ഗ്രന്ഥപ്പുര (Granthappura) blog

1958 – ഒരു നാടൻ പെൺകിടാവിൻ്റെ ലണ്ടൻ യാത്ര – നാടൻ പെൺകിടാവ്

1958 – ൽ പ്രസിദ്ധീകരിച്ച, ഒരു നാടൻ പെൺകിടാവിൻ്റെ ലണ്ടൻ യാത്ര എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മലബാറിലെ ഒരു ഗ്രാമീണ പെൺകുട്ടി ലണ്ടനിലേക്കുള്ള യാത്രയിൽ കാണുന്ന അനുഭവങ്ങളും കാഴ്ചകളും ലളിതവും സുന്ദരവുമായ ഭാഷയിൽ, അകൃത്രിമ ശൈലിയിൽ ആകർഷകമായി എഴുതിയിരിക്കുന്നു ഈ പുസ്തകത്തിൽ. ഈ യാത്രാവിവരണം അത്ഭുതത്തോടെയുള്ള പെൺകുട്ടിയുടെ കാഴ്ചപ്പാടിലൂടെയും, നിർദോഷ ഹാസ്യഫലിതത്തിലൂടെയും അവതരിപ്പിച്ചിരിക്കുന്നു.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

പേര്: ഒരു നാടൻ പെൺകിടാവിൻ്റെ ലണ്ടൻ യാത്ര
രചയിതാവ്: നാടൻ പെൺകിടാവ്
പ്രസിദ്ധീകരണ വർഷം: 1958
താളുകളുടെ എണ്ണം: 79
അച്ചടി: India Press, Kottayam
സ്കാൻ ലഭ്യമായ ഇടം: കണ്ണി

1935 – March – The Government Brennen College Tellicherry – Magazine

Through this post, we are releasing the digital scan of The Government Brennen College Magazine Tellicherry published in the year 1935

The Contents of the Magazine are the College Report by the Principal for the academic year and various literary articles written by the students and teachers in English and Malayalam and the details of winners of the various competitions held in connection with the College Day.

These documents are digitized as part of the Madras University Library digitization project.

Metadata and link to the digitized document

Metadata and link to the digitized document are provided below. A facility to read the document online is provided in the item page.

Name: The Government Brennen College Magazine Tellicherry
Number of pages: 136
Published Year: 1935
Printer: Vidyavilasam Press, Tellicherry
Scan link: Link

1931 – മനുഷ്യപുത്രൻ – പ്ലാസിഡ് ഹാൾട്ട്

1931ൽ പ്രസിദ്ധീകരിച്ച പ്ലാസിഡ് ഹാൾട്ട് രചിച്ച മനുഷ്യപുത്രൻ എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പ്ലാസിഡ് ഹാൾട്ട് രചിച്ച The Son of a Man എന്ന ഗ്രന്ഥത്തിൻ്റെ ഇരുപത്തിരണ്ട് പ്രഗൽഭരായ എഴുത്തുകാർ പരിഭാഷപ്പെടുത്തിയ മനുഷ്യപുത്രൻ എന്ന ഈ കൃതി ഒരു ക്രൈസ്തവ മതചിന്താ–ധ്യാനഗ്രന്ഥമായി കണക്കാക്കപ്പെടുന്നു. യേശുക്രിസ്തുവിന്റെ “മനുഷ്യപുത്രൻ” എന്ന ആശയം കേന്ദ്രീകരിച്ച് അദ്ദേഹത്തിന്റെ മനുഷ്യസ്വഭാവം, ദൈവീകത, ദൗത്യം എന്നിവയെ ആത്മീയ–തത്വചിന്താത്മകമായി വിശദീകരിക്കുന്ന കൃതിയാണ്. മനുഷ്യപുത്രൻ” എന്ന ബൈബിള്‍ പദത്തിന്റെ അർത്ഥവ്യാഖ്യാനം, യേശുവിന്റെ മനുഷ്യസ്വഭാവവും ദൈവീകസ്വഭാവവും തമ്മിലുള്ള ബന്ധം, കഷ്ടപ്പാട്, ത്യാഗം, സേവനം എന്നീ മൂല്യങ്ങൾ, മനുഷ്യരോടുള്ള യേശുവിന്റെ ഐക്യവും രക്ഷാദൗത്യവും, സമകാലിക മനുഷ്യജീവിതത്തിൽ ക്രിസ്തുവിന്റെ സന്ദേശത്തിന്റെ പ്രസക്തി തുടങ്ങിയ വിഷയങ്ങളാണ് പുസ്തകത്തിൻ്റെ ഉള്ളടക്കം

