Category: Ayathil Sahithya Vilasini

1934-ൽ പ്രസിദ്ധീകരിച്ച, ഗലീലിയോ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

നവീനശാസ്ത്രനായകന്മാർ എന്ന സീരീസിലെ ഒന്നാമത്തെ പുസ്തകം ആണ് ഇത്. ശാസ്ത്രത്തെയും ശാസ്ത്രജ്ഞന്മാരെയും കുറിച്ച് മലയാളഭാഷ മാത്രം അറിയാവുന്നവർക്കായി തയ്യാറാക്കിയതാണ് ഈ സീരീസിലെ പുസ്തകങ്ങൾ. ശാസ്ത്രത്തിലെ മൗലികതത്വങ്ങൾ, സാങ്കേതികവിദ്യയുടെ വളർച്ച, ശാസ്ത്രജ്ഞന്മാരുടെ ജീവചരിത്രത്തെ സംക്ഷിപ്തമായും ലളിതമായും ആളുകളിലേക്കെത്തിക്കുക എന്നീ ലക്ഷ്യങ്ങൾ മുൻ നിർത്തിയാണ് ഇവ പ്രസിദ്ധീകരിച്ചിട്ടുള്ളത്. ഭൗതികശാസ്ത്രജ്ഞനും, വാന നിരീക്ഷകനും, ജ്യോതിശാസ്ത്രജ്ഞനും, തത്ത്വചിന്തകനുമായ ഗലീലിയോ ഗലീലിയെ കുറിച്ചുള്ളതാണ് ഈ പുസ്തകം. പുസ്തകത്തിൻ്റെ കൈയെഴുത്തുപ്രതി തയ്യാറാക്കിയത് എൻ. രാഘവകുറുപ്പ് ആണ്

ഈ പുസ്തകത്തിൻ്റെ കവർ പേജ് നഷ്ടപ്പെട്ടിരിക്കുന്നു

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

• പേര്: ഗലീലിയോ
• പ്രസിദ്ധീകരണ വർഷം: 1934
• താളുകളുടെ എണ്ണം: 66
• അച്ചടി:Vidhyabhivardhini Press
• സ്കാൻ ലഭ്യമായ ഇടം: കണ്ണി

 

1945 -ൽ പ്രസിദ്ധീകരിച്ച, ഭക്തി ദീപിക എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1945 – ഭക്തി ദീപിക – മഹാകവി ഉള്ളൂർ എസ്. പരമേശ്വരയ്യർ

മഹാകവി ഉള്ളൂരിൻ്റെ  കാവ്യമാണ് ഭക്തിദീപിക അഥവാ ചാത്തൻ്റെ സൽഗതി. ഉള്ളൂർ മലയാലസാഹിത്യത്തിലെ പ്രമുഖകവിയും ആധുനിക കവിത്രയത്തിൽ കാല്പനിക സ്ഥാനം വഹിക്കുകയും ചെയ്തു . ഉമാകേരളം, കേരള സാഹിത്യചരിത്രം എന്നിവയാണ് അദ്ദേഹത്തിൻ്റെ രണ്ടു പ്രധാന കൃതികൾ. കവിയെന്നതിനു പുറമെ സാഹിത്യചരിത്രകാരൻ, ഭാഷാഗവേഷകൻ, തിരുവിതാംകൂർ സർക്കാരിൻ്റെ ഉദ്യോഗസ്ഥൻ എന്നീ നിലകളിൽ ഉള്ളൂർ പേരെടുത്തിരുന്നു.

