Category: Kottayam Public Library

1957 – ൽ പ്രസിദ്ധീകരിച്ച, മേപ്രത്ത് എം. ജോസഫ് വിവർത്തനം ചെയ്ത ദിവ്യ ന്യായാധിപൻ അഥവാ ലോകാവസാനവും അന്തിക്രിസ്തുവും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പ്രസിദ്ധ മിഷനറി വൈദികനായ റോബർട്ടോ ഡി നോബിലി തമിഴ് ഭാഷയിൽ എഴുതിയ ഒരു വിശിഷ്ട കൃതിയുടെ വിവർത്തനമാണ് ഈ ഗ്രന്ഥം. ചങ്ങനാശ്ശേരി രൂപത മെത്രാൻ മാർ മാത്യു കാവുകാട്ടിൻ്റെ മെത്രാപ്പോലീത്ത സ്ഥാനലബ്ധി സ്മാരകമായി പ്രസിദ്ധപ്പെടുത്തിയ ഗ്രന്ഥമാണിത്. വിശുദ്ധ യോഹന്നാൻ്റെ വെളിപാടിൽ പരാമർശിച്ചിരിക്കുന്ന അന്തിക്രിസ്തുവിനെ കുറിച്ചുള്ള പഠനമാണ് ഈ പുസ്തകത്തിൻ്റെ പ്രധാന വിഷയം. ലോകാവസാനത്തെയും പൊതുവിധിയെയും കുറിക്കുന്ന പരാമർശങ്ങളുടെ അപഗ്രഥനവും ഈ പുസ്തകത്തിൽ അടങ്ങിയിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ദിവ്യ ന്യായാധിപൻ അഥവാ ലോകാവസാനവും അന്തിക്രിസ്തുവും
• പ്രസിദ്ധീകരണ വർഷം: 1957
• അച്ചടി: സെൻ്റ് ജോസഫ്സ് പ്രസ്സ്, മാന്നാനം
• താളുകളുടെ എണ്ണം: 133
• സ്കാൻ ലഭ്യമായ ഇടം: കണ്ണി

1866 – ൽ പ്രസിദ്ധീകരിച്ച, യൌസേപ്പു ബുത്ലർ രചിച്ച ബോധജ്ഞാനകവും ദത്തജ്ഞാനകവുമായ വേദമാർഗ്ഗത്തിന്നു പ്രപഞ്ചനിബന്ധനത്തോടും മാർഗ്ഗത്തോടുമുള്ള സംയുക്തി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

പാശ്ചാത്യ ചിന്തകനും ദൈവശാസ്ത്രജ്ഞനുമായ ഫാദർ ജോസഫ് ബട്ലർ  രചന നിർവഹിച്ച തത്വചിന്താപരമായ കൃതിയുടെ മലയാളം പരിഭാഷയാണ് ഇത്. ഈ പുസ്തകത്തിൽ വിശ്വാസവും യുക്തിചിന്തയും തമ്മിലുള്ള സംഘർഷങ്ങളെ അടയാളപ്പെടുത്തുന്നു. ചിന്താധാരകൾ പലവിധത്തിൽ ഉണ്ട്. വേദമാർഗം പ്രപഞ്ചത്തിൻ്റെ സൃഷ്ടാവിൽ നിന്ന് ഉത്ഭവിച്ചിരിക്കുന്നതാണ് എന്ന് വിശ്വസിക്കുന്നവർ പ്രപഞ്ചത്തിലുള്ള എല്ലാത്തരം പ്രയാസങ്ങളും ആ മാർഗത്തിലും ഉണ്ടാകും എന്ന് കരുതുന്നു. എന്നാൽ ഇതേ വാദത്തിൻ്റെ മറുപക്ഷവും നിലനിൽക്കുന്നു.