ബാംഗ്ലൂർ ധർമ്മാരാം കോളേജ് ലൈബ്രറിയിലെ ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: മനുഷ്യപുത്രൻ
രചന: Placid Hault
പ്രസിദ്ധീകരണ വർഷം: 1931
അച്ചടി: J.M. Press, Varapuzha
താളുകളുടെ എണ്ണം: 439
സ്കാൻ ലഭ്യമായ ഇടം: കണ്ണി

1953 – യേശുക്രിസ്തു മോസ്കോവിലോ?

1953-ൽ ആലുവ എസ്. എച്ച് ലീഗ് പ്രസിദ്ധീകരിച്ച, ബ്രദർ വടക്കൻ രചിച്ച യേശുക്രിസ്തു മോസ്കോവിലോ? എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

നവയുഗം പത്രാധിപർ ദാമോദരൻ എഴുതിയ, സ്റ്റാലിൻ സാക്ഷാൽ ഒരു യേശുക്രിസ്തുവാണെന്ന് സ്ഥാപിക്കുന്ന “യേശുക്രിസ്തു മോസ്കോവിൽ തന്നെ” എന്ന കൃതിക്ക് വിമർശനാത്മകമായ നിലപാടുകൾ കൊണ്ടും പുസ്തകത്തിൻ്റെ ഉള്ളടക്കത്തെ കാര്യകാരണസഹിതം പ്രതിരോധിച്ചുകൊണ്ടും എഴുതിയിട്ടുള്ള വിശദീകരണങ്ങളാണ് ഈ കൃതിയിൽ.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: യേശുക്രിസ്തു മോസ്കോവിലോ?
രചന: Vadakkan
പ്രസിദ്ധീകരണ വർഷം: 1953
അച്ചടി: J.M. Press, Alwaye
താളുകളുടെ എണ്ണം: 45
സ്കാൻ ലഭ്യമായ ഇടം: കണ്ണി

1937- പതിനൊന്നാം പീയൂസ് മാർപാപ്പ – എ.ഡി. ഹരിശർമ്മ

1937 ൽ പ്രസിദ്ധീകരിച്ച എ. ഡി. ഹരിശർമ്മ രചിച്ച പതിനൊന്നാം പീയൂസ് മാർപാപ്പ എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1922 മുതൽ 1939 വരെ പോപ്പ് ആയിരുന്ന പീയൂസ് പതിനൊന്നാമൻ ലാറ്ററൻ ഉടമ്പടിക്ക് ശേഷം വത്തിക്കാൻ സിറ്റി സ്റ്റേറ്റിൻ്റെ ആദ്യത്തെ പരമാധികാരിയായി.അദ്ദേഹത്തിൻ്റെ ജീവചരിത്രത്തിൽ രേഖാചിത്രങ്ങൾ, അദ്ദേഹത്തിൻ്റെ പാണ്ഡിത്യം, ഇറ്റലിയുമായുള്ള “റോമൻ പ്രശ്നം” പരിഹരിക്കുന്നതിൽ അദ്ദേഹം വഹിച്ച പങ്കിനെക്കുറിച്ചും വിശദീകരിക്കുന്നു. ഫാസിസം, നാസിസം, നിരീശ്വരവാദ കമ്മ്യൂണിസം തുടങ്ങിയ ഏകാധിപത്യ പ്രത്യയശാസ്ത്രങ്ങൾക്കെതിരായ അദ്ദേഹത്തിൻ്റെ ഉറച്ച നിലപാടുകളും ഊന്നിപ്പറയുന്നു. എ. ഡി. ഹരിശർമ്മയുടെ ലേഖനത്തിൻ്റെ കേന്ദ്രബിന്ദു പീയൂസ് പതിനൊന്നാമൻ്റെ ജീവിതത്തിലെ ഏറ്റവും “പഠിപ്പിക്കാവുന്ന” സവിശേഷതകളെയാണ് എടുത്തുകാണിക്കുന്നത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: പതിനൊന്നാം പീയൂസ് മാർപാപ്പ
രചന: എ.ഡി. ഹരിശർമ്മ
അച്ചടി: Viswanath Press,Eranakulam
താളുകളുടെ എണ്ണം: 299
സ്കാൻ ലഭ്യമായ ഇടം: കണ്ണി