മാധവാചാര്യരുടെതെന്നു  പറയപ്പെടുന്ന ശങ്കരവിജയം എന്ന പുസ്തകത്തിൽ നിന്നും സംഗ്രഹിച്ചിട്ടുള്ള കാവ്യമാണ് ഭക്തിദീപിക. പദപ്രയോഗങ്ങൾക്കൊണ്ട് സമൃദ്ധമായ ഈ കാവ്യം കഥയിൽ നിന്നും വേറിട്ട്‌ നിൽക്കുന്നില്ലെങ്കിലും ഭക്തിമാർഗം സകലമനുഷ്യനും സഞ്ചരിക്കുന്ന പാതയാണ് എന്ന് പ്രതിപാതിക്കുന്നു.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

• പേര്: ഭക്തി ദീപിക
• രചയിതാവ്: മഹാകവി ഉള്ളൂർ എസ്. പരമേശ്വരയ്യർ
• പ്രസിദ്ധീകരണ വർഷം: 1945
• താളുകളുടെ എണ്ണം: 84
• അച്ചടി: B.V. Book Depot, Trivandrum
• സ്കാൻ ലഭ്യമായ ഇടം: കണ്ണി

 

1967 -ൽ പ്രസിദ്ധീകരിച്ച, കോൺസ്റ്റാൻ്റിൻ ജോർജിയേവിച്ച് പൗസ്തോവ്സ്ക്കി എഴുതിയ പൗസ്തോവ്സ്ക്കിയുടെ തിരഞ്ഞെടുത്ത കഥകൾ എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.ഈ കൃതി പരിഭാഷപ്പെടുത്തിയത് എം. പ്രഭാകരൻ ഉണ്ണിയാണ്.

1967-പൗസ്തോവ്സ്ക്കിയുടെ തിരഞ്ഞെടുത്ത കഥകൾ- കോൺസ്റ്റാൻ്റിൻ ജോർജിയേവിച്ച് പൗസ്തോവ്സ്ക്കി

വിപ്ലവത്തിനു മുമ്പുള്ള കാല്പനിക പാരമ്പര്യത്തെ സോവിയറ്റ് കാലഘട്ടത്തിലേക്ക് നയിച്ച,ചെറുകഥകളിലൂടെ പ്രശസ്തനായ സോവിയറ്റ് ഫിക്‌ഷൻ എഴുത്തുകാരനാണ് പൗസ്റ്റോവ്സ്ക്കി. റഷ്യൻ ഭാഷയിൽ പൗസ്തോവ്സ്ക്കിയുടെ തിരഞ്ഞെടുത്ത കഥകൾ ഒരുസമാന്തരമായി പ്രസിദ്ധപ്പെടുത്തിയിട്ടുണ്ടു്, അതിലെ മികച്ച ആറു കഥകളാണ് റഷ്യൻ ഭാഷയിൽ നിന്നും മലയാളത്തിലേക്കു് വിവർത്തനംചെയ്തിട്ടുള്ള പൗസ്തോവ്സ്ക്കിയുടെ തിരഞ്ഞെടുത്ത കഥകൾ എന്ന ഈ കൃതി. മലയാളിയായ ശ്രീ. മാവത്ത് പ്രഭാകരനുണ്ണി റഷ്യയിൽ എത്തുകയും ഭാഷ അഭ്യസിക്കുകയും,റഷ്യൻ സാഹിത്യം റഷ്യനിൽ പാരായണം
ചെയ്തു് ആസ്വദിക്കുകയും ചെയ്തപ്പോൾ, പുരോഗമന ആശയങ്ങൾ മുന്നോട്ടു വെക്കുന്ന റഷ്യൻ സാഹിത്യം നമ്മുടെ നാടിനും ആവിശ്യമാണ് എന്ന തോന്നലിൽ ആണ് ഈ പുസ്തകം വിവർത്തനം ചെയ്തത്,പ്രഭാത് ബുക്ക് ഹൗസ് ആണ് ഇത് പ്രസിദ്ധീകരിച്ചിരിക്കുന്നത് .

ഈ പുസ്തകത്തിൻ്റെ കവർ പേജ് നഷ്ടപ്പെട്ടിരിക്കുന്നു .