പ്രപഞ്ച മാർഗത്തിൽ കാണുന്ന പ്രയാസങ്ങൾ കാരണം വേദവാക്യം ദൈവവാക്യം അല്ല എന്നും പ്രപഞ്ചം ഈശ്വരൻ സൃഷ്ടിച്ചതല്ല എന്നും മറുപക്ഷം വാദിക്കുന്നു. എന്നാൽ വേദവാക്യം വെളിപ്പെടുത്തുന്ന മാർഗവും പ്രപഞ്ചരീതിയെ കുറിച്ചുള്ള ബുദ്ധിയും പരിജ്ഞാനവും തമ്മിൽ യുക്തമായ ചേർച്ച ഉണ്ടായാൽ പ്രപഞ്ചസൃഷ്ടിക്ക് പിന്നിൽ ഒരു ശക്തിയുണ്ട് എന്ന് ഉറപ്പിക്കാൻ സാധിക്കും. ഇങ്ങനെ തികച്ചും വ്യത്യസ്തമായ ആശയങ്ങളിൽ അധിഷ്ഠിതമായ ഒരു താരതമ്യ പഠനമാണ് ഈ പുസ്തകത്തിൽ വിഷയമാകുന്നത്. മാത്തൻ ഗീവർറുഗീസ് പാദ്രിയാണ് ഈ പുസ്തകം മലയാളത്തിലേക്ക് പരിഭാഷപ്പെടുത്തിയത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ബോധജ്ഞാനകവും ദത്തജ്ഞാനകവുമായ വേദമാർഗ്ഗത്തിന്നു പ്രപഞ്ചനിബന്ധനത്തോടും മാർഗ്ഗത്തോടുമുള്ള സംയുക്തി
• പ്രസിദ്ധീകരണ വർഷം: 1866
• അച്ചടി: ചർച്ച് മിഷൻ പ്രസ്സ് , കോട്ടയം
• താളുകളുടെ എണ്ണം: 131
• സ്കാൻ ലഭ്യമായ ഇടം: കണ്ണി

1938 – ൽ പ്രസിദ്ധീകരിച്ച, ബ്രദർ ലിയോപ്പോൾഡ് ടി.ഒ.സി.ഡി. രചിച്ച കേരളത്തിലെ ലത്തീൻ ക്രിസ്ത്യാനികൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ഇന്ത്യൻ ഹയറാർക്കി സുവർണ്ണ ജൂബിലി സുവനീറായി പ്രസിദ്ധീകരിക്കപ്പെട്ട ഗ്രന്ഥമാണ് ഇത്. ബ്രദർ ലിയോപ്പോൾഡ് ടി.ഒ.സി.ഡി. രചിച്ച ഈ ഗ്രന്ഥത്തിൽ കേരളത്തിലെ ലത്തീൻ ക്രിസ്ത്യാനികളുടെ ചരിത്രമാണ് വിവരിക്കുന്നത്. ​മലബാറിലെ തദ്ദേശീയ ക്രിസ്ത്യൻ സഭകളുടെ ചരിത്രത്തിലെ ഒരു പ്രധാന വിടവ് നികത്തുന്നതാണ് ലത്തീൻ ക്രിസ്ത്യാനികളെക്കുറിച്ചുള്ള ബ്രദർ ലിയോപോൾഡിൻ്റെ ഈ ഗ്രന്ഥം.

അഭിപ്രായ ഭിന്നതകളും സാമൂഹികമായ അന്തരങ്ങളും സമുദായ തർക്കങ്ങളും കാരണം മലബാറിലെ പുരാതന ക്രിസ്ത്യൻ സഭയുടെ തുടർച്ചയെയും ചരിത്രപരമായ പ്രാധാന്യത്തെയും ശരിയായി വിലയിരുത്തുന്നതിന് ദീർഘകാലമായി തടസ്സം നേരിട്ടിരുന്നു. അപ്രകാരമുള്ള പരിമിതികൾക്ക് ഒരു പരിഹാരമാണ് ഈ പുസ്തകം. ക്രിസ്ത്വബ്ധം പതിമൂന്നും പതിനാലും ശതകങ്ങളിൽ കേരളത്തിൽ ലത്തീൻ പള്ളികളും ലത്തീൻ രൂപതയും ഉണ്ടായിരുന്നതായി രേഖകൾ കണ്ടെത്താൻ കഴിഞ്ഞിട്ടുണ്ട്. എങ്കിലും പതിനാറാം നൂറ്റാണ്ടിൽ പോർച്ചുഗീസുകാരുടെ ആഗമനത്തോടുകൂടിയാണ് ലത്തീൻ റീത്തിന് ഇവിടെ പ്രതിഷ്ഠയും പ്രചാരവും ലഭിക്കുന്നത്.

