്പന, അനുക്രമണ, അലംകരണ, ഉച്ചാരണ എന്നിങ്ങനെ നാലു കാണ്ഡങ്ങളായി ഗ്രന്ഥത്തെ വിഭജിച്ചിരിക്കുന്നു. അച്ചനു മുൻപു വരെയുള്ള ആലങ്കാരികന്മാർ കാവ്യങ്ങളിലെ അലങ്കാരങ്ങളെ കുറിച്ചു മാത്രമാണ് ചർച്ച ചെയ്തിരുന്നത്. പ്രഭാഷണ കലയെ കുറിച്ചുള്ള ആദ്യത്തെ ഗ്രന്ഥമെന്ന നിലയിലും ഗദ്യസാഹിത്യത്തിന് പ്രയോജനമായ  ഒരു അലങ്കാര ശാസ്ത്രഗ്രന്ഥമെന്ന നിലയിലും ഈ പുസ്തകത്തിന് ഭാഷാ ചരിത്രത്തിൽ എടുത്തുപറയേണ്ട പ്രാധാന്യം ഉണ്ട്.

ലത്തീൻ, ഗ്രീക്ക്, സംസ്കൃതം, മലയാളം ഭാഷകളിൽ അസാധാരണമായ പാണ്ഡിത്യമുണ്ടായിരുന്ന ഫാദർ ജെറാർദ് 1884 മുതൽ 1889 വരെയുള്ള അഞ്ചു വർഷക്കാലം മാന്നാനം പ്രസ്സ് സൂപ്രണ്ടായി ജോലി ചെയ്തിരുന്നു. യന്ത്ര പ്രസ്സ് ആദ്യമായി വരുത്തിയതും, അച്ചടി സംബന്ധമായ പല പരിഷ്കാരങ്ങളും പ്രാവർത്തികമാക്കിയതും അദ്ദേഹത്തിൻ്റെ നേട്ടങ്ങളാണ്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: അലങ്കാരശാസ്ത്ര വ്യാഖ്യാനം
• പ്രസിദ്ധീകരണ വർഷം: 1881
• രചന: ജെറാർദ് കണ്ണമ്പള്ളി
• പ്രസാധകർ: Metapolitan Press, Varapuzha
• താളുകളുടെ എണ്ണം: 392
• സ്കാൻ ലഭ്യമായ ഇടം: കണ്ണി

 

1937ൽ കണ്ണൂർ സെൻ്റ് മൈക്കിൾസ് യൂറോപ്യൻ ഹൈ സ്കൂൾ ഹെഡ് മാസ്റ്ററായിരുന്ന എ. സൾദാന വൈദികൻ രചിച്ച സുറിയാനി-മലയാള കീർത്തന മാലിക എന്ന സംഗീത സംബന്ധിയായ കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ക്രിസ്തീയ ഗാനങ്ങളും പ്രാർത്ഥനകളും പാശ്ചാത്യരുടെ ആധുനിക സംഗീത നോട്ടുകളായി രൂപാന്തരപ്പെടുത്തി രചിച്ചതാണ് ഈ പുസ്തകം. പുസ്തകത്തിൻ്റെ ഒന്നാം ഭാഗത്തിൽ കൽദായ സുറിയാനി റീത്തിലെ തിരുക്കർമ്മഗീതങ്ങളുടെയും, വാഴ്വിൻ്റെയും സംഗീത നോട്ടുകളും, രണ്ടാം ഭാഗത്തിൽ മലയാള ഗാനങ്ങളുടെ നോട്ടുകളുമാണ് ഉൾപ്പെടുത്തിയിട്ടുള്ളത്. ഗാനങ്ങളുടെ രാഗവും താളവും ഒന്നാണെങ്കിൽ കൂടി അതിൻ്റെ ആലാപനം പല രീതിയിൽ ആവിഷ്കരിക്കപ്പെടാറുണ്ട്. വരമൊഴി രൂപത്തിൽ സംഗീത നോട്ടുകൾ രൂപപ്പെടുത്തി ഗാനങ്ങൾ ആലപിക്കാനായും, പാട്ടുകൾക്ക് ഏകതാനരൂപം കൈവരുത്താനും സമാനമായ രാഗതാളഭാവരൂപങ്ങൾ ഉണ്ടാക്കുന്നതിനും വേണ്ടി രചിക്കപ്പെട്ട ഈ കൃതി അനന്യ സാധാരണവും സംഗീത നോട്ടുകളുടെ രൂപത്തിൽ രചിക്കപ്പെട്ട ആദ്യത്തേതുമാണെന്ന് ഗ്രന്ഥ കർത്താവ് സാക്ഷ്യപ്പെടുത്തുന്നു. ദേവാലയങ്ങളിലും പാഠശാലകളിലും പാട്ടുകൾ അഭ്യസിപ്പിക്കുന്നതിനും, ദേവാലയ സംഗീതത്തിൻ്റെ അഭിവൃദ്ധിക്കും, ദൈവശുശ്രൂഷയുടെ മനോഹാരിതക്കും ഈ കൃതി അനുയോജ്യമാണ്.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്: സുറിയാനി-മലയാള കീർത്തന മാലിക
• രചന: എ. സൾഡാന 
• പ്രസിദ്ധീകരണ വർഷം: 1937
• താളുകളുടെ എണ്ണം: 406
• സ്കാൻ ലഭ്യമായ ഇടം: കണ്ണി