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: പൗസ്തോവ്സ്ക്കിയുടെ തിരഞ്ഞെടുത്ത കഥകൾ
• രചയിതാവ് :കോൺസ്റ്റാൻ്റിൻ ജോർജിയേവിച്ച് പൗസ്തോവ്സ്ക്കി
• മലയാള പരിഭാഷ: എം.പ്രഭാകരൻ ഉണ്ണി
• പ്രസിദ്ധീകരണ വർഷം: 1967
• താളുകളുടെ എണ്ണം: 130
• അച്ചടി: Vahini Printers,Trivandrum
• സ്കാൻ ലഭ്യമായ ഇടം: കണ്ണി

 

1947-ൽ പ്രസിദ്ധീകരിച്ച, കോൺഗ്രസ്സ് ഗീത എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

1885-ലാണ് ഇന്ത്യൻ നാഷണൽ കോൺഗ്രസ്സ് സ്ഥാപിതമായത്. 1885-ൽ ബോംബെയിൽ വെച്ചു നടന്ന ഒന്നാം കോൺഗ്രസ്സ് മുതൽ 1946-ൽ മീററ്റിൽ വെച്ചു നടന്ന അമ്പത്തിനാലാമത് കോൺഗ്രസ്സ് വരെ നടന്ന അധ്യക്ഷപ്രസംഗങ്ങളുടെ സംഗ്രഹമാണ് ഈ പുസ്തകത്തിൽ ഉള്ളത്. സ്വാതന്ത്ര്യലബ്ദിക്കു വേണ്ടിയുള്ള നിതാന്ത പരിശ്രമങ്ങളുടെയും സംഭവബഹുലമായ പ്രക്ഷോഭണ പരിപാടികളുടെയും ചരിത്രം കൂടിയാണ് ഈ ചെറു ഗ്രന്ഥം. കെ പി നാരായണൻ ആണ് ഈ പ്രസംഗങ്ങൾ സമാഹരിച്ചത്

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: കോൺഗ്രസ്സ് ഗീത
• രചയിതാവ് :  കെ. പി നാരായണൻ
• പ്രസിദ്ധീകരണ വർഷം: 1947
• താളുകളുടെ എണ്ണം: 92
• അച്ചടി: B. K. M Press, Alappuzha
• സ്കാൻ ലഭ്യമായ ഇടം: കണ്ണി

1931-ൽ പ്രസിദ്ധീകരിച്ച, തൈയ്ക്കാട്ടു ചന്ദ്രശേഖരൻ നായർ എഴുതിയ പുഷ്പാഞ്ജലി എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

പത്തു കവിതകളാണ് ഈ സമാഹാരത്തിൽ ഉള്ളത്. ഇന്ത്യൻ സ്വാതന്ത്ര്യസമര കാലഘട്ടത്തിൽ രചിക്കപ്പെട്ട ഈ കൃതി സമരരംഗത്ത് നിലകൊള്ളുന്ന രണ്ടു മഹാരഥന്മാരെ കുറിച്ച് -സ്വദേശാഭിമാനി രാമകൃഷ്ണപ്പിള്ള, ഗാന്ധിജി- എഴുതിയിട്ടുള്ളതാകുന്നു.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

• പേര്: പുഷ്പാഞ്ജലി
• രചയിതാവ്:  തൈയ്ക്കാട്ടു ചന്ദ്രശേഖരൻ നായർ
• പ്രസിദ്ധീകരണ വർഷം: 1931
• താളുകളുടെ എണ്ണം: 50
• അച്ചടി: S. V Press, Attingal
• സ്കാൻ ലഭ്യമായ ഇടം: കണ്ണി

 

 

1962-ൽ പ്രസിദ്ധീകരിച്ച, വിനയൻ എഴുതിയ സമരം കഴിഞ്ഞു എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

എട്ട് ചെറുകഥകളാണ് ഈ പുസ്തകത്തിൽ ഉള്ളത്. പുസ്തകത്തിൻ്റെ മുൻ/പിൻ കവറുകൾ നഷ്ടപ്പെട്ടിരിക്കുകയാണ്. ഗ്രന്ഥകാരനെ കുറിച്ചുള്ള കൂടുതൽ വിവരങ്ങൾ പൊതു ഇടത്തിൽ ലഭ്യമല്ല