1959 – കാത്തലിക് ലേബർ അസ്സോസിയേഷൻ സോവനീർ

1959-ൽ പ്രസിദ്ധീകരിച്ച, കാത്തലിക് ലേബർ അസ്സോസിയേഷൻ സോവനീർ എന്ന സ്മരണികയുടെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1950–60 കാലഘട്ടത്തിൽ കേരളത്തിൽ തൊഴിലാളി പ്രസ്ഥാനങ്ങളും ക്രൈസ്തവ സാമൂഹ്യനീതിപ്രസ്ഥാനങ്ങളും ശക്തമായിരുന്ന സമയത്താണ് കാത്തലിക് ലേബർ അസ്സോസിയേഷൻ (CLA) പ്രവർത്തനം സജീവമായത്. കത്തോലിക്കാ സഭയുടെ സാമൂഹ്യബോധനങ്ങൾ അടിസ്ഥാനമാക്കി തൊഴിലാളികളുടെ അവകാശസംരക്ഷണവും നൈതിക–ആത്മീയ വളർച്ചയും ലക്ഷ്യമാക്കി CLA പ്രവർത്തിച്ചു. ആശംസകൾ, സാഹിത്യ സൃഷ്ടികൾ, തൊഴിലാളി സംബന്ധമായ ലേഖനങ്ങൾ, പരസ്യങ്ങൾ എന്നിവയാണ് സ്മരണികയിലെ ഉള്ളടക്കം.

സ്മരണികയിലെ 15,16, 76,77 പേജുകൾ കാണുന്നില്ല. പക്ഷെ ലേഖനങ്ങളുടെ തുടർച്ച നഷ്ടപ്പെട്ടിട്ടില്ലാത്തതിനാൽ പേജ് നംബർ അച്ചടിക്കുമ്പോൾ വന്ന പിശകായിരിക്കാം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

പേര്: കാത്തലിക് ലേബർ അസ്സോസിയേഷൻ സോവനീർ
പ്രസിദ്ധീകരണ വർഷം: 1959
താളുകളുടെ എണ്ണം: 89
അച്ചടി: St. Joseph’s Press, Elthuruth
സ്കാൻ ലഭ്യമായ ഇടം: കണ്ണി

ലോകചരിത്രം ഒന്നാം ഭാഗം നാലാം ഫാറം

കൊച്ചി പാഠക്രമം അനുസരിച്ച് നാലാം ഫാറത്തിലേക്ക് രചിക്കപ്പെട്ട ലോകചരിത്രം ഒന്നാം ഭാഗം നാലാം ഫാറം എന്ന കൃതിയുടെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

**lokacharithram-onnam-bhagam-nalam-forum**

ആദിയിൽ പ്രപഞ്ചം ഉണ്ടായതുമുതൽ, നവീന ശിലായുഗം, ഈജിപ്ത് സംസ്ക്കാരം, ഇന്ത്യ പ്രാചീന പരിഷ്ക്കാരം ഇങ്ങനെ, 53 ചെറു അദ്ധ്യായങ്ങളിലായി രചിക്കപ്പെട്ട ഒരു ചെറു പുസ്തകം ആണ് ഇത്.

ഡൊമനിക്ക് നെടും‌പറമ്പിൽ ആണ് ഈ പുസ്തകം ഡിജിറ്റൈസേഷനായി ലഭ്യമാക്കിയത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: ലോകചരിത്രം ഒന്നാം ഭാഗം നാലാം ഫാറം
രചന : ടി.എസ്. ഭാസ്കർ
താളുകളുടെ എണ്ണം: 262
അച്ചടി: Vidyavilasini Press, Trichur
സ്കാനുകൾ ലഭ്യമായ താൾ: കണ്ണി