 

1921 ഒക്ടോബർ മാസത്തിൽ സുറിയാനി കത്തോലിക്കരുടെ എറണാകുളം വികാരിയത്തിൻ്റെ (മിസ്സം) വികാരി അപ്പോസ്തലീക്കയായിരുന്ന കണ്ടത്തിൽ ആഗുസ്തീനോസ് മെത്രാൻ തുടങ്ങി വെച്ച എറണാകുളം മിസ്സം എന്ന മാസികയുടെ ആദ്യ പതിപ്പാണ് (പുസ്തകം 01 ലക്കം 01) ഈ പോസ്റ്റിലൂടെ പങ്കുവെക്കുന്നത്.
വികാരിയത്തിൽ ആചരിക്കേണ്ട പ്രത്യേക നടപടികൾ സംബന്ധിച്ചും, ഇടയലേഖനങ്ങൾ, ഉപദേശങ്ങൾ, കല്പനകൾ തുടങ്ങിയ അറിയിപ്പുകൾ സഭയുടെ കീഴ്ത്തട്ടിലേക്ക് എത്തിക്കുന്നതിനും അവയെല്ലാം റെക്കോർഡാക്കി സൂക്ഷിക്കുന്നതിനും വേണ്ടി തുടങ്ങിയ മാസികയാണ് എറണാകുളം മിസ്സം. വികാരിയത്തിൻ്റെ കീഴിൽ വരുന്ന പള്ളികളും, പട്ടക്കാരുമെല്ലാം ഈ മാസികയുടെ ഒരു പ്രതി വാങ്ങണമെന്നും, വർഷാവസാനം ഈ പ്രതികളെല്ലാം ബൈൻ്റു ചെയ്ത് റെക്കോർഡായി സൂക്ഷിക്കണമെന്നും ശുപാർശ ചെയ്യുന്നു.

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്. അതേ പോലെ ആദ്യം കാണുന്ന ഇമേജിനു മുകളിൽ ക്ലിക്ക് ചെയ്താൽ ഡൗൺലോഡും ചെയ്യാം.)

• പേര്:  എറണാകുളം മിസ്സം – പുസ്തകം 1 ലക്കം 1 
• പ്രസിദ്ധീകരണ വർഷം: 1921
• താളുകളുടെ എണ്ണം: 40
• അച്ചടി: The Mar Louis Memorial Press, Ernakulam
• സ്കാൻ ലഭ്യമായ ഇടം: കണ്ണി