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

താഴെ പുസ്തകത്തിന്റെ മെറ്റാഡാറ്റയും ഡിജിറ്റൈസ് ചെയ്ത രേഖയിലേക്കുള്ള കണ്ണിയും കൊടുത്തിരിക്കുന്നു. (സ്കാൻ ഓൺലൈനായി വായിക്കാനുള്ള സൗകര്യം ഒരുക്കിയിട്ടുണ്ട്.)

• പേര്:  സമരം കഴിഞ്ഞു
• രചയിതാവ്: വിനയൻ
• പ്രസിദ്ധീകരണ വർഷം: 1962
• താളുകളുടെ എണ്ണം: 136
• അച്ചടി: അരുണോദയം പ്രസ്സ്, വടക്കാഞ്ചേരി
• സ്കാൻ ലഭ്യമായ ഇടം: കണ്ണി

 

1963- ൽ നാലാം ക്ലാസ്സിലെ ഉപയോഗത്തിനായി പ്രസിദ്ധീകരിച്ച , റ്റി .കെ . പത്മനാഭൻ എഴുതിയ അനുദിന വിജ്ഞാനം – Grade IV എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

1963 – അനുദിന വിജ്ഞാനം -Grade IV- റ്റി .കെ . പത്മനാഭൻ

പട്ടണങ്ങളിൽ പണ്ട് കാലത്തു ഉപയോഗിച്ചിരുന്ന ജലവിതരണ സംവിധാനത്തെക്കുറിച്ചും,വിമാനനിർമ്മിതിയുടെ ഉല്പത്തിയെ പറ്റിയും, പഞ്ഞിയുടെ സംസ്ക്കരണത്തെക്കുറിച്ചും, എങ്ങനെയാണു കടലാസ് നിർമ്മാണം, പട്ടുകളുടെയും മറ്റു നാരുകളുടെയും സംസ്ക്കരണം, ബ്ലീച്ചിങ്,മെഴ്സ്റൈസിംഗ് മുതലായവ രീതികൾ എങ്ങനെയാണു ചെയ്യുന്നത്, എങ്ങനെയാണു തണുപ്പിക്കൽ, ആവിയെന്ത്രങ്ങളുടെ പ്രവർത്തനം,സ്ഫോടനസാധനങ്ങളുടെ പരിചയപ്പെടുത്തൽ,നിത്യ ജീവിതത്തിൽ വളരെയധികം ഉപയോഗപ്രദമായ റബ്ബറിൻ്റെ വ്യാവസായിക നിർമ്മിതി,ഇവയെല്ലാം തന്നെ പത്തോളം അദ്ധ്യായങ്ങളിലായി ചിത്രങ്ങൾ സഹിതം വിശദമായി ഈ പുസ്തകത്തിൽ രേഖപ്പെടുത്തിയിരിക്കുന്നു. ഈ പുസ്തകം അച്ചടിച്ചിരിക്കുന്നത് കേരള പ്രസ്സ്,തിരുവനന്തപുരമാണ്.

നമ്മുടെ പഴയപാഠപുസ്തകങ്ങൾ ഡിജിറ്റൈസ് ചെയ്യുന്ന പദ്ധതിയുടെ ഭാഗമായാണ് ഈ പുസ്തകം ഡിജിറ്റൈസ് ചെയ്ത് റിലീസ് ചെയ്യുന്നത്. ആ പദ്ധതിയെ പറ്റിയുള്ള പ്രാഥമികവിവരത്തിന് ഈ പോസ്റ്റ് കാണുക.

