ഗ്രന്ഥപ്പുര (Granthappura) blog

1943 – ൽ പ്രസിദ്ധീകരിച്ച, എൻ. കുമാരനാശാൻ എഴുതിയ ബാലരാമായണം അയോദ്ധ്യാകാണ്ഡം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

മഹാകവി കുമാരനാശാൻ മലയാളസാഹിത്യത്തിലെ ഒരു കവിയും ഇന്ത്യൻ സാമൂഹികപരിഷ്കർത്താവും ആയിരുന്നു. കേരളത്തിലെ ത്രിമൂർത്തികവികളിൽ ഒരാളും ശ്രീ നാരായണ ഗുരുവിൻ്റെ ശിഷ്യനുമാണ് അദ്ദേഹം. ബാലരാമായണം എന്ന ഈ പുസ്തകം അദ്ദേഹം കുട്ടികൾക്കായി വ്യത്യസ്തമായ രീതിയിലാണ് ഇവിടെ അവതരിപ്പിച്ചിരിക്കുന്നത്. ഇതിഹാസത്തിൻ്റെ പ്രമേയത്തെയും കഥാപാത്രങ്ങളെയും വളരെ ലളിതമായ രീതിയിൽ യുവപ്രേക്ഷകരിലേക്ക് ധാർമ്മികത നിലനിർത്തികൊണ്ട് തന്നെ അവതരിപ്പിക്കാൻ അദ്ദേഹം ശ്രമിച്ചിട്ടുണ്ട്.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

• പേര് : ബാലരാമായണം അയോദ്ധ്യാകാണ്ഡം
• രചയിതാവ് : എൻ. കുമാരനാശാൻ
• പ്രസിദ്ധീകരണ വർഷം : 1943
• താളുകളുടെ എണ്ണം : 44
• അച്ചടി : S.R. Press, Thiruvananthapuram.
• സ്കാനുകൾ ലഭ്യമായ താൾ : കണ്ണി

1962 – ൽ പ്രസിദ്ധീകരിച്ച, കെ. എസ്സ്. നായർ എഴുതിയ മുഖം കണ്ടാലറിയാം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1962-മുഖം കണ്ടാലറിയാം

ചരിത്രസംബന്ധികളായ നോവലുകൾ എഴുതിയിട്ടുള്ള കെ. എസ്സ്. നായർ, സുഹൃത്തുക്കളുമായുള്ള സംഭാഷണമദ്ധ്യേ ഒരു നാടകമെഴുതിക്കൂടേ എന്ന അവരുടെ ചോദ്യം ഉള്ളിൽ തറച്ചുണ്ടായ ആഗ്രഹത്തിൽ എഴുതിയ നാടകമാണ് മുഖം കണ്ടാലറിയാം. ഒരു വ്യക്തിയുടെ മുഖം നോക്കിയാൽ അവൻ്റെ ഉള്ളു മനസിലാക്കാം എന്ന് പറയുന്നു. കപടതയും, കപടനായ മനുഷ്യനും അവർക്കു ചുറ്റുമുള്ള സാമൂഹിക അവസ്ഥകളും ആഴത്തിൽ പ്രതിപാദിക്കുന്നു. നാടകത്തിലെ കഥാപാത്രങ്ങൾ ഒരു സമൂഹത്തിൻ്റെ വിവിധ തലങ്ങളിൽ നിന്നുള്ളവരാണ്. അധികാര ലോലുപത, കപട സദാചാരം,വ്യാജമായ ബഹുമാനം എന്നിവയെ നാടകത്തിൽ പ്രതിരോധിക്കപ്പെടുന്നു. പ്രേക്ഷകനെ ചിരിപ്പിക്കുകയും, ചിന്തിപ്പിക്കുകയും, ചിലപ്പോൾ കരയിപ്പിക്കുകയും ചെയ്യുന്ന നാടകം 1960-കളിലെ സാമൂഹിക രാഷ്ട്രീയ സാഹചര്യങ്ങളുടെ പ്രതിഫലനമാണ്.

ഈ പുസ്തകത്തിൻ്റെ മുൻ-പിൻ കവറുകൾ നഷ്ടപ്പെട്ടിരിക്കുന്നു

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

• പേര്: മുഖം കണ്ടാലറിയാം
• രചയിതാവ്: കെ. എസ്സ്. നായർ
• താളുകളുടെ എണ്ണം:148
• സ്കാൻ ലഭ്യമായ ഇടം: കണ്ണി

1937-ൽ പ്രസിദ്ധീകരിച്ച, സി. വി. കുഞ്ഞുരാമൻ എഴുതിയ ഒരു നൂറ്റാണ്ടിനു മുൻപ്  എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

നൂറ്റാണ്ടുകൾക്കു മുൻപ് നടന്ന ശാസ്താം കോവിൽ എന്ന ക്ഷേത്രത്തിലെ ഉത്സവകാലവും ആ ക്ഷേത്രത്തിലെ ആചാരങ്ങളും ആണ് ഈ പുസ്തകത്തിലുള്ളത്. ക്ഷേത്രത്തിൻ്റെ അവകാശികൾ അഞ്ചു കുടുംബങ്ങളാണ്. അവർ ചാന്നാട്ടികൾ, ചാന്നാന്മാർ എന്ന് അറിയപ്പെടുന്നു.

തൊണ്ണൂറ്റിയാറ് കൊല്ലം മുൻപ് ക്ഷേത്രോത്സവത്തിൻ്റെ ഭാഗമായി നടന്ന വിളക്കെടുപ്പു എന്ന ആചാരത്തിനിടയിൽ മൂന്നുപേർ ഒരു പ്രണയ കഥയുടെ പൂർവ വൃത്താന്തങ്ങൾ ഓർത്തു പറഞ്ഞു രസിക്കുമ്പോൾ രഹസ്യമായി നിന്നു കേട്ടതിൻ്റെ ഓർമ്മയാണ് സി.വി. കുഞ്ഞുരാമൻ ഒരു ചെറുകഥയായി ഈ പുസ്തകത്തിൽ പറയുന്നത്.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര് : ഒരു നൂറ്റാണ്ടിനു മുൻപ്
• രചന :സി. വി. കുഞ്ഞുരാമൻ
• പ്രസിദ്ധീകരണ വർഷം : 1937
• താളുകളുടെ എണ്ണം : 18
  
• സ്കാൻ ലഭ്യമായ ഇടം : കണ്ണി

1949 – ൽ പ്രസിദ്ധീകരിച്ച, ചങ്ങമ്പുഴ കൃഷ്ണപിള്ള രചിച്ച രാഗപരാഗം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

മലയാള കാവ്യശാഖയിലെ കാല്പനികകവിയായിരുന്നു ചങ്ങമ്പുഴ. ഭാവാത്മകവും മനുഷ്യവികാരങ്ങളോട് ഏറ്റവും അടുത്തു നിൽക്കുന്നവയുമാണ് അദ്ദേഹത്തിൻ്റെ മിക്ക കവിതകളും. അത്തരത്തിലുള്ള പതിനെട്ടു കവിതകളാണ് ഈ പുസ്തകത്തിൽ ഉള്ളത്

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു.

• പേര്: രാഗപരാഗം
• രചയിതാവ്: Changampuzha Krishnapilla
• പ്രസിദ്ധീകരണ വർഷം: 1949
• താളുകളുടെ എണ്ണം: 80
• അച്ചടി:  Mangalodayam Press, Trichur
• സ്കാൻ ലഭ്യമായ ഇടം: കണ്ണി