പോർച്ചുഗീസുകാരുടെ വരവിന് മുൻപുള്ള ക്രിസ്ത്യാനികളുടെ സ്ഥിതിയും പോർച്ചുഗീസുകാരുമായി ഐക്യം സ്ഥാപിച്ചതിനു ശേഷമുള്ള സാഹചര്യങ്ങളും വിശദമായി ഈ ഗ്രന്ഥത്തിൽ വിവരിച്ചിരിക്കുന്നു. പൂർവ്വ ക്രൈസ്തവർ ലത്തീൻ രീതി സ്വീകരിച്ചിരുന്നു എന്നതിൻ്റെ തെളിവുകൾ ഈ ഗ്രന്ഥത്തിൽ അവതരിപ്പിക്കപ്പെടുന്നു. വാണിജ്യ ബന്ധങ്ങളും ആചാരങ്ങളും നടപടികളും എല്ലാം ഈ പുസ്തകത്തിൽ ചർച്ച ചെയ്യപ്പെടുന്നു. അതോടൊപ്പം ലത്തീൻ റീത്തിൻ്റെ അപചയത്തിനുള്ള കാരണങ്ങളും ചരിത്രകാരന്മാരുടെ തെറ്റിദ്ധാരണകളും വ്യാഖ്യാനങ്ങളും അബദ്ധപ്രസ്താവനകളും ഉൾപ്പെടെ വിശദമായി ഈ ഗ്രന്ഥത്തിൽ പ്രതിപാദിച്ചിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കേരളത്തിലെ ലത്തീൻ ക്രിസ്ത്യാനികൾ
• പ്രസിദ്ധീകരണ വർഷം: 1938
• അച്ചടി: ചെറുപുഷ്പമുദ്രാലയം, മഞ്ഞുമ്മെൽ
• താളുകളുടെ എണ്ണം: 447
• സ്കാൻ ലഭ്യമായ ഇടം: കണ്ണി

1968-ൽ പ്രസിദ്ധീകരിച്ച, തെങ്കൈലനാഥോദയം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

കൊച്ചി മലയാള ഭാഷാപരിഷ്കരണക്കമ്മിറ്റി ശ്രീരാമഗ്രന്ഥാവലി സീരീസിൽ 38-മതായി പുറത്തിറക്കിയ ചമ്പൂ പ്രബന്ധമാണ് തെങ്കൈലനാഥോദയം. സംസ്കൃതവും മലയാളവും ഇടകലർത്തിയെഴുതുന്ന മണിപ്രവാളശൈലിയിലാണ് ഇതിൻ്റെ രചന. ചാക്യാന്മാർ കൂത്തു പറയുന്നതിന് ചമ്പൂകാവ്യങ്ങൾ ഉപയോഗിച്ചിരുന്നു എന്ന് ഒരു വാദമുണ്ട്. പ്രബന്ധം പറയാൻ ഉപയോഗിച്ചിരുന്നതു കൊണ്ടാവണം ചമ്പൂപ്രബന്ധം എന്ന് പറഞ്ഞു വരുന്നത്. തൃശ്ശൂർ വടക്കുന്നാഥക്ഷേത്രത്തിലെ മൂലപ്രതിഷ്ഠയുടെ വർണ്ണനയാണ് ഇതിലെ വിഷയം. കൈലൈ എന്ന് പ്രാചീനമലയാളത്തിൽ കൈലാസത്തിനു പര്യായമുണ്ട്.  കൈലാസവാസിയായ ശിവൻ താമസിക്കുന്ന ഇടമായതുകൊണ്ട് തെക്കൻ കൈലാസമെന്ന അർത്ഥത്തിലാണ് തെങ്കൈല എന്ന പ്രയോഗം.

ശ്രീനീലകണ്ഠകവിയാണ് ഈ കൃതി രചിച്ചത്. കൃതിയുടെ രചനാകാലത്തെപ്പറ്റിയുള്ള സൂചന മാത്രമേ പുസ്തകത്തിലുള്ളൂ. 1591 മുതൽ 1615 വരെ ഭരിച്ചിരുന്ന വീരകേരളവർമ്മത്തമ്പുരാൻ്റെ ആശ്രിതനായിരുന്നു കവി. സാമൂതിരിയുമായുള്ള യുദ്ധത്തിനു പോവുകയായിരുന്ന രാജാവ് ശിവരാത്രിദിവസം ത്രിശ്ശിവപേരൂർ ക്ഷേത്രം സന്ദർശിക്കുകയും അവിടെ സന്നിഹിതനായിരുന്ന ശ്രീ നീലകണ്ഠകവിയോട് തെങ്കൈലനാഥൻ്റെ പ്രതിഷ്ഠയെ വർണ്ണിച്ച് കാവ്യം രചിക്കാൻ ആവശ്യപ്പെടുകയും ചെയ്തതിൻ്റെ ഫലമാണ് ഈ ചമ്പൂകാവ്യം. 16-17 നൂറ്റാണ്ടിലെ കേരളീയ സമൂഹത്തിൻ്റെ ചലനചിത്രം ഈ മണിപ്രവാളചമ്പുവിലെ വർണ്ണനകളിൽ നിന്നും ലഭിക്കുന്നതുകൊണ്ട് ഇതിൻ്റെ ചരിത്രപ്രാധാന്യം സ്പഷ്ടമാണ്. മഹാകവി ഉള്ളൂർ എസ്. പരമേശ്വരയ്യർ ആണ് ഈ കൃതിക്ക് വിശദമായ അവതാരിക എഴുതിയിട്ടുള്ളത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: തെങ്കൈലനാഥോദയം
• പ്രസിദ്ധീകരണ വർഷം: 1968
• അച്ചടി:  The Prabuddhakeralam Press, Thrissur
• താളുകളുടെ എണ്ണം: 138
• സ്കാൻ ലഭ്യമായ ഇടം: കണ്ണി