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: അനുദിന വിജ്ഞാനം -Grade IV
• രചയിതാവ് : റ്റി .കെ . പത്മനാഭൻ
• പ്രസിദ്ധീകരണ വർഷം: 1963
• താളുകളുടെ എണ്ണം: 108
• അച്ചടി: Kerala Press, Trivandrum.
• സ്കാൻ ലഭ്യമായ ഇടം: കണ്ണി

1983 -ൽ പ്രസിദ്ധീകരിച്ച, ജ്യോർജി ദിമിത്രോവ് എഴുതിയ തിരഞ്ഞെടുത്ത കൃതികൾ – വോള്യം1 എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.ഈ കൃതി പരിഭാഷപ്പെടുത്തിയത് സഖാവ് ബിനോയ് വിശ്വമാണ്.

1983- തിരഞ്ഞെടുത്ത കൃതികൾ -1 – ജ്യോർജി ദിമിത്രോവ്

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

ബൾഗേരിയായിലെ ട്രേഡ് ‌യൂണിയൻ-കമ്മ്യൂണിസ്ററ് പ്രസ്ഥാനത്തിൻ്റെ പ്രണേതാക്കളിൽ പ്രമുഖനായിരുന്നു ജ്യോർജി ദിമിത്രോവ്.നാലു പതിറ്റാണ്ടിലേറെ നീണ്ടുനിന്ന ക്ലേശ പൂർണവും,ത്യാഗോജ്‌ജ്വലവും ആയ സമരത്തിലൂടെ ബൾഗേരിയായിലെ തൊഴിലാളികളേയും കൃഷിക്കാരേയും വിജയകരമായ വിപ്ലവത്തിലേക്ക് അദ്ദേഹം നയിച്ചു.സോഷ്യലിസ്റ്റ് ബൾഗേരിറിയയുടെ ഒന്നാമത്തെ പ്രസിഡൻറും പ്രധാനമന്ത്രിയുമെന്ന നിലയിൽ സ്വന്തം മാതൃഭൂമിയിൽ പുതിയ സോഷ്യലിസ്ററ് സമൂദായം പടുത്തുയർത്തിയ ധീരനായ വിപ്ലവകാരിയാണ്.

ദിമിത്രോവിൻ്റെ ലഘു ജീവചരിത്രം,ബൾഗേരിയൻ കമ്മ്യൂണസ്ററ് പാർട്ടിയുടെ ജനറൽ സെകട്ടറിയും,സോഷ്യലിസ്ററ് ബൾഗേ
രിയയുടെ പ്രസിഡൻറുമായ സഖാവ് ഷിവ് ക്കൊവ് എഴുതിയ ഒരു അനുസ്മ‌രണം, അദ്ദേഹത്തിൻ്റെ ജീവിതത്തിലെ ഒരു വഴിതിരിയൽ ഘട്ടമെന്നു പറയാവുന്ന റൈഷ് സ്ററാഗ് തീവയ്പു കേസ് വിചാരണ സംബന്ധിച്ച രേഖകൾ എന്നിവ ഒന്നാം വോള്യത്തിൽ ഉൾപ്പെടുത്തിയിരിക്കുന്നു. ഒരു കമ്മ്യൂണിസ്ററ് വിപ്ലവകാരിയുടെ ആത്മവിശ്വസവും ശുഭപ്രതീക്‌ഷയും ഭാവി സംഭവ വികാസങ്ങളെ ശാസ് (തീയമായി ദീർഘദർശനം ചെയ്യാനുളള കഴിവും ഈ വോള്യത്തിൽ കൊടുത്തിട്ടുളള കൃതികളിലുടനീളം കാണാൻ സാധിക്കുന്നു.ഇത് പ്രസിദ്ധീകരിച്ചിരിക്കുന്നത് പ്രഭാത് ബുക്ക് ഹൗസ് ആണ്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: തിരഞ്ഞെടുത്ത കൃതികൾ- വോള്യം1
• രചയിതാവ് :ജ്യോർജി ദിമിത്രോവ്  
• പ്രസിദ്ധീകരണ വർഷം: 1983
• താളുകളുടെ എണ്ണം: 226
• അച്ചടി: Sandhya Printers, Kunnukuzhi, Trivandrum
• സ്കാൻ ലഭ്യമായ ഇടം: കണ്ണി