1952 – ഐതിഹ്യമുക്താവലി – ടി.എസ്. അനന്തസുബ്രഹ്മണ്യം

1952 – ൽ പ്രസിദ്ധീകരിച്ച, ടി.എസ്. അനന്തസുബ്രഹ്മണ്യം എഴുതിയ ഐതിഹ്യമുക്താവലി എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മലബാർ പ്രദേശത്തുള്ള ചില ആരാധനാസ്ഥലങ്ങളുടേയും മറ്റും ഐതിഹ്യകഥകളാണ് ഈ പുസ്തകത്തിലുള്ളത്. കൊട്ടാരത്തിൽ ശങ്കുണ്ണിയുടെ കൃതികളിൽ നിന്ന് പ്രചോദനം ഉൾക്കൊണ്ടിട്ടാണ് ഗ്രന്ഥകാരൻ ഐതിഹ്യരചന തുടങ്ങിയത് എന്ന് വിശദമാക്കുന്നുണ്ട്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

പേര്: ഐതിഹ്യമുക്താവലി
പ്രസിദ്ധീകരണ വർഷം: 1952
അച്ചടി: സാഹിത്യനിലയം പ്രസ്സ് ,കലൂർ , എറണാകുളം
താളുകളുടെ എണ്ണം: 64
സ്കാൻ ലഭ്യമായ ഇടം: കണ്ണി

1957 – പൗരസ്ത്യ സഭയുടെ വിശ്വാസവിശദീകരണം

1957-ൽ പ്രസിദ്ധീകരിച്ച, പൗരസ്ത്യ സഭയുടെ മാർ തിമാഥിയൂസ് പ്രഥമൻ പാത്രിയാർക്കീസ് തിരുമേനിയുടെ വിശ്വാസവിശദീകരണം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മലങ്കര പൗരസ്ത്യ (സിറിയൻ) സഭയുടെ ചരിത്രത്തിലെ പ്രമുഖ ആത്മീയ–സഭാനേതാവായിരുന്ന മാർ തിമാഥിയൂസ് പാത്രിയാർക്കീസ് പ്രഥമൻ തിരുമേനിയും മുസ്ലീമുകളുടെ കാലിഫ് ആയ മാദി (Al-Mahdi)യും തമ്മിലുള്ള സംവാദത്തിൻ്റെ വിശദാംശങ്ങളാണ് പുസ്തകത്തിൻ്റെ ഉള്ളടക്കം.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: പൗരസ്ത്യ സഭയുടെ വിശ്വാസവിശദീകരണം
പ്രസിദ്ധീകരണ വർഷം: 1957
താളുകളുടെ എണ്ണം: 127
അച്ചടി: Mar Narsai Press
സ്കാൻ ലഭ്യമായ ഇടം: കണ്ണി

അയ്യപ്പൻവിളക്ക് – കാണിപ്പാട്ട് സഹിതം – ഗോവിന്ദനാശാൻ

ഗോവിന്ദനാശാൻ എഴുതിയ അയ്യപ്പൻവിളക്ക് – കാണിപ്പാട്ട് സഹിതം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അയ്യപ്പസ്വാമിക്ക് ഏറ്റവും ഇഷ്ടപ്പെട്ട വഴിപാടായി സ്വാമിഭക്തന്മാർ ഗണിച്ചുവരുന്ന ചടങ്ങാണ് അയ്യപ്പൻവിളക്ക്. ഈ ചടങ്ങ് വീടുകളിലും ക്ഷേത്രങ്ങളിലും മറ സൗകര്യമുള്ള സ്ഥലങ്ങളിലും വെച്ച് നടത്തിവരുന്നു. ഇതിൻ്റെ സമ്പ്രദായങ്ങൾ പലയിടത്തും വ്യത്യസ്തമാണ്. കേരളത്തിൻ്റെ ഓരോ ഭാഗത്തിലും ഓരോ വിധത്തിലും ഇത് നടത്തിവരുന്നു. അയ്യപ്പൻവിളക്കിൽ ഏറ്റവും പ്രധാനം അയ്യപ്പൻ പാട്ടാണ്. ആ ചടങ്ങിൽ ആലപിക്കുന്ന ഗാനങ്ങളും ചടങ്ങിന് ആവശ്യമായ വസ്തുക്കളും ഈ ഗ്രന്ഥത്തിൽ വിവരിച്ചിരിക്കുന്നു.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പേര്: അയ്യപ്പൻവിളക്ക് – കാണിപ്പാട്ട് സഹിതം
അച്ചടി: മാതാപിതാ പ്രസ്സ്, ഗുരുവായൂർ.
താളുകളുടെ എണ്ണം: 112
സ്കാൻ ലഭ്യമായ ഇടം: കണ്ണി