1949 – ൽ പ്രസിദ്ധീകരിച്ച, സി.കെ. സബാസ്റ്റ്യൻ രചിച്ച കേശത്യാഗം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

സാമൂഹ്യപ്രസക്തമായ ഒരു ലഘു നോവലാണ് കേശത്യാഗം. മറ്റുള്ളവരുടെ താല്പര്യപ്രകാരം കന്യാമഠത്തിൽ ചേരേണ്ടി വന്ന മേരിക്കുട്ടിയുടെ കഥയാണിത്. മേരിക്കുട്ടിയുടെ ആത്മസംഘർഷങ്ങളും ആശാഭംഗങ്ങളും ഈ ചെറു നോവലിൽ ഹൃദ്യമായി അവതരിപ്പിച്ചിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: കേശത്യാഗം
• പ്രസിദ്ധീകരണ വർഷം: 1949
• അച്ചടി: ഭാരതവിലാസം അച്ചുകൂടം, തൃശ്ശിവപേരൂർ
• താളുകളുടെ എണ്ണം: 25
• സ്കാൻ ലഭ്യമായ ഇടം: കണ്ണി

1952 – ൽ പ്രസിദ്ധീകരിച്ച, കുലശേഖരരാജ രചിച്ച മുകുന്ദമാലാ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

വിഷ്ണുസ്തോത്ര കാവ്യമാണ് മുകുന്ദമാല. സംസ്കൃത ഭാഷയിലുള്ള ഈ ഗ്രന്ഥം ശ്രീവൈഷ്ണവന്മാർ നിത്യപാരായണത്തിന് ഉപയോഗിക്കുന്നു. എ.ഡി. എട്ടാം നൂറ്റാണ്ടില്‍ ജീവിച്ചിരുന്ന ചേര ചക്രവര്‍ത്തിയായ കുലശേഖര രാജാവാണ് ഈ കൃതിയുടെ രചന നടത്തിയത്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: മുകുന്ദമാലാ
• പ്രസിദ്ധീകരണ വർഷം: 1952
• അച്ചടി: ഗീതാ പ്രസ്സ്, തൃശൂർ.
• താളുകളുടെ എണ്ണം: 21
• സ്കാൻ ലഭ്യമായ ഇടം: കണ്ണി

1964 – ൽ പ്രസിദ്ധീകരിച്ച, ജ്ഞാനാനന്ദ സരസ്വതി വ്യാഖ്യാനം തയ്യാറാക്കിയ അഷ്ടാവക്രഗീത എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

വേദാന്തശാസ്ത്രത്തിലെ ശേഷ്ഠമായ ഗ്രന്ഥങ്ങളിലൊന്നാണ് അഷ്ടാവക്രഗീത അഥവാ അഷ്ടാവക്രസംഹിത. അഷ്ടാവക്രമഹർഷിയും ജനക മഹാരാജാവും തമ്മിൽ നടന്നതായി കരുതപ്പെടുന്ന ആധ്യാത്മിക ചർച്ചകൾ ഉൾക്കൊള്ളുന്ന ഒരു അദ്വൈത വേദാന്തകൃതിയാണിത്. അനുഷ്ടുപ്പു വൃത്തത്തിൽ 298 ശ്ലോകങ്ങളുള്ള ഈ ഗ്രന്ഥം 20 അധ്യായങ്ങളായി വിഭജിക്കപ്പെട്ടിരിക്കുന്നു.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: അഷ്ടാവക്രഗീത
• പ്രസിദ്ധീകരണ വർഷം: 1964
• അച്ചടി: ഗീതാ പ്രസ്സ്, തൃശൂർ
• താളുകളുടെ എണ്ണം: 227
• സ്കാൻ ലഭ്യമായ ഇടം: കണ്ണി