 

1935-ൽ പ്രസിദ്ധീകരിച്ച, തൈക്കാട്ടു ചന്ദ്രശേഖരൻ നായർ രചിച്ച വിനീതവിഭവം എന്ന പുസ്തകത്തിൻ്റെ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്

തൈക്കാട്ടു ചന്ദ്രശേഖരൻ നായർ എഴുതിയ ഇരുപതു കവിതകളാണ് ഈ പുസ്തകത്തിലുള്ളത്. എഴുത്തുകാരനെ കുറിച്ചുള്ള മറ്റു വിവരങ്ങൾ പൊതു ഇടത്തിൽ ലഭ്യമല്ല

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: വിനീതവിഭവം
• രചയിതാവ് : തൈക്കാട്ടു ചന്ദ്രശേഖരൻ നായർ
• പ്രസിദ്ധീകരണ വർഷം: 1935
• താളുകളുടെ എണ്ണം: 80
• അച്ചടി: Anantha Rama Varma Press, Fort, Thiruvananthapuram
• സ്കാൻ ലഭ്യമായ ഇടം: കണ്ണി

1964-ൽ പ്രസിദ്ധീകരിച്ച, ഓം പ്രകാശ് മന്ത്രി എഴുതിയ മാവോവിൻ്റെ ചൈനയിൽ അഞ്ചു വർഷം എന്ന പുസ്തകത്തിൻ്റെ ഡിജിറ്റൽ സ്കാൻ ആണ് ഈ പോസ്റ്റിലൂടെ പങ്കു വെക്കുന്നത്.

രചയിതാവ് പീക്കിങ്ങിൽ വിദേശ ഭാഷാ ഇൻസ്റ്റിറ്റ്യൂട്ടിൽ ഹിന്ദി ട്രാൻസ്ലേറ്ററായി കുടുംബസമേതം താമസിച്ച സമയത്ത് അദ്ദേഹത്തിൻ്റെ വ്യക്തി പരമായ അനുഭവസമ്പത്തിൻ്റെ അടിസ്ഥാനത്തിൽ രചിക്കപ്പെട്ട കൃതിയാണിത്. ചൈനയുടെ ആശയപരവും, രാഷ്ട്രീയവുമായ നയങ്ങളിൽ വന്ന മാറ്റങ്ങൾ, സോവിയറ്റ് യൂണിയനോടും ഇന്ത്യയോടും തെറ്റായ സമീപനങ്ങൾ കൈ കൊള്ളാനുണ്ടായ സാഹചര്യങ്ങൾ, സോഷ്യലിസ്റ്റ് പരിപാടികൾ നടപ്പിൽ വരുത്തുന്നതിൽ ചൈനക്ക് തെറ്റു പറ്റിയിട്ടുണ്ടോ തുടങ്ങിയ കാര്യങ്ങൾ ആണ് പുസ്തകത്തിൻ്റെ ഉള്ളടക്കം

കൊല്ലം അയത്തിൽ സാഹിത്യവിലാസിനി ഗ്രന്ഥശാലയാണ് ഈ പുസ്തകം ഡിജിറ്റൈസേഷനായി നൽകിയിട്ടുള്ളത്.

മെറ്റാഡാറ്റയും ഡിജിറ്റൽ പതിപ്പിലേക്കുള്ള കണ്ണിയും

• പേര്: മാവോവിൻ്റെ ചൈനയിൽ അഞ്ചു വർഷം
• രചയിതാവ് : Om Prakash Manthri
• പ്രസിദ്ധീകരണ വർഷം: 1964
• താളുകളുടെ എണ്ണം: 118
• അച്ചടി: Shahul’s Press and Publications, Trivandrum
• സ്കാൻ ലഭ്യമായ ഇടം: കണ്ണി