1967 – ൽ പ്രസിദ്ധീകരിച്ച, കേശവരു് വാസുദേവരു് രചിച്ച ജലന്ധരാസുരവധം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

വീരരസത്തിന് പ്രാധാന്യം നൽകിക്കൊണ്ട് രചിക്കപ്പെട്ട ആട്ടക്കഥയാണ് ജലന്ധരാസുരവധം. അലങ്കാര ഭ്രമം താരതമ്യേന കുറവായ ഈ കൃതിയിൽ സംസ്കൃത ഭാഷയോടുള്ള താൽപര്യം പ്രകടമാണ്. കൽപ്പക ലൈബ്രറി സീരീസിൻ്റെ ഭാഗമായി പ്രസിദ്ധീകരിക്കപ്പെട്ട ആട്ടക്കഥയാണ് ജലന്ധരാസുരവധം.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ജലന്ധരാസുരവധം
• പ്രസിദ്ധീകരണ വർഷം: 1967
• അച്ചടി: സെൻ്റ് ജോസഫ്സ് പ്രസ്സ്, തിരുവനന്തപുരം
• താളുകളുടെ എണ്ണം: 46
• സ്കാൻ ലഭ്യമായ ഇടം: കണ്ണി

1965 – ൽ പ്രസിദ്ധീകരിച്ച, കെ. ദാമോദരൻ രചിച്ച ധാർമ്മിക മൂല്യങ്ങൾ എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

ധാർമ്മിക മൂല്യങ്ങളുടെ പ്രാധാന്യം ചർച്ച ചെയ്യുന്ന ലേഖനങ്ങളാണ് ഈ പുസ്തകത്തിൽ ഉള്ളത്. ധാർമ്മിക മൂല്യങ്ങൾക്ക് സാമൂഹ്യ വ്യവസ്ഥകളെ വളരെ നന്നായി സ്വാധീനിക്കാൻ സാധിക്കുമെന്ന് ഉദാഹരണങ്ങളിലൂടെ ഈ പുസ്തകത്തിൽ വ്യക്തമാക്കുന്നു. ധാർമ്മിക മൂല്യങ്ങളുടെ തകർച്ചയ്ക്കുള്ള കാരണങ്ങളും ഫലങ്ങളും കൂടി ഈ ഗ്രന്ഥത്തിൽ വിവരിക്കുന്നുണ്ട്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: ധാർമ്മിക മൂല്യങ്ങൾ
• പ്രസിദ്ധീകരണ വർഷം: 1965
• അച്ചടി: അജന്ത പ്രിൻ്ററി, എറണാകുളം
• താളുകളുടെ എണ്ണം: 91
• സ്കാൻ ലഭ്യമായ ഇടം: കണ്ണി

1960 – ൽ പ്രസിദ്ധീകരിച്ച, പി.കെ. കുഞ്ഞുബാവ മുസ്‌ലിയാർ രചിച്ച പ്രവാചകപ്രഭുവും നാലു ഖലീഫമാരും എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

അന്ത്യപ്രവാചകനായ മുഹമ്മദ് നബിയുടെയും അദ്ദേഹത്തിൻ്റെ അനുഗ്രഹീതശിഷ്യന്മാരായ ആദ്യഖലീഫമാരുടെയും ചരിത്രമാണ് ഈ പുസ്തകത്തിൽ വിവരിക്കുന്നത്. പ്രവാചക ചരിത്രം വിഷയമാക്കിയ പ്രധാന അറബി ഗ്രന്ഥങ്ങളെ ആശ്രയിച്ചാണ് ഈ പുസ്തകം രചിച്ചിരിക്കുന്നത്. മുൻപ് നടന്നിട്ടുള്ള വിവർത്തന ശ്രമങ്ങളുടെ ന്യൂനതകൾ പരിഹരിക്കാൻ ഈ കൃതിയ്ക്ക് സാധിച്ചിട്ടുണ്ട്.

കോട്ടയം പബ്ലിക്ക് ലൈബ്രറി ഡിജിറ്റൈസേഷൻ പദ്ധതിയിൽ നിന്നുള്ള സ്കാൻ ആണിത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

പുസ്തകത്തിൻ്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും താഴെ കൊടുത്തിരിക്കുന്നു.

• പേര്: പ്രവാചകപ്രഭുവും നാലു ഖലീഫമാരും
• പ്രസിദ്ധീകരണ വർഷം: 1960
• അച്ചടി: ഭാരതവിലാസം പ്രസ്സ്, തൃശൂർ
• താളുകളുടെ എണ്ണം: 295
• സ്കാൻ ലഭ്യമായ ഇടം: കണ